Përfaqësues të Universitetit Marin Barleti, të organizatës MJAFT dhe UNICEF, vizituan shkollën 9-vjeçare “Bajram Curri” në kryeqytet, në Ditën Ndërkombëtare të Vullnetarëve.

Me rastin e kësaj dite si dhe në kuadrin e fushatës “Shqipëria lexon”, UMB në bashkëpunim me Shtëpinë botuese DUDAJ, dhuroi qindra libra pranë bibliotekës së shkollës “Bajram Curri”, që gjendet në një zonë me vështirësi ekonomike (si ajo periferike e Tiranës).

Kultura nuk ka çmim. Por librat po.
Ndaj për UMB ishte kënaqësi të kontribuonte në shpërndarjen falas së tyre, të asistonte në aktivitetin e nxënësve të kësaj shkolle ku përmes këngës, kërcimit dhe recitimit ata u impenjuan në një shfaqje të ngrohtë me një shpirt të pastër e të pasur.

Universiteti Marin Barleti konfirmon gjithashtu prezencën dhe angazhimin e tij në iniciativa që mbështesin nevojat e komunitetit në të ardhmen.