Dekani i Studentëve punon për të siguruar programe e shërbime për studentët duke filluar nga regjistrimi i kandidatëve si studentë, përgjatë procesit mësimor, aktiviteteve mbështetëse dhe nëpërmjet aktiviteteve Alumni. Ai shërben si urë lidhëse midis studentëve dhe personelit akademik dhe administratës së UMB-së nga një anë dhe studentëve dhe komunitetit nga ana tjetër. Në bashkërendim me strukturat vendimarrëse të institucionit, propozon politika të reja me qëllim krijimin e një atmosfere komode dhe nxitëse për studentët.

VETORGANIZIMI  STUDENTOR

Senati Studentor është një strukturë e ngritur dhe e drejtuar nga vetë studentët e UMB me qëllim përfaqësimin. Çdo student ka të drejtë të jetë anëtar i Senatit Studentor dhe të ketë të drejta, detyrime dhe përgjegjësi të caktuara. Duke vepruar si zëri i të gjithë studentëve të UMB, kjo strukturë është një urë e fortë lidhëse midis studentëve dhe stafit akademik dhe administrativ. Klubet Studentore janë gjithashtu një formë dhe mundësi tjetër përfaqësimi.

SHERBIME DHE MBESHTETJE

Në UMB studentët mbështeten në integrimin social dhe emocional, sigurinë juridike dhe ekonomike, me qëllim lehtësimin e zhvillimit maksimal të potencialit të tyre. Studentët lehtësohen në aksesin dhe përdorimin e çdo shërbimi mbështetës në universitet, me qëllim lehtësimin e rritjes akademike dhe sociale. Fokusi kryesor është krijimi i rrjeteve të komunikimit dhe bashkëveprimit, sidomos përmes ndërveprime me studentë të universiteteve të tjera, brenda dhe jashtë Shqipërisë.

BARLETAS NE KOMUNITET

Aktivizmi rinor dhe përgjegjshmëria qytetare janw ndër politikat më të rëndësishme të fuqizimit të studentëve në UMB. Studentwt mbështeten në iniciativa, qw i ndërlidhin ata me komunitete të ndryshme, edhe me bashkwpunimin me partnerët e UMB. Nw kwtw mwnyrw mundësohet aftësimi social dhe sipërmarrës i studentëve si dhe i paraprihet njohjes me tregun potencial të punës në të ardhmen. UMB garanton që çdo student të ketë mundësi të barabarta për të zhvilluar këto aftësi.