Instituti Shqiptar për Çështjet Publike (AIPA), në bashkëpunim me Universitetin e Arkansas (SHBA), Shkolla Klinton për Shërbime Publike zhvilluan një seminar dy-ditor për zhvillimin profesional në datat 30 dhe 31 korrik 2014. Pjesëmarrës në trajnim ishin përfaqësues të OJF-ve dhe Universitetit Barleti. Modulet e trajtuara janë:
- Aftësitë e gjuhës angleze për të shkruar për një kërkesë për grant dhe publikime profesionale
- Planifikim Programi dhe teknikat e të shkruarit të projektit
Lektorë ishin përkatësisht Luka Frauenthal dhe Antoinette Schicchi studentë të diplomuar në Universitetin e Arkansas, Shkolla Klinton e Shërbimeve Publike që ndjekin një Master për Shërbimit Publik.
Drejtori i Instituti Shqiptar për Çështjet Publike, Dr. Dorian Jano, pasi foli për bashkëpunimin midis Universitetit Barleti dhe Universitetit të Arkansas, Shkolla Klinton prezantoi dy lektorët, dhe temat që do të trajtonin.
Dita e parë e trajnimit u zhvillua nga Luka Frauenthal, që e filloi me një ushtrim të përbashkët për të gjithë grupin për të thyer akullin. Me tej shpjegoi me shembuj të larmishëm mënyrat e të shkruarit të gjuhës angleze, dhe veçoritë e përdorura sipas llojit të materialit të shkruar, duke u ndalur në kërkesën për të argumentuar një financim projekti e cila duhet të jetë e qartë dhe e saktë për tu kuptuar nga vendimmarrësit.
Metoda e përdorur në shpjegimin e çështjeve ishte interesante me shumë shembuj e forma të ndryshme paraqitjeje për të tërhequr vëmendjen e pjesëmarrësve dhe bashkëpunuese.
Në fund trajnuesi i ndau pjesëmarrësit në grupe pune duke i dhënë një tekst anglisht me fraza të gjata për të rindërtuar frazat në mënyrë të thjeshtë e të kuptueshme në mënyrë që projekti i paraqitur te donatori të jetë i justifikuar sa më mirë.
Ndërsa ditën e dytë, Antoinette Schicchi shpjegoi mënyrat e hartimit të një projekt propozimi duke u ndalur në të gjitha fazat e tij. Pjesëmarrësit u ndanë në tre grupe dhe përgatitën propozimet e tyre për faza të ndryshme të projektit të cilat u gjykuan nga një grup i katërt në se e kalonin fazën e financimit ose jo.
Ishte një trajtim i këndshëm, pjesëmarrës dhe me informacion të qartë e të dobishëm për mënyrën e hartimit të një projekt propozimi për shërbimet publike.