"Universiteti Barleti" dhe Instituti Shqiptar i Sociologjisë organizuan në datat 17 dhe 18 Nëntor 2017 Konferencën Shkencore me temë: "Shoqëria e mirë, një përqasje multidimensionale".
Në këtë konferencë morrën pjesë rreth 220 pjesëmarrës nga 25 shtete të botës, si:
Shqipëri, Bullgari, Kameruni, Kanada, Hong Kong, Kroaci, Republika Çeke, Etiopi, Maqedoni, Greqi, Hungari, Indi, Indonezi, Itali, Kosovë, Nigeri, Poloni, Portugali, Rumani, Rusi, Slloveni, Zvicër, Turqi, Ukrainë dhe Mbretëria e Bashkuar.
Konferenca “Shoqëria e mirë, një përqasje multidimensionale”, nisi me seancën plenare me referues kryesorë: Prof. Dr. Servet Pëllumbi, president i Institutit Shqiptar të Sociologjisë, Prof. Dr. Marenglen Spiro, Rektor i "Universiteti Barleti”,Prof. Lap YAN KUNG, Chinese University of HONG KONG, Prof. Annette MICHELSEN LA COUR, University of Southern Denmark, kjo seancë u moderua nga prof. Dr. Leke SOKOLI, Drejtor ekzekutiv i Institutit Shqiptar të Sociologjisë.
Në përfundim të seancës plenare u shpallën disa çmime me rastin e 30 vjetorit tëzhvillimit të Sociologjisë në Shqipëri (1987-2017) dhe 20 vjetorit të revistës Studime Sociale (1997-2017), revistë themeluar nga Instituti Shqiptar i Sociologjisë.
Konferencën Shkencore e pasuan 5 sesione speciale tematike, tre prej të cilave u zhvilluan ditën e premte, dt. 17 Nëntor, përkatësisht: Teoria dhe praktika e shoqërisë së mirë; Shëndeti publik dhe shoqëria e mirë; Shkencat sociale dhe shoqëria e mirë, dhe dy sesione u zhvilluan ditën e shtunë, dt. 18 nëntor, përkatësisht: Edukimi dhe shoqëria e mirë dhe studentët dhe shoqëria e mirë, ku Z. Mark SMALL, profesor nëClemson University, Karolinën e Jugut, SHBA dhe studentët Barletas prezantuan punimet e tyre në këto sesione.
Referimet shkencore të 13 sesioneve paralele tematike të zhvilluara gjatë dy ditëve në të dy kampuset e "Universiteti Barleti", e kthyen këtë Konferencë në një model të suksesshëm.