Rruga drejt profesionit të kontabilistit

Rruga drejt profesionit të kontabilistit - Universiteti "Barleti"

Rruga drejt profesionit të kontabilistit

2016-05-20

Departamenti i Ekonomisë dhe Financës në bashkëpunim me Këshillin Kombëtar të

Kontabilitetit më 18 maj 2016 organizoi në mjediset e “Universiteti Barleti”

Workshopin me temë “Rruga drejt profesionit të kontabilistit: Nga banka e shkollës tek

tavolina e punës”. Të pranishëm nga Këshilli Kombëtar i Kontabilitetit ishin Kryetari Prof.

Jorgji Bollano, drejtoresha ekzekutive Dr. Elira Hoxha dhe inspektorja për standardet

ndërkombëtare të kontabilitetit Msc. Lirola Keri. Përfaqësues nga Instituti i Ekspertëve Kontabël

të Autorizuar ishte drejtoresha ekzekutive zj. Elvira Hoxha dhe përfaqësues nga këshilli i

drejtimit të Shoqatës së Kontabilisteve dhe Financierëve të Shqipërisë ishte z. Taulan Merkuri.

Ndërsa nga profesorati i UB-s morën pjesë dekani i Shkencave të Aplikuara dhe Ekonomisë

Prof. As. Semiha Loca, Prof. Nevruz Koçi, Drnt. Eugen Musta, Msc. Brikena Tolli, Msc.

Miranda Berdo, Drnt. Teuta Nunaj.

Fjalën e hapjes e mori shefi i departamentit Prof. Nevruz Koçi i cili pasi falenderoi të ftuarit dhe

pjesmarrësit i’a dha fjalën prof. Bollanos.

Profesor Bollano foli për statusin dhe funksionin e KKK si dhe për reformën në fushën e

kontabilitetit e cila i është përshtatur nivelit të zhvillimit ekonomik ndër vite.

Pas një prezantimi të bërë nga zj. Berdo të programeve të ciklit të dytë të studimit që UB

ofron, diskutimi u ndal në masterin profesional në profilin Financë Kontabilitet i cili u jep

mundësi studentëve të ndjekin rrugën e profesionit të Kontabilistit.

Workshop-i solli më afër studentëve rregullatorët dhe organizmat profesional të fushës së

raportimit financiar të cilët paraqitën para studentëve një tablo të plotë të rrugës që duhet të

ndiqet drejt profesionit të kontabilistit të miratuar dhe audituesit ligjor. Gjithashtu referuesit

theksuan rëndësinë e impenjimit serioz dhe vullnetit që duhet për të arritur këto stade

profesionale e për të qenë i suksesshëm.

Gjatë prezantimit u vu re një interes i lartë i studentëve të cilët shuan kureshtjen e tyre duke u

drejtuar disa pyetje panelin prezantues

Fjalën e mbylljes e mbajti Prof. Koçi i cili falenderoi të ftuarit dhe ftoi studentët të jenë më të

vëmendshëm drejt sfidave të këtij profesioni.