Njoftim për punësim personeli akademik

Njoftim për punësim personeli akademik - Universiteti "Barleti"

Njoftim për punësim personeli akademik

2019-07-15

“Universiteti Barleti”, në kuadër të procesit të plotësimittëpersonelitakademik, kërkontëpunësojë personel akademik efektiv, në pozicion pune me përshkrimin:

Personel akademik efektiv pranë Departamentit të Arkitekturës dhe Shkencave Kompjuterike

Kandidati fitues do të ketë si përgjegjësi zbatimin e të gjitha detyrimeve që përcaktohen në ligjin nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, si dhe zbatimin e detyrimeve që përcaktohen në statutin dhe rregulloret e “Universitetit Barleti” për pozicionin që do të mbulojë.

Kandidati duhet të përmbushë këto kritere:
• Të jetë i diplomuar në fushën e Arkitekturës/ Inxhinierisë së Ndërtimit/ Dizajnit/ Mekanikë/ Energjitikë;
• Të ketë së paku gradën shkencore “Doktor”;
• Të ketë përvojë në mësimdhënie në fushat e kërkuara;
• Të ketë përvojë në kërkim shkencor;
• Të jetë njohës i të paktën një gjuhë të huaj.

Kandidatët aplikues, deri në datën 31 Korrik 2019, duhet të dorëzojnë pranë Zyrës së Burimeve Njerëzore në “Universiteti Barleti”, Rr.e Kosovarëve, Tiranë, në formë të printuar ose në adresën elektronike [email protected], dokumentacionin e mëposhtëm:

• Kopje të noterizuar të diplomave dhe listës së notave të studimeve universitare dhe pasuniversitare;
• Një CV të përditësuar, në gjuhën shqipe dhe angleze, në formatin Europass;
• Një letër interesi për pozicion për të cilin aplikon;
• Një kopje të një: 1- punimi shkencor dhe 2- sylabusi të hartuar personalisht për njërën nga fushat e përcaktuara në lajmërim;
• Dy kontakte reference. (opcionale)

Vetëm kandidatët të cilët plotësojnë kriteret e mësipërme dotë njoftohen për një intervistë individuale me Komisionin ad hoc të ngritur për këtë proces përzgjedhjeje.