Universiteti Barleti në konceptet e modeleve bashkëkohore të zhvillimit, për shtyllën e edukimit vepron e zhvillohet si Universiteti Sipërmarrës.

UB si universitet bashkëkohor sipërmarrës formatohet si vijon:

- Ai merr një rol proaktiv duke vënë dijen në një pozicion të ri - dije në përdorim për të krijuar njohuri të reja të domosdoshme për t’u shndërruar në sipërmarrje, në një ambient konkurrues në ndryshim. Ndërkohë që biznesi në zhvillim rrit nivelin teknologjik dhe kërkesën për dije dhe aftësi të reja, qeveria del në rolin e sipërmarrësit publik dhe financuesit. Inovacioni i dalë nga korniza e brendëshme e ndërmarrjes, si një aktivitet gjithëpërfshirës përfshin dhe universitetin, që luan një rol aktiv në zhvillimin shoqëror dhe ekonomik.

- UB si Universitet Sipërmarrës:

• zhvillon dhe mbështet programe bashkëkohore të niveleve të ndryshme përfshi dhe ato profesionale, që edukojnë aftësi e cilësi sipërmarrëse, që përgatisin jo vetëm specialistë por krijues e drejtues biznesesh e organizmash, lojtarë aktivë në zhvillimet shoqërore e ekonomike të vendit.
•  nxit kapacitetet dhe talentet e studentëve për ide të reja sipërmarrëse,  që të dalin nga auditorët e tij si punëkrijues e punëdhënës, dhe jo vetëm si punëmarrës në tregun e punës.
• Edukon dhe formon, jo vetëm individët por dhe organizmat e organizatat e ndryshme, nëpërmjet programeve të pasur e komplekse të sipërmarrjes, mekanizmave bashkëkohore të sipërmarrjes si inkubatorët e akselaratorët, në një ekosistem me hapësira si parqe teknologjike e shkencore, colab, venture kapital, etj.
• Ndihmon në gjenerimin e teknologjive të reja, duke u kthyer nga vetëm burim i kapaciteteve njerëzore dhe dijeve, por edhe në burim të gjenerimit dhe transferimit të teknologjisë.

Pra UB si Universitet Sipërmarrës është tashmë një burim në rritje i zhvillimit ekonomik rajonal / kombëtar / qytetar / individual. Ky është një avantazh konkurues i UB në tregun e institutëvë të edukimit të lartë.
Drejtimet konceptuale kryesore ku mbështetet Universiteti Sipërmarrës ravijëzohen si vijon:

• Quadruple Helix
• Ekonomi e bazuar në dije
• E ardhmja dixhitale
• Laboratorë të Jetës
• Sipërmarrje konkurruese
• Fonde dhe financime
• Startup dhe spin-off
• Inkubatorë e akseleratorë