Universiteti "MARIN BARLETI"

Aplikimi është procesi i shprehjes së interesit të studentit që ka mbaruar arsimin e mesëm për të vijuar studimet universitare në degën e përzgjedhur prej tij. Universiteti në bazë të mundësive si edhe kërkesave të shprehura në aplikimet që merr, planifikon hapjen dhe numrin e studentëve në degë/minore. Për këtë arsye aplikimet për në universitet këshillohet të paraqiten sa më shpejt. Afati i mbylljes së aplikimeve është si më poshtë:

Universiteti “Marin Barleti” gjithashtu merr parasysh aplikantët të cilët nuk kanë marrë akoma rezultatet e provimeve të fundit. Ata do të pranohen në një bazë rezerve dhe duhet të sigurojnë që dokumentat e mbetura të kërkuara nga universiteti të paraqiten tek Zyra e Pranimeve para se të regjistrohen.

Për të aplikuar të interesuarit i duhet të plotësojë vetëm formularin e aplikimit që mund të merret pranë UMB-së ose të shkarkohet me poshtë.

në mënyrë të drejtpërdrejt duke vizituar UMB-në dhe duke plotësuar formularin e aplikimit me ndihmën e Zyrës së Pranimit dhe Karrierës;
nëpërmjet internetit duke shkarkuar formularin e aplikimit dhe duke dërguar formularin e plotësuar në adresën info@umb.edu.al.
me anën e postës duke dërguar formularin e aplikimit me postë në adresën e UMB-së, për Zyrën e Pranimit dhe Karrierës.
me anën e telefonimit në Zyrën e Pranimit dhe Karrierës, ku formulari i aplikimit do të plotësohet nga personat përgjegjës të kësaj zyre, mbështetur në të dhënat që do të jepni në bisedën telefonike.
me faks, duke dërguar në Zyrën e Pranimit dhe Karrierës formularin e plotësuar më parë nga ju.

Aplikimi vlerësohet nga Zyra e Pranimit dhe Karrierës dhe ju kontaktoheni në bazë të të dhënave të formularit të aplikimit, për hapat e mëtejshëm që duhet të ndiqni për t’u pranuar si student i UMB-së.