Eksperienca evropiane, italiane dhe shqiptare për "Të drejtën e azilit" në një seminar në UB

Eksperienca evropiane, italiane dhe shqiptare për "Të drejtën e azilit" në një seminar në UB - Universiteti "Barleti"

Eksperienca evropiane, italiane dhe shqiptare për "Të drejtën e azilit" në një seminar në UB

2014-11-14

Ditën e premte më 14 nëntor, Fakulteti i Drejtësisë I “Universiteti Barleti” organizoi seminarin e përbashkët me Universitetin e Breshias me temë "E drejta e azilit".

Trajtimi i një teme kaq të rëndësishme dhe aktuale për realitetin jo vetëm shqiptar dhe Italian, por dhe atij rajonal dhe evropian u mundësua nga ndërhyrjet magjistrale të referuesve pjesëmarrës: Prof. Saverio Regasto (Universiteti i Breshas), Phd, Ledian Droboniku (Universiteti Barleti) dhe Drnt. Elton Xhanari.

Në seminar profesori Italian Regasto referoi për pjesëmarrësit temën e së drejtës së azilit në eksperiencën kushtetuese italiane (Il diritto d'asilo nell'esperienza costituzionale italiana), ndërsa të njëjtën temë në eksperiencën juridike shqiptare e paraqiti Phd Ledian Droboniku. Drnt. Elton Xhanari referoi për të drejtën e azilit ne legjislacionin e Bashkimit Evropian.

Falenderojmë pedagogët dhe studentët e UB- së, që, me pjesmarrjen aktive, me pyetjet dhe diskutimet e zhvilluara bënë që eventi të realizonte plotësisht qëllimet e tij në sensibilizimin e një prej argumenteve madhore që karakterizon shoqërinë bashkëkohore shqiptare!