 |
|
|
|
|
|
|
|
| |
| SONDAZH |
| |
Jep edhe ti
mendimin tënd! |
| |
|
 |
|
|
 |
|
|
|
| Statusi dhe Karta e Studentit |
|
Statusi i studentit
Statusi i studentit të Universitetit Barleti (Aneksi 1, bashkëngjitur "Statusi i studentit") fitohet me regjistrimin e studentit në Universitetin "Marin Barleti". Në të përcaktohen të drejtat dhe shërbimet kryesore të studentëve, si dhe kushtet në të cilat studenti humbet statusin e tij.
Të drejtat, detyrimet dhe shërbimet kryesore që përmban statusi i studentit barletas, u përmbahen kërkesave të neneve 53 e 54 të Ligjit "Për arsimin e lartë në Republikën e Shqipërisë" (LAL), si dhe statutit të universitetit Barleti.
Me marrjen e diplomës, ose certifikatës së studimeve, studenti humbet Statusin e studentit (neni 53, LAL) dhe fiton "Statusin e studentit Alumni" (Aneksi 2, bashkëngjitur "Barletasit Alumni").
Statusi i studentëve rishikohet e pasurohet periodikisht në raport me zgjerimin e gamës së shërbimeve të universitetit dhe nëse këtë e kërkojnë forumet e këshillave dhe shoqatave studentore të Universitetit "Marin Barleti".
Karta e studentit
Studentët e Universitetit "Marin Barleti" pajisen me kartën e studentit, bazuar në procedurat dhe kriteret e përcaktuara nga Ministria e Arsimit dhe Shkencës. Karta e studentit është dokument unik. Në të shënohet numri unik i matrikullimit që i jepet studentit në momentin e regjistrimit dhe që e shoqëron atë deri në përfundimin e studimeve.
Kartat e studentit të Universitetit "Marin Barleti" u ofron atyre edhe shërbime me tarifa të reduktuara (si restorante, librari, palestra etj.), të subjekteve dhe institucioneve me të cilat ai ka marrëveshje bashkëpunimi.
Veç përfitimeve dhe shërbimeve që mbart karta e studentit e që sigurohen nga entet shtetërore (në përputhje me kriteret e vendosura nga Këshilli i Ministrave), karta e studentit barletas mbart një sërë shërbimesh të veçanta brenda universitetit e jashtë tij (Aneksi 3, bashkëngjitur "Karta e studentit"). |
|
|
|
|
