Studentëve që vijnë nga shkollat e mesme publike ose jopublike dhe që regjistohen në një nga degët e universitetit “Marin Barleti“ u akordohen bursa të plota njëvjecare. Akordimi i bursave bëhet bazuar në notën mesataren të tyre gjatë viteve të shkollës së mesme. Bursa të tilla aplikohen edhe për kurset e verës dhe llogariten në bazë të krediteve që përmban kursi. 

Për vitin akademik 2008 – 2009 ofron bursa Grupi “Dudaj“.

Grupi “Dudaj“ ofron 5 bursa të plota për studentët më të mirë (gjithmonë bazuar në rezultatet e maturës shtetërore) respektivisht 1 për secilën diplomë.

Për të përfituar nga këto bursa, studenti duhet të plotësojë një formular të veçantë icili mund të shkarkohet nga faqja në internet e UMB-së ose mund të meret në sekretarinë mësimore të universitetit. Të gjitha aplikimet shqyrtohen më pas nga një komision i veçantë i përbërë nga akademikë dhe përfaqësues të Grupit “Dudaj“.

Bursa është vlerësim njëvjecar. Ridhënia e saj shqyrtohet në fund të çdo viti akademik ose përpara fillimit të vitit të ardhshëm akademik. Bursën e përfiton gjithmonë studenti që ka arritur rezultatet më të larta në renditje (duke patur parasysh numrin e bursave). Kjo do të thotë që në vitin pasardhës studenti edhe mund të humbasë bursën e plotë.  

Edhe gjatë vitit akademik 2008 – 2009, Universiteti “Marin Barleti” do të ofrojë dy bursa të plota studimi për ata studentë që regjistrohen në një nga degët e këtij universiteti dhe që janë pjesëtarë të ekipit “Marin Barleti Voley”, ose që bëjnë pjesë në ekipe të tjera kombëtare, ku ata përfaqësojnë vendin në mënyrë të suksesshme.

Personat që janë të interesuar për të përfituar nga ky program duhet të plotësojnë formularin, i cili meret në sekretarinë mësimore të universitetit dhe dorëzohet së bashku me dokumentat mbështetëse deri më datën 7 tetor.

Përzgjedhja bëhet nga një komision ad-hoc me përfaqësues të grupit të investitorëvet, trupës akademike dhe trajnerit të ekipit. Kriteret e përzgjedhjes përfshijnë performancën sportive dhe notën mesatare të studentit mbi 8.0.

Gjatë vitit akademik 2008 – 2009, studentë që regjistrohen në një nga degët e Universitetit “Marin Barleti“ dhe që kanë krijuar një personalitet të spikatur në fushën e artit, kulturës, gazetarisë, medias, bazuar dhe në rezultatet e tyre të shkollës së mesme apo vitit aktual akademik mund të përfitojnë nga 2 bursat e plota që ofrohen për këtë kategori.

Universiteti “Marin Barleti” ofron 2 bursa të plota studimi për studentët që vijnë nga shkollat e mesme publike, të cilët kanë rezultate shumë të mira dhe që vërtetojnë me dokumenta mbështetëse se kanë vështirësi serioze financiare.

Studentët e përzgjedhur do ta ruajnë këtë përfitim deri në diplomimin e tyre, për aq kohë sa ata bëjnë progres të kënaqshëmn drejt arritjes së rezultateve shumë të mira dhe ruajtjes së tyre.  

Gjithashtu, për ata studentë të Universitetit “Marin Barleti“, të cilët nderohen me çmime të ndryshme në aktivitete sportive kombëtare ose ndërkombëtare jepet një çmim (ofertë monetare). Këto mund t’i përfitojnë ata studentë të UMB-së të cilët në aktivitete të ndryshme artistike – kulturore, kombëtare ose ndërkombëtare konkurrojnë dhe nderohen me çmime të ndryshme.

Përzgjedhja bëhet nga një komison i veçantë ad-hoc me përfaqësues nga grupi i investitorëve, trupa akademike dhe personalitete të fushës së artit dhe kulturës. Për më shumë informacion drejtohuni pranë sekretarisë mësimore ose zyrës për çështjet studentore të Universitetit “Marin Barleti“.