Në ditët e sotme, si kurrë më parë karriera e avokatisë përbën një nga profilet me perspektiv të gjerë zhvillimi në kuadër të transformimeve dhe mundësive që shpalosen nga reforma në sistemin e drejtësisë.
Në këtë drejtim u zhvillua në mjediset e Universitetit Barleti, leksioni i hapur i Departamentit të Drejtësisë me një nga profesionistët më të spikatur në
praktikën gjyqësore dhe akademike në fushën e avokatisë, Prof. Asoc. Dr. Ervin Pupe, me temë “Profesioni i avokatisë në sistemin shqiptar të drejtësisë”.
Prof. Asoc. Dr. Ervin Pupe, në kuadër të funksioneve të tij si Drejtor i Shkollës së Avokatisë dhe Anëtar i Komitetit Drejtues të Dhomës Kombëtare të Avokatisë, ofroi një panoramë shumëplaneshe mbi rolin dhe misionin e profesionit të lirë të avokatisë në sistemin e drejtësisë dhe kontributin formues të Shkollës së Avokatisë, e plotësuar me përgjigje mbi çështje të shumta që gjetën interesin e gjerë të të gjithë pjesëmarrësve në këtë aktivitet.
Në përfundim të aktivitetit, Prof. Asoc. Dr. Ervin Pupe, dhuroi me titull personal, edhe një set librash të rëndësishëm që do të pasurojnë më tej fondin e gjerë të bibliotekës së Universitetit Barleti.