Kanali i Lajmeve dhe Aktiviteteve te Universitetit Marin Barleti

Leksion të hapur me temë: Demografia e Shqipërisë dhe ndryshimet e fundit.

Instituti Shqiptar për Çështje Shqiptare në bashkëpunim me Fakultetin e Ekonomisë dhe Financës, të Universitetit Marin Barleti ka nderin dhe kënaqësinë që të kenë të ftuar:

Z. François BEGEOT

Delegacioni i BEsë në Shqipëri në një leksion të hapur me temë demografia e Shqipërisë dhe ndryshimet e fundit.

Leksioni i hapur zhvillohet ditën e hënë, 27 maj 2013, në orën 11:30, pranë Universitetit Marin Barleti (kampusi I)

Jeni të mirëpritur të merrni pjesë të gjithë!

Fjalimi i Administratores së Deleguar të Universitetit Marin Barleti Znj. Adriana Berberi në ceremoninë e hapjes së EDUSA

I nderuar zoti Ambasador i SH.B.A –së, Shkëlqesia juaj Z. Aleksander Arvizu,
Të nderuar miq dhe të ftuar
Të nderuar studentë
Të nderuar nxënës të shkollave të mesme
Të nderuar kolege

Ndjehem e privilegjuar sot t’i uroj mireseardhjen në Universitetin “Marin Barleti”, me rastin e ceremonisë zyrtare për hapjen e qendrës së këshillimit për arsim (EducationUSA Advising Center) , Ambasadorit të vendit tim, në vendim tim, zotit Arvizu.

Një vit më parë, bashkë me stafin punonim për të paraqitur një projekt propozim sa më të mirë dhe konkurues për këtë qendër, të ndërgjegjshëm se ajo do të kishte vlera të mëdha edukimi për të gjithë të interesuarit pavarësisht nga mosha, apo niveli i shkollimit.
Ishim të bindur që përpara universiteti tonë qëndronte një sfidë e re; këshillimi i paanshëm, i saktë, dhe i hapur për të gjithë të interesuarit për të studjuar në Amerikë, ëndër kjo, jo vetëm e shqiptarëve por e të gjithë të rinjve në botë.

Besuam në aftësitë tona, përvojën dhe stafin tonë akademik e administrativ. Universiteti “Marin Barleti “është shumë i ri, si të gjithë universitet e tjera private në Shqipëri, vetëm 8 vjeç. Një fëmijë që po rritet shpejt i ushqyer nga dija, kujdesi e përkushtimi. Dhe si për çdo fëmijë, ngjarjet e jetës së tij kanë qenë të shumta duke shënuar në ditarin e tij momente të rëndësishme, arritje, suksese, sfida dhe kontribute në fushën akademike, kërkimore, botuese, komunitare etj. Është pa dyshim e pa mundur t’i rendis të gjitha, prandaj do të ndalem vetëm në disa prej tyre. Kemi organizuar shumë konferenca kombëtare, rajonale, dhe ndërkombëtare, duke u udhëhequr nga parimi dhe detyrimi që akademiket duhet të diskutojnë dhe trajtojnë problemet e rëndësishme të vendit dhe t’i japin rrugë zgjidhje atyre.

Auditoret tana kanë shërbyer si tryezë e debatit ndër ekspertë, kërkues e studjues, politikanë dhe analistë për urat e bashkëpunimit ekonomik, kulturor, arsimor, etj. ndërmjet Shqipërisë, Kosovës dhe Maqedonisë; për historinë 10 vjeçare të Kushtetutës së Shqipërisë dhe ndikimet që do të sillnin ndryshimet kushtetuese në funksionimin e shtetit ligjor, mbi sfidat e integrimit europian të vendit, mbi legjislacionin zgjedhor dhe sistemin elektoral më të mirë për vendin, mbi të drejtat e njeriut dhe të minoriteteve, mbi problemet e barazisë gjinore dhe rolin e tyre në demokratizimin e jetës, mbi krizën ekonomike dhe ndikimin e saj në vendin tonë, Gjykatën Administartive si alternativë apo domosdoshmëri etj. Audiorët kanë shërbyer si vendi ku janë mbledhur e është debatuar për draft ligje të rëndësishme në fushën e të drejtës, të urbanistikës, administrimit të financave publike e buxhetit.
Me dhjetra janë titujt e botimeve dhe përkthimeve në gjuhën shqipe të tekseve akademike të realizuara nga botimet “Barleti” press.
Studentët dhe pedagogët e Universitetit Marin Barleti kanë patur nderin dhe kënaqësinë të degjojnë e diskutojnë me profesorë e akademikë të ftuar nga shumë universitete të huaja, të bashkebisedojnë me diplomatë e ambasadorë të akredituar në vendin tonë.

Ne e kemi konceptuar Universitetin tonë si një vend ku komunikimi me studentët nuk bëhet vetëm në auditor.
Çdo ditë ne synojmë që krahas punës dhe përpjekjeve për të edukuar dhe përgatitur ekonomistë e administratorë biznesi, informaticienë, juristë, psikologë, sociologë e politologë, të përgatisim mbi të gjitha qytetarë, të denjë për këtë vend, vajza dhe djem që në të përditshmen e tyre të karakterizohen nga qëndrimi aktiv, promovues dhe kritik.

Cilësia akademike, shprehitë praktike, formimi i studentëve të aftë për të konkuruar në tregun europian të punës, janë motivi ynë i përditshëm, është sfida e stafit të mrekullueshëem të universitetit “Marin Barleti”, ku spikasin individë me profil të lartë akademik dhe profesional në fushën e jurisprudencës, ekonomisë, shkencave shoqërore e atyre të aplikuara. Ekipi drejtues i universitetit është kujdesur gjithashtu që stafi akademik të jetë një kombinim brezash dhe shkollash.

Sistemi arsimor në Shqipëri, pa dyshim që përballet çdo ditë me sfidat e përmbajtjes së programeve, cilësisë, e standarteve. Universitetit tonë, si pjesë e sistemit privat të arsimit i duhet të përballet gjithashtu jo vetëm me to, por edhe me informalitetin, standartet e dyfishta, mungesën e rregullave të lojës, pse jo edhe korrupsionin. Por, ne e kemi bërë zgjedhjen tonë. Ajo është përpjekja e vazhdueshme për të përmirësuar përmbajtjen e programeve në bashkëpunim me partnerët ndërkombëtarë, me ekspertë lokalë të fushës, me grupet e interesit dhe biznesin vendas; aplikim i standarteve ndërkombëtare të mësimdhënies dhe mësimnxënies, kontroll, cilësi dhe vlerësim të brendëshëm në të gjitha fazat.

Në sajë të kësaj filozofie dhe këtij standarti, Universiteti “Marin Barleti” ka arritur të jetë një universitet i vlerësuar nga komuniteti, i vlerësuar nga partnerët ndërkombëtarë dhe i akredituar si institucion dhe për programet e studimi që ofron gjithashtu.
Pranë këtij universiteti funksionon qendra Pearson, si qendër e çertifikuar për testimin e gjuhës angleze të njohur ndërkombtarisht.
Ne krenohemi edhe për faktin se një ndër universitetet prestigjoze amerikane, Universitetit Clemson, ofron në bashkëpunim me ne, programin e doktoraturës për studime ndërkombetare të familjes dhe komunitetit,
Ne punojmë që emrin e humanistit të madh, Marin Barleti, që mban ky universitet ta meritojmë.

Kjo ditë është e shënuar për faktin se Universiteti “Marin Barleti” po hap dyert për të gjithë ata që duan të përfitojnë nga mundësitë e shumta për të studjuar në SHBA. Kjo ditë është akoma dhe më e shënuar sepse çdo individ i shkolluar me standarte akademike brënda apo jashtë vendit, është një garanci më shumë për ecjen përpara të vendit tonë.
20 vite demokraci, 20 vite të një tranzicioni të tejzgjatur si ky i yni, besoj se janë një arësye e mjaftueshme, për të kuptuar nevojën dhe domosdoshmërinë e pasurimit apo edhe të rifreskimit të elitave politike dhe drejtuese me individë të rinj, të shkolluar dhe të gatshëm për tu përballuar me sfida dhe për të marre përsipër misione.
Modeli i SHBA, modeli i politikës së këtij vendi, ku demokracia dhe respektimi i lirive dhe të drejtave të njeriut janë vendosur në piedestal, të vendit ku respektohet dhe vlerësohet ekonomia funksionale e tregut, vendit ku vlerat janë përcaktuese, por mbi të gjitha ku sistemi arsimor tregoi edhe në këto vite të tejzgjatura të krizës ekonomike botërore, se ishte më i konsoliduari, është modeli që ne duhet jo thjeshtë ta ëndërojmë, por të perpiqemi ta kemi.
Shkollimi dhe edukimi i vjueshëm është një nga rrugët për realizimin e tij.

Është nder dhe privilegj, por edhe më shumë përgjegjësi për ne, të jemi shtëpia e kësaj qendre të rëndësishme, dhe Shqipëria një prej 170 vendeve të EducationUSA.
Më lejoni të falenderoj Ambasadorin Aleksandër Arvizu për prezencen e tij sot në këtë ceremoni inaugurimi.
Faleminderit Shumë Z. Ambasador!
Nuk mund të mos falenderoj stafin e ambasadës së SHBA në Tiranë, që me profesionalizëm, përkushtim, pasion dhe dashuri na kanë asistuar në këtë rrugë të nisur disa muaj më parë.

Falenderime të sinqerta edhe për stafin e EucationUSA që tashme e kanë filluar punën dhe kanë arritur sukseset e para në sajë të asistencës së tyre profesionale për të gjithë ata që kanë dëshirë të përfitojnë nga larmishmëria e programeve të studimit në SHBA.
Pa dashur të zgjatem më shumë, dua të bëj një falenderim të fundit: për Qeverinë amerikane, me financimin e së cilës është bërë e mundur hapja e qendrës së parë për Shqipërinë, pranë Universitetit Marin Barleti me dy zyrat përkatëse, në korpusin qendror dhe në shkollën e studimeve master.

Kam kënaqesinë që fjalën t’ja jap Z. Ambasador Aleksandër Arvizu.

Konferencë mbi arkitekturën me temë: "Rigjenerim i qytetit mesdhetar"

Universiteti Marin Barleti në bashkëpunim me Universitetin Politeknik të Barit organizuan ditën e shtunë, datë 18 maj 2013, ora 10.00, në sallën A24 të Kampusit Nr.1, një konferencë mbi arkitekturën me temë:

"Rigjenerim i qytetit mesdhetar"
Leximi dhe analizimi i sfidave të qytetit bashkëkohor përmes modelit të konsoliduar të qytetit mesdhetar. Përgjigjet e akademikëve dhe profesionistëve italianë mbi rigjenerimin dhe projektimin urban.

Referuesit italianë, pedagogë të Departamentit të Inxhinierisë Civile dhe Arkitekturës (DICAR) të Universitetit Politeknik të Barit, u prezantuan nga Ark. – Inxh. Spartak Bagllamaja (UMB), i cili moderoi konferencën.

Të pranishëm në sallë, përveç akademikeve dhe profesionisteve të fushës së arkitekturës dhe inxhinierisë, ishin Administratorja e Deleguar e Universitetit Marin Barleti, znj. Adriana Berberi, Rektori i Universitetit Marin Barleti, Prof. Dr. Marenglen Spiro dhe përfaqësues të tjerë të Universitetit Marin Barleti.

Pas fjalës përshëndetëse dhe prezantimit të Ark. – Inxh. Spartak Bagllamaja, u hap konferenca dhe fjala ju dha Prof. Anna Bruna Menghini, Prof. e Asociuar në lëndën Kompozimi Arkitektonik dhe Urban dhe Koordinatore e Marrëdhënieve me Jashtë në Departamentin e Inxhinierisë Civile dhe Arkitekturës (DICAR) të Universitetit Politeknik të Barit. Gjatë fjalës së saj Prof. Menghini ilustroi identitetin e Departamentit të Barit, profilet akademike dhe bashkëpunimin afat gjatë të Universiteti Politeknik me Shqipërinë. Ky bashkëpunim është konkretizuar në vite, me një sërë tezash diplome dhe doktorature mbi arkitekturën moderne shqiptare, projektuar nga arkitektetë italianë gjatë viteve ’20-’40 dhe mbi arkitekturën tradicionale shqiptare dhe restaurimin e saj.

Michele Beccu, Prof. i Asociuar në lëndën Kompozimi Arkitektonik dhe Urban në Departamentin e Inxhinierisë Civile dhe Arkitekturës (DICAR) të Barit por dhe profesionist i njohur në Itali, prezantoi projektet e realizuara me studion e tij profesionale A.B.D.R., si stacioni i trenit Tiburtina në Romë, stacione të metrosë të linjës “B” në Romë dhe Auditori i Ri në Firence.

Konferenca vazhdoi me prezantimin e Prof. Francesca Calace, Hulumtuese Universitare në lëndën e Urbanistikes në Departamentin e Inxhinierisë Civile dhe Arkitekturës (DICAR) të Barit, por dhe konsulente e Bashkisë së Barit dhe Rajonit të Puglia-s. Prof. Calace prezantoi eksperiencën e rigjenerimit urban në Puglia, si dhe menaxhimit dhe koordinimit administrativ të potencialit privat.

Konferenca përfundoi me referimin e Prof. Giacomo Martines, Hulumtues Universitar në lëndën e Restaurimit në Departamentin e Inxhinierisë Civile dhe Arkitekturës (DICAR) të Barit. Prezantimi i tij fokusohej mbi temën e restaurimit dhe konservimit të arkitekturave moderne, nga konsolidimi struktural i teknologjive tradicionale deri te ndikim mjedisor i tyre.

Në fund Prof. Menghini, Beccu, Calace dhe Martines falenderuan Universitetin Marin Barleti për pritjen dhe shprehën interes për një bashkëpunim të mëtejshëm.

Leksione të hapura me temë: E Djathta Fetare në SHBA.

Universiteti “Marin Barleti”, në kuadrin e leksioneve të hapura rreth politikave të sotme botërore, në datat 21, 22 dhe 23 maj 2013, organizon një cikël leksionesh me tematikë : E Djathta Fetare në SHBA – Historia dhe ndikimi politik. Lektor i këtij aktiviteti është z. Ernest Nasto, M.A. - Analist Financiar, Studiues i Politikave Ekonomike (SHBA).

Më poshtë axhenda e leksioneve dhe tematikat që do të trajtohen:

E martë, ora 14:00 - 15:30 Kushtetuta Amerikane – ndarja e kishës nga shteti dhe triumfi i deizmit. Krijimi i të Djathtës Fetare, botkuptimi dhe parimet e saj udhëheqëse.

E mërkurë, ora 14:00 – 15:30 Disa nga politikat dhe çështjet morale kryesore ne kohën e sotme në SHBA dhe më gjerë. Përgjigja politike e të Djathtës Fetare Amerikane ndaj këtyre çështjeve.

E enjte, ora 14:00 – 15:30 Roli dhe ndikimi i të Djathtës Fetare në politikat ekonomike dhe sociale në SHBA. Efektet e rekomandimeve dhe politikave të saj për shtresën e ulët dhe të mesme të shoqërisë amerikane.

Për të gjithë të interesuarit, regjistrimi bëhet në adresën info.master@umb.edu.al deri në datën 18 Maj 2013.

Jeni të mirëpritur !

Ambasadori Alexander A. Arvizu, inaguroi Qendrën Informative të Arsimit Amerikan në Shqipëri

Ambasadori Alexander A. Arvizu, inaguroi Qendrën Informative të Arsimit Amerikan në Shqipëri. Ai u shoqërua nga Zv. Ministri i Arsimit Ardian Tana, Administratorja e Deleguar e Universitetit Marin Barleti znj. Adriana Berberi, Rektori i Universitetit Marin Barleti, Prof. Dr. Marenglen Spiro dhe përfaqësues të Ambasadës Amerikane në Shqipëri, drejtues e nxënës të shkollave të mesme e të larta në Shqipëri, të cilët ishin pjesëmarrës në këtë event të rëndësishëm.

Kjo Qender ndodhet pranë Universitetit Marin Barleti në të dy kampuset e tij, në kampusin e studimeve Bachelor dhe në kampusin e studimeve Master.

Në këtë event të rëndësishëm të organizuar në mjediset e kampusit 1, z. Ambasador u prit nga znj. Adriana Barberi, e cila në fjalën përshëndetëse të saj theksoi bashkëpunimin e vazhdueshëm të Ambasadës Amerikane në Shqipëri me Universitetin Marin Barleti.

Pas fjalës përshëndetëse të Ambasadorit u pre dhe shiriti i inagurimit të Qendrës EDUSA bashkërisht nga z. Arvizu dhe znj. Berberi.

Gjate fjales se tij, ambasadori theksoi rolin qe shkembimet kulturore luajne ne forcimin e marredhenieve midis Shteteve te Bashkuara dhe Shqiperise, vleresoi punen qe eshte bere dhe hapjen e kesaj qendre, dhe sigurimin e sherbimeve per studentet shqiptare qe duan te arsimohen ne SHBA.

Ambasadori bisedoi gjate me studentet mbi eksperiencat e tyre, si dhe uroi per punen e madhe dhe perkushtimin e tyre ne vazhdimin e edukimit te larte.

Kjo qendër është sponsorizuar nga nje grant prej 50,000$ nga Ambasada dhe Departamenti i Shtetit Amerikan për ti ardhur në ndihmë studentëve shqiptarë që duan të studiojnë në SHBA.

Çdo vit një numër i konsiderueshëm maturantësh dhe studentësh nga Shqipëria kërkojnë të ndjekin studimet Bachelor, Master e Doktorature në USA. Tashmë, të gjithë të interesuarit kanë në dispozicion të tyre një Qendër Informative të Arsimit Amerikan, ku mund të marrin informacione falas.

Konsulentët pranë qendrës i ndihmojnë të interesuarit në formulimin dhe hartimin e: Curriculum Vitae, letrës së motivimit, letrave të rekomandimit, eseve si dhe kërkesave për mbështetje financiare.
EDUSA dhe Universiteti Marin Barleti falenderojnë përzemërsisht Ambasadorin Alexander A. Arvizu, Elizabeth A. Lewis, Mirela Çupi, Brian J. Street, Ilva Cuko, Niles E. Cole, etj. për mbështetjen e vazhdueshme.

Fjalimi i Administratores së Deleguar të Universitetit Marin Barleti Znj. Adriana Berberi në ceremoninë e hapjes së EDUSA

Vizita Studimorë në ambientet e Delegacionit të Bashkimit Evropian në Tiranë

Ditën e Martë, datë 14 Maj, një grup pedagogësh dhe studentësh të Fakultetit të Shkencave Sociale dhe Fakultetit të Drejtësisë në Universitetin Marin Barleti organizuan një vizitë studimore në ambientet e Delegacionit të Bashkimit Evropian në Tiranë.

Në këtë vizitë pedagogët dhe studentët e UMB-së u pritën nga ambasadori i Bashkimin Evropian në Shqipëri, Z. Ettore Sequi dhe stafi i tij.
Ambasadori Sequi vlerësoi iniciativën e pedagogëve dhe studentëve për të vizituar dhe parë nga afër institucionin dhe punën e delegacionit të Bashkimit Evropian në Shqipëri, pasi është në filozofinë e vet Komisionit Evropian për të qenë një institucion i hapur dhe transparent ndaj qytetarëve. Ambasadori Sequi theksoi faktin se bashkëpunimi i ngushtë me universitetet është primar dhe i rëndësishëm pasi studentët janë pjesa më vitale e një shoqëri, ata janë jo vetëm qytetarët e të tashmes por dhe liderët e të ardhmes.

Ambasadori Sequi bëri një prezantim të Bashkimin Evropian si një bashkësi vlerash dhe principesh i cili synon në rritjen e mirëqenies së qytetarëve të vet dhe më gjerë, duke siguruar standarde të larta. Z. Sequi theksoi rëndësinë që procesi i integrimit ka për Shqipërinë, si dhe rolin kyç që duhet të luajnë akademikët dhe studentët, në përgjithësi shoqëria civile, në promovimin dhe përshpejtimin e procesit të integrimit. Shqipëria gjeografikisht është pjesë dhe i përket Evropës, por anëtarësimi i Shqipërisë në Bashkimin Evropian, më shumë se shtrirja gjeografike, ka të bëjë me vlerat, rregullat dhe standardet konkrete që duhen arritur. Për arritjen e këtyre standardeve Evropian nuk kërkohet vetëm vullneti politik, por edhe kontributi qytetar. Opinioni publik shqiptar është dhe ka qenë gjithnjë një mbështetës i proceseve integruese Evropiane, prandaj dhe shoqëria civile si aktor i rëndësishëm në proceset e demokratizimit të vendit duhet të angazhohet më tepër duke promovuar dhe drejtuar politikën shqiptare drejt arritjes së standardeve. Transformim rrënjësor i shoqërisë si dhe sigurimi i standardeve për qytetarët janë disa nga arsyet themelore pse Shqipëria duhet të jetë vend anëtar i Bashkimit Evropian.

Pedagogët dhe studentët e Universitetit Marin Barleti më pas u njohën me seksionet e ndryshme të delegacionit të Bashkimit Evropian. Z. Clive Rumbold, shef i seksionit politik dhe ekonomik pranë delegacionit, bëri një prezantim informues rreth sektorëve dhe punës së secilit prej ekipeve. Takimi vazhdoi me vizitën në sektorët e ndryshëm të delegacionit, në seksionin politik dhe ekonomik, në seksionin e kontratave dhe financave, në seksionin e operacioneve dhe atë të informimit dhe komunikimit, ku ekspertët e seksioneve përkatëse treguan në mënyrë të hollësishme detaje nga puna e tyre e përditshme. Me interes për studentet ishte edhe prezantimi i dy studenteve stazhiereve pranë delegacionit, si dhe mundësitë e studentëve për tu angazhuar në projekte të mbështetura nga Bashkimi Evropian. Në përfundim të vizitës student dhe pedagogë u pritën në zyrën e Ambasadorit Sequi nga ku u bënë edhe fotografit e rastit.

Pedagogë dhe Studentët e Universitetit Marin Barleti, falënderojnë përzemërsisht Ambasadorin e delegacionit të Bashkimit Evropian Z. Sequi dhe gjithë stafin e tij për pritjen shumë miqësore dhe tepër informuese. Dhe shprehin gatishmërinë për bashkëpunime të mëtejshme në kuadër të promovimit të vlerave dhe ideve Evropiane, si dhe organizimin e konferencave dhe leksioneve të hapura në lidhje me çështje të integrimit Evropian.

Studentja Zela Bilalaj fiton çmimin e tretë në konkursin me temë diskriminimin

Pas trajnimit në dt 20 mars 2013 me temë “Njohja me ligjin nr. 10221, datë 4.2.2010, ‘Për mbrojtjen nga diskriminimi’ dhe mjetet ligjore që ky ligj ofron”, organizuar nga Qendra për Nisma Ligjore Qytetare ku morën pjesë 11 studentë nga Fakulteti i Drejtësisë së Universitetit “Marin Barleti”, u hap një konkurs me ese. Tema e konkursit ishte: “Esetë më të suksesshme për zbatimin e legjislacionit kundër diskriminimit”.

Nga universiteti ynë morën pjesë studentet Zela Bilalaj dhe Majlinda Myftaraj nga viti i IV si dhe Irisa Ogreni nga viti i dytë drejtësi. Ndër 20 esetë që u kualifikuan në këtë konkurs, juria e përbërë nga Prof. Dr Arta Mandro, Prof. Asoc. Eralda Met’hasani dhe Prof.Dr. Aurela Anasatasi, eseja e pregatitur nga studentja Zela Bilalaj u vlerësua me çmimin e tretë. Me shumë pozitivitet u vlerësuan edhe esetë e përgatitura nga dy studentet e tjera.

Gjejmë rastin të falënderojmë Qendrën për Nisma Ligjore Qytetare për mundësinë që i dha studentëve të universitetit tonë në këtë organizim, i cili jo vetëm rriti vlerat akademike të studentëve tanë, por edhe ju dha mundësinë që të konkurronin mes studentëve më të mirë të fakulteteve të drejtësisë të Universitetit të Tiranës, Universitetit “Marin Barleti”, Universitetit Justiniani I-rë dhe Universitetit “Albania University”.

Ceremonia e ndarjes së çmimeve u bë në ambientet e Fakultetit të Drejtësisë të Universitetit të Tiranës në një ditë të shënuar që përket edhe me 100 vjetorin e Ditës së Drejtësisë. Ky aktivitet dhe studentët u përshëndetën nga Dekani i Fakultetit të Drejtësisë – Universiteti i Tiranës, Phd.Altin Shegani si dhe nga Angjelina Pistoli përfaqësuese e Ambasadës së Shteteve të Bashkuara në Tiranë.

I urojmë Zelës sa më shumë suksese dhe e falënderojmë që edhe një herë tregoi se universiteti Marin Barleti përgatit studentë cilësorë dhe kompetitivë të denjë që mbajnë emrin Barletas.

Aktivitet në kuadrin e Projektit rajonal TEMPUS-Heart (2012-2014) financuar nga Bashkimi Evropian

Në vijim të axhendës së aktiviteteve parashikuar në projektin TEMPUS-Heart “Të vëmë të drejtat e njeriut në zemër të arsimit të lartë”, më 25 prill 2013 Universitetin “Marin Barleti” e vizitoi Dekani i Fakultetit të Filozofisë në Universitetin e Prishtinës, Prof. Bujar Dugolli dhe zëvendës dekani i këtij fakulteti, Prof. ass. Dashamir Bërxuli.

Akademikët nga Kosova u pritën nga Rektori i Universitetit, Prof. Marenglen Spiro dhe Administratorja e Deleguar në UMB, zonja Adriana Berberi.
Më tej ata zhvilluan takime dhe biseda pune me drejtues dhe pedagogë të Universitetit “Marin Barleti” si dhe me anëtarë të Bordit të krijuar për zbatimin e projektit, i cili ka hyrë në vitin e dytë të zbatimit të tij.

Bisedimet u fokusuan në vlerësimin e ecurisë së deritanishme të projektit dhe impaktit të tij si dhe në planifikimin e aktiviteteve për shkëmbim përvoje mes stafeve akademike dhe të vizitave të ndërsjella të grupeve të studentëve; në vlerësimin e mundësive për bashkëpunim të mëtejshëm për të tjera projekte, studime, botime, konferenca të përbashkëta etj.

Ndër të tjera çështje me interes, u konsiderua përparësi, hartimi dhe hapja e një programi të përbashkët studimi pasuniversitar në fushën e të drejtave të njeriut, me synim për ta shndërruar atë në një projekt rajonal. Ky propozim do të konkretizohet më tej në takimin e tretë të koordinatorëve të projektit nga i gjithë rajoni, i cili do të zhvillohet në Sarajevë nga data 10 deri 14 maj 2013.

Studentët Anisa Elezi dhe Artur Prenga në KLD

Me rastin e aktiviteteve të zhvilluara për "Javën e Drejtësisë", në ambientet e Këshillit të Lartë të Drejtësisë u organizua një tryezë e rrumbullakët me anëtarët e Këshillit dhe studentët më të dalluar të fakulteteve të drejtësisë në të gjitha Universitetet e vendit. Universiteti “Marin Barleti” u përfaqësua nga dy studentë të dalluar, Anisa Elezi dhe Artur Prenga.

Studentët u pritën në sallën e zhvillimit të mbledhjeve plenare të Këshillit të Lartë të Drejtësisë nga Zëvendëskryetari i Këshillit Z. Elvis Çefa dhe nga disa anëtarë të tjerë të Këshillit.

Pasi bënë një vizitë njohëse me ambientet ku ushtron aktivitetin e tij Këshilli i Lartë i Drejtësisë, studentët zhvilluan gjithashtu një bashkëbisedim rreth sistemit të vlerësimit të karrierës si dhe për përgjegjësinë disiplinore të gjyqtarëve me Zëvendëskryetarin Z. Elvis Çefa dhe anëtarët e tjerë të pranishëm.
Ky takim u zhvillua si një mbledhje e simuluar e KLD-së ku studentët ty kryesuar nga n/kryetari i KLD –së z. Çefa kishin në rend dite sistemin e vlerësimit dhe pikëzimit së gjyqtarëve. Në këtë aktivitet studentëve ju dha mundësia që të shohin më nga afër sistemin e vlerësimit të karrierës së gjyqtarëve duke respektuar kushtet themelore të transparencës ndaj publikut dhe të meritokracisë.

E gjithë java e drejtësisë për studentët e Marin Barletit ishte shumë e ngjeshur me aktivitete të cilat ishin aq interesante sa edhe të dobishme duke i bërë studentët jo vetëm optimistë për profesionin e zgjedhur por edhe krenarë, pasi të qenit një jurist i mirë në rradhë të parë të bën një qytetar të mire.

Leksion i hapur: "Sfidat e politikave ambjentaliste parë edhe në kuadër të Integrimit Europian"

Ditën e enjte,datë 09.05.2013 Instituti i Kerkimit dhe Zhvillimit "Barleti" në bashkëpunim me Universitetin "Marin Barleti" organizuan një leksion të hapur me temë "Sfidat e politikave ambjentaliste parë edhe në kuadër të Integrimit Europian".

I ftuar nderi në këtë panel ishte Dr.Michael Flanagan,ekspert ndërkombëtar në fushën e ujërave.Gjatë pjesës së parë Dr.Flanagan shpjegoi direktivat e Parlamentit Evropian dhe e Këshillit të datës 23 Tetor 2000.Ai vuri theksin mbi kuadrin ligjor për veprimet e komunitetit në fushën e politikës së ujërave,dhe lidhjen e saj me direktivat e tjera Europiane për ujërat si:

• Direktiva e Ujit të Pijshëm (98/83/KE), datë 3 Nëntor 1998
• Direktiva e Trajtimit të Ujit të Ndotur Urban (91/271/KEE), datë 21 Maj 1991
• Parimet e Mbulimit të Kostos së Plotë sipas KOM (20000) 477

Në pjesën e dytë, u diskutua mbi rezervat ujore në Shqiperi, ligjin “Për menaxhimin e integruar të burimeve ujore”, dhe problemet e implimentimit të tij, duke përmendur këtu kostot finaciare të lidhura me të. Sipas Dr.Flanagan zbatimi i plotë në praktikë, vetëm i Direktives Kuadër të Ujit, është vlerësuar se do të kërkojë 5 vjet dhe do të kushtojë rreth 5.4 MEUR kosto të njëherëshme investimi dhe 524,000 EUR/vit kosto korente, ku dhe do të arrihet përputhshmëri e plotë me kërkesat e Direktivës.

Zbatimi i plotë në praktikë vetëm i Direktivës për Trajtimin e Ujërave të Ndotura Urbane është vleresuar se do kërkojë rreth 20 vjet.

Gjate leksionit u ngritën shumë pyetje por ajo që do të veçonim ishte pyetja mbi problematikën dhe procesin e pastrimit të ujrave të pishëm.Në fund Dr.Flanagan falenderoi stafin pritës dhe shprehu interes për një bashkëpunim të mëtejshëm

Studentët e ekselencës së universitetit “Marin Barleti” në Gjykatën e Lartë

Me rastin e kremtimit të Javës së Drejtësisë, ditën e hënë dt 6 maj 2013, Gjykata e Lartë organizoi në sallën e Kolegjeve të Bashkuara ditën e hapur me temë “Sfidat e gjyqësorit shqiptar në procesin e Integrimit Evropian”. Me ftesë të kryetarit të kësaj gjykate prof.dr. Xhezair Zaganjori nga universiteti Marin Barleti mori pjesë një grup i përbërë nga studentët: GJ.Mati, A.Prenga, K.Kushta, K.Kasanai, B.Kalemi, I.Ogreni, L.Ogreni i kryesuar nga pedagogia e Fakultetit të Drejtësisë znj. E.Bano.

Në këtë aktivitet u trajtuan nga anëtarë të Gjykatës së Lartë dhe nga studentë çështje të rëndësishme të sfidave që has gjyqësori shqiptar. Studentët e universitetit tonë morën pjesë në mënyrë aktive në këtë organizim dhe përfituan nga ky takim i nivelit të lartë.

Avokati i Popullit nënshkruan memorandumin e bashkëpunimit me Universitetin “Marin Barleti”.

Në mjediset e Universitetit “Marin Barleti” u nënshkrua Memorandumi i Bashkëpunimit të Universitetit me Avokatin e Popullit të Republikës së Shqipërisë.

Ky memorandum do t´i shërbejë realizimit të misionit që ka arsimi i lartë për zhvillimin dhe transmetimin e dijeve si nëpërmjet mësimdhënies ashtu dhe kërkimit shkencor. Ai do të kontribuojë në bashkërendimin e përmbajtjes teorike me aspektet praktike të procesit akdemik, për një përgatitje sa më cilësore dhe profesionale të studentëve.

Në fokus të bashkëpunimit do të jetë shkëmbimi i mendimeve dhe propozimeve për përmirësimin e programeve të studimit të të gjitha cikleve si dhe të veprimtarive formuese apo kualifikimeve afatshkurtëra; organizimi i seminareve, trajnimeve dhe lektoriumeve të përbashkëta lidhur me legjislacionin në fushën e të drejtave të njeriut si dhe angazhimin në projekte të përbashkëta me interes reciprok dhe në ndihmë të komunitetit.

Ky memorandum, i bashkëngjitet dhe pasuron më tej listën e institucioneve dhe kompanive me të cilat Universiteti “Marin Barleti” në vijimësi ka bashkëpunuar në funksion të realizimit të misionit të tij.

(AIPA) bashkëpunim me zyrën e UN Women-Shqipëri

Instituti Shqiptar për Çështjet Publike (AIPA), në bashkëpunim me zyrën e UN Women-Shqipëri, më 29 prill 2013, organizuan tryezën e rrumbullakët me temë “Kontributi i aktorëve të shoqërisë për fuqizimin e grave në situatë gjakmarrjeje”. Kjo tryezë u zhvillua në kuadrin e kryerjes së studimit “Mbi efektet e gjakmarrjes te gratë dhe vajzat në Shqipëri dhe si gratë mund të kontribuojnë për ta trajtuar atë”, mbështetur nga UN Women.

Synimi i kësaj tryeze ishte krijimi i një forumi debati të aktorëve të ndryshëm nga institucionet publike, organizatat ndërkombëtare dhe shoqëria civile, në funksion të rritjes së rolit të gruas në çrrënjosjen e kësaj dukurie.

Pas fjalës së mirëseardhjes të drejtorit ekzekutiv të AIPA, Dr. Dorian Jano dhe znj. Estela Bulku, përfaqësuese e zyrës së OKB-së për Gratë në Shqipëri, mbajtën fjalën e tyre, Avokati i Popullit z. Igli Totozani, Kryetari i Gjykatës së Krimeve të Rënda, z. Sandër Simoni dhe Drejtori ekzekutiv i Fondacionit Shqiptar për Zgjidhjen e Konflikteve dhe Pajtimin e Mosmarrëveshjeve, z. Rasim Gjoka. Ata ndanë me auditorin përvojat e tyre në përpjekjet për parandalimin dhe luftën ndaj dukurisë së gjakmarrjes dhe bënë mjaft sugjerime të vlefshme.

Dr. Saemira Pino, në emër të grupit të kërkimit, prezantoi gjetjet dhe rekomandimet e studimit të kryer nga pedagoget e Universitetit “Marin Barleti” Adriana Berberi, Migena Kapllanaj dhe ekspertet e jashtme Sonila Danaj, Erka Çaro. Ndër të tjera u theksua se gjakmarrja me efektet e saj negative është ende e pranishme dhe vazhdon të cënojë e të rrezikojë seriozisht jo vetëm jetën e burrave dhe djemve, por edhe jetën e grave dhe fëmijëve. U vu në dukje veçanërisht se ky studim, nisur dhe nga Rezoluta 1325 e OKB për sigurinë e gruas në situatë konflikti dhe rolin aktiv që ajo duhet të luajë, e analizon dukurinë e gjakmarrjes nga këndvështrimi gjinor dhe synon të përcjellë përvojat e grave dhe vajzave në situatë ngujimi si dhe të sugjerojë disa masa për fuqizimin e tyre dhe daljen nga situatat e konfliktit.

Tryeza vijoi me diskutime nga përfaqësues të ftuar të institucioneve shtetërore dhe të organizatave të shoqërisë civile. Secili prej kontribuesve në këtë diskutim, shfaqi pikëpamjen e institucionit që përfaqësonte, solli përvojën institucionale apo personale dhe ofroi sugjerime, të cilat u mirëpritën dhe do të përfshihen në rekomandimet e studimit.

Ky takim ishte një tjetër veprimtari e rëndësishme që Universiteti Marin Barleti, kryen në fushën e kërkimit si dhe në atë të ndërgjegjësimit të mjedisit akademik dhe jashtë tij për respektimin në praktikë të të drejtave të njeriut si dhe për krijimin e një rrjeti të gjerë aktiv në këtë fushë. UMB prej më shumë se një viti vijon me sukses zbatimin e projektit TEMPUS – HEART financuar nga Bashkimi Evropian që synon “ Të verë në zemër të arsimit të lartë edukimin për të drejtat e njeriut”. Për UMB investimi i gjithanshëm në këtë fushë po bëhet një ndër përparësitë e aktivitetit të tij akademik dhe veçanërisht atij social.

Ofrohet trajnimi dhe testimi mbi SHERBIMIN E ARTË TË KLIENTIT ne Hoteleri-Turizëm

Instituti Arsimor Amerikan i Hoteleri-Turizmit - AHLEI ne bashkepunim me Universitetin Marin Barleti dhe Qendren e Testimit dhe Trajnimit Barleti ofron trajnimin dhe testimin 1 ditor te kursit SHERBIMI I ARTE I KLIENTIT.

Programi i shërbimit të artë të klientit do të përgatisë të gjithë ata që punojnë në Industrinë e Turizmit dhe Hotelerisë , me njohuritë e duhura për të kuptuar dhe zbatuar në punën e përditshme 7 principet bazë të shërbimit ndaj klientit.

Gjithashtu, kjo është një mundësi e mirë për të promovuar ata punonjës të hotelerisë, të cilët kanë provuar me punën e tyre se dëshirojnë të jenë në të njëjtën linjë me standardet ndërkombëtare të turizmit.

Kursi zhillohet ne ora 9:00, diten e shtune, 27 Prill, 2013 ne Kampusin 1 te Universitetit Marin Barleti.

Regjistrimet (te vlefshme me parapagim) bëhen nëpërmjet cel: 0692067247 ose me e-mail në: tourism@umb.edu.al.

Ju mirëpresim!

Nisin rregjistrimet për testin e Anglishtes periudha Maj 2013

Ju informojmë se afati përfundimtar i regjistrimit për testin e anglishtes në periudhën Maj 2013 nga Pearson Test of English General (PTE G) është 18 Prill, ora 16:00.

Për çmimet dhe kohëzgjatjen, ju lutem referojuni kësaj tabele.

Niveli i komunikimit	CEF	PTE General	Koha e Testit (me shkrim)	Koha e Testit (me gojë)	Çmimi
Bazik	A1	Niveli A1	1 orë 15 min	5 min	€ 68.00
Elementar	A2	Niveli 1	1 orë 35 min	5 min	€ 82.00
I Mesëm	B1	Niveli 2	1 orë 35 min	7 min	€ 94.00
I Mesëm i Lartë	B2	Niveli 3	2 orë	7 min	€ 124.00
I Avancuar	C1	Niveli 4	2 orë 30 min	8 min	€ 135.00
Ekspert	C2	Niveli 5	2 orë 55 min	8 min	€ 144.00

Për çdo paqartësi mund të kontaktoni: info.bttc@umb.edu.al

Leksioni i hapur me temë "Bipolarizimi Politik dhe Poli i Tretë"

Instituti Shqiptar për ?ështjet Publike (AIPA) në Universitetin “Marin Barleti”, në bashkëpunim me Departamentin “Qeverisje, Politika dhe Komunikim”, organizuan në datë 3 prill, një leksion të hapur me temë “ Bipolarizmi dhe Poli i Trete”, ku i ftuar ishte z. Bamir Topi.

Ky leksion i hapur dhe të tjerë që do të pasojnë organizohen në vazhdën e ciklit të leksioneve të hapura “Bashkëbisedim me Personalitete” në të cilën ftohen të referojnë personalitete të shquar të jetës institucionale, publike dhe shoqërore, të Shqipërisë, rajonit dhe më gjerë.
Në fillim të këtij leksioni dhe pas fjalës përshëndetëse të organizatorëve, z. Topi vlerësoi rolin e Universitetit “Marin Barleti” si një aktor aktiv dhe me potencial akademik e intelektual në arsimin e lartë në Shqipëri.

Më pas diskutimi vazhdoi me një ekspoze të zhvillimeve më të fundit politike në vend duke e cilësuar këtë të fundit si një “terren sizmik me lëkundje të forta”, me të cilat shoqëria shqiptare nuk është e përgatitur ende për t’i bërë ballë. Ai e cilësoi demokracinë shqiptare si të brishtë ende, ku bipolarizmi i prodhuar nga dy forcat politike ka prodhuar dobësim të institucioneve shtetërore, ku pushteti është vendosur në shërbim të politikës dhe ku ka një mungesë të theksuar morali në politikë.

Duke qënë se bipolarizmi në Shqipëri funksionon vetëm në mënyrë artificiale, në letër madje edhe nga vetë institucionet, z. Topi e vuri theksin mbi rëndësinë e ekzistencës së një poli të tretë në politikën shqiptare.

Prandaj shoqëria shqiptare sot duhet të kërkojë më çdo kusht respektimin e institucionit të zgjedhjeve, si një nga kushtet themelore të demokracisë dhe t’i detyrojë të gjitha institucionet të vihen në shërbim të shoqërisë dhe individëve. Modeli më i mirë që duhet ndjekur është ai pluralist i cili prodhon rotacion elitash dhe për këtë është e nevojshme ekzistenca e polit të tretë apo të qendrës.

Ky pol do t’i hapë rrugë jo rrotacionit të karrigeve, as premisës që ndonjë pushtetar të shndërrohet në monark por amortizimit të politikës shqiptare dhe ajo që është më e rëndësishme do të depolitizojë institucionin e presidentit.

Në përfundim të leksionit z. Topi iu përgjigj pyetjeve të të pranishmëve, të cilat shprehën edhe njëherë rezervat për politikën, dyshimet për koalicionet para apo pas zgjedhore dhe domosdoshmërinë e ndryshimeve.

Bëhuni pjesë e projektit tonë!

Projekti HEART “Të vemë të drejtat e njeriut në zemër të arsimit të lartë” është projekt trevjeçar që ka filluar të zbatohet nga tetori 2011 deri në tetor 2014 dhe financohet nga Komisioni Europian në kuadrin e projekteve TEMPUS.

Universiteti Marin Barleti është pjesë e këtij projekti. Në të marrin pjesë universitete të rajonit të Ballkanit Perëndimor dhe disa nga vendet e Bashkimit Europian, Prishtinë (Kosovë), Sarajevë dhe Zenica (Bosnje-Herzegovinë), Podgoricë dhe Donja Gorica (Mali i Zi), Beograd, Novi Sad dhe Kragujevac (Serbi), Gotenburg (Suedi), Manheim (Gjermani), Galway (Irlandë). Nga Shqipëria marrin pjesë krahas UMB edhe Universiteti i Tiranës dhe ai Europian i Tiranës. Drejtues i projektit është Universiteti i Roehamptonit (Mbretëria e Bashkuar). Dr. Michele Lamb është përfaqësuesja e këtij Universiteti.
Projekti synon të krijojë një kulturë të qëndrueshme të njohjes dhe respektimit të të drejtave të njeriut, jo vetëm brenda mjediseve studentore, por edhe me gjerë, duke kërkuar mbështetjen dhe kontributin edhe të shoqërisë civile dhe OJF.

Ai synon zhvillimin e mëtejshëm të kurrikulave lidhur me të drejtat e njeriut, që çështjet e të drejtave të njeriut të kapërcejnë kufijtë tradicionalë dhe të bëhen pjesë integrale e disiplinave jo vetëm juridike, por edhe të disiplinave të tjera sociale dhe më gjerë. Qëllimi i përmirësimit të kurrikulave në këtë drejtim, është si arritja e standardeve të Bashkimit Evropian, ashtu edhe promovimi i të drejtave, përvehtësimi dhe zbatimi i tyre nëpërmjet praktikave më të mira.
Projekti synon shkëmbimin e përvojave në veprimtaritë rajonale që do të zhvillohen si dhe pjesëmarrjen e studentëve në këtë proces.
Takimi i parë ndërkombëtar u zhvillua në maj 2012 dhe i dyti në tetor 2012, respektivisht në Tiranë dhe Podgoricë. Viti i parë i realizimit të projektit i monitoruar nga ekspertë ndërkombëtarë është vlerësuar shumë pozitivisht.

Në Universitetin Marin Barleti Dr. Saemira Pino, dekane e Fakultetit të Shkencave Sociale është koordinatore e projektit. Gjatë vitit të parë të projektit janë analizuar programet dhe lëndët me qëllim zgjerimin e hapësirës akademike në interes të forcimit të edukimit me të drejtat e njeriut. Janë organizuar trajnime dhe tryeza për sensibilizimin e mjediseve studentore për këtë çështje. Është zgjeruar rrjeti i aktorëve dhe bashkëpunuesve me UMB, kryesisht nga shoqëria civile.

Në majin e viti të kaluar, në konkursin që u shpall për logon më të mirë të projektit, ndër dhjetëra studentë pjesëmarrës të rajonit, fitues u shpall studenti i Fakultetit të Ekonomisë dhe Financës të Universitetit Marin Barleti, Mirjan Petro.

Ndër aktivitetet që ofron ky bashkëpunim rajonal dhe më gjerë është edhe mundësia për pjesëmarrje në shkollat verore që organizohen në qershorin e këtij viti në Irlandë.
Referohuni tek informacioni që vijon :

QENDRAT E TË DREJTAVE TË NJERIUT ICHR/NUI GALWAY I OFRON STUDENTËVE PJESËMARRËS NË PROJEKTIN HEART VENDE TË LIRA NË SHKOLLAT E TYRE NDËRKOMBËTARE VERORE

ICHR/NUI Galway ofrojnë një vend të lirë në secilën nga dy shkollat verore për këtë vit.

Temat janë: 1) Gjykata Penale Ndërkombëtare dhe 2) Të drejtat e njeriut, migracioni dhe globalizimi. Këto kurse do të zhvillohen në qershor/korrik (detaje të tjera jepen më poshtë). Për informacion të mëtejshëm, konsultoni link-et në vijim:

http://www.nuigalway.ie/human_rights/icc_summer_school.html

http://www.nuigalway.ie/human_rights/humanrightsmigrationandglobalisationsummerschool.html

Ndërsa mbulojnë koston e pjesëmarrjes në shkollë, NUI Galway nuk mund të mbulojë kostot e vizave, të udhëtimit apo të akomodimit për studentët që do të aplikojnë për këta kurse. Kështu që këto kosto do të mbulohen nga vetë pjesëmarrësit. Megjithatë, kjo është një mundësi e madhe dhe do të donim të inkurajonim aplikime nga studentët e të gjithë universiteteve partnere.

Këto kurse janë të hapura për studentët e universiteteve partnerë të HEART, të vendeve jo-anëtare të Bashkimit Europian.
Duke qënë se janë vetëm dy vende vakante, aplikimet do të seleksionohen nga NUI Galway dhe Universiteti i Roehampton-it. Aplikimet duhet t’i dërgohen me e-mail Dr. Michele Lamb, në adresën Michele.lamb@roehampton.ac.uk, jo më vonë se të hënën, datë 29 Prill, deri në orën 17.00.

KRITERET E SELEKSIONIMIT PËR SHKOLLËN VERORE ICHR/NUI GALWAY

1. Të gjithë aplikantët duhet të jenë të regjistruar në studime full time ose të kenë një kontratë mësimdhënieje në një nga universitetet partnere, në vendet jo anëtare të BE-së. Mirëpriten në veçanti aplikimet nga studentë dhe staf akademik në fillimet e karrierës së tyre.

2. Aplikimet duhet të shoqërohen nga një letër reference nga koordinatori - përgjegjës për HEART në universitetin përkatës.

3. Aplikantët duhet të shpjegojnë në aplikimin e tyre se si do ta përdorin eksperiencën e pjesëmarrjes së tyre për të zhvilluar më tej kauzën e të drejtave të njeriut në universitetet përkatëse, në vendet e tyre dhe në projektin HEART. Duhet të paraqesin gjithashtu një CV të detajuar rreth eksperiencës së tyre deri më sot.

4. Aplikantët duhet të konfirmojnë në momentin e aplikimit që kanë fonde të mjaftueshme për të mbuluar kostot e akomodimit, udhëtimit dhe vizës.

5. Përzgjedhja e aplikantëve fitues do të bëhet nga Dr. Karen Costa (NUI Galway) dhe Dr. Michele Lamb (Universiteti i Roehamptonit). Aplikantët fitues do të njoftohen me email brenda datës 6 maj 2013.

6. Pjesëmarrësve do t’u kërkohet të shkruajnë një raport për faqen e internetit të HEART brenda 1 muaji pas mbarimit të shkollës verore.

Trajnimet e para të organizuara për projektin "Arti, Plastika, dhe Riciklimit" në Cetinje / Mali i Zi

Në 11-15 dhe 25-29 mars në Cetinje / Mali i Zi u organizuan 2 trajnimet e para të projektit "Arti Plastika dhe Riciklimi". Pjesëmarrës të këtyre trajnimeve ishin: artistë Shqiptarë dhe Malazezë, Svetlana Vujicic, Vladimir Jablan, Igor Rakçeviç nga Culture Zone, Dorina Plaku nga Deliart Association, Vjollca Backa, Miranda Bërdo, Irida Nikolla dhe konsulenti Ndërkombëtar Gerhard Bar.

Të dy trajnimet nisën me një takim të përbashkët ku partnerët në projekt u takuan në Cetinje, me qëllim për të diskutuar të gjitha çështjet që kanë të bëjnë me trajnimet e përbashkëta si dhe planin e veprimit me fokus 9 muajt e fundit të zbatimit të projektit. Partneret komunikuan të gjitha çështjet që kishin ndodhur gjatë transportimit të makinerisë së riciklimit Ata ndanë përvojën dhe dhanë udhëzime të mëtejshme.

Faza e parë e trajnimit ishte instalimi i makinës ku çështje të veçanta u ngritën për furnizimin efikas me energji elektrike dhe ndërtimi i një paisje shtesë për funksionimin e makinerisë. Gjatë trajnimeve një vëmendje e madhe ju kushtua motivimit dhe kënaqësisë së studentëve që merrnin pjesë.

Si rezultat i këtyre trajnimeve studentët krijuan veprat e tyre të para artistike nga riciklimi i plastikës. Ata u njohën më nga afër me procesin e riciklimit të plastikës, me prerjen dhe vendosjen e tyre në makineri në mënyrë për të krijuar produkte artistike sa më efikase.

Party "Waiting for the Summer" disa momente te gëzuara.

Studentët dhe pedagogët e Universitetit "Marin Barleti" kaluan një mbrëmje të bukur në ambientet e Cavaliero Club Tirana, në datë 21.03.2013. Ishte një mbrëmje ku kënaqësia dhe gëzimi ishin pjesë e atyre orëve të vona.
Party ishte nismë e vetë studentëve në bashkëpunim me Klubet studentore të universitetit.

Organizohet në ambjentet e Universitetit "Marin Barleti" finalja e konkursit "Miks Shkencor" me gjimnazistët e "Qemal Stafës"

Ditën e enjte, dt 21 mars 2013 në orën 16.30-18.30 në ambientet e Universitetit “Marin Barleti” u organizua finalja e konkursit në shkencat ekzakte “Miks Shkencor”. Ne finale u paraqitën dy skuadra me nxënës të klasave të X-ta, e X-ta /1 dhe e X-ta/4.

Nxënësit ishin tejet të përgatitur në lëndët si kimi, biologji, matematikë dhe fizikë. Ata me qetësi, durim dhe shumë përkushtim u munduan t’i rezistojnë stresit dhe të tregojnë në këtë finale të madhe, që nëse ekziston shpirti i ekipit si dhe dëshira për të fituar asgjë nuk është e pamundur.

Organizimi i këtij eventi doli me sukses jo vetëm prej shpirtit organizues që tregoi një nga senatorët e këtij gjimnazi, Olsi Pajo që njëkohësisht ishte dhe moderator, por e paçmueshme ishte mbështetja që mësueset e kësaj shkolle i dhanë nxënësve të tyre. Ndër to veçojmë znj. Zhaneta Shore, Luara Bono, Mirela Vide, Luljeta Gjergo, të cilat ishin edhe pjesë e jurisë vlerësuese. Një rol të rëndësishëm për mbarëvajtjen e këtij aktiviteti mbajti dhe rektori i Universitetit “Marin Barleti”, prof.dr. Marenglen Spiro, i cili ishte dhe kryetari i jurisë.

Skuadra fituese, X-1 fitoi një shumë prej 10.000 lekësh ndërsa skuadra X-4 e klasifikuar e dyta fitoi një set librash të botuar nga Botimet Dudaj.
Universiteti “Marin Barleti” duke pasur për qëllim mbrojtjen dhe afrimin e vlerave dhe të më të mirëve planifikon që këtë traditë dy vjeçare tashmë, ta zgjerojë duke përfshirë në konkurs të gjithë gjimnazet e Tiranës.

Studentët e Fakultetit të Drejtësisë morën pjesë në trajnimin kushtuar luftës ndaj diskriminimit

Një ndër bashkëpunimet e frytshme të Fakultetit të Drejtësisë me Qendrën për Nisma Ligjore Qytetare u kurorëzua me trajnimin që kjo qendër organizoi me temë “Njohja me ligjin nr. 10221, datë 4.2.2010, ‘Për mbrojtjen nga diskriminimi’ dhe mjetet ligjore që ky ligj ofron për mbrojtje”. Ky aktivitet organizuar ditën e mërkurë dt 20 mars 2013, nga Qendra për Nisma Ligjore Qytetare, ishte në kuadrin e aktiviteteve për zbatimib e projektit “Zbatimi i ligjit ‘Për mbrojtjen nga diskriminimi’”, me mbështetjen e Programit të Granteve të Vogla të Komisionit për Demokraci, të Ambasadës së SH.B.A -ës në Tiranë.

Nga universiteti “Marin Barleti” morën pjesë 11 studentë nga vitet e dyta, të treta dhe të katërta. Studentëve ju dha mundësia të shohin nga afër punën e Komisionerit për Mbrojtjen ndaj Diskriminimit, po ashtu dhe u njohën thellësisht nga specialistë të fushës me mjetet mbrojtëse si dhe rastet më flagrante të diskriminimit që takohen në shoqërinë shqiptare.

Në vazhdimësi të këtij trajnimi Qendra për Nisma Ligjore Qytetare ka ftuar studentët që të marrin pjesë në konkursin “ Esetë më të suksesshme për zbatimin e legjislacionit kundër diskriminimit” ku përveç çmimeve që do të ofrohen, punimet më të mira do të publikohen në faqen e internetit të Qendrës për Nisma Ligjore Qytetare.

S’na mbetet gjë tjetër veçse t’ju urojmë suksese studentëve tanë në këtë konkurs si dhe të shpresojmë në bashkëpunime të tjera akoma edhe më të suksesshme.

Trajnim me temë "Njohuri të domosdoshme për përkatësinë gjinore"

Në 20 mars 2013, u zhvillua seanca e fundit e trajnimit “Njohuri të domosdoshme për përkatësinë gjinore”. Ky trajnim u realizua për 6 javë rradhazi, çdo të mërkurë, me studentë të Universitetit “Marin Barleti”, të programeve të ndryshme, si Ekonomi & Financë, Shkenca Politike, Drejtësi, Psikologji dhe Sociologji. Vetë studentët ishin iniciatorët dhe nxitësit e këtij trajnimi, që u realizua nga Akademia Gender Plus pranë Institutit Shqiptar për Çështjet Publike (AIPA). Ky projekt u mbështet financiarisht nga vetë Universiteti.

Në këtë javë të fundit e ftuar ishte Dr. Eglantina Gjermeni, deputete e Kuvendit të Shqipërisë. Dr. Gjermeni ndau me studentët informacione lidhur me statusin e gruas në vendimmarrje, problematika të kuotës gjinore dhe vështirësitë e aplikimit të saj në këtë fazë të zhvillimeve politike.

Studentët shkëmbyen opinione dhe treguan interes të veçantë për përvojën konkrete të Znj. Gjermeni në periudhën 4 vjeçare të aktivizimit të saj në politikë.
Në përfundim, studentët bënë vlerësimet e tyre për mënyrën e zhvillimit dhe përmbajtjen e trajnimit. Ata u shprehën të kënaqur për pjesëmarrjen e tyre në këtë aktivitet. Vlerësuan faktin që interesi i tyre i shprehur spontanisht në një orë leksioni për përkatësinë gjinore, në lëndën e Sociologjisë, u trajtua me shumë seriozitet nga Universiteti. Një pjesë e tyre thanë se tashmë ndiheshin më të sigurt për të artikuluar çështje të lidhura me barazinë gjinore, disa të tjerë se verifikuan dijet e tyre dhe i shtuan ato. Të tjerë vlerësuan jo vetëm informacionin e ri, por edhe cilësinë e trajnerëve si dhe mundësinë për të zhvilluar së bashku biseda dhe ide jashtë auditorit.

Në ceremoni ishin të ftuar dhe trajneret e seancave të mëparshme, eksperte të njohura të çështjeve gjinore, Znj. Lavdie Ruci, Znj. Etleva Bisha, Znj. Elida Meta, Znj. Sonila Danaj dhe Znj. Migena Kapllanaj. E ftuar ishte edhe koordinatorja kombëtare e programit të UN Women në Shqipëri, Znj. Estela Bulku. Znj. Bulku u prezantoi studentëve drejtimet e veprimtarisë së organizatës së mirënjohur tashmë UN Women edhe në Shqipëri, gjithashtu i ftoi studentet dhe studentët pjesëmarrës të vizitojnë mjediset e UN Women, të njohin dhe të shfrytëzojnë materiale studimore të kësaj organizate si burime cilësore për detyra të ndryshme akademike dhe sociale.

Aktiviteti u mbyll me ceremoninë e dhënies së certifikatave për pjesëmarrësit nga drejtuesit e AIPA-s, dhe Akademisë Gender Plus, Dr. Dorian Jano dhe Dr. Saemira Pino.

AIPA dhe Akademia Gender Plus synojnë të ofrojnë në të ardhmen e afërt një trajnim të dytë me njohuri më të thelluara, dhe jo vetëm me studentë, por edhe me të tjerë të interesuar për të zgjeruar dijet e tyre në çështjet e përkatësisë gjinore dhe për t’i aplikuar ato në jetën e përditshme me qëllim zvoglimin e hendekut gjinor.

Ky aktivitet dhe mjaft aktivitete të tjera që janë zhvilluar dhe planifikuar të zhvillohen në mjediset e UMB, me studentë, nxënës të shkollave të mesme, organizata jofitimprurëse, qytetarë të interesuar dhe aktivë, i shërbejnë në mënyrë specifike krijimit dhe forcimit të një atmosfere miqësore për njohjen dhe respektimin e të drejtave të njeriut, veçanërisht të grave. UMB prej më shumë se një vit është pjesë e projektit të rëndësishëm rajonal HEART-TEMPUS “Për të vënë në zemër të arsimit të lartë edukimin për të drejtat e njeriut” që synon jo vetëm përmirësimin e programeve akademike, por edhe veprimtari konkrete në funksion të këtij qëllimi.

Programi i trajnimit mbi menaxhimin e Qëndrës së Karrierës

Më datë 5 deri 8 Mars dhe 11 deri 13 Mars 2013, stafi pedagogjik i Universitetit "Marin Barleti" mori pjesë në programin e trajnimit mbi menaxhimin e Qëndrës së Karrierës.

Ky aktivitet ishe organizuar nga USAID/Albania dhe synonte mbështetjen e hapjes dhe funksionimit të Qëndrave të Karrierës në universitet shqiptare. Pas përfundimit të suksesshëm të një trajnimi intesiv 7 ditor, Drejtori i Misionit USAID/Albania Jim Barnhart u shpërndau çertifikatat punonjësve të universiteteve pjesëmarrëse.

Trajnimi përbëhej nga dy faza:

Faza e parë, 5-8 mars, iu dedikua formimit të zyrës së Karirerës, mënyrës së krijimit të një panairi pune dhe rëndësisë së rolit që kjo zyrë do te luajë jo vetëm në të mirë të studentëve por edhe të vetë tregut të punës.

Faza e dytë, 11-13 konsistoi në rëndësinë e përfshirjes së disiplinës së orientimit të karrierës në kurrikulat mësimore.

Qëndra e Karrierës dhe stafi pedagogjik do tu ofrojë studenteve aftësi të reja në lidhje me praktikat e biznezeve të kompanive të ndryshme dhe do t’i ndihmojë të prezantohen profesionalisht në intervista me punëdhenës të ndryshëm, për të hyrë në tregun e punës.

Pranverë në UMB - traditë, argëtim, arsim me dhe për studentët.

Me rastin e Ditës së Verës, Zyra e Klubeve Studentore dhe Zyra e Alumnit dhe Karrierës pranë Universitetit "Marin Barleti", organizuan me studentë dhe të ftuar një banket tek Restorant "Ballkanit", duke shijuar ballokumet e famshme të Elbasanit.

Në këtë takim, përveçse u shijuan ëmbëlsirat tradicionale, Rektori i Universitetit, Prof. Marenglen Spiro uroi të pranishmit dhe përgëzoi për vazhdimësin e traditës së bukur të ditës së verës në UMB.

Ndryshe nga vitet e shkuara, këtë vit këtij aktiviteti iu bashkuan dhe ish-studentët tanë. E ku ka më bukur se të ndërthuret jeta akademike e studentëve në UMB nëpërmjet traditës, kulturës dhe dashamirësisë.

Gjatë aktivitetit u dhuruan verore sipas traditës se kësaj feste.

Zyra e Karrierës dhe studentët e UMB-së morën pjesë në panairin e punës "Dita e Karrierës"

Nën kujdesin e Zyrës se Karrieres dhe Alumni, ditën e martë datë 12 mars 2013, Universiteti “Marin Barleti” u bashkangjit aktivititetit “Dita e Karrierës” e zhvilluar në ambientet e Fakultetit të Drejtësisë të Universitetit Publik të Tiranës. Ky aktivitet realizohej në mbështetje te Programit të USAID-it për Forcimin e Sistemit të Drejtësisë në Shqipëri (Just), nga Dhoma Amerikane e Tregitisë.

Universiteti ynë mori pjesë me një stendë ku përfaqësues të Zyrës së Karrierës, Dekani i Studentëve dhe studentë të fakultetit të drejtësisë shfaqën ofertën akademike. Interes i veçantë u vu re për Çertifikatat Pearson të gjuhës angleze si dhe për programin e Doktoraturës që Universiteti Marin Barleti e ofron sëbashku me Universitetin amerikan të Clemsonit.

Bashkepunime te tilla shërbejnë gjithashtu për ti ofruar studenteve mundësi për praktike, oferta pune dhe mundesi të mëtejshme studimi brenda dhe jashtë vendit.

Takim i grave të biznesit

Në 8 mars 2013, në mjediset e Universitetit Marin Barleti, gra të njohura në fushën e biznesit , anëtare të Komitetit të grave në biznes të Dhomës Amerikane të Tregtisë (WoBAC) u mblodhën në një mëngjes pune.

I ftuar në takim ishte z. Les Nemethy, ekspert i njohur për këshillim në çështjet e biznesit dhe autori i librit “”ÇLIRIMI I VLERËS - Çelësi për një dalje të suksesshme nga biznesi” të sjellë në shqip kohët e fundit nga Shtëpia Botuese “Dudaj”.

U zhvillua një bashkëbisedim me interes për aspekte të ndryshme të mbarëvajtjes ose jo të biznesit në terrenin shqiptar . Zonjat pjesëmarrëse sollën përvojat e tyre, vështirësitë që ndeshin në menaxhimin e bizneseve, por evidentuan edhe faktorët që u kanë sjellë sukses. Eksperti nga Kanadaja solli një sërë shembujsh nga zhvillimet ndërkombëtare dhe trajtoi veçanërisht disa nga çështjet që janë ende të reja për zhvillimet në Shqipëri, lidhur me mbylljen apo daljen nga biznesi.

Në emër të Komitetit të grave në biznes Flutura Veipi, aktualisht Drejtore Ekzekutive e Procredit Bank falenderoi z. Nemethy për bisedën si dhe për librin. Ajo vuri në dukje gjuhën e thjeshtë të trajtimit të problemeve të tilla komplekse siç janë ato të shkrirjes, bashkimit, privatizimit, daljes nga biznesi në përgjithësi dhe rëndësinë që ka marrja e vendimeve në kohën e duhur dhe në mënyrën e duhur.

Në mbyllje të këtij takimi miqësor , Zonja Adriana Berberi, Administratore e Deleguar e Universitetit Marin Barleti, uroi përzemërsisht koleget e ftuara, për ditën e 8 Marsit. Ajo nënvizoi nevojën për të nxitur dhe mbështetur gratë në biznes , gjë që duhet ta bëjnë të gjithë aktorët dhe faktorët së bashku. Në funksion të këtij qëllimi ajo ofroi edhe mbështetjen nga Akademia Gender plus, institucion kërkimor i krijuar pranë UMB që synon fuqizimin e gruas.

Bisedë me David Precht

Në 2 mars 2013 në auditoret e UMB, studentët dhe pedagogët bashkëbiseduan me filozofin gjerman Richard David Precht. Takimi u organizua në kuadrin e vizitës dyditore të tij në Shqipëri me ftesë të Shtëpisë Botuese Dudaj, e cila këto ditë nxorri nga shtypi librin e mirënjohur të autorit “Kush jam unë dhe nëse Po sa shumë. Një rrugëtim filozofik”. Libri është sjellë mjaft bukur në shqip nga përkthyesja Rezarta Reimann – Meço.

Znj. Arlinda Dudaj, drejtuese e Shtëpisë Botuese, në fjalën e saj të hapjes theksoi se Richard David Precht është një shkrimtar, eseist, gazetar dhe filozof i njohur në Gjermani. Librat e tij janë kryesisht të karakterit filozofik dhe ashtu si emisionet dhe rubrikat e tij në median televizive dhe të shkruar, kanë një audiencë shumë të madhe. Libri është një vlerë e shtuar për lexuesit shqiptarë. Megjithëse filozofik ai u drejtohet jo vetëm elitave.

Richard David Precht, vinte për herë të parë Shqipëri, pas një tentative të pasuksesshme për ta vizituar atë në verën e 1985, kur fare i ri kish kureshtjen të shihte një vend komunist, siç njihej në Perëndim. Por politika absurde e kohës nuk e lejoi të hynte. Gjatë bisedës ai e përcolli këtë mbresë të tijën mbi Shqipërinë dhe kontaktet e para me të.

R.Precht, thjesht dhe kuptueshëm, cilësi dalluese të komunikimit të tij filozofik, ju përgjigj pyetjeve mbi unin dhe njohjen e tij nga vetë individi apo të tjerët jashtë tij, çfarë është liria dhe sa të lirë jemi në zgjedhjet tona, përse besojmë apo jo dhe si perceptohet ekzistenca e Zotit, cilat janë misteret e trurit të njeriut, cili është raporti i filozofisë me shkenca të tilla si biologjia apo fizika etj.

Dr. Saemira Pino, Dekane e Fakultetit të Shkencave Sociale në mbyllje të takimit, vuri në dukje se kjo bisedë me kaq interes do mbahet mend gjatë, se interpretimi sa shkencor aq edhe i thjeshtë dhe i çliruar nga dogmat i çështjeve madhore filozofike është një model shumë i mirë për studiuesit shqiptarë që ende janë në kërkim të kohës së humbur.

Auditoret tona- shtoi ajo- kanë patur nderin dhe kënaqësinë të kenë mes tyre shumë e shumë ekspertë vendas dhe të huaj, personalitete publike, shkrimtarë e ambasadorë, por Richard David Precht bën vend mes tyre si ambasador me kredencialet e dhëna prej filozofëve, që nga më të lashtët Sokrati e Platoni, Hjum e Bentham, Niçe e Frojd, Sartër, Huserl apo Hajdeger dhe deri te Habermasi e Rawlsi, idetë e të cilëve me Përse- të që i shoqërojnë na i sjell nëpërmjet librit.

Pjesëmarrësit patën privilegjin të njihen të parët në Shqipëri me librin e Richard David Precht dhe të merrnin shumë miqësisht një autograf prej tij.

Aktivitet në fushën e Informatikës

Ditën e Premte dt. 01.03.2013 në orën 10:30, Fakulteti i Shkencave të Aplikuara në Universitetin Marin Barleti në bashkëpunim me Microsoft Albania zhvilluan një aktivitet në ambjentet e Protik Albania me studentët e vitit të parë dhe të dytë të universitetit Marin Barleti dega Infromatikë.

Gjatë këtij aktiviteti studentët u njohën me ambjentet e reja të qendrës Protik dhe mundësitë dhe mbështetjen që të ofron kjo qendër në zvillimin e një biznesi. Në këtë qendër u mbajt gjithashtu dhe një demostrim mbi zhvillimin e një aplikacioni për sistemin operativ Windows Phone, ku interesi i studentëve ishte shume i madh i cili u shfaq edhe në pyetjet e shumta që ata ngritën. Studentët gjithashtu patën mundësinë të njihen me risitë e reja në fushën e informatikës si dhe të njiheshin me disa nga iniciativat e reja që Microsoft Albania ka ndërmarrë me qeverinë shqipëtare si dhe iniciativa më e re “YouthSpark” e ndërmarrë nga Microsoft, e cila synon punësimin e 300 milion njerëzve në të gjithë botën nëpërmjet ICT, duke i dhënë në këtë mënyrë, një mundësi më shumë të rinjve shqiptarë për tu punësuar nëpërmjet teknologjisë.

Ky aktivitet u pëlqye nga studentët e degës Informatikë dhe shprehën interesin që edhe në të ardhmen të krijohen aktivitete të ngjashme në fushën e Informatikës.

Rëndësia e teknologjisë në ecurinë e një bisnesi

Ditën e Enjte dt. 28.02.2013 në orën 10:30, Fakulteti i Shkencave të Aplikuara në Universitetin Marin Barleti në bashkëpunim me Institutin e Kërkimit dhe Zhvillimit Barleti dhe Microsoft Albania zhvilluan takimin me temë “RËNDËSIA E TEKNOLOGJISË NË ECURINË E NJË BIZNESI”.

Të ftuar në këtë takim ishin z. Arsen Kurti - Menaxher i Përgjithshëm Microsoft Albania, z.Sokol Muca - Menaxher i Programeve Akademike Microsoft Albania, z.Arben Murtaj - Strateg i Llogarisë Teknologjike Microsoft Albania.

Gjatë takimit z.Arsen Kurti diskutoi rreth inovacioneve të reja në fushën e teknologjisë të sjellura nga kompania Microsoft për tregun global si dhe u diskutua rreth produkteve të cilat ofrohen nga Microsoft Albania në lehtësimin e menaxhimit dhe komunikimit të cilat përdoren nëpër institucione të ndryshme. Gjithashtu u bë dhe prezantimi i teknologjisë më të fundit të Microsoft “Windows Surface Pro” si një risi e re në fushën e Hardware. Interes pati nga ana e studentëve për aplikacionet ERP (sistemet e planifikimit të burimeve) i cili mbështet zakonisht zinxhirin e brendshëm të bizneseve dhe aplikacionet CRM ( menaxhimin e marrëdhënieve me klientin) që siguron kujdes për klientin.

Më vonë fjalën e mori z.Arben Murtaj i cili diskutoi rreth historisë së zvillimit të teknologjisë ndër vite dhe prespektivat për të ardhmen, gjithashtu solli dhe një analizë të gjerë të bërë në shumë biznese botërore për lehtësirat dhe përfitimet që kishin realizuar këto biznese duke implementuar teknologjitë e reja.

Z.Sokol Muca diskutoi për bashkpunimin që ka Microsoft Albania me universitete të ndryshme të vendit përfshirë dhe universitetin Marin Barleti. Ai foli dhe rreth programit Microsoft IT Academy si një program edukimi i cili është në dispozicion për të gjitha institucionet e akredituara akademike, i projektuar për të pajisur studentët me aftesitë e nevojshme në fushën e teknologjisë së shekullit të 21 të nevojshme për të marrë certifikimin dhe të jenë konkurrues në vende pune të cilat evoluojnë me shpejtesi dita ditës.

Takimi zgjati rreth 2 orë ku morën pjesë studentë dhe pedagogë. Gjate takimit pati shume pyetje dhe diskutime rreth tematikave të ndryshme në fushën e teknologjisë.

Universiteti Clemson në bashkëpunim me Univ. "Marin Barleti"

Në kuadrin e studimeve doktorale të ofruara nga Universiteti Clemson në bashkëpunim me Universitetin Marin Barleti, gjatë muajit shkurt ishte në Tiranë Dr. Mark Small, koordinator i programit Studime Ndërkombëtare për Familjen dhe Komunitetin.

Gjatë vizitës së tij Dr. Small realizoi takime individuale me studentët për të diskutuar çështje që lidheshin me zhvillimin e mësimit dhe të tjera të lidhura me programin. 12 studentë nga Shqipëria dhe Kosova janë bërë pjesë e këtij programi doktoral.

Në datë 28 Shkurt Dr. Small zhvilloi mësimin duke mbledhur së bashku në klasë studentët shqiptarë dhe online studentët në Universiteti Clemson. Lidhja u realizua nëpërmjet programit Adobe Conect, një sistem që përdoret për mësimim në distancë nga Universiteti Clemson. Ky organizim bëri të mundur që në të njëjtën kohë dhe në të njëjtën orë mësimi të diskutonin së bashku për transformimin e komunitetit doktorantë nga Shqipëria, Kosova dhe vende të ndryshme të SHBA-ve.

Programi i doktoratës ju mundëson studentëve tanë jo vetëm të përfitojnë nga ekspertiza e profesorëve të Universitetit Clemson, nga kurrikulat dhe materialet që përdoren prej tyre, nga burimet informative të kohëve të fundit, por njëkohësisht të kenë shansin që të njihen dhe ndajnë eksperiencë me studentë që vijnë nga e gjithë bota; ndërkohë që vazhdojnë jetën dhe zhvilimin e tyre profesional në vendin ku jetojnë.

Leksion i hapur me temë "Taksa Progresive vs Taksa e sheshtë".

Ditën e Martë dt.26.02.2013, Fakulteti e Ekonomisë dhe Financës dhe Instituti Shqiptar për Cështjet Publike (AIPA) me mbështetjen e Fondacionit “Friedrich Ebert”, organizuan në Universitetin “Marin Barleti” leksionin e hapur me temë “Taksa Progresive vs Taksa e Sheshtë”.

Leksioni u mbajt nga eksperti i mirënjohur ndërkombëtar në fushë, Prof. Krastyo Petkov.

Gjatë leksionit prof. Petkov shpjegoi përparësitë dhe kufizimet që këto dy sisteme fiskale kanë. Sipas prof. Petkov, taksa e sheshtë edhe pse ka shumë përparësi, nuk ka sjellë në ekonomitë e vendeve përkatëse ato rezultate që institucionet financare ndërkombëtare apo qeveritë prisinin. Prandaj, sipas tij një sistem progresiv tipik për Europën sociale por edhe për vendet e zhvilluara në përgjthësi si SHBA, Japoni etj., do ishte më i përshtatshëm. Kjo, siç vë ai në dukje, duhet të ndodhë duke patur parasysh dhe harmonizimin fiskal që vendet e BE janë angazhuar të ndërmarrin.

Një element tepër i rëndësishëm, i përmendur nga prof. Petkov, është se për zbatimin e politikave fiskale duhet një mobilizim i gjerë, diskutim dhe negocim mes ekspertëv dhe specialistëve, duke përdorur në të njëjtën kohë sindikatat, presion qytetar apo dhe mjetet politike.

Leksioni zgjati rreth 2 orë ku morën pjesë studentë, pedagogë dhe ekspertë të politikave fiskale. Duke patur parasysh aktualitetin e temës, gjatë leksionit u bënë shumë pyetje, pati debate dhe diksutime të gjera.

Fakulteti i Ekonomisë dhe Financës falenderon pjesëmarrësit dhe ju mirëpret të gjithëve në takimet e ardhshme.

Thirrje për pjesëmarrje në konferencën: "Demokracia Pjesëmarrëse: Sfidë e Integrimit Europian"

Departamenti i “Qeverisjes, Politikës dhe Komunikimit” pranë Fakultetit të Shkencave Sociale në Universitetin “Marin Barleti” dhe “Instituti Shqiptar per Ceshtje Publike” “bëjne të njohur thirrjen për pjesëmarrje në Konferencën Shkencore Ndërkombëtare “Demokracia Pjesëmarrëse: Sfidë e Integrimit Europian”.

Përqëndrimi i pushtetit politik e qeverisës, ndërsa përjetojmë hapat e para të demokracisë, është simptomë e sjelljeve të administratorëve politike, përfaqësues të deleguar te vullnetit te sovranit, e prekshme dhe e reflektuar në standartet e realitetit ku bëjmë pjesë.

A është Shqiperia dhe Ballkani, realiteti që dëshirojmë ? Në se jo, sa dhe si mund të kontribuojmë për të përsosur demokracinë politike e qeverisëse ne hapsirën ku jetojmë ?

Nëpërmjet Konferencës “Demokracia Pjesëmarrëse: Sfide e Integrimit Europian” synojmë te prezantojmë ide, diskutojmë dhe debatojmë mbi rrugët e përmirësimit të demokracisë poltike e qeverisëse ne vend dhe rajon, për të ndërtuar shoqërinë e standarteve Europiane.

Tematika e Konferences do të ketë karakter ndërdisiplinor, duke u përqëndruar në fusha te politikës, qeverisjes, komunikimit dhe medias, të së drejtës, ekonomisë, kulturës dhe arsimit, sociologjisë, demografisë, zhvillimeve rajonale dhe euroatlantike, etj.

Konferenca do të zhvillohet ne Kampusin Nr 1 të Universitetit, në Dt 30-31 Maj 2013.

Per informacionin e plotë mbi Konferencën, adresën për të komunikuar dhe Formularin e Aplikimit për pjesëmarrje, ju lutem shkarkoni dokumentat e më poshtëme.

Informacion mbi Konferencën.

Folmulari i Aplikimit për pjesëmarrje.

Konferencë shkencore ndërkombëtare "Shqipëria dhe Pakicat Kombëtare, Etnike dhe Kulturore"

Fakulteti i Drejtësisë i Universitetit “Marin Barleti”, në bashkëpunim me Institutin Shqiptar për Çështje Publike, pranë këtij Universiteti, në datat 13 dhe 14 Shkurt 2013, organizoi Konferencën shkencore ndërkombëtare me tematikë “Shqipëria dhe Pakicat Kombëtare, Etnike dhe Kulturore”. Në këtë konferencë morën pjesë referues shqiptarë dhe të huaj, autoritete të fushës së drejtësisë dhe fushave të tjera, përkrah lektorëve dhe ekspertëve të mirënjohur.

Konferenca u zhvillua përgjatë dy ditëve, në datat 13 dhe 14 shkurt 2013. Ditën e parë, Konferenca i zhvilloi punimet në Seancë Plenare, në Hotel “Tirana International”. Ndërsa ditën e dytë, punimet u zhvilluan në Universitetin “Marin Barleti” (Kampusi Nr.1), në tre Seksione, ku u trajtuan, respektivisht: Regjimi juridik i pakicave kombëtare, etnike dhe kulturore në Shqipëri; Gjendja ekonomike shoqërore e pakicave në Shqipëri; dhe Komunitetet etnike shqiptare dhe ato të tjera në vendet fqinje.

Konferenca ishte dhe rezultoi si një mundësi diskutimi dhe shkëmbimi mendimesh mbi çështjen e pakicave kombëtare, dhe etnokulturore, të cilat jetojnë në territorin e Republikës së Shqipërisë, si dhe të komuniteteve shqiptare që jetojnë në vendet fqinje si rezultat i proceseve të ndryshme historike dhe politike. Përgjatë punimeve të Konferencës u bë një analizë, e shoqëruar edhe me diskutime dhe debate, jo vetëm rreth gjendjes, problemeve dhe shqetësimeve të këtyre pakicave, duke analizuar në veçanti aspektet juridike, shoqërore, ekonomike dhe politike të tyre por, së pari, edhe të koncepteve teorike në fushën e pakicave.

Pjesëmarrësit në Konferencë, ndër të tjera, falenderuan dhe përgëzuan Universitetin “Marin Barleti” që, në kuadrin e 100 vjetorit të pavarësisë së shtetit shqiptar, ndërmori një nismë të tillë të lavdërueshme, në kuadrin e të drejtave të njeriut dhe lirive themelore.

Ndeshja BARLETI VOLLEY Vs TIRANA

Ekipi i volejbollit të Universitetit Marin Barleti pas fitores me ekipin e Teutes dhe debutimit me sukses te dy lojtareve Ukrainase, Olga dhe Lilia, do të luajë kundër ekipit të Tiranës, të Premten, dt.08.02.2013, ora17:00, në Pallatin e Sportit "Fahrie Hoti", Tiranë.

Ejani të gjithë të mbështesim skuadrën tonë!
Forca vajzat e Barletit!

Pjesëmarrja e pedagogëve dhe studentëve të Universitetit Marin Barleti në takimin e ECOSMeG.

Më 27-29 Janar në qytetin e vogël të Forli, Itali u zhvillua takimi i parë i ECOSMeG. Takimi u zhvillua në kuadër të projektit ECOSMeG, i cili zhvillohet dhe mbështetet nga programi: "Europe for Citizens Programme - Action 4 - Decision no. 2012 - 3683 / 002 – 001”. Ky projekt ka në fokus evidentimin, studimin dhe prezantimin e vendeve memoriale të holokaustit ndaj hebrenjve si dhe viktimave të komunizmit. Ky ishte takimi i pare në nivel koordinatorësh dhe studentësh të cilët do të jenë aktorët kryesorë në zhvillimin e tij.

Projekti përfshin dy Universitete partnerë nga Ballkani Perëndimor dhe tre Universitete Italiane. Universiteti i Bolonjës, Universiteti i Terramos dhe Universiteti i Kalabrisë, janë partnerët Italianë. Universiteti i Zagrebit dhe Universiteti “Marin Barleti” janë dy Universitetet, e vetme partnere, nga Ballkani Perëndimor të cilët kanë fituar të drejtën të jenë pjesë e projektit.

Takimi nisi me Marshimin e Memories duke bërë pjesë të tij jo vetëm studentët dhe pedagogët e përfshirë në projekt, por edhe autoritetet dhe qytetarët vendas. Marshimi u udhëhoq nga Sauli Ladany, i mbijetuari i Holokaustit, duke vizituar ish burgun politik të SS-ve, jetimoren në rrugën Salirnatore, burgun Rocca, ish hotelin e Tregëtisë (kamp provizor i përqëndrimit të Hebrenjve), për të vazhduar në Parkun e Rezistencës, ku u mbajt ceremonia e rastit me autoritetet vendase. Më pas studentët dhe pedagogët e Universitetit Marin Barleti morën pjesë në Seminarin Ndërkombëtar mbi të Përkujtuarin dhe artin e Shërbimit. Takim, qe u mbajt në sallën e këshillit komunal të qytetit të Forlisë, u diskutua mbi të “drejtët mes kombeve” gjatë kohës së Shoah dhe mbi artin e të shërbyerit në mënyrë të drejtë sot. Në takim u mbajtën dëshmi të gjalla nga të mbijetuarit e Holokaustit (C. Finzi dhe Sh. Ladany) dhe u mbajtën kumtesa nga diplomatët suedezë, kroatë, shqiptarë, izraelianë, europarlamentarë, studiues, autoritetet shtetërore vendase, përfaqësues të shoqërisë civile, ushtarakë, përfaqësues të komuniteteve fetarë, etj. Dita u mbyll me një koncert mbajtur nga ansambli “Quadrivium” i Venecias.

Punimet e seminarit ndërkombëtar vazhduan edhe ditën tjetër me një diskutim frytdhënës, inter-aktiv mbi synimet që kërkon të arrijë projekti dhe rrugën që duhet të ndiqet për përmbushjen e këtyre qëllimeve. Studentët, përmes një takimi të veçantë, pa pjesëmarrjen e pedagogëve shkëmbyen ide dhe mendime, zgjidhje mbi problematikat, synimet e tyre si dhe evidentuan dhe hodhën bazat e krijimit të një rrjeti ndër-universitar mbi vazhdimësinë dhe punën që do të bëhet në të ardhmen. Ndërkohë që koordinatorët përmes një takimi tjetër diskutuan çështjet teknike dhe problematika të tjera në lidhje me mbarëvajtjen e këtij projekti si dhe aktivitetet e tjera të cilat do të zhvillohen në kuadrin e projektit.

Detyrat e caktuara dhe idetë e hedhura tani mbeten për tu konkretizuar dhe për tu bërë të prekshme nga një publik i gjerë, sepse nëse nuk rikujtojmë, rrezikojmë të ripërsërisim fragmente të errëta të historisë njerëzore.

Promovim Libri "Rrethimi i Shkodrës" vepër monumentale e Marin Barletit.

Në datë 29.01.2013 Universiteti “Marin Barleti” në bashkëpunim me Institutin Shqiptar për Çështjet Publike (AIPA) pati nderin të kishte të ftuar, Pastorin David Hosaflook përkthyes ne gjuhën angleze të veprës monumentale “Rrethimi i Shkodrës” e humanistit të madh Marin Barleti. David Hosaflook është nënshtetas amerikan dhe pastor ungjillor në Shqipëri. Ai foli për rëndësinë e këtij libri dhe u shpreh se: “ky libër është i rëndësishëm për të kuptuar të kaluarën sidomos marrëdhëniet midis Venedikut dhe Stambollit, për historinë e konfliktit fetar, ndër të tjera është një vepër letrare dhe estetike”. Z. David në prezantimin e tij me një gjuhë të kulluar shqipe na tregoi se si një nga ditët e para të qëndrimit të tij në Shqipëri, teksa mësonte gjuhën shqipe, kish hasur në një nga trotuaret e Shkodrës përkthimin e librit “Rrethimi i Shkodrës” nga Henrik Lacej.

Fillimisht e nisi përkthimin e kësaj vepre në anglisht si një detyrë shtëpie që bën çdo kush kur mëson një gjuhë të huaj, por më pas me një përkushtim të vërtetë e vazhdoi këtë punë për afro 18 vite. Po ashtu në përkthimin në anglisht të “Rrethimit të Shkodrës” kishin ndihmuar një sërë arkeologësh, akademikësh, historianësh, redaktorësh si dhe studiuesish shqiptarë dhe të huaj.

Kjo vepër paraqet një rëndësi të madhe për vetë faktin se paraqet ngjarjet të cilat i ndryshuan fatin të gjithë Ballkanit për 600 vite rresht. Punimi i z. Hosaflook është një nder që i bëhet në këtë 100 vjetor vetë popullit shqiptar dhe historisë botërore, pasi sjell përkrah gjuhëve italiane, franceze dhe polake për të gjithë osmanologët dhe albanologët në anglisht një gur të munguar në mozaikun e historisë botërore – betejën e fundit të Sulltan Mehmetit të II, ai që arriti të pushtojë zemrën e botës, Kostandinopojën, por jo Shkodrën.

Varianti i sjellë në anglisht është mirëpritur me shumë entuziazëm jo vetëm nga historianët më në zë si David Abdulafia, Lucia Nadin, Robert Elsie etj. por edhe nga vetë ne shqiptarët, pasi më në fund ju dhanë krahë një pjese të rëndësishme por të harruar të historisë sonë.
Interesant është fakti se varianti i ri në shqip dhe në anglisht i “Rrethimit të Shkodrës” sjell jo vetëm dëshmitë e Marin Barletit i cili ka qenë dhe dëshmitar okular asaj kohe, por edhe dëshmitë dhe kronikat e historianëve osmanë si A. Pashazade, Tursun, Kivami, Idrisin-i Bidlisi, K. Pashazade.

Prezantimi i kësaj vepre monumentale në auditorët e universitetit “Marin Barleti” jo vetëm përbën nder për institucionin tonë por rriti dhe kureshtjen e studentëve të cilët me shumë kërshëri dhe interes bashkëbiseduan dhe kërkuan informacione nga më të ndryshmet nga z. Hosaflook.
Në këtë event ishte i pranishëm dhe Z. Arben Malaj i cili si mik i vjeter i Davidit foli rreth punes se palodhur qe ka bere davidi ne perkthimin e librit " Rrethimi i Shkodrës"

Tryezë e rrumbullakët në lidhje me hapjen e programit të ri mësimor në: Financë, Bankë, dhe Sigurime

Ditën e Enjte më dt.31 Janar, ora 11:00, Fakulteti i Ekonomisë dhe Financës në Universitetin Marin Barleti, në vazhdim të diskutimeve për hartimin e programeve të reja të propozuara organizoi një tryezë të rrumbullakët në lidhje me hapjen e programit të ri studimor: Financë, Bankë, Sigurime.
Nevoja për këtë program të ri lind për t’iu përshtatur sa më shumë ndryshimeve që ndodhin vazhdimisht në një ekonomi në zhvillim siç është edhe ekonomia shqipëtare. Është kjo arsyeja pse programet ekzistuese shndërrohen shumë shpejt në obsolete dhe kanë nevojë për përmirësime, përshtatje dhe ndryshime në vijimësi.

Në tryezë ishin të ftuar eskpertë profesionistë të fushave përkatëse, përfaqësues të institucioneve të rëndësishme në vend si, Kontrolli i Lartë i Shtetit, Auoriteti i Mbikqyrjes Financiare, Procredit Bank, Raiffeisen Bank, Union Bank, Sigal , Eurosig, NOA, si edhe pedagogë me eksperiencë në këto fusha.
Programet e studimit janë një nga elementët më të rëndësishëm për formimin e studentëve si kontigjentë të ardhshëm të tregut të punës. Është kjo arsyeja që pikërisht diskutimi i këtyre programeve me profesionistë të fushës konsiderohet si një hap parësor nga ana jonë për suksesin dhe përshtatjen e tyre me nevojat e biznesit.

Tryeza zgjati pothuajse 2 orë duke u shoqëruar nga debate e diskutime të shumta midis pjesëmarrësve, të cilat u konsideruan si shumë të vlefshme për krijimin e një program studimor me orientim ndaj studentit dhe me qëllim që ti përgatisin ata për tregun e punës me synimin e arritjes dhe mbajtjes së një norme të lartë punësimi në pozicione me influence në botën e biznesit, si dhe në administratën publike.

Fakulteti i Ekonomisë dhe Financës duke falënderuar pjesëmarrësit për dikustimet dhe idetë e tyre të vlefshme, shpreh gatishmërinë për organizimin në vijimësi të takimeve të tilla më përfaqësues të biznesit, administratës publike dhe akademikë, me synimin kryesor që të formojë një brez profesionistësh të aftë për të analizuar sfidat dhe mundesitë që hasin korporatat apo biznese të ndryshme në mjedisin global financiar.

Leksion i hapur: Certifikat AHLEI në UMB dhe Turizmi si profesion.

Ditën e premte më datë 01.02.2013, Departamenti i Turizmit në bashkëpunim me BIRD, në ambientet e Kampusit 1 të Universitetit “Marin Barleti” zhvilloi një leksion të hapur me studentë dhe pedagogë për t’u informuar mbi risinë më të fundit në UMB , Certifikatat e profesioneve në Turizëm të miratuara nga AHLEI.

Që prej një viti Universiteti “Marin Barleti” është pjesë e 2500 Institucioneve në botë që ofrojnë Certifikatat e AHLEI (American Hotel and Lodgin Association), të cilat janë të njohura globalisht.

AHLEI është një Institut Lider në botë, me një eksperiencë 60 vjeçare në fushën e Certifikimeve të Profesioneve në Hoteleri Turizëm.

Këto certifikata vlerësojnë njohuritë dhe aftësitë e të gjithë punonjësve që çdo ditë ofrojnë shërbime në Industrinë e Turizmit dhe të atyre që duan ti bashkohen botës së madhe të profesioneve në Turizëm.

Në vitin e ri Akademik 2012-2013, pranë Universitetit “ Marin Barleti” do të hapet dhe dega e re e Bachelorit në Hoteleri-Turizëm.

Për të referuar për sa më sipër pranë UMB ishin të ftuar , z. Luan Dervishej , Ekspert Turizmi pranë GIZ në Shqipëri , i cili referoi mbi rëndësinë e certifikimeve të profesioneve në Hoteleri -Turizëm dhe vlerën e shtuar të certifikimeve nga American Hotel and Lodgin Association.

Gjithashtu dhe z. Elton Noti, Specialist pranë Sektorit të Koordinimit të Politikave Turistike në Ministrinë e Kulturës, Rinisë dhe Sporteve, gjatë prezantimit të tij theksoi rolin e rëndësishëm që ka Turizmi në përgjithësi dhe Hoteleria në veçanti në zhvillimin ekonomik të një vendi.

Takimi zgjati rreth 2 orë dhe u shoqërua me pyetje dhe diskutime nga pjesëmarrësit.

Ndeshja BARLETI VOLLEY vs. TEUTA

Ekipi i volejbollit të Universitetit Marin Barleti do të luajë kundër ekipit të Teutës, të Shtunën, dt.02.02.2013, ora16:00, në Pallatin e Sportit "Asllan Rusi" (Partizani), Salla 2, Tiranë.

Ejani të gjithë të mbështesim skuadrën tonë!
Forca vajzat e Barletit!

Thirrje për pjesëmarrje në konkursin e paraqitjes së Planit të Biznesit më të mirë.

Departamenti i Biznesit, Menaxhimit dhe Turizmit në bashkëpunim me Institutin e Kërkimit dhe Zhvillimit Barleti, organizojnë një konkurs për idenë më novatore të planit të biznesit.

Plani i biznesit është një mjet për t'ju ndihmuar të gjeni dhe të eksploroni mundësi të reja. Studentët mund të përdorin konceptin e përgatitjes së një plani biznesi si një metodë për të eksploruar të gjitha llojet e ideve për të filluar një biznes.

Ka qasje të ndryshme për të shkruar një plan biznesi, disa janë më komplekse se të tjerët. Por komponentët themelore të një plan biznesi mund të përmblidhen si më poshtë:

* Sigurimi i një përshkrimi të biznesit,
* Zgjedhja e një strategjie më të mirë të marketingut,
* Identifikimi i planit të menaxhimit,
* Analizimi i financave të nevojshme për të filluar biznesin dhe për ta bërë atë të suksesshëm.

Studenti që do të paraqesë idenë më të mirë, do të vlerësohet nga një grup i posaçëm pedagogësh të fushës së biznesit. Fituesi i konkursit do të bëhet pjesë e grupit të implementimit të një nga projektet më të mëdha të Bashkimit Europian, që Universiteti Marin Barleti ka në proces.

Kërkesat për planin e biznesit:

• Të jetë jo më shumë se 15 faqe
• Formati i germës duhet të jetë Times New Roman dhe madhësia 12pt
• Hapësira ndërmjet rreshtave duhet të jetë 1.5

Afati i përfundimit:

Plani i biznesit duhet të dërgohet përpara datës 01.04.2013 me postë elektronike në adresën:
business.management-dept.coord@umb.edu.al

Promovim Libri "Rrethimi i Shkodrës" - Marin Barleti

Instituti Shqiptar për Çështjet Publike së bashku me Universitetin "Marin Barleti" ju ftojnë në promovimin e veprës monumentale të Marin Barletit "Rrethimi i Shkodrës" , redaktuar me mjeshtëri nga Pastori David Hosaflook dhe sjellë në gjuhën shqipe nga përkthyesi Henrik Lacaj.

Vendi : Kampusi 1 Salla A23
Dita: Martë dt. 29 Janar 2013, ora 10.30-12.30

Tryezë e rrumbullakët nga Fakulteti i Ekonomisë dhe Financës në Universitetin "Marin Barleti".

Ditën e Hënë më dt.28 Janar, ora 11:00, Fakulteti i Ekonomisë dhe Financës në Universitetin Marin Barleti, organizoi një tryezë të rrumbullakët në lidhje me hapjen e programit të ri studimor: Kontabilitet, Auditim, Taksa.

Në kushtet e një ekonomie në zhvillim siç është edhe ekonomia shqiptare është gjithnjë e nevojshme që programet mësimore që i ofrohen studentëve të jenë të përditësuara me zhvillimet më të fundit. Është kjo arsyeja pse programet ekzistuese shndërrohen shumë shpejt në obsolete dhe kanë nevojë për përmirësime, përshtatje dhe ndryshime në vijimësi.

Duke patur parasysh eksperiencat e deritanishme dhe një profil të mirë përcaktuar në vite, filozofinë e Universitet tonë “studenti në qendër”, për t’iu përshatur më mirë kërkesave të studentëve, por edhe nevoja të tregut shqiptar, Fakulteti i Ekonomisë dhe Financës propozoi në tryezë hapjen e programit të ri mësimor në Kontabilitet, Auditim, Taksa.

Programet e studimit janë një nga elementët më të rëndësishëm për formimin e studentëve si kontigjentë të ardhshëm të tregut të punës. Është kjo arsyeja që pikërisht diskutimi i këtyre programeve me profesionistë të fushës konsiderohet si një hap parësor nga ana jonë për suksesin dhe përshtatjen e tyre me nevojat e biznesit.

Në tryezë ishin të ftuar eskpertë profesionistë të fushave përkatëse, përfaqësues të institucioneve të rëndësishme në vend, si Këshilli Kombëtar i Kontabilitetit, Kontrolli i Lartë i Shtetit, Auoriteti i Mbikqyrjes Financiare, Drejtoria e Auditimit pranë Ministrisë së Financave, përfaqësues të Drejtorisë së Tatimeve, si edhe pedagogë me eksperiencë në këto fusha.

Tryeza zgjati rreth 2 orë duke u shoqëruar nga debate e diskutime të shumta midis pjesëmarrësve, të cilat u konsideruan si shumë të vlefshme për krijimin e një program studimor me orientim ndaj studentit dhe me qëllim që ti përgatisin ata për tregun e punës me synimin e arritjes dhe mbajtjes së një norme të lartë punësimi në pozicione me influence në botën e biznesit, si dhe në administratën publike.

Fakulteti i Ekonomisë dhe Financës duke falënderuar pjesëmarrësit për dikustimet dhe idetë e tyre të vlefshme, shpreh gatishmërinë për organizimin në vijimësi të takimeve të tilla më përfaqësues të biznesit, administratës publike dhe akademikë, me synimin kryesor që të formojë një brez profesionistësh të aftë për të analizuar sfidat dhe mundesitë që hasin korporatat apo biznese të ndryshme në mjedisin global financiar.

Sensibilizimi i qytetarëve për mbledhjen e plastikës në kuadër të projektit “Arti,Plastika dhe Riciklimi”

Në datë 25.01.2013,u realizua faza e sensibilizimit për mbledhjen e plastikës në kuadër të projektit “Arti,Plastika dhe Riciklimi” në qytetin e Shkodrës. Kjo fazë u organizua sipas aktiviteteve të planifikuara në projekt.

Për realizimin e kësaj faze stafi i projektit të UMB-së në bashkëpunim me punonjës të Bashkisë Shkodër vendosën në rrugët kryesore të qytetit të Shkodrës posterat sensibilizues. Në këto postera u bëhej thirrje të gjithë qytetarëve të mblidhen çdo të mërkurë në vendet e përcaktuara me ndotje më të lartë për të mbledhur mbetjet e plastikës të cilat do shërbejnë më pas për procesin e riciklimit. Këto postera përveç mesazhit sensibilizues tregonin dhe në mënyrë demonstrative produktet ricikluese me kodet e tyre specifike.

Gjatë këtij procesi kalimtarë të ndryshëm ndaluan për të pare informacionin e vendosur nëpërmjet këtyre posterave dhe gjithashtu shfaqën interes nëpërmjet pyetjeve të ndryshme që ju drejtuan ekipit tonë në lidhje me këtë projekt.

Forum i hapur me studentët e Universitetit "Marin Barleti" për median online.

Forum i hapur me studentët e Universitetit “Marin Barleti” për median online, me Mustafa Nanon, Mentor Kikinë, Blendi Salaj, Vjollca Dakon, Xheni Karaj, Kristi Pinderin, Marin Metohu, etj. “Historia ime” organizoi një forum në shkollën “Marin Barleti” ku u diskutua mbi rolin e medias online, siteve dhe blogjeve të ndryshme. Mustafa Nano duke folur per ResPublica.al e cila është një ndër faqet më të klikuara dhe më të komentuara (me rreth 7000 vizitorë unikë në ditë), solli përvojën e tij përpara studentëve dhe iu përgjigj pyetjeve të tyre, të cilat ishin të shumta dhe të larmishme.

Më tej Blendi Salaj bërë një prezantim të shkurtër të “Peshku pa ujë”, i cili është hapur që në vitin 2003. Më shumë se sa një media e ngarkuar me informacion të përditshëm, Peshku Pa Ujë është një blog kolektiv ku njerëzit kanë mundësi por edhe kohë për të përtypur një informacion, për të debatuar dhe për ta analizuar. Salaj shpjegoi se administratorët e tij kanë vendosur të mos kërkojnë reklama pasi nuk do të ishte etike të përfitoje përmes punës së dikujt tjetër.

Mentor Kikia aktualisht kryeredaktor në Top Channel por edhe drejtues i gazetaidea.com. Kjo është një media online e mbështetur nga fondacioni Soros në të cilën shkruajnë sidomos studentët e gazetarisë. Ata bëjnë investigime, raportime lajmesh dhe kjo është një mënyrë që Kikia ka zgjedhur për t’i ndihmuar studentët të fitojnë përvojën dhe eksperiencën për të çarë përpara në rrugën e gazetarisë. Disa herë ka ndodhur që investigime të kësaj gazete janë vjedhur më pas nga mediat e tjera.

Për me teper klikoni në : http://historia-ime.com/en/component/k2/item/1439-nevoja-per-te-folur-per-median-online,-historia-ime-organizon-te-parin-forum-me-studente-dhe-aktiviste.html

Programe Punësimi gjatë verës në SHBA

Zyra e Karrierës pranë UMB fton të gjithë studentët, në një prezantim programesh punësimi gjatë pushimeve verore në SHBA. Prezantimi i këtyre mundësive do të bëhet nga kompania Zip Travel. Aktiviteti i Zip Travel eshte i disenjuar nga Departamenti i Shtetit të SHBA-ve për studentët me kohë të plotë, me qëllim që gjatë pushimeve verore studentët të punojnë dhe jetojnë ne SHBA.

Kur ? Ditën e Enjte, datë 24 Janar 2013, ora 12:30.
Ku ? Tek Kampusi Nr 1, Rr. Sami Frasheri, Nr. 41, Tirane.
Prezantuesi i programit : Aleksander Manojlovski, menaxheri i përgjithshëm i Zip Travel International për Ballkanin.

Etapat e prezantimit:
- Prezantim i shkurtër i Zip Travel. (3 minuta)
- Mundesitë që ofron programi Work and Travel (4 minuta)
- Si të aplikoni në punët e disponueshme në Zip Travel. (2 minuta)
- Si të zgjedhim oferta pune përmes Job-Fair (Panairi i punës) për Usa Work & Travel ( 2 minuta)
- Bashkëbisedim me studentët (10 minuta )
- Pyetje dhe përgjigje (10 minuta)
- Seksion i lirë

Prezantim i programit veror "Work and Travel" nga kompania ZIP Travel në ambjentet e Universitetit "Marin Barleti"

Nën kujdesin e Zyrës së Karrierrës, Diantina Zuna, ditën e enjte, datë 24 Janar 2013, në orën 12:30, në ambjentet e Universitetit “Marin Barleti” në Kampusin Nr 1, u bë një prezantim - me studentët Bachelor rreth kompanisë Zip Travel. Programi veror Work and Travel u siguron studentëve mundësinë për të jetuar dhe punuar në Shtetet e Bashkuara gjatë sezonit të pushimeve verore.

Prezantimi kaloi në disa faza shumë të vlefshme për studentët ku vijon si më poshtë:
- Prezantimi i kompanisë dhe rëndesia e aplikimit online për punësim në SHBA;
- Procedurat e aplikimit;
- Shjegim rreth dokumentave të nevojshme për Ambasadën e Shteteve të Bashkuara;
- Si të zgjedhim ofertat e punës nga Zip Job Pool ose USA - Zip Job Fair ;

Një minutazh të konsiderueshëm iu rezervua edhe seksionit pyetje - përgjigje, ku studentët e Bachelorit ishin të interesuar në qoftë se ky lloj aplikimi online për punë ka sukses dhe rezultat.

Thirrje për pjesmarrje në Projektin ECOSMeG

Universiteti Marin Barleti shpall thirrje për pjesmarrje në Projektin ECOSMeG

Projekti ECOSMeG zhvillohet dhe mbështetet në kuadër të Programit: "Europe for Citizens Programme - Action 4 - Decision no. 2012 - 3683 / 002 – 001”. Ky projekt ka në fokus evidentimin, studimin dhe prezantimin e vendeve memoriale të holokaustit ndaj hebrenjve dhe viktimave të komunizmit.

Në kuadër të realizimit të projektit do të ftonim pjesmarrjen e studentëve, të cilët me prezencën në trajnime në vendet ku do të zhvillohet projekti, angazhimin aktiv si dhe bashkëpunimin me pedagogët organizatorë, do të kontribuonin në përmbushjen e motos së projektit

anë të ftuar të aplikojnë të gjithë studentët e interesuar të të gjitha niveleve të studimit të Universitetit “Marin Barleti”.

Studentët e interesuar janë të lutur të dorëzojnë brenda datës 21.01.2013 në adresën elektronike: gpc-master.coord@umb.edu.al një letër motivimi, në të cilën të shprehin interesin e pjesmarrjes në këtë projekt.

Lutemi që të shënoni pikat më të forta, pasi do të përzgjidhen nga grupi organizator i projektit një numër i kufizuar studentësh.

Trajnim: "Njohuri të domosdoshme për përkatësinë gjinore"

Në Universitetin “Marin Barleti”, ditën e hënë, datë 21 janar 2013, fillon trainimi rreth çështjeve gjinore.

Trainimi është pjesë e aktiviteteve sensibilizuese për çështjet gjinore të Akademisë GenderΣ, pranë Institutit Shqiptar për Çështjet Publike të këtij Universiteti.

Trainimi zhvillohet nga pedagogë të Universitetit “Marin Barleti” dhe eksperte me përvojë dhe të mirënjohura të fushës.

Pjesëmarrësit do të jenë kryesisht studentë të UMB dhe të tjerë, në se janë të interesuar për të marrë një formim bazë mbi disa çështje kryesore lidhur me barazinë gjinore.

Pjesëmarrësit do të pajisen me Certifikatë, e cila njeh dhe 2 (dy) ECTS.

Për pjesëmarrësit që nuk janë studentë të UMB, tarifa e regjistrimit është 2000 lek.

Faza e parë e trainimit do të zhvillohet në 6 seanca nga 140 minuta secila, çdo të mërkurë, sipas axhendës që vijon:

Axhenda e trainimit

"Njohuri të domosdoshme për përkatësinë gjinore"

	Tema	Trainer	Data	Ora
1	Konceptet kryesore mbi përkatësinë gjinore	Dr. Saemira Pino MA Migena Kapllanaj	21.01.2013	13.00 -15.30
2	Dimensioni gjinor i medias	MA Sonila Danaj	23.01.2013	13.00 -15.30
3	Gjinia dhe Ekonomia: të drejtat, mundësitë dhe sfidat	MA Elida Metaj	30.01.2013	13.00 -15.30
4	Gjinia dhe Politika: përfshirja, vendimmarrja dhe reagimi qytetar	Dr. Eglantina Gjermeni Msc. Etleva Bisha	6.02.2013	13.00 -15.30
5	Institucionet dhe roli i tyre në arritjen e barazisë gjinore	Dr. Ledian Droboniku LLM Edlira Lloha	6.03.2012	13.00 -15.30
6	Legjislacioni kombëtar dhe ndërkombëtar për barazinë gjinore	MA Lavdie Ruci MA Jonida Lamaj	13.03.2013	13.00 -15.30

Të gjithë të interesuarit duhet të aplikojnë duke dërguar një email në adresën: master.academic-quality.coord@umb.edu.al deri në datën 17.01.2013 ora 16.00.

Pjesëmarrësit në këtë periudhë trainimi do të njoftohen elektronikisht brenda datës 18 janar 2013.

Mbledhja e plastikës në Liqenin e Shkodrës

Programi “Arti, Plastika dhe Riciklimi” është një projekt gjithëpërfshirës në agjencitë e zhvillimit lokal, të SME-ve dhe aktorëve të tjerë të zhvillimit. Një proces i vazhdueshëm i këtij projekti është mbledhja e plastikës përgjatë gjithë Liqenit të Shkodrës.

Universiteti “Marin Barleti” pjesë e këtij projekti, ka filluar fazën e mbledhjes së plastikës me të rinj vullnetarë të cilët kanë shprehur interesimin e tyre për një ambient më të pastër përgjatë Liqenit të Shkodrës,i cili përbën një trashëgimi kulturore. Kjo faze synon të rrisë ndërgjegjësimin në lidhje me rëndësinë,mbrojtjen dhe promovimin e ambientit. Interesimi i treguar nga brezat e rinj ishte një fillim i suksesshëm i këtij procesi. Të rinj nga shkolla e artit por edhe me background social kanë mbledhur mbetjet plastike përgjatë liqenit, duke treguar një shembull për të gjithë qytetarët.

Mbledhja e plastikes është një proces i vazhdueshëm deri në fund të projektit ,dhe për rrjedhojë gjatë ecurisë së tij synon të rrisë numrin e vullnetarëve të sensibilizuar për të përfunduar me sukses këtë projekt.

Fuqizimi i Gruas Sipërmarrëse

Ditën e enjte,datë 17.01.201,ora 10.30 në Kampusin 1të Universitetit “Marin Barleti”

Instituti i Kërkimit dhe Zhvillimit Barleti në bashkëpunim me “Qendrën Aleanca Gjinore për Zhvillim” merr iniciativën: Fuqizimi i Gruas Sipërmarrëse

Znj. Mirela Arqimandriti, drejtore ekzekutive e kesaj qende do të mbajë një leksion të hapur mbi fuqizimin e gruas sipërmarrëse në Shqipëri dhe ndihmën që organizata e saj ka dhënë në këtë aspekt.Takimi ofron mundësinë e njohjes me shoqatën “Qendra e Aleancës Gjinore për Zhvillim” e cila ka bërë të mundur realizimin e disa projekteve në ndihmë të grave sipërmarrëse.Gjatë këtij takimi do të trajtohen problematikat me të cilat përballen gratë në shoqërinë Shqiptare.

Znj.Mirela Arqimandriti: "Fuqizimi i gruas sipërmarrëse në kontekstin Shqiptar"

Në 17 Janar 2013, drejtore ekzekutive e Shoqatës “Aleanca Gjinore për Zhvillim”, Znj.Mirela Arqimandriti, vizitoi kampusin 1 të Universitetit Marin Barleti, për një leksion të hapur me studentët për "Fuqizimin e gruas sipërmarrëse".

Sipas Znj.Arqimandriti, femrat sot po formojnë një pjesë gjithnjë e më të rëndësishme të sektorit të SME-ve, i cili është burimi kryesor i vendeve të reja të punës. Znj.Arqimandriti shpjegoi që gratë në biznes janë një fenomen i kohëve të fundit në Shqipëri. Në Shqipëri, ende gratë vazhdojnë të përballen me pengesa të aktivitetit sipërmarrës në krahasim me meshkujt. Znj.Arqimandriti vijoi diskutimin e saj, duke sqaruar që gratë sipërmarrëse janë angazhuar në biznes për shkak të tërheqjes së disa faktorëve. Këto faktorë kanë inkurajuar gratë të kenë një profesion të pavarur dhe të qëndrojnë me këmbët e tyre në një kuptim të pavarur drejt vendim-marrjes në jetën e tyre. Nën ndikimin e këtyre faktorëve gratë sipërmarrëse zgjedhin një profesion si një sfidë dhe si një thirrje për të bërë diçka të re.

Një pyetje nga studenti e vitit II, Menaxhim Biznesi, Jurgen Adhami, nëse ishte e lehtë hapja e një biznesi në Shqipëri, ajo ju përgjigj: "Të hapesh biznes në Shqipëri duhet vetëm një dite, por institucionet që duhet të ndjekësh çdo muaj për këtë biznes janë jashtëzakonisht shumë”.

Znj.Arqimandriti sqaroi se sfidat me të cilat përballen gratë vijnë nga disa faktorë si:frika nga sasia fillestare e parave për të nisur një biznes;mungesa e njohurive dhe aftësisë e të bërit biznes;rolet gjinore në familjen tradicionale ku sipërmarrja është një fushë e dominuar nga meshkujt;mungesa e programeve për të nxitur vetëpunësimin.

Në fund të takimit Znj.Arqimandriti prezantoi tek barletasit disa linke ku të rinjtë mund të orientohen dhe të gjejnë një informacion më të detajuar në lidhje me gruan sipërmarrëse në Shqipëri. Diskutimi u mbyll me këshillën që kushdo duhet të ketë iniciativën për të hapur një biznes,duhet të gjendet forca për të nisur një iniciativë individuale pavarësisht rreziqeve me të cilat do të ndeshen gjatë rrugës.

Barletasit ishin të përqendruar gjatë diskutimit, duke treguar që tema e përzgjedhur përbënte interes për ta, dhe këtë e treguan jo vetëm nëpërmjet pyetjeve por edhe dëshirës për të kontaktuar me Znj.Arqimandriti dhe për të marrë prezantimin e zhvilluar në auditor.

Intership për mundësi punësimi

Zyra e Karrierës në UMB fton të gjithë studentët e masterit, në një prezantim programesh punësimi, nga kompania ANEGINO, për studentët bachelor dhe master. Gjithashtu janë të mirëpritur dhe studentët ALUMNI të Universitetit Marin Barleti.

Kur ? Ditën e premte, datë 11 Janar 2013, ora 16:30,

Ku ? Tek Kampusi Nr 2, Rr. Frang Bardhi , Selite, Tirane

Prezantuesi i programit : Onur Polat, Lider Projekti në Anegino

Etapat e prezantimit:
- Prezantim i shkurtër i Anegino-s. (2 minuta)
- Përse është e rëndësishme të përgatitësh një rezyme të mirë? (4 minuta)
- Si të plotësoni rezumenë në Anegino? (10 minuta - bashkëbisedim me studentët)
- Si të aplikoni në punët e disponueshme në Anegino. (1 minutë)
- Sugjerime për të diplomuarit e ardhshëm në kërkimet e tyre për punë (4 minuta)
- Pyetje dhe përgjigje (10 minuta)
- Seksion i lirë

Shënim: hyrja në këtë program do të mbahet në gjuhën Angleze nga z. Onur Polat, ndërsa prezantimi i materialit do të jetë në gjuhën Shqipe

Një mundësi e mirë për t’u afirmuar në tregun e punës!

ANEGINO, prezantim programesh punësimi për studentët Bachelor dhe Master në Universiteti "Marin Barleti"

Nën kujdesin e përgjegjëses së Zyrës Alumni dhe Karriera, Fatjona Qurku dhe Diantina Zuna, ditën e premte, datë 11 Janar 2013, në orën 16:30, në ambjentet e Universitetit “Marin Barleti” tek Kampusi Nr 2, Rr. Frang Bardhi, Selite, Tirane.” u bë një prezantim me studentët Bachelor, Master dhe Alumni. Prezantim zgjati për rreth 50 minuta.

Duhet te theksojmë se Anegino është një kompani rekrutimi dhe ndërmjetësimi midis bizneseve dhe punë kërkuesve; praktikë e cila aplikohet së fundmi edhe në vendin tonë.

Prezantimi kaloi në disa etapa shumë të vlefshme për studentët si më poshtë vijon:

- Prezantimi i kompanisë dhe rëndesia e aplikimit online për punësim;
-          Sugjerime për të diplomuarit e ardhshëm në kërkimet e tyre për punë;
-          Si të shkruash një CV onlline, që ajo të jetë e sukseshme dhe tërheqëse;
-          Cilat janë disa nga punët online që Anegino ka publikuar;
-          A është ekspërienca e punës e rëndësishme në një format të tillë dhe a praktikohët me sukses ky lloj varianti;
-          Cilat janë pritshmëritë e studentëve në lidhje me bizneset dhe e kundërta;

Një minutazh të konsiderueshëm iu rezervua edhe seksionit pyetje – përgjigje, ku studentët e Masterit ishin të interesuar në qoftë se ky lloj aplikimi online për punë ka sukses dhe rezultat.

Gjithashtu gjatë prezantimit disa prej tyre krijuan edhe profilet përkatëse.

Z. Polat u tregua i gatshëm t’u jepte përgjigje çdo pyetje të bërë në mënyrë që studentët të krijonin një ide se si ajo funksionon.

Studenti Orges Shehi, shpallet kampion

Orges Shehi, student qe ndjek programin e studimeve profesionale ne “Edukimin Fizik dhe Sporte” ne Universitetin Marin Barleti, portier i ekipit Kampion Skenderbeu dhe i ekipit kombëtar. U shpall "Lojtari më i mirë i vitit 2012" dhe fitoi trofeun "Topi i Artë". Eshte nje vleresim qe jepet nga Federata Shqiptare e Futbollit cdo vit. Nepermjet nje votimi, ku merrnin pjese 14 kapitenet e ekipeve te Superliges dhe 14 trajneret e tyre, portieri i Skenderbeut ka arritur te grumbulloje me shume vota, duke fituar keshtu trofeun. Orges Shehi ka arritur te jape nje kontribut te vecante ne fitimin e titullit kampion nga ekipi juglindor. Nje nga pikat me te forta per ecurine e kampioneve ka qene pikerisht ai, qe prej disa vitesh konsiderohet si portieri me i mire ne kampionatin shqiptar per vitin 2012

Disa momente nga Apocalyps Party, foto kujtime nga studentët e UMB-së

Me rastin e festave, nisur nga tradita disavjeçare e Universitetit
"Marin Barleti", Klubet dhe Unioni studentor organizuan një festë
"Apocalyps Party". Në këtë festë ishin të pranishëm studentë dhe
pedagogë te UMB-së

Gëzuar festat nga UMB.

Klubi i Vullnetarëve të UMB-së tek ambjentet e Caritas Albania

Klubi i vullnetarëve në Universitetin " Marin Barleti", me rastin e festave të fundvitit finalizoi nismën e mbledhjes së rrobave, librave dhe lodrave për fëmijët e Caritas Albania. Dorëzimi u bë në ambjentet e Caritas Albania dhe u shoqërua me një bisedë me drejtoreshën e këtij insritucioni Znj. Elona. Klubi i Vullnetarëve edhe një herë tregoi solidaritet me veprimet e tyre. Falenderojm të gjithë studentët dhe pedagogët për këtë xhest human.

Apocalyps party

Me rastin e festave, nisur nga tradita disavjeçare e Universitetit "Marin Barleti", Klubet dhe Unioni studentor ka planifikuar një "Apocalyps Party". Studentë dhe pedagogë janë të ftuar të marrin pjesë në këtë festë të madhe.
Do të ketë 2 pije falas, karaoke, DJ, shorte me dhurata pikante.

Ditën e enjte, datë 20 dhjetor ora 21.00 SherlockHolmes Tirana në bllokë.

Ju mirëpresim

Njoftim për pajisjen me Kartë Studenti për të gjithë studentët e vitit II, III dhe IV

Për pajisjen me këto karta duhet të dërgoni këto dokumenta: fotokopje e ID, foto 4x6.

Dokumentat do ti dergoni tek Zyra e Klubeve Studentore nga ora 12.00-13.00 cdo ditë. Afati përfundimtar është data 22 dhjetor 2012.

Sqarim, të gjithë studentët e vitit të I, pajisja me Karta Studentore do të fillojë në janar të 2013.

Ju mirëpresim.

Sukseset e para të studentëve të UMB në sport!

Ditën e shtunë në ndeshjen Skënderbeu-Kukësi, për kupën e Republikës, e cila përfundoi me rezultatin 4 me 2, Renato Arapi student i degës së sporteve në UMB, shënoi golin e parë.

Gjithashtu një paraqitje mjaft të mirë bëri edhe portieri i Skënderbeut, Orges Shehi, po student kësaj dege.

Ne i urojmë Renatos edhe shumë gola të tjerë mbas këtij ndërsa Orgesit performanca akoma edhe më të mira .

UMB is proud for both of you !

Njoftim për hapjen e Proramit Master Profesional në “Sociologji zhvillimi me profil Zhvillim social komunitar”

Në 14 dhjetor 2012, në Universitetin Marin Barleti, u hap masteri profesional në “Sociologji zhvillimi me profil Zhvillim social komunitar”. Me hapjen e këtij masteri Universiteti Marin Barleti plotëson të tre ciklet e studimit në Sociologji, bachelor, master si edhe PhD, ky cikël i tretë ofrohet nga Clemson University, një ndër universitetet më të suksesshme në SHBA, me të cilin UMB ka filluar bashkëpunimin.

Programi i porsa hapur synon të përgatisë specialistë në fushën e sociologjisë për t’u përballur me sfidat në rritje të zhvillimit të komunitetit dhe shoqërisë shqiptare në tërësi.

Ai është përgatitur në përputhje me nevojat e kohës dhe për t’iu përgjigjur aspiratave për një shoqëri të zhvilluar dhe të integruar në strukturat evropiane dhe i referohet në mënyrë të drejtpërdrejtë zhvillimit social duke e konsideruar këtë si sfidën e vërtetë të shoqërisë shqiptare.

Studimet Master në Sociologji Zhvillimi iu drejtohen – së pari - atyre që kanë kryer studimet bachelor në Sociologji apo degë të afërta me të dhe përbëjnë vazhdim të natyrshëm të formimit të tyre të profilizuar. Ky program iu drejtohet edhe personave të diplomuar në profile të tjera, por që në momentin e aplikimit janë të punësuar në sektorë që kërkojnë këtë lloj formimi, apo atyre që synojnë të punësohen në të ardhmen në këta sektorë. Dijet dhe aftësitë e përfituara gjatë procesit mësimor do të përbëjnë një avantazh të rëndësishëm për zhvillimin e karrierës së tyre profesionale.

Sektorët e mundshëm të punësimit
Administrata publike, qendrore apo lokale; organizata të shoqërisë civile të natyrave të ndryshme (lokale, rajonale, kombëtare, ndërkombëtare - gjinore, të minoriteteve, profesionale, të shërbimeve, shëndetësore, të të drejtave të njeriut etj.); në sektorë të burimeve njerëzore (institucione, ndërmarrje, sipërmarrje), në sektorin e ekonomisë (ndërmarrje, sipërmarrje etj.; në sektorë të shërbimeve të punësimit (zyra të punës, qendra të punësimit etj.); në sektorë që merren me politika zhvillimi (institucione të politikëbërjes, hartim dhe zbatim të politikave publike); në komunitetet (qendra komunitare sipas vendbanimeve, lokale etj.)

Për më shumë lexoni këtu

Klubi i vullnetarëve në UMB, nderohet me Cmimin e Vullnetarizmit 2012

Klubi Vullnetarë ka për mision ndërtimin e një skuadre vullnetarësh nga studentet e UMB-së për qëllim kultivimin, zgjerimin dhe mësimin e ndjenjave njerëzore në shoqërinë Shqiptare, nëpërmjet pjesëmarrjes në aktivitete dhe organizime të ndryshme vullnetare, të drejtuara tërësisht nga ideja e ndihmes kundrejt njëri-tjetrit, prej të cilës i vetmi shpërblim është ndenja e përkatësisë individuale dhe kolektive brenda këtij rrethi shoqëror.

Përshëndetje miq të revistës Zëra Studentorë

Është një privilegj që këtë numër t’ja dedikojmë jo vetëm aktiviteteve studentore pranë universitetit tonë që kanë qënë të shumta, por edhe një eventi thelbësor për të gjithë vendin siç është 100 vjetori i Pavarësisë së shtetit shqiptar. Qëllimi i revistës siç jeni njohur në këto vite është pikërisht dhënia krahë mendimit të lirë të studentëve, të rinisë e cila me energjinë, kreativitetin dhe optimizmin e saj kontribuon më shumë se çdo shtresë tjetër e shoqërisë për një shtet të së drejtës dhe mbi të gjitha përfaqësues. Pavarësisht kufizimeve censurimeve apo çdo lloj pengese tjetër rinia dhe studentët kanë ditur gjithmonë të thonë fjalën e tyre në këto 100 vite pavarësi duke u udhëhequr nga motoja: na llogarisni edhe ne.

Studentët asnjëherë nuk e kanë konceptuar shtetin si një shumatore zyrash, dollapësh, dokumentesh dhe burokratësh që bëjnë thjesht inventare por gjithmonë janë ndjerë pjesë e pandashme e tij, ku me vrull rinor dhe me shpirt kritik kanë ngritur zërin e tyre ndaj çdo lloj shkeljeje dhe padrejtësie, duke bërë që kambanat burokratike të gjëmojnë zhurmshëm, pasi SHTETI JEMI VETË NE!.

Gëzuar 100 vjetorin e Pavarësisë të dashur miq dhe kurrë mos pyesni veten çka bërë Shqipëria për ju pa pyetur më parë thellë thellë ç’po bëni ju për të!

Shkarko Revistën "Zëra Studentorë" Nr 11 në Format PDF

Zgjedhjet e Unionit Studentor

Njoftojm të gjithë studentët e Universitetit "Marin Barleti" se duke filluar nga java tjetër datë 11 deri 14 dhjetor 2012
do të organizohen zgjedhjet e Unionit Studentor.

Të gjithë studentët janë të lutur të jenë të pranishëm në kampus në këto data.

THIRRJE E DYTE: Shqipëria dhe Pakicat Kombëtare, Etnike dhe Kulturore 15 dhjetor 2012

Kemi nderin t’ju ftojmë në Konferencën Ndërkombëtare

Shqipëria dhe Pakicat Kombëtare, Etnike dhe Kulturore

Konferenca zhvillohet në kuadër të organizimeve për përvjetorin e 100-të të Shtetit Shqiptar

Organizatorë:

Fakulteti i Drejtësisë dhe Instituti Shqiptar për Çështje Publike pranë Universitetit Marin Barleti

Komiteti organizativ:
Kryetar:
Akad. Prof. Luan Omari
Anëtarë:
Dr. Ilir Panda; Dr. Zamira Cavo; Dr. Artan Puto; Drnt. Ledian Droboniku

Sekretariati i konferencës
Ll.M., Msc. Edlira Lloha
Msc. Elona Bano
M.A. Jonida Lamaj

Për më shumë informacion kliko këtu...

SECOND CALL: Albania and National, Ethnic and Cultural Minorities 15 December 2012

We have the pleasure of inviting you to the International Conference

Albania and National, Ethnic and Cultural Minorities

This Conference is organised in the ambit of 100-th Anniversary of the Albanian State

Organisers:

Law Faculty and Albanian Institute for Public Affairs at Marin Barleti University

Organising Committee:
Chairman:
Member of the Academy of Science. Prof. Luan Omari
Members:
Dr. Ilir Panda; Dr. Zamira Cavo; Dr. Artan Puto; Drnt. Ledian Droboniku

Conference secretariat
Ll.M., Msc. Edlira Lloha
Msc. Elona Bano
M.A. Jonida Lamaj

For more informetion click here...

Një delegacion nga Universiteti i Birmingamit viziton Universitetin Marin Barleti

Një delegacion nga Universiteti i Birmingamit do të vizitojë Ballkanin nga data 4-8 dhjetor 2012. Delegacioni kryesohet nga Profesor Mark Webber - Drejtor i Studimeve të Qeverisjes dhe Shoqërisë, në përbërjen e tij është dhe Profesor Stefan Wolff - Drejtor i Kërkimeve Shkencore, Dr Graham Timmins - Drejtor i Programit Arsimor, Dr Gëzim Alpion - Drejtor i Programeve të Kombinuara. Anëtarët e delegacionit janë studiues me reputacion ndërkombëtar, interesimi shkencor i të cilëve përfshin politikën, shoqërinë, fenë dhe mediat në Evropën Jug-Lindore. Delegacioni do të vizitojë Shqipërinë, Kosovën, Maqedoninë dhe Serbinë.

Delegacioni i Universitetit të Birmingamit do të bëjë një vizitë pranë Universitetit Marin Barleti, ku akademikët nga Birmingami do të priten nga Administratorja e Deleguar, znj. Adriana Berberi, e cila do të hapë edhe simpoziumin që do të zhvillohet në Sallën A 24, Kampusi 1, Pranë Digës së Liqenit, më 5 dhjetor nga ora 10:30-13:00. Në këtë aktivitet, që do të ndiqet nga rektorë universitetesh në Shqipëri dhe përfaqësues të mediave akademikët nga Birmingami do të flasin për rezultatet e larta të universitetit të tyre në fushën kërkimore-shkencore, programin e tyre të shkëlqyer universitar dhe pasuniversitar, mardhëniet e këtij institucioni me qytetin e Birmingamit si dhe lidhjet ndërkombëtare të universitetit të tyre, që shihen, ndër të tjera, në numrin e madh të akademikëve dhe studentëve të huaj. Pas kumtesava të tyre, anëtarët e delgacionit do t’iu përgjigjen pyetjeve të të pranishëmve.

Gjatë qëndrimit në Shqipëri delegacioni do të pritet nga Ministri i Arsimit dhe Shkencës Myqerem Tafaj. Akademikët e Universiteti të Birmingamit janë ftuar për të zhvilluar disa biseda televizive në studio në Tiranë.

Forum studentor me teme: "Shteti në këndvështrimin e klasikëve dhe 100 vjetori i pavarësisë së shtetit shqiptar"

Sot, në 27 nëntor, në prag të 100 vjetorit të Pavarësisë, studentët e shkencave politike të vitit të II-të dhe studentët e drejtësisë të vitit të I-rë, organizuan forumin studentor me temë ”Shteti në këndvështrimin e klasikëve dhe 100 vjetori i pavarësisë së Shtetit Shqiptar”,

Ata zgjodhën të diskutojnë konceptin e “shtetit” në këtë jubile shqiptar, duke e zbërthyer atë deri në detaje dhe në një këndvështrim më akademik me ndihmën e filozofëve më të shquar evropianë por edhe burrave të shtetit shqiptar.

Në qendër të prezantimeve të tyre filozofike paneli i drejtuar nga Gëzim Buci dhe studentet Çeleste Jeshili, Denisa Jolla, Afërdita Peçi dhe Xhensila Baganaçi trajtuan edhe koncepte të lidhura me shtetin si Sovranitet, Pushtet dhe ndarje pushtetesh, Individi dhe Kontrata Sociale etj, të trajtuara gjerësisht nga filozofi liberal John Locke, por edhe realisti Tomas Hobbes, nga Jean Bodin dhe Rousseau etj.

Ata e vazhduan edhe më tej këtë forum ku në pjesën e tij të dytë i kushtuan hapësirë pikërisht shtetit shqiptar dhe e nisur me të famshmin pohim të presidentit amerikan Woodrow Wilson, i cili në vitin 1919, ku në Konferencën e Paqes në Versajë, tha: “Një zë kam dhe atë zë do të përdor në mbrojtje të Shqipërisë”. Ndërsa në mbyllje u citua fjalimi i Sekretares së Shtetit Amerikan drejtuar Kuvendit të Shqipërisë dhe urimi i dërguar nga Presidenti Amerikan për 100 vjetorin e Pavarësisë. Studentet Stela Drici, Sara Banushi, Majlinda Kola dhe Dorina Terziu por edhe Florian Dauti me shumë profesionalizëm prezantuan edhe krijimin e federatës “ Vatra” dhe rolin e Fan S. Nolit dhe të Faik Konicës si udhëheqësit kryesorë të lëvizjes kombëtare shqiptare.

Forumi i cili zgjati për rreth një orë u zhvillua në një atmosferë festive dhe u përgëzua nga të gjithë të pranishmit. Veçanërisht profesoreshë Zamira Çavo dhe profesor Erjon Kristo, shprehën vlerësimin e tyre për këtë inisiativë duke i inkurajuar studentët të organizojnë forume të tjera.

Dr. Dritan Fino, boton librin: “Kontabiliteti dhe Ekonomia në Vendet në Zhvillim: Roli i Standardeve Ndërkombëtare të Kontabilitetit në Zhvillimin Ekonomik të Shqipërisë”

Dr. Dritan Fino, pedagog i Universitetit "Marin Barleti" ka botuar librin e tij të parë me titull: Kontabiliteti dhe Ekonomia në Vendet në Zhvillim: Roli i Standardeve Ndërkombëtare të Kontabilitetit në Zhvillimin Ekonomik të Shqipërisë: ISBN: 973-3-659-26920-2

http://www.amazon.com/Accounting-Economy-Developing-Countries-International/dp/3659269204/ref=sr_1_1?ie=UTF8&qid=1353935479&sr=8-1&keywords=dritan+fino

Mjedisi ekonomik, kulturor, social, politik dhe juridik ndikon në një masë të madhe zhvillimin e kontabilitetit në një vend të caktuar. Diversiteti në sistemet e kontabilitetit, ka rezultuar në një mungesë të krahasueshmërisë nga vendi në vend duke penguar ekonominë dhe rritur kostot. Në mënyrë që të lehtësojë procesin e realizimit të biznesit në tregjet ndërkombëtare, BSNK (Bordi i Standardeve Ndërkombëtare të Kontabilitetit) ka krijuar një grup të vetëm të standardeve të kontabilitetit, që ofrojnë informacion transparent dhe të krahasueshëm. Këto standarde janë duke u pranuar në mbarë botën. Si pasojë, shumë vende kanë adoptuar SNRF-të (Standardet Ndërkombëtare të Raportimit Financiar) dhe shumë të tjera janë në process ose duke marrë parasysh adoptimin e këtyre standardeve.

Duke studiuar përvojën shqiptare, vendet në zhvillim mund të gjejnë implikime të vlefshme dhe të konsiderueshme që do t’i ndihmojnë ato në përpjekjet e tyre për zbatimin e SNRF-ve. Adoptimi dhe zbatimi i këtyre standardeve do të rrisë transparencën, krahasueshmërinë dhe llogaridhënien e raportimit financiar, si dhe do të përmirësojë cilësinë e informacionit financiar të raportuar. Rrjedhimisht, raportimi financiar i shëndoshë do të përmirësojë rrjedhjen e kapitalit dhe të investimeve në këto vende duke i ndihmuar ato në misionin e tyre për një rritje më të lartë ekonomike dhe zhvillim.

Mbyllja e fazës së trajnimeve të projektit "Soft Skills përtej njohurive akademike: Trajnimi i pushtetit lokal për përmirësimin e cilësisë së qeverisjes vendore"

Në datë 23.11.2012,u mbyll faza e trajnimeve të projektit “Soft Skills” për tre ciklet e leksioneve (Menaxhimi i Ciklit të Projektit,Menaxhimi Financiar,Teknologji Informacioni,Gjuhë angleze profesionale) të realizuara në qarkun Shushicë,Krujë dhe Fushë-Krujë. Këto trajnime u organizuan sipas aktiviteteve të planifikuara në projekt 18 cikle trajnimesh, të modeluara në Soft Skills.

Për realizimin e trajnimeve një vëmendje e posaçme iu kushtua asaj pjese të dijeve, e cila ishte e domosdoshme t’u transmetohet stafeve të këtyre Qarqeve. Faktori bazë që u vendos për përzgjedhjen e materialit për t’u trajtuar gjatë trajnimeve, ishte mosha e dëgjuesve dhe kualifikimi i tyre. Te gjitha trajnimet u realizuan nën drejtimin e ekspertëve të fushave përkatëse.

Gjate Trajnimeve pati debat interaktiv ndërmjet drejtuesve të ciklit të trajnimeve dhe stafit të pushtetit lokal. Këto trajnime ishin të hapura, dhe me pjesëmarrje aktive të stafit të pushtetit lokal, gjatë të cilave teknika e zgjedhur e trajnuesve bëri atraktive atmosferën gjatë kohës së trajnimit, nga të dy palët.

Leksionet me temë: Çlirimi i vlerës: Çelësi për një dalje të suksesshme nga biznesi

Ditën e enjte 22.11.2012 dhe premte 23.11.2012 Fakulteti i Ekonomisë dhe Financës në Universitetin Marin Barleti zhvilloi leksione të hapura me studentët e sistemit Bachelor dhe atij Master, në të cilat ishte i ftuar z.Les Nemethy. Leksionet me temë: “Çlirimi i vlerës: Çelësi për një dalje të suksesshme nga biznesi” morën nismë nga botimi i librit të z.Nemethy me të njëjtin titull.

Z. Nemethy shkruan këtë libër pas një përvoje të gjatë si Specialist privatizimesh në Bankën Botërore dhe Drejtor Ekzekutiv në kompani të rëndësishme financiare. Në leksion u trajtuan çështje të rëndësishme që prekin thellë jetën e një biznesi , që nga momenti i lindjes së tyre me sigurimin e kapitalit të nevojshëm e deri tek ai i daljes nga biznesi, i cili sipas z. Nemethy duhet të konsiderohet si një moment kyç për pronarët e biznesit.

Cilat janë sfidat me të cilat përballet një njësi ekonomike, planifikimi për daljen nga biznesi, mundësitë e daljes, zgjedhja e alternative të duhura, instrumentat kryesorë për një dalje sa më të suksesshme nga biznesi, etj., ishin disa nga tematikat e diskutuara gjatë këtyre leksioneve. Veçantia e temave dhe rëndësia që ato kanë në jetën e çdo njësie ekonomike ashtu si edhe në formimin e ekonomistëve të ardhshëm bënë që leksionet të ngjallnin shumë interes në të pranishmit.

Takimet zgjatën pothuajse 2 orë secili dhe u shoqërua me pyetje dhe diskutime të shumta nga ana e studentëve.

Fakulteti i Ekonomisë dhe Financës duke falenderuar pjesëmarrësit shpreh vullnetin për të tjera takime të këtij lloji me qëllimin për të afruar sa më shumë studentët tanë me përvojën e profesionistëvë të rëndësishëm në Shqipëri dhe jo vetëm.

Education USA Advising Center in Albania ishte pjesë e Panairit të Librit 2012, prane stendes se Ambasades Amerikane

Education USA është një rrjet me 170 qendra informative, ku miliona studentë të vendeve të ndryshme të botës marrin informacion të detajuar dhe të përditësuar për mënyrën e aplikimit dhe shkollimit në Kolegjet dhe Universitetet më të mira Amerikane.

Ky rrjet i qendrave informative gëzon mbështetjen e plotë të Zyrës për Edukim dhe Çështjet Kulturore të Departamentit të Shtetit Amerikan. Instruktorët pranë qendrave informative kanë përvojën dhe kualifikimin e duhur lidhur me programet e studimit Bachelor dhe Master në Shtetet e Bashkuara të Amerikës.
Ata i orientojnë dhe qartësojnë aplikantët, që të ndjekin në mënyrë vijuese hapat e duhur, të cilët do të përmblidheshin në 5 të tillë:
1- Shqyrto alternativën më të mirë për arsimim;
2- Përfundo dokumentacionin për aplikim;
3- Financo studimet, duke aplikuar për bursë;
4- Apliko për vizë studenti;
5- Përgatit udhëtimin për në USA.

Qendra është e pajisur me një bibliotekë të pasur me libra dhe CD, sipas fushave më parësore të arsimimit. Aktualisht kjo Qendër ka rreth 300 libra të fushave të ndryshme, si në: Arkitekturë, Biologji, Mjekësi, Farmaci, Inxhinieri, Marrëdhënie Ndërkombëtare, Drejtësi, Ekonomi, Telekomunikim, Psikologji, Punë Sociale, Sport, etj. Gjithashtu, biblioteka disponon edhe libra përgatitorë për testimin e gjuhës angleze, TOEFL, PEARSON si dhe libra për testimin e njohurive në ACT, GRE, LSAT, SAT, GMAT, të shoqëruar me CD-të përkatëse.
Qendra Informative e Arsimit Amerikan ne Shqipëri ndodhet pranë Universitetit Marin Barleti dhe mundëson këto informacione: - Përzgjedhje e institucionit më të përshtatshëm për arsimim; -Njohje me kriteret e pranimit për fusha të ndryshme studimi; -Orientim për testet (TOEFL, GRE, GMAT, SAT, GED, ACT, etc.);

Testim të gjuhës angleze (PEARSON test of English); -Mbështetje financiare dhe mundësi bursimi; -Informim mbi jetën sociale dhe kulturore në USA.

Faqja zyrtare në internet përjavësohet me mundësi të ndryshme bursash studimi si dhe njoftime të tjera të rëndësishme E-mail: advising@educationusa.al Web: www.educationusa.al

Thirrje për Aplikim: Praktikë pranë Instituti Shqiptar për Çështjet Publike

Instituti Shqiptar për Çështjet Publike shpall njoftimin për një pozicion si praktikant pranë këtij Instituti.
Data e nxjerrjes së njoftimit: 1 Nëntor 2012
Data e fundit e dorëzimit: 15 Nëntor 2012
Data e fillimit të praktikës: 20 Nëntor 2012
Kohëzgjatja: 9 muaj (me mundësi shtimi të periudhës)
Orari: fleksibël (mund të negociohet dhe caktohet pas përzgjedhjes së kandidatit/es)

Kush është AIPA
Instituti Shqiptar për Çështjet Publike (AIPA), është një organizatë jofitimprurëse, pa anëtaresi, e cila nuk ndjek qëllime politike, tregtare, biznesi dhe fetare, e krijuar rishtazi (2011), misioni i të cilës është të kontribuojë në proceset e demokratizimit të jetës së vendit, të ndikojë në përmirësimin e mënyrave të politikëbërjes në Shqipëri, në nivel qëndror dhe vendor, në ndërtimin e kapaciteteve për të rritur pjesëmarrjen e publikut në të gjitha veprimtaritë sociale me interes publik.
Ky mision synohet të arrihet nëpërmjet promovimit të vlerave dhe praktikave demokratike, ndërgjegjësimit dhe edukimit të qytetarëve aktivë, testimit të opinionit publik, monitorimit të strategjive dhe politikave të ndryshme, duke ofruar njohuri mbështetur mbi kërkimet më të fundit dhe ekspertizë të kualifikuar dhe të pavarur për çështjet politike, sociale, ekonomike dhe ligjore që lidhen me zhvillimin e vendit.
Për më shumë, mund t’i referoheni faqes tonë zyrtare http://aipa.umb.edu.al/

Detyrat dhe përgjegjësitë e praktikantit/es
Pozicioni i praktikantit/es do të jetë ai i asistentit/es në veprimtarinë e AIPA-s. Detyrat që do të mbulojë janë:
- Mbledhja, renditja dhe plotësimi i dokumentacionit të zyrës dhe projekteve,
- Mbajtja e shënimeve gjatë mbledhjeve të stafit, bordit dhe atyre me bashkëpunëtorët dhe raportimi i shkurtër i tyre,
- Përmbushja e detyrave administrative dhe logjistike të zyrës sipas nevojave të Drejtorit Ekzekutiv dhe Koordinatorëve të Projekteve,
- Asistenca në realizimin e proceseve të aplikimit, realizimit, zbatimit dhe raportimit të projekteve dhe aktiviteteve të Institutit,
- Kontributi me ide dhe ndihmë për projekte dhe aktivitete të reja,
- Çdo detyrë tjetër për të cilën mund të ketë nevojë zyra.

Kualifikimet dhe përvoja e kërkuar
Kandidati/ja duhet të ketë këto kualifikime dhe përvoja:
- Të jetë student/e i vitit të tretë ose në programin master,
- Të jetë duke studiuar në Fakultetin e Drejtësisë, Fakultetin e Ekonomisë dhe Financës, Fakultetin e Shkencave Sociale dhe atë të Shkencave të Aplikuara,
- Të dijë të përdorë paketën Windows Office (kryesisht Word, Excel),
- Të dijë një gjuhë të huaj (preferohet anglisht),
- Të ketë dëshirë për të mësuar dhe bërë gjëra të reja,
- Të ketë ndjeshmëri për çështjet sociale e publike,
- Të ketë aftësi në komunikim,
- Të jetë në gjendje të punojë si në mënyrë të pavarur, ashtu dhe në grup,
- Përvoja e mëparshme në punë zyre vlerësohet, por nuk është e domosdoshme.

Të gjithë personat e interesuar duhet të dorëzojnë një CV dhe një letër interesi të shkurtër (rreth 300 fjalë) se përse mendojnë se janë kandidati/ja e përshtatshme për këtë pozicion. Aplikimet mund të dorëzohen nëpërmjet email-it tek adresa info.aipa@umb.edu.al deri në datë 15 Nëntor 2012.

Nëse keni ndonjë pyetje apo diçka të paqartë mund të na drejtoheni tek info.aipa@umb.edu.al

Organizimi gjyqësor në lëndën penale në Republikën e Shqipërisë

Në Universitetin " Marin Barleti", ditën e Mërkurë, në datën 24.10.2012, u organizuan dy evente: Prezantimi i librit “Organizimi gjyqësor në lëndën penale në Republikën e Shqipërisë”, me autor Dr. Ilir Panda, njëkohësisht edhe pedagog në këtë Universitet, ku pjesëmarrësit evidentuan vlerat e këtij botimi, i cili i shtohet bibliotekës juridike shqiptare; si dhe u nënshkrimi i Marrëveshjes së Bashkëpunimit ndërmjet Universitetit "Marin Barleti" dhe Unionit të Gjyqtarëve të Shqipërisë, sipas të cilës parashikohet organizimi i aktiviteteve të përbashkëta dhe një bashkëpunim i frytshëm në kuadrin e praktikës mësimore, kërkimit shkencor, etj.

Në këtë aktivitet, përveç pedagogëve, studentëve dhe drejtuesve të Universitetit "Marin Barleti", merrnin pjesë edhe gjyqtarë, prokurorë, avokatë, juriste të ndryshëm dhe studentë e pedagogë të universiteteve të tjera.

ceremonia e hapjes së programit të doktoratës Studime ndërkombëtare për familjen dhe komunitetin

Në datë 23 tetor 2012 u mbajt ceremonia e hapjes së programit të doktoratës “Studime ndërkombëtare për familjen dhe komunitetin” në ambjentet e hotel Sheraton, Tiranë. Ky program ofrohet në rajonin e Ballkanit nga Universiteti Clemson në partneritet me Universitetin Marin Barleti.

E mbështetur nga Ambasada Amerikane, ceremonia organizohej nga Universiteti Clemson dhe Universiteti Marin Barleti. Mes pjesëmarrësve ishte Shkëlqesia e tij Ambasadori i ShBA-ve në Shqipëri Z. Alexander Arvizu, i cili mbajti fjalën kryesore të këtij eventi. Ai theksoi rëndësinë e programit dhe kapacitetin e tij për të garantuar sfidë intelektuale dhe transformim politikash në rajonin e Ballkanit.

Pjesëmarrës ishin gjithashtu Ministri i Shëndetësisë i Kosovës Z. Ferid Agani, Zëvendës Ministria e Arsimit dhe Shkencës Znj. Nora Malaj, deputetë të parlamentit të Shqipërisë, Z. Fatos Behja, Z. Edmond Spaho, Znj. Eglantina Gjermeni. Drejtori i Institutit për Familjen dhe Jetën në Komunitet pranë Universitetit Clemson (IFNL) Z. Jim McDonell, ishte gjithashtu pjesëmarrës përkrah drejtuesve dhe përfaqësuesve të universiteteve publike dhe private në vend, përfaqësuesve të shoqërisë civile, drejtuesve, profesorëve dhe studentëve të Universitetit Marin Barleti.

Zëvendës Ministria e Arsimit dhe Shkencës Znj. Nora Malaj e cila vlerësoi këtë program si një mundësi drejt arsimit cilësor në Shqipëri, u ndal në rolin pozitiv që ka luajtur Ministria në këtë proces. Ajo theksoi se ky program është një iniciativë pionere e cila do të influencojë në plan afatgjatë politikat sociale dhe praktikën në fushën e zhvillimit të familjes dhe komunitetit.

Profesor James R. McDonell falënderoi të gjithë pjesëmarrësit dhe u ndal në vlerat që ky program mbart, veccanërisht duke mësuar studentët të vlerësojnë në mënyrë kritike vlerat e demokracisë, përgjegjësinë për zhvillimin e komunitetit, mbrojtjen dhe advokimin e të drejtave të njeriut si rrugët kryesore dhe më të rëndësishme për zhvillimin e shoqërisë.

On 23 October, 2012, the official launch of a new social scientific doctoral Program “International family and community studies” was held at the Sheraton Hotel Tirana. This Program is being offered in the Balkans region by Clemson University, South Carolina, USA in partnership with Marin Barleti University.

Supported by the American Embassy in Tirana, the ceremony was organized jointly by Clemson University and Marin Barleti University. Participants included the United States Ambassador to Albania, the Honorable Alexander Arvizu, who gave the keynote address. He emphasised the seminal nature of the program and its capacity to provide both intellectual challenge and policy direction in the Balkans.

Also participating were the Minister of Health of the Republic of Kosovo, Prof. Dr. Ferid Agani, the Vice Minister of Education and Science of the Republic of Albania, Mrs. Nora Malaj, and members of parliament, Mr. Edmond Spaho, Mrs. Eglantina Gjermeni, Mr. Fatos Behja. The Director of the Institute for Family and Neighborhood Life (INFL) at Clemson University, Prof. Dr. Jim McDonell, was present for the ceremony as were heads and representatives of both public and private universities in Albania, representatives of NGOs and civil society along with directors, professors and students from Marin Barleti University.

The Deputy Minister of Education and Science cited the program as an opportunity to advance high-quality education in Albania, and explained the positive role that the ministry had played in this process. She also stressed that it is a pioneering initiative which will influence long term policy and practice in the field of family and community development. Professor Jim McDonell thanked all the participants and reiterated the program strengths noting particularly that students learn to critically assess the values of democracy, responsibility for community development, human rights protection and advocacy as the main ways toward society development.

Vizitë një javore e pedagogëve dhe studentëve të Universitetit Marin Barleti në Universitetin Italian Seconda Universita di Napoli

Në javën 14-20 tetor 2012 një grup i përbërë nga pedagogët Ledian Droboniku, Elona Bano dhe studentët e degeve drejtësi dhe shkenca politike: Kleina Kasanai, Zela Bilalaj, Borana Kalemi, Eranda Muskaj, Matilda Dajti dhe Eduard Qatja me një ftesë nga Seconda Universita di Napoli vizituan këtë universitet dhe qytetin e Napolit. Kjo vizitë vjen në vazhdimësi të marrëveshjes së bashkëpunimit që ka universiteti ynë dhe SUN. Përgjatë një jave studentët tanë patën mundësi të ndjekin leksione të ndryshme si E drejta Evropiane e Krahasuar, E drejta Private Ndërkombëtare, E drejta Kushtetuese etj.

Interesante ishin jo vetëm ndjekjet e leksioneve të ndryshme por edhe vizita që na u mundësua nga prof. Chiefi pranë këshillit rajonal të rajonit Campania (Consiglio regionale di Campania) ku na priti vetë presidenti i këtij këshilli z. Paolo Romano dhe Drejtoresha e drejtorisë së Ceremonive publike dhe e Protokollit prof. Annapaola Voto. Studentët për rreth 3 orë patën mundësi që të njiheshin më mirë me organizimin e pushtetit lokal sipas legjislacionit italian, si dhe të shihnin sëafërmi procesin e vendimmarrjes në këtë këshill. Po ashtu përvetësuan më së miri nocione si subsidiariteti, autonomia lokale apo edhe transparenca me publikun me qëllim rritjen e besimit të publikut ndaj qeverisjes.

Një event tjetër i rëndësishëm në të cilin u asistua ishte dhe hapja e vitit të ri akademik 2012-2013 me leksionin e mbajtur nga Kryetari i Gjykatës Kushtetuese të Republikës së Italisë, Alfonso Quaranta rreth të drejtave të njeriut, paprekshmërisë së tyre dhe detyrimit shtetëror për mbrojtjen dhe garantimin e këtyre të drejtave.

Në këtë vizitë u ndërthurën shumë bukur jeta akademike dhe vizitat kulturoro-turistike. Kështu grupi i studentëve dhe pedagogëve patën mundësinë të vizitonin Vullkanin e Vezuvit, qytetin e lashtë të Pompeit si dhe Napolin me piazzat e mrekullueshme: Piazza Plebiscitio, Piazza Vittoria, Lungo Mare, Fakultetin e Drejtësisë Frederiko II, formuar që në 1200-ën si dhe Akademine Piemontana.

Kjo vizitë ishte vetëm fillimi i konkretizimit të bashkëpunimit mes dy universiteteve qëllim kryesor shkëmbimin e studentëve për programet master mes tyre.

Universiteti Marin Barleti merr pjesë në konferencën ndërkombëtare mbi Parandalimin e konflikteve dhe ndërmjetësimin në shkolla

Gjatë periudhës 17-20 tetor 2012, në Ohër të Maqedonisë u mbajt konferenca Ndërkombëtare mbi “Parandalimin e konflikteve dhe ndërmjetësimin në shkolla”. Universiteti ynë u përfaqësua nga Eurona Leka, Pedagoge pranë Departamentit të Qeverisjes, Politikës dhe Komunikimit, Fakulteti i Shkencave Sociale, e cila mbajti kumtesen me titull “Ndërmjetësimi si metodë e zgjidhjes së konflikteve në rajon”.

Gjithashtu gjatë qëndrimit në Ohër u mundësua për të pranishmit në Konferencë nje prezantim i ofertës akademike të Universitetit “Marin Barleti”, e cila u mirëprit me interes, në mënyrë të veçantë u shfaq interes për programin e Doktoraturës si dhe për programin master profesional në Lidership dhe Menaxhim Burimesh Njerëzore.

Simpoziumi i Organizuar me temë, "NËNË TEREZA & SHQIPTARËT" në Universitetin "Marin Barleti"

Në Universitetin “Marin Barleti” në datën 18 tetor 2012, në prag te Ditës së Lumturimit të Nënë Terezës, u zhvillua një simpozium shkencor me fokus “Nënë Tereza dhe shqiptarët”.

Miq dhe të ftuar, së bashku me studentët dhe stafin akademik të Universitetit, ndoqën me interes kumtesat e përgatitura nga pedagogët e departamentit të Sociologjisë, Psikologjisë dhe Edukimit në Fakultetin e Shkencave Sociale, nismëtar dhe organizator i këtij simpoziumi.

Rektori i Universitetit “Marin Barleti” Prof. Marenglen Spiro, duke vlerësuar personalitetin e Nënë Terezës theksoi rëndësinë e aktivitetit veçanërisht për dy aspekte. Së pari, që studentët të kuptojnë se UMB respekton e vlerëson po aq figurat e rëndësishme të jetës filozofike, shkencore e akademike sa edhe ato të asaj shoqërore e shpirtërore, pjesë e formimit dhe edukatës njerëzore. Së dyti, figura e Nënë Terezës mbart edhe ngarkesë filozofike, e denjë për përgjithësime teorike në ndihmë të formimit të studentëve veçanërisht, në drejtim të edukimit të përfytyrimeve njerëzore të jetës në shoqëri dhe familje. Në këtë kuptim, duket se nuk është rastësi – vuri në dukje ai - që UMB sistemin e doktoratës e fillon me “Studime mbi Familjen dhe Komunitetin„.

Dr. Tonin Çobani, i ftuar në këtë aktivitet, njohës dhe studiues i filozofisë dhe veprimtarisë së Nënë Terezës dhe bashkëautor i librit të botuar në Prishtinë, “Nënë Tereza” mbajti kumtesën, që u ndoq me shumë interesim nga të pranishmit, “ 1989 : rënia e Murit të Berlinit dhe ardhja e parë (jo) rastësore e Nënë Terezës në Shqipëri„.

Dr. Saemira Pino, dekane e Fakultetit të Shkencave Sociale, nënvizoi idenë se pavarësisht këndvështrimeve të ndryshme mbi të drejtat e njeriut, modeli i Nënë Terezës, ai i largimit nga çdo lloj diskriminimi dhe përjashtimi social të cilitdo, në emër të dashurisë për njeriun, duhet të udheheqë çdo individ, dhe për më tepër studiuesit socialë.

Dr. Marjana Çadri, përgjegjëse për Edukimin në UMB, në kumtesën e saj “Transmetimi i vlerave- nëpërmjet edukimit” theksoi se Nënë Tereza e orientuar që në rininë e herëshme nga pasioni që kishte për t’u bërë mësuese, gjatë gjithë jetës ka zhvilluar, mbartur dhe transmetuar vlera personale dhe universale nëpërmjet edukimit, si tolerancën, guximin, durimin, por mbi të gjitha vlerat, dashurinë e madhe dhe përkushtimin ndaj njerëzve.

Dr. Lekë Sokoli, prorektor i Universitetit “Marin Barleti” nëpërmjet një materiali të pasur mbi temen “Nënë Tereza dhe shqiptarët- një gërshetim natyror ?” ndër të tjera tërhoqi vëmendjen e auditorit dhe ftoi në diskutim pjesëmarrësit për t’i dhënë përgjigje pyetjes mbi natyrën e shqiptarëve dhe për t’u përballur jo vetëm me fakte empirike, por edhe me argumente shkencore me mitet rreth kësaj natyre.

Diskutimi mbetet i hapur....

Dita e parë e vitit akademik 2012-13 në Univ. "Marin Barleti"

Universiteti "Marin Barleti", stafi akademik dhe administrativ, urojnë të gjithë studentët SUKSESE në vitin e ri akademik 2012-13.
Qoftë ky vit i mbushur plot me lexime, të reja dhe dije të rëndësishme ndaj një të ardhmeje sa më të begatë për ju!

Paci fat!

Aktiviteti MEU Albania 2012 - International Event Tiranë

Federalistët e Rinj Europianë në Shqipëri ( JEF Albania) organizuan për të dytin vit aktivitetin simulues të Bashkimit Europian në datat 10-14 tetor 2012. Në të morën pjesë 140 të rinj nga Shqipëria, nga rajoni dhe nga vendet anëtare të Bashkimit Europian. Gjatë aktivitetit pjesëmarrësit luajtën rolet e Ministrave të shteteve anëtare të BE-së, Deputetëve të Parlamentit Europian, MEP dhe gazetarëve. Duke pasur parasysh rëndësinë e madhe të proceseve integruese Europiane në Shqipëri, MEU Albania pati një bashkëpunim të ngushtë me Universitetin “Marin Barleti”.I gjithë aktiviteti, nga ana e Universitetit “Marin Barleti”, u ndoq nga Diantina Zuna dhe Dorina Plaku, që vazhdimisht i vinin në ndihmë MEU Albania.

Seancat u zhvilluan në ambientet e UMB. Në hapjen e ceremonisë pati një fjalim përshëndetës nga Rektori i Universitetit “Marin Barleti”, Marenglen Spiro, i cili u uroi mirëseardhjen Federalistëve të Rinj Europianë. Në dt. 11 tetor u zhvillua në Hotel Tirana International Big Coference, ku pati një bashkëbisedim rreth temave të ndryshme të proceseve integruese të BE-së.

I ftuar ishte edhe prof. Dorian Jano nga Universiteiti “Marin Barleti”. (Nga MEU Albania pati një reklamim për Universitetin “Marin Barleti” http://www.meu.al/2012/, http://www.meu.al/2012/parteners.php, http://www.facebook.com/pages/Model-European-Union-Albania/167347486675406. Në fund të aktivitetit gazetarët merreshin me botimin e gazetës, ku UMB ishe prezent.)

Njoftim për fillimin e vitit të ri akademik 2012 - 2013

Universiteti Marin Barleti njofton të gjithë studentët e nivelit Bachelor se dita e parë e shkollës për vitin akademik 2012-13 fillon në datë 15 Tetor, 2012.

Për cdo pyetje ose paqartësi, ju lutem na kontaktoni në +355 04 2252 621 ose me e-mail: info@umb.edu.al

Suksese!

Dr Dorian Jano publikon në revistën Balkan Journal of Philosophy esenë "Rishikimi i konceptit Rawlsian mbi Arsyen Publike".

Dr Dorian Jano, Pedagog i Universitetit “Marin Barleti”, publikon në revistën akademike ndërkombëtare Balkan Journal of Philosophy (2012, vol. 4, nr. 2) esenë me titull “Rishikimi i konceptit Rawlsian mbi Arsyen Publike”.

Në këtë ese filozofike shqyrtohen elementët kryesorë, si dhe rivlerësohet debati pro dhe kundër mbi idenë Rawlsiane të “arsyes publike”. Në këndvështrimin liberal mbi arsyen publike, kur e drejta prevalon, atëherë ka hapësirë për ekzistencën e konceptimeve të ndryshme të së mirës. Ndërkohë që kur “arsyeja publike” bazohet tek filozofia komunitare e së mirës, atëherë ne rrezikojmë të përjashtojmë të drejtën, që nënkupton përjashtimin e individëve që ndajnë një botëkuptim tjetër të së mirës. Kjo ese propozon që ideja e “arsyes publike” duhet të kuptohet më shumë si një artikulim i modelit politik të trajtimit të forcës dhe më pak si një vlerësim gjithëpërfshirës i moralit.

Për më tepër kliko këtu http://www.issk-bas.org/BJP

Takim midis CSTI dhe UMB mbi projektin Arti,Plastika dhe Riciklimi

Programi IPA - Bashkëpunimi Ndërkufitar Shqipëri - Mali i Zi

Në 11 Tetor 2012, në ambjentet e Bashkisë Shkodër u organizua një takim i projektit "Arti, Plastika dhe Ricklimi". Në këtë këtë takim morën pjesë: përfaqësues të njësive të qeverisjes vendore të Qarkut të Shkodrës për zonën rrethuese të liqenit, perfaqesues nga bizneset, partneret e Malit të Zi (CSTI) dhe stafi i UMB-së.

Takimi u hap nga Menaxheri i projektit Dr. Gazmend Zeneli, i cili falenderoi pjesëmarrësit dhe ju uroi atyre mirëseardhjen. Dr. Zeneli, në prezantimin e tij bëri një përshkrim të problematikës lidhur me mbetjet në zonat rreth Liqenit të Shkodrës dhe rëndësisë së ndërmarrjes së këtij projekti. Më pas ai foli për objektivat e projektit, aktivitetet që jane realizuar deri tani, dhe rezultatet e pritshme. Dr. Zeneli vuri theksin në rëndësinë që ka bashkëpunimi me pushtetin lokal, si përfituesit kryesor të këtij projekti.

Fjalimi i rradhës u mbajt nga Znj. Svetlana Vujicic, drejtoreshë ekzekutive e qëndrës për inisiativat në zhvillimin e turizmit (CSTI). Gjatë këtij prezantimi u theksua rëndësia e këtij projekti dhe rezultatet që ishin arritur deri tani,si dhe ide të ndryshme mbi objektet që do te riciklohen.

Pas ketij prezantimi, fjalimin e mori eksperti gjerman z. Gerhard Bar, i cili bëri një prezantim të punëve të ngjashme të zhvilluara në vënde të ndryshme të botës, për pastrimin nga ndotjet plastike. Z. Bar bëri edhe një demostrim të disa punëve të bëra me plastike, si kosha mbeturinash, kopertinën e një libri, abazhure etj. si dhe tregoi ecurinë dhe procesin që nga mbledhja e pastikes deri në riciklimin e tyre.

Përfaqësuesi i njësise të qeverisjes vendore, Z.Nektar Dume shprehu vlerësimin e tij për konceptimin e këtij projekti, rëndësinë që ai paraqet për popullsinë e zonave në fjalë dhe shprehu angazhimin e tij për të bashkëpunuar në këtë projekt. Projekti shfaqi interes edhe tek pjesetarë të tjerë të takimit, të cilët falenderuan për këtë inisiativë dhe shprehën gadishmërinë e tyre për të ndihmuar në cdo hallkë të projektit.

Në fund të takimit u vizituan disa markete të zonës, ku z.Bar bëri një prezantim të shkurtër të produkteve dhe specifikave të tyre të cilat janë të përdorshme për projektin dhe për të realizuar procesin e riciklimit.

Filluan aplikimet për programin e Doktoratës "Studime ndërkombëtare për familjen dhe komunitetin" të ofruar nga Universiteti Clemson pranë Universitetit Marin Barleti në Tiranë.

Të gjithë të interesuarit mund të aplikojnë në këtë fazë të parë duke sjellë:

1. Diplomën e studimeve bachelor dhe listën e notave (të skanuar nga orgjinali) + 1 kopje të tyre në gjuhën angleze të noterizuar.
2. Diplomën e studimeve master dhe listën e notave (të skanuar nga orgjinali) + 1 kopje të tyre në gjuhën angleze të noterizuar.
3. Certifikatë të gjuhës angleze
4. Një CV të kohëve të fundit.

Të gjitha dokumentat mund ti dërgoni me e-mail në adresën doctorate.ifcs@umb.edu.al.

Dokumentet mund ti dorezoni edhe dorazi me CD pranë Universitetit Marin Barleti, Kampusi II Selite, Tiranë.

Numri i të përzgjedhurve do të jetë i kufizuar, dhe rregjistrimet do të bëhen çdo 2 vjet.... Nxitoni!!!

OPEN DAY @ UMB, II

Ditën e premte, 05 Tetor, 2012 u zhvillua aktiviteti Open Day @ UMB II. Si rezultat i kërkesave të shumta, Universiteti “Marin Barleti” hapi edhe nje ditë tjeter dyert për t’ju ardhur më pranë studenteve te interesuar për programet studimit Bachelor ,Master dhe Phd pranë Universitetit “Marin Barleti”.

Kjo dite mundësoi takime të afërta me drejtuesit e Universitetit, pedagogët e Fakulteteve dhe njohje më të detajuar të programeve mësimore.

OPEN DAY II, ashtu si edhe dita e pare, shërbeu nga komunitetit Barleti nga ora 9 e mëngjesit deri në 20 të darkës dhe i ofroi studentëve të interesuar mundësinë e regjistrimit atë ditë me përfitimin e 10% ulje nga tarifa mësimore për një vit.

Falënderojmë të gjithë studentët dhe prindërit që erdhën, gjithashtu pedagogët dhe stafin e përkushtuar.

Ceremonia e diplomimit për vitin akademik 2011 - 2012

Ditën e shtunë, dt. 29 Shtator 2012, u zhvillua ceremonia e diplomimit për vitin akademik 2011-12, në ambientet e Hotel Adriatik, Durrës.

Përveç të diplomuarve, të pranishëm ishin familjarët e tyre si dhe pedagogë të Universitetit Marin Barleti. Gjithashtu, nderuan me pjesëmarrjen e tyre figura të nderuara të fushës akademike në Shqipëri, njëkohësisht edhe anëtare të bordit drejtues të Universitetit Marin Barleti.

Urojmë edhe një herë të diplomuarit për arritjen e tyre në marrjen e diplomave të tyre Bachelor dhe Master. Urime të mëtejshme dhe dalshi faqebardhë në çdo sfidë që i vendosni vetes. Ju mirëpresim në çdo kohë për të na vizituar dhe treguar mbi arritjet tuaja të tjera në jetë e për të na bërë edhe më krenarë për ju.

OPEN DAY @ UMB

Ditën e mërkurë, 26 Shtator, 2012 u zhvillua aktiviteti Open Day @ UMB si një përpjekje për t’ju ardhur edhe më pranë studenteve te interesuar per te ndjekur studimet prane Universitetit Marin Barleti, duke i mundësuar takime më të afërta me drejtuesit e Universitetit, pedagogëve të Fakulteteve dhe njohjen më të detajuar të programeve mësimore.

Kjo ditë e hapur, i shërbeu komunitetit Barleti nga ora 9 e mëngjesit deri në 20 të darkës, dhe i ofroi studentëve të interesuar mundësinë e regjistrimit atë ditë me përfitimin e 10% ulje nga tarifa mësimore për një vit.

Falënderojmë të gjithë studentët dhe prindërit që erdhën, pedagogët dhe stafin e përkushtuar, dhe njëkohësisht na vjen keq për të gjithë të tjerët që nuk arritëm t'i takonim në ketë ditë kaq të bukur. Urojmë të shihemi së shpejti.

Forum për Politikat Publike

Forum për Politikat Publike: Përputhshmëria me Politikën e Kohezionit të BE-së dhe Kërkesat e Instrumentit të Para-aderimit (IPA) në Shqipëri: Qasja e qeverisjes shumë-nivelesh

Ditën e mërkurë, dt 12 Shtator 2012, në Qendrën e Informimit të BE-së, Lëvizja Europiane në Shqipëri (EMA) dhe Departamenti Qeverisje, Politika dhe Komunikim i Universitetit “Marin Barleti” zhvilluan forumin me temë “Përputhshmëria me politikën e kohezionit të BE-së dhe kërkesat e Instrumentit të Para-aderimit (IPA) në Shqipëri”. Hapja e aktivitetit u bë nga Z. Gledis Gjipali, Drejtor Ekzekutiv i Lëvizjes Europiane në Shqipëri (EMA) dhe Znj. Zamira Çavo, Përgjegjëse e Departamentit Qeverisje, Politika dhe Komunikim, Universiteti “Marin Barleti”.

Të pranishëm ishin aktorë nga shoqëria civile dhe studentët e programit Master në Politika Europiane dhe Administrim Publik.

Punimi u prezantua nga Dr. Dorian Jano, Pedagog pranë këtij departamenti në Universitetin “Marin Barleti”, i cili nënvizoi faktin se, duke pasur parasysh mungesën e një politike të duhur të kohezionit në Shqipëri dhe fazën elementare të përgatitjes së saj në kontekstin e pranimit në BE, detyra emergjente për Shqipërinë është zhvillimi i një politike rajonale në përputhje me parimet e politikës së kohezionit të BE-së dhe kërkesat e IPA-s.

(Mos) Suksesi i Politikës së Zhvillimit Rajonal do të varet nga (mos) funksionimi i qeverisjes shumë-nivelesh dhe shumë-aktorësh (përvoja e vendeve nga Evropa Qendrore) dhe në lidhje me këtë aspekt një ndër rekomandimet e ofruara në forum ishte ngritja e kapaciteteve dhe mirë-koordinimi midis partnerëve, institucioneve vendore dhe lokale, dhe aktorë të tjerë nga shoqëria civile dhe sektori privat. Shembulli Slovak i rekrutimeve intensive, trajnimet dhe pagesat konkurruese ishin politika të suksesshme për t’u marrë si model.

Synimi i këtij forumi ishte stimulimi i një debati konstruktiv dhe profesional mbi funksionimin e qeverisjes gjithë përfshirëse në shumë nivele, si faktor përcaktues në suksesin e politikave strukturore dhe të kohezionit në rastin e vendeve të Evropës Qendrore, që janë anëtarësuar gjatë viteve të fundit, gjetjen e modeleve të përshtatshme për t’u marrë si shembull, dhe rekomandimeve e konkluzioneve.

Forumi ishte i pari i këtij lloji dhe u mbyll me seancën pyetje-përgjigje.

Zgjedhjet në KKK

Këshilli Kombëtar i Kontabilitetit në mbledhjen e tij të datës 12 Shtator, 2012 rizgjodhi si Kryetar për një mandat 4 - vjeçar Prof. Dr Jorgji Bollano, aktualisht Dekan i Fakultetit të Ekonomisë dhe Financës në Universitetin Marin Barleti.

Datat e provimeve të sesionit të vjeshtës 2012

Datat e provimeve të sesionit të vjeshtës 2012
	Emërtimi i lëndës	Data e provimit	Ora
1	Antropologji sociale	12.09.2011	9:00
	Bazat e marketingut	17.09.2012	12:00
	E drejtë kushtetuese	14.09.2012	12:00
	E drejtë romake	13.09.2012	12:00
	Elementët e së drejtës publike	13.09.2012	9:00
	Filozofi e së drejtës	14.09.2012	12:00
	Gjuha, e vërteta dhe komunikimi ndërkulturor	12.09.2011	12:00
	Gjuhë angleze	12.09.2011	9:00
	Histori e institucioneve politiko-juridike	14.09.2012	9:00
	Histori e mendimit politik/ Mendimi politik klasik dhe mesjetar / Mendimi politik modern	12.09.2012	9:00
	Histori e shtetit dhe e së drejtës në Shqipëri	13.09.2012	12:00
	Hyrje në filozofi	12.09.2011	9:00
	Hyrje në psikologji	13.09.2012	12:00
	Komunikimi dhe paraqitja	13.09.2012	12:00
	Matematikë	14.09.2012	9:00
	Menaxhim financiar/ bazat e financës	14.09.2012	9:00
	Mendimi ekonomik	14.09.2012	9:00
	Metodat e analizës politike	13.09.2012	9:00
	Metodat e kërkimit dhe shkrimi akademik	15.09.2012	10:00
	Parimet e mikroekonomisë	14.09.2012	18:00
	Psikologji zhvillimi	14.09.2012	9:00
	Sipërmarrje dhe menaxhim i biznesit të vogël	14.09.2012	18:00
	Sociologji	17.09.2012	9:00
	Statistikë	14.09.2012	12:00
2	Bazat e kontabilitetit	17.09.2012	12:00
	Bazat e menaxhimit	19.09.2012	12:00
	Biznes ndërkombëtar	18.09.2012	9:00
	E drejtë administrative	12.09.2012	9:00
	E drejtë biznesi	17.09.2012	12:00
	E drejtë civile	17.09.2012	9:00
	E drejtë e detyrimeve	18.09.2012	9:00
	E drejtë ndërkombëtare	19.09.2012	15:00
	E drejtë penale pjesa e përgjithshme	21.09.2012	10:00
	E drejtë penale pjesa e posaçme	21.09.2012	12:00
	Etika dhe politika	13.09.2012	9:00
	Gjuhë angleze profesionale	17.09.2012	9:00
	Institucionet dhe tregjet financiare	17.09.2012	14:00
	Kontabiliteti financiar	20.09.2012	9:00
	Kulturat politike	12.09.2012	9:00
	Menaxhimi i ciklit të projektit	21.09.2012	9:00
	Metodat sasiore	19.09.2012	12:00
	Politikat demografike	14.09.2012	12:00
	Politikat mjedisore	17.09.2012	12:00
	Praktikë (pranë sipërmarrjes)	12.09.2012	10:00
	Psikologji këshillimi	12.09.2012	9:00
	Psikologji e të mësuarit	18.09.2012	12:00
	Psikologjia në shkolla	18.09.2012	9:00
	Psikologji sociale e veprimit politik	13.09.2012	12:00
	Sigurimet dhe menaxhimi i riskut	21.09.2012	16:00
	Sociologji e arsimit	17.09.2012	12:00
	Sociologji e familjes	17.09.2012	9:00
	Sociologji rurale	19.09.2012	9:00
	Sociologji urbane	19.09.2012	12:00
	Statistikë shoqërore	18.09.2012	9:00
	Shkrimi dhe arsyetimi ligjor	19.09.2012	12:00
	Teori personaliteti	17.09.2012	12:00
3 + 4	Analiza e politikave publike	21.09.2012	12:00
	Analizë financiare	17.09.2012	9:00
	Auditim	21.09.2012	12:00
	Biznesi dhe tregjet ndërkombëtare	18.09.2012	9:00
	Drejtim financiar	22.09.2012	10:00
	E drejta bankare	21.09.2012	18:00
	E drejta e BE-së	21.09.2012	9:00
	E drejtë e mjedisit	17.09.2012	12:00
	E drejtë e sigurimeve shoqërore dhe shëndetësore	19.09.2012	9:00
	E drejtë ndërkombëtare private	18.09.2012	9:00
	E drejtë ndërkombëtare publike	20.09.2012	9:00
	E drejtë tregtare	19.09.2012	9:00
	Ekonomia urbane dhe imobiliare	21.09.2012	12:00
	Etikë biznesi	20.09.2012	9:00
	Etika profesionale	20.09.2012	9:00
	Financat publike	21.09.2012	9:00
	Financimi i investimeve dhe menaxhimi i portofolit	18.09.2012	12:00
	Fiskaliteti	13.09.2012	9:00
	Kontabiliteti i kostos (dhe drejtimi)	20.09.2012	12:00
	Kriminalogji	20.09.2012	9:00
	Legjitimiteti i pushtetit në filozofinë bashkëkohore	15.09.2012	10:00
	Menaxhimi i cilësisë	12.09.2012	12:00
	Menaxhimi i korporatave	19.09.2012	9:00
	Menaxhimi i operacioneve	12.09.2012	9:00
	Organizatat ndërkombëtare dhe Shqipëria	21.09.2012	9:00
	Procedura civile	20.09.2012	12:00
	Procedura penale	14.09.2012	9:00
	Punim diplome	12.09.2012	9:00
	Punim vjetor	12.09.2012	9:00
	Pushteti politik në BE	17.09.2012	9:00
	Strukturat e BE-së	17.09.2012	9:00
	Teknikë legjislative	19.09.2012	12:00
M	Administrimi i financave publike	21.09.2012	9:00
	Çështje të politikës së jashtme	21.09.2012	9:00
	Demokracia dhe zgjedhjet	20.09.2012	9:00
	E drejta ndërkombëtare dhe organizatat ndërkombëtare	19.09.2012	9:00
	E drejtë e falimentit	18.09.2012	9:00
	E drejtë financiare	19.09.2012	9:00
	Evropa në shekullin XX	13.09.2012	9:00
	Hyrje në historinë e marrëdhënieve ndërkombëtare të shtetit shqiptar	19.09.2012	12:00
	Integrimi i rajonit të EJL-së në BE	13.09.2012	9:00
	Kurs për hartim kontratash	17.09.2012	9:00
	Menaxhimi i burimeve njerëzore	18.09.2012	12:00
	Menaxhimi strategjik dhe politika e biznesit	13.09.2012	12:00
	Metodat e kërkimit shkencor	15.09.2012	10:00
	Politikat e punësimit	19.09.2012	9:00
	Politikat rajonale, lokale dhe administrimi i territorit	13.09.2012	9:00
	Sjellje organizative	19.09.2012	12:00
	Themelet e shtetit social	20.09.2012	9:00
	Të drejtat e njeriut	18.09.2012	12:00

Konferencë Ndërkombëtare me rastin e 100 vjetorit të Pavarsisë së Shqipërisë

Universiteti Marin Barleti në bashkëpunim me Institutin e Sociologjisë, Universitetin e Vlorës Ismail Qemali dhe Universitetin Pavarësia, Vlorë do të organizojnë Konferencën Ndërkombëtare Ndërdisiplinore: "Identiteti, Imazhi dhe Kohezioni Social në Epokën e Integrimeve dhe Globalizimit", që do të mbahet në Vlorë, më 26-27 nëntor 2012, në 100 vjetorin e Pavarësisë së Shqipërisë.Bashkëngjitur është sërish thirrja për pjesëmarrje, në shqip dhe anglisht. Ju kujtojmë se afati i dërgimit të abstrakteve është: dita e enjte, date 20 shtator 2012. Për më shumë informacion, klikoni këtu.

Pedagoge e Universitetit Marin Barleti Eurona Leka, boton librin: "Roli i Shqipërisë në Misionet Paqeruajtëse"

Eurona Leka, Pedagoge e Universitetit Marin Barleti ka botuar librin e saj të parë me titull: "Roli i Shqipërisë në Misionet Paqeruajtëse" (ISBN 978-3-659-21217-8) pranë Shtëpisë Botuese Lambert Academic Publication.

Libri përshkruan rolin e Shqipërisë në misionet paqeruajtëse duke u ndalur në trasnformimin e Shqipërisë nga një vend në krizë që mikëpriti një numër të konsiderueshëm misionesh paqeruajtëse gjatë trazirave të 1997 në një vend që sot dërgon trupat paqeruajtëse në zonat konfliktuale. Ky libër do t'i vijë si literaturë plotësuese studentëve bachelor dhe master të Shkencave Politike.

Për më shumë informacion kliko këtu

Trajnim për pushtetin vendor në Bashkinë Krujë.

Ditën e hënë, datë 27.08.2012 dhe ditën e mërkurë datë 29.08.2012 në ambjentet e Bashkisë Krujë u zhvillua seminari në Menaxhimin e Ciklit të Projektit me trajnere, pedagogen e degës së Menaxhimit në Universitetin Marin Barleti Znj.Irida Nikolla.

Në këtë seminar ishin te pranishëm punonjës nga sektorë të ndryshëm të administrates, si zyra e shërbimit social, zyra e urbanistikës, ekonomisë, sherbimit publik etj. Gjatë seminarit u zhvillua ideja e projekt propozimeve, struktura e ndarjes së punës, përcaktimi i aktiviteteve dhe renditja e tyre, buxheti i projektit, roli i menaxherit të projektit si dhe menaxhimi i riskut, përfundimi i projektit dhe vleresimi i tij.

Pjesemarrësit ishin të interesuar dhe ndoqën me vemendje seminarin, kjo u shpreh nga interesimi i tyre për të drejtuar pyetje mbi projekte të ndryshme që lidheshin me zyrën e tyre. Të gjithë pjesemarrësit shprehën vleresimin e tyre për konceptimin e këtij projekti nëpërmjet formularit të vlerësimit të shperndarë në fund të këtij seminari.

Akreditohen nga Ministria e Arsimit programet e ciklit të dytë

Universiteti Marin Barleti ju njofton se, Ministria e Arsimit dhe e Shkencës me urdhër të Ministrit nr. 329 dt. 07.08.2012, pasi vlerësoi cilësinë, stafin akademik, programet dhe kurrikulat mësimore që ofron institucioni ynë, vendosi të akdreditojë programet mësimore të ciklit të dytë si mëposhtë:

Master profesional në "Shkenca Politike" në profilin:
- "Administrim Publik"
Master profesional në "Shkenca Juridike" në profilet:
- "E Drejtë Publike"
- "E Drejtë Biznesi / Tregtare"
Master profesional në "Administrim Biznesi" në profilet:
- "Shërbime Bankare dhe Financiare",
- "Marketing dhe Menaxhim Operacionesh"
- "Lidership dhe Menaxhim Burimesh Njerëzore"
- "Financë Kontabilitet"

Kjo arritje na bën edhe më të përgjegjshën në përpjekjet për të ruajtur dhe promovuar pozicionin tonë si një universitet cilësor, ku teoria dhe praktika ndërthuren natyrshëm në shërbim të studentëve dhe arsimit elitar shqiptar.

Hapen regjistrimet për kurse dhe testime të gjuhës Angleze në BTTC

Në Qendrën e Trajnimit dhe Testimit Barleti ndodhet dega e Qendrës Britanike të Testimit Ndërkombëtar të Gjuhës Angleze PEARSON TEST OF ENGLISH GENERAL (PTE).

Gjithashtu, në BTTC, ofrohen kurse trajnimi përgatitore për dhënien e testit, sipas nivelit përkatës. Kurset zhvillohen intensivisht 3 herë në javë, nga dy orë, për dy muaj.

Për testimin e datës 8 Dhjetor, rregjistrimet për kurs dhe testim janë hapur!

Kursi për nivelin B2 do të zhvillohet gjatë periudhës 1 Tetor - 23 Nëntor, 2012. Java e fundit e kursit do të përmbajë vetëm teste intensive për përgatitjen e provimit. Tarifa e kursit është 130 Euro, përfshirë librin dhe workbook (ushtrimet).

Për studentët e UMB-së, ofrohet 10% ulje.

Për informacion ose rregjistrim, ju lutem kontaktoni me telefon në : 069 20 67 247 ose (04) 4500-999 ose me e-mail në: info.bttc@umb.edu.al

Nis projekti Soft Skills - Trajnime per Pushtetin Vendor

Universiteti Marin Barleti, i mbështetur nga Agjencia për Mbështetjen e Shoqërisë Civile (AMSHC), ka nisur këtë javë zhvillimin e projektit "Soft Skills përtej njohurive akademike - Trajnimi i pushtetit lokal për përmirësim të cilësisë së qeverisjes vendore".

Ky projekt konsiston në zhvillimin e kurseve në fusha të ndryshme, të cilat përfshijnë: Teknologji Informacioni, Gjuhë Angleze Profesionale, Menaxhim Projektesh dhe Menaxhim Financiar. Seminare mbi fushat e lartëpërmendura do të zhvillohet në Komunën Shushicë të rrethit të Elbasanit dhe Bashkitë e qyteteve Fushë-Krujë dhe Krujë, për punonjësit e pushtetit vendor.

Ditën e djeshme, 31 Korrik 2012, zhvillimi në terren i projektit nisi me ditën e parë të seminarit në Teknologji Informacioni në komunën Shushicë, me trajner, pedagogun e degës së IT-së në Universitetit Marin Barleti, Z. Andi Gjokutaj. Seminare të tjera do të vazhdojnë pergjatë muajit Gusht e më tej.

Takimi prezantues i projektit "Arti, Plastika dhe Riciklimi"

Programi IPA - Bashkëpunimi Ndërkufitar Shqipëri - Mali i Zi
Në 3 Korrik 2012, në ambjentet e Universitetit "Marin Barleti", u organizua një takim prezantues i projektit "Arti, Plastika dhe Ricklimi".

Në këtë këtë takim morën pjesë: përfaqësues të njësive të qeverisjes vendore të Qarkut të Shkodrës për zonën rrethuese të liqenit, përfaqësues të shoqërisë civile dhe organizatave jo qeveritare si dhe studentë dhe stafi i UMB-së.

Takimi u hap nga rektori i universitetit Prof.Dr.Mareglen Spiro, i cili falenderoi pjesëmarrësit dhe ju uroi atyre mirëseardhjen. Prof. Spiro, ndër të tjera vuri në dukje angazhimin e UMB-së në projekte të ndryshme duke i ardhur në ndihmë komunitetit dhe mjedisit.

Përfaqësuesi i Delegacionit Europian në Shqipëri dhe njëkohësisht menaxher i programit IPA të Bashkëpunimit Ndërkufitar Shqipëri-Mali i Zi, Z. Ivan MANZANO BARRAGAN, bëri një përshkrim të shkurtër të programit, të përmbajtjes si dhe vlerësoi punën e bërë për këtë projekt.

Përfaqësuesit e njësive të qeverisjes vendore përkatësisht, Z.Nektar Dume nga Bashkia Shkodër, Z.Lirim Nani, kryetari i komunës "Gruemirë", Z.Isa Ramaj, kryetari i komunës "Qendër", shprehën vlerësimin e tyre për konceptimin e këtij projekti, rëndësinë që ai paraqet për popullsinë e zonave në fjalë dhe shprehën angazhimin e tyre për të bashkëpunuar në këtë projekt.

Në emër të partnerëve në këtë projekt, Z.Besnik Kasemi Drejtor Ekzekutiv i Deliart Association, bëri një prezantim të misionit dhe veprimtarisë së deritanishme të Deliartit, duke vënë theksin në angazhimin social të kësaj organizate. Më pas Z. Kalemi u ndal në bashkëpunimin e deritanishëm me Universitetin Marin Barleti dhe përfshirjen e Deliart Association në projektin "Arti, Plastika dhe Riciklimi".

Dr.Gazmend Zeneli, menaxher i projektit, në prezantimin e tij bëri një përshkrim të problematikës lidhur me mbetjet në zonat rreth Liqenit të Shkodrës dhe rëndësisë së ndërmarrjes së këtij projekti. Më pas ai foli për objektivat e projektit, aktivitetet që do të realizohen dhe rezultatet e pritshme. Dr. Zeneli vuri theksi në rëndësinë që ka bashkëpunimi me pushtetin lokal, si përfituesit kryesor të këtij projekti.

Gjate pyetjeve dhe diskutimeve të pjesëmarrësve, u shprehën përgëzime për ndërmarrjen e kësaj iniciative dhe gatishmërinë për të kontribuar në këtë projekt.

Prezantimi i programit të Doktoratës "Studime Ndërkombëtare për familjen dhe Komunitetin"

Ditën e martë datë 3 Korrik 2012, në Universiteti Marin Barleti Kampusi I salla A 24, ora 12.00 u realizua një takim informues rreth programit të studimeve të doktoratës, "Studime ndërkombëtare për familjen dhe komunitetin" i ofruar nga Universiteti Clemson në ambjentet e Universitetit Marin Barleti. Programi do të fillojë në vjeshtën e vitit akademik 2012-2013, dhe në të do të mund të aplikojnë jo vetëm studentë nga Shqipëria por edhe nga rajoni i Ballkanit.

Në këtë takim morën pjesë, studentë të interesuar për programin e doktoratës, Pedagogë të UMB dhe nga Universitete të tjera, përfaqësues të programit Brain Gain në Shqipëri etj.

Koordinatori i Studimeve pasuniversitare i Institutit për familjen dhe jetën në komunitet, në Universitetin Clemson, instituti përgjegjës për ofrimin e programit, Profesori Mark Small, shpjegoi objektivat, qëllimet dhe modalitetet e aplikimit të programit në Tiranë. Profesor Small në prezantimin e tij tha se Universiteti Clemson, nëpërmjet ofrimit të këtij programi doktorate në ambjentet e Universitetit Marin Barleti, synon krijimin e një grupi profesionistësh të nivelit të lartë në fushën e kërkimeve dhe zhvillimit të familjes dhe komunitetit.

Ai u shpreh se përveç lëndëve, profesorëve dhe metodave të mësimdhënies të Universitetit të Clemson, ky program do t'ju krijojë një mundësi të shkëlqyer profesionistëve të shkencave sociale, ligjore, mjekësore, ekonomike të rajonit të Ballkanit për tu kualifikuar sipas modelit amerikan në kontekstin e tyre dhe për të shkëmbyer informacionet dhe eksperiencat mes vendeve të ndryshme.

Studentët do të jenë të rregjistruar në Universitetin Clemson duke pasur një shans të madh në shfrytëzimin e një sërë lehtësirash si bibliotekën së tyre online, sistemin online të informimit dhe mësimdhënies, rrjetin e bashkëpunimit me studentë dhe pedagogë nga e gjithë bota. Në fund të studimeve do të marrin titutllin PhD nga Universiteti i Clemson.

Ai gjithashtu theksoi se tarifa e studimeve për studentët e Ballkanit është shumë më e reduktuar se studentët që studjojnë në ShBA, dhe se është tepër konkurruese për tregun shqiptar dhe atë rajonal.

Natyra Agani, nga Kosova, doktorante e këtij programi në Universitetin Clemson, ShBA, ndau me pjesëmarrësit eksperiencën e shkëlqyer që ky program i ka mundësuar. Ajo u shpreh se duke qenë studente e këtij programi ka pasur mundësinë të zhvillojë në mënyrë tepër profesionale dhe cilësore aspiratat e saj për karrierë dhe njëkohësisht të përballej me një mjedis miqësor dhe bashkëpunues. Hapjen e këtij programi në rajon ajo e konsideroi si një mundësi unike dhe të jashtëzakonshme për profesionistët shqiptarë dhe ata në rajon.

Në fund të takimit shumë të interesuar bënë pyetjet dhe komentet përshëndetëse për fillimin e programit.

Ceremonia e certifikimit për kurset e Maturës Shtetërore në UMB

Sot më datë 29.06.2012 u zhvillua ceremonia e certifikimit për kurset e Maturës Shtetërore në lëndët me zgjedhje, Ekonomik, Anglisht, Qytetari, Sociologji, të cilat maturantët i ndoqën në mënyrë intensive. Ceremonia u zhvillua në ambjentet e Universitetit “Marin Barleti”, pranë Restorantit Ballkan, ku të pranishëm ishin gjimnazistët e shkollave të mesme të Tiranës, stafi i Universitetit ”Marin Barleti” dhe familjaret e tyre.

Ceremonia u hap me fjalimin e Rektorit Prof. Dr. Marenglen Spiro i cili përshëndeti me përzemërsi dhe i uroi drejt rrugës së suksesit të tyre profesionalë, më tej e mbajti fjalimin Prof. Michael S. Totterdell dhe një pjesë e stafit të universitetit . Në këtë takim në njohjen të UMB-së ishin dhe pedagogët e nderuar, Prof Gëzim Hado dhe Znj. Asije Koprencka, të cilët me përkushtim dhe të palodhur, kanë dhënë mësim përgjatë këtyre dy javeve të fundit.

Pas përfundimit të takimit u shtrua një kokteil të vogël në ambjentet e restorant Ballkanit duke i uruar maturantëve suksese në provimin e rradhës.

Tur akademik ne Sofje-Bullgari

Departamenti i Sociologjise, Psikologjisë & Edukimit i Universitetit Marin Barleti, në mbledhjen e tij të dates 14. 06. 2011, ka vendosur unanimisht që të organizojë një tur Akademiko-Turistik në Sofje, Bullgari.

Kjo për të marrë pjesë në Konferencën e Dytë Ndërkombëtare të Forumit Sociologjik të Ballkanit (Balkan Sociological Forum, BSF), që zhvillohet më 9-10 nëntor të këtij viti.

Theksojmë se pjesëmarrja është pa tarifë të veçantë, falë një granti të International Sociological Association, e cila i është dhënë Shoqatës së Sociologjisë së Bullgarisë, bashkëorganizatore e konferencës.

Për më tepër mund të informoheni përmes: www.instituti-sociologjise.al - Forumi Sociologjik i Ballkanit, në të cilën do të gjeni detaje rreth këtij institucioni.

Duke klikuar ketu mund të gjeni thirrjen për pjesëmarrje. Të interesuarit duhet të komunikojnë me pedagogen Jonida Lamaj, koordinatore e departamentit, në adresën: soc-psych-ed.coord@umb.edu.al; ose: jonidalamaj@gmail.com

Theksojmë së të interesuarit duhet të aplikojnë me abstraktet e tyre për pjesëmarrje para datës 30 qershor. Mendojmë të këtë një panel të veçantë të Universitetit Marin Barleti, me tematikë Ballkanike: "Close but Unknown Neighbors: Balkan Sociological Perspectives".

Ftesa është për të gjithë të interesuarit nga personeli akademik i UMB.

Tur akademik ne Sofje-Bullgari

“ Rio+20 dhe Shqipëria që duam të ndërtojmë - Të qeverisim të ardhmen me Zhvillim të Qendrueshëm ! ”

Për të përfocuar idenë se Shqipëria mund të shndërrohet në një model rajonal të zhvillimit të qendrueshëm UMB, lancon nismën dhe angazhimin për partneritet:
"Rio+20 dhe Shqipëria që duam të ndërtojmë - Të qeverisim të ardhmen me Zhvillim të Qendrueshëm !" Angazhimi dhe nisma janë vazhdim i punës dhe veprimtarive konkrete bashkëpunuese të UMB, me aktorë dhe institucione të qeverisjes vendore në nivel kombëtar, për edukimin dhe implementimin e modeleve të zhvillimit të qendrueshëm.

Të lancuar në këtë moment, angazhimi dhe nisma shprehin mbështetjen e drejtëpërdrejtë dhe vullnetin për tNULLju bashkuar programeve dhe sfidave të Konferenës për Zhvillimin e Qendrueshëm Rio+20, që po zhvillon punimet në Rio De Janerio (20-22 Qershor 2012).

Nëpërmjet nismës, UMB i drejtohet aktorëve të qeverisjes vendore, të biznesit dhe shoqërisë civile të bashkëpunojnë, bashkëveprojnë dhe koordinojnë veprimtarinë për të orientuar, mbështetur, dhe promovuar modelin e qeverisjes të mbështetur në filozofinë, parimet dhe praktikat e zhvillimit të qendrueshëm. UMB nëpërmjet departamenteve , instituteve dhe qendrave të edukimit, të studimit, kërkimit shkencor si edhe testimit e trajnimit, në këtë angazhim për partneritet do të mundësojë dhe ofrojë:

- Edukim për zhvillim të qendrueshëm për institucionet e qeverisjes vendore dhe aktorët e përfshirë në partneritet;
- Ekspertizë, konsulence, asistencë, matshmëri dhe mbështetje për nisma dhe projekte në fushën e zhvillimit të qendrueshëm;
- Realizojë studime dhe kërkime shkencore që kanë lidhje me modelin e zhvillimit të qendrueshëm në territoret administrative të qeverisjeve qendrore dhe tNULLi vërë ato në shërbim të këtyre institucioneve;

Fokusi i punës dhe prioritet e veprimtarisë së aktorëve të përfshirë në partneritet, do të jenë të përqendruara në zhvillimet urbane, pastërtinë e ujit të pijshëm, trajtimin e mbetjeve urbane, energjinë e pastër, transportin, shtëpitë e banimit dhe ndërtimet, forcimin e kapciteteteve institucionale të qeverisjes vendore, planifikimi urban, telekomunikacionet, projektet e infrastrukturës, si dhe ujrave territoriale, etj.

Nëpërmjet partneritetit të fokusuar me hapësirat me intensitet të lartë të zhvillimit social e ekonomik, me aktorë të biznesit, shoqërisë civile, UMB do tNULLi bashkohet kontributit të aktoreve në nivel vendor që të përcaktojnë objektiva konkrete për zhvillim të qendrueshëm, si edhe mundësojne implementimin e projekteve që sjellim rritje ekonomike dhe punësim, duke konsideruar njëherazi shëndetin dhe mjedisin e komuniteteve të territoreve që administrojnë;

Duke ndërtuar partneritetin me bashkitë përgjatë zonave me intesitet të lartë social dhe ekonomik, UMB do të bashkëpunojë me bashkitë dhe aktorët e tjerë vendorë, të arrijnë objektivat për zhvillim të qendrueshëm, si edhe të zbatojnë projekte për të përmirësuar mjedisin human dhe natyror të komuniteteve që i kanë votëbesuar.

Dr. Mulita, vlerëson se angazhimi dhe nisma do të gjenerojë partneritete vlerash, të cilat do ta vendosin UMB-në drejtë një udhëtimi në hapësira lokale, kombëtare dhe rajonale. Shqipërisë i duhet modeli i zhvillimit të qendrueshëm, dhe jo i "Shqipërisë së Zhvilluar" , të cilin përjetojmë në cdo hap që hedhim në territorin ku jetojmë.

“ Rio+20 dhe Shqipëria që duam të ndërtojmë - Të qeverisim të ardhmen me Zhvillim të Qendrueshëm ! ”

Për të përfocuar idenë se Shqipëria mund të shndërrohet në një model rajonal të zhvillimit të qendrueshëm UMB, lancon nismën dhe angazhimin për partneritet:
"Rio+20 dhe Shqipëria që duam të ndërtojmë - Të qeverisim të ardhmen me Zhvillim të Qendrueshëm !" Angazhimi dhe nisma janë vazhdim i punës dhe veprimtarive konkrete bashkëpunuese të UMB, me aktorë dhe institucione të qeverisjes vendore në nivel kombëtar, për edukimin dhe implementimin e modeleve të zhvillimit të qendrueshëm.

Të lancuar në këtë moment, angazhimi dhe nisma shprehin mbështetjen e drejtëpërdrejtë dhe vullnetin për t'ju bashkuar programeve dhe sfidave të Konferenës për Zhvillimin e Qendrueshëm Rio+20, që po zhvillon punimet në Rio De Janerio (20-22 Qershor 2012).

Nëpërmjet nismës, UMB i drejtohet aktorëve të qeverisjes vendore, të biznesit dhe shoqërisë civile të bashkëpunojnë, bashkëveprojnë dhe koordinojnë veprimtarinë për të orientuar, mbështetur, dhe promovuar modelin e qeverisjes të mbështetur në filozofinë, parimet dhe praktikat e zhvillimit të qendrueshëm. UMB nëpërmjet departamenteve , instituteve dhe qendrave të edukimit, të studimit, kërkimit shkencor si edhe testimit e trajnimit, në këtë angazhim për partneritet do të mundësojë dhe ofrojë:

- Edukim për zhvillim të qendrueshëm për institucionet e qeverisjes vendore dhe aktorët e përfshirë në partneritet;
- Ekspertizë, konsulence, asistencë, matshmëri dhe mbështetje për nisma dhe projekte në fushën e zhvillimit të qendrueshëm;
- Realizojë studime dhe kërkime shkencore që kanë lidhje me modelin e zhvillimit të qendrueshëm në territoret administrative të qeverisjeve qendrore dhe t'i vërë ato në shërbim të këtyre institucioneve;

Fokusi i punës dhe prioritet e veprimtarisë së aktorëve të përfshirë në partneritet, do të jenë të përqendruara në zhvillimet urbane, pastërtinë e ujit të pijshëm, trajtimin e mbetjeve urbane, energjinë e pastër, transportin, shtëpitë e banimit dhe ndërtimet, forcimin e kapciteteteve institucionale të qeverisjes vendore, planifikimi urban, telekomunikacionet, projektet e infrastrukturës, si dhe ujrave territoriale, etj.

Nëpërmjet partneritetit të fokusuar me hapësirat me intensitet të lartë të zhvillimit social e ekonomik, me aktorë të biznesit, shoqërisë civile, UMB do t'i bashkohet kontributit të aktoreve në nivel vendor që të përcaktojnë objektiva konkrete për zhvillim të qendrueshëm, si edhe mundësojne implementimin e projekteve që sjellim rritje ekonomike dhe punësim, duke konsideruar njëherazi shëndetin dhe mjedisin e komuniteteve të territoreve që administrojnë;

Duke ndërtuar partneritetin me bashkitë përgjatë zonave me intesitet të lartë social dhe ekonomik, UMB do të bashkëpunojë me bashkitë dhe aktorët e tjerë vendorë, të arrijnë objektivat për zhvillim të qendrueshëm, si edhe të zbatojnë projekte për të përmirësuar mjedisin human dhe natyror të komuniteteve që i kanë votëbesuar.

Dr. Mulita, vlerëson se angazhimi dhe nisma do të gjenerojë partneritete vlerash, të cilat do ta vendosin UMB-në drejtë një udhëtimi në hapësira lokale, kombëtare dhe rajonale. Shqipërisë i duhet modeli i zhvillimit të qendrueshëm, dhe jo i "Shqipërisë së Zhvilluar" , të cilin përjetojmë në cdo hap që hedhim në territorin ku jetojmë.

Ejani së bashku, ACT Now! - VEPRO Tani!

Dje më 21 Qershor, Ambasadori Amerikan në Tiranë Z.Arvizu prezantoi iniciativën "ACT Now". Qytetarët shqiptarë së bashku (ACT Now - "Vepro tani"): është një iniciativë e Ambasadës Amerikane në Tiranë, e fokusuar në forcimin e parimeve demokratike duke angazhuar qytetarët shqiptarë në projekte qe perfshijn katër çështje kryesore: Shëndeti, Arsimi, Mjedisi, dhe Qeverisja. Ndër të pranishmit e zotuar për tNULLu bërë pjesë e iniciativës ishin edhe studentët e pedagogët e Universitetit "Marin Barleti". Le të VEPROJMË TANI së bashku.

Ejani së bashku, ACT Now! - VEPRO Tani!

Dje më 21 Qershor, Ambasadori Amerikan në Tiranë Z.Arvizu prezantoi iniciativën "ACT Now". Qytetarët shqiptarë së bashku (ACT Now - "Vepro tani"): është një iniciativë e Ambasadës Amerikane në Tiranë, e fokusuar në forcimin e parimeve demokratike duke angazhuar qytetarët shqiptarë në projekte qe perfshijn katër çështje kryesore: Shëndeti, Arsimi, Mjedisi, dhe Qeverisja. Ndër të pranishmit e zotuar për t'u bërë pjesë e iniciativës ishin edhe studentët e pedagogët e Universitetit "Marin Barleti". Le të VEPROJMË TANI së bashku.

Sesion trajnimi për përfituesit e grantit të thirrjes së 2-të të programit të bashkëpunimit Shqipëri - Mali i Zi

Në 19 Qershor u organizua në Bashkinë e Shkodrës një sesioni trajnimi për përfituesit e grantit të thirrjes së 2-të të programit ndër-kufitar Shqipëri-Mali i Zi.

Në këtë trajnim morën pjesë dy perfaqesues nga UMB, kordinatorja dhe financierja e projektit. Pjesëmarrësit në këtë trajnim përbënin një numër rreth 30 veta, të cilët vinin nga Tirana dhe Shkodra, nga organizata jo fitimprurëse dhe institucione të ndryshme private dhe shtetërore.

Paneli i këtij trajnimi ishte i përbërë nga përfaqësuesja e Ministrisë së Integrimit, Znj.Greta Raka dhe Menaxheri i Programit te Delegacioni Europian Z. Ivan Manzano Barragan.

Çështjet kryesore të diskutuara në këtë trajnim ishin: cikli i kontratës së grantit, procedurat e prokurimit për furnitorët, kontratat e punës, buxheti dhe udhëzimet në lidhje me dukshmërinë e projektit dhe procesi i monitorimit dhe raportimit.

Ky trajnim ishte shumë frytëdhënës në sigurimin e udhëzimeve për të implementuar me saktësi kontratën e grantit, duke siguruar një menaxhim të shëndoshë financiar të fondeve të projektit.

Takim në Vlore, në kuadër të projektit "Support to the civic monitoring of the development strategies of Vlora municipality"

Në kuadër të projektit "Support to the civic monitoring of the development strategies of Vlora municipality" që mbështetet nga Ambasada e Sheteteve të Bashkuara të Amerikës në Tiranë, dhe në bashkëpunim me Institutin Shqiptar per Çështje Publike (Albanian Institute of Public Affairs, AIPA), në datën 15 qershor 2012 u mblodh ne Vlore grupi per formimin e Forumit per Monitorimin e Planeve Strategjike te Vlores.

Në këtë takim Institutin Shqiptar për Çështje Publike e përfaqësoi drejtori ekzekutiv i tij, Artan Puto, së bashku më ekspertin e çështjeve mjedisore Lavdosh Ferrunaj.

Në vazhdën e disa takimeve paraprake me aktore kryesore ne qytetin e Vlorës, nga shoqëria civile, nga Bashkia Vlore, nga Qarku Vlorë,në këtë mbledhje, ku morën pjesë 28 pjesëmarrës u diskutua gjatë për organizimin e Forumit dhe si përfundim u vendos krijimi i Forumit Civil Monitorues për Strategjinë e Zhvillimit të Vlorës (shkurt FCM).

U vendos me konsensus që për një periudhë 6 mujore shoqata "Qendra Aarhus Vlorë" te kryejë detyrën e sekretariatit te FCM (Aarhus Information Center Vlore - Albania, Tel/Fax: +355 33 402513, mob: + 355 692385781, email: aicvlore@gmail.com).

Në takim morën pjesë dhe nën/kryetari i Bashkise së Vlorës z. Arben Beqiraj dhe e derguara e Qarkut Vlore, zj. Nada Xhaferri. Në axhendën e takimit ishte parashikuar dhe prezantimi i planit strategjik të zhvillimit të Qarkut Vlorë, që u paraqit nga znj.Mirela Koçi, drejtoreshë e Shoqatës Auleda.

Mbi bazën e këtij plani u bënë dhe diskutime nga pjesëmarrësit e Forumit për të përcaktuar se cilat janë problematikat kryesore të qytetit, në lidhje me perspektivën e tij si qendër turistike rajonale dhe resurset për një zhvillim të qendrueshëm.

Pjesëmarrësit në këtë takim debatuan edhe për mënyrat më të efektshme në lidhje me një monitorim sa më të afërt të planeve të zhvillimit të rajonit të Vlorës duke respektuar nevojat dhe të drejtat e komunitetit lokal. Instituti Shqiptar për Çështjet Publike (AIPA) do të kujdeset në vazhdimësi për performancën dhe qendrueshmerinë e Forumit të porsakrijuar.

Profesor Mitezi mban leksionin e fundit në UMB

Ditën e premte, më datë 15 Qershor, profesor Ilir Mitezi nga Universiteti i Michigan-it dha leksionin e radhës për studentët e programit master profesional 60 ECTS. Tema e leksionit ishte: "Harmonizimi i politikave monetare dhe fiskale në kohëra të mira dhe të këqija".

Shpesh, politikat monetare dhe fiskale ndërthuren me njëra-tjetrën, për të ndihmuar ecurinë e zhvillimit ekonomik. Gjatë leksionit, Prof. Mitezi shpjegoi se si politikat monetare dhe fiskale neutralizojnë njëra- tjetrën në kohë krizash. P.sh. në përgjithësi, politikat fiskale për ulje taksash shoqërohen me një rritje të normave të interesit. Dhe në rastet kur normat e interesit janë afër 0%, Bankat Qendrore nuk mund të luajnë më me ato. Për këtë, Prof. Mitezi sqaroi, një formë të re politike monetare që ndërmerret kryesisht nga Rezerva Federale në Amerikë, i quajtur Operacioni TWIST.

Nëpërmjet kësaj forme veprimi, Rezerva Federale ndikon në normat e interesit në mënyrë indirekte, duke shkëmbyer detyrimet afatshkurtra në dorëzim, me detyrimet afatgjata.

Leksioni u shoqërua me diskutime për çështje të ndryshme në lidhje me këtë temë nga studentët pjesëmarrës. Me këtë leksion Prof. Ilir Mitezi mbylli dhe aktivitetet e tij në Universitetin Marin Barleti, të zhvilluara në kuadër të bashkëpunimit me programin Brain Gain.

Gjatë këtyre aktiviteteve u diskutuan tema mjaft interesante të cilat u shoqëruan nga një pjesëmarrje aktive e studentëve dhe e stafit akademik të Universitetit Marin Barleti.

Profesor Mitezi mban leksionin e fundit në UMB

Tryezë e rrumbullakët Kriza- Tipare të përbashkëta dhe dallime në Shqipëri , Europë dhe më Gjërë.

Më datë 14 qershor Universiteti Marin Barleti dhe Instituti Shqipëtar për Çështjet Publike zhvilloi Tryezën e Rrumbullakët me temë " Kriza - Tipare të përbashkëta dhe dallime në Shqipëri Europë dhe më Gjërë". Ky aktivitet kosiderohet si pjesë e disa aktiviteteve të tjerë të zhvilluar në formën e leksioneve të hapura në bashkëpunim me programin BrainGain. Fale bashkëpunim u mundësua pjesëmarrja në Universitetin Marin Barleti i Z. Ilir Mitezi , Profesor në Michigan University. Në këtë aktivitet morën pjesë akademikë të shquar të fushës së ekonomisë dhe jo vetëm, përfaqësues organizatash jo publike, përfaqësues të shoqatave tregtare , pedagogë dhe studentë të UMB-së. Tryeza kishte si synim paraqitjen e situatës me të cilën po përballet tashmë ekonomia globale, duke u përqëndruar në arsyet dhe pasojat e saj. Në prezantimin e tij Z. Mitezi bëri një paraqitje shumë të qartë të mënyrës sesi mungesa e prodhimtarisë shkaktoi krizën në Greqi dhe sesi kjo krizë u përkeqsua me kalimin e kohës si pasojë e mos funksionimit të masave të marra. Ai u parashtroi pjesmarrësve dhe cilat janë mundësitë dhe mekanizmat për të dalë nga kriza, mekanizma këto që kërkojnë kohë dhe shumë impenjime. Vend të rëndësishëm në diskutime zuri edhe situata në të cilën ndodhet Shqipëria, duke dhënë një panoramikë të treguesve makroekonomikë të Shqipërisë dhe duke analizuar në detaje gjendje në të cilën ndodhet vendi ynë. Si u prit kriza nga vendet e tjera me probleme ekonomike dhe çNULLfarë masash morën ato, a jemi në kohë ne për të shmangur atë që po i ndodh disa prej këtyre vendeve, dhe mënyra sesi ekonomitë e vendeve të Evropës Juglindore arritën të zhvilloheshin para disa vitesh duke qënë një shembull i mirë për tu ndjekur ishin disa nga argumentat e tjera të trajtuara në këtë tryezë.

Tryeza zgjati për më shumë se dy orë dhe shoqërua me debate shumë interesante nga të pranishmit. Disa nga përfundimet më interesante që mund të përmendim:

Një ekonomi e shëndetshme duket të bazohet në një sistem prodhues të shëndetshëm.
Vetëm shtrëngesat fiskale nuk janë të mjaftushmë për të dalë nga kriza.
Treguesit makroekonomikë të Shqipërisë tregojnë një përkeqësim të situatës ekonomike në vend, dhe që është e nevojshme të merren masa të menjeherëshme për të evituar që edhe ne të përsëritim gabimet e bëra nga vendet fqinjë.

Organizimi i kësaj tryeze u vlerësua nga pjesëmarrësit duke e konsideruar këtë tryezë si një mjet të rëndësishëm për të gjeneruar ide , dhe për të sjellë në vëmendjen e institucioneve përkatëse këto problematika që na prekin të gjithë ne.

Universiteti Marin Barleti ndjen kënaqësinë të falenderojë të gjithë pjesëmarrësit e kësaj tryeze duke u shprehur i gatshëm të vijojë më iniciativa të tilla kaq të rëndësishme për komunitetin tonë, duke theksuar edhe rolin që ne si Universitet duhet të kemi në përballimin dhe në zgjidhjen e sfidave me të cilat raset vendi ynë.

Ilir Mitezi jep leksionin e tij të dytë në UMB

Në vijim të ciklit të leksioneve të hapura në Universitetin Marin Barleti, Z.Ilir Mitezi zhvilloi në 6 Qershor në Kampusin 2, leksionin me temë: Politikat Monetare dhe Vdekja e Targetimit të Inflacionit. Në kushtet e krizës aktuale, politikat monetare të ndërmarra nga Bankat Qendrore janë një element shumë i rëndësishëm për daljen nga kriza, por edhe për parandalimin e tyre në të ardhmen. Profesor Mitezi shpjegoi se si janë zhvilluar tre format kryesore të politikave monetare që mund të ndërmarrin Bankat Qendrore.

Ai theksoi se, në vitet 70-80 ishte me e hapur ndërmarrja e masave monetare, në vitet 90 ishte ndërhyrja dhe loja me kurset e këmbimit, ndërsa në vitet 2000 ishte ndërhyrja në normat e inflacionit. Një element mjaft i rëndësishëm i shpjeguar gjatë leksionit ishte i ashtuquajturi kurth i likuiditetit, në të cilin kanë rënë tashmë disa vende të zhvilluara si Japonia, por edhe Amerika është drejt asaj rruge.

Profesor Mitezi sqaroi se, sipas këtij koncepti Banka Qendrore ul normat e interesit gradualisht, praktikisht deri në 0%, për të nxitur ekonominë. Dhe në rast se kjo politikë nuk funksionon më, Banka Qendrore nuk ka më mundësi të përdorë normat e interesit, duke qenë se ato kanë shkuar tashmë shumë afër 0%. Për këtë arsye, gjatë viteve 2000 mori përhapje dhe politika e targetimit të inflacionit. Pra, parashikimi dhe deklarimi i një norme më të lartë të pritur të inflacionit, për të nxitur përdorimin e parasë, si dhe rritjen ekonomike.

Por, kriza e fundit tregoi që edhe kjo politikë nuk funksionoi ashtu siç mendohej. Për këtë arsye lindi nevoja për politika të reja monetare krijuese. Një politikë e tillë e re është ajo e targetimit të normës nominale të produktit të brendshëm bruto (NGDP). Megjithatë, akoma nuk dihet nëse kjo politikë do të zbatohet nga të gjitha Bankat Qendrore.

Në leksion ishin të pranishëm studentë të studimeve master si dhe anëtarë të stafit akademik.
Leksioni i radhës, me temë: Kursimet dhe Investimet, do të zhvillohet ditën e Martë, dt. 12.06.2012, në Kampusin Nr. 1, Salla A 23, ora 10:30.

Ju mirëpresim të gjithëve.

Ilir Mitezi jep leksionin e tij të dytë në UMB

Takimi inicues i projektit "Arti, Plastika dhe Riciklimi"

Më datë 7.06.2012, në ambjentet e Universitetit Marin Barleti u zhvillua takimi inicues i projektit "Arti, Plastika dhe Riciklimi". Një projekt ky i financuar nga Delegacioni Evropian në kuadrin e Programit IPA të Bashkëpunimit Ndërkufitar Shqipëri - Mali i Zi, në bashkëpunim me CSTI (Mali i Zi).

Në takim morën pjesë: Dr. Gazmend Zeneli, Irida Nikolla, Miranda Berdo dhe Jorgest Kovaci nga ana e UMB, dhe Dorina Plaku nga Deliart Association. Nga pala Malazeze morën pjesë Svetlana Vujicic,Vllado Jablan, Bojana Sekulic nga CSTi Montenegro dhe Igor Rakcevic nga Culture Zone.

Pas një prezantimi të shkurtër nga dy menaxherët e projektit, Gazmend Zeneli dhe Svetlana Vujicic, u diskutua mbi organizimin e punës për implementimin e projektit, aktivitetet e nevojshme, hapat që duhen marrë nga secila palë dhe afatet për aktivitetet e përbashkëta.

Ky takim do të vijohet nga takime të tjera të mëtejshme.

Leter falenderimi Univ. Aleksander Xhuvani

Në përgjigje të letrës së ngushëllimit dërguar Universitetit Aleksandër Xhuvani për humbjen tragjike të 11 studenteve, nga Stafi dhe Studentet e UMB-se, Universitetit Marin Barleti sot, 6 Qershor 2012 mori përgjigje nga rektori i Universitetit Aleksandër Xhuvani, Prof. Liman Varoshi, i cili shkruan si më poshtë:

"Ju falënderojmë përzemërsisht për ngushëllimet tuaja të sinqerta. Ju falënderojmë që gjendeni pranë nesh në këto momente shume të vështira. Në këtë kohë na nevojitet forcë dhe kurajë për te përballuar dhe kapërcyer këtë humbje tragjike për të gjithë kombin.

Me respekt,

Linman Varoshi
Rektor

Ilir Mitezi, PhD nga University of Michigan, leksion i hapur ne UMB

Më datë 5 qershor 2012, Z. Ilir Mitezi, PhD pedagog në Universitetin e Michiganit në Shtetet e Bashkuara të Amerikës (www.umich.edu) zhvilloi në Universitetin Marin Barleti një leksion të hapur mbi një fushë disi të re por shumë interesante ekonomike, atë të Behavioral Economics. (Ekonomia e Sjelljes).

Ky takim u bë i mundur falë bashkëpunimit të Universitetit Marin Barleti dhe programin Brain Gain. Në situatën ekonomike globale në të cilën ndodhemi, parashikimet makroekonomike janë bërë gjithmonë e më të vështira. Nëse në të gjitha modelet ekonomike sjellja racionale e individit është një nga parimet bazë për funksionimin e një modeli, vitet e fundit vihet re një ndryshim i theksuar në këtë parim , pasi individët si pasojë e shumë faktorëve nuk sillen gjithmonë me racionalitet.

Sjellja racionale e individit / konsumatorit, PBB dhe shumuesit e tij , Tregu i punës dhe faktorët ndikues në të, ishin disa nga argumentet kryesore të trajtuar. Në sallë ishin të pranishëm studentë dhe pedagogë të Universitetit Marin Barleti. Ky takim është i parë i një sërë takimesh që do të zhvillohen nga Z. Mitezi në kuadrin e këtij programi. Takimet që e pasojnë janë:

06.06.2012, ora 16:30 - Leksion i hapur me temë: Procesi i hartimit të politikave monetare
12.06.2012, ora 10:30 - Leksion i hapur me temë: Kursimet dhe investimet
14.06.2012, ora 10:00 - Tryezë e Rrumbullakët: Kriza - Tipare të përbashkëta dhe dallime për Europën, Shqipërinë dhe më gjerë
15.06.2012, ora 16:30 - Leksion i hapur me temë: Domosdoshmëria e harmonizimit të politikave monetare dhe fiskale Të gjithë të interesuarit janë të mirëpritur të marrin pjesë.

Ilir Mitezi, PhD nga University of Michigan, leksion i hapur ne UMB

06.06.2012, ora 16:30 - Leksion i hapur me temë: Procesi i hartimit të politikave monetare
12.06.2012, ora 10:30 - Leksion i hapur me temë: Kursimet dhe investimet
14.06.2012, ora 10:00 - Tryezë e Rrumbullakët: Kriza - Tipare të përbashkëta dhe dallime për Europën, Shqipërinë dhe më gjerë
15.06.2012, ora 16:30 - Leksion i hapur me temë: Domosdoshmëria e harmonizimit të politikave monetare dhe fiskale Të gjithë të interesuarit janë të mirëpritur të marrin pjesë.

Leter falenderimi Univ. Aleksander Xhuvani

Në përgjigje të letrës së ngushëllimit dërguar Universitetit Aleksandër Xhuvani për humbjen tragjike të 11 studenteve, nga Stafi dhe Studentet e UMB-se, (mund të lexohet në këtë artikull http://www.umb.edu.al/event-article-105.html), Universitetit Marin Barleti sot, 6 Qershor 2012 mori përgjigje nga rektori i Universitetit Aleksandër Xhuvani, Prof. Liman Varoshi, i cili shkruan si më poshtë:

"Ju falënderojmë përzemërsisht për ngushëllimet tuaja të sinqerta. Ju falënderojmë që gjendeni pranë nesh në këto momente shume të vështira. Në këtë kohë na nevojitet forcë dhe kurajë për te përballuar dhe kapërcyer këtë humbje tragjike për të gjithë kombin.

Me respekt,

Linman Varoshi
Rektor

Kurs trajnimi në Lidership nga PGL Institute, Maqedoni

Universiteti i Europës Juglindore në bashkëpunim me Preparing Global Leaders Institute (PGLI) në Maqedoni organizon nga datat 13 - 26 gusht 2012 një trajnim për të përgatitur gjeneratat e reja mbi udhëheqjen etike dhe efektive. Kursi është i hapur për ata studentë dhe të diplomuar të cilët kanë dhe duan të tregojnë potencialin e lidership-it.

Aplikimi duhet të kryhet brenda datës 15 qershor 2012 ndërsa formularin e gjeni në link-un: http://www.pglinstitute.org/applynow.htm, i cili së bashku me CV e aplikantit duhet dërguar në adresën admissions@pglinstitute.org me subjektin: PGLI Application Form.

Në formularin e aplikimit jane parashikuar edhe mënyrat e përfitimit të bursave. Për më tepër informacion kontaktoni zyrën e Dekanit të studentëve në adresën: student.dean@umb.edu.al

Universiteti "Marin Barleti" merr pjesë në Takimin e Parë Ndërkombëtar në kuadrin e projektit TEMPUS "Zhvillimi i edukimit të të drejtave të njeriut në arsimin e lartë".

Universiteti "Marin Barleti" në bashkëpunim me Universitetin e Tiranës dhe Universitetin Europian të Tiranës, organizuan në Tiranë, nga 25 deri më 29 maj 2012, takimin e parë ndërkombëtar të planifikuar në axhendën e aktiviteteve të këtij projekti trevjeçar, financuar nga Komisioni Europian.

Seanca plenare u zhvillua në datën 26 maj 2012 me pjesëmarrjen e përfaqësuesve të universiteteve të rajonit të Ballkanit Perëndimor dhe disa nga vendet e Bashkimit Europian, Prishtinë (Kosovë), Sarajevë dhe Zenica (Bosnje-Herzegovinë), Podgoricë dhe Donja Gorica (Mali i Zi), Beograd, Novi Sad dhe Kragujevac (Serbi), Gotenburg (Suedi), Manheim (Gjermani), Galëay (Irlandë), pedagogë e drejtues të projektit nga Universiteti i Roehamptonit (Mbretëria e Bashkuar) si dhe të akademikëve e studentëve nga universitetet e Tiranës. Të ftuar ishin dhe përfaqësues të institucioneve të pavarura, Avokati i Popullit, z. Igli Totozani, Komisionierja kundër diskriminimit, znj. Irma Baraku, drejtues të OJF që janë aktive në mbrojtjen e të drejtave të njeriut, znj. Elsa Ballauri, drejtore e Grupit shqiptar për të Drejtat e Njeriut, znj. Sendrine Constant, drejtore e Terre des Hommes, znj.Blerta Çani, drejtore e Fondacionit shqiptar për mbrojtjen e drejtave të njerëzve me aftësi të kufizuar, znj.Aurela Bozo nga Qendra për Nisma ligjore etj.

Në fjalën e tyre përshëndetëse Rektorët e tri universiteteve mikpritës - pjesëmarrës në projekt, vlerësuan ecurinë e projektit, evidentuan përvojat dhe praktikat e deri sotme në procesin e edukimit të të drejtave të njeriut në institucionet e arsimit të lartë në Shqipëri dhe theksuan rëndësinë e rritjes cilësore të tij dhe të bashkëpunimit ndërinstitucional për arritjen e këtij objektivi.

Rektori i Universitetit "Marin Barleti", Profesor Marenglen Spiro, ndër të tjera vuri në dukje se "UMB e ka vlerësuar dhe është përfshirë në këtë projekt të rëndësishëm europian me një staf të kualifikuar dhe eksperiencë të gjatë akademike, sepse institucioni ynë e konsideron problemin e Të Drejtave të Njeriut si një çështje të rëndësishme të zhvillimit bashkëkohor shoqëror, për të cilën universitetet dhe shkollat e larta duhet të zhvillojnë mësimdhënie të integruar dhe specifike, tNULLi formojnë studentët me parimet themelore e të ndikojnë në komunitete lokale e më gjërë për njohjen, zbatimin dhe mbrojtjen e tyre.

Një specialist i lartë sot duhet të jetë i formuar me Të Drejtat e Njeriut. Kjo nuk nënkupton vetëm njohjen me parimet dhe legjislacionin, por lidhet ngushtësisht me të kuptuarit të ndërgjegjshëm prej tij të parimeve përkatëse si dhe me vlerën dhe efektivitetin në komunikimin e kooperimin njerëzor".

Gjatë seancave të para punës, të zhvilluara në UT dhe UET u raportua puna kërkimore e kryer në funksion të objektivave të projektit, në secilin prej universiteteve për analizën e situatës konkrete lidhur me mësimdhënien e lëndëve për të Drejtat e Njeriut, krijimin e një harte të çdo institucioni që evidenton vendin e këtyre lëndëve në curriculat e përgjithshme; si dhe problematikat e evidentuara nga analiza e fokus grupeve me studentë, akademikë dhe punonjës lidhur me njohjen dhe respektimin e të drejtave të njeriut brenda dhe jashtë universiteteve.

Dita e tretë e takimit u zhvillua në mjediset e Universitetit Marin Barleti. Ajo filloi me një lajm të gëzuar për studentët e universitetit. Në konkursin për krijimin e logos që do të mbajë për tre vjet ky projekt, i mbiquajtur HEART (Higher Education Action for Rights Teaching) juria e përbërë nga Komiteti Drejtues i projektit, me 21 anëtarë pjesëmarrës në takimin e Tiranës, zgjodhi si fituese logon e krijuar nga Mirjan Petro, student në UMB, viti i parë.

Projekti parashikon në vitin e dytë të zbatimit të tij, shkëmbime përvojash rajonale për praktikat më të mira të mësimdhënies së të drejtave të njeriut, dhe në vitin e tretë edhe të studentëve të angazhuar më shumë në këtë fushë.

Komiteti Drejtues konkludoi se të gjithë objektivat e kësaj faze janë realizuar dhe vendosi që takimi i dytë të zhvillohet në 5-9 tetor 2012, nën kujdesin e Universiteteve të Malit të Zi.

Mirjan Petro - fitues i konkursit "Krijo një Logo" Tempus 2012

Ditën e hënë, më 28 maj 2012 në mjediset e Universitetit Marin Barleti u zhvillua seanca e fundit e Takimit të parë Ndërkombëtar në kuadrin e projektit TEMPUS "Të zhvillojmë të drejtat e njeriut në zemër të arsimit të lartë".

Takimi filloi me shpalljen e fituesit të konkursit për logon më të mirë : Mirjan Petro ! Student në Universitetin tonë!

Ky takim i bashkëorganizuar nga Universiteti "Marin Barleti", Universiteti i Tiranës dhe Universiteti Europian i Tiranës, nisi më 26 maj 2012 në një nga mjediset e Hotel Tirana International me një pjesëmarrje të gjerë akademikësh e studentësh, përfaqësues të shoqërisë civile, medias dhe aktivistë të mbrojtjes së të drejtave të njeriut.

Pjesë e aktiviteteve të projektit, që synon përfshirjen sa më të gjerë të studentëve në krijimin e një mjedisi sa më miqësor, jo vetëm për njohjen e të drejtave të njeriut, por edhe për tNULLu bërë qytetarë aktivë në mbrojtjen e tyre, ishte dhe konkursi i shpallur në fillim të muajit mars të këtij viti për krijimin e logos zyrtare të Projektit të mbiquajtur HEART - (simbolikisht ZEMËR nga anglishtja), si akronim i Higher Education Action for Rights Teaching.

Posterat e vendosura në mjediset e 11 Universiteteve të rajonit të Ballkanit Perëndimor, pjesëmarrëse në projektin HEART, Universiteti Marin Barleti, Universiteti i Tiranës,Universiteti Europian i Tiranës Shqipëri; Universiteti i Prishtinës, Kosovë; Universiteti i Sarajevës dhe i Zenicës në Bosnjë Herzegovinë; Universiteti i Podgoricës dhe Donja Goricës në Malin e Zi; Universiteti Beogradit, Kragujevacit dhe Novi Sadit në Serbi; ftonin të gjithë studentët që deri më 20 maj të dergonin një krijim të tyre.

Pas një seleksionimi paraprak në secilin prej universitetev, 33 logo u dërguan për vlerësim, nga studentët e këtyre universiteteve.

Universiteti Marin Barleti konkurroi me tre logo punuar nga studentët: Mirjan Petro, viti i I, IT, Fatjon Kapllanaj, Viti i I, IT dhe Enri Ymeraj, viti i II, Drejtësi.

Juria e konkursit, e përbërë nga Komiteti Drejtues i projektit prej 21 anëtarësh, përfshirë dhe përfaqësues nga Universitetet e Gotenburgut, Suedi; Manheimit, Gjermani; Galway, Irlandë dhe Universiteti i Roehamptonit, Britani e Madhe për dy ditë rradhazi përzgjodhi me procedura transparente votimi logot më të mira. Në fund të procesit, ndër tre logot e përzgjedhura me shumicë votash u zgjodh logoja fituese.

Vendimi për fituesin e konkursit e dha Dr. Michele Lamb, drejtore e Qendrës për të drejtat e njeriut, pranë Departamentit të shkencave sociale të Universitetit të Roehampton në Londër, departament që ofronte dhe çmimin për fituesin.

Vendimi ishte mbresëlënës dhe solli edhe kënaqësinë e koincidencës, që fituesi ishte nga UMB ku edhe ishte përcaktuar që më parë të zhvillohej ky aktivitet.

Mirjani i befasuar dhe i emocionuar përshëndeti dhe falenderoi për këtë vlerësim si dhe mori përgëzimet e të gjithë pjesëmarrësve nga universitetet partnere, stafi akademik dhe studentët.

Çmimi është një Tablet PC . Ndërsa logoja fituese do të përdoret në të gjithë dokumentacionin e projektit HEART për tre vjet rradhazi.

Mirjan Petro shtoi numrin e çmimeve të fituara nga studentët e Universitetit Marin Barleti në konkurse kombëtare dhe ndërkombëtare përgjatë historikut të universitetit.

Suksese të mëtejshme Mirjan!

Ambasadori i Bashkimit Europian, Ettore Sequi ne UMB

Në datë 28 maj 2012, Ambasadori i Bashkimit Europian në Tiranë, z. Ettore Sequi mbajti një leksion të hapur me temë "Shqipëria dhe procesi i integrimit të saj në BE: Sfidat që duhet të përballen dhe roli i shoqërisë civile" në një nga auditoret e Universitetit Marin Barleti.

Ky aktivitet u zhvillua në kuadër të muajit të Europës si edhe në kuadër të nismës që ka ndërmarrë UMB dhe AIPA për të diskutuar me personalitete publike dhe diplomatë të spikatur çështje që prekin fusha të ndryshme të jetës. Në këtë leksion të hapur morën pjesë studentë të të gjitha fakulteteve dhe niveleve, si edhe stafi akdemik i UMB-së.

Leksioni i mbajtur nga Ambasadori Sequi u zhvillua në një format jo-formal, ky mbizotëroi bashkëbisedimi dhe debati për aspekte të ndryshme që lidhen me procesin e integrimit europian të Shqipërisë. Ambasador Sequi në prezantimin e tij e vuri theksin tek avantazhet e të qënit pjesë e familjes europiane, duke sjellë shembuj realë nga përfitimet që patën vendet e lindjes që u anëtarësuan në vitet 2004 dhe 2007, si edhe në detyrat që duhet të adresojë klasa politike shqiptare për të avancuar më tej në këtë proces.

Ambasadori Sequi nënvizoi gjithashtu rolin e shoqërisë civile, dhe sidomos të botës akademike në këtë proces. Duke ju drejtuar studentëve dhe stafit akademik të UMB, ai bëri thirrje për më shumë pjesëmarrje dhe angazhim në tryezat e debatit dhe në dhënien e opinioneve të pavarura të cilat janë të domosdoshme për përmbylljen me sukses të procesit të integrimit.

Studentët dhe pedagogët patën mundësi të ndanim mendimet e tyre lidhur me sfidat që presin Shqipërinë dhe rolin që vetë BE luan në këtë proces.

Studentët e Universitetit "Marin Barleti" nderohen me çmim në konkursin e parë Europjano - Shqiptar për të Drejtat e Njeriut!

Në fillim të muajit prill Euralius Albania, projekt me fonde të Bashkimit Evropian për konsolidimin e sistemit të drejtësisë në Shqipëri, në faqen e vet zyrtare paraqiti thirrjen për konkursin e parë në formën e një gjyqi imitues për të drejtat e Njeriut, i cili drejtohej nga një Bord Shkencor i përbërë nga akademikë, zyrtarë dhe ekspertë të BE-së. Ky konkurs erdhi si një mundësi e mirë për studentët që të mësojnë duke u vetëpërfshirë në një proces gjyqësor të mirëfilltë, ku aktorët kryesorë do të ishin vetë studentët, për të mësuar duke u argëtuar. Ky proces gjyqësor imitues ishte sipas modelit të një gjyqi normal pranë Gjykatës së të Drejtave të Njeriut në Strasburg.

Konkursi konsistonte në 2 faza kryesore. Faza e parë pas regjistrimit ishte prova me shkrim, ku brenda datës 7 maj 2012 skuadrat e përbëra nga studentë kryesisht të programit Bachelor duhet të dërgonin pranë Bordit Shkencor memoriet e tyre parashtruese në përputhje me rolin e paracaktuar nga ky Bord. Skuadra e Universitetit tonë përbëhej nga studentet: Eranda Muskaj, viti IV-Drejtësi, Irma Alushaj, viti III-Drejtësi dhe Kleina Kasanaj, viti III-Drejtësi. Skuadra e UMB-së ishte përfaqësuesja e ankimuesve në këtë gjyq. Në fazën me shkrim morën pjesë pothuajse 24 universitete publike dhe private, nga të cilët u klasifikuan veç tetë, midis tyre dhe universiteti ynë.

Faza e dytë, e mbajtur ditën e shtunë datë 19 maj 2012, ishte më emocionuese. Ajo konsistonte në gjyqin e mirëfilltë përpara trupit gjykues, ku skuadra jonë për 45 minuta duhet të bindte trupin gjykues për qëndrueshmërinë dhe pranueshmërinë e ankimimit. Në etapën e parë të kësaj faze skuadra e UMB-së u ndesh me skuadrën e Universitetit jopublik "Luarasi", i cili përfaqësonte shtetin në këtë gjyq imitues, duke e lënë pas këtë skuadër në renditjen përfundimtare, pavarësisht se në përbërjen e saj ishin studentë të programit master në drejtësi. Përballja e dytë, në të cilën vajzat tona mposhtën emocionet dhe treguan dijet, maturinë dhe shpirtin e garës, ishte me Fakultetin e drejtësisë së Universitetit të Tiranës.

Në këtë konkurs, në të cilin u investua shumë mund, impenjim dhe përkushtim, përveçse u arrit një plotësim praktik në formimin e studentëve që patën fatin të ishin pjesë e një procesi gjyqësor sipas procedurave dhe rregullave të Gjykatës Evropiane të të Drejtave të Njeriut, doli edhe një herë në pah niveli i lartë i mësimdhënies në institucionin tonë. Skuadra jonë zuri vendin e gjashtë, duke u vlerësuar si një nga skuadrat më të mira pjesëmarrëse të këtij konkursi.

Shpresojmë që të tilla aktivitete të zhvillohen edhe në të ardhmen jo vetëm me programin Euralius, por edhe me projekte të tjera në fusha të ndryshme të drejtësisë.

Burim: http://www.euralius.eu/en/konkursi-i-te-drejtave-te-njeriut

Barletasit nderojnë studentet e aksidentit të Himarës në një përkujtimore

Në kujtim të 11 studenteve të Universitetit "Aleksander Xhuvani", Elbasan, të cilët humbën jetën në aksidentin tragjik në Himarë gjatë një ekskursioni shkollor, studentët dhe pedagogët e Universitetit "Marin Barleti" mbajtën një përkujtimore në simbol të jetës së tyre, në oborrin e UMB-së, Kampusi I, datë 24 Maj 2012. Barletasit dhanë kontributin e tyre njerëzor dhe shpirtëror për ndërtimin e kësaj përkujtimoreje. Fjala pershendetese u mbajt nga rektori i UMB-se, Prof. Dr. Marengle Spiro. Më pas, pedagoge Elora Kokalari lexoi letrën drejtuar studentëve dhe stafit të Universitetit Aleksandër Xhuvani, nga barletasit. Në përfundim, komuniteti barletas ndezi qirinj dhe vendosi buqeta me lule në karriget që simbolizonin studentet, ku mbi te cilat ishin vendosur emrat e të gjithë studenteve.

Universitetit " Aleksander Xhuvani" Elbasan
Të dashur studentë dhe pedagogë të Universitetit "Aleksandër Xhuvani".
Të gjithë ne e dimë se sa të pamjaftueshme janë fjalët kur ndjenjat më të thella kërkojnë shpjegim. Megjithatë dëshirojmë të ndajmë me ju ndjesinë tonë, t'ju themi se sa shumë jemi tronditur dhe prekur si edhe ju nga kjo humbje e madhe tuaja, por edhe tona.

Bashkohemi me të gjithë ata mijëra e mijëra studentë dhe qytetarë të tjerë nga e gjithë Shqipëria për t'ju ngushëlluar thellësisht në këtë situatë.

Jeta e studentit, siç ne po e kalojmë, duhet të jetë e mbushur me mësim, kërkim, aktivitete, argëtim dhe në fund, me kaq shumë shpresë për të ardhmen. Shoqeve tona, këto dhurata që na jep jeta, ju rrëmbyen brenda një momenti tragjik, në mënyrë kaq të padrejtë për jetët e tyre të reja. Të tilla aksidente, sado larg të kenë ndodhur, mbartin shumë dhimbje dhe bëhen pa e kuptuar kaq personale, duke na detyruar ne të gjithëve të shkelim ndoshta kufijtë, për t'i ofruar shumë respekt e miqësi pikëllimit tuaj.

E megjithatë, jo çdo gjë duhet të jetë e humbur. Ka shumë krenari në jetët e të humburave të dashura, detyra apo veprime të përmbushura nga ato me devotshmëri, deri në fund. Dhe ka shpresë se shembuj të tillë do të riprodhohen, ku hirësitë e secilës prej tyre do të rishfaqen përsëri. Mbase ne nuk dimë shumë mbi jetën dhe vdekjen për të shkruar për to. Por ne ndjejmë se te vdekurit nuk vdesin tek ata që i duan, në jetët e të cilëve do të trupëzohen disa pjesë të asaj dashurie të madhe njerëzore , duke e bërë familjen dhe shoqërinë lokalitetin tokësor, që ne e quajmë parajsë.

Nëse mund të bënim diçka për të rikthyer jetët e tyre, do ta bënim. Por ...
Ne kemi krijuar një përkujtimore në mjediset e shkollës sonë, në kujtim të secilës që nuk është më për shkak të kësaj ngjarjeje tragjike. Kemi "ulur" çdonjerën prej tyre në karrige dhe mbuluar me lule, Denisën, Ermirën, Aurorën, Julianën, Linditën, Erandën Joanën, Elsën, Fabiolën, Eriolën, dhe Dorinën... sikur të na kishin ardhur për vizitë, dhe donin të ndanin gëzimet dhe ëndrrat e përbashkëta rinore.

Edhe një herë, të gjithë ne, studentë e pedagogë të Universitetit "Marin Barleti", ju përcjellim ngushëllimet tona dhe simpatinë më të thellë në këto momente kaq të vështira për ju dhe familjet e vajzave. Forcë, kurajo për të gjithë dhe shërim të shpejtë të mbijetuarave!

Miqësisht ,
Studentët dhe stafi akademik e administrativ
Tiranë, 24 maj, 2012

Adriana Berberi mbi universitetet private ne Shqiperi

"Ajo që do ta shpëtojë sektorin e arsimit në përgjithësi por edhe ate privat në veçanti është toleranca ZERO."

Administratorja e Deleguar në Universitetin Marin Barleti, Znj. Adriana Berberi prononcohet mbi skandalin e diplomave universitare nga një universitet privat në Shqipëri, nëpërmjet një interviste dhënë në Revistën Monitor, javën e shkuar.

Zhvillimet e fundit mbi dhënien e diplomave universitare kanë konkretizuar atë që dyshohej për një pjesë të tregut privat universitar. Sa mendoni se e dëmton imazhin e universiteteve që po investojnë seriozisht në këtë fushë? Kam parasysh këtu edhe mundesinë e ardhjes së studentëve nga trevat shqipfolëse?

Investimi në sektorin e arsimit privat mbetet pa dyshim një investim me risk, në kuptimin që në disa raste cilësia dhe standarti nuk është lehtësisht e mundur që të identifikohen saktë nga palët e interesuara. Ky shqetësim na ka ndjekur në rrugën tonë 6 vjeçare, por ndërkohë nuk kemi lejuar që tregu i deformuar të ndikojë në cilësinë dhe përmbajtjen e programeve tona. Përpjekja vijon akoma, përsa kohë institucionet që ligji i ka ngarkuar si garanat të procesit dhe përmbajtjes nuk janë në lartësinë e duhur. Ju me të drejtë në pyetjen tuaj shpreheni për konkretizimin e një dyshimi. Legjenda urbane dëgjohen çdo ditë dhe rasti rikonfirmon faktin që legjendat vijnë nga realiteti. Ne modestish kemi patur një trend rritës të studentëve si në programet bachelor ashtu edhe në ato master që do të thotë se brënda vorbullës së paqartësisë, spekulimit, blerjes së diplomave, informalitetit ka edhe një grup individësh të cilët i adresohen universiteteve serioze, sepse kuptojnë vlerën afatgjatë të dijeve por edhe të emrit të institucionit që e ka lëshuar atë.

Imazhi është në të vërtetë i prishur, por tani ju hoq maska për publikun.Fatkeqësia është se maska ju hoq si të thuash "me dhunë" nga jashtë. Por unë mendoj se heqja e maskës dhe vijimi i mëtejshëm i punës për transparencë të plotë, politikë të cilën ne e mbështësim pa asnjë rezervë, do ti shërbejë në fakt pozitivish jo thjeshtë vetëm universiteteve serioze, por edhe vendit. Të shpresojmë që kjo transparencë do ti japë fund fabrikave të diplomave si dhe politikave klienteliste që i kanë ushqyer ato, në mënyrë të heshtur në indiferencën e tyre vrastare këtë treg. Ne duhet të flasim sot, sepse nesër do të jetë vonë. Heshtja jonë do të na çojë në faktin që në karrigen e kryeministrit apo edhe ministrit të rradhës të na ulet ndonjë me diplomë të blerë lart e poshtë, e çrëndësi ka në se e ka blerë këtu apo edhe jashtë vendit. Ne po prishim çdo ditë hierarkinë e vlerave.

A mendoni se ka ardhur koha të bëhet një "riformatim" i tregut të arsimit të lartë, pra të ndërmerren hapa për të bërë më të qartë për studentët e prindërit pozicionimin cilësor të universiteteve private?

E theksova edhe më sipër që sa më parë të vihen gjërat në vendin e tyre aq më mirë është. Mendoj se jemi të vonuar dhe duhet të nxitojmë. Për mua e rëndësishme nuk është thjesht të themi por të veprojmë. U mendua që procesi i vlerësimit, që shumë kush përpiqet ta quajë edhe rankim ( në vlerësimin tim nuk ishte as njëra dhe as tjetra) do të ndihmonte në qartësimin e palëve të interesuara. Me keqardhje them se ai proces ishte i kompromentuar që në nisje, për sa kohë që pyetjes se a do të verifikoheshin të dhënat e deklaruara nga sejcili institucion, përgjigja ishte negative.Pra kuptohet që kush ishte mësuar të gënjente dhe të mashtronte mund ta bënte pa "frikë". Ndjehem e lirë të jap këtë vlerësim pavarësisht se në përfundim, rezultatet për Universitetin Marin Barleti ishin përgjithësisht shumë të mira, duke na vlerësuar veçanërtisht për cilësinë e mësimdhënies por e bindur që i gjithë procesi mund dhe duhet të ishte më shumë transparent.

Çfarë duhet bërë që arsimi i lartë privat të fitojë e të ruajë reputacionin e duhur?

Unë mendoj që kur flasim për arsimin duhet të kuptojmë që shumë nga masat janë të përbashkëta si për arsimin privat ashtu edhe për atë publik. Nuk është e mjaftueshme të hartohen rregullore, të miratohen standarte por të monitorohet standarti i zbatimit të tyre. Që arsimi në përgjithësi të ruajë standartin duhet që masat, reformat të mos bëhen me gjasme. Të mos lejohet që universitete publike të hapen në çdo cep të vendit thjeshtë vetëm sepse na duhet në një moment të caktuar për fushatë elektorale. Të mos lejohet shtimi i numrit të studentëve në universitetet publike pa u shoqëruar me infrastrukturën e nevojshme, buxhetet shtesë të nevojshme, stafin akademik të nevojshëm dhe kjo jo vetëm për Universitetin e Tiranës ,por për të gjitha universitetet publike në gjithë vendin.Të mos lejohet funksionimi i universiteteve në "apartamente 2 dhoma e një guzhinë", të penalizohen shkelësit e rregullit që askujt të mos i shkojë ndërmend që me ndihmen e një biznesi të tille të bëjë lavatricen e parave të pista apo edhe pasurimin e shpejtë, të mos lejohen të funksionojnë universitet me stafe të brendëshem sa gishtat e një dore. Për të mos thënë pastaj që ka edhe universitete që kane me muaj e muaj që nuk paguajnë stafin e brendëshem pavaresisht se në listat e tyre numri i studenteve është deri edhe me mijëra.

Ajo që do ta shpëtojë sektorin e arsimit në përgjithësi por edhe ate privat në veçanti është toleranca ZERO.

Universiteti Marin Barleti së bashku me EDIC, u pranua zyrtarisht si pjesë e European Business and Innovation Centre Network

Sot, më datë 16 Maj 2012, Universiteti Marin Barleti së bashku me EDIC, një nga qendrat që është ngritur brenda tij, u pranua zyrtarisht si pjesë e EBN - European Business and Innovation Centre Network, rrjetit më të madh në Europë të qendrave që ofrojnë inovacion dhe mbështetje për sipërmarrjet e reja dhe ekzistuese. EBN është tashmë rrjeti kryesor joqeveritar ndëreuropian, i cili bashkon më shumë se 200 Qendra Biznesi dhe Inovacioni - BIC dhe organizata të ngjashme si inkubatorë, qendra për sipërmarrje dhe inovacion përmes Europës.

BIC-të janë organizata që promovojnë inovacion dhe sipërmarrje. Ato ndihmojnë sipërmarrjet për inovacion, drejtojnë krijimin e bizneseve të reja (mbështesin inovacionin, inkubacionin dhe ndërkombëtarizimin) si dhe promovojnë zhvillimin ekonomik nëpërmjet krijimit të vendeve të punës dhe sipërmarrjeve, dhe këto krahas zhvillimit të qëndrueshëm.

Rrjeti është gjithashtu një organizatë ombrellë për më shumë se 200 BIC nga e gjithë Europa. Rrjeti siguron ndihmë dhe mbështetje për çdo BIC duke vepruar si ndërlidhës me organizata të tjera, përfshirë këtu edhe Komisionin Europian, duke ofruar ekspertizë në fusha të ndryshme, përfshirë financim, si dhe nëpërmjet stimulimit të shkëmbimit të praktikave më të mira.

EBN ndjek nga afër zgjerimin e Bashkimit Europian dhe politikat e vendeve fqinjë, dhe po zhvillon rrjete bashkëpunimi me pjesën tjetër të botës.

EDIC pranohet zyrtarisht si pjese e European Business and Innovation Centre Network

Dita Eco-Barletase

Klubi Bota Studentore në vazhdimësi të aktiviteteve të tij, në datë 11 Maj 2012, në ora 11.30 organizoi "Ditën Eco-Barletase", një projekt për një jetë ekologjike. Studentët tanë ndërmorrën iniciativën dhe zhvilluan një aktivitet ndërgjegjësues për një Tiranë më të pastër dhe më pranë rinisë, duke synuar të promovojnë një mënyre jetese ekologjike, si një praktikë qytetaro-evropiane, që ndihmon në zhvillimin ekonomik, social dhe mjedisor të komunitetit tonë.

Studentet tanë edhe njëherë dëshmuan se janë një komunitet i cili, jo vetëm kryen studime e ndihmon akademikisht në ruajtjen e mjedisit e të zhvillimit të qëndrueshëm, por edhe që janë një rini vigjilente ndaj natyrës, si një burim jetike po ashtu dhe argëtues. Si rezultat të kësaj iniciative u arrit të kuptohej që me anë të dëshirës së mirë të organizuesve dhe aktivizimit të barletasve, UMB është e aftë jo vetëm që me shumë sukses të vazhdojë iniciativën e saj "Studenti Në Qendër", por të arrijë që këtij studenti t'i ndërthuri të bukurën me të duhurën dhe të nevojshmen.

Workshop "Sfidat e Integrimit Europian"

Më datë 9 Maj 2012, ditën e Europës, u organizua nga departamenti Qeverisje, Politika dhe Komunikim i Universitetit Marin Barleti, workshop-i me temë "Sfidat e Integrimit Europian". Në këtë workshop u trajtuan sfidat me të cilat përballet sot integrimi dhe zgjerimi europian, parë në këndvështrimin filozofik, historik dhe politik. Ky forum akademik solli jo vetëm punime dhe gjetje empirike për të kuptuar problematikën e stanjacionit të integrimit dhe zgjerimit evropian, por gjithashtu rigjeneroi domosdoshmërinë për hulumtime të mëtejshme rreth çështjeve të integrimit dhe zgjerimit europian.

Në sesionin e parë, moderuar nga Drnt. Eurona Leka, referatet e Prof. Dr. Paskal Milo dhe Dr. Zamira Çavo mbi origjinën e Bashkimit Europian dhe sfidat e një solidariteti të munguar në diversitetin e unionit, sollën në vëmendje disa refleksione të dobishme historike dhe filozofike mbi Europën.

Sesioni i dytë, moderuar nga Drnt. Xhuljeta Krasta, trajtoi aspekte të politikave europiane. Referuesit, Znj. Irma Baraku, Komisionere për Mbrojtjen nga Diskriminimi dhe Dr. Reis Mulita, u përqendruan në masat anti-diskriminuese dhe në rrjetet e komunikimit pan-europian.

Sesioni i tretë, moderuar nga Ma. Fatjona Qurku, analizoj Europianizimin e Shqipërisë. Punimet e Dr. Enis Sulstarova dhe Dr. Dorian Jano, argumentuan rreth ndikimit të BE-së në ligjërimin publik, në politikat dhe në institucionet Shqiptare.

Java e Europës në UMB 8 maj 2012

Në kuadër të "Javës së Europës në UMB", organizuar nga Departamenti i Qeverisjes, Politikave dhe Komunikimit, e cila ka nisur në datën 7 maj me Simfoninë Europiane, ditën e martë, datë 8 maj 2012, u organizua aktiviteti: Sa e njohim Europën... Studentë dhe gjimnazistë "përballë njëri-tjetrit".

Me iniciativën e vetë studentëve të vitit të tretë të degës Shkenca Politike por edhe të vitit të parë master, të ndihmuar edhe nga pedagogët e departamentit, aktiviteti përfshinte dy etapa.

Etapa e parë iu dedikua pikërisht atyre, me prezantime të vetë studentëve dhe diskutime të lira rreth Bashkimit Europian, kulturës dhe shoqërisë evropiane, gjithashtu edhe me kuriozitete rreth simbolikës së datës 9 maj, flamurit europian, krijimit të monedhës EURO etj.

Studenti Eduart Qatja kreu me shumë profesionalizëm rolin e moderatorit të panelit të studentëve, ndërsa të tjerët me radhë, me shumë seriozitet, por edhe me emocione, prezantuan temat e tyre.

Elisabeta Dogani bëri një prezantim të shkurt të lindjes së BE-së, Enisa Heba u tregoi të pranishëmve se si lindi dhe çfarë personifikon flamuri i Bashkimit Europian, Andi Rexha paraqiti një biografi të shkurtër të Robert Schuman, Alba Hasanaj përshkroi Bankën Europiane, ndërsa Kejsi Cela dhe Blerta Aleti prezantuan përkatësisht krijimin e EURO-s dhe Parlamentin Europian. Ndërsa studentet e Masterit Shkencor në Politika Europiane dhe Administrim Publik, Armela Memaj dhe Fatjona Bisheva, prezantuan përkatësisht historikun e marrëdhënieve BE - Shqipëri dhe Komunikimi në BE.

Etapa e dytë iu dedikua Quizit që ishte përgatitur për gjimnazistët. Nën moton " Njohurive tuaja SOT, ne u japim mundësi të zhvillohen për një të ardhme të sigurt NESËR, si qytetarë të denjë EUROPIANË", sfiduan njëri-tjetrin, por edhe veten, gjimnazistë nga shkollat Qemal Stafa, Partizani dhe Meridian + .

Në fund të aktivitetit, për ta mbyllur ashtu siç u nis, me Europën, u realizua një galeri e pasur me fotografi.

Takim me studentët e viteve të fundit për prezantimin e programeve master të ofruara në Universitetin "Marin Barleti"

Më datë 7 maj 2012 në Kampusin 1 të Universitetit "Marin Barleti" u mbajt një takim këshillues me studentët e viteve të treta të degëve Financë - Kontabilitet dhe Menaxhim Biznesi. I kthyer tashmë në një traditë ky takim kishte për qëllim jo vetëm prezantimin e studentëve me programet Master të Shkencave, që ofron Universiteti Marin Barleti, por edhe dallimin mes Masterit Shkencor dhe niveleve të tjera të ciklit Master, sipas ligjit të ri "Për arsimin e lartë".

Drejtuesit e takimit ishin Dekani i Studentëve Msc. Elona Bano si edhe koordinatorët e programeve master, Dr Dritan Fino dhe Msc. Edlira Lloha. Kështu, në një vështrim paralel u analizuan të gjitha mundësitë e formimit të mëtejshëm akademik të studentëve, në përputhje si me programet akademike që ofron UMB ndaj atyre që duan të vijojnë me formimin akademik apo profesional, ashtu edhe me interesat personale të çdo studenti.

U prezantuan dhe analizuan kurrikulat e ndryshme që ofrojnë degët Master Shkencor dhe Profesional në Financë- Kontabilitet dhe Menaxhim Biznesi. Gjithashtu një takim i ngjashëm u mbajt edhe me studentët e vitit të tretë të degës Shkenca-Politike dhe Drejtësi viti i IV, në godinën e Studimeve Master, më datë 10 maj 2012. Drnt Eurona Leka, Msc. Edlira Lloha si edhe përfaqësuesja e Zyrës "Alumni dhe Karriera" Ma. Fatjona Qurku, në një përshkrim të detajuar prezantuan programet master shkencor dhe ekzekutiv të ofruara nga Fakulteti i Drejtësisë dhe nga Fakulteti i Shkencave Sociale.

Një pjesë shumë e rëndësishme e takimit iu rezervua edhe mundësive të karrierës për secilin master dhe prezantimit të Qendrës për Testim dhe Trajnim Barleti.

"Histori suksesi e Barletasve" Alumni 2012

Më datë 28 prill 2012, ora 10:00, në ambientet e Universitetit Marin Barleti, u organizua një takim me studentët Alumni të programeve Bachelor dhe Master ndër vite.

Ky është organizimi i parë i këtij lloji dhe synon të kthehet në një traditë. Ky rikthim në auditor u karakterizuar nga një frymë mirënjohjeje e dyanshme: qoftë e studentëve për formimin e marrë pranë institucionit tonë, qoftë e Universitetit Marin Barleti për arritjet e ish studentëve të tij.

U quajt "Histori suksesi e Barletasve" sepse, përpos formimit të marrë në auditorët e Universitetit, këta ish studentë u shndërruan në profesionistë të vërtetë në fushat e tyre të studimit.

Figura qendrore e këtij takimi ishte ish studenti i UMB, Erkand Qerimaj, i cili, në europianin e peshëngritjes në Antalia të Turqisë, nderoi jo vetëm veten dhe gjithë shqiptarët, por edhe Universitetin me medaljen e artë që morri. Fjalë shumë domethënëse dhe të sinqerta tha z. Marenglen Spiro, rektori i Universitetit Marin Barleti, por edhe Prof. i nderuar i Akademisë së Shkencave, Z.Gudar Beqiraj.

Ata u shprehën se Erkand Qerimaj, ashtu siç është një profesionist në sportin e tij, ashtu siç e bën me pasion dhe përkushtim këtë sport, shumë i mirë do të jetë edhe në fushën ku ka kryer studimet, në atë të drejtësisë.

Më pas fjalën e mori ish studentja e shkëlqyer e degës Financë – Kontabilitetit, Bora Angjele, e cila u nderua më çmimin " diploma më e mirë e vitit 2011", çmim i dhënë nga banka e Shqipërisë. Gjatë fjalës së saj Bora u shpreh se kishte pasur gjithë mbështetjen e pedagogëve që ky punim të dilte sa më mirë dhe se ishte shumë e lumtur për çmimin e marrë.

Më pas, me radhë, të pranishmit dëgjuan historitë dhe kujtimet e mjaft ish studentëve të tjerë, si Marcela Kereku, Oltiana Habib, Robert Çelo, Rezarta Stafalla, Albana Ramabanaj, etj. Gjithashtu Edlira Osmani, aktualisht studente masteri në Austri dhe Eda Karaiskaj, studente në master në Itali, në pamundësi për të ardhur dhe me shumë dashuri dërguan për këtë aktivitet videot e tyre përshëndetëse.

Axhenda e këtij aktiviteti u pasua nga një koktej për nder të pranishmëve dhe nga një galeri fotosh, si një kujtim shumë i vyer nga Universiteti.

Java e Librit në Universitetin "Marin Barleti" 23 - 27 Prill

Në kuadër të ditës ndërkombëtare të Librit, Universiteti "Marin Barleti" organizoi aktivitetet "Ditët e Librit në UMB". Gjatë kësaj jave u zhvilluan biseda, takime, konkurse, forume dhe aktivitete të tjera zbavitëse. Java nisi me prezantimin e një sërë librave të botuar nga shtëpia botuese "Dudaj". Këto libra qëndruan të ekspozuar përgjatë gjithë javës në hollin e Kampusit I të UMB-së duke zgjuar interesimin e të pranishmëve dhe të vizitorëve.

Më pas u vijua me organizimin e një konkursi lidhur me romanin "Krim dhe ndëshkim" të shkrimtarit rus F. Dostojevski. Konkursi pasonte fazën e parë, që konsistonte në vlerësimin e disa eseve rreth kësaj vepre letrare, për të cilat u ndanë edhe disa çmime. Çmimi i parë për esenë më të mirë iu dha nxënëses së klasës së 10-të të gjimnazit "Qemal Stafa", Denada Male. Çmimi inkurajues iu dha nxënëses së klasës së 10-të të Gjimnazit të Ri Vlorë, Ina Deliu.

Gjatë gjithë javës, në ambjetet e brendshme dhe të jashtme të universitetit qëndruan të ekspozuara punime të ndryshme në pikturë dhe në aplikacione të tjera, të përgatitura nga fëmijë me aftësi të kufizuar. Aktiviteti u zhvillua nën kujdesit e organizatës "Caritas Albania" dhe Universitetit "Marin Barleti". Punimet ngjallën interes për të pranishmit dhe vizitorët, të cilët, përvec shprehjes së vlerësimit për punimet, blenë edhe mjaft prej tyre. Kjo javë u mbyll me vizatimet e këtyre fëmijëve në oborrin e universitetit tonë, ku ndër të gjithë punimet spikati ai që pasqyronte logon e Universitetit tonë, vizatuar me shkumsa shumëngjyrësh. Besojmë se ky cikël aktivitetesh ja arriti qëllimit të tij parësor, konkretisht përqasjes së studentëve që jetojnë në epokën e internetit më pranë botës së pasur dhe të bukur të dijes përmes librit.

Gjimnazi "Qemal Stafa" dhe Universiteti "Marin Barleti" fitojnë çmimet e para në konkursin letrar.

Iniciativa e Dekanit të Studentëve, në bashkëpunim me Zyrën e Aktiviteteve Studentore dhe Klubet Studentore për të zhvilluar një konkurs letrar në kuadrin e Mendart-it, u finalizua me mbylljen e etapës së dytë, dje, ditën e mërkurë, dt. 25 prill 2012, me konkursin letrar rreth kryeveprës "Krim dhe ndëshkim" të F. Dostojevskit.

Faza e parë e këtij konkursi konsistonte në vlerësimin e esesë më të mirë rreth kësaj vepre letrare dhe u përmbyll me vendimin për akordimin e çmimeve në fund të muajit mars, ku Çmimi i parë për esenë më të mirë ju dha nxënëses së klasës së 10-të të gjimnazit "Qemal Stafa", Denada Male. Çmimi inkurajues ju dha nxënëses së klasës së 10-të të Gjimnazit të ri Vlorë, Ina Deliu.

Më datë 25 prill morën pjesë në quizin rreth romanit "Krim dhe Ndëshkim" këto skuadra: Universiteti "Marin Barleti", me studentet Anisa Gogaj, Enxhi Shakaj dhe Ada Shehu; Gjimnazi "Qemal Stafa", me lider grupi nxënësen Denada Male; dhe Gjimnazi i ri Vlorë, me skuadrën e formuar nga Ina Deliu, Sevjola Musai dhe Orkida Imeraj.

Përfitojmë nga rasti të falënderojmë të gjithë pjesëmarrësit për dijet e tyre të thella, për arsyetimin e çeliktë që demonstruan, si dhe për shpirtin e bashkëpunimit dhe qytetarinë e treguar gjatë të dyja fazave të konkursit tip quiz.

Në këtë aktivitet u evidentuan dijet e plota dhe të drejta të skuadrës së gjimnazit "Qemal Stafa", si dhe shpirti i skuadrës i demonstruar nga dy skuadrat e tjera.

Konkursi u mbyll me fitues të çmimit të parë nga skuadra e Universitetit "Marin Barleti" dhe me fitues të çmimit të dytë nga skuadra e Gjimnazit "Qemal Stafa".

Në përfundim të këtij aktiviteti nga komisioni u dorëzuan certifikatat, çmimi prej 30.000 lekësh nxënëses Denada Male për esenë më të mirë dhe çmimi inkurajues prej 10.000 lekësh nxënëses Ina Deliu.

Aktivitete të tilla jo vetëm nxisin shpirtin e konkurrencës dhe ambicien konstruktive tek të rinjtë, por mundësojnë edhe evidentimin e vlerave, qëllim ky parësor për universitetin tonë.

Presidenti Topi dekoron Barletasin Erkand Qerimaj, Kampionin e Evropës në peshëngritje, me Urdhrin "Mjeshtër i Madh"

Sot paradite, datë 23 prill 2012, Presidenti i Republikës, Prof. Dr. Bamir Topi, nderoi studentin tonë Erkand Qerimaj, si njërën prej figurave më të njohura të sportit të peshëngritjes me një kontribut të çmuar në këtë fushë, me Urdhrin "Mjeshtër i Madh". Presidenti i Republikës evidentoi vlerat e rëndësishme njerëzore të dëshirës, vullnetit, pasionit, talentit, por dhe të atdhedashurisë, pasi ngriti lart flamurin shqiptar. Në këtë ceremoni dekorimi merrnin pjesë personalitete të shquara të fushës së sportit, artit e shkencës, akademikë, trajnerë, peshëngritës, përfaqësues të Universitetit Marin Barleti, miq e familjarë.

Në ceremoninë zyrtare të zhvilluar në mjediset e Institucionit të Presidentit, pas ekzekutimit të himnit kombëtar dhe leximit të dekretit presidencial nga Sekretari i Përgjithshëm, zoti Aleksandër Flloko, Kreu i Shtetit i dorëzoi Erkand Qerimajt Urdhrin "Mjeshtër i Madh" me motivacionin: "Për kontribut të shquar në sportin e peshëngritjes, si fitues i dhjetëra medaljeve ndërkombëtare e shpalljes kampion i Evropës për vitin 2012, duke lartësuar krenarinë kombëtare tek shqiptarët, brenda dhe jashtë vendit".

Duke shprehur mirënjohjen e thellë për vlerësimin e lartë nga Presidenti i Republikës, si dhe duke vënë në dukje se ky është dhe një nderim e motivim edhe për të gjithë ata që me përkushtim të veçantë punojnë për të arritur suksese në fushën e bukur, por dhe të vështirë të sportit të peshëngritjes, kampioni i Evropës, Erkand Qerimaj, theksoi: "Në radhë të parë, falënderoj Presidentin e Republikës, për titullin! Ju falënderoj të gjithëve që jeni pjesëmarrës sot! Jam shumë i nderuar, shumë i emocionuar për vlerësimin dhe për të gjitha sakrificat, për të gjitha mundimet që kam bërë, që po vlerësohen siç duhet. Ju falënderoj të gjithëve dhe shpresoj që do të mundohem në maksimum që të çoj flamurin shqiptar sa më lart përsëri!"

Ndër të tjera Presidenti Topi në fjalën e tij u shpreh se: "Erkandi është një model për të gjithë të tjerët, për të gjithë brezin e tij, për të kuptuar se sa bukur rrinë bashkë karakteri, struktura e fortë fizike, por edhe edukimi i një njeriu që jep një leksion shumë të mirë për të gjithë të rinjtë dhe jo vetëm.

Presidenti i Republikës nuk rreshti së falënderuari Kampionin e Evropës për kontributin e dhënë si dhe për dhuratën që i bëri Shqipërisë në këtë 100 vjetor të pavarësisë. Shkëlqesia e tij Prof. Dr. Topi u shpreh se ishte i bindur që ky urdhër është vetëm një pjesë e vlerësimit, sepse në këtë moshë, me këtë motivim që tregon Erkandi, patjetër që do të rivijë në këtë mjedis për të marrë një titull tjetër më të lartë.

Universiteti Marin Barleti uron edhe njëherë studentin tonë Alumni për këtë arritje dhe këtë urdhër që pason urdhrin e dhënë nga Akademia e Shkencave të Shqipërisë dhe i uron sa më shume suksese në rrugën e tij profesionale.

Ambasadori Italian në UMB

Në kuadër të ciklit të leksioneve të hapura me personalitete të jetës politike të vendit dhe të huaj, me përfaqësues të organizmave ndërkombëtare dhe me diplomatë të akredituar në Shqipëri, Instituti Shqiptar për Çështje Publike (AIPA), në bashkëpunim me Universitetin Marin Barleti, organizoi në datë 19 Prill 2012, në auditorin e Universitetit Marin Barleti, leksionin e hapur mbi "Marrëdhëniet Italo-Shqiptare në kuadër të Integrimit Evropian". I ftuar ishte ambasadori italian në Shqipëri, Z. Massimo Gaiani.

Rektori i UMB-së, Prof. Dr. Marenglen Spiro, i uroi mirëseardhjen ambasadorit Italian duke theksuar rëndësinë e vizitës së tij, ndërsa pedagogia e UMB-së Eurona Leka bëri një prezantim të shkurtër të Institutit dhe të nismës së tij për të sjellë pranë studentëve personalitete, të cilët janë të gatshëm të ndajnë eksperiencat dhe perceptimet e tyre me ta në lidhje me çështje që prekin interesin e tyre.

Ambasadori Gaiani e nisi fjalën e tij duke shprehur kënaqësinë që është pranë studentëve dhe, mbi të gjitha, që është kthyer sërish në Shqipëri, pas eksperiencës së tij si pjesë e strukturave të integrimit evropian në vendin tonë.

Më tej, në fjalën e tij, ambasadori Gaiani u fokusua në dy boshte qendrore: marrëdhëniet e Italisë me Shqipërinë dhe këto të fundit të vendosura në kontekstin e integrimit evropian. Ai ritheksoi marrëdhëniet e shkëlqyera që ekzistojnë midis Shqipërisë dhe Italisë, marrëdhënie me përfitim të ndërsjellë, pasi të dy vendet përbëjnë porta hyrëse drejt hapësirash gjeopolitike të rëndësishme reciprokisht, dhe mbështetjen që Italia i ka dhënë Shqipërisë në të gjitha kohërat. Për më tepër, më shumë se 500 mijë shqiptarë jetojnë në Itali dhe kanë marrë shumë nga kultura italiane, ashtu siç edhe kanë dhënë në këtë kulturë.

Për ambasadorin italian, vendi i Shqipërisë është në Evropë. Ajo ka bërë hapa para me hyrjen në NATO dhe me liberalizimin e vizave, edhe pse ka ende për të bërë, ashtu siç ka ende çështje për të zgjidhur brenda vetë Bashkimit Evropian.

Për ambasadorin është e rëndësishme që një pjesë e madhe e popullsisë mbështesin integrimin në BE, por akoma më e rëndësishme është se është rritur numri i atyre që janë kundra apo skeptik, dhe kjo si pasojë e eksperiencave konkrete të tyre pas liberalizmit të vizave dhe krizës financiare që ka prekur vende të ndryshme brenda BE-së.

Në fund të fjalës së tij, dhe për tNULLiu përgjgjur pyetjeve të drejtuara nga studentët, ambasadori theksoi pikat e rëndësishme ku duhet të fokusohen forcat politike në Shqipëri për të çuar përpara procesin e integrimit evropian.

Ambasadori Italian në UMB

Në kuadër të cikleve të leksioneve të hapura, me personalitete të jetës politike të vendit, përfaqësues nga organizmat ndërkombëtarë dhe diplomatë të akredituar në Shqipëri, Institutit Shqiptar për �ështje Publike (AIPA), në bashkëpunim me Universitetin "Marin Barleti", organizon në datë 19 Prill 2012, ora 11:00 në auditorin e Universitetit Marin Barleti leksionin e hapur mbi marrëdhëniet Italo-Shqiptare në kuadër të Integrimit Evropian.

I ftuar në këtë aktivitet do të jetë shkëlqesia e tij Ambasadori i Italisë në Tiranë, Z. Massimo GAIANI, i cili do të referojë rreth rolit të Italisë në procesin e integrimit të Shqipërisë në Bashkimin Evropian. Prezantimi i ambasadorit do të vijojë me pyetje dhe diskutime nga të pranishmit.

Jeni të mirëpritur.

Universiteti Marin Barleti mirëpret Gjimnazin Qemal Stafa

Universiteti Marin Barleti mirëpriti në ambientet e tij pranë kampusit I finalistet e konkursit të shkencave ekzakte nga Gjimnazi Qemal Stafa në Tiranë. Aktiviteti u zhvillua në 19 Prill dhe konsistonte në zhvillimin e finaleve midis klasave tëe 10-ta dhe 11-ta. Juria e konkursit, e cila kryesohej nga rektorit i UMB-së, Prof. Dr. Marenglen Spiro, përbehej nga mësues të Gjimnazit Qemal Stafa në fushën e Matematikës, Fizikës dhe Kimi-Biologjisë. Nxënësit pjesëmarrës nga Gjimnazi Qemal Stafa, si dhe prindër e mësues, u pritën nga pedagogë të Universitetit Marin Barleti. Këta të fundit e ndoqën me interes zhvillimin e aktivitetit, i cili moderohej këndshëm nga Kryeministri i Nxënësve në Gjimnazin Qemal Stafa, Olsi Pajo. Gjatë aktivitetit, nuk munguan tifozët e çdo klase pjesëmarrëse, të cilët mbështesnin me shpirt shokët e tyre. Pas dy orë e gjysmë pyetjesh, përgjigjesh, replikash dhe thirrjesh të tifozëve, aktiviteti u mbyll me dhënien e çmimeve klasave fituese dhe atyre që zunë vendin e dytë, çmime këto te sponsorizuara tërësisht nga Universiteti Marin Barleti, si shenje mbështetjeje dhe bashkëpunimi midis dy institucionesh që ndajnë të njëjtin mision: Edukimin e se ardhmes. Urime klasave fituese dhe suksese në përpjekjet e tyre të ardhshme!

Barletasi Erkand Qerimaj, i pari i Europës

Alumni i UMB - së, Erkand Qerimaj, është shpallur kampion Europë për peshën 77 kilogramë në evropianin e Antalias, në Turqi.

Krenaria e Universitetit "Marin Barleti", i diplomuar për drejtësi në vitin 2010, u rendit i dyti në shkëputje me 158 kg, duke marrë medaljen e argjendtë dhe i pari në shtytje me 190 kg, duke merituar medaljen e artë me 348 kg në dygarësh.

Flamuri i Shqipërisë u ngrit lart në këtë kampionat ditën e 12 prillit dhe na bëri të gjithëve ne barletasit të ndihemi krenarë për ish studentin tonë.

Dhe sot mund të themi me krenari se jo vetëm Shqipëria, por edhe UMB nderohet me medalje ari. Bravo Erkand, suksese të mëtejshme në Lojrat Olimpike të Londrës!!!

Kërkimi për punë në mënyrë me efektive, Anegino në UMB

Nën kujdesin e përgjegjëses së Zyrës Alumni dhe Karriera, Fatjona Qurku, ditën e martë, datë 10 prill 2012, në orën 12:30, në ambientet e Universitetit "Marin Barleti" u bë një prezantim me studentët e viteve të fundit, dhe jo vetëm, i kompanisë Anegino, prezantim i cili zgjati për rreth 40 minuta.

Anegino është një kompani rekrutimi dhe ndërmjetësimi midis bizneseve dhe punë kërkuesve, praktikë e cila aplikohet së fundmi edhe në vendin tonë.

Prezantimi kaloi në disa etapa shumë të vlefshme për studentët si më poshtë vijon:

Prezantimi i kompanisë, dhe pse është i rëndësishëm ky lloj aplikimi online për punë;
Si duhet plotësuar një CV online dhe cilat janë pikat më të forta që ajo të jetë e suksesshme dhe tërheqëse;
Cilat janë disa nga punët online që ka publikuar Anegino;
A është eksperienca e punës e rëndësishme në një format të tillë dhe a praktikohet me sukses ky lloj varianti;
Cilat janë pritshmëritë e studentëve në lidhje me bizneset dhe e kundërta.

Një kohë e konsiderueshme iu rezervua edhe seksionit pyetje - përgjigje, ku studentët dhe veçanërisht ata të vitit të fundit të degëve shkenca politike dhe menaxhim - biznesi u interesuan të dinin nëse ky lloj aplikimi online për punë ka sukses dhe rezultat. Gjithashtu gjatë prezantimit disa prej tyre krijuan edhe profilet përkatëse.

Z. Polat u tregua i gatshëm t'i jepte përgjigje çdo pyetjeje në mënyrë që studentët të krijonin një ide se si funksionon kompania Anegino.

Fakulteti i Drejtësisë zhvillon konferencën shkencore "Pushteti Gjyqësor dhe Integrimi Evropian"

Në datën 6 Prill 2012, në Universitetin "Marin Barleti", u zhvillua konferenca shkencore ndërkombëtare me tematikë "Pushteti Gjyqësor dhe Integrimi Evropian". Kjo konferencë u organizua nga Fakulteti i Drejtësisë së Universitetit Marin Barleti në bashkëpunim me Fakultetin e Drejtësisë dhe Shkencave Administrative të Universitetit Andrei Saguna, Konstancë, Rumani.

Në këtë konferencë morën pjesë lektorë shqiptarë dhe rumunë, gjyqtarë dhe përfaqësues të Unionit te Gjyqtarëve të Shqipërisë, ekspertë të mirënjohur të të drejtës, pedagogë, studentë të Universitetit Marin Barlet dhe të universiteteve të tjera, të sistemit bachelor, master dhe doktorantë, ndër të cilët vlen të përmendim: Dr. Elena Manea, Dr. Ilir Panda, Dr. Jordan Daci, Drnt. Ledian Droboniku, LL.M, Msc. Edlira Lloha, LL.M Aida Bushati, LL.M Elona Bano, MSc. Valbona Alikaj, si dhe gjyqtarët Sandër Simoni, Ervin Metalla dhe Luan Hasneziri.

Vlen të përmendet që ky aktivitet ishte bashkëpunimi i parë akademik i një universiteti shqiptar me një universitet rumun. Problematikat kryesore që u trajtuan në këtë konferencë lidheshin me historikun e gjyqësorit shqiptar, me një vështrim të përgjithshëm mbi gjyqësorin shqiptar dhe atë rumun nën prizmin e integrimit evropian, duke trajtuar edhe disa nga çështjet më specifike por po aq të rëndësishme, si: pavarësia e gjyqësorit në Shqipëri, e parë kjo në këndvështrimin akademik dhe praktik edhe nga vetë përfaqësues të gjyqësorit; aspektet strukturore të sistemit gjyqësor; aspektet e integrimit të gjyqësorit dhe elementet përbërës, duke përfshirë si elementet pozitive, ashtu edhe ato negative; tradita përballë realitetit dhe sfidave; roli i Këshillit të Lartë të Drejtësisë, i Gjykatës së Lartë, i organizimit profesional të gjyqtarëve; duke u përmbyllur me një vëmendje të veçantë që i duhet kushtuar reformimit të sistemit arsimor ligjor si kusht për reformimin e vetë sistemit gjyqësor.

Në konferencë mori pjesë dhe përshëndeti edhe zëvendësambasadori i Rumanisë në Shqipëri, Z. Mihai Tican. Pjesëmarrësit zhvilluan diskutime dhe bënë pyetje lidhur me tematikat e konferencës, duke u shprehur edhe lidhur me veprime apo qëndrime të ndryshme të institucioneve të gjyqësorit shqiptar dhe atij rumun, si dhe bënë sugjerime të ndryshme de lege ferenda.

Kjo konferencë është gur themeli në rrugën e bashkëpunimit mes Universitetit Marin Barleti dhe Universitetit Andrei Saguna.

Barletasja Bora Angjele, fiton çmimin " Diploma më e mirë e vitit"

Në datën 1 prill 2012, TVSH SATELIT, në orën 19:20, transmetoi një dokumentar mbi Bankën e Shqipërisë dhe mbi çmimin " Diploma më e mirë e vitit" që jepet çdo vit nga guvernatori i Bankës së Shqipërisë Z. Ardian Fullani.

Ky dokumentar, i cili zgjati për rreth 25 minuta, ishte i ndarë në dy pjesë.
Pjesa e parë i kushtohej historikut të Bankës së Shqipërisë. Banka u krijua më 4 tetor 1913 dhe sipas Ismail Qemalit në atë periudhë mund të konsiderohej si fitorja e dytë pas shpalljes së Pavarësisë Kombëtare. Ajo që ja vlen të përmendet është edhe fakti se në shkurt të vitit 1926 kjo bankë hodhi në qarkullim monedhën e parë kombëtare shqiptare dhe për 10 vjet veproi në kushte monopoli.

Sot Banka e Shqipërisë i kushton një vëmendje të veçantë brezit të ri, veçanërisht edukimit të tij, sepse një kulturë e duhur në fushën e financave garanton mirëqenien dhe përparimin e vendit.

Pjesa e dytë e dokumentarit i kushtohej çmimit të guvernatorit për "Diplomën më të mirë të vitit". Kjo traditë ka nisur që në vitin 2006 dhe për vitin 2011 çmimin e fitoi Bora Angjele, e diplomuar në Universitetin "Marin Barleti"në Master në Financë-Kontabilitet. Tema e trajtuar në diplomë ishte " Sistemet e pensioneve".

Një nga mentorët e saj, Prof. Novruz Koçi, në një intervistë të dhënë, pasi falënderoi guvernatorin e bankës për çmimin, u shpreh për cilësinë e temës së ish- studentes së tij. Kjo temë nën opinionin e tij ishte e ndërtuar dhe e strukturuar mirë dhe mbi të gjitha e vlerësuar drejt. Prof. Koçi foli edhe për frymën e bashkëpunimit midis pedagogëve dhe studentëve që ekziston në universitetin Marin Barleti.

Ai shprehu mirënjohjen e tij për vlerësimin që iu bë punimit të studentes Bora Angjele edhe nga një institucion tjetër jashtë universitetit duke marrë vlerësimin maksimal. Në këto rezultate sigurisht që ka një meritë të veçantë edhe universiteti Marin Barleti për format e bashkëpunimit dhe politikën e seksioneve shkencore që ndjek.

Studentja Angjele, e cila punon në Drejtorinë e Programeve Satelitore pranë Radio-Televizionit Shqiptar, fitoi çmimin e parë me temën "Sistemet e pensioneve", ku trajton një problem mjaft interesant, parë jo vetëm nga këndvështrimi ekonomik, por edhe ai social.

Ajo është një temë e shumë diskutuar së fundmi, që ekziston edhe në formën e një projektligji. Bora shprehet se "asnjë vend nuk ka një model të caktuar fiks në sistemin e pensioneve, madje ato aplikojnë 2-3 skema, forma, shkrijnë sistemet private me ato shtetërore, dhe Shqipëria synon të adoptojë modelin dhe skemën më të mirë ".

Diploma e saj, e konsideruar një kërkim shkencor i mirëfilltë e që përmban një pyetësor prej 45 anketash të realizuara me persona të punësuar por afër moshës së pensionit, vë në dukje mangësitë e sistemit të pensioneve dhe jep rekomandime se si duhet të ndryshojë kjo skemë në përputhje edhe me parimet evropiane, pa u bërë barrë për buxhetin e shtetit.

Në fund të intervistës Bora shprehet se ky çmim ishte surprizë jo vetëm për të, por edhe për të gjithë ata që e mbështetën dhe e përkrahën në realizimin me sukses të temës, dhe thotë se është shumë e kënaqur për arritjen e saj.

Konkurs i studentëve ne kuadrin e projektit TEMPUS

Prej janarit 2012 në UMB ka filluar puna përgatitore për zbatimin e projektit trevjeçar "Të zhvillojmë më tej edukimin e të drejtave të njeriut në arsimin e lartë", financuar nga programi TEMPUS i Komisionit Evropian (Akronimi HEART).

Projekti ndër të tjera parashikon shkëmbimin e përvojave si dhe njohjen me praktikat më të mira universitare dhe komunitare në edukimin e të drejtave të njeriut. Të gjitha aktivitetet do të zhvillohen në bashkëpunim me studentët.

Një nga veprimtaritë e para në funksion të ndërgjegjësimit dhe pjesëmarrjes sa më aktive të studentëve, është konkursi i shpallur nga Komiteti Drejtues i projektit "Për logon më të mirë".

Ftohen studentët e UMB-së, të të gjitha viteve dhe programeve, me kohë të plotë apo të pjesshme, që të krijojnë një logo duke përdorur imagjinatën dhe talentin e tyre. Të gjithë ata që do të provojnë, duhet të shprehin simbolikisht idenë e këtij projekti : punën së bashku të stafit akademik me studentët dhe partnerët vendorë, rajonalë e më tej për ta bërë shoqërinë më të mirë duke përvetësuar, edukuar dhe zbatuar të drejtat e njeriut.

Është një konkurs ku barletasit do të provojnë aftësitë e tyre krijuese, krahas studentëve të Universitetit të Tiranës, Universitetit Evropian të Tiranës, Universitetit të Prishtinës si dhe të universiteteve të tjerë nga rajoni i Ballkanit. Departamenti i Shkencave Sociale i Universitetit të Roehamptonit, Londër, ofron për fituesin/fituesen një tablet PC. Konkursi përfundon më 20 maj 2012, ora 12.00, afat brenda të cilit logoja konkuruese duhet të dërgohet në adresën student.dean@umb.edu.al

Referohuni në materialet e shpalljes së konkursit dhe të rregullave të zhvillimit të tij.

Cikël leksionesh: "Komunikimi si problem, burim ose rrezik. Komunikimi si problem kulturor" nga Prof. Dr. Giovanni Bechelloni ne UMB

Nga datat 19 deri në 23 mars në Universitetin "Marin Barleti" u organizua, me mbështetjen e Institutit Shqiptar të Çështjeve Publike (AIPA), një cikël leksionesh me temë "Komunikimi si problem, burim ose rrezik. Komunikimi si problem kulturor", mbajtur nga Prof. Dr. Giovanni Bechelloni. Prof. Bechelloni ka qenë për një kohë të gjatë profesor i Sociologjisë së Komunikimit dhe Studimeve Kulturore në Fakultetin e Shkencave Politike "Cesare Alfieri" të Universitetit të Firences. Ai ka qenë po ashtu profesor i Sociologjisë dhe Komunikimit në Universitetin e Romës "La Sapienza", president i Konsorciumit të Universiteteve Evropiane "CoMUNDUS" (2006-2011) dhe koordinator i programit Master of Arts në "Media, Komunikim dhe Studime Kulturore", në Fakultetin e Shkencave Politike në Universitetin e Firences. Prof. Bechelloni është edhe anëtar emeritus i Bordit të Këshillit Italian për Shkencat Sociale (CSS). Ai është autor ose redaktor i më shumë se 50 librave, dhe fushat e tij të interesit akademik janë media, kultura dhe shoqëria.

Ndër librat e tij të fundit mbi historinë e italianëve në kontekstin mesdhetar dhe më gjerë mund të përmendim I nostri eroi (Liguori 2010), Diventare cittadini del mondo (Mediascape 2006), Il silenzio e il Rumore. Destino e fortuna degli italici nel mondo (Ipermedium 2004).
Në lidhje me fushën e gazetarisë dhe televizionit si burime të dijes prof. Bechelloni ka shkruar La comunicazione giornalistica (Le Lettere 2009), Giornalismo o post-giornalismo (Liguori 1995), Televisione come cultura (Liguori 1995)
Në lidhje me teorinë e komunikimit ai ka shkruar La conversione dello sguardo (Ipermedium 2009), Svolta comunicativa (Ipermedium 2007), Equivoci giochi (Mediascape 2003).

Leksionet që prof. Giovanni Bechelloni mbajti në Universitetin "Marin Barleti" ishin pjesë e kursit të tij të leksioneve të Sociologjisë së Komunikimit. Tematika e tyre e përbashkët ishte: "Komunikimi i mirë dhe armiqtë e tij në një shoqëri të globalizuar". Thelbi i teorisë së prof. Bechelloni shpjegon se, megjithëse në botën e sotme flitet dhe diskutohet shumë në lidhje me komunikimin, në fakt, qoftë në praktikë, qoftë në teori, jemi shmangur së tepërmi nga domethënia e vërtetë e fjalës "komunikim". Komunikimi për prof. Bechellonin është para së gjithash një aktivitet themelor i marrëdhënieve njerëzore, dhe karakterizon në radhë të parë atë që është njerëzore. "Qëniet njerëzore u bënë njerëzore kur shpikën fjalën dhe gjuhën. Kjo do të thotë se komunikimi u ka dhënë atyre aftësinë specifike të të menduarit - të të qënit të ndërgjegjshëm për identitetin e tyre - që shënon fillimin e asaj që quhet ekzistencë historike e njerëzimit dhe që lind nga dija se qëniet njerëzore një ditë do të vdesin. Asnjë gjallesë tjetër nuk e ka këtë cilësi të ndërgjegjes.

Fjalët komunikim dhe të komunikosh nuk mund të përdoren kur bëhet fjalë për kafshë ose për qënie të tjera të gjalla, dhe aq më pak kur flasim për makineri. Asnjë qënie tjetër dhe asnjë lloj makine nuk zotëron dot atë që lidhet vetëm dhe ngushtësisht me njeriun. Fakti i pakundërshtueshëm që sot flitet për komunikim edhe kur nuk kemi të bëjmë me qënie njerëzore do të thotë se jemi përpara një mashtrimi, një vjedhjeje dhe një gënjeshtre. Kur flitet për informatikën, internetin dhe për gjëra të tjera që lidhen me të, përdoret shpesh shprehja "teknologji të informacionit dhe të komunikimit", sepse dihen mirë efektet pozitive që mund të ketë përdorimi i fjalëve të komunikosh dhe komunikim".

Pozicioni i prof. Bechellonit është shumë kritik ndaj rezultateve që ka sjellë e ashtuquajtura "era dixhitale", e cila, në emër të një komunikimi dhe informacioni më të shpejtë, ka dëmtuar seriozisht vetë marrëdhëniet njerëzore. Duke iu referuar diskutimeve që zhvillohen sot në botë mbi rëndësinë dhe dobinë e "mjeteve dixhitale të komunikimit", prof. Bechelloni sqaron se ato përqëndrohen rreth dy qëndrimeve kryesore dhe të kundërta mes tyre: a) mbrojtësit e idesë se interneti dhe dixhitalizimi i informacionit ka sjellë me vete një revolucion të vërtetë demokratik, dhe b) kundërshtarët e tyre që mendojnë se Facebook (300 milionë përdorues në botë), celularët (4 miliardë e gjysëm përdorues), Twitter dhe të tjerë, po hapin siparin e një periudhe të re barbare, e cila është përgjegjëse për zhdukjen e të drejtave të autorit, të librit dhe të bibliotekave, të demokracisë së përfaqësuar.

Atëherë, cili është komunikimi i mirë në konceptin e prof. Bechellonit? Komunikimi i mirë është komunikimi që nënkupton pasjen e njohurive të drejta mbi realitetin që na rrethon dhe mbi gjendjen në të cilën ndodhen bashkëbiseduesit tanë, ata me të cilët ne hyjmë në marrëdhënie të ndërsjella. Në radhë të parë, komunikimi duhet të jetë një marrëdhënie njerëzore, që stimulon kontaktet reale mes njerëzve të kulturave të ndryshme. "Me fjalë të tjera, duhet të jetë e qartë - dhe duhet pranuar në parim - se që të jesh i aftë të komunikosh me tjetrin është e nevojshme ta njohësh atë, të jesh në gjendje të kuptosh edhe se në çfarë konteksti zhvillohet ky komunikim".

Leksionet e prof. Bechellonit u shoqëruan me projektimin në sallë të këtyre filmave:
CNULLera una volta in America (Sergio Leone, 1984), Un film parlato (Manuel de Oliveira, 2003), Il falò delle vanità (Brian de Palma, 1987), Fahrenheit 451 (Francois Truffaut, 1966), State of play (Kevin McDonald, 2009)

Klubi i Vullnetarëve në UMB dhuron ndihma nëpërmjet emisionit Fiks Fare

Klubi i Vullnetarëve në Universitetin Marin Barleti, i përbërë nga studentë të vitit te parë dhe të dytë dhe të udhëhequr nga pedagoge Elora Kokalari, i dhuroi ndihma fëmijëve të familjeve në nevojë nëpërmjet emisionit televiziv në Top-Channel, Fiks Fare. Duke marrë shkas nga disa episode të transmetuara në këtë emision, studentët e klubit të vullnetarëve vendosën të bënin një fushatë për të mbledhur ndihma në rroba, libra dhe lodra për fëmijët e familjeve të varfra. Barletasit vullnetarë u bashkuan me moton: "Asnjë fëmijë nuk duhet të privohet nga e drejta e veshjeve, lodrave dhe aq më tepër e librave!"

Fushata zgjati 1 muaj duke vendosur kuti në të dy kampuset e universitetit Marin Barleti. Për promovimin e kësaj fushate studentët krijuan postera me dorë të lirë, shfrytëzuan median sociale Facebook nëpërmjet hapjes së një faqeje zyrtare, krijuan fletë-palosje, të cilat i shpërndanë nëpër rrethet e tyre të njohjeve. �do student kishte një detyrë dhe grupi punoi në mirëkuptim për realizimin me sukses të fushatës, duke marre nga kjo nismë mësime të çmueshme për zhvillimin e aftësive organizuese e menaxhuese.

Në përfundim u mblodhën gjithsej 8 kuti të mëdha me artikujt e lartpërmendur. Emisioni Fiks Fare i mori në dorëzim ditën e martë, 28 Mars 2012, nga ku komentet e vlerësimit dhe falënderimit nuk munguan. Bravo barletasit për këtë akt human dhe ndihme të komunitetit të tyre! Kënaqësia morale ishte shpërblimi më i madh për secilin.

Klubi i Vullnetareve dhuron nepermjet emsionit Fiks Fare, 30 Mars, 2012 (nga minuta 7)

Universiteti "Marin Barleti" nënshkruan marrëveshjen si partner akademik global (Global Academic Partner) i Institutit Arsimor Amerikan të Hoteleri- Turizmit.

Universiteti "Marin Barleti" është i vetmi ndër Universitetet Shqiptare që merr statusin e partnerit akademik global (Global Academic Partner) të Institutit Arsimor Amerikan të Hoteleri- Turizmit (American Hotel & Lodging Educational Institute - AHLEI) (http://www.ahlei.org/). AHLEI është një oranizatë jo-fitimprurëse themeluar në 1953 dhe aktualisht është prezente në më shumë se 60 vende në Europë, Azi, Afrikë, Lindjen e Mesme, dhe Amerikën Latine.

Marrëveshja e bashkëpunimit, u nënshkrua më datë 09.03.2012 në Berlin, gjatë panairit ndërkombëtar të turizmit (http://www.itb-berlin.de/en). Për UMB marrëveshja u nënshkrua nga Dr. Gazmend Zeneli, Drejtor i Institutit të Kërkimit dhe Zhvillimit Barleti (BIRD), ndërsa për AHLEI marrëveshja u nënshkrua nga Z. Robert L.Steele, President dhe COO i AHLEI. Të pranishëm në ceremoninë e nënshkrimit të marrëveshjes ishin dhe Z.Joseph A. Mclnerney, President dhe CEO i Shoqatës Amerikane të Hoteleri Turizmit (American Hotel & Lodging Association) , Z. John S. Lohr përfaqësues i ALEI për Europën si dhe Z.Enver Mehmeti, President i Shoqatës Shqiptare të Turizmit (ATA).

Në këtë mënyrë, Universiteti "Marin Barleti" bëhet pjesë e rrjetit botëror të mbi 2500 Institucioneve që ofrojnë kurse të AHLEI që përfshin: Cornell University (SHBA), Johnson & Michigan State University (SHBA), Purdue University (SHBA), University of Delaware (SHBA), University of Nevada Las Vegas (SHBA), Business College of Athens (Greece), Indira Gandhi National Open University (Indi), William Blue College of Hospitality (Australi), Swiss Hotel Management School (Zvicër), dhe shumë Universitete të njohura në menaxhimin e operacioneve të hoteleri-turizëm.

Me marrjen e statusit GAP, Universiteti "Marin Barleti" mund të ofrojë kurse në industrine e Hoteleri- Turizmit të njohura ne mbarë-boten dhe në përfundim të tyre të ofrojë Certifikatën e AHLEI për operacione në industrine e Hoteleri- Turizmit.

Universiteti mund te përdorë materialet akademike të AHLEI dhe të japë certifikata të njohura ndërkombëtarisht nga AHLEI si pjesë e Diplomës në Menaxhim Hoteleri-Turizëm të ofruar nga ai vetë.

Green Line Albania fton barletasit ne sipermarrjen e tyre

Green Line Albania - organizata ambjentaliste vjen të prezantojë sipermarrjen e saj ambicioze me qëllim bashkimin e 100.000 vullnetarëve që në datë 9 Maj 2012 të kryejmë pastrimin e të gjitha vëndgrumbullimeve ilegale të mbetjeve në të gjithë territorin e Shqipërisë.

Hapat që do ndjekim:

Identifikimi i vëndgrumbullimeve ilegale dhe vendosja e tyre në një hartë të vetme, e para e këtij lloji në Shqipëri.
Pastrimin e 20.000 ton mbetje, duke u fokusuar më së shumti në Bregdet, rrëzë maleve, bregut të lumenjve, liqeneve, anës hekurudhës, rreth shkollave dhe kopshteve si dhe anash rrugëve kombëtare.
Sensibilizimin e popullsisë Shqiptare për të patur kujdes për vëndin tonë dhe për të quajtur shtëpi edhe ambjentin që na rrethon jashtë mureve të banesave në të cilat jetojmë.
Ndërgjegjësimin e grupmoshave të reja dhe rritjen e kujdesit dhe kulturës për një ambjent pa mbetje

Nje takim per detajet e kesaj iniciative do te mbahet ne Universitetin Marin Barleti, diten e merkure, ora 12:15, Salla A-24.

Te gjithe jane te mirepritur!

Universiteti Marin Barleti nënshkruan kontraten me Pearson për hapjen e Qendrës së Testimit

Universiteti Marin Barleti nënshkroi kontratën e bashkëpunimit me Pearson Language Tests për hapjen e një qendre testimi të gjuhës angleze sipas formatit PEARSON, të administruar krejtësisht nga UMB. Pearson përfaqësohej në këtë rast nga Agjensioni për Përkrahje të Punësimit në Kosovë (APPK), të udhëhequr nga Z. Bedri Xhafa. Bashkëpunimi i palëve për realizimin me sukses te kësaj kontrate u vlerësua si i ngrohtë dhe tepër pozitiv. Një grup nga UMB me pedagogë të gjuhës angleze, të udhëhequr nga profesori i njohur, Z. Gëzim Hadaj, Phd, përfundoi gjatë një udhëtimi dy ditor trajnimin për vlerësues, duke plotësuar kështu edhe kushtin e fundit për të marrë statusin Pearson Test Center.

Ne 24 Mars, 2012, Prof. Dr. Marenglen Spiro, Rektor i Universitetit dhe Z. Bedri Xhafa, Udhëheqës i Përgjithshëm i APPK-së nënshkruan kontratën që i dha UMB-së certifikatën si PEARSON TEST CENTER. Pas një ceremonie simbolike, e cila u mbajt në ambientet e kampusit I, në Universitetin Marin Barleti, grupet e punës nga të dy palët kaluan një drekë në Hotel Adriatik. Në përputhje me Udhëzimin Nr. 14, datë 28.03.2011 "Për njohjen e testimeve dhe certifikimeve për gjuhën angleze për programet e studimit të Ciklit të Dytë dhe të Tretë në institucionet e Arsimit të Lartë" të Ministrit të Arsimit dhe Shkencës, dega e PEARSON TEST OF ENGLISH GENERAL (PTE) do të hapë së shpejti dyert e saj si komponent kryesor i Qendrës së Trajnimit dhe Testimit Barleti (BTTC). Në të njëjtën kohë, kjo qendër do tNULLu japë mundësi edhe nxënësve të ciklit të mesëm dhe të ulët të testojnë njohuritë e tyre në gjuhën angleze.

Rreth testimit
Pearson Test of English General (PTE General) është formuluar për të dhënë arritje pozitive në mësimin e gjuhës angleze. Testi përbëhet nga 2 pjesë: një ese me shkrim dhe një test me gojë. Eseja me shkrim teston dëgjimin, kuptueshmërinë nga të lexuarit dhe aftësitë drejtshkrimore dhe vlerësohet nga ekzaminues të jashtëm në Britaninë e Madhe. Testi me gojë vlerësohet nga ekzaminues vendas dhe dërgohet në Britaninë e Madhe për moderim.

Ka 6 nivele, që lidhen me Kuadrin e Përbashkët Europian të Gjuhëve (CEF). Te gjitha nivelet në test janë të vlerësuara nga Edexcel dhe të akredituara nga Ofqual në Britaninë e Madhe.

Certifikata nga PTE General nuk skadon. Nxënësit e gjuhës angleze janë te inkurajuar të kërkojnë mundësi të ndryshme për të praktikuar gjuhën dhe të vërtetojnë progresin e tyre rregullisht.

Forca Barleti Volley

Ekipi i volejbollit të Universitetit Marin Barleti, i udhëhequr nga trajneri i njohur Z. Kreshnik Tartari dhe zv. trajner Z. Petrit Shpata, do të luajë nesër, e shtunë 24 Mars 2012 në orën 15:00 në pallatin e sportit "Asllan Rusi" kundër ekipit të Studentit. Të gjithë studentët e UMB-së dhe dashamirësit e ekipiti tonë ose sportit të bukur të volejbollit janë të ftuar në këtë ndeshje. Forca vajzave të Barletit!

Internship-e në Departamentin e Shitjes dhe Shpërndarjes

Zyra e Karrierës Kompania Philip Morris Albania sh.p.k, një filial i Philip Morris International, ofron një internship në departamentin e shitjes dhe shpërndarjes.

Praktikantët do të trajnohen nga drejtuesit e kompanisë, duke përfshirë dhe supervizorët e departamentit të shitjes dhe do të punojnë mbi përgjegjësi reale të biznesit, të tilla si: programe tregtare, përgatitjen e seminareve, diskutime mbi buxhetin, etj.

Kërkohet motivacion dhe seriozitet për të ndjekur dhe respektuar programin, i cili këtë vit zgjat 6 muaj duke filluar nga data 15 prill 2012.

Profili:

Studentet më të mire të diplomuar ose në vitit e fundit të studimeve në degët ekonomik � financë, marketing, menaxhim dhe fusha të ngjashme me to) ;
Të zotërojnë shumë mirë anglishten dhe programet MS Office;
Eksperienca e mëparshme në një pozicion të tillë përbën avantazh;
Të jenë energjikë dhe të aftë të punojnë në grup;

Përgjegjësitë / detyrat

Do të asistojnë në planifikimin e aktiviteteve të shitjes dhe shpërndarjes, duke analizuar propozimet dhe duke diskutuar plan veprimet me përgjegjësit dhe bashkëpunëtorët;
Do të analizojnë bazat e të dhënave të konsumatorëve, burimet dhe vlerësimet e kostos dhe do të planifikojnë zbatimin e detyrave së bashku me kolegët dhe menaxherët e kompanisë;
Do të asistojnë në zbatimin e aktiviteteve të Shitjes dhe Shërbimit të Konsumatorëve në pikat e shitjes;
Do të marrin pjesë në seminare të organizuar nga partnerë të tjerë të shitjes duke luajtur rol të rëndësishëm dhe duke përgatitur raporte;

Një mundësi unike për të marrë pjesë në rritjen e organizatës dhe për të zgjeruar horizontet tuaja në një mjedis të vërtetë ndërkombëtar që mbështet zhvillimin tuaj të karrierës.

Për më tepër informacion kontaktoni me zyrën e Karrierës në UMB duke dërguar formatin standart të CV- së dhe Letrës së Motivimit, në adresën careers@umb.edu.al , deri më datën 30 mars 2012.

Rruga Sami Frashëri, Nr. 41, Tiranë;
Tel/Fax: 04 2430 333;
Cel.: 069 20 62 086
www.umb.edu.al
info@umb.edu.al

Mundesi punesimi si agjent shitje ne kompanine New Opportunity Albania (NOA)

Kompania New Oportunity Albania - NOA, kërkon të punësojë një agjent shitjeje të produkteve të kompanisë.

Detyrat / Përgjegjësitë

Përgjegjës për aktivitetet e kredidhënies;
Përgjegjës për një prezantim korrekt të ofertave të kompanisë;
Përgjegjës për identifikimin e nevojave të klientëve dhe ofrimin e zgjidhjeve respektive për zgjidhjen e tyre nëpërmjet ofrimit të produkteve të kompanisë;
Përgjegjës për ngritjen e marrëdhënieve afatgjata me klientët;
Të prezantojë kompaninë sipas misionit/vizionit dhe vlerave të kompanisë.

Profili

Të ketë aftësi mjaft të mira bindëse dhe komunikimi;
Të ketë aftësi mjaft të mira negociuese;
Të jetë i gatshëm për lëvizje në terren;
Të ketë diplomë universitare, preferohen studentët që janë në master;

Kërkesat

Preferohet të paktën një vit experiencë pune në ketë profil;
Të ketë njohuri të mira në planin e shitjeve të produkteve;

Lloji i Kontratës

Punësim me kohë të plotë sipas standartit të Kompanisë.

Për më tepër informacion kontaktoni me zyrën e Karrierës në UMB duke dërguar formatin standart të CV- së, në adresën careers@umb.edu.al

Projekti i paraqitur nga UMB në bashkëpunim me CSTI (Mali i Zi) shpallet fitues ndër projektet e paraqitura në kuader te Programit IPA të Bashkëpunimit Ndërkufitar ShQIPËRI - MALI I ZI.

Projekti i paraqitur nga Universiteti "Marin Barleti" në bashkëpunim me Qendrën për Iniciativa për Zhvillim të Qëndrueshëm të Turizmit (CSTI) në Malin e Zi shpallet fitues ndër projektet e paraqitura në kuader të "Programit të Bashkëpunimit Ndërkufitar" SHQIPËRI - MALI I ZI 2007-2013.

Liqeni i Shkodrës është një trashëgimi kulturore historike dhe natyrore e përbashkët e Republikës së Shqipërisë dhe Malit të Zi. Ky është liqeni më i madh i Ballkanit me një vlerë të njohur ndërkombëtare (Konventa Ramsar).

Projekti me titull "Arti, Plastika dhe Riciklimi" u propozua në kuadrin e projekteve të paraqitura në fushën e Mbrojtjes dhe Promovimit të Mjedisit. Ky projekt do të zgjasë 18 muaj dhe ka si qëllim kryesor reduktimin e efekteve negative në mjedis, nëpërmjet inkurajimit të aktiviteteve ekonomike që janë në përshtatje me ekologjinë.

Projekti do të ketë një impakt në mbrojtjen e mjedisit duke pastruar zonën dhe duke përdorur mbetjet plastike për qëllime artistike.

Projekti i propozuar synon rritjen e ndërgjegjësimit të komuniteteve lokale në zonat ndërkufitare të Shkodrës /Liqeni i Shkodrës, rreth ndikimit negativ mjedisor të mbetjeve plastike dhe për nevojën e riciklimit të tyre ose përdorimit alternativ.

Projekti do të përfshije: banorët vendas, autoritet lokale, organizatat e bazuara në komunitet, kategoritë profesionale dhe konsumatorët. Projekti do të zhvillohet në bashkëpunim me organizatat ekzistuese dhe do të përmirësojë dhe forcojë marrëdhëniet midis palëve të interesuara, si rezultat i këtij investimi nga ana e BE.

Projekti do të realizohet në bashkëpunim me Qendrën për Iniciativa për Zhvillim të Qendrueshëm të Turizmit (CSTI) në Malin e Zi dhe Deliart Association.

Cikel leksionesh te hapura me teme: "Komunikimi si Problem, Burim ose Rrezik"

Instituti Shqiptar për Çështjet Publike (AIPA), në bashkëpunim me Universitetin Marin Barleti ju ftojnë në një cikël leksionesh të hapura nëpërmjet projektimit te filmave me teme: "Komunikimi si Problem, Burim ose Rrezik".

Giovanni Bechelloni, profesor i Sociologjisë së Komunikimit dhe Studimeve Kulturore në Universitetin e Firences, Itali si dhe President i ICAS-CoMUNDUS (International Center for Advanced Sociological Studies), duke sjellë filma të ndryshëm si shembuj konkret, për të trajtuar shkencën e komunikimit si problem kulturor në shoqëri.

Leksionet do të zhvillohet nga 19-21 dhe 23 Mars, 2012, në orën 09:30-12:30 në sallën A-24, në kampusin 1 të Universitetit Marin Barleti (pranë Liqenit Artificial).

Jeni të mirëpritur!

Studentet e IT-se konkurojne ne Imagine Cup 2012

Në datën 15 mars 2012 Microsoft Albania organizoi konkursin kombëtar Imagine Cup 2012. Në këtë konkurs morën pjesë shkolla dhe universitete të ndryshme publike dhe private. Tema e konkursit ishte: "Të imagjinojmë një botë më të mirë, ku njerëzit fuqizohen nga teknologjia."

Universiteti Marin Barleti u prezantua me projektin Wikipedia e Mjekësisë Shqiptare, projekt i realizuar nga studentët Fatjon Kapllanaj, Enes Kola dhe Mirjan Petro, nën udhëheqjen e pedagogut Andi Gjokutaj.

Projekti synonte realizimin e një portali, ku përdoruesve t'u ofrohej mundësia e një informacioni të plotë dhe transparent në lidhje me shërbimin shëndetësor në Shqipëri, si dhe me rritjen e kulturës shëndetësore tek përdoruesit. Projekti ishte i ideuar në ngritjen e një faqeje interneti, ku përdoruesit të kishin mundësinë të kërkonin online informacione rreth spitaleve apo klinikave të ndryshme shqiptare, duke i treguar ato në hartë dhe me një shkrim plotësues, që do të sqaronte përdoruesin për shërbimet që ofrohen në këto spitale apo klinika. Pjesë tjetër e këtij projekti ishte edhe kërkimi i sëmundjeve të ndryshme që shqetësojnë komunitetin shqiptar. Në këtë pjesë çdo përdorues mund të gjejë informacion se çfarë është sëmundja e kërkuar, nga se shkaktohet dhe cilat janë hapat që duhen ndërmarrë, në mënyrë që përdoruesit të orientohen në sigurimin e shërbimit mjekësor në vendin dhe në kohën e duhur pranë institucioneve mjekësore të specializuara. Pjesa e tretë e faqes kishte të bënte me kërkimin e mjekëve të ndryshëm që punojnë në këto institucione, si dhe me njohjen e kurrikulave të tyre mjekësore nga ana e përdoruesve.

Projekti i paraqitur ngjalli interes tek të pranishmit jo vetëm si një risi e re në fushën e informacionit elektronik, por mbi të gjitha për vlerat në zbatimin praktik të tij si një wikipedia e mjekësisë shqiptare.

Ky konkurs, si ballafaqim vlerash, ishte një eksperiencë e mirë për realizimin në të ardhmen të projekteve më madhore në fushën e teknologjisë së informacionit.

Tavolinë e rrumbullakët rreth rolit të dialogut në ndryshimin e sistemit autoritar në Poloni dhe Hungari

Në kuadër të ciklit të leksioneve të hapura, ku të ftuar janë personalitete të fushave të ndryshme, brenda dhe jashtë vendit, dhe diplomatë të akredituar në vendin tonë, Institutit Shqiptar për Çështje Publike, në bashkëpunim me Universitetin "Marin Barleti", zhvilloi në datë 13 mars 2012, një tryezë të rrumbullakët dhe leksion të hapur mbi "Rolin e dialogut në ndryshimin e sistemit politik autoritar në Poloni dhe Hungari: një eksperiencë e vyer në zbutjen e konflikteve në periudhën e tranzicionit post komunist".

Të ftuar në këtë aktivitet ishin ambasadorët e Polonisë dhe të Hungarisë në Tiranë, respektivisht Znj. Irena Tatarzynska dhe Z. Janos Huzsar.

Drejtori i Institutit Shqiptar për Çështje Publike, Dr. Artan Puto, duke falënderuar të dy ambasadorët për prezencën e tyre dhe kontributin në këtë traditë të Institutit në bashkëpunim me Universitetin, ju dha fjalën të ftuarve për të folur mbi rëndësinë kyçe të Tryezave të Rrumbullakëta në të dy vendet dhe kontekstin historik në të cilin ato u zhvilluan.

Prezantimet e të dy ambasadorëve, dhe më pas diskutimi, u fokusuan tek vështirësitë që kanë hasur këto vende ish-komuniste në bisedimet për rrëzimin e sistemit komunist, për garantimin e një kalimi paqësor nga një regjim në tjetrin dhe për domosdoshmërinë e vullnetit për kompromis të të gjitha palëve, veçanërisht të grupeve të opozitës, gjatë kësaj periudhe dhe më pas.

"Statusi i gruas në Shqipëri, vështruar nga këndi i të drejtave të njeriut. Arritje dhe vështirësi" nga Gender Academy

Në datë 13 mars 2012, Akademia NULLGender edhe...NULL, pranë Institutit Shqiptar për Çështje Publike, në bashkëpunim me Universitetin "Marin Barleti", zhvilloi aktivitetin e saj të parë publik, një diskutim të hapur me temë: "Statusi i gruas në Shqipëri, vështruar nga këndi i të drejtave të njeriut. Arritje dhe vështirësi".

Në aktivitet morën pjesë studiues dhe ekspertë të barazisë gjinore, personalitete me kontribut në përmirësimin e pozitës së gruas, pedagogë të së drejtës dhe të shkencave sociale në UMB. Gjithashtu mori pjesë Dr. Eglantina Gjermeni, deputete e Kuvendit të Shqipërisë, veprimtare e njohur për mbrojtjen e të drejtave të gruas në Shqipëri.

Rektori i UMB, Prof. Marenglen Spiro, uroi "Akademinë Gender edhe.." për punë të suksesshme, duke shprehur besimin në ekspertizën e pedagogëve të universitetit tonë dhe në bashkëpunimin me aktorët e tjerë socialë, publikë dhe jo publikë të vendit.

Drejtori i ISHÇP, Dr. Artan Puto, shpjegoi shkurtimisht rolin dhe synimet e "Akademisë Gender edhe.." për tNULLu shndërruar në një qendër studimore dhe informacioni për problematikat gjinore, por jo vetëm. Ajo do të fokusohet në të gjitha shtresat dhe grupet sociale që vuajnë margjinalizimin për shkaqe të ndryshme, si varfëria, gjinia, etnia, mosha, paaftësia etj. Gjithashtu kjo Akademi do të jetë pjesë aktive e gjithë rrjetit social të krijuar në Shqipëri, që ka si mision krijimin e klimës që favorizon jo vetëm legjislacionin mbi të drejtat, por edhe zbatimin e efektshëm të tyre në jetë.

E ftuar për fjalën kryesore ishte Dr. Judith Knieper, e cila ka një përvojë të pasur pune në Shqipëri dhe në vende të tjera të rajonit tonë. Ajo bëri një analizë të situatës aktuale të gruas jo vetëm në Shqipëri, por edhe në vendet e tjera të Ballkanit Perëndimor, duke u mbështetur në të dhëna dhe instrumente konkretë matës për çështjet e pabarazisë gjinore.

Fjala e Znj. Knieper u pasua nga prezantimet e dy pedagogeve të UMB, Drnt. Elona Bano dhe Drnt. Migena Kapllanaj, të cilat e fokusuan prezantimin e tyre tek të drejtat dhe roli i grave në kohë të ndryshme, si dhe tek statusi i tyre social-ekonomik në ditët e sotme.

Diskutimi me pjesëmarrësit dhe pjesëmarrëset u fokusua tek këndvështrimi i burrave, por edhe i vetë grave, mbi çështje të ndryshme që u takojnë të dy gjinive, mbi të drejtat e tyre, si dhe mbi përmbushjen e detyrimeve dhe raportimit të Shqipërisë në kuadër të Konventës së OKB-së për eliminimin e të gjitha formave të diskriminimit kundër grave, CEDAW.

Nga ky forum u sugjeruan edhe përmirësime ligjore, veçanërisht lidhur me ndryshime të mundshme në Kodin Zgjedhor.

Ky aktivitet do të pasohet nga aktivitete të tjera në kuadër të AGP dhe nga botime të ndryshme në fushën e të drejtave të njeriut.

Zhvillohet forumi "Shkolla dhe mesuesit e rinj".

Departamenti i Sociologjisë, Psikologjisë & Edukimit organizoi në kuadrin e festës së 7 Marsit forumin: "Shkollat & mësuesit e rinj: Përvoja dhe sfida".

Prof. Michael Totterdell dhe Dr. Lekë Sokoli prezantuan dy çështje të rëndësishme për arsimin e mesëm dhe të lartë në Shqipëri.

Prof. Michael Totterdell, Prorektor për Kërkimin dhe Studimet Pasuniversitare në Universitetin Marin Barleti, prezantoi temën me titull: "Përgjegjësia dhe llogaridhënia: drejtuesit "mashtrues" të shkollës dhe promovimi i mësuesve të rinj në Angli". Në këtë punim u paraqit roli dhe promovimi i mësuesve të rinj në Angli dhe sa i rëndësishëm është motivimi për ta.

Dr. Lekë Sokoli, Prorektor i Çështjeve Studentore në Universitetin Marin Barleti, prezantoi temën me titull: "Arsimi dhe mësuesia në perceptimin e qytetarëve dhe të maturantëve shqiptarë". Ky punim është bazuar në dy sondazhe kombëtare. I pari është realizuar me 1364 të anketuar në 11 qarqe të Shqipërisë, mbi problemet sociale dhe ndikimin e arsimit; i dyti është realizuar me 2700 maturantë nga 38 shkolla të mesme të Tiranës dhe nëntë rretheve të tjera, si Durrësi, Vlora, Fieri, Berati etj. Nga 38 shkollat e përfshira në sondazh, 16 prej tyre ishin shkolla të mesme jopublike.

Ky referim është leksioni i dytë i hapur në kuadrin e kërkimit shkencor, organizuar nga Departamenti i Sociologjisë, Psikologjisë dhe Edukimit, i cili zhvillon çdo muaj, sipas një kalendari të përcaktuar, një leksion të hapur në ambientet e Universitetit Marin Barleti.

Të pranishëm në këtë aktivitet ishin mësues të shkollave të mesme të Tiranës, Durrësit, Shkodrës, Lushnjës dhe rretheve të tjera, si dhe pedagogë e studentë të UMB-së.

Në fund të dy prezantimeve pati debat dhe pyetje nga pjesëmarrësit lidhur me nivelin e shkollave të mesme në Shqipëri, aftësitë pedagogjike të mësuesve të ciklit të ulët dhe parauniversitar, nivelin arsimor të maturantëve, rëndësinë e shkollave të mesme dhe të larta profesionale dhe arsimin brenda apo jashtë vendit. Pjesëmarrësit shfaqën interes për çështjet e diskutuara dhe falënderuan organizatorët dhe dy profesorët.

Panel ndërgjegjësues rreth mbrojtjes së të dhënave personale në universitetin "Marin Barleti"

Universiteti "Marin Barleti", në bashkëpunim me Komisionerin për Mbrojtjen e të Dhënave Personale, organizoi ditën e mërkurë, dt.7 mars 2012, ora 12:00 - 13:30, ne sallën A-24, një panel ndërgjegjësues rreth problematikës së mbrojtjes së të dhënave personale në Republikën e Shqipërisë.

Për herë të parë me ligjin nr.9887, datë 10.03.2008, krijohet Autoriteti Mbikëqyrës i pavarur, për mbrojtjen e të dhënave personale. Komisioneri Për Mbrojtjen e të Dhënave Personale, është institucion qendror, i pavarur, me vendimmarrje individuale i administratës publike i krijuar me ligj. Rreth ligjit nr. 9887 dt. 10.3.2008 mbajti një kumtesë të plotë dhe shumë të vlefshme Drejtoresha e Çështjeve ligjore dhe Marrëdhënieve me Jashtë, znj. Anola Shala, e cila prezantoi rëndësinë e miratimit të këtij ligji, e zbatimit të tij si dhe veçoritë e legjislacionit shqiptar përballë atij evropian dhe amerikan.

Aktiviteti vazhdoi me prezantimin e Drejtorit për Marrëdhëniet me Publikun, z. Igli Pira i cili përveç një pasqyrimi të gjerë rreth institucionit të Komisionerit për Mbrojtjen e të Dhënave Personale, trajtoi edhe një temë me shumë interes për të rinjtë: Rrjetet sociale dhe rreziqet që sjell përdorimi i tyre. Specialistja e Marrëdhënieve me Publikun Alekta Koja trajtoi konceptin e privatësisë dhe sa të kërcënuar jemi gjithsecili prej nesh, i cili fare lehtë bie pre e botës virtuale dhe nuk mban parasysh faktin që diçka e publikuar në internet, mbetet publike edhe atëherë kur ne mendojmë që mund tNULLa kemi fshirë nga servera të ndryshëm.

Një vëmendje e veçantë nga specialisti i Teknologjisë së Informacionit, Z. Neritan Sulaj ju kushtua sigurisë së informacionit. Z. Sulaj trajtoi gjerësisht konceptin e "cookies" si elemente elektronike të cilat kontrollojnë kryesisht sjelljen e përdoruesve të internetit.

Në mbyllje të këtij aktiviteti pedagogia e Fakultetit të Drejtësisë, Elona Bano trajtoi problematikën e të drejtave të njeriut dhe krimit kibernetik në Shqipëri. Një theks u vendos në: llojet më të shpeshta të krimit kibernetik; në faktin se si të drejtat themelore të njeriut që nga liria e mendimit, besimit dhe fjalës e deri tek e drejta për privatësi dhe për jetë mund të cënohen nga realiteti virtual. Ky prezantim u pasurua me kazuse konkrete si dhe me statistika të viteve të fundit të përpiluara nga FBI dhe CIA.

Përfaqësuesit e këtij institucioni së bashku me studentë dhe pedagogë të Universitetit "Marin Barleti" zhvilluan një diskutim aktiv dhe çfarë është më e rëndësishmja informues duke bërë që aktiviteti të arrinte qëllimin e tij, pra ndërgjegjësimin e auditorit.

Të pranishmëve ju shpërndanë materiale ndërgjegjësuese të përgatitura nga ky institucion. Bashkëpunimi me institucionin e Komisionerit për Mbrojtjen e të Dhënave Personale do të vazhdojë dhe në të ardhmen me anë të disa seminareve që do të zhvillohen në kuadrin e disiplinës "Të drejtat e njeriut".

Barletasin nxjerrin botimin e 10-te, i revistes "Zerave Studentore".

Ky numër tenton të përcjellë mendimet e rinisë Shqiptare në tërësi, duke filluar nga një gjimnazist ambicioz që kërkon zërin e fuqisë rinore, e duke vazhduar me studentet e UMB-së, të cilët kërkojnë të zbërthejnë realitetin politik e shoqëror në Shqipëri. E midis këtyre faqeve, gjejmë edhe një aktivist të lirisë, Martin Luther King, Jr., në kujtim të Ditës së tij, e cila festohet kombëtarisht, të Hënën e tretë të Janarit në SHBA, por mbi të gjitha për të marrë frymëzim nga fjalimi i tij historik "I have a dream - Unë kam një ëndërr!" Muaji Shkurt është gjithashtu muaji i të dashuruarve e si rrjedhojë mund të lexoni mbi prejardhjen e festës së Shën Valentinit dhe mënyrat e ndryshme si festohet ajo. Dhe ne fund, ftojmë të gjithë studentët e gjimnazistët, që të shfrytëzojnë këtë portal për të shprehur ndjenjat, mendimet dhe dëshirat e tyre më të thella, si një përpjekje që "zërat rinorë" të dëgjohen edhe më fuqishëm. Lexim të këndshëm!

Leksion i hapur ne Vlorë nga Prof. Michael Totterdell me temë "New Horizons for teaching and learning" - Horizonte të reja për mësimdhënien dhe mësimnxënien".

Ditën e mërkurë, datë 29 shkurt, ora 16:30 – 18:30, në shkollën jopublike Internacional, Vlorë, u organizua një leksion i hapur për studentët e Universiteti Marin Barleti dhe masterit profesional "Mësimdhënia dhe të nxënit" në qytetin e Vlorës. Të ftuar ishin edhe përfaqësues të Drejtorisë Arsimore të qytetit të Vlorës, drejtues e mësues të Shkollës Internacional, drejtues e mësues të shkollave të qytetit të Vlorës dhe të zonave të tjera përreth.

Prof. Michael Totterdell, Prorektor për Kërkimin dhe Studimet Pasuniversitare në Universitetin Marin Barleti, në leksionin me temë: "New horizons for teaching and learning", foli rreth tendencave më të reja në fushën e edukimit.

Z. Brad Hornback, doktorant në Universitetin e Clemsonit në Karolinën e Jugut, SHBA, foli rreth studimeve doktorale "Studime ndërkombëtare për familjen dhe komunitetin", të cilat ofrohen nga Universiteti Clemson dhe pritet të ofrohen për studentët shqiptarë dhe nga Ballkani së shpejti në ambientet e Universitetit Marin Barleti.

Profesor Totterdell ndau me pjesëmarrësit kontributet kërkimore nga studimet më të fundit në fushën e mësimdhënies dhe eksperiencën e tij prej disa dekadash në fushën e edukimit në vende të ndryshme të botës, si në Britaninë e Madhe, Shtetet e Bashkuara, Hong Kong, Sri Lanka dhe një sërë vendesh të Bashkimit Evropian. Ai u ndal veçanërisht në shtjellimin e procesit të edukimit si një proces që zgjat gjatë gjithë jetës nga bashkëveprimi i të gjithë institucioneve të shoqërisë dhe komunitetit, në mënyrë të veçantë nga shkolla si institucion. Ai theksoi rëndësinë që ka mësuesi në cilësinë e edukimit të brezit të ri, duke e përkufizuar atë si aktorin kyç më të rëndësishëm që ka në duart e tij jo vetëm moralin e një profesioni fisnik, por edhe përgjegjësinë e edukimit të gjeneratave të reja.

Z. Brad Hornback e përqendroi diskutimin e tij në rëndësinë që ka shkolla si institucion në zhvillimin e komuniteteve. Ai gjithashtu theksoi rëndësinë që ka ky program doktoral në Shqipëri dhe Ballkan jo vetëm për këndvështrimin multidisiplinar dhe njëkohësisht ndërkombëtar që sjell, por edhe për trajnimin e kërkuesve shkencorë në fushën e familjes dhe komunitetit në Shqipëri dhe rajon.

Leksioni u zhvillua në bibliotekën e Shkollës Internacional, një konstruksion modern dhe bashkëkohor që ilustronte më së miri vizionin e ardhshëm të edukimit.

Pjesëmarrësit shfaqën interes për çështjen në fjalë dhe falënderuan organizatorët dhe dy profesorët. Per te interesuarit, nje kopje e prezantimit te Prof. Totterdell, ju lutem klikoni ketu

UMB nënshkruan kontratë bashkëpunimi me Institutin Kombëtar të Arkitekturës (INARCH), Itali

Universiteti Marin Barleti nënshkruan kontratën e bashkëpunimit me Institutin Kombëtar të Arkitekturës (INARCH) në Regio Lazio, Itali. Duke konsideruar zhvillimin akademik dhe bashkëpunimin shkencor me avantazh të përbashkët nga të dy institucionet, dhe me dëshirën për të përforcuar të tilla lidhje, ky bashkëpunim nënkupton shkëmbime të shumta të specialistëve dhe të studentëve për praktika dhe pjesëmarrje në konferenca e simpoziume.

Gjithashtu, parashikohen organizime të përbashkëta të aktiviteteve studimore e projektuese dhe, sidomos me rëndësi për Universitetin Marin Barleti aktualisht, kontributi i përbashkët në formimin e dy programeve të studimit Master Profesional në fushën e arkitekturës, dizajnit dhe urbanizmit. Konkretisht programet sipas titujve janë: 1. Eko-Arkitekturë, 2. Arkitekturë me profile: Arkitekturë Industriale, Arkitekturë e Interierit, Peizazh i Territorit Urbanistik Mesdhetar.

UMB nënshkruan kontratë bashkëpunimi me Institutin Kombëtar të Arkitekturës (INARCH), Itali

Me rastin e 7 Marsit, zhvillohet forum me temë "Shkolla dhe Mësuesit e Rinj"

Departamenti i Sociologjisë, Psikologjisë dhe Edukimit zhvillon forumin me temë "Shkolla dhe Mësuesit e Rinj", ditën e Hënë, 5 Mars, 2012, në orën 13:00, në Universitetin Marin Barleti, (pranë Liqenit Artificial) në Tiranë.
Programi përmban:
I. Prezantim:
1. "Përgjegjësia dhe llogaridhënia: drejtuesit "mashtrues" të shkollës dhe promovimi i mësuesve të rinj në Angli" "Accountability and responsibility: "rogue" school leaders and the induction of new teachers in England" nga Prof. Michael Totterdell,PhD, Angli
2. "Arsimi dhe mësuesia në perceptimin e qyetarëve dhe të maturantëve shqiptarë" "Education and teaching in the perception of Albanian citizens and high school seniors" nga Dr. Lekë SOKOLI, Universiteti Marin Barleti

II. Debat:
- "Shkolla & mësuesit e rinj: Përvoja & Sfida"

Jeni të mirëpritur!

Fakulteti i Shkencave Sociale pranë jush me vetëm një klikim

Universiteti Marin Barleti hap faqen zyrtare të Fakultetit të Shkencave Sociale, duke e sjellë atë pranë jush vetëm me një klikim http://social.umb.edu.al Fakulteti i Shkencave Sociale, i drejtuar nga Dr. Saemira Pino, është ndër fakultetet e krijuar rishtazi në Universitetin Marin Barleti dhe ofron një program të plotë studimesh universitare, që shtrihen në tre vite akademike, në fushat e qeverisjes, politikave dhe komunikimit, si dhe në ato të sociologjisë, të psikologjisë dhe të edukimit.

Ne i japim rëndësi kohës suaj të shtrenjtë, prandaj vijmë pranë jush me anë të kësaj faqeje, ku do të mund të gjeni informacion të detajuar mbi programet e studimeve Bachelor me kohë të plotë dhe kohë të pjesshme, minorët, profilet dhe të gjitha programet Master që ofron Fakulteti i Shkencave Sociale. Në faqen tonë do të mund të gjeni informacion edhe mbi strukturën dhe pedagogët e Fakultetit.

Ju ftojmë të vizitoni faqen tonë, ku jo vetëm që do të mund të ndiqni të gjitha lajmet dhe aktivitetet e Fakultetit, por do të keni edhe mundësinë që, për çdo informacion të mëtejshëm, të kontaktoni drejtpërsëdrejti me pedagogët dhe drejtuesit e Fakultetit.

Ftesë për konkurs në Universitetin "Marin Barleti"

Universiteti �Marin Barleti" në vazhdimësi të projektit Mendart ju fton të merrni pjesë në konkursin letrar rreth kryeveprës letrare "Krim dhe ndëshkim" të Dostoievskit, i cili do të zhvillohet në muajt mars-prill në tre faza:
Faza e parë:
- Dërgimi i eseve rreth librit në adresën e e-mailit student.dean@umb.edu.al apo students.center@umb.edu.al brenda datës 15 mars 2012 të redaktuara.

Eseja duhet të jetë jo më shumë se 10 faqe A4 dhe jo më pak se 7 faqe A4, gërmat "Time new romans", madhësia 12 me hapësirë 1.5 mes rreshtave. Eseja duhet të respektojë të gjithë rregullat e drejtshkrimit të gjuhës shqipe përfshirë gërmat "ë" dhe "ç".

Faza e dytë:
- Konkurs tip "Quiz" pranë UMB-së me përfaqësuesit e eseve më të mira. Dt 23 mars 2012. Në funksion të pjesëmarrësve do të bëhet ndarja në skuadra. Në konkurs duhet të marrin pjesë të gjithë ata që kanë kaluar fazën e parë, ndërkohë që për mbështetje mund të thërrasin edhe kolegët e tyre. Kjo ndarje do të bëhet sipas disa kritereve të cilat i parashtrojmë si më poshtë duke ju lënë mundësi zgjedhjeje:
a. Do të donit të ishit të ndarë sipas fushave të interesit (sociologji, psikologji apo drejtësi)
b. Do donit të ishit të ndarë sipas shkollave të mesme nga vini duke pasur pyetje nga të gjitha sferat e sipërpërmendura
c. Do të donit të ishit të ndarë rastësisht në grupe me qëllim një përfaqësim sa më neutral dhe objektiv
d. Do donit të ishit të ndarë sipas një kriteri tjetër: përmendni cili është ky kriter.

Faza e tretë
- Shfaqja e filmit "Krim dhe Ndëshkim" në ambientet e UMB-së dhe shpërndarja e çmimeve si dhe certifikatave për pjesëmarrësit.

Temat për ese:
1. Sa mundet të influencojë shoqëria në karakterin e një njeriu? A mundet ta shpërfytyrojë atë? Po dashuria dhe e mira a kanë ndonjë rol mbi individin dhe karakterin e tij?
2. Individi është produkt i shoqërisë apo shoqëria produkt i më shumë individëve?
3. E mira dhe e keqja / kë zgjedh njeriu? A mundet të zgjedhi të bëjë në emër të drejtësisë një veprim të pamoralshëm dhe të paligjshëm?
4. Libri "Krim dhe ndëshkim" � një "manual i shpëtimit dhe pastrimit të shpirtit"
5. Një i ri student, me një formim të mirë dhe nga një familje me traditë detyrohet të vrasë një grua e cila jepte para me fajde. Cili është ndryshimi mes nje krimineli i cili në të njëjtën kohë është edhe një njeri i jashtëzakonshëm me ideale dhe një njeriu shteti?
6. A lindin njerëzit kriminelë apo ata kthehen në kriminelë?
7. Cdo krim vrasjeje është gjithmonë i paramenduar apo ndonjëherë ështe edhe spontant detyruar nga rrethanat?
* Cdo temë tjetër rreth këtij romani mund të pranohet

Pesë punimet më të mira do të botohen në muajt e ardhshëm të revistës "Zëra Studentorë" organ i shkruar i studentëve të Universitetit "Marin Barleti".

Universiteti "Marin Barleti" u miratua sot si Qendër Testuese e Pearson Language Tests of English.

Universiteti "Marin Barleti" u miratua sot si Qendër Testuese e Pearson Language Tests of English. Kodi i regjistrimit të kësaj Qendre është 80056.

Grupi i specialistëve i ngritur për këtë Qendër është i gatshëm për realizimin e detyrave të kësaj Qendre, duke u shërbyer studentëve të UMB-së dhe pulikut të gjerë.

Universiteti "Marin Barleti" merr statusin e partnerit akademik global (Global Academic Partner) të Institutit Arsimor Amerikan të Hoteleri- Turizmit.

Universiteti "Marin Barleti" është i vetmi Universitet Shqiptar që merr statusin e partnerit akademik global (Global Academic Partner) të Institutit Arsimor Amerikan të Hoteleri- Turizmit (American Hotel & Lodging Educational Institute -AHLEI) (http://www.ahlei.org/). AHLEI është një oranizatë jo-fitimprurëse themeluar në 1953 dhe aktualisht është prezente në më shumë se 60 vende në Europë, Azi, Afrikë, Lindjen e Mesme, dhe Amerikën Latine. Me marrjes e statusit GAP, Universiteti "Marin Barleti" mund të ofrojë kurse në industrine e Hoteleri- Turizmit të njohura ne mbarë-boten dhe në përfundim të tyre të ofrojë Certifikatën e AHLEI për operacione në industrine e Hoteleri- Turizmit.

Pas nënshkrimit të marrëveshjes, e cila pritet të realizohet me datë 8 Mars 2012 në Berlin gjate panairit ndërkombëtar të turizmit më të madh në botë (http://www.itb-berlin.de/en), Universiteti mund te përdorë materialet akademike të AHLEI dhe të japë certifikata të njohura ndërkombëtarisht nga AHLEI si pjesë e Diplomës në Menaxhim Hoteleri-Turizëm të ofruar nga ai vetë.

Në këtë mënyrë, Universiteti "Marin Barleti" bëhet pjesë e rrjetit botëror të mbi 2500 Institucioneve që ofrojnë kurse të AHLEI që përfshin: Cornell University (SHBA), Johnson & Michigan State University (SHBA), Purdue University (SHBA), University of Delaware (SHBA), University of Nevada Las Vegas (SHBA), Indira Gandhi National Open University (Indi), William Blue College of Hospitality (Australi), Swiss Hotel Management School (Zvicër), dhe shumë Universitete të njohura në menaxhimin e operacioneve të hoteleri-turizëm.

EDIC në shkollat e mesme të Fierit

Sot më datë 23 Shkurt stafi i EDIC zhvilloi disa takime me nxënësit e shkollave të mesme në qytetin e Fierit.Gjatë takimeve pedagogët e UMB-së, të cilët janë pjesë e stafit të EDIC, prezantuan nismën e re të qendrës. Nisma konsiston në një konkurs për punimin më të mirë në përgjigje të katër çështjeve të propozuara nga pedagogët.

Pyetjet kishin për qëllim identifikimin e aftësive diagnostikuese, konceptuale dhe prognozuese të të rinjve për të identifikuar mundësi biznesi. Iniciativa synon të angazhojë të rinj jashtë skemave tradicionale në mënyrë që gradualisht të zhvillojë potencialin sipërmarrës. Pyetjet të cilave studentet duhet t’u jepnin përgjigje me anë të punimit janë:

1. Çfarë ndryshimesh apo mundësish në industri parashikoni të zhvillohen në 5 apo 10 vjetët e ardhshëm?
2. Çfarë inovacionesh ose teknologji të reja do të drejtojnë këto mundësi ndryshimesh botërore?
3. Cilat rajone të botës kanë potencialin më të madh për të zhvilluar këto mundësi? Për cilat ju vetë jeni më të interesuar?
4. Cilat aftësi ju nevojiten për të zhvilluar në mënyrë që të përfitoni nga këto mundësi?

Studentët e interesuar janë të ftuar për të komunikuar për informacion të mëtejshëm në: edic.center@umb.edu.al

Fakulteti i Drejtësisë pranë jush me vetëm një klikim

Universiteti Marin Barleti lançon faqen zyrtare të Fakultetit të Drejtësisë duke e sjellë atë pranë jush me vetëm një klikim http://law.umb.edu.al
Ne i japim rëndësi kohës suaj të shtrenjtë prandaj vijmë pranë jush me anë të kësaj faqeje ku do të mund të gjeni informacion të detajuar mbi programet e studimeve bachelor me kohë të plotë dhe kohë të pjesshme, minorët, profilet dhe të gjitha programet master që ofron Fakulteti i Drejtësisë. Në faqen tonë do të mund të gjeni informacion edhe mbi strukturën dhe pedagogët e Fakultetit.
Ju ftojmë të vizitoni faqen tonë në të cilën jo vetëm që do të mund të ndiqni të gjitha lajmet dhe aktivitetet e Fakultetit por do të keni edhe mundësinë që për çdo informacion të mëtejshëm, të kontaktoni drejtpërsëdrejti me pedagogët dhe drejtuesit e Fakultetit. Ju mirëpresim!

Universiteti "Marin Barleti" merr pjesë në projektin Tempus "Zhvillimi i edukimit të të drejtave të njeriut në arsimin e lartë"

Universiteti "Marin Barleti" është një ndër tre Universitetet e Shqipërisë, që është bërë pjesë e projektit "Të zhvillojmë më tej edukimin e të drejtave të njeriut në arsimin e lartë", financuar nga programi TEMPUS i Komisionit Evropian.

Projekti lidh në një rrjet bashkëpunues partneriteti, universitete të rajonit të Ballkanit Perëndimor, një nga Kosova, dy nga Mali i Zi, dy nga Bosnja-Herzegovina dhe tre Serbia, si dhe universitete me ekspertizë të dalluar në këtë fushë nga Gjermania, Suedia, Irlanda dhe Mbretëria e Bashkuar. Rolin e drejtuesit të projektit e ka Universiteti i Roehamptonit, në Mbretërinë e Bashkuar.

Projekti do të zgjasë 3 vjet, deri në tetor 2014 dhe synon të krijojë një kulturë të qëndrueshme të njohjes dhe respektimit të të drejtave të njeriut, jo vetëm brenda mjediseve studentore, por edhe me gjerë, duke kërkuar mbështetjen dhe kontributin edhe të shoqërisë civile dhe OJF.

Ai synon zhvillimin e mëtejshëm të kurrikulave lidhur me të drejtat e njeriut, që çështjet e të drejtave të njeriut të kapërcejnë kufijtë tradicionalë dhe të bëhen pjesë integrale e disiplinave jo vetëm juridike, por edhe të disiplinave të tjera sociale dhe më gjerë. Qëllimi i përmirësimit të kurrikulave në këtë drejtim, është si arritja e standardeve të Bashkimit Evropian, ashtu edhe promovimi i të drejtave, përvehtësimi dhe zbatimi i tyre nëpërmjet praktikave më të mira.

Projekti parashikon shkëmbimin e përvojave në veprimtaritë rajonale që do të zhvillohen si dhe pjesëmarrjen e studentëve në këtë proces.

Në datat 27 - 31 janar 2012 u zhvillua në Londër takimi i parë i Komitetit Drejtues të projektit, në të cilin mori pjesë Dr. Saemira Pino - Gjipali, Dekane e Fakultetit të Shkencave Sociale në cilësinë e drejtueses së projektit për Universitetin "Marin Barleti".

Veprimtaria e parë rajonale u vendos të zhvillohet në Tiranë, në javën e fundit të majit të këtij viti.

Botohet numri i 9-të i revistës "Zëra Studentorë"

Barletasit nxjerrin numrin e rradhës te "Zërave Studentorë". Në këtë numër lexuesi mund të lexojë mbi aktivitetet studentore që kanë zhvilluar studentët e UMB-se gjatë periudhës Tetor-Dhjetor, 2011, siç janë vizitat në kampus në kuadër të Stinës së Librit nga Blendi Fevziu e Loer Kume, takimi në Kosovë me akademikun Rexhep Qosja, vizita në qytetin e Dubrovnikut, etj. Shkarkoni këtu versionin pdf. të këtij botimi. Nëse dëshironi një kopje të botuar, atë mund ta gjeni pranë recepsionit, në hollin kryesor të Kampusit I. Lexim te këndshëm!

Prezantohet libri "Tradita, nacionalizmi dhe komunizmi në Shqipërinë bashkëkohore" i anëtarit të Bordit, z. Paolo Rago

Më 16 shkurt 2011, në ambientet e Hotel Rogner EuropaPark, u promovua libri i njërit prej anëtarëve të Bordit të Univesitetit Marin Barleti, z. Paolo Rago, me titull: "Tradita, Nacionalizmi dhe Komunizmi në Shqipërinë Bashkëkohore", botuar nga shtëpia botuese NULLDudajNULL.

Në këtë veprimtari, të organizuar nga Ambasada Italiane në Tiranë në bashkëpunim me Institutin e Kulturës Italiane dhe Universitetin Marin Barleti, ishin të pranishëm personalitete të spikatura të fushës diplomatike, politike dhe akademike, ndër të cilët edhe ish-Presidenti i Republikës, z. Rexhep Meidani, aktualisht kryetar i Bordit të Universitetit Marin Barleti dhe njëkohësisht pedagog i tij.

Për prezantimin e librit referuan: Presidenti i Republikës së Shqipërisë, z.Bamir Topi; Ambasadori italian në vendin tonë, Masimo Gaiani; Shefi i Seksionit Politik të Delegacionit të Bashkimit Evropian në Tiranë, Klaijv Rumbold; Drejtoresha e Arkivit të Shtetit, Nevila Nika; profesori, Augusto DNULLAnxhelo i Universitetit të Romës "La Sapienca" .

Kreu i Shtetit shqiptar, z. Bamir Topi, duke marrë fjalën gjatë këtij aktiviteti të rëndësishëm historiko-kulturor, përshëndeti prezantimin e këtij botimi dhe falenderoi profesor Ragon, Universitetin "La Sapienza", Universitetin "Marin Barleti" si dhe Shkëlqesitë Ambasadorë, për kontributin dhe sjelljen para publikut të këtij libri interesant.

"Autori dhe libri kanë edhe simbolikën e njohjes që vjen nga fqinji tjetër i Adriatikut, Italia, një vend mik dhe me lidhje historike. Gjej rastin ta shpreh mirënjohjen e thellë zyrtare, personale, por në këtë rast edhe akademike për të gjithë ata studiues dhe historianë italianë që kanë zgjedhur tNULLu kushtojnë vepra të tyre tematikave që lidhen me Shqipërinë dhe me shqiptarët. Punimet e tyre, përfshirë edhe librin që prezantojmë sot, përbëjnë një ndihmesë të madhe për një auditor të gjerë akademik e universitar në Shqipëri, për një këndvështrim më profesional për historinë, ngjarjet e personazhet historike, raportet tona me fqinjët dhe pjesën tjetër të botës, arritjet dhe problemet, imazhin, mitet dhe realitetet, si dhe tiparet themelore që për ne përbëjnë identitetin tonë kombëtar dhe evropian", u shpreh z.Topi.

Mbi autorin dhe librin:
Paolo Rago (Romë, 1958) jeton prej rreth njëzet vjetësh në Shqipëri ku ka punuar pranë Drejtorisë së Përgjithshme të Kooperacionit Italian, UNICEF-it, Bankës Botërore dhe organizatave të tjera ndërkombëtare në cilësinë e koordinatorit të projekteve të bashkëpunimit. Si kapiten i Rezervës së Përzgjedhur të Ushtrisë Italiane ka marrë pjesë në shumë raste në misionin ndërkombëtar të KFOR-it pranë Zyrës për Bashkëpunimin civilo-ushtarak (CIMIC). Ka bashkëpunuar me Institutin Italian të Kulturës në Tiranë me detyrën e përgjegjësit për përphapjen e gjuhës italiane. Ka qenë shef departamenti i gjuhës italiane pranë universitetit fetar "Zonja e Këshillit të Mirë" të Tiranës. Aktualisht koordinon një projekt të financuar nga Drejtoria e Përgjithshme e Kooperacionit Italian dhe është anëtar i bordit të universitetit privat "Marin Barleti" të Tiranës. Ka mbikqyrur përkthimin në gjuhën shqipe të veprave të eseistëve italianë dhe është autor i teksteve të gramatikës italiane si dhe i eseve dhe artikujve për Shqipërinë.

Studimi i historisë dhe ngjarjeve të popullit shqiptar duhet të shihet si një gur i veçantë në mozaikun më të gjerë që përfaqëson Gadishulli i Ballkanit. Viktima, ndoshta më shumë se të tjerët, të kategorive interpretuese paragjykuese, shqiptarët janë përfytyruar dhe përshkruar përgjithësisht me një stil retorik me shije fantastiko-legjendare. Mbartës të disa veçorive, ndër të cilat mbase më e spikatura është bashkëjetesa që ekziston ndërmjet feve të ndryshme që gjenden në vend, ata kanë prodhuar konceptin më pak të njohur por po aq të rëndësishëm të shqiptarisë. është kjo një formë sui generis e nacionalizmit, e bashkëlidhur me shpirtin e popullit shqiptar, për natyrën e tij i mbyllur ndaj ndikimeve të jashtme, auto-referenciale dhe i projektuar në brendësi të tij. Dukuri origjinale, e shkaktuar si reagim ndaj rreziqeve të jashtme -këto me siguri me karakter të mirëfilltë nacionalist- të kuptuarit e saj bën të mundur shqyrtimin më në thellësi të ngjarjeve të rëndësishme të periudhës rilindase të fundit të shekullit XIX, të viteve të monarkisë së mbretit Zog dhe suksesit të regjimit komunist, duke vendosur të gjitha këto fenomene historike në kornizën e një ekuilibri të qëndrueshëm.

Për tNULLi sqaruar më mirë këto periudha të historisë së vendit na është dukur e udhës të nxjerrim në pah elementet kulturore frymëzuese të veprimtarisë së patriotëve rilindas, duke i bashkëlidhur me mendimin romantiko-kombëtar të zhvilluar në vendet e tjera të rajonit. Po ashtu, analiza dhe interpretimi i shkaqeve të ardhjes në pushtet të Partisë Komuniste shqiptare dhe udhëheqësit të saj, Enver Hoxha, ka dashur të hidhte dritë mbi marrëdhëniet e ngushta me përmbajtjet dhe vlerat më të thella të shprehura te kodet zakonore, ndër të cilat më i rëndësishmi është Kanuni i Lekë Dukagjinit. Të lidhura me njëri-tjetrin nga fije të shumta të përbashkëta, këto aspekte të ndryshme të historisë kombëtare kanë çuar në ndërtimin, të kryer me disa faza, e miteve të shumta për forcimin e kompaktësisë kombëtare, në përpjekjet për modernizmin e vendit, në mungesën e dukshme të koherencës për të pajtuar komunizmin dhe nacionalizmin nëpërmjet kulturës tradicionale.

Njoftohen studentët e sistemit me kohë të plotë se sezoni i provimeve në UMB, për semestrin e parë fillon me datë 13 Shkurt, 2012 dhe mbaron me datë 3 Mars, 2012.

Orari i provimeve sipas lëndëve dhe viteve është në dokumentat ne format pdf. si më poshtë.

Datat e provimeve të sesionit të dimrit 2012 (HMN)
Datat e provimeve të sesionit të dimrit 2012 (EBU)

Ju urojmë SUKSESE!

Mbahet ceremonia e diplomimit Bachelor dhe Master te sistemit me kohe te pjesesshme

Më 11 shkurt 2011, në Universitetin "Marin Barleti" u zhvillua ceremonia e rradhës e diplomimit të studentëve. Veprimtaria u organizua në mjediset e kampusit qendror të UMB-së, me pjesëmarrjen e stafit akademik, anëtarëve të Senatit, miqve dhe të afërmëve të studentëve të diplomuar. Drejtorja e Studimeve me kohë të pjesëshme, Dr. Zamira Çavo hapi ceremoninë, duke i uruar përzëmërsisht diplomantët për arritjet e tyre. Ajo me ngrohtësi u kujtoi vajzave e djemve që sapo përfunduan ciklin e studimeve, ditët e para të fillimit të rrugëtimit të tyre akademik në Universitetin Marin Barleti duke e krahasuar me pikëmbërritjen. Sot theksoi ajo "..falë këtij procesi që e zhvilluam së bashku, ju jeni këtu, në këtë moment të rëndësishëm e të paharruar të jetës tuaj si një nga grupet studentore më të mira, të dalluar për përkushtimin, seriozitetin dhe nivelin cilësor të përgatitjes".

Rektori i Universitetit, Prof. Dr. Marenglen Spiro, duke i përgëzuar studentët, theksoi se arritja e tyre tashmë është shndërruar në vlerë edhe për institucionin, se kjo i bënte të gjithë ata pjesë të krenarisë profesionale dhe njerëzore të UMB. Ai e përfundoi fjalën e tij me urimet më të sinqerta për të ardhmen e tyre profesionale.

Më pas vijuan shpërndarja e diplomave dhe përshëndetjet e të porsadiplomuarve. Në emër të studentëve të ciklit të parë të studimeve, përshëndeti tashmë ish studentja zonjusha Adeila Makashi dhe si përfaqësues i studentëve që kryen me sukses ciklin e dytë të studimeve, zoti Andi Bidollari.

Të ftuar nga Rektori të porsadiplomuarit në mes të entuziasmit dhe gëzimit hodhën lart kapelat, një traditë e bukur kjo tashmë edhe për shkollën tonë.

Trokitja e gotave që përmbylli ceremoninë u shoqërua me urimin :
Suksese në rrugën e gjatë të jetës, në çdo përpjekje dhe iniciativë të ardhshme, të gjithë të diplomuarve nga Universiteti ynë!

Zyra e Karrierës në UMB - Thirrje për aplikim

Zyra e Karrierës në UMB, ju njofton se fondacioni "Friedrich Ebert", në bashkëpunim me IDN (Institutin për Demokraci dhe Ndërmjetësim) dhe OSI Think Tank Fund organizojnë edicionin e II-të të leksioneve të hapura:

"Bota e organizatave studimore (think tanks) konsolidimi i kapaciteteve të komunitetit të studiuesve të rinj"

Kjo iniciativë është konceptuar në formën e një serie leksionesh që ndërthurin aspektet teorike dhe praktike të veprimtarisë së organizatave studimore (think tank) jo-qeveritare si edhe të fokusit të tyre në kërkimin shkencor dhe të aplikuar. Në këtë kuadër, leksionet e hapura do të fokusohen në fusha të ndryshme humane dhe sociale.

Studentët që kanë mbaruar ose janë duke ndjekur aktualisht nivelin e studimeve Master (një ose dy vjeçar) në Shkencat Sociale dhe Humane mund të aplikojnë deri në datën 20 Shkurt 2012, duke dërguar një kopje të CV-së në adresën: careers@umb.edu.al

Seria e parë e leksioneve në edicionin e dytë të iniciativës, do të mbahet në periudhën 3 mars - 30 qershor 2012.

Në përfundim të serisë së leksioneve do të jepet për pjesëmarrësit që kanë ndjekur ciklin e plotë të leksioneve çertifikatë pjesëmarrjeje.

UMB zhvillon një debat shkencor mbi Sistemin Elektoral në Shqipëri

Dr. Mulita: Veprimtaria është pjesë e filozofisë se brandit UMB, ku edukimi dhe kërkimi shkencor praktikohet në shërbim të shoqërisë se mirëqenies.

Më datë 08 shkurt 2012, u zhvillua në Universitetin "Marin Barleti" një debat shkencor me temë: "Cili është sistemi Elektoral që i duhet Shqipërisë?"

Ky debat i cili vendosi botën akademike përballë politikës u organizua falë një nisme të përbashkët të Departamentit të Qeverisjes, Politikës dhe Komunikimit dhe Institutit për Bashkëpunim, Integrim dhe Zhvillim. Ai u mbajt në prani të stafit akademik dhe studentëve dhe u hap me fjalën përshëndetëse të Rektorit të Universitetit "Marin Barleti", Prof. Dr. Marenglen Spiro.

Nën moderimin e Dr. Zamira Çavo, Shefe e Departamentit të Qeverisjes, Politikave dhe Komunikimit, referimet e pjesëmarrësve ngjallën interes tek dëgjuesit dhe përçuan mesazhe te rëndësishme.

Dr. Reis Mulita, Përgjegjës i Seksionit të Qeverisjes dhe Politikave Publike, me kumtesën e tij "Përtej konsensusit për një zgjidhje të qëndrueshme nëpërmjet sistemit elektoral" i përcolli auditorit një analizë të detajuar mbi sistemet elektorale, si instrumente zgjedhore duke vënë theksin, jo vetëm në deficitin dhe problematikën e konsensusit, por edhe në domosdoshmërinë e tij si element që mundëson politika dhe qeverisje demokratike. Konkluzionet e Dr. Mulita konsistonin në vendosjen e një sistemi elektoral në përputhje me rekomandimet e Këshillit të Evropës dhe praktikave te vendeve te BE, te përmbledhura si më poshtë: Sistem elektoral Proporcional Kombëtar, me lista të mbyllura të përcaktuara në rrugë demokratike nga anëtarësia e partisë sipas modelit një anëtar një vote praktike që mundëson shndërrimin e politikes ne profesion, dhe në një periudhe relativisht te konsiderueshme përpara se të fillojë proçesi zgjedhor, vendosjen e një pragu elektoral fillimisht jo me shume se 3% ndërsa ne perspektive ndryshimin e tij drejt shifrave qe nxisin përmbushjen e misionit te partive politike; përfshirjen e emigranteve ne procesin e votimit politik edhe pa ardhur ne Atdhe.

Av. Arben Hakani me fjalën e tij "Sa ndihem i përfaqësuar në sistemin e sotëm zgjedhor?" diskutoi mbi rëndësinë sesa përfaqësuesit tanë kanë integritetin, përgjegjshmërinë e duhur dhe a janë rezultat i zgjedhjes sonë, apo janë rezultat i atyre që i emërojnë dhe caktojnë. Në përfundim të diskutimit të tij, Z. Hakani, duke u nisur nga dilema nëse ndikon sistemi për të qenë i përfaqësuar dhe nëse në të njëjtën kohë përfaqësimi na realizon të drejtat konkludoi se në këtë sistem aktual ai nuk ndihej i përfaqësuar.

Av. Ilirjan Celibashi për t`i dhënë zgjidhje pikëpyetjes ndryshim apo reformim sistemi, pohoi se duhej një studim i mirëfilltë për të përcaktuar fillimisht se çfarë duam të arrijmë dhe jo, më pas përzgjedhim sistem e duhur duke vijuar me aplikimin e tij brenda një shoqërie të caktuar. Dy elementët që përbëjnë sistemin zgjedhor, qeverisja e qëndrueshme dhe përfaqësimi, vijoi Z. Celibashi nuk janë realizuar. Në mënyrë që të japim një përfundim nëse duhet ndryshuar apo jo sistemi zgjedhor, kërkohet një pjesëmarrje e të gjithë aktorëve. Vetëm nëpërmjet konsensusit të palëve mund të evidentohen avantazhet e secilit sistem si dhe të përcaktohet se cili sistem i nevojitet vendit tonë, përfundoi fjalën e tij Av. Celibashi.

Z. Afrim Krasniqi, me referimin e tij "Sistemi zgjedhor në Shqipëri: 20 vjet në kërkim të një modeli". Evidentoi pikësëpari dy çështje problematike të zgjedhjeve në Shqipëri: kontestimin e vazhdueshëm të zgjedhjeve si dhe shumëllojshmërinë e sistemeve të ndryshme elektorale, duke theksuar rëndësinë dhe domosdoshmërinë e aplikimit të një sistemi të pandryshuar në më shumë se 4 zgjedhje sipas dhe Rekomandimeve të Venecias, me synimin për të krijuar bindjen e sistemit me të mirë dhe më të nevojshëm për një shoqëri të caktuar. Z. Krasniqi vijoi diskutimin e tij me një analizë të detajuar të zgjedhjeve në vendin tonë duke i bërë të ditur auditorit problemet madhore që lidhen me votimin si sistemi kundër vullnetit politik, zgjedhjet kundër zgjidhjes apo krizës politike, listat e hapura kundër listave të mbyllura si dhe raportin e varësisë midis shtetit, pushtetit dhe fushatës. Në përfundim Z. Krasniqi sugjeroi se sistemi më i mirë për Shqipërinë ishte ai vitit 2001, pra 100 mandate me 40, por pa zonën e Dushkut.

Z. Blendi Ceka në fjalën e tij "Ndryshimi përkundrejt thjeshtëzimit të sistemit zgjedhor" evidentoi njëherazi përshtatjen inekzistente të sistemit zgjedhor si problem makro dhe barazinë e votës në njësinë vendore si problem mikro. Z. Ceka vijoi duke sugjeruar se në çdo prag zgjedhjesh në Shqipëri kemi një ndryshim të sistemi elektoral duke provokuar destabilitet të sistemit politik. Në konkluzion të një përgjigjeje për dilemën e madhe Z. Ceka propozon 3 skenarë të mundshëm: nuk ndryshojmë sistemin dhe vazhdojmë siç jemi; nuk preket kushtetuta, por korrigjohet sistemi, duke mbajtur një formulë nga dy për të ruajtur barazinë e votës; korrigjim kombëtar i sistemit zgjedhor, që kërkon korrigjim kushtetute dhe kodi zgjedhor, por duhet patur parasysh se nëse duam korrigjim kombëtar duhet të kemi një prag kombëtar, i cili duhet të ketë një minimum logjik përfundoi fjalën e tij Z. Ceka.

Debati u bë më interesant prej pyetjeve dhe tematikave që u diskutuan midis politikanëve, specialistëve dhe studentëve. Me interes për auditorin ishte pyetja e studentit të vitit të parë të Shkencave Politike, Orges Nilo mbi vullnetin politik, e cila mori përgjigje prej ekspertëve të partive politike të pranishëm. Ndonëse për Znj. Ermelinda Meksi, partitokracia mund të konsiderohet si elementi më negativ pasi krijon shkëputjen e politikanit nga elektorati, duke mos prodhuar një shoqëri me një zë të pavarur, për Z. Damian Gjiknuri për të ndryshuar sistemet zgjedhore duhej kohë. Sipas Z. Gjiknuri sistemet zgjedhore janë një shumatore e vullnetit politik dhe interesit politik dhe se janë pikërisht këto të fundit që kanë prodhuar ndër vite sistemet zgjedhore. Z. Gjiknuri përfundoi fjalën e tij se elementi që duhej marrë në konsideratë për tì dhënë përgjigje dilemës ndryshimi kundër modifikimit të sistemit është mos cënimi i integritetit të zgjedhësit, pasi vetëm në këtë mënyrë nuk deformohet përfaqësimi. Politikani Engjell Bejtaj , në fjalën e tij nënvizoi idenë se sistemet si pjese e proceseve zgjedhore duhet te mundësojnë klimën e favorshme dhe administrimin e drejte te vullnetit te zgjedhësve, duke kërkuar qe partitë politike se pari te demonstrojnë realisht këto standarte.

Debati ishte i larmishëm dhe parashtroi në mënyrë shumë të detajuar opsione dhe alternativa në qasjen e një tematike kaq delikate për Shqipërinë, nen filozofinë e UMB, për te ofruar shërbime ne interes te shoqërisë, nëpërmjet edukimit dhe kërkimit shkencor.

Nis projekti i ambasadës amerikane për monitorimin e strategjive të zhvillimit të Bashkisë Vlorë

Instituti Shqiptar për Çështje Publike ka nisur implementimin e projektit "Mbështetje për monitorimin civil të strategjive të zhvillimit të Bashkisë Vlorë", financuar nga ambasada amerikane në Tiranë, nëpërmjet programit të granteve të vogla të Komisionit të Demokracisë.

Projekti ka si qëllim monitorimin e implementimit të planeve dhe strategjive të zhvillimit ekonomik lokal të bashkisë Vlorë, duke u fokusuar në çështjet e mjedisit dhe duke rritur pjesëmarrjen e qytetarëve dhe grupeve të interesit. Kjo do të konkretizohet me krijimin e një forumi permanent monitorimi, me pjesëmarrjen e, duke krijuar një mekanizëm të qëndrueshëm.

Projekti do të ketë një kohëzgjatje 9 mujore dhe parashikon shtrirjen në bashki të tjera të vendit në të ardhmen.

ITALIA NE KINEMA - E marta e Kinemasë Italiane

Klubi "Bota Studentore" në vazhdim të aktiviteve të tij, fton të gjithë studentët dhe pedagogët të marin pjesë në aktivitetet që "Instituti Italian i Kulturës" i pranishëm në Tiranë që nga viti 1981, promovon në Shqipëri, realizimit e kinemasë italiane duke filluar nga data 31 janar deri në 8 maj 2012 . Trasmetimi i filmave italian do të jetë cdo të martë ora 19.00 pranë Akademisë së Filmit & Multimedias Marubi - Kino Studio, hyrja është falas.

Filmi - "Një ditë e përkryer" do të jetë filmi i parë, të cilin studentët zgjodhën për të parë datë 7 Shkurt ora 19.00.

Ky film tregon historinë e një grupi njerëzish të ndjekur nga afër gjate një dite.Camilla, i vellai Aris, Emma, vajza e saj Valentina , Z.Elio Fioravanti, gruaja e tij e bukur Maja, Kevini i vogël, Zyshë Mara dhe Antonio. Botë të ndryshme dhe të largëta, të destinuara të takohen në një ngjarje policeske ....

Testi Ndërkombëtar i Gjuhës Angleze në UMB

Në përputhje me Udhëzimin Nr. 14, datë 28.03.2011 "Për njohjen e testimeve dhe certifikimeve për gjuhën angleze për programet e studimit të Ciklit të Dytë dhe të Tretë në institucionet e Arsimit të Lartë" të Ministrit të Arsimit dhe Shkencës, pranë "Universitetit Marin Barleti" është hapur dega e Qendrës Amerikane të Testimit Ndërkombëtar të Gjuhës Angleze PEARSON TEST OF ENGLISH GENERAL (PTE).

PTE General është qendra më e madhe e testimit të Gjuhës Angleze, me rreth 500 degë në të gjithë botën. Kjo qendër ka një diapazon të gjërë që përfshin të gjitha nivelet e testimit të kësaj gjuhe, në përputhje me Kuadrin e Përbashkët Europian të Gjuhëve (Common European Framework of Languages) në nivelet A1, A2, B1, B2, C1 C2 dhe për të gjithë sistemin shkollor pasuniversitar, universitar dhe parauniversitar. Testimet kryhen çdo muaj pranë "Universitetit Marin Barleti".

Ne 3 Shkurt, 2012, hidhet online faqja e re, zyrtare për Zyrën e Aktiviteteve Studentore.

Kjo faqe sjell një konceptim të ri të prezantimit të tërë jetës akademike/shoqërore në kampus të studentëve tanë, duke përfshire këtu klubet, organizimet studentore, gazetën studentore, konkurset, shërbimet ndaj studentit, radio studentore, kalendari i aktiviteteve studentore, eventet e organizuara nga, ose për studentët.

Ndërtimi i kësaj faqeje është zhvilluar duke pasur studentin në qendër, me synimin që vizitori, kryesisht studenti i UMB-së, të marrë çdo informacion mbi mundësitë e zhvillimit te tij/saj të mëtejshëm, nëpërmjet këtij portali.

Faqja mund të vizitohet nga kjo adresë: http://students.umb.edu.al

Ju ftojme të na vizitoni!

Dr. Arjana Dyrmishi në një leksion të hapur me barletasit mbi "Rolin e politikave fiskale në biznesin Shqiptar"

Në 02 Shkurt 2012, drejtoresha e politikave fiskale në Ministrinë e Financave, Dr. Arjana Dyrmishi, vizitoi kampusin I të Universitetit Marin Barleti, për një leksion të hapur me studentët mbi "Rolin e Politikave Fiskale në biznesin Shqiptar"

Sipas Dr. Dyrmishi, politikat fiskale janë përmirësuar gjithnjë e me tepër duke e krahasuar me vitet e kaluara. Dr. Dyrmishi shpjegoi që sistemi i taksave në Republikën e Shqipërise është i përbërë nga një paketë ligjesh, direktivash, rregullimesh, marrëveshjesh tatimore me vendet e tjera, të cilat shfaqin një shqyrtim të plotë të të gjitha llojeve, llogaritjeve, niveleve, procedurave, si dhe metodat dhe format e kontrollit tatimor për taksat e përfshira në sistemin e taksave Shqiptare. Dr.Dyrmishi vijoi diskutimin e saj, duke sqaruar tatimin mbi fitimin, tatimin mbi vlerën e shtuar, ndalja e tatimit, bazën e tatueshme, shpenzimet e zbritshme dhe tatimin mbi të ardhurat personale.

Një pyetje nga studentja e vitit II, Financë - Kontabilitet, Anisa Goga, nëse ishte e lehtë hapja e një biznesi në Shqipëri, ajo ju përgjigj: "Të hapesh biznes në Shqipëri duhet vetem një dite, për ta mbyllur atë është shumë e vështire". Pyetjes nga studentja e vitit te II, Financë-Kontabilitet, Ada Shehu, në lidhje me stimulimin dhe financimin e ideve inovatore për biznesin, Dr. Dyrmishi ju përgjigj se "Tatimi i ulet nga njëra anë dhe grantet për financim të ideve inovatore që janë marrë nga Ministria e Financave, do të japin efektin e tyre së shpejti". Pedagoge, Elora Kokalari i drejtoi Dr.Dyrmishit pyetjen mbi zhvillimin e fundit të vetëdeklarimit të të ardhurave personale të individëve. Dr. Dyrmishi sqaroi se hapat fillestare për implementimin e deklarimit të të ardhurave janë marre dhe ky vit do te jetë i pari në të cilin, drejtoria e përgjithshme e tatimeve do të presë deklaratat e përafërsisht 100 mijë individëve për shqyrtim. Studenti i vitit të III, për Financë-Kontabilitet, Renald Petriti, i drejtoi pyetje mbi integrimin e politikave fiskale mbi ato monetare. Meqenëse pyetja ishte me karakter makroekonomi, Dr. Dyrmishi e pa të nevojshme dhe propozoi një takim të dytë me drejtorin e politikave makroekonomike në Ministrin e Financave.

Dr. Dyrmishi më pas theksoi se politikat e punësimit të shtetit duhet të vazhdojnë të përfshijnë masa për inkurajimin e punesimit. Diskutimi u mbyll me keshillën që ti kushtojnë rëndësi viteve studentore sepse janë bazat për nje karrierë të sukseshme për të ardhmen.

Barletasit ishin të përqëndruar gjatë diskutimit, duke treguar që tema e përzgjedhur përbënte interes për ta, dhe këtë e treguan nëpërmjet pyetjeve të shumta që ata deshironin ti jepnin një përgjigje. Kjo e bëri diskutimin më të këndshëm për të dyja palët.

Znj.Arjana Dyrmishi referon leksionin me teme: "Roli i politikave fiskale në biznesin shqiptar" ne UMB

Departamenti i Menaxhimit në Fakultetin e Shkencave të Aplikuara organizon nje leksion të hapur me përfaqësues nga Ministria e Financave në Tiranë.

Znj.Arjana Dyrmishi, Drejtoreshë në Departamentin e Politikave Fiskale në Ministrinë e Financave, do të japë një leksion të hapur me temë "Roli i politikave fiskale në biznesin shqiptar"

Studentë të ekonomise, jurdikut, por jo vetëm, si dhe stafi i UMB-së janë të inkurajuar të marrin pjesë, për t'u njohur më nga afër me politikat fiskale në Shqipëri, rolin e tyre, dhe si këto kanë evoluar në varësi të zhvillimit të biznesit në vend.

Aktiviteti zhvillohet ditën e Enjte,2 Shkurt, nga ora 12:30 deri në 13:30, në sallën A-23.

"Një kurs i anglishtes në Sociologji" = "Një kurs i Sociologjisë në Anglisht"

Universiteti Marin Barleti, Departamenti i Sociologjisë, Psikologjisë & Edukimit organizon:
"Një kurs i anglishtes në Sociologji" = "Një kurs i Sociologjisë në Anglisht"
"A Course of English in Sociology" = "A Course of Sociology in English".

Përmes këtij kursi synohet thellimi i dijeve në gjuhën angleze dhe, njëherësh, njohja e bazave të sociologjisë. Sot mbi 80 për qind e literaturës sociologjike botërore krijohet në gjuhën angleze. Njohja e saj është bërë një domosdoshmëri për çdo student.

Ky kurs ofrohet falas nga Universiteti Marin Barleti, si për studentët e vet, ashtu edhe për maturantë të interesuar për të studiuar në shkencat sociale. Në këtë kurs do të zhvillohen rreth 15 tema, siç janë: Sociologjia si shkencë/Sociology as a science, Kultura/Culture, Bashkëveprimi social/Social Interaction; Socializmi/Socialisation; Njeriu sociologjik dhe rolet sociologjike/The sociological man and the Sociological Roles; Grupet dhe organizatat/ Grupes and Organizations; Sjelljet devijante dhe kontrolli shoqëror/Deviances and Social Control; Shtresëzimi social/Social Stratification; Minoritetet dhe grupet etnike/Minorities and Ethnic Groups; Çështjet gjinore/Gender Issues; Familja/Family; Edukimi/Education; Besimi fetar/Religion etc.

Ky kurs zhvillohet falas, në periudhën mars-maj 2012. Ai zhvillohet nga profesorë të njohur, shqiptarë e të huaj.

Të interesuarit mund të aplikojnë në:
E-mail: marinbarleti@umb.edu.al;
Cel: 0672759997
Afati i aplikimeve: 28 shkurt 2012, ora 12.00

Një përvojë unike ju pret. Mos hezitoni!
Të tjera surpriza do të kemi në vijim...

AKIP sensibilizon komunitetin e UMB-se mbi importin e plerave ne Shqipëri

Në 31 Janar, 2012 barletasit pritën në ambjentet e shkollës së tyre disa anëtarë të Grupit nismëtar të Aleancës Kundër Importit të Plehrave (AKIP). Kjo e fundit është një lëvizje qytetare kundër lejimit të importit të mbetjeve në Republikën e Shqipërisë. Për të arritur këtë qëllim, Aleanca synon të ushtrojë presion qytetar mbi Parlamentin Shqiptar, në mënyrë që të mos i hapet rruga me ligj importit të mbetjeve. Për të parandaluar kalimin e këtij ligji, Aleanca po përpiqet nëpërmjet rrugëve ligjore dhe kushtetuese të dërgoje në referendum popullor këtë projektligj.

Paneli përbehej nga Znj. Kozara Kati, Qendra Shqiptare për të Drejtat e Njeriut, Z. Aldo Merkoçi Lëvizja Mjaft, Z. Blendi Kajsiu Analist dhe si moderator i takimit shërbeu Pedagogu i UMB-së, Z. Blendi Salaj. Panelistët dhanë arsyet e angazhimit në këtë nismë. Ata sqaruan se në mungesë të kapaciteteve për trajtimin e mbetjeve, importi do t’a përkeqësojë nivelin e papastërtisë në territorin shqiptar. Në vend të importit të mbetjeve shtesë Shqipëria duhet të merret me trajtimin e mbetjeve që ne vetë prodhojmë. Ata theksuan se mungesa e kapaciteteve administrative, e infrastrukturës ligjore dhe monitoruese, e bën të vështirë kontrollin e importit të mbetjeve në Shqipëri. Znj. Kozara Kati nënvizoi se lejimi i importit të mbetjeve bie ndesh me Strategjinë Kombëtare për Zhvillim të Qëndrueshëm dhe me Konventën e Aarhus-it pasi është një vendim që merret pa u konsultuar me komunitetet mbi jetën e të cilëve ai do ketë ndikim direkt. Ndërkohe, Z. Kajsiu dha një analize ekonomike se si ky ligj ndikon ne biznesin vendas.

Komuniteti i UMB-se, kryesisht studentët, si qytetarë të këtij vendi, si familjarë, punonjës dhe vendimmarrës të ardhshëm të Shqipërisë, ishin të interesuar për pasojat e këtij ligji. Një rritje ndërgjegjësimi i vu re prej tyre mbi këtë çështje, duke rezultuar në një vërshim firmash në shpresë të një referendumi, si metodë ndaluese e zbardhjes dhe zbatimit të këtij ligji.

Aleanca Kunder Importit te Plehrave ne UMB

Te marten, ora 12:30 ne Universitetin Marin Barleti, Salla A-24, Aleanca Kunder Importit te Plehrave do te prezantoje per studentet arsyet per kundershtimin e ligjit te plehrave dhe rendesine per firmosjen e nje referendumi kombetar.

Studentet qe duan te firmosin per referendumin duhet te sjellin nje fotokopje te kartes se identitetit

Jeni te mirepritur!

Ben Blushi në një diskutim të hapur me barletasit mbi librin "Shqipëria"

Në 26 Janar 2012 shkrimtari dhe politikani i njohur, Z. Ben Blushi, vizitoi kampusin I të Universitetit Marin Barleti për një diskutim të hapur me studentët mbi librin e tij të fundit: "Shqipëria" .

Sipas Blushit, ky libër ishte një metaforë ndaj Shqipërisë, sipas historisë së shkuar dhe asaj të sotme. Në një këndvështrim personal, Blushi u tha studentëve se ky libër ishte një mundësi për të zbutur veten përmes artit, sikundër shumë prej nesh mund të zgjedhin Zotin. Blushi vijoi diskutimin e tij duke sqaruar dy personazhet kryesore të librit, atë të Lekë Dukagjinit si një figure gati romantike dhe idealiste, dhe të Enver Hoxhës si personifikimi i degradimit dhe shkatërrimit të shoqërisë.

Një pyetjeje nga studentja e vitit I, Financë - Kontabilitet, Megi Kristuli, se si e gjykonte ai marrëdhënien që kanë Shqiptarët me Shqipërinë në ditët e sotme, ai ju përgjigj me një fjale të vetme: "Të keqe", duke vazhduar më tej shpjegimin e tij se është pikërisht kjo marrëdhënie, ajo që ka penguar zhvillimin e Shqipërisë në një nivel me të paktën shtetet fqinjë. Pyetjes nga studenti i vitit III, Shkenca-Politike, Eduart Qatja, mbi marrëdhënien e figurës së Blushit si politikan dhe Blushit si shkrimtar, ai ju përgjigj se politikëbërja në Shqipëri është luks në kuadër të kohës, duke i lejuar atij të shkruajë si metodë që zbut shpirtin dhe sjell kënaqësi.

Blushi më pas vijoji të sqarojë studentët se ky libër është për Shqipërinë, por synimi kryesor nuk kish qenë shkrimi i një libri që të ndikonte në zhvillimin e vendit. Ai theksoi se ne jetojmë më mirë se para 20 vjetësh dhe e krahasoi Shqipërinë me një ishull në mes të detit, ku nga ndryshimi i cilësisë së dallgës varet edhe cilësia e jetës. Diskutimi u mbyll me temën e Zotit, që sipas Blushit është një krijesë e njeriut që simbolizon gjysmën e mire të tij, duke përcjellë një sërë parimesh dhe virtytesh për një jetë të drejtë.

Barletasit ishin të pa ndrojtur gjatë diskutimit, duke treguar se jo vetëm kishin lexuar librin "Shqipëria", por sollën edhe kundërshtimet e tyre lidhur me disa çështje të shtruara nga autori në veprat e tij. Kjo e bëri diskutimin më të gjallë e më të këndshëm për të dyja palët.

Studime Doktorale në UMB

Mbështetur në vendimin përkatës të Ministrit të Arsimit dhe Shkencës, Universiteti Clemson në SHBA (i cili është renditur ndër 25 universitetet më të mira në Amerikë) është licensuar për të çelur Shkollën e Doktoraturës pranë "Universitetit Marin Barleti".

Me këtë doktoraturë Universiteti Clemson do të rrisë nivelin e Arsimit të Lartë në Shqipëri dhe në gjithë rajonin. Doktoratura do të përgatitet, shkruhet dhe mbrohet në Gjuhën Angleze.

Regjistrimet bëhen pranë "Universitetit Marin Barleti" i përzgjedhur nga Universiteti Clemson si partner ekskluziv për këtë aktivitet.

Departamenti i Sociologjisë, Psikologjisë dhe Edukimit: Referim shkencor - Datë 20. 01. 2012, ora 11-12.30

Bazuar në vendimet e Senatit Akademik, datë 2. 06. 2011 "Mbi aktivitetin kërkimor-shkencor në Universitetin Marin Barleti", departamenti i Sociologjisë, Psikologjisë dhe Edukimit, ka filluar ciklin e Referimeve Shkencore mujore të pedagogëve të tij.

Referimi i radhës bëhet ditën e premte, më datë 20. 01. 2012, ora 11-12.30, në sallën 24
Tema: "Triangulimi si metodë e vlerësimit psikologjik & sjelljet problematike të studentëve"
Referuese: Jorida Rustemi, përgjegjës e Sektorit të Psikologjisë

Në këtë referim shkencor do të marrin pjesë pedagogët dhe studentët e sociologjisë e psikologjisë. Pedagogë dhe studentë të interesuar të departamenteve të tjera të universitetit janë të mirëpritur.

Koordinatore e departamentit të Sociologjisë, Psikologjisë dhe Edukimit
Jonida Lamaj

Klubi Ligj dhe Demokraci, transmetimi i filmit "Flash of Genius"

Në vazhdimësi të forcimit të klubeve si dhe të realizimit të aktiviteteve të tyre , ditën e martë dt 17 janar 2012 në harkun kohor 15.00-16.00 u transmetua filmi "Flash of Genius" Filmi u trasmetua në anglisht duke ju ardhur si një praktikë studentëve por nga ana tjetër realizohet edhe qëllimi i Klubit Ligj dhe Demokraci ,duke qënë se klubi Ligji dhe Demorkacia përveç aktiviteteve të tjera ka parashikuar shfaqjen e disa filmave me tema shoqërore por edhe me referim në sistemet e ndryshme të drejtësisë nëpër botë dhe me gjerë

Java e Klubeve Studentore ne UMB 10 Janar - 13 Janar 2012

Klubet Studentore në vazhdimësi të aktiviteteve, çelën javën e tyre në Universitetin "Marin Barleti" duke trajtuar tematika me karaktere të ndryshme për fusha, te cilat klubet mbulojnë. Kjo javë përfshihej nga një axhendë e mbushur me takime dhe aktivitete kulturore, duke nisur me klubin Bota Studentore, ku si tematikë ishte konsolidimi dhe rritja e pjesëmarrjes studentore në kampus, i cili njeh në thelbin e tij rëndësinë e pjesëmarrjes aktive në klubë, ku cdo studenti i ofrohet një mundësi për zhvillimineë aftësive në udhëheqje, ndërveprim shoqëror si dhe një ndjenjë e pjesëmarrjes në komunitet. Nga ky takim u vendosën disa pika, plane aktivitetesh për të cilat klubi do të përgatisë në të ardhmen, si psh. organizimi i një udhëtimi me karakter kulturor, organizimin tradicional të "ditës së verës" 14 mars, pranë ambjenteve të gjelberuara të UMB-së, duke shijuar ballokumet e famshme të Elbasanit.

Java vazhdoi me takimin e klubit më të ri dhe ambicioz të Vullnetarëve në Shoqeri i cili mbledhjen e tij të pare e zhvilloi të mërkuren, 11 Janar 2012, në orën 12:30. Gjatë mbledhjes, u prezantuan synimet kryesore të klubit si dhe objektivat e tij për vitin 2012. Klubi ka për mision ndërtimin e një skuadre vullnetarësh nga studentët për qëllim kultivimin, zgjerimin dhe mësimin e ndjenjave njerëzore në shoqërinë Shqiptare, nëpërmjet pjesëmarrjës në aktivitete dhe organizime të ndryshme vullnetare, të drejtuara tërësisht nga ideja e ndihmës kundrejt njëri-tjetrit, prej së cilës i vetmi shpërblim është ndjenja e përkatesisë individuale dhe kolektive brenda këtij rrethi shoqëror ku jetojmë dhe punojmë cdo ditë. Me të tilla synime, klubi i vullnetarëve vendosi që të fillojë aktvitetin e tij me zhvillimin e një projekti për mbledhjen e rrobave, lodrave dhe librave për fëmijë nga mosha 8-15 vjec, ne ndihmë të shtëpisë e fëmijës "Zyber Hallulli" dhe "Fshatit SOS" në Tiranë. Projekti fillon të Hënën, 16 Janar në orën 12:30 me vendosjen e tre kutive në hollin kryesor të kampusit I dhe II të UMB-së. Cdo kuti do të shënohet me mallin përkatës, në mënyrë që ndarja të bëhet e saktë për ndihmat që do të mblidhen. Dita e fundit e mbledhjes së ndihmave do të jetë 1 Shkurt, 2012. Këto ndihma do të dërgohen në institucionet e lartpërmendura në 3 Shkurt, 2012. Klubi fton të gjithë studentet, pedagoget dhe stafin e UMB-së për tNULLu bashkuar me ta në këtë nisëm humane në ndihmë të së ardhmes së vendit, fëmijëve. Me realizimin e ketij projekti, klubi i vullnetarëve në shoqëri, do të ndërmarrë iniciativa të reja për të ndihmuar personat në nevojë te cilët jane pjesetarë në komunitetin tonë. E rëndesishme të përmëndet ishte se pjesëmarrja në klub u pa me shumë interes nga shumë studentë, kryesisht të vitit të I dhe II.

Në vazhdim të aktivitetit "Histori Suksesi" Klubi i Medias, Kultures dhe Teknologjisë, i cili, tashmë mbështet nga Zyra e Klubeve dhe Qëndra Studentore, riktheu sërisht në audiotorët e UMB-së takimet me personazhe të njohur të medias. Të premten e datës 13 Janar 2012, aktori i mirënjohur i spektaklit "Portokalli", Florjan Binaj erdhi në Universitetin "Marin Barleti" për të bashkëbiseduar me studentët në ndjekje të ciklit "Histori Suksesi". Z. Binaj nisi rrëfimin e tij nga vitet e shkollës, kur kishte nisur dëshira për pikturën dhe vitet e tij ne Liceun Artistik dhe më pas deshira për aktrim, e cila kishte lindur natyrshëm tek ai. Takimi u prit shumë mirë nga studentët; pati pyetje dhe një interes për të mësuar më shumë rreth jetës artistike, të cilën e karakterizojnë artistin në Shqipëri.

Gjatë bisedës u dhanë këshilla të vlefshem për studentët, optimizëm për të ecur në rrugën e vështirë të karrierës në çdo profesion, dëshirën dhe vullnetin për të bërë gjëra të mëdha dhe pse nuk sheh ndonjë dritë shprese tek to. E gjithë biseda ishte shumë e hapur dhe plot të qeshura nga salla, kjo si pasoj e përshkrimeve të personazheve komikë, të cilat Flori interpreton në Portokalli.

Aktiviteti i klubeve nuk mbyllet këtu. Ai sapo ka nisur në rrugën e javeve të mbushura me aktivitete nga çdo klub, duke i ardhur në mbështetje të gjithë Barletasve, të cilët janë treguar të gatshëm ti mbështesin dhe të jenë pjesë e tyre.

Në vazhdim të iniciativës për zhvillimin e kurseve për gjuhë të huaja, në Universitetin Marin Barleti do të zhvillohet një kurs 12 javor për gjuhën turke.

Janë të ftuar të marrin pjesë studentët dhe pedagogët e universitetit, por edhe maturantë që kanë dëshirë të marrin njohuritë bazë për këtë gjuhë. Kursi ofrohet falas dhe mësimi do të zhvillohet të premteve në orën 13:00-14:00, salla A14, duke filluar nga data 13 janar. Për tu regjistruar, jeni të lutur të shënoni emrin tek Info.

Michael Walzer me kryeveprën e tij "Politika dhe Pasioni" në UMB

Më 22 dhjetor 2011, Lëvizja Europiane në Shqipëri (EMA) në bashkëpunim me Shtëpinë Botuese "Dudaj" dhe Universitetin "Marin Barleti" prezantuan në auditoret e këtij universiteti një ndër kryeveprat botërore në fushën e shkencave politike dhe marrëdhënieve ndërkombëtare që vjen në gjuhën shqipe "Politika dhe pasioni: : Drejt një liberalizmi më Egalitar". Kjo iniciativë është ndërmarrë në kuadër të projektit "Nxitja e studimit dhe analizës së Marrëdhënieve Ndërkombëtare dhe rolit në ndryshim të shtetit", mbështetur nga Ambasada e Shteteve të Bashkuara të Amerikës në Shqipëri. Kjo iniciative përmes përkthimit në shqip të tre autoreve më të njohur në lëmin e shkencave politike dhe marrëdhënieve ndërkombëtare synon të rrisë dhe pasurojë debatin dhe kuptueshmërinë mbi këto çështje në nivelin akademik dhe politik, media, dhe shoqërinë civile, për t’u reflektuar më pas në shoqëri. Libri "Politika dhe Pasioni" ishte vazhdimësi e aktiviteteve të ciklit "Stina e Librit" iniciuar nga Dekani i Studentëve dhe Zyrës për Çështjet Studentore.

Z. Gledis Gjipali, Drejtor Ekzekutiv i EMA-s bëri një përmbledhje të shkurtër të librit duke u ndalur në mënyrë të veçantë tek risia dhe tematika e larmishme që ky libër trajton. Pasi bërë një prezantim të shkurtër të autorit, Michael Walzer, si një ndër filozofët dhe teoricien e shquar politik dhe profesor në Universitetin Prinston, Z. Gjipali përmendi se ky është një libër që kontribuon për një kuptim më të mirë të mënyrës së organizimit të shtetit dhe shoqërisë në kohët moderne. Si një vepër e cila kritikon hapur teorinë liberale, Walzer sugjeron mënyrat se si teoria liberale mund të rishikohet për ta sjellë atë më pranë kërkesave të barazisë. Libri trajton një larmishmëri çështjesh sensitive të tilla si multikulturalizmi, pluralizmi, shoqëria civile dhe drejtësia raciale e gjinore, analizuar këto nga pikëpamja e doktrinës liberale gërshetuar me dijet e thella teorike me njohuritë praktike.

Znj. Eurona Leka, Lektore pranë Universitetit "Marin Barleti" bëri një prezantim dhe analizë rreth librit, nën një këndvështrim krahasues të demokracisë liberale në Shqipëri. Duke u nisur nga deontologjia e titullit i cili lidh në mënyrë të bashkënrenditur dy terma- pasioni dhe politika, të cilat gjatë gjithë rrugëtimit të filozofisë politike janë parë si në antagonizëm me njëri-tjetrin, Znj. Leka theksoi idenë se pasioni ka spikatur gjithmonë si një komponent qëndror dhe i pashmagshëm i jetës politike të një vendi. Në fjalën e saj, duke ritheksuar se vepra prezanton gjendjen e krizës në të cilën ndodhet teoria liberale si rezultat i ndarjes së shoqërisë në miniklane, ku gjithësecili synon të jetë më transformues se të tjerët, ajo evidenton strukturën e librit të ndërtuar mbi formën e eseve, ku secila prej tyre ofron një rivlerësim provokativ të parimeve bazë të mendimit liberal. Në përfundim duke bërë me dije se liberalizmi është një doktrinë që minon vetveten, shpërfill traditat, krijon tek çdo brez një liri absolute si nga historia ashtu dhe nga shoqëria, Znj. Leka i përcjell auditorit zgjidhjen kryesore të propozuar nga Walzer, pikërisht atë të domosdoshmërisë së korigjimit komunitar.

Znj. Elona Bano MSc.- Dekane e studentëve dhe pedagoge pranë Departamentit të Drejtës Publike , trajtoi kapitullin e III-të librit kushtuar të drejtave Kulturore të sjella nga autori në një pikëvështrim socialo-politik, i ndryshëm nga ai juridik. Lektorja Elona Bano nënvizoi rëndësinë që kanë për shoqërinë respektimi dhe garantimi i të drejtave kulturore. U trajtuan gjerësisht nocionet e "komunitetit kulturor", "identitetit kulturor" si edhe fakti i të pasurit të një legjislacioni gjithëpërfshirës, i cili garanton riprodhimin dhe vetëgjenerimin e komuniteteve të ndryshme kulturore, të cilat siç pohon dhe Michael Walzer konsiderohen të stigmatizuara dhe për rrjedhojë viktimizohen. Referimi i znj. Bano u ilustrua me citate nga libri "Politika dhe pasioni" si edhe me kazuse të GJEDNJ-së.

Më pas aktiviteti u ndoq nga një seksion i hapur diskutimesh ku studentë dhe stafi akademik shkëmbyen pikëpamjet e tyre mbi një sërë çështjet të trajtuar në libër dhe aplikimin e tyre ne realitetin shqiptar.

"Politika dhe Pasioni: Drejt një liberalizmi më Egalitar" duhet të lexohet nga çdo njeri që është i interesuar për drejtësi sociale dhe për mënyrat nëpërmjet të cilave kërkojmë ta realizojmë atë. Ky libër gjendet në Bibliotekën e Studimeve Europiane dhe Marrëdhënieve Ndërkombëtare pranë EMA-s, si dhe në libraritë shqiptare.

"Wishes party" në UMB

Atmosfera festive ndihet gjithkund në këto ditë të dhjetorit, si e tillë ajo ka përfshirë edhe Universitetin "Marin Barleti" ku natyrshëm brezat e pedagogëve dhe të studentëve ndërthuren plot dashamirësi dhe harmoni.

Me rastin e këtyre festave komuniteti i barletasve, studentë edhe pedagogë nën organizimin e Unionit Studentor edhe strukturave që merren me çështjet studentore u mblodhën së bashku për të festuar ditën e mërkurë, dt 21 dhjetor 2011 në ambientet e njërit prej pubeve më në zë të kryeqytetit.

Të gjithë studentët edhe pedagogët e UMB-së nën ritmin e muzikës së larmishme moderne dhe asaj popullore shqiptare jo vetëm u dëfryen por organizuan edhe një minikonkurs për kërcimtarët më të mirë të mbrëmjes.

Mbrëmja u pasua nga karoke ku shkëlqenin jo vetëm studentët por edhe disa nga pedagogët, të cilët jo vetëm dinë që të japin dije por edhe të argëtohen më së miri me studentët e tyre si kolegë të ardhshëm. Spikaste zëri i këngëtares Gresa Gjeçera, studente viti i parë sociologji, e cila na fali kënaqësinë e të kënduarit live të disa prej hiteve të saj.

Kjo mbrëmje vërtetë titullohej "Wishes Party", por dëshira më e madhe e cila u realizua aty për aty ishte komuniteti i barletasve më i bashkuar dhe i lumtur se kurrë.

Gëzuar edhe për shumë vjet të dashur studentë!

Studentët e UMB-së dalin të tretët në turneun e Bowling, Kupa e Miqësisë, 2011

Në 20 Dhjetor, njëzet e pesë (25) barletas, të ndarë në dy skuadra, morën pjesë në turneun e Bowling, Kupa e Miqësisë 2011, të organizuar nga Rrjeti i Studentëve Shqiptarë në Botë, AS@N në qëndrën rekreative "Blur". Turneu i Bowling u zhvillua midis universiteteve të ndryshme në Shqipëri, publike dhe jo-publike. Në këtë aktivitet, merrnin pjesë edhe skuadrat përfaqësuese të AS@N dhe studentëve që studiojnë jashtë vëndit.

Sipas Edlira Çepani, drejtore ekzekutive e AS@N, ky është viti i tretë që organizohet një eveniment sportiv: "Qëllimi ynë është që të argëtohemi por edhe të bashkëpunohet mes të rinjve studente, për tNULLu sfiduar, pse jo, me sportivitet". Ky turne shtoi edhe më tej mundësine e njohjes, miqësisë dhe bashkëpunimit të të rinjve shqiptarë që studiojnë në Shqipëri dhe atyre që studiojnë e kanë studiuar jashtë vendit, – vuri në dukje Çepani.

Ky turne ishte i ndarë në tre raunde dhe secila prej skuadrave përbëhej me grupe deri në katër studentë. Në raundin e parë kanë garuar të gjitha skuadrat, kundërshtaret përkatës ku u vendos me short, i cili u hodh në fillim të aktivitetit.

Në pushim të raundeve, u organizuan diskutime për çështje të ndryshme midis pjesëmarrësve. Në gjysëmfinale 4 skuadrat fituese kanë luajtur përballë njëra-tjetrës.

Skuadra e UMB-së zuri vëndin e tretë dhe mori kupën e përcaktuar për këtë vënd. Ndërkohë studenti i UMB-së, Johanes Stafaj ishte fituesi i vendit të tretë si lojtari më i mire.

Tryezë e rrumbullakët Sfidat e Profesionit kontabël dhe roli i tij në përmirësimin e raportimit financiar në Shqipëri

Më datë 20 dhjetor Universiteti Marin Barleti dhe Instituti Shqiptar për Çështjet Publike zhvilloi Tryezën e Rrumbullakët me temë "Sfidat e profesionit kontabël dhe roli i tij ne përmirësimin e raportimit financiar në Shqipëri". Në këtë aktivitet morën pjesë ekspertë dhe njëkohësisht përfaqëesues të institucioneve të ndryshme publike si dhe drejtues të organizmave dhe organizatave profesionale. Organizimi dhe drejtimi i debatit u nxit nga prezantimet e profesionistëve të fushës si: Prof. Dr. Jorgji Bollano, aktualisht Dekan i Fakultetit të Ekonomisë dhe Financës në Universitetin "Marin Barleti" dhe Kryetar i Këshillit Kombëtar të Kontabilitetit, Prof. Dr. Flutura Kalemi - anëtare e Këshillit Kombëtar të Kontabilitetit, Prof.Asc. Lindita Lati - Kryetare e Autoritetit të Konkurencës, Prof. Asc. Hysen Cela - Drejtor Ekzekutiv i IEKA-s, Dr. Diana Lamani pedagoge në Fakultetin Ekonomik të UT si dhe anëtare e Komitetit të Edukimit të IEKA-s.Të pranishëm ishin gjithashtu përfaqësues nga Drejtoria e Përgjithshme e Tatimeve, Instituti i Ekspertëve Kontabël të Autorizuar, Këshilli Kombëtar i Kontabilitetit, fiskalistë, pedagogë si dhe studentë të UMB- së. Tryeza trajtoi çështje sa aktuale aq edhe domethënëse për profesionin kontabël.

Në prezantimet e tyre folësit evidentuan nevojën e përmirësimit të teksteve bazë që përdorin studentët si një nga elementet bazë për edukimin e tyre profesional, i cili gjithashtu nuk duhet të konsiderohet si një proces që përfundon me mbarimin e studimeve, por që fillon së bashku me to e duhet të vijojë gjatë gjithë kohës së ushtrimit të profesionit. Edukimi është i lidhur gjithashtu edhe me krijimin e standarteve në ushtrimin e profesionit. Mësimet e nxjerra nga kriza në raport me standartet e hartimit dhe raportimit financiar, eksperiencat negative të evidentuara nga praktika botërore, shtrojnë nevojën e përmiresimit të kontrollit të zabtimit të tyre në praktikën kontabël nga të gjitha strukturat të cilat kanë këtë përgjegjësi, nënvizuan folësit. Duke u nisur nga analiza të realitetit në vendin tonë, mbi bazën e eksperiencave konkrete ata evidentuan problematika që lidhen me mos zbatimin e legjislacionit dhe konkretisht faktin që ka shumë shoqëri që megjithëse duhet të zbatojnë Standartet Ndërkombëtare në mbajtjen e kontabilitetit dhe përgatitjen e raporteve financiare, vijojnë të mos i zbatojnë ato, ka shumë profesionistë të fushës të cilët bëhen pjesë e këtij procesi, ashtu si dhe shpesh herë me punën e tyre të përditshme nuk tregojnë kujdesin e duhur profesional dhe etik. Forcimin e rolit të profesionistëve si një faktor i rëndësishëm për të garantuar zbatimin e ligjit, kufizimin e informalitetit, konkurencën e ndershme, diskutantët e lidhën sa me përmirësimin e kurrikulave dhe programeve të studimeve aq edhe me forcimin e kushteve për hyrjen në profesion dhe mbikqyrjen në respektimin e standarteve profesionale ne hartimin e pasqyrave financiare dhe ne çertifikimin e tyre gjithashtu. Gjatë diskutimeve u evidentua gjithashtu nevoja e hartimit të një fjalori të terminologjisë dhe përmbajtjes së nocioneve ekonomike, sepse shpesh herë për të njëjtin tregues përdoren emra të ndryshëm apo përdoren edhe emërtime të njëta kurse zbërthimi përmbajtësor është i ndryshëm.

Nga diskutantët u evidentua problemi i konfuzionit që krijohet nga formulimet apo trajtimet e ndryshme që kanë ligjet fiskale apo edhe ligje të tjera. U sollën shembuj të pa fund në lidhje me trajtimet që ka legjislacioni për TVSH, Akcizën, Tatimi mbi të Ardhura apo edhe të akteve të tjera si udhëzime, interpretime teknike.

Tryeza zgjati për më shumë se tre orë dhe shoqërua me debate shumë interesante nga të pranishmit. Disa nga përfundimet më interesante që mund të përmendim:

është shumë e rëndësishme dhënia dhe përvetësimi i një baze të mirë të nocioneve të kontabilitetit që në universite për të patur profesionistë të mirë në të ardhmen. Kjo gjë mund të arrihet nëpërmjet kurrikulave bashkëkohore të ndërthurura me praktikë profesionale në institucionet të ndryshme.
Një kontabilitet i rregullt dhe në përputhje me praktikat më të mira sjell siguri juridike, siguri fiskale, siguri në administrimin e vetë biznesit. Për këtë arësye duhet të forcohet dhe përmirësohet proçesi i hyrjes në profesion dhe i mbikqyrjes së ushtrimit të profesionit.
Zhvillimi dhe aplikimi i standarteve të kuptueshme dhe të detyrueshme në interes të publikut mund të konsiderohet si një nga sfidat e institucioneve të përfshira në këtë proces. Dhënia e një informacioni cilësor, të besueshëm, të krahasueshëm do të jetë një bazë e mire për funksionimin e tregut dhe kufizimin e inormalitetit e për rrjedhojë të rritjes së efiçensës së tregjeve e sidomos të tregut të brendshëm.
Një element shumë i rëndësishëm në profesionin kontabël është edhe respektimi i Kodit të Etikës. Në Shqipëri, edhe pse miratohen kode apo ligje të mira, është e vështirë që këto parime të zbatohen, prandaj lind si një nevojë e pashmangshme ndërgjegjësimi i profesionistëve për një sjellje sa më etike gjatë ushtrimit te profesionit.
Në kushtet kur veprimi i ligjeve të ndryshme krijojnë në praktikë kontradikta në funksion të respektimit të standarteve ndërkombëtare dhe kombëtare të kontabilitetit, del i nevojshëm bashkërendimi më i mirë i punës që në proçesin e draftimit të tyre. Por njëkohësisht organizimi i takimeve dhe konsultimeve në proçes u vlerësua si një faktor i rëndësishëm në këtë drejtim.

Pjesmarrësit vlerësuan organizimin e tryezës jo vetëm për faktin se sa të rëndësishme ishin trajtimet, sugjerimet dhe rekomandimet e ofruara për grupet e interest, por mbi të gjitha për mundësinë e organizatorët për të mbledhur së bashku ekspertë, individë dhe drejtues të institucioneve të interesuara, gjë që nuk është mundur të realizohet nga vetë instutucionet pjesëmarrëse.

Universiteti "Marin Barleti" duke i falenderuar pjesëmarrësit shprehu gadishmërinë inicimit të takimeve dhe diskutimeve të tilla në vijim jo vetëm në Tiranë por edhe në qytete të tjera të vendit, duke e konsideruar këtë si një kontribut në ndihmë të komunitetit, profesionistëve, dhe duke shërbyer edhe si model për rolin që duhet të luajnë departamentet, fakultetet dhe strukturat akademike në përballimin dhe zgjidhjen e sfidave që vendi ynë i ka të shumta.

Prof. Dr. Jorgji Bollano nxjerr librin e tij "Bazat e Kontabilitetit Financiar"

Nga përvoja ime shumëvjeçare në fushën akademike dhe jo vetëm në të, por edhe në drejtim të organizmave të kontabilitetit në qendër dhe në bazë, kam krijuar bindjen se kontabiliteti mund të mësohet duke marrë fillimisht njohuritë bazë, të cilat do të ndihmojnë në studimin dhe përvetësimin edhe të niveleve të tjera të tij. Bazuar sa mësipër si dhe në kurrikulat e reja të përgatitjes së kontabilistëve dhe jo vetëm këto u angazhova për përgatitjen e librit "Bazat e Kontabilitetit". Ky libër u drejtohet atyre që dëshirojnë të studiojnë kontabilitetin financiar.

Trajtimi i temave është bërë duke patur si qëllim studimin dhe kuptimin e njohurive kontabël pa qenë domosdoshmërisht nevoja e ndihmës nga të tjerë.

Ky libër është shumë i çmueshëm për studentët për arsye se:
- Paraqitja e teorisë së kontabilitetit financiar bëhet në mënyrë të hapur, logjike dhe të kuptueshme duke i lejuar ata ta zotërojnë lëndën.
- Përdoren shembuj për të ilustruar të gjitha proçedurat dhe konceptet e rëndësishme.
- Problemet e zgjidhura, me zgjidhjen hap pas hapi i bën të mundur të aplikojnë në praktikë konceptet e mësuara.

Ky libër është i rekomanduar edhe për individë të cilët kryejnë studim privat dhe për ato studentë që dëshirojnë të bëjnë një përsëritje para kalimit në kurse të avancuara të kontabilitetit.

Për shkak se theksi i këtij libri është edhe mbi aftësimin e studentëve për të zgjidhur problem , ky libër është i dobishëm edhe pë rata individë që përgatiten për të dhënë provimet për Kontabël i Miratuar dhe Ekspert Kontabël. Pavarësisht se titulli i librit është "Bazat e Kontabilitetit" në të janë përfshirë edhe tema të veçanta që kanë të bëjnë me veçoritë e kontabilitetit në shoqëritë me ortakëri dhe në shoqëritë aksionere. Në një kapitull të veçantë është trajtuar analiza e pasqyrave financiare, çNULLka e ka bërë librin më të kompletuar (mbajtja e kontabilitetit, përgatitja e pasqyrave financiare dhe analiza e pasqyrave financiare).

Me studimin dhe përvetësimin e materialit të këtij libri, studentë apo individë të veçantë do të jenë të aftë të mbajnë kontabilitetin dhe të përgatitin pasqyrat financiare të njësive ekonomike (mikro dhe të vogla) pa përjashtuar edhe ato të mesme. Në përgatitjen e këtij libri një kontribut të vlefshëm ka dhënë Znj. Elira Hoxha M.A Drejtore Ekzekutive në Këshillin Kombëtar të Kontabilitetit e cila ka përgatitur Kapitullin e 7-të dhe ushtrime të Kapitullit 6. Mirëpres çdo vërejtje dhe sygjerim që ka të bëjë me përmirësimin e mëtejshëm të librit.

Prof. Dr. Jorgji Bollano

Bora Angjele fiton cmimin Diploma me e mire 2011 nga Banka e Shqiperise

Ne 19 Dhjetor 2011, Bora Angjele, studente e Universitetit Marin Barleti ne Tirane u vleresua nga vendin e pare nga Guvernatori i Bankes se Shqiperise, Z. Ardian Fullani, per Diplomen me te mire ne 2011, me temen "Sistemet e Pensioneve". Konkursi i zhvilluar nga Banka e Shqiperise, konsistonte ne diplomat e rreth 6000 studenteve, laureate ne BA, MA dhe PHD per Ekonomi ne vitin 2011, ne Shqiperi, te cilet trajtonin ne tezat e tyre te diplomes ceshtjet social-ekonomike, qe prekin probleme te sotme ne vend. Duke falenderuar thellesisht mentoret ne UMB te cilet drejtuan punen e saj, Prof. Nevruz Koci, Prof. Dritan Fino si dhe Prof. Sherif Bundo, e sapo diplomuara Bora Angjele qendron studentja me e mire per çdo nivel arsimor, ne rang kombetar. Urime te merituara Bores dhe suksese dhe karrieren e saj ne kete fushe!

Leksion i hapur: "Partneriteti i OKB-së në Shqipëri: e kaluara dhe e tashmja"

Më datë 16 dhjetor 2011, u zhvillua në Universitetin "Marin Barleti" nga Znj. Zineb Touimi-Benjelloum, Përfaqësuese e përhershme e Kombeve të Bashkuara në Shqipëri, njëherazi Koordinatore e përhershme e PNUD-it, një leksion i hapur me temë: " Partneriteti i OKB-së në Shqipëri: e kaluara dhe e tashmja"

Leksioni u organizua falë një nisme të përbashkët të Departamentit të Çështjeve Publike dhe Zyrës së Kombeve të Bashkuara në Shqipëri dhe u mbajt në prani të stafit akademik dhe studentëve. Ai u hap me fjalën përshëndetëse të Rektorit të Universitetit, Prof. Dr. Marenglen Spiro, i cili i uroi mirëseardhjen Znj. Touimi-Benjelloum.

Përfaqësuesja e përhershme e Kombeve të Bashkuara në Shqipëri bëri një përshkrim të shkurtër historik të rolit të Kombeve të Bashkuara në Shqipëri dhe e përqëndroi fjalën e saj në marrëveshjet e bashkëpunimit dhe të partneritetit ndër vite.

Znj. Touimi-Benjelloum vuri theksin se Kombet e Bashkuara në Shqipëri punojnë ngushtësisht me Qeverinë dhe partnerë të tjerë përfshirë shoqërinë civile, akademike dhe sektorin privat duke siguruar mbështetje efikase dhe asistencë teknike për përmbushjen e prioriteteve kombëtare. Ajo u ndal në sfidat me të cilat po përballet sot Shqipëria në rrugëtimin e saj drejt integrimit evropian si dhe theksoi se përmbushja e tyre është pasojë e konsolidimit politik dhe angazhimit të gjithë aktorëve në vend.

Në përfundim Përfaqësuesja e përhershme e Kombeve të Bashkuara bëri një përshkrim të shkurtër mbi zhvillimet aktuale të Kombeve të Bashkuara duke iu referuar kryesisht marrëveshjes së firmosur me Qeverinë Shqiptare për periudhën 2012-2016. Kjo marrëveshje, jo vetëm do të forcojë bashkëpunimin e deri tanishëm, por do të sigurojë një spektër më të gjerë të ekspertizës teknike.

Znj. Touimi-Benjelloum ishte e hapur për pyetje të cilat u fokusuan në këto pika:

A do të ketë ndonjëherë zgjedhje të lira dhe të ndershmë në Shqipëri?
Cili është qëndrimi i Kombeve të Bashkuara në lidhje me aprovimin e Ligjit mbi importimin e plehrave?
A mbështesin Kombet e Bashkuara me anë të programeve të tyre edhe shoqërinë civile në funksion të fuqizimit të kapacitetit të tyre?

Mjaft çështje të tjera u trajtuan rreth pikave të mësipërme, të cilat u komentuan me dashamirësi dhe iu dhanë përgjigje nga Përfaqësuesja e përhershme e Kombeve të Bashkuara Znj. Touimi-Benjelloum. Auditori i përbërë nga studentë dhe pedagogë të Universitetit "Marin Barleti", pati një kënaqësi të veçantë për prezencën e saj në këtë leksion të hapur.

Leksion nga Koordinatorja e Përhershme e Kombeve të Bashkuara në Shqipëri, Znj. Zineb Touimi-Benjelloun

Leksion i hapur nga perfaqesuesja e perhershme e OKB-se ne Shqiperi

Përfaqësuesja e përherëshme në Shqipëri, njëherazi Koordinatore e përhershme e PNUD-it, Znj. Zineb Touimi-Benjelloun, do të jape një leksion të hapur me temë: UN Partnership in Albania: Past and Present - Partneriteti i OKB-së në Shqipëri: e Kaluara dhe e Tashmja.

Studentë të shkencave politike, jurdikut por jo vetëm, si dhe stafi i UMB-së janë të inkurajuar të marrin pjesë në një mundësi, e cila mund të jetë e vetmja në jetë, për tu njohur nga afër me marrëdheniet ndërkombëtare të Shqipërise, dhe si këto kanë evoluar në varësi të ndryshimeve politike në vend. Jeni të mirëpritur të merrni pjesë në këtë aktivitet, ditën e Premte, 16 Dhjetor, nga ora 10:00 deri në 11:30, në sallën A24.

Blendi Fevziu ne UMB

Në vazhdim të Stinës së Librit në UMB, gazetari dhe publicisti i mirënjohur, Z. Blendi Fevziu, vizitoi kampusin qëndror të Universiteti Marin Barleti, në 15 Dhjetor 2011, në kuadër të promovimit të librit të tij të ri me titull: "Enver Hoxha". Z. Fevziu pasi shpjegoi se megjithëse faktet në liber janë të hulumtuara dhe dokumentuara nga arkiva qëndrore e shtetit Shqiptar, në bashkepunim me arkiva personale të personave që jetuan atë periudhe, preku disa momente specifike të figurave të njohura shqiptare në botë, qoftë fetare apo kulturore, të cilet ishin përplasur me Enver Hoxhen dhe sistemin e tij diktatorial. Ai më pas, duke ju pergjigjur një pyetje të një barletasi se pse kishte zgjedhur pikërisht Enver Hoxhën, tregoi shume hapur se si "Hoxha kishte zgjedhur atë dhe jo e kundërta", duke treguar kështu fillimet e këtij libri, i cili u nis me idenë e një dokumentari, por kerkimet e shumta sollën në rezultat një libër, të redaktuar nga shkrimtari i njohur Ismail Kadare dhe publicisti Aurel Plasari. Me pas duke ju përgjigjur një pyetjeje nga audienca, ai dha një pasqyrë të bashkëshortes së Hoxhës, duke treguar tipare të karakterit të saj dhe influencën që kish patur tek bashkëshorti. Studentë dhe stafi i UMB-së treguan një interes të madh mbi librin fillimisht, e më pas mbi personalitetin e vetë Z. Fevziu. Të pranishëm në audiencë ishin dhe maturantë e mësues të shkollës partnere, Meridian +. Ky aktivitet u organizua nga Zyra e Aktiviteteve Studentore (ZAS) dhe Dekanit të Studentëve, me synimin për të promovuar tek studentet, artin e librit, shkrimit dhe zgjerimin e njohurive mbi historinë dhe shoqërine Shqiptare.

Gazetari i mirenjohur, autor i disa librave, Z. Blendi Fezviu, vjen ne kampusin qendror te UMB per te diskutuar rreth librit te tij te fundit...

Gazetari i mirenjohur, autor i disa librave, Z. Blendi Fezviu, vjen ne kampusin qendror te UMB per te diskutuar rreth librit te tij te fundit, "Enver Hoxha". Fevziu ne librin e tij, na paraqet nje kendveshtrim publicistik, bazuar mbi hulumtime dhe kerkime te shumta te arkivave shteterore dhe private.

A kish qene vertete ai komunist? A kish qene ai i pari i Partise apo e kishte uzurpuar Partine qe mori pushtetin ne dore? Pyetje te tjera si keto, jane shtjelluar ne librin e Z. Fevziu dhe jane te hapura per diskutim diten e Enjte ne UMB.

Shpeshhere, studimi i historise na meson se si te kuptojme dhe nuhasim njerez qe kane ne axhenden e tyre masa drastike per perfitim vetjak. E si rrjedhim, studimi i tyre duhet pare si mundesi per te qene vete vendimmarres te se ardhmes dhe fatit tone.

Te gjithe studentet e UMB-se jane te mirepritur per te marre pjese ne kete aktivitet, ne 15 Dhjetor, ora 12:30 ne Sallen 24. Shihemi atje!

Përmbledhje e aktiviteteve të UMB-së gjatë vitit akademik 2010-2011

- Themelimi i Institutit të Studimeve Persiane "Firdeusi"
- Vizita e profesor Luis Felipe Hax Niencheski viziton Universitetin "Marin Barleti".
- Leksionin e hapur me gazetarin Adrian Thano.
- Leksion i hapur "Mendimet dhe argumentet ligjore në Deklaratën e të Drejtave të Njeriut të Kirit të Madh".
- Marrëveshja e parë e bashkëpunimit midis Universitetit Marin Barleti dhe Universitetit të Bolonjës.
- Takimi i studentëve me gazetarin Blendi Fevziu.
- Seminari "Metodat japoneze të menaxhimit të bizneseve të mesme dhe të vogla"
- Konferenca shkencore "Gjykata Administrative, alternativë apo domosdoshmëri?"
- Leksionin e hapur me Kryetarin e KQZ-së
- Bisedën me studentët të z.Paul Polote, shef i çështjeve ekonomike-politike në Ambasadën e ShBA
- Seminari "Organizatat Ndërkombëtare dhe BE" në gjimnazet e Vlorës.
- Leksion i hapur "Sfidat e Integrimit të Shqipërisë në Bashkimin Evropian".
- Takimi i studentëve me të ftuarit Arbana Osmani, Rudina Xhunga (Top Media) dhe Arian Çani gazetar
- Inkuadrimin e UMB-së në rrjetin e shteteve të "Central European Initiative" (CEI)
- Simpoziumi ndërkombëtar "Identiteti dhe Shtetësia", mbi librin me të njëjtin titull të z.Martin Berishaj.
- Vizita e aktorëvë të Apartametit 2XL në UMB, në një takim shumë të këndshëm për studentët.
- Seminari 3-ditor me prof. Fabio Fonti "Menaxhimi i Burimeve njerëzore dhe Organizatave: Sfidat, Alternativat, Zgjidhjet".
- Leksion nga z.Thimjo Kondi me temë: "Gjykata e Lartë": Roli i saj në sistemin gjyqësor".
- Leksion i hapur: "Sfidat demografike të Shqipërisë në shekullin e XX në kushtet e një zhvillimi ekonomik të qëndrueshëm" mbajtur nga Dr. Arjan Gjonça i LSE.
- Leksion i hapur në UMB nga Baronesha Françoise Tulkens, Zëvendëskryetare e Gjykatës Evropiane për të Drejtat e Njeriut, Gjyqtari Christos Rozakis, ish-Zëvendëskryetar i kësaj Gjykate dhe Z. Ledi Bianku. Temë e leksionit: "Gjykata e Strasburgut dhe mbrojtja e të Drejtave të Njeriut në Evropë".

Zgjedhjet e Unionit Studentor në Universitetin "Marin Barleti", dhjetor 2011

Një nga objektivat e Unionit Studentor është të nxisë përfshirjen e studentëve si një pjesë integrale e UMB, nëpërmjet organizimit të tyre në shoqata dhe klube, nëpërmjet Zyrës për Çështjet Studentore, nëpërmjet organizimit të aktiviteteve të ndryshme sociale e kulturore, nxitjes së pjesëmarrjes në trajnime, konferenca, debate të hapura, etj.

Unioni Studentor është organizmi përfaqësues i studentëve të UMB. Ky organizëm përfaqëson të gjithë studentët e të gjitha degëve dhe viteve si dhe të gjitha shoqatat e studentëve. Ky organizëm vepron në bazë të udhëzimeve të përcaktuara në statutin e tij, si dhe në rregulloren dhe statutin e universitetit.

Gjatë periudhës, 05-09 Dhjetor 2011 studentët e të gjitha degëve në Universitetin "Marin Barleti" zgjodhën përfaqësuesit e tyre për në Këshillin e Studentëve, si dhe Presidentin e Unionit të Studentëve, në përputhje me Statutin e Unionit Studentor.

Në zgjedhjet për Këshillin e Unionit rezultuan fitues 13 studentë .Gjithashtu Këshilli Studentor me konsensus nxori dy kandidatura për Presidentin e Unionit, duke kërkuar që të votohej në Këshill. Votimi u bë i fshehtë dhe transparent nga vetë anëtarët e Këshillit. President i Unionit Studentor u zgjodh Anisa Gogaj me shumicë votash.

Universiteti "Marin Barleti" humbet nje personalitet te nderuar shqiptar nga tryeza e bordit drejtues

Mesditen e se shtunes, 3 Dhjetor 2011, i cilesiuar si "i urti" i politikes shqiptare, Z. Sabri Godo u nda nga jeta, duke lene pas familjen, miqte por edhe njerezit e thjeshte te cilet vleresonin kontributin e tij ne shoqeri. Pervec kesaj, Z. Godo la nje vend bosh ne bordin drejtues te UMB, duke i hequr shansin e madh studenteve tane per tu njohur dhe vjelur kete mendje te arte.

Z. Godo nepermjet mencurise dhe maturise se tij ka pasur mundesine te udheheqe politikane te vjeter e te rinj, me nje devotshmeri te spikatur, e gjitha per hir te se mires se madhe shqiptare.

Z. Godo, humbi luften e tij me nje semundje ne mushkeri ne moshen 82 vjecare. Pas trajtimeve intensive qe kish marre ne spital, ai kishte shprehur deshiren te zhvendosej ne shtepine e tij , per te jetuar castet e fundit prane familjes. Ai u varros me protokoll shteteror pas nderimeve qe ju bene nga figurat e larta te vendit si dhe publiku i thjeshte, ne ambjentet e Parlamentit Shqiptar.

Kush ishte Sabri Godo?
Sabri Godo ishte i njohur si politikan, shkrimtar dhe skenarist ne kulturen shqiptare. Lindi në qytetin e Delvinës më 8 gusht të viti 1929. Shkollën e fillore e kreu po në këtë qytet dhe më pas shkollën e mesme e vazhdoi në Tiranë.

Godo e la gjimnazin në mes në vitin e tretë, ku mori pjesë në luftën antifashiste nacionalçlirimtare nga 15 korriku i vitit 1943 deri në maj 1945, kur u kthye nga Jugosllavia.

Sabri Godos iu desh të largohej nga Shqipëria së bashku me nënën e tij sepse përndiqej politikisht. Ka patur veprimtari të dendur në publicistikë, veçanërisht në revistën "Hosteni", ku ka botuar mbi tre mijë faqe fejtone e shkrime kritike me pseudonime.

Në janar të vitit 1991 ai themeloi Partinë Republikane të Shqipërisë dhe ishte kryetar i saj për shtatë vjet.

Aktualisht Godo mbante postin e kryetarit të Asamblesë Kombëtare të kësaj partie. Politikani Godo ka qenë deputet i Kuvendit të Shqipërisë në dy legjislatura, ku ka ushtruar detyrën e kryetarit të Komisionit të Çështjeve Sociale dhe të atij të Politikës së Jashtme. Ai sherbente si anetar ne bordin drejtues te Univeristetit "Marin Barleti" qe prej themelimit te ketij te fundit ne vitin 2005.

Veprat e tij (kronologjikisht):

Plaku i Butkës", Roman historik (1966);
Ali Pashë Tepelena, roman 1970
Zëra nga burime të nxehta, tregime (1972);
"Intendenti", tregim (1973);
"Skënderbeu (1975)
"Prova e zjarrit", roman (1977);
"Kohët që shkojnë, kohët që vijnë", reportazhe (1985);
"Ujërat e qeta", roman, (1988);
"Koha e njeriut", roman (1990).
"Udhëtari", roman (2009)
Skenarët
Dritat e qytezës (1983)
Intendenti (1980)

UMB mbështet shkollën partnere MERIDIAN + në aktivitetin "Shqipëria Ime"

Të premten, 2 Dhjetor 2011, në ambjentet e Akademisë së Arteve -Tiranë, u zhvillua aktiviteti me titull: "Shqipëria Ime", e organizuar nga shkolla e mesme jo-publike, partnere e UMB, "Meridian +" dhe shkolla 9-vjecare jo publike "Akros" . Aktiviteti i përvitshëm në kuadër të promovimit të vlerave kulturore me temë : "Shqiperia Ime" u vendos në skenë nga nxënësit e të dy shkollave të lartpërmendura. Nëpërmjet këngëve, valleve, poezive dhe përrallave, nxënësit bënë një udhëtim të shkurtër në të gjitha trevat shqiptare, brenda dhe jashtë kufirit zyrtar të Shqipërisë. Duke u nisur nga veriu ku spikatën këngë të krahinave të Kosoves, e deri në jug me Çamërinë, nxënësit dhuruan momente emocionuese për spektatorët në sallë. Përfaqësuesit e UMB, ishin nderuar nga organizatoret me vende ne rradhën e parë, si njohje e partneritetit midis shkollave.

Nxënësit e shkollës së mesme Meridian +, por edhe ata të ciklit të ulët, ishin një kënaqësi e veçante për tu ndjekur teksa recitonin me aq dashuri e këndonin apo vallëzonin nën tingujt e folklorit të trojeve të ndryshme me aq pasion, e të veshur ne kostume të mahnitshme shqiptare.

I ftuar në ketë aktivitet ishte dhe arkeologu i nderuar Prof. Neritan Ceka, i cili ju dhuroi shkurtimisht nxënësve dhe të pranishme një leksion të shkurtër mbi antikitetin Shqiptar.

Ndenja të forta patriotizmi për vendin dhe krenarie për nxënësit si simbol të së ardhmes shoqëruan për gjatë tërë shfaqes të pranishmit në sallë. Së fundmi një Bravo për organizimin dhe iniciativën e vënies në skenë të një aktiviteti gjithpërfshirës, ku toleranca sidomos ajo ndërkrahinore binte në sy si element kryesor në promovimin e vlerave dhe kulturës Shqiptare.

Partneriteti mes këtyre institucioneve të arsimit parauniversitar dhe Universitetit "Marin Barleti" do të vazhdojë si në pasurimin e jetës shkollore apo akademike po ashtu edhe me aktivitete jashtëkurrikulare duke i sjellë nxënësit një hap më pranë auditorëve

UMB jep kontribut ne organizimet e ASAN per 100 vjetorin e Pavaresise se Shqiperise

Dy perfaqesues nga Universiteti "Marin Barleti" kane marre pjese ne tryzen e rrumbullaket te organizuar nga ASAN (Rrjeti i Studenteve Shqiptare ne Bote) ne 28 Nentor ne kuader te organizimit te aktiviteteve per 100 vjetorin e pavaresise se vendit.

Aktiviteti i cili u mbajt ne ambjentet e Ministrise se Arsimit dhe Shkences kishte te ftuar perfaqesues te ndryshem (studente dhe staf) nga Universitete publike dhe private ne vend si dhe nga Kosova, Maqedonia e Mali i Zi. Qellimi i ketij workshop-i ishte mbledhja e ideve te ndryshme per zhvillimin e aktiviteteve studentore me synim bashkepunimin e institucioneve arsimore ne vend sipas emertimit te bere nga Zv. Ministri i Arsimit dhe Shkences, Z. Halit Shamata si "punetore te mendjes" qe kane si vizion te perbashket integrimin e Shqiperise ne tryezen Europiane.

Platforma nderuniversitare e cilat kishte nje synim ambicioz te organizimit te 100 aktiviteteve brenda nje viti, mbartte kater drejtime krysore per aktivitetet sipas tematikave te caktuara akademike, sportive, kulturore dhe shoqerore. Kater grupet e formuara ne kete workshop punuan duke dhene ide te ndryshme te cilat do te bashkohen ne nje liste kryesore. Nje mbledhje tjeter ne vijim do te diskutoje se cilat aktivitete nga kjo liste do te sillen ne jete.

Keto organizime do te marrin mbeshtetjen e plote te Ministrise se Arsimit dhe Shkences. UMB eshte krenar per kontributin e duartrokitur qe dha gjate ketij workshop-i, kontribut i cili do te pasohet me organizime konkrete nga perfaqesuesit e UMB-se.

Udhëtimi në Dubrovnik për festat e nëntorit

Studentë dhe pedagogë të Universitetit "Marin Barleti" festuan së bashku festat e nëntorit në një udhëtim nëpër trevat e hershme shqiptare duke arritur deri ne qytetin antik të Raguzës apo Dubrovniku i sotëm. Me iniciativën e studentëve të vitit të parë, dega drejtësi dhe organizimin e Dekanit te Studentëve, znj.Elona Bano këtij grupi ju bashkuan edhe studentë të viteve superiore pavarësisht nga dega e tyre e studimeve.

Udhëtimi nisi bukur në të shtunën me diell të datës 26 nëntor ku i gjithë grupi pedagogë e studentë si miq të vjetër të armatosur me shumë humor e miqësi u nisën drejt kufirit me Malin e Zi, Murriqanin. Fotot e bukura në ishullin e Shën Stefanit i shtuan ndjesinë e të bukurës dhe dëshirës së mirë që një udhëtim i këndshëm i priste. Në drekë dielli i ngrohtë dhe Budva krahëhapur na mirëpritën duke na joshur drejt Kalasë së Qytetit të vjetër. Në Budva mrekullisht ndërthureshin luksi i antikitetit dhe pasurisë historike me luksin material të jahteve më moderne.

Pas një dreke me ushqim të shijshëm malazez grupin e priste një surprize edhe më e bukur, lundrimi me traget në qytetin e Hercegnovit, udhëtim, i cili jo vetëm fali kënaqësi por shkurtoi një pjesë të mire të rrugës duke anashkaluar kështu zonën e Boka Kotorskës si për të ruajtur shijimin e rivierës adriatikase për bregun e Dubrovnikut. Në mbrëmje u krye akomodimi në një hotel shumë komod, të pastër dhe mikpritës, që i shkonte shumë për shtat grupit tonë energjik. Nga ballkoni i hotelit kishe një pamje mbi qytetin e ri të Dubrovnikut por edhe mund të hapje mushkëritë me ajrin e pastër bregdetar të parfumosur nga era e rozmarinës dhe portokalleve që si globa dukej sikur zbukuronin rrugët dhe rrugicat e qytetit.

Dita e dytë e këtij udhëtimi, e diela ashtu siç e ka dhe emrin ish plot diell. Të mahnitur nga peizazhi që na ofroi qyteti i vjetër i Dubrovnikut ku muret e bardha të qytetit pjesë e tashëgimnisë kulturore të UNESCO-s përkëdheleshin lehtë në ujrat kaltëroshe të Adriatikut, vizituam plot kureshtje: Manastirin Francescan & Domenican, Portën e Piles dhe Shatërvanin e Onofrios, Farmacinë e vjetër, Shëtitoren kryesore të qytetit Stradun, Katedralen e qytetit, Pallatin e Dukes, Kullën e Sahatit, Statujën e Heroit Orlando dhe atë të Shkrimtarit Marin Drizic, Kullën e Minçetës.

E ku mund të konsumohej dreka më mirë se sa në breg të detit pranë portit të famshëm dhe aq të rëndësishëm ndër kohëra të Dubrovnikut?! Të ngopur edhe me shijen e mirë nga ky qytet kaq i mrekullueshëm thuajse larg çdo kohe, u vizitua Ura e Fanjo Tuxhmanit, e cila është ndërtuar për nder të presidentit të parë Kroat, kur Kroacia fitoi pas një lufte të përgjakshme pavarësinë nga Jugosllavia.

Një tjetër qytet i mbrojtur nga UNESCO na priti ditën e tretë. Ishte Kotorri. Në këtë qytet përveçse shijuam proshutën malazeze dhe pakëz shlifovica sa për tu ngrohur, filluam të shëtisnim Katedralen e Shën Trifonit dhe Kishën e Shën Nikolasë. Kotorri ndryshe njihet edhe si qyteti i Mbretëreshës Teutë me një qytezë brenda kalasë dhe një Kështjellë në majë të malit që për pak na përngjau me murin kinez por në miniaturë.

Por si çdo gjë e bukur dhe e këndshme udhëtimit tonë i erdhi fundi mbasditen e datës 28 nëntor duke mbërritur në Tiranën festive për ditën e pavarësisë dhe gati për të mirëpritur 29 nëntorin. Besojmë se ky udhëtim do të pasohet edhe nga të tjerë akoma edhe më argëtues!

Konferenca Shkencore "Gjuha Politike, Komunikimi politik dhe Mediat"

Me 25 nëntor 2011, Fondacioni Hanns-Seidel, Ceapal në bashkëpunim me AIPA (Instituti Shqiptar për Cështje Publike) në UMB organizuan në Hotel Sheraton një konferencë shkencore me temë "Gjuha politike, komunikimi politik dhe mediat".

Midis personaliteteve nga fusha e politikës dhe medias në këtë konferencë referuan edhe dy nga lektorët e universitetit "Marin Barleti", Znj. Zamira Cavo dhe Z. Erion Kristo.

Ndër të tjera në këtë konferencë u theksua se sot politika nuk ka arritur ende të jetë përfaqësuese e të gjitha grupeve dhe nuk ka një ndarje të qartë politike si mbeshtetje ideologjike por më shumë një ndarje e bazuar mbi trashëgiminë familjare.

Gjuha politike, komunikimi politik dhe etika sot janë zhvlerësuar dhe shpërfytyruar, duke u përdorur dialekti i inatit dhe shkaterrimi me cdo kusht e forme i rivalit politik duke zhdukur gati plotesisht cdo komunikim midis paleve. E megjithate thelbi i etikës nuk është pushteti dhe as monologu, por qytetaria. Ndërkohë që politika është e pashmangshme, politikanët duhet tNULLi binden vullnetit politik të opinionit publik.

"Drita" e Loer Kumes në UMB

Ditën e enjte dt 24 nëntor 2011, Universiteti "Marin Barleti" hapi siparin e "Stinës së librit shqiptar" me të ftuarin e parë, shkrimtarin e ri Loer Kume, i cili prezantoi librin e tij "Lux" ose ndryshe "Drita". Për rreth dy pre Kume prezantoi temat më kryesore që përbënin thelbin e prozës së tij të shkurtër në formë tregimesh, zhanër ky tepër i vështirë për vetë koncizitetin që kërkon. Libri ju drejtohet të gjitha moshave dhe ne te 14 tregimet e tij prek sfera të ndryshme të ekzistencës së autorit, që nga përshkrimi i procesit të tij të krijimit e deri tek fantashkenca.

Autori i bën elozhe dritës në përgjithësi, si simbol i jetës qoftë asaj të thjeshtë të përditshme, rutinë ashtu dhe asaj krijuese. Citojmë se për autorin "Drita është magjia bazë që bën të shohim e perceptojmë jetën, si pasojë ta jetojmë. Dhe vetë egzistenca e saj si konstante universale është magjike. Dhe dualiteti i saj si grimcë dhe valë është magji që ngacmon mendjen për dualitetin e krijimit. Foton - kuant, mirë - keq, burrë - grua, yin - yang e sa të duash pjesë simetrike të së tërës.

Drita është simboli i ekuilibrit. Drita është elementi bazë i shkrimit tim, në çdo pjesë të këtij libri gjendet ajo, e fshehur ose e dukshme". "Lux" është përmbledhje e shtrirë në një hark të gjatë kohor duke i etiketuar në tre grupe sic do të thosh autori: Kapriço urbane, Teha Resh dhe Futura. Kështu pra tregimi "Gjyqi i hijeve" është metaforë gotike e procesit të krijimit të paktën letrar, të paktën timit. Dritësjellësi, që është dhe burimi i pandërgjegjshëm i titullit të librit është trajtimi i mitit të Luçiferit, engjëllit të rënë në një këndvështrim kompleks tejEdipian të dritës dhe "pushtetit të brezit të ri", shkruar duke pirë konjak një natë dimri deri në një mëngjes dimri. "Pushtimi i parajses" rri mirë e bukur në këmbë pa pasur baza morale por veç nevojën për adhurim e frymëzim emotiv ndaj bëmave të skajshme të trimërisë.

"Biblioteka" është pastërtisht etje për jetë, dhe çapitje mbi librat. "Mr. PushShteti..." është ashtu dhe loja e fjalëve në titull, një lojë komplekse letërsie e prodhuar nga dy ngjarje deri diku të vërteta, që më kanë tronditur mua, mbase më pak nga shumë të tjerë. "Moonlight drive" është poemë e egër e një mënyre të të dashurit, e shijes së dheut dhe puthjeve. "Dëshirë e fundit?" Mbetet në pyetje, një formë ndjenje që tejkalon jetën, një formë pasioni që thyen kurrizin e ftohtë të vdekjes. "Dita e tetë" është soditje nga cepi më distal i universit tonë, ulur këmbëkryq me një gotë verë të kuqe në dorë, duke ndjerë një rrymë elektrike të qarkullojë nëpër neurone e shkaktuar frikë për të nesërmen. ""Biorisia" ashtu si "Dita e tetë" është pjesë libri që mbetet për tu mbaruar. Ka gjendje të caktuara fiziko shpirtërore që bujarisht dhurojnë përjetime absolute të rralla në njerëzi. është çeshtje sekondash, më saktë koha sNULLka të bëjë fare, por sheh veten të tretur dhe gjithçka është gjithçka. Pas kërkimesh autori ka arritur në konkluzionin që një formë të ngjashme njohin dhe budistët, e quhet Satori, pastrimi para Nirvanas. Kjo gjendje quhet (term i krijuar padyshim nga unë) BIORISIA. Risi - biosNULLi, ose një Rise (angl.) biosNULLi. "Re puplore" është shpirti i TEHA RESH. është poezi e një mënyrë të jetuari, dhe filozofie. është një kurorë që jo çdokush, as autori vetë që e ka peshkuar konceptin aty qark qiellit, nuk mundet gjithmonë ta mbaj mbi kokë. Të shkruash letërsi, ndryshe nga çNULLmendon shumëkush është sport. Një sport që përcakton raportet me veten dhe botën. Zhvillon qenien tënde anatomike dhe shpirtërore, dhe nxit, argëton, frymëzon, zhvillon dhe ata që goditen nga drita e leximit të duhur, ose të leximit te i cili pasqyrohen.

U kaluan disa minuta të këndshme, absolutisht relaksuese dhe larg realitetit i cili sa vjen dhe bëhet më konsumator dhe mbytës i shijes së të bukurës, e cila thërret pafund që ta shpëtojmë nga vdekja e sigurt, pra nga monotonia. Kështu autori dhe studentët fjali pas fjalie, batute pas batute u shkrinë ne një enderr drite mes miqsh. Shija ëmbël e këtij aktiviteti do të pasohet edhe nga promovime të tjerë librash të zhanreve të ndryshme, po kaq të rinj sa dhe "LUX", të gjithë të promovuar në panairin e fundit të librit.

Instituti Shqiptar për Çështjet Publike (AIPA) dhe UMB, organizuan tryezën e rrumbullakët "Përdorimi dhe Vlefshmëria e të Dhënave të Regjistrimit të Popullsisë dhe Pronave 2011 në Shqiperi

Në datën 22 nëntor 2011, Instituti Shqiptar për Çështjet Publike (AIPA), në bashkëpunim më Universitetin "Marin Barleti", organizuan në ambientet e këtij të fundit tryezën e rrumbullakët me temë "Përdorimi dhe Vlefshmëria e të Dhënave të Regjistrimit të Popullsisë dhe Pronave 2011 në Shqipëri".

Gjatë gjithë kohës së zhvillimit të këtij procesi të rëndësishëm për vendin, opinioni publik vendas u përqëndrua vetëm mbi disa informacione që kishin të bënin me Censusin, të cilat lidheshin kryesisht me regjistrimin e popullsisë sipas fesë dhe etnisë, duke anashkaluar të dhëna të tjera shumë të rëndësishme. Këto të dhëna kishin të bënin jo vetëm me regjistrimin e popullsisës thjesht si proces numërimi, por përmes tyre merren informacione të tjera të rëndësishme mbi aspekte të ndryshme të zhvillimit ekonomiko-social, të urbanizimit, të cilat më vonë mund të shërbejnë si bazë për përcaktimin e politikave makro dhe mikro-ekonomike.

Për këtë arsye, AIPA dhe Universiteti "Marin Barleti" ftuan në këtë tryezë të rrumbullakët specialistë të procesit të regjistrimit të popullsisë, studiues demografë, ekonomistë, të cilët përfaqësonin si institucione qendrore shtetërore, të tilla si INSTAT, Ministrinë e Ekonomisë, institucionet bankare, ashtu edhe studiues shqiptarë të fushës që punojnë jashtë Shqipërisë.

Në këtë takim ishin të ftuar Dr. Ines Nurja, Drejtore e Institutit të Statistikave (INSTAT), Znj. Ermira Galanxhi, Drejtuese e Sektorit të Statistikave të Popullsisë - INSTAT, Znj. Elda Kapllani, Drejtuese e menaxhimit të procesit të Censusit, Prof. Dr. Ermelinda Meksi, statisticiene dhe demografe, Dr. Arjan Gjonca, demograf dhe punonjës shkencor pranë London School of Economics (LSE), Prof. Dr. Nevruz Koçi, statisticien dhe ekspert i tregut të sigurimeve dhe pedagog pranë Universitetit "Marin Barleti", Dr. Bernard Zeneli, drejtues i Programit Brain Gain - Albania.

Drejtorja e INSTAT, Dr. Ines Nurja, në kumtesën e saj sqaroi se Censusi nuk ishte një regjistrim popullsie i bërë mbi bazë etniko-fetare. Të dhënat e Censusit kanë një vlefshmëri dhe përdorshmëri tejet të larmishme. Ato mund të përdoren për të nxjerrë tregues të ndryshëm të zhvillimit ekonomiko-social të vendit, si edhe të ndryshimit të strukturës së popullsisë. Në thelb Censusi përcakton politikat e ardhshme sociale-ekonomike në përputhje me këto të dhëna.

Drejtuesja e procesit të menaxhimit të Censusit, Znj. Elda Kapllani shpjegoi se Censusi nuk është vetëm një proces me dimension kombëtar, por edhe ndërkombëtar. Censusi i shërben vendeve të Bashkimit Evropian që të krahasojnë midis tyre treguesit e zhvillimit ekonomiko-social, si edhe të jenë në gjendje të parashikojnë prirjet e zhvillimit të tyre në të ardhmen. Në lidhje me këtë, Znj. Kapllani shpjegoi se procesi i Censusit nuk ishte një ndërmarrje që ka ndodhur vetëm në vitin 2011, por ajo ka pasur një fazë të rëndësishme përgatitore. Kjo fazë ka filluar që në vitin 2008 me draftimin e pyetësorit dhe më pas është shtrirë në kohë për realizimin e tij në praktikë përmes projekteve pilotë. Në tryezë u shpjegua se struktura e pyetësorit të Censusit ka një pjesë të rëndësishme të saj që përbëhet nga pyetje thelbäsore të ngjashme për të gjitha vendet evropiane dhe rajonale, duke u përplotësuar nga pyetje që I janë përshtatur edhe realiteve të vendit. Më tej, referuesja shtoi se Censusi do të respektojë rigorozisht konfidencialitetin e të dhënave personale dhe ai do të bëhet I përdorshëm për publikun duke filluar nga mesi I viti 2013, kur të dalin edhe botimet e para në lidhje me këtë proces.

Znj. Ermira Galanxhi, eksperte statisticiene e INSTAT u ndal te vështirësitë teknike në terren që kishin të bënin me realizimin e procesit të Censusit. Një nga këto ishte përcaktimi I qartë I koncepteve mbi të cilat do të operohej, të tilla si kategorizimi I vendbanimeve, në qendra urbane dhe rurale. Nga ana tjetër ajo shpjegoi edhe ndërvarësinë që ekziston, si edhe dallimin midis tyre, të regjistrave të gjendjes civile me regjistrin që krijohet gjatë procesit të Censusit. Në thelb Censusi ka të bëjë me fotografimin në një moment të caktuar të gjendjes së personave që jetojnë brenda territorit. Znj. Galanxhi shpjegoi se ekzistojnë disa metoda për realizimin e Censusit, siç janë ato të a) përdorimit të regjistrave dhe b) të regjistrimit të popullsisë në mënyrë individuale.

Dr. Arjan Gjonca, studiues i demografisë në London School of Economics bëri një shpjegim paraprak se çfarë kuptohej me procesin e regjistrimit të popullsisë. Ky proces është, para së gjithash, një proces i plotë i grumbullimit, përpilimit, vlerësimit, analizës, botimit dhe shpërdnarjes së të dhënave demografike, ekonomike dhe sociale në një moment të caktuar kohe, për të gjithë personat e një vendi, në një territor shumë të përcaktuar. Më tej referenti u ndal te një historik i shkurtër i regjistrimeve në Shqipëri. Ky proces ka filluar qysh në vitin 1918, për të marë një dimension kombëtar vetëm pas Luftës së Dytë Botërore, me regjistrimet e 1950, 1960, 1969, 1979, 1989, 2001 dhe 2011. Dr. Gjonca shpjegoi se procesi I regjistrimit të popullsisë kalon nëpër disa faza, si 1) faza e planifikimit dhe ajo përgatitore, 2) faza e grumbullimit të të dhënave, 3) faza e përpunimit dhe botimit të të dhënave. Karakteri I të dhënave që mblidhen nga procesi I regjistrimit ka karakter të larmishëm, ai është informacion me karakter personal, mbi migracionin e brendshëm, mbi nivelin e arsmimit të popullsisë, me karakter social-ekonomik, duke dhënë tregues të nivelit të jetesës së popullsisë në zona të ndryshme dhe duke ndihmuar paskëtaj në hartimin e politikave të zhvillimit. Dr. Gjonca sqaroi se informacioni I siguruar nga rezidentët është në mënyrë strikte konfidencial dhe INSTAT e ka të ndaluar me ligj tNULLI japë të dhëna konfidenciale çdo grupi të tretë, qoftë institucion shtetëror, privat, apo edhe shoqëri civile. Të dhënat e përftuara nga procesi I regjistrimit mund të përdoren nga qeveritë vendore për të hartuar politikat lokale në bazë të nevojave të popullsisë. Ato mund të përdoren edhe nga institucionet kërkimore, sepse të dhënat e regjistrimit të popullsisë janë një nga burimet më të rëndësishme për të kryer studime shkencore për të gjithë vendin. Si përfundim, autori përmendi edhe disa nga specifikat që kishte procesi I regjistrimit të popullsisë 2011, a) për herë të parë në pyetësorë u kërkua informacion mbi përkatësinë fetare, b) mbi etnicitetin, I cili para vitit 1990 trajtohej si kombësi, si edhe c) të dhëna në lidhje me paaftësinë.

Në kumtesën e saj me titull "Legjislacioni I BE në regjistrimin e popullsisë dhe banesave të 2011", prof. Ermelinda Meksiu ndal në disa aspekte të tij siç janë, a) qëllimi i censusit, si burim I rëndësishëm informacioni për përcaktimin numerik dhe shpërndarjen territoriale të njësive ekonomike familjare, për b) formulimin e vlerësimin e politikave për administrim dhe kërkim shkencor.

Më tej prof. Meksi shpjegoi se Censusi I vitit 2011 ishte një aktivitet që zhvillohej në përputhje me legjislacionin e Bashkimit Evropian (Rregullorja (EC) No. 1201/2009), dhe bën të mundur që të dhënat e përftuara të jenë të krahasueshme me të gjitha vendet e kontinentit. Ky Census do të ndihmojë në krijimin e të dhënave të krahasueshme rreth popullsisë së BE, mbi demografinë, arsimin, kulturën, strukturën ekonomike dhe sociale, rreth standardit të strehimit, apo strukturës së stokut të banesave.

Këto të dhëna janë nevojshme për të koordinuar veprimin e vendeve anëtare në politikat ekonomike dhe sociale, për vendimarrje në adresimin e çështjeve të përbashkëta. Programi për censusin e 2011 u përpilua për të plotësuar nevojat kryesore të politikës së BE, që synon të mbështesë aktivitetet e BE dhe të lehtësojë që njerëzit të veprojnë në nivel kombëtar dhe rajonal, duke e parë situatën e tyre si pjesë e kuadrit të një Evrope më të madhe.

Më pas prof. Novrut Koçi në fjalën e tij "Domodoshmëria e Censusit 2011 dhe treguesit që mund të llogariten" shpejgoi se ky proces fokusohet te a) popullsia si pikënisje dhe pikë mbërritje e çdo studimi, studimet për gjendjen ekonomike dhe sociale, studimet për zënien në punë, studimet për zhvillimin e arsimit, të shëndetësisë, studimet për zhvillimin e shërbimeve, për infrastrukturën e vendit, b) përdoruesit e të dhënave të regjistrimit, të cilët mund të jenë individë apo organizata, qeveria qendore dhe ajo lokale, institucionet kërkimore shkencore, sektori privat dhe sektori publik në të gjitha fushat, c) nevoja për të njohur kategoritë e numrit dhe të strukturës së popullsisë, burimet e punës, kontigjentet për arsim, kopshte, çerdhe, parashikimi I nevojave për transport urban, parashikimi I shërbimeve publike dhe turizmi, konsumi I energjisë elektrike, d) numri I përgjithshëm I popullsisë, e) struktura e popullsisë sipas moshës, gjinisë dhe karakteristikat e tjera, f) ndërtimi I treguesve të lindshmërisë, vdekshmërisë, g) nevoja për të bërë parashikimet e numrit të popullsisë për të ardhmen, l) nevojat për llogaritjen e treguesve të zhvillimit human afatgjatë.

Në mbyllje të tryezës së rrumbullakët dr. Berndard Zeneli foli mbi "Censusi si problem i politikës kombëtare dhe ndërkombëtare". Në thelb të tij ishte theksi se këto procese po bëhen gjithmonë e më të integruara me aktivitetet që ndodhin në plan rajonal dhe më të gjerë, në mënyrë që treguesit e zhvillimit të një vendi të jenë të matshëm dhe të krahasueshëm edhe me ato të vendeve të tjera. Censusi në fund të fundit, dhe metodologjia e tij janë një tregues I nivelit të integrimit gjithnjë e më të madh të vendit tonë në strukturat e BE.

Leksioni i Arian Gjonca mbi censusin (PDF)

Tryeze e rrumbullaket mbi Census Albania 2011

Të martën, në 22 nëntor në ora 10.00, Instituti Shqiptar për Çështjet Publike (AIPA), në bashkëpunim me Universitetin "Marin Barleti", organizon në ambientet e këtij të fundit tryezën e rrumbullakët "Përdorimi dhe Vlefshmëria e të Dhënave të Regjistrimit të Popullsisë dhe Pronave 2011 në Shqipëri".

Tryeza e rrumbullakët do të sjellë në një disktutim të përbashkët ekspertë shqiptarë që punojnë jashtë vendit dhe brenda tij, dhe të profileve të ndryshme profesionale si, ekspertë të statistikave, demografisë, politikave urbane, përfaqësues të sektorit publik dhe institucioneve të tilla si Ministria e Ekonomisë, INSTAT. Do të ketë të ftuar edhe nga Banka Botërore dhe Fondi Monetar Ndërkombëtar.

Aktiviteti do të jetë i hapur për t'u ndjekur si nga personeli akademik, ashtu edhe nga studentët.

Ne kuadrin e aktiviteteve te ndryshme te organizuara nga Insitututi Shqiptar per Ceshtjet Publike dhe Universiteti "Marin Barleti" vijme tek ju me nje program trajnimi, i cili do te zgjase 4 jave rresht

Ne kuadrin e aktiviteteve te ndryshme te organizuara nga Insitututi Shqiptar per Ceshtjet Publike dhe Universiteti "Marin Barleti" vijme tek ju me nje program trajnimi, i cili do te zgjase 4 jave rresht, cdo te shtune duke filluar nga dt 19 nentor 2011 nga ora 9.00 deri ne oren 14.00. Vendi i zhvillimit te ketij aktiviteti eshte Universiteti "Marin Barleti", auditoret e kampusit numer 1.

Tema e ketij trajnimi eshte "Mbrojtja e te drejtave te Konsumatorit", nje ceshtje shume e rendesishme kjo dhe akoma e paqarte per pjesen me te madhe te shoqerise shqiptare.

Ceshtjet Kryesore qe do te trajtohen gjeresisht nga prezantuesit jane:

Konsumatori si Palë në Lidhjen e Kontratave
Para xhepi, një telefon celular, apo lojëra kompjuterike, janë ato çka zotëron sot çdo adoleshent. Por, a i njohin të drejtat e tyre, adoleshentët, që disponojnë paratë e dhëna nga prindërit? Çfarë mund të blihet me paratë e xhepit, që fëmijët marrin nga prindërit çdo muaj?

Siguria e Produkteve dhe Publiciteti

Çdo produkt duhet të jetë i sigurtë
Ndodh që thekësja e bukës që blejmë nis të nxjerrë flakë gjatë kohës që ne jemi duke thekur bukë, një llambë në dukje e sigurtë, bëhet shkak që të na digjet shtëpia, një teh i mprehtë thike, i montuar keq në grirësen e perimeve, nuk ecën sipas udhëzimeve, por përkundrazi rrotullohet kaq keq sa mund të na plagosë.

Shërbimet Turistike dhe Mbrojtja e Konsumatorit
Vonesat janë për fat të keq një fenomen shumë i përhapur në transportin ajror. Nëse kemi dyshime që jo gjithçka po shkon sipas planit, sigurohemi nëpërmjet informacioneve që jepen në ekranet e vendosur nëpër Aeroporte, ose zyrave perkatese brenda ne aeroport te cilat merren me sherbimin e biletave ose bagazheve.

Ruajtja e të Dhënave Personale dhe Përdorimi i Rrjeteve Sociale (Facebook, Twitter, Myspace, etj)
Anonimiteti në Internet është vetëm në dukje. Pronarët e faqeve të Internetit mbledhin shumë informacione për ne, duke dërguar file të ndryshme, (ose të ashtuquajturat cookies - ëmbëlsira) tek kompjuteri ynë. Në këtë mënyrë, këta pronarë, mund të viheni në dijeni të faqeve që ne vizitojmë, të programeve që përdorim dhe të plot informacioneve të tjera.

Pjesemarrja ne kete trajnim eshte perfshin nje game te gjere individesh duke filluar qe nga adoleshentet e deri tek profesionistet e kualifikuar apo staf agjensish te ndryshme sherbimesh: media, publicitare, turistike etj.

Cdo kush eshte i ftuar te marre pjese ne kete trajnim 4 javor ne fund te se cilit do te pajiset me nje certifikate.

Lidhja e kontratave - 19 nëntor 2011
Ora. 09.00 - 10.00 Koncepti i konsumatorit (LL. M., Msc. Edlira LLOHA)
Ora. 10.00 - 11.00 Lidhja e kontratave (LL. M., Msc. Edlira LLOHA)
Ora 11.00 - 12.00 Shitjet larg qendrave tregtare dhe shitjet në largësi (Edlira LLOHA)
12.00 - 12.30 Pushim për kafe
12.30- 13.30 Gjykata dhe roli i saj në zgjidhjen e mosmarrëveshjeve në çështjet e konsumatorit (Edlira LLOHA)
13.30 - 14.00 Çështje praktike - punë në grup

Siguria e produkteve dhe publiciteti- 26 nëntor 2011
ora 09.00 - 10.00 Siguria e Produkteve (LL. M., Msc Edlira LLOHA)
ora 10.00 - 11.00 Publiciteti dhe Promocioni i Shitjeve (DR. Semiha LOCA)
ora 11.00 - 12.00 Reklama dhe Garancia (LL. M., Msc Edlira LLOHA)
12.00 - 12.30 Pushim për kafe
12.30 - 13.30 Çështje të tjera që ndikojnë sjelljen e konsumatorit (DR. Semiha LOCA)
13.30 - 14.00 Çështje praktike - punë në grup

Shërbimet turistike dhe mbrojtja e konsumatorit- 3 dhjetor 2011
ora 09.00 - 10.00 Bagazhet e humbura dhe aeroplani i vonuar (Msc. Elona BANO)
ora 10.00 - 11.00 Përgjegjësia e operatorëve turistikë (Msc. Elona BANO)
ora 11.00 - 12.00 Paktat turistike dhe operatorët turistikë (Msc. Elona BANO)
12.00 - 12.30 Pushim për kafe
12.30 - 13.30 Timesharing
13.30 - 14.00 Çështje praktike - punë në grup

Ruajtja e të dhënave personale - 10 dhjetor 2011
ora 09.00 - 10.00 Mbrojtja e të dhënave personale (Msc. Elona BANO)
ora 10.00 - 11.00 Ndikimi i Internetit në keqpërdorimin et ë dhënave personale (Anisa BRANO)
ora 11.00 - 12.00 Blerjet online dhe siguria e të dhënave personale (Msc. Elona BANO
) 12.00 - 12.30 Pushim për kafe
12.30 - 13.30 Përdorimi i rrjeteve sociale dhe siguria e të dhënave personale (Anisa BRANO)
13.30 - 14.00 Çështje praktike

Per rregjistrime kontaktoni ne: ikshbarleti@umb.edu.al ose me tel: 069 400 57 39.

Ju mirepresim

Konferenca Rajonale: Së Bashku, Shkollë-Familje-Qeverisje Vendore"Të ndërtojmë Partneritetin e Shoqërisë për Zhvillim të Qëndrueshëm"

Njohuritë shkencore, së toku me shprehitë dhe aftësitë profesionale që ka përfituar në auditoret e Universitetit"Marin Barleti" , studentja e MND në"Politika Publike dhe Administrim" Znj. Artrida Ferketi, guxon ti përballojë me aktorët e qeverisjes vendore, shoqërisë civile, medias, komunitetve fetare si edhe komunitetet e prindërve dhe nxënësve të shkollave të sistemit parauniveristar të Qarkut të Shkodrës, ku edhe kontribuon profesionalisht.

Në ndihmesë të këtij qëllimi në ambjentet e Grand Hotel Europa në Shkoder, u organizua Konferenca Rajonale"Së Bashku: Shkollë-Familje-Qeverisje Vendore - Të Ndërtojmë Partneritetin e Shoqërisë për Zhvillim të Qëndrueshëm" Në prezantimin e saj, Znj. Ferketi prezantoi idenë se ndërtimi i partneritetit efektiv dhe funksional Shkollë-Familje-Qeverisje Vendore, do të kontribuojë së tepërmi për komunitetet dhe territorin e qarkut të Shkodrës. Për më tej studentja , ofron edhe mënyrën dhe instrumentet se si mund të arrihet një partneritet i tillë për zhvillim të qëndrueshem në qarkun e shkodrës .

Njohuritë shkencore të fituara në auditoret e UMB theksoi studentja në prezantimin e saj, më lejojnë të argumentojë se krijimi i shoqërisë së dijes, nëpërmejt përdorimit të teknologjive të reja të informacionit e komunikimit, do ti shërbeje së tepërmi ndërtimit të partneritetit të dëshiruar dhe shtruar si sfidë njëherazi përfundoi , titullarja e DAR të qarkut të Shkodrës. Kësisoj, sipas pritshmërisë, struktura reale do të komunikojnë dhe edukohen nëpërmjet TIK, si edhe do të ndërmarrin nisma konkrete të përbashkëta për çështje të territorit, mjedisit e vlerave të natyrës e shoqërisë ne Qarkun e Shkodrës.

Dr. Reis Mulita, si përfaqësues i Universitetit "Marin Barleti" , prezantoi temën" Sfidat e Institucioneve të Arsimit të Lartë për krijimin e Shoqërise së Dijes dhe Zhvillim të Qëndrueshëm : Rasti i Universitetit"Marin Barleti".

Në prezantim , Dr. Mulita evidentoi rolin e UMB nëpërmjet zhvillimit të programeve akademike dhe punës studimore e kërkimore të drejtëpërdrejtë, dhe kontributin për të krijuar shoqërinë e dijes për zhvillim të qëndrueshëm, përgjatë të gjithë cikleve të studimeve universitare, Bachelor, Master dhe së shpejti studimeve të Doktoraturës në partneritet me Universitetin Clemson, ne USA.

Njëherazi edhe udhëheqes shkencor i tezës së dizertacionit të studentes Ferketi, Dr. Mulita theksoi se kjo Konferencë Rajonale është një nga shprehjet konkrete të formave të shumta që UMB realizon për të ofruar dije shkencore bashkëkohore të transferueshme në shërbim të shoqërisë , në zbatim të modeleve bashkëkohore të veprimtarisë së universiteteve të vendeve të BE, ku synojmë të integrohemi.

Drejtues të Këshillit të Qarkut, të Bashkisë, të Shkollave të Mesme të Qarkut, përfaqësues të shoqërisë civile, komunitetit të Prindërve e Nxenësve dhe të medias e pershendetën dhe vlerësuan maskimalisht nismën dhe veprimtarinë, duke garantuar mbështetje për realizimin e saj.

Dr. Nasi Mitrojorgji, Shef i Departamentit të"Politikave Publike dhe Administrimit" në Universitetin Marin Barleti, në përgjigje të interesit dhe vlerësimit maksimal të të pranishmëve për veprimtarinë e UMB në tregun e arsimit të lartë, përcolli mesazhin se filozofia dhe veprimtaria e UMB, ka si objektiv të ofrojë risi dhe praktika inovative e zhvilluese në nivel kombëtar dhe rajonal, dhe se kjo veprimtari do ta sjellë UMB, edhe më praneë Qarkut të Shkodrës në të ardhmen. Veprimtaria u ndoq me intres dhe u transmetua gjerësisht nga mediat në nivel Qarku.

Studentët e UMB takojnë Prof. Rexhep Qosen gjatë një vizite në Kosovë

Me iniciativën e Departamentit të Politikës dhe Historisë, ditën e premte, dt 18 nëntor 2011, disa nga pedagogët dhe studentët e Universitetin "Marin Barleti" zhvilluan një udhëtim në Prishtinë, ku edhe morën pjesë në një bisedë të hapur me akademikun dhe kritikun e madh letrar Rexhep Qosja.

Ky udhëtim një ditor u pa në një këndvështrim jo vetëm akademik por edhe turistik ku studentët njohën nga afër akademikun e madh, biseduan me të, morën përgjigje për pyetjet e tyre të larmishme sikundër vizituan edhe qytetin e Prishtinës. Rruga deri në Prishtinë kaloi duke admiruar pejsazhin kosovar, duke biseduar e kënduar.

Në Prishtinë autobuzi arriti rreth orës 11.30 dhe ishte vetë Prof. Qosja i cili bëri pritjen në hyrje të Institutit Albanologjik të Prishtinës dhe më pas të gjithë u drejtuan në dhomën e përgatitur enkas për këtë takim. Në këtë bisedë të thjeshtë dhe miqësore, e cila zgjati për rreth një orë e gjysëm dhe të shoqëruar me pije, studentët u njohën me fillimet e tij si studiues e letrar dhe më pas si kritik i demokracisë.

Ndër të tjera ai tha se demokracia nuk është thjesht një proçedurë, ajo është marrëdhënie midis njerëzve dhe nuk e lejon intolerancën, korrupsionin, padrejtësinë. Gjithashtu ai tha se studentët kanë punuar dhe luftuar shumë, për shumë vite që problemi kosovar të njihej ndërkombëtarisht dhe ajo të arrinte në 2008, të ishte një shtet i pavarur.

Gjithashtu pyetjes së një studenti të shkencave politike se a do të munden një ditë Kosova dhe Shqipëria të bashkohen në një shtet të vetëm Prof. Rexhep Qosja iu përgjigj: " Nëse një popull e don diçka, e arrin atë."

Në përfundim të bisedës dhe pas shumë pyetjesh ai u dha të gjithë studentëve këtë këshillë: "Duajeni fort atë që bëni, kryeni me përgjegjshmëri punën që i keni caktuar vetes sepse të gjitha profesionet janë të vlefshme. Kini etikë dhe ndershmëri në gjithçka bëni dhe këto mos tNULLi harroni kurrë."

Largimi nga ky takim mbreslënës për të gjithe, u shoqërua me shumë foto, me shëtitje në qytet dhe me premtimin e rikthimit përsëri.

Udhëtim në Kosovë - Ditën e premte, dt 18 nëntor 2011, studentët e shkencave politike të Universitetin "Marin Barleti" zhvillojnë një udhëtim në Prishtinë...

Ditën e premte, dt 18 nëntor 2011, studentët e shkencave politike të Universitetin "Marin Barleti" zhvillojnë një udhëtim në Prishtinë, ku edhe do të marrin pjesë në një bisedë të hapur me studiuesin dhe kritikun e madh letrar Z. Rexhep Qosja.

Programi i këtij udhëtimi është si më poshtë:
Ora 06:00 Nisja nga Tirana (nga qëndra e qytetit).
Ora 11:00 Mbërritja në Prishtinë
Ora 11:00-12:00 Pushim
Ora 12:00-13:00 Takim me Rexhep Qosen
Ora 13:00-16:00 Shëtitje në qytet
Ora 16:00 Nisja për në Tiranë

Ky udhëtim do të shihet në një këndvështrim jo vetëm akademik por dhe turistik, duke u vizituar si fillim shenja kolosale "NEWBORN" që shënoi pavarësinë e Kosovës.

Welcome Party/Halloween Celebration

Data: 27 Tetor, ora 21:00

Ejani ne festen e organizuar nga Universiteti si urim per mireseardhjen ne kete vit te ri shkollor dhe njekohesisht edhe per te festuar diten e Halloween. Mos harroni kostumet. Sa me shume imagjinate nga ana juaj, aq me qejf per te gjithe ne. Jeni te mirepritur!

Studentët e vitit të parë në Universitetin Marin Barleti po vijojnë javën e orientimit

Java e parë e vitit akademik për studentët e vitit të parë në Universitetin Marin Barleti është karakterizuar nga një orar i ngjeshur prezantimesh dhe orientimesh që do t'i ndihmojë ata të njihen me pedagogët e tyre të tre viteve të ardhshme dhe me të gjitha zyrat dhe shërbimet që Universiteti ofron për ta. Pas një përshëndetjeje të parë me Rektorin dhe Administratoren e deleguar të Universitetit, studentët e rinj kanë patur rastin të njihen me auditorët, laboratorët, sallat e internetit dhe ambientin studentor të Klubeve studentore. Java e orientimit përfundon të premten me vizitën neë Kampusin 2 dhe më pas shfaqjen e një filmi artistik.

Nis viti i ri akademik në Universitetin Marin Barleti

E hëna e dates 17 tetor 2001 shënoi ditën e parë të shkollës për sezonin akademik 2011 - 2012 në Universitetin Marin Barleti. Qindra studentë u rikthyen sot në auditorët e ndryshëm për të vijuar studimet e tyre të larta, ata u mirëpritën që në orët e para të mëngjesit nga stafi akademik dhe drejtues i universitetit. Shumë studentë të rinj i janë shtuar këtë vit trupës studentore të Universitetit tonë. Këta djem dhe vajza nisën sot ditën e parë të javës së orientimit dhe u përshëndetën qysh në fillim me Rektorin e Universitetit, Prof. Dr. Marenglen Spiron, Administatoren e Deleguar, Znj. Berberi dhe Prorektorin studentor, Dr. Lekë Sokolin.

Java e orientimit i prezanton studentët nga afër me të gjithë pedagogët, zyrat e ndryshme në shërbim të tyre dhe i orienton në shërbimet e ndryshme që ata përfitojnë si studentë të UMB-së në mënyrë që të rinjtë të mund të nxjerrin maksimumin nga përvoja e tyre arsimore në Universitet.

Në orën 11:30 studentët e vitit të parë u takuan dhe folën me Dekanen e Studentëve, Znj. Elona Bano, dhe pedagogun e komunikimit, Blendi Salaj. Studentët u njohën me aktivitetet e shumta akademike, sociale dhe kulturore që do të mund të shijojnë gjatë jetës studentore në UMB dhe u orientuan në lidhje me Klubet Studentore. Pedagogu Salaj i ftoi studentët të bëhen pjesë e stafit të revistës studentore dhe i grupit që do të menaxhojë RadioStacionin e studentëve të Universitetit Marin Barleti. Java në vazhdim është e mbushur me më shumë aktivitete prezantuese dhe vizita në Kampusin e dytë të UMB-së.

Zhvillohet seminari "Empowering People Through Citizens Journalism"

Të shtunën e datës 15 tetor në Universitetin Marin Barleti u mbajt seminari me titull "Empowering People Through Citizens" Journalism" i organizuar nga Instituti IDEM dhe Universiteti Marin Barleti. Seminari mblidhi sëbashku gazetarë, studiues të mediave qytetare, studentë të Universitetit Marin Barleti, aktorë të mediave dhe qytetarë të interesuar.

Qëllimi i këtij seminari ishte nënvizimi i rëndësisë së mediave qytetare për fuqizimin e shoqërisë civile, evidentimin e problematikave që nuk përmenden në mediat komerciale dhe angazhimin e të rinjve në pjesëmarrje gjithnjë e më aktive mediatike në Radiot e Kampuseve Universitare, blogjeve dhe periudokëve jo-fitimprurës. Ndarja e ekpseriencave të përfaqësuese të IDEM dhe UMB u ndoq nga prezantime të projekteve të deritanishme dhe më tej u vijua me një diskutim të hapur dhe miqësor ndërmjet të gjithë pjesëmarrësve në seminar.

The Institute for Democracy, Media and Cultural Exchange dhe Universiteti Marin Barleti kanë nisur një bashkëpunim të ngushtë në forcimin dhe inkurajimin e nismave mediatike nga studentët dhe ngritjen e një Radio Stacioni studentor në kampusin qëndror të Universitetit Marin Barleti.

Universiteti Marin Barleti dhe The Institute for Democracy, Media and Cultural Exchange (IDEM) organizojnë seminarin "Empowering People Through Citizens Journalism"

Universiteti Marin Barleti dhe The Institute for Democracy, Media and Cultural Exchange (IDEM) kanë kënaqësinë të njoftojnë organizimin e një seminari të hapur mbi temat e Radios Komunitare dhe Studentore, Blogjet Online dhe Gazetarinë qytetare. Seminari titullohet "Empowering People Through Citizens' Journalism". Për të diskutuar mbi këto tendenca të reja dhe të rëndësishme të shoqërisë bashkëkohore jeni të mirëpritur të shtunën, më 15 tetor, ora 10:30 në ambientet e Universitetit Marin Barleti.

Diskutimi është i hapur për të gjithë studentët apo jo studentët e interesuar mbi zhvillimet e fundit të medias, pjesëmarrjen qytetare në gazetari dhe përcjelljen e lajmit, si dhe mbi risitë e blogjeve në mënyrën sesi opinioni publik përcjell aktualitetin social dhe politik. Disa nga folësit në këtë seminar do të jenë, Znj. Elda Hallkaj, Z. Pandeli Pani nga Deutsche Welle dhe Blendi Salaj pedagog i komunikimit në Universitetin Marin Barleti.

Përse vlen një seminar i tillë?
Mediat janë mjeti par excellence për të gjetur përkrahës e mbështetës, njerëz të tjerë që ndajnë të njëjtat mendime dhe qëndrime, për të identifikuar probleme dhe për t'i bërë publicitet një nisme a projekti, një organizate apo grupi dhe natyrisht edhe vetvetes. Në shumë vende krahas masmediave publike dhe atyre private ekzitojnë edhe mediat që bëhen jo nga gazetarë profesionistë por nga vetë qytetarët. Në të tilla media, mediat nga qytetarët, tematizohen probleme dhe çështje që nuk trajtohen ose që zënë fare pak vend në mediat e tjera.

Mediat nga qytetarët dhe për qytetarët apo gazetaria e qytetareve jo vetëm që i japin një zë shoqërisë civile, por janë edhe një mjet i mirë për krijimin e rrjeteve të kësaj shoqërie. Ato kontribuojnë gjithashtu edhe për krijimin e kapitaleve njerëzore dhe shoqërore, duke qenë se janë edhe vende të rëndësishme ku qytetarët mund të nxënë dhe të mësojnë, sepse kemi të bëjmë me një fushë, ku individi kthehet nga konsumues i thjeshtë informacioni ne përpilues dhe transmetues i këtij të fundit.

17 Tetor, nis viti i ri akademik në UMB

Universiteti Marin Barleti çel dyert për vitin e ri akademik të hënën e 17 tetorit 2011. Studentët e programeve Bachelor, në degët e Financës, Biznesit, Shkencave Politike, Sociologjisë dhe Psikologjisë do të nisin një tjetër vit të mbushur me sfida dhe dije. Stafi akademik dhe drejtues i Universitetit Marin Barleti ka kënaqësinë t'ju urojë sukses dhe një rrugëtim të mbarë në udhën e dijes.

Të dashur studentë dhe miq të Universitetit Marin Barleti, faleminderit për mbështetjen dhe besimin tuaj. Le ta bëjmë sëbashku vitin akademik 2011 - 2012 një tjetër vit arritjesh në cilësinë e mësimdhënies që e shquan institucionin tonë.

Nis grumbullimi i shkrimeve për numrin e ri të revistës "Zera studentorë"

Miq të revistës "Zëra Studentorë", kemi kënaqësinë t'ju njoftojmë se bashkë më vitin e ri akademik do të nisë edhe përgatitja e numrit të ri të revistës tuaj.

Siç e dini, revista "Zëra Studentorë" botohet çdo muaj dhe është e mbushur me opinionet tuaja, përshkrimet e udhëtimeve, mbresat nga vendet ku kemi qënë dhe pasqyrimin e aktiviteteve në Universitetin tonë.

Revista është një mundësi për të gjithë studentët e UMB-së për tu stërvitur në publicistikë dhe për të mprehur dhe përmirësuar aftësitë e komunikimit përmes botimeve.

Ndaj konsiderojeni këtë një ftesë të hapiur dhe dërgoni materialet tuaja për publikim tek media@umb.edu.al, fotografitë dhe imazhet shoqëruse gjithashtu. Mbledhja e parë e grupit redaksional do të mbahet të premten e 21 tetorit, kur edhe ju të jeni ambientuar me oraret e studimit.

Të gjitha materialet do t'i nënshtrohen filtrave të redaksisë për të sjellë ne duart e lexuesve tanë më të mirën, por mos u dekurajoni në rast se nuk mendoni se keni shkrimin e përkryer, pasi gjithçka mund të përmirësohet me pak ndihmë nga miqtë.

Redaksia, "Zëra Studentore".

Z. Hubert Petit, ish zv. ambasador i BE-së në Tiranë mbajti një konferencë në Universitetin Marin Barleti

Z Hubert Petit , ish zv. ambasador i BE në Tiranë zhvilloi një konderencë të hapur me temë "Diplomacia Europiane" në ambientet e Universitetit Marin Barleti. Gjatë konferencës ku morën pjesë studentë dhe pedagogë të Universitetit Marin Barleti, z. Petit tregoi detaje të ndryshme interesante nga puna e tij në Tiranë si përfaqësues i lartë i Bashkimit Europian. Negociatat politike të cilat z. Petit ndërmjetësoi midis Partisë Socialiste dhe Partisë Demokratike ilustruan qartë rolin delikat dhe të rëndësishëm të diplomacisë europiane në vendin tonë.

Në pjesën e dytë të konferencës z. Hubert Petit mori pyetje të ndryshme nga të pranishmit dhe shpjegoi qëndrimet dhe opinionet e tij në lidhje me tema të ndryshme që varionin nga procesi i integrimit të Shqipërisë në Europë e deri tek marrëdhëniet midis Bashkimit Europian dhe Rusisë. Pedagogët dhe studentët e Marin Barletit, si dhe të pranishëm të tjerë patën një shans unik pëer të shkëmbyer mendimet e tyre me ish diplomatin e lartë Europian.

Fjala e Kreut të Bordit të Universitetit, Prof. Dr. Rexhep Meidanit, në ceremoninë e diplomimit 2011

Të nderuar anëtarë të stafit akademik, prindër e miq të pranishëm.
Të dashur studentë.

Më lejoni që, në emër të bordit këshillimor, të shpreh kënaqësinë dhe urimin tim të përzemërt me rastin e kësaj ngjarje të veçantë të jetës studentore - diplomimit tuaj në universitetin "Marin Barleti". Edhe pse i krijuar afro 7 vjet më parë, ky universitet nisi rrugën e tij, sa të vështirë po aq të bukur, si një institucion serioz i arsimit të lartë. Me kalimin e viteve, elementë të dallueshëm të tij u bënë cilësia, profesionalizmi, disiplina ligjore e korrektësia mësimore-shkencore në misionin dhe drejtimin e tij, në përgatitjen e plane-programeve (kurrikulave), për freskinë e larminë e tyre në pasqyrim të ndryshimeve kombëtare, rajonale e ndërkombëtare, si në zhvillimin e procesit mësimor, ashtu dhe veprimtarinë modeste kërkimore apo kontaktet e ndërveprimin me jashtë.

Edhe pse rritja ishte e shpejtë dhe e gjithanshme në aspektin sasior e cilësor, nuk mund të mos veçohen disa hapa të rëndësishëm të historisë së këtij universiteti që lidhen edhe me vendimmarrje shtetërore. Kështu, në datë 12.08.2005, Këshilli i Ministrave me vendimin nr. 571 dha lejen për hapjen e shkollës së lartë universitare "Marin Barleti", me dy fakultete dhe pesë degë (fakulteti i gjuhëve të huaja me degët: gjuhë angleze, gjuhë gjermane dhe gjuhë frënge dhe fakulteti i matematikës së zbatuar me degët: matematikë - administrim dhe matematikë - financë).

Një vit më vonë, në datë 12.04.2006, me vendimin me nr. 2365, Ministria e Arsimit dhe Shkencës miratoi hapjen pranë Universitetit "Marin Barleti" edhe të dy fakulteteve të reja me gjashtë degë: fakultetit të ekonomisë dhe biznesit (me degët: menaxhim-biznes dhe financë-kontabilitet) dhe fakultetit të shkencave humane (me degët: drejtësi, shkenca politike, sociologji e psikologji). Ndërsa, me vendimin nr. 96, dt. 27.01.2009, Këshilli i Ministrave miratoi hapjen e programeve të studimit master në 11 drejtime (marketing & menaxhim operacionesh, shërbime bankare dhe financiare, pasuri të patundshme dhe sigurime, financë-kontabilitet, lidership dhe menaxhim burimesh njerëzore, administrim publik, lidership, e drejta publike, e drejta e biznesit, komunikim publik dhe gazetari ekonomike). E kështu me radhë...Dhe, sot, dëshmia e seriozitetit dhe progresit ndeshet kudo në këtë universitet.

Madje, secili nga ju gjatë periudhës së shkollimit e ka ndjerë rritjen dhe shtrirjen, në stafin pedagogjik, në infrastrukturën mësimore, në kushte e teknologji, në futjen e programeve të reja më të avancuara, të angazhimit të një morie pedagogësh të rinj të talentuar, etj. Dhe, mbi të gjitha, për të realizuar një standard shkollimi të ushqyer me parimet themelore të barazisë e lirisë. Kjo edhe për arsyen e thellë që: "Edukimi e bën të kollajshëm drejtimin e njerëzve, por të vështirë udhëheqjen e tyre, më të lehtë qeverisjen, por të pamundshme skllavërimin e tyre"..(Lordi Broughman).

Gjithashtu, edhe pse duket si "tepër pragmatik", pohimi i Aristotelit i mbi 2 mijë vjetëve më parë që: "rrënjët e edukimit janë të hidhura, por frytet janë të ëmbla", ai mbetet po aq aktual dhe sot. Sepse, në thelb, pavarësisht mundimeve e vështirësive, energjive të shpenzuara rezultati është një kthim pagesë, një shlyerje, një "pay back" i tyre. Madje, në fakt, një investim në shkollim, edukim e njohje, në një mënyrë apo tjetrën, sintetizon "normën" më të lartë të interesit individual, familjar e shoqëror.

Për më tepër, në realizimin e diplomimit tuaj, të dashur studentë, të gjithë ndjehen mirë, pra jo vetëm ju, por dhe prindërit, familja e miqtë tuaj janë të gëzuar, pse jo dhe krenarë për suksesin e arritur. Mbi të gjitha, as nuk mund të imagjinohet ndjenja e lehtësimit që ata ndjenjë sot, përfshirë dhe rolin e kontributin e tyre, të dhënë gjatë të gjithë periudhës së shkollimit. Arritja e juaj, investimi i juaj për të ardhmen, puna dhe përpjekjet tuaja konkrete, nuk mund të veçohen, pra, nga mbështetja dhe dashuria e prindërve, e vetë familjes, por dhe profesionalizmi e dedikimi i stafit akademik të universitetit. Veçse më lejoni sot të shpalos një lutje time si pedagog e edukator: bëhuni të ndërgjegjshëm se "diplomimi në vetvete nuk është fundi, por vetëm fillimi" i procesit të formësimit (Orrin Hatch). Madje, në një kuptim akoma më të thellë, nuk duhet harruar se "ai që diplomohet sot dhe ndërpret të mësuarit, të nxënit nesër, pas një dite do të rezultojë i pashkolluar, i paformuar" (Newton D. Baker), sepse i tillë, i shpejtë dhe i vazhduar, është procesi i transmetimit të dijeve, apo i të nxënit në tërësi...Së fundi, të dashur studentë e miq të pranishëm, e kam vështirë të "rezistojë" pa prekur dhe një ide të mbushur me mendim e humanizëm të të madhit Ajnshtajn. Porosia e tij, duke e perifrazuar atë, është se cilido prej jush, para se të përpiqet të bëhet një njeri i suksesshëm, duhet të synojë të bëhet një njeri me vlera. Pra, një ideal i tillë gati-gati i shenjtë duhet të jetë qëllim i çdo individi, gjenerate,shoqërie.

Ai është transmetuar dhe vlen të transmetohet me të njëjtën fuqi e shpresë në gjeneratat e ardhshme. Aq më tepër, që ky ideal duhet të jetë pjesë inherente e frymëzimit të studentëve, ndërgjegjësimi real i çdo mësuesi e pedagogu, patosi i çdo intelektuali të vërtetë; një përbërëse shumë e rëndësishme e botës së edukimit, e progresit teknik e shkencor, pjesa e domosdoshme e universit tonë të përbashkët. Ky ideal human, i temperuar në çdo mjedis, vlen të bëhet dhe inspirimi i juaj. Madje, do të ishte mirë që të gjithë të ishim besnikë ndaj tij, pavarësisht vështirësive e lehtësirave, ngritjeve e uljeve tona jetësore. Dhe, të mos harrojmë, se ngushtësisht i lidhur me të është dhe implementimi i dizajnit ekologjik - harmonia midis njeriut e mjedisit, jo vetëm i gjeneratës së sotme, por dhe i gjeneratave të ardhshme, i mbijetesës së tyre. Në këtë kuptim, duke lëvizur nëpër këtë shteg të ndërthurur të proceseve natyrore e vlerave humane, duke çuar përpara e fuqizuar, krahas profesionalizmit, idealin e lirisë dhe të drejtave të njeriut, ju mund të ndërtoni jetën tuaj, të përmirësoni të ardhmen e familjeve tuaja, duke qenë dhe pjesë e kontributit për komunitetin, vendin e qytetarët. Ky duhet të jetë dhe drejtimi i duhur në shfrytëzimin efektiv dhe të gjithanshëm të njohurive e aftësive tuaja pas diplomimit! Kjo është dhe dëshira e stafit akademik, e vetë universitetit.

Shpresoj dhe uroj nga zemra që ajo të jetë dhe e juaja!...
Urime dhe njëherë, mbarësi dhe suksese të reja!
Faleminderit!

Klubi i mediave dhe teknologjive të reja njofton ngritjen e Radios Studentore

Studentët e Universitetetit Marin Barleti shumë shpejt do të kenë radion e tyre studentore. Klubi i mediave dhe teknologjisë moderne njoftoi sot planet për ngritjen e një studioje radiofonike në mjediset e Universitetit.

Studio do të jetë e pajisur me të gjitha mjetet teknike dhe kompjuterike që duhen për të prodhuar programe radiofonike të cilësisë së lartë. Studentët e UMB-së do të kenë kështu shansin të shprehin talentin dhe kreativitetin e tyre duke mësuar të përdorin pultin e transmetimit, softet e regjistrimit dhe montazhit audio.

Studio radiofonike do të shërbejë edhe si laborator për orët e praktikës së studentëve që janë pjesë e programit të komunikimit në UMB por do të jetë e hapur edhe për studentë të degëve të tjera të cilët kanë pasionin për mediat dhe dëshirën për të transmetuar mendimet dhe idetë e tyre.

Studio Radiofonike e studentëve të Universitetit Marin Barleti do të jetë funksionale që semestrin e parë të vitit akademik 2011 - 2012.

Ceremonia e Diplomimit 2011 u mbajt më 24 shtator në sallën e madhe të Hotel Adriatik në Durrës.

Ishte një festë e madhe akademike e të gjithë njerëzve të mrekullueshëm të Universitetit Marin Barleti. Në vijim mund të lexoni fjalen hapëse të mbajtur nga Rektori i Universitetit, Prof. Dr. Marenglen Spiro.

Të nderuar të ftuar,

Zonja Zv Ministre e Arsimit dhe Shkencës,

Zoti President i Shoqërisë "Marin Barleti",

Antarë të Bordit të "Universiteti Marin Barleti"

Anëtarë të Senatit, Profesorë,

Të dashur studentë dhe të nderuar prindër e të afërm të tyre,

Ju përshëndes përzemërsisht dhe ju uroj mirëseardhjen në këtë ceremoni kushtuar studentëve tanë diplomantë si dhe gjithë atyre që kanë kontribuar me punën, inteligjencën, kualifikimin, përkushtimin, motivacionin dhe dashurinë e tyre në shërbim të formimit cilësor, bashkohor, profesional e shkencor të këtij brezi studentësh që diplomohen sot, në përputhje të plotë me Ligjin e Arsimit të Lartë dhe në zbatim të udhëzimeve të Ministrisë së Arsimit dhe Shkencës.

Eshtë kënaqësi e për mua të marr fjalën në këtë ceremoni të diplomimit të studentëve, siç është, gjithashtu, kënaqësi për të gjithë ju të ftuar të nderit, antarë të Bordit, të Senatit, profesorë e pedagogë, veçanërisht studentë e prindër.

Universiteti ynë i nderuar "Marin Barleti" ju vendos me besim sot firmën e vet në diplomat e studentëve të tij, duke certifikuar kështu bindjen për formimin e tyre të saktë e bashkohor, të plotë e cilësor, të përshtatshëm me jetën aktive të vendit dhe jashtë tij. Shpresoj që këta të diplomuar të jenë të ndërgjegjshëm që kanë arritur në auditoret tona plotësimin e ambicjeve tyre për përvetësimin e dijeve të kohës dhe aftësive të shumëpritura për një jetë aktive profesionale plot me arritje e suksese; shpresoj gjithashtu, që ata të besojnë që çka arritën mes nesh është një frut edhe i vullnetit të tyre, dëshirës për arsim, dije e profesion, vëmendjes, pasionit, frymës së bashkëpunimit me profesoratin, respektit për trupën akademike; por, nga ana tjetër, të mos harroni të dashur studentë diplomantë asnjëherë përkushtimin e pedagogëve tuaj të cilët kanë lidhur suksesin e karierës së tyre me rezultatet tuaja, formimin tuaj dhe sukseset tuaja aq të shpresuara nga ne në të ardhmen. Ne jemi këtu për formimin tuaj dhe për ta arritur e realizuar atë; jemi të lumtur që e arritëm!

Institucioni ynë akademik ofron rreth 26 formime e profile të ndryshme në Bachelor dhe rreth 38 formime e specialitete përkatëse në kualifikimin Master, nga më cilësoret e kohës, të hartuara me bashkëpunime të ngushta ndërkombëtare e të zbatuara nga një profesorat i përgatitur për këtë gjë. Ai do të donte të siguronte sot ju edhe brezat e tjerë të studentëve të tij akoma në auditoret tona, brezat e tjerë të tyre që do të vijnë, vëllezër e motra tuaja, të njohur të tyre e gjithkënd tjetër me aspirata e vizione larpamëse për përgatitjen e tyre universitare, se ai synon gjithmonë larg, gjithmonë cilësi, korrektesë dhe punë të palodhur për arritje të reja, suksese e sfida të përballuara.... Së shpejti, në bashkëpunim të ngushtë me homologët e vet në Itali, Angli, Gjermani, SHBA etj. institucioni ynë realizon ciklin doktoral bashkohor të sistemit akademik, formime të reja të përbashkëta Master në shumë fusha, shkollime profesionale afatndryshme dhe ripërtëritje e përshtatje të njohurive si dhe një dinamikë programesh studimi të cilët do të jenë në gjendje tNULLi përgjigjen në kohë të gjitha sfidave zhvillimore të vendit dhe trilleve perspektive të kërkesave të tregut të punës.

I nderuar Zoti President i Shoqërisë "Marin Barleti",
Keni vënë në themel të kësaj vatre të dijes në Arsimin e Lartë në Shqipëri një vizion dhe një përkushtim tuajin shpirtëror të veçantë të aktivitetit tuaj shumëvjeçar si dhe preokupimin e madh për të realizuar një institucion të këtij lloji cilësor e dinjitoz; gëzoni sot frute të këtyre përpjekjeve tuaja dhe rroni të shikoni më tej vendin e nderuar që do të zenë specialistët tanë në jetën sa problematike po aq edhe të vrullëshme e të pasur të vendit tonë.

Të nderuar pjestarë të Bordit, antarë të Senatit dhe pedagogë të Universitetit,
Më lejoni tNULLju respektoj në emër të studentëve, tNULLju përshëndes e tNULLju uroj në këtë ditë ceremoniale dhe të bukur. Midis jush shoh shkencëtarë, intelektualë, deputetë, drejtues institucionesh të rëndësishme, të graduar e titulluar me emërtime akademike, të rinj me një formim të shkëlqyer si brenda vendit ashtu dhe jashtë tij të mirëpritur midis nesh në zbatim të politikave atdhetare të "brain gain". Nëpërmjet jush, punës suaj, kujdesit, përkushtimit e shëmbullit tuaj keni dhënë një kontribut të vlerësuar në formimin e studentëve tanë të cilët, me siguri, që sot mendojnë të ndjekin udhët e hapat tuaja, por më të shpejta, më rezultative dhe perspektive në kohë të reja e kontekste të shumëllojshme.

Së fundi, të dashur studentë,
Nuk do të jetë hera e fundit që flasim e komunikojmë së bashku. Në institucionin tuaj ku ju u formuat sipas dëshirave, vullneteve, aspiratave e aftësive tuaja ju do të gjeni kurdoherë bashkëpunëtorë, këshilltarë, mësues, kolegë ndonjëherë dhe oponentë të cilët nuk ju harrojnë dhe për të cilët puna e ndihma me e për ju është kthyer në një natyrë të dytë. Ju mirëpresim gjithmonë mes nesh për të kontribuar së bashku edhe me realizimet dhe eksperiencat tuaja të reja në formimin sa më të lartë të brezave që vijnë pas jush si dhe në zhvillimet e ardhme të vendit.

Sidoqoftë, të dini që ju diplomojmë sot pasi konsiderojmë që jeni plotësisht të aftë për një karierë profesionale tuajën të gjatë, të suksesëshme e prosperë; kemi bindjen që dita fort e afërme e antarësisë së Shqipërisë në Komunitetin Europian juve do tNULLju gjejë të ditur, të aftë, të mësuar, të kultivuar e të kulturuar, për të qënë përfaqësues të denjë të vendit tonë në bashkëpunimin dhe garën, në lidhjet dhe konkurencën, në diskutimet dhe realizimet, në projekte dhe shpikje, në punime, botime, drejtime institucionesh, udhëheqje politike, projekte të së ardhmes së bashku me homologët tuaj europianë, në interes të vendit, të përparimit të tij në fushat e ekonomisë, shkencës, jetës sociale, politike e juridike, të demokracisë e zhvillimit tërësor ekonomik e shoqëror.

Ju uroj sot nga zemra një jetë profesionale plot me punë e realizime si dhe një jetë të gjatë, shumë të gjatë aktive dhe të suksesëshme!

Fakulteti i Drejtësisë së Universitetit "Marin Barleti" nënshkruan marrëveshje bashkëpunimi me Seconda Universita degli Studi di Napoli

Në kuadër të ndërkombëtarizimit të veprimtarisë së vet akademike dhe shkencore, e të rritjes së mobilitetit të studentëve e të pedagogëve, Universiteti "Marin Barleti" ka nënshkruar së fundi një marrëveshje bashkëpunimi e shkëmbimi akademik me Seconda Universita degli Studi di Napoli.

Kjo marrëveshje garanton njohjen e ndërsjellë të programeve mësimore të nivelit të parë të studimeve, dhe u mundëson studentëve të Fakultetit të Drejtësisë, që kanë përfituar diplomën e nivelit të parë (Bachelor) në Drejtësi pranë UMB-së, të ndjekin një pjesë të programit të studimeve të thelluara dy-vjeçare të parashikuara në kurrikulat e Masterit Shkencor të Drejtësisë së UMB-së pranë Seconda Universita degli Studi di Napoli.
Studentët e UMB-së, të cilët kanë ndjekur me sukses studimet për Drejtësi, pranë Universitetit Marin Barleti dhe janë pajisur me një diplomë të nivelit të parë "Bachelor" nga ky Universitet, do të kenë mundësinë të ndjekin studimet e thelluara për Master të Shkencave në fushën e të Drejtës Penale dhe Kriminologjisë si dhe në fushën e të Drejtës Tregtare, në mënyrë të ndërthurur me programin e studimeve të plota pesëvjeçare për Jurisprudencë nga Seconda Universita degli Studi të Napolit. Kjo kurrikulë e ndërthurur mësimore, e cila do të zhvillohet përgjatë një cikli dy-vjeçar studimesh, respektivisht pranë të dy Universiteteve, do tNULLu mundësojë studentëve të Fakultetit të Drejtësisë të Universitetit Marin Barleti dhe studentëve të Fakultetit të Drejtësisë të Seconda Universita degli Studi të Napolit, që të pajisen, në përfundim të tij, me një titull të dyfishtë, të lëshuar respektivisht nga të dy Universitetet.
Laurea Magistrale in Jursiprudenza (Diplomë e përfundimit të studimeve të plota pesëvjeçare në Drejtësi) të lëshuar nga Seconda Universita degli Studi të Napolit, dhe
Diplomën "Master i Shkencave" të lëshuar nga Universiteti Marin Barleti

Kjo marrëveshje është fryt i vlerësimeve të vazhdueshme nga ana e personelit akademik të Universitetit Marin Barleti, të cilat shpalosin nevojën dhe mundësinë e formimit të profesionistëve në fushën e ligjit, të aftë për të vepruar dhe reaguar në një ambient që kërkon njohje të ndërsjellë të kulturës juridike të këtyre dy vendeve, çka do tNULLi shërbejë studentëve të Universitetit Marin Barleti, të luajnë një rol protagonisti në intensifikimin e marrëdhënieve ekonomike, shoqërore e kulturore ndërmjet Italisë dhe Shqipërisë.

Me rastin e Dyerve të Hapura, Universiteti "Marin Barleti" ka kënaqësinë t'ju ftojë pranë ambienteve të tij në datat 15 dhe 16 shtator.

Në datën 15 shtator, ora 10.00-13.00, ju mirëpresim pranë kampusit qëndror, Rr. Sami Frashëri, nr.41, Tiranë (pranë digës së liqenit), për një orientim dhe një informacion të thelluar në lidhje me diplomat tona Bachelor:

Financë-Kontabilitet,
Administrim Biznesi,
Menaxhim Biznesi,
Informatikë e Aplikuar,
Drejtësi,

Shkenca Politike,
Psikologji,
Sociologji.

Në datën 16 shtator, ora 18.00-21.00, ju mirëpresim në kampusin 2 të Universitetit "Marin Barleti", Rr. Frang Bardhi, Selitë, Tiranë, ku do të njiheni me programet Master Shkencor dhe Master Profesional në degët:

Financë- Kontabilitet
Menaxhim Biznesi
Komunikim
Studime Europiane
Shkenca Politike
Zhvillim i Qëndrueshëm
Shkenca Juridike

Ju mirëpresim!

Diplomohen studentët e Shkencave Politike dhe Financë-Kontabilitetit

Në datën 27.07.2011, në prani të një auditori të mbushur jo vetëm me studentë e prindër, por edhe me stafin akademik të Universitetit Marin Barleti, si dhe mjaft miq e dashamirës të tij, pasi u përshëndetën edhe nga Rektori i Universitetit Prof Dr. Marlenglen Spiro, studentët e vitit të tretë të Shkencave Politike mbrojtën diplomat. Temat e përzgjedhura prej tyre ishin mjaft të larmishme, duke treguar interesat e tyre të gjera për studime në këtë fushë. Armela Memaj, me studimin: "Roli i gruas në politikë", kishte guxuar të krahasonte rolin e gruas në dy periudha: atë komuniste dhe periudhën e sotme, duke u përpjekur të jepte vlerësimin e saj mbi veçoritë e vendit dhe rolit të gruas në politikë në të dy periudhat historike. Studenti Erlin Uznova kishte sjelle si studim një temë mjaft interesante: "Policimi dhe komuniteti". Po kështu, studenti Redi Skënderi ishte fokusuar në temën: "Çështja shqiptare dhe mbijetesa e shtetit shqiptar pas Konferencës së Paqes së Parisit". Studentja Harolda Malaj kishte si objekt të studimit të saj një problem vërtet të rëndësishëm: "Elita intelektuale e mërguar". Ndërsa studenti Sajmedin Hoxha ishte ndalur në studimin e tij në problemin: "Të miturit dhe ligji".

Studentët demonstruan seriozitet dhe nivel mjaft të mirë, duke dëshmuar edhe rritjen e tyre intelektuale në këta tre vjet. Mjedisi i nderuar dhe serioziteti me të cilin u përcollën këto mbrojtje, treguan edhe një herë se studimet në këtë Universitet janë një privilegj i njerëzve që duan dije dhe vlerësojnë të ardhmen.

Ndërsa më datën 28.07.2011 zhvilluan mbrojtjen e temës Bachelor studentët e degës Financë-Kontabilitet. Ata me profesionalizëm prezantuan punimet e tyre, ku temat ishin përzgjedhur me shumë kujdes, duke u munduar të analizonin disa nga çështjet më të rëndësishme për ekonominë në këto momente. "Tregjet dhe institucionet financiare në Shqipëri" ishte tema e përzgjedhur nga Lianta Shota, "Banka Qendrore Evropiane vs. Banka e Shqipërisë" erdhi ngaIva Samarxhiu, "Menaxhimi i riskut të kreditit bankar dhe këndvështrimi i mbikëqyrësit" u prezantua ngaArbër Breçani, ndërsa studentja Erieta Shini ishte përqendruar në "Analizën e fondeve të pensioneve në Shqipëri".

Finalizohet marrëveshja e bashkëpunimit mes Universitetit Marin Barleti dhe Seconda Università degli Studi di Napoli

Rektori i Universitetit Marin Barleti, Prof. Dr. Marenglen Spiro dhe Rektori i Seconda Università degli Studi di Napoli, Prof. Francesco Rossi, nënshkruan marrëveshjen e bashkëpunimit mes dy universiteteve, që parashikon bashkërendimin në organizimin e kualifikimeve dhe formimeve të përbashkëta profesionale e universitare. Ndërlidhja mes dy institucioneve të arsimit të lartë, do të përfshijë jo vetëm shkëmbim të profesoratit e studentëve, por edhe të kapaciteteve kulturore e teknologjike. Stafi i të dyja shkollave do tNULLi ketë dyert të çelura për homologët në zhvillimet e konferencave, simpoziumeve e aktiviteteve të tjera, si edhe në botimet dhe periodikët akademikë apo të atyre që prekin fushat e interesit të të dyja universiteteve. Shkëmbimi i përvojës do të shtrihet edhe në vlerësimin e njohjen reciproke të diplomave dhe në programe e veprimtari të përbashkëta kërkimore.

Seconda Università degli Studi di Napoli u themelua më 1991, pasi Këshilli i Ministrave vendosi që Universiteti i Napolit "Federico II" të ulte numrin e studentëve. Ky degëzim përfshin Fakultetet e Arkitekturës, Inxhinierisë, Shkencave Politike, Ekonomisë, Psikologjisë, Mjekësisë dhe Kirurgjisë, Shkencave të Farmacisë për Ambientin e Shëndetin, Shkencave Matematike, Fizike dhe Natyrore, Studimeve Politike për Formim të Nivelit të Lartë Evropian e Mesdhetar"Jean Monnet", Jurisprudencës, Letërsisë dhe Filozofisë. Ky është një ndër institucionet e pakta arsimore që ka në strukturën e tij edhe një muze, atë të Anatomisë Njerëzore.

Ditët e hapura në Universitetin Marin Barleti

Universiteti Marin Barleti ka kënaqësinë t'ju ftojë në ambientet e tij për një takim me stafin dhe pedagogët tanë, për t'ju ndihmuar në zgjedhjen tuaj të ardhshme.

Në datën 27 korrik, ora 10.00 � 13.00, ju mirëpresim pranë kampusit tonë qendror (Rr. Sami Frashëri, Nr. 41, Tiranë), për një orientim dhe informacion të thelluar në lidhje me diplomat tona Bachelor, Master Shkencor dhe Master Profesional.

Dyert tona do të jenë të çelura që të vizitoni ambientet dhe infrastrukturën e shkollës, si dhe të njiheni me shërbimet e kampusit tonë.

Ndërsa në datën 28 korrik, ora 18.00 - 21.00, të njëjtin takim, do ta zhvillojmë në Kampusin 2 të Universitetit Marin Barleti, godina jonë e re e inauguruar gjatë vitit 2010 (Rr. "Frang Bardhi", Selitë, Tiranë).

Ju mirëpresim me dyer e zemër të hapur dhe ju urojmë suksese e një verë plot argëtim!

Mesazh i Rektorit Prof. Marenglen Spiro për stafin e Universitetit Marin Barleti

Të nderuar kolegë,

Siç jeni në dijeni, procesi renditjes së universiteteve dhe shkollave të larta në vend, organizuar nga Ministria e Arsimit dhe Shkencës dhe realizuar nga kompania gjermane CHE në bashkëpunim me APAAL, u krye dhe rezultatet e tij janë bërë të ditura për të gjithë.

Besoj të gjithë jeni në dijeni për vlerat e publikuara, me këtë rast, të Universitetit Marin Barleti dhe keni dalluar vendin e nderuar që ka merituar në këtë proces të parë të këtij lloji në vend, institucioni ynë, në mënyrë të veçantë në aspekte të tilla si cilësia e mësimdhënies, planet mësimore, orientimi ndërkombëtar, reputacioni në kërkim, botime kërkimore nga më të mirat etj.

Duke ndjerë së bashku me ju krenari për këtë arritje e vlerësim, si dhe duke synuar për përmirësime të mëtejshme të cilësisë së punës mësimore dhe kërkimore në Universitetin Marin Barleti, siç parashikojnë edhe strategjitë e tij të miratuara bashkërisht, më lejoni të evidentoj me bindje e vendosmëri kontributin tuaj të shquar në këtë arritje, nëpërmjet kapaciteteve, përgatitjes, përkushtimit, seriozitetit, cilësisë së formimit tuaj akademik si dhe të një punë të palodhur e cilësore tuajën.

Më lejoni, të nderuar kolegë, që nëpërmjet këtij komunikimi, tNULLju uroj të gjithëve në emër të shoqërisë dhe institucionit si dhe tNULLju falënderoj thellësisht për kontributin tuaj, duke shpresuar në ngritje të mëtejshme cilësore të Universitetit Marin Barleti.

Me respekt,
Prof. Marenglen SPIRO
REKTOR

Neser në datën 27 korrik, ora 09.30 në sallën 23, studentët e vitit III të degës së "Shkencave Politike" mbrohen diplomat për nivelin Bachelor.

Komisioni i vlerësimit të Diplomave do të përbëhet nga:

Kryetar - Prof. Dr Dritan Zela, Prorektor i Çështjeve Akademike
Anëtar - Dr. Saemira Pino, Dekane e Fakultetit të Shkencave Sociale
Anëtar -Dr. Reis Mulita, Instituti i Kërkimit Shkencor Barleti
Anëtar - Dr. Zamira Çavo, Përgjegjëse e Departamentit të Politikës dhe Historisë

Janë të mirëpritur miq e kolegë, që dëshirojnë të bëhen pjesë e kësaj ngjarjeje të shënuar.

Një barletase përzgjidhet ndër 6 studentët me të talentuar të Evropës

Në fillim të muajit prill, Universiteti Marin Barleti u informua për gjashtë bursave rreth Masterit Shkencor 2 vjeçar në degën "Economics and Market Policy", ofruar nga Fakulteti i Ekonomiksit në Rimini të Italisë. Gjashtë bursat akordoheshin nga Universiteti i Bolonjës për studentë të huaj të talentuar, të cilët nuk ishin shtetas të BE-së ose shtetas të BE-së me një diplomë e formim në përputhje me sistemin e lartë arsimor italian.

Zyra e Karrierës, nën udhëheqjen e Dekanit të Studentëve u angazhua për informimin e studentëve më të mirë të Universitetit rreth kësaj mundësie. Grupi kryesor që u mbikëqyr dhe u asistua për aplikim, ishin studentet e viteve të treta, degët Financë-Kontabilitet dhe Menaxhim Biznesi.

Pas aplikimit të një numri të konsiderueshëm studentësh dhe pas një shqyrtimi të hollësishëm të aplikimeve të bëra nga ana e Fakultetit të Ekonomiksit në Rimini, studentja Lianta Shota e vitit të tretë, dega Financë - Kontabilitet, u përzgjodh si një nga gjashtë fitueset e bursës për Master Shkencor në degën "Economics and Market Policy".

Kjo studente, përveçse ka arritur rezultate shumë të mira në vitet e studimit pranë Universitetit Marin Barleti, arriti që të tregojë edhe njëherë jo vetëm përgatitjen e saj të shkëlqyer, por vërtetoi edhe cilësinë e mësimdhënies e të nivelit akademik pranë universitetit tonë, i cili tashmë konkurron fuqishëm me të gjithë universitetet e tjera publike apo jopublike vendase dhe të huaja.

Gjykata e Strasburgut viziton Marin Barletin

Në vijim të traditës së Leksioneve të Hapura (Open Classes), në ambientet e Universitetit Marin Barleti, ditën e premte, më datën 08 Korrik 2011, u zhvillua aktiviteti,me temë "Gjykata e Strasburgut dhe mbrojtja e të Drejtave të Njeriut në Evropë".

Ky aktivitet bënte pjesë e grupit të temave "Demokracia dhe zbatimi i ligjit në shtetin e të drejtës", që zhvillohen në vazhdimësi në Universitetin Marin Barleti. Këtë herë, në aktivitet merrnin pjesë si të ftuar nderi: Baronesha Françoise Tulkens, Zëvendëskryetare e Gjykatës Evropiane për të Drejtat e Njeriut, Gjyqtari Christos Rozakis, ish-Zëvendëskryetar i kësaj Gjykate dhe Z. Ledi Bianku, Gjyqtar po në këtë Gjykatë.

Referimi i Baroneshës Tulkens, titullohej "Kur përplasen të drejtat: Gjykata Evropiane për të Drejtat e Njeriut si një institucion pragmatik", ndërsa gjyqtari Rozakis referoi temën "E ardhmja e mbrojtjes së të Drejtave të Njeriut në Evropë: Bashkimi Evropian si aktor i ri në procesin e mbrojtjes."

Mirëseardhja dhe prezantimi i aktivitetit u bë nga Z. Ilir Panda, Përgjegjës i Departamentit të së Drejtës Publike në Fakultetin e Drejtësisë, pranë Universitetit Marin Barleti, ndërsa një prezantim të Gjykatës së Strasburgut si dhe të këtyre dy figurave të spikatura të kësaj gjykate e bëri Z. Ledi Bianku, i cili aktualisht është gjyqtari shqiptar në Gjykatën e Strasburgut.

Takimi dhe referimet u ndoqën me shumë interes nga të pranishmit, të cilët ishin pedagogë dhe studentë të së drejtës por edhe të degëve të tjera, avokatë, juristë të ndryshëm dhe gazetarë. Më pas, të pranishmit bënë pyetje dhe komente lidhur me veprimtarinë, procedurat dhe praktikat në Gjykatën e Strasburgut, për çështje më specifike të trajtuara në këtë gjykatë ku shteti shqiptar ka qenë apo është palë, për probleme penale, civile, të pronësisë, etj. madje edhe për çështje me problematika të tilla që lidhen me te ardhmen e trajtimit të të drejtave të njeriut në Evropë, prioritetin ndërmjet të drejtës dhe interesit të ligjshëm, etj.

Universiteti Marin Barleti nderohet me pjesëmarrjen e Baroneshës Françoise Tulkens dhe Z. Christos Rozakis, në ciklin: "Demokracia dhe zbatimi i ligjit në shtetin e së drejtës"

Në datën 8 Korrik 2011, ditën e Premte, në ora 18.00, në Sallën A-24 të Universitetit "Marin Barleti", në vijimësi të Leksioneve të Hapura, do të zhvillohet "Gjykata e Strasburgut dhe të drejtat e njeriut në Evropë", një takim me gjyqtarë të Gjykatës së Strasburgut.

Pas çeljes së Z. Ledi Bianku, Gjyqtar në Gjykatën Evropiane për të Drejtat e Njeriut, që do të bëjë një prezantim të shkurtër të Gjykatës së Strasburgut dhe të të ftuarve shumë të nderuar, do të referojnë Baronesha Françoise Tulkens, Zv/Kryetare e Gjykatës Evropiane për të Drejtat e Njeriut, me temën: "Kur përplasen të drejtat: Gjykata Evropiane për të Drejtat e Njeriut si një institucion pragmatik" ("Rights in conflict: the European Court of Human Rights as a pragmatic institution") dhe Z. Christos Rozakis, ish-Zv/Kryetar i Gjykatës Evropiane për të Drejtat e Njeriut, me temën : "E ardhmja e mbrojtjes së të Drejtave të Njeriut në Evropë: Bashkimi Evropian si aktor i ri në procesin e mbrojtjes" ("The Future of Human Rights Protection in Europe : The European Union as a new Actor in the Protection Process.")

Figurat e nderuara dhe titujt "intrigues" të referimeve, ju ftojnë të gjithëve në një takim tejet interesant!

Studenti Eduart Qatja vlerësohet me çmim kombëtar

Muaji maj përveçse u pasqyrua si një muaj i plotë me aktivitete studentore pranë Universitetit "Marin Barleti", ishte i ngjeshur me aktivitete akademike dhe konkurse. Një ndër konkurset më të rëndësishme në të cilin mori pjesë universiteti ynë, ishte ai i organizuar nga Departamenti i Administratës Publike pranë Ministrisë së Brendshme në bashkëpunim me Deutsche Gesellshaft für Internationale Zusammenarbeit (GIZ) GmbH. "Eseja me e mire" , me teme "E ardhmja e administratës publike shqiptare, në kontekstin e integrimit me BE".
Trajtimi i çështjeve si vlerat etiko-morale apo novacionet dhe e-qeverisja ishin të mirëpritura nga targeti të cilit i drejtohej ky konkurs: studentët e shkencave politike, ekonomikut dhe drejtësisë.
Në këtë konkurs Universiteti "Marin Barleti" u përfaqësua nga katër studentë: Eduart Qatja, student viti i II dega Shkenca Politike, Anisa Brano - studente viti i III, dega Drejtësi, Anisa Goga- studente viti i I, dega Financë-Kontabilitet dhe Samira Bevapi- studente, viti i IV, dega Drejtësi.
Studentët tanë prezantuan në mënyre dinjitoze universitetin "Marin Barleti", me punimet e tyre cilësore të cilat u vlerësuan dhe me çmimin. Ky konkurs i zhvilluar në formën e një olimpiade mes universiteteve publike dhe jopublike të vendit luajti një rol te rëndësishëm në rritjen e shpirtit të garës mes studenteve.
Universiteti "Marin Barleti" e trajtoi me shumë seriozitet këtë sfidë duke angazhuar zyrën Dekanit te Studenteve si dhe Zyren e Karrierës per lajmërimin, ndihmesën dhe asistimin e studentëve në punimet e tyre.
Rezultat i këtij bashkëpunimi Universitet-Pedagog-Student, me në qendër studentin, është për tNULLu admiruar. U arrit vlerësimi i te katër punimeve te dërguara nga studentet tanë, ku spikati eseja e studentit Eduart Qatja, i cili mori çmimin e tretë në këtë sfidë. Punimet e tre studenteve te tjerë së bashku me atë te fituesit do te publikohen ne një numër të veçante të revistës DAP.
Ceremonia e ndarjes së çmimeve u mbajt sot dt 1 korrik 2011 në ambjentet e Hotel Tirana International në kuadrin e konferencës "Mbështetje për Departamentin shqiptar të Administratës Publike". Çmimi ju dorëzua studentit Eduart Qatja nga vetë Ambasadorja e Gjermanisë në Shqipëri, znj. Carola Muller-Holtkemper.

Konsultime për provimet me zgjedhje të maturës shtetërore, për vitin akademik 2010-2011.

Në Universitetin "Marin Barleti" u zhvilluan konsultime të ndryshme për provimet me zgjedhje të maturës shtetërore, të ofruara për nxënësit e shkollave publike e jopublike të qytetit të Tiranës. Kurset u ofruan në lëndët Filozofi, Ekonomi, Sociologji dhe Anglisht. Ato u zhvilluan në periudhën maj - qershor 2011 për tNULLu ardhur në ndihmë maturantëve të shkollave të mesme, që të përfundojnë në mënyrë sa më dinjitoze këtë cikël studimesh. Lektorët si : MA, Asije Koprencka, Prof. Dr.Gëzim Hadaj, PhD. Dritan Zela dhe MA. Eurona Leka, të cilët me profesionalizmin dhe përkushtimin mjaft të lartë të tyre, bënë të mundur realizimin e konsultimeve të ofruara pa pagesë, janë pjesë e stafit akademik të Universitetit "Marin Barletit".

Gjithashtu, në menaxhimin me sukses të këtij projekti ndihmuan edhe kolegë të tjerë të UMB-së, si Irida Nikolla, Klebeta Allajbej dhe Doruntina Hala. Konsultime u ndoqën rregullisht e me mjaft interes nga 64 maturantë të shkollave të ndryshme të qytetit të Tiranës, të cilët mbetën mjaft të kënaqur me plotësimin e njohurive të marra në lëndët përkatëse.

Në përfundim të këtij cikli, u organizua një cocktail, duke u uruar maturantëve suksese në provimet e tyre dhe plotësimin e dëshirave për profilet e zgjedhura në studimet e larta.

Sfidat demografike të Shqipërisë në shekullin e XX në kushtet e një zhvillimi ekonomik të qëndrueshëm

Universiteti Marin Barleti hapi siparin e një cikli të tërë leksionesh, me leksionin e hapur: "Sfidat demografike të Shqipërisë në shekullin e XX në kushtet e një zhvillimi ekonomik të qëndrueshëm" mbajtur nga Dr. Arjan Gjonça, më 22 qershor 2011. Protagonistë të këtij cikli do të jenë shqiptarë të suksesshëm që jetojnë dhe punojnë jashtë vendit. Dr. Gjonça është jo vetëm një personalitet në fushën e demografisë, me një përvojë të gjatë pune akademike dhe kërkimore, në një nga universitetet më prestigjiozë të Evropës siç është LSE - "London School of Economics and Political Science", por edhe një bashkëpunëtor i ngushtë në çështjet profesionale me institucione shqiptare e të vendeve të ndryshme të botës.

Në prezantimin e tij, Dr. Gjonça dha një panoramë përmbledhëse të zhvillimeve dhe proceseve demografike të lindshmërisë, vdekshmërisë dhe emigracionit në Shqipëri, në periudha të ndryshme kohore, duke theksuar se si këto fenomene kanë ndikuar në zhvillimin social-ekonomik dhe shëndetin e popullsisë. Zhvillimet në Shqipëri u sollën në një vështrim krahasues me vendet e tjera evropiane dhe botërore, duke na përcjellë disa gjetje dhe koncepte të reja dhe bashkëkohore, lidhur me sjelljen demografike dhe nevojën për shfrytëzimin e duhur të disa prej fenomeneve apo karakteristikave që paraqet demografia e popullsia shqiptare, si plakja, mosha aktive për punë e kështu me radhë.

Dr. Gjonça iu përgjigj pyetjeve të shumta dhe interesit të të pranishmëve të cilët, ndër të tjera, lidhnin gjetjet empirike dhe teorike të tij, me disa nga nismat që kanë ndërmarrë institucionet shqiptare siç është regjistrimi i popullsisë, mosha e pensionit, ulja e papunësisë, reformat në edukim, etj.

Dr. Arjan Gjonça mban leksionin e hapur me temë: "Sfidat demografike të Shqipërisë në shekullin e XXI në kushtet e një zhvillimi ekonomik të qëndrueshëm"

Ditën e mërkurë, datë 22 qershor 2011, ora 13.00, në sallën A24 pranë Universitetit Marin Barleti, Dr. Arjan Gjonça, nga Departmenti i Politikave Sociale të "London School of Economics and Political Science" mban leksionin e hapur "Sfidat demografike të Shqipërisë në shekullin e XXI në kushtet e një zhvillimi ekonomik të qëndrueshëm", mbi karakteristikat dhe faktorët e lëvizjeve demografike në Shqipëri.
Ai do t'i përgjigjet disa prej pyetjeve kryesore të lidhura me këtë çështje si: A ka hyrë plakja e popullsisë shqiptare në një fazë të re të paparashikuar më parë? A ka pasur emigracioni ndonjë efekt në modelin dhe shpejtësinë e plakjes së popullsisë Shqiptare? A duhen të ndryshohen politikat sociale në lidhje me kujdesin për të moshuarit, lindshmërinë apo shëndetin publik, për të përballuar një zhvillim ekonomik të qëndrueshëm në të ardhmen e afërt? Përgjigjet e këtyre pyetjeve do të vijnë nëpërmjet një analize të plotë e cila merr në konsideratë jo vetëm zhvillimet demografike në Shqipëri të periudhës 1950-2010 dhe pasojat për të ardhmen, por edhe eksperiencat e vendeve të tjera evropiane.
Dr. Arjan Gjonça është profesor i asociuar me përvojë të gjatë në fushën e Demografisë në London School of Economics and Political Science (LSE) në Britaninë e Madhe. Fushat e tij të kërkimit përfshijnë: tranzicionin në shëndetësi në vendet në zhvillim, demografinë e Ballkanit, ndryshimet gjinore dhe vdekshmërinë, etj. Dr.Gjonça ka punuar në disa institucione akademike prestigjioze si Universiteti i Southampton, Instituti Max Planck në Gjermani dhe së fundi në London School of Economics. Dr. Gjonça ka punuar gjithashtu si ekspert për disa organizata ndërkombëtare si Banka Botërore, UNDP, UNFPA, si edhe ekspert për qeverinë shqiptare.
Jeni të mirëpritur!

Thirrje për praktikë tek EMA

Lëvizja Evropiane në Shqipëri (EMA) ka hapur thirrjen për praktikë, gjatë periudhës së verës. Ftohen të gjithë studentët e interesuar të aplikojnë sa më parë, për të përfituar mundësinë që të ndjekin një praktikë intensive pranë zyrave të EMA-s, e cila ka si qëllim njohjen nga afër me sektorin e organizatave jo qeveritare dhe familjarizimin me praktikën e punës. Nga aplikimet e ardhura në adresën e EMA-s do të përzgjidhen një ose dy aplikantë të cilët gjatë periudhës së praktikës do të asistojnë stafin e EMA-s në: zbatimin e projekteve të ndryshme, punë kërkimore, përgatitjen e publikimeve, menaxhimin e webpage-it, shkrimin e artikujve si dhe të tjera detyra në varësi të interesave të praktikantit.

Praktikantëve i ofrohet mundësia që të kenë akses në dokumente dhe publikime të cilat do ti mundësojnë njohje më të mirë të procesit të integrimit Evropian të vendit si dhe me politikat e Bashkimit Evropian. Krahas vënies në dispozicion të bibliotekës së EMA-s e cila përmban një numër të konsiderueshëm publikimesh në fushën e studimeve Evropiane, praktikantët do kenë mundësinë që të bëhen anëtarë të rrjetit të European Movement International. Kjo do të rrisë kontaktet dhe mundësitë për zhvillimin e mëtejshëm të karrierës së tyre profesionale.

Studentët që janë të interesuar të marrin pjesë duhet të përmbushin këto kritere:

Të jenë të paktën në vitin e 3 të studimeve universitare;
Të zotërojnë njohuri të mira kompjuterike dhe të gjuhës angleze;
Të jenë të aftë të punojnë në grup si dhe individualisht.

Studentët e interesuar duhet të paraqesin një CV si dhe të shprehin qëllimet dhe interesat e tyre të pjesëmarrjes në këtë praktikë. Presim sugjerimet tuaja për ide që mund të kenë ndikim pozitiv në zhvillimin e kësaj eksperience. Nga kandidaturat e paraqitura do të përzgjidhen një ose dy kandidatë që plotësojnë kërkesat e mësipërme si dhe aplikojnë të parët.

Aplikimet duhet të dorëzohen në adresën e postës elektronike të EMA-s: info@em-al.org

Program veror për liderët dhe sipërmarrësit e ardhshëm ofruar nga The Aspire Academy

Në datat 26 Korrik - 3 gusht 2011, në Poiana Brashov të Rumanisë, The Aspire Academy zhvillon një program një-javor në gjuhën angleze, për studentet e padiplomuar të Evropës Lindore. Në përfundim të këtij programi përfitohet një certifikatë e njohur ndërkombëtarisht.

Akademia u drejtohet studentëve të padiplomuar, të cilët ka prirje në lidership dhe sipërmarrje. Kurset zhvillohen nga lektorë dhe trajnues, që punojnë pranë Harvard University. Këto kurse do të trajtojnë studime rastesh e zhvillim të drejtpërdrejtë të cilësive sipërmarrëse dhe lidershipit.

Programi ditor standard do të përfshijë:

9.00 -10.30 Zhvillim i çështjeve të ndryshme me instruktoret e Harvard University:

- Çështje mbi lidershipin dhe menaxhimin
- Krijimi i një ambienti pozitiv për studim dhe arritje
- Vlerësimi i suksesit të kompanisë dhe grupit tuaj

10.45 - 12.45 Zhvillimi i vetë përgjegjësisë:

- Hyrje në negociata
- Përcaktimi i pikave të forta dhe të dobëta të stilit tuaj të lidershipit
- Kuptimi i artit dhe shkencës se komunikimit

14.30 -15.30 Bashkëbisedim rreth sektorëve kyç :

- Hulumtimi i Medias me Charles Frank
- Financat e Evropës Juglindore me Dan Pescariu
- Çfarë nënkupton Sipërmarrja në Edukim me Bogdan Georgescu

16.00 -18.00 Punë për projektin final me grupin tuaj:

- Sesionet e punës për projektin përfundimtar

20.00- 21.30 Luajmë dhe zbulojmë talente:

- Tango & Lidership: zbuloni veprimin në lëvizje me Andreea Gorbatai
- Fotografia shoqërore me Cristian Movila
- Lojë në grup "Out & About"

Kërkohen
40 studentë nga Evropa Juglindore, që përfitojnë por edhe kontribuojnë në vetë përcaktimin e lidershipit të brendshëm dhe strukturave personale të sipërmarrjes. Kurset do të ndiqen në gjuhën angleze ndaj kërkohet anglishte e rrjedhshme.

PRANIMI
Pranohen të aplikojnë të gjithë studentët e universiteteve apo kolegjeve të Evropës Lindore. Programi është pa pagesë (përjashtohet vetëm transporti). Për të aplikuar studentët duhet të plotësojnë formularin online në http://www.aspireacademy.ro/online-application.html dhe të bashkëlidhin CV-në e tyre, së bashku me një ose dy ese prej jo më shumë se 500 fjalë.

Për më shumë informacion ndiqni: http://www.aspireacademy.ro/index.html
Të interesuarit, pasi të kenë bërë gati CV-në e tyre, mund të na bashkohen ditën e enjte, datë 16. 06. 2011, në orën 13.00 tek Laboratori i Informatikës ( në katin e parë) ku do të mblidhemi së bashku për të bërë aplikimin online.

Z. Thimjo Kondi vjen në UMB me leksionin e hapur "GJYKATA E LARTË: Roli i saj në sistemin gjyqësor"

Në kuadrin e traditës së Auditoreve të Hapura ("Open Classes"), në ambientet e Universitetit "Marin Barleti", më datën 07.06.2011, u zhvillua një Leksion i Hapur, me temë "GJYKATA E LARTË: Roli i saj në sistemin gjyqësor".

Ky leksion bënte pjesë në grupin e temave: "Demokracia dhe zbatimi i ligjit", që janë zhvilluar dhe do të zhvillohen në vazhdimësi në Universitetin "Marin Barleti". Këtë herë lektor ishte Z. Thimjo Kondi, ish-Kryetar i Gjykatës së Lartë në vitet 1999-2008.

Leksioni u zhvillua në dy pjesë. Fillimisht, Z. Kondi bëri një paraqitje të vendit që zë dhe funksioneve që ka Gjykata e Lartë në sistemin gjyqësor, jo vetëm në Shqipëri, por edhe në vende të tjera të demokracive të zhvilluara. Më pas u vazhdua me pyetje nga të pranishmit, lidhur me çështje me specifike të kësaj pjese të gjyqësorit shqiptar, madje edhe për çështje me një problematikë delikate, që kanë të bëjnë me imunitetin e gjyqtarëve, përzgjedhjen e kandidaturave për Gjykatën e Lartë e atë Kushtetuese, etj.

Leksion i hapur me temë: GJYKATA E LARTË, Roli i saj në sistemin gjyqësor

Ditën e Martë, më 7.6.2011, në orën 12.00, në Sallën A24, pranë Universitetit "Marin Barleti", në kuadrin e projektit "Open Classes" (Klasat e Hapura), do të zhvillohet një Leksion i Hapur, me temë "GJYKATA E LARTË: Roli i saj në sistemin gjyqësor". Ky leksion është pjesë e grupit të temave "Demokracia e zbatimi i ligjit", që do të zhvillohen në vazhdimësi në Universitetin Marin Barleti.

Lektor do të jetë Zoti Thimjo KONDI, ish Kryetar i Gjykatës së Lartë në vitet 1999-2008. Njohuritë, profesionalizmi dhe eksperienca e tij do të jenë të vlefshme për të gjithë pjesëmarrësit.

Zyra Alumni - OFERTA PUNËSIMI

Specialist për Sektorin e Individëve Privatë
Qyteti: Tiranë
Vende vakante: 1

Të dhëna mbi kompaninë: Institucion financiar që fokusohet në sigurimin e shërbimeve bankare për biznese të vogla dhe të mesme, në ekonomitë në tranzicion dhe vendet në zhvillim.
Kërkohet të punësohet në Zyrat Qendrore një Specialist për Sektorin e Individëve Privatë

Detyrat:

Përgjegjës për rezultatet e biznesit lidhur me klientët pagamarrës në ProCredit
Monitorimi i zhvillimit të portofolit, për tNULLi ofruar këtij target-grupi produktet dhe shërbimet e nevojshme
Monitorimi i aplikimeve dhe mbështetja e degëve për gjenerimin e kërkesave për produktet
Monitorimi i rezultateve të këtij target-grupi dhe mbështetja e degëve sipas nevojave
Analizimi i zhvillimit të tregut dhe propozimi i ndryshimeve në procedura, produkte ose kushtet e ofruara për ta

Analizimi dhe vlerësimi i përfitueshmërisë së klientëve, si dhe propozimi dhe sugjerimi i strategjive dhe veprimeve për rritjen e përfitueshmërisë

Kualifikimet

I interesuari duhet të ketë minimumi diplomë universitare, preferohet në ekonomi
Aftësi shumë të mira negociuese dhe analitike
Aftësi të mira ndikuese dhe komunikuese, organizative dhe ndërpersonale
Njohuri të mira të gjuhës angleze dhe njohuri kompjuterike

Dokumentet e aplikimit duhet të tregojnë qartë arsyen pse mendoni se jeni të përshtatshëm për pozicionin për të cilin po aplikoni. Këto duhet të përfshijnë formën standarde të CV-së dhe një deklaratë, në të cilën shpjegohet motivimi për aplikim. Aplikimet brenda datës 10 qershor 2011 pranë Alumni dhe "Zyra e Karrierës"

2. Drejtor Marketingu
Qyteti: Tiranë
Vende vakante: 1

Të dhëna mbi kompaninë: Kompani serioze me objekt veprimtarie "Import, furnizim, montim të pajisjeve elektrike dhe elektronike", me një eksperiencë shumëvjeçare në tregun shqiptar, ofron një vend pune për Drejtor Marketingu. Pozicioni është për të interesuarit e diplomuar në Fakultetin e Ekonomisë (preferohet drejtimi/ specializimi Marketing)

Detyrat

Të interesuarit duhet të jenë të diplomuar në Fakultetin e Ekonomisë dhe Biznesit
Përvoja përbën avantazh

Kualifikimet

Njohuri të mira të paketës MS Office
Anglishte e rrjedhshme

Aplikoni sa më parë pranë Alumni dhe "Zyra e Karrierës"

Për më tepër informacion
e-mail:
alumni@umb.edu.al
karriera@umb.edu.al

Menaxhimi i Burimeve njerëzore dhe Organizavave: Sfidat, Alternativat, Zgjidhjet

Instituti Shqiptar i çështjeve publike dhe Universiteti Marin Barleti ornganizuan seminarin treditor nga Prof. Fabio Fonti për trajnimin e thelluar profesional në lidhje me funksionimin e organizatave dhe trajtimin e burimeve njerëzore.

Menaxhimi i Burimeve njerëzore dhe Organizavave: Sfidat, Alternativat, Zgjidhjet. Cikël seminaresh për menaxherë të niveleve të mesme e të larta drejtuese

Çfarë ofroi seminari kësaj here dhe çNULLdo të ofrojë në seminarët e ardhshëm

Ky seminar konsiston në një cikël tre ditor leksionesh, i cili synon tNULLju ndihmojë për të kuptuar më mirë funksionimin e organizatave dhe bashkëveprimin me njerëzit në këto organizata.
Njohuri të tilla do ju japin një ndihmë të konsiderueshme në jetën tuaj profesionale, duke ju siguruar mjetet dhe aftësitë e nevojshme për të menaxhuar në mënyrë efektive njerëzit dhe karrierën tuaj.
Vihet theksi në këmbimin e përvojave, të cilat duke i krahasuar me rastet studimore të Shkollës së Biznesit në Harvard, do tNULLju ndihmojnë të mësoni se si zbatohen njohuritë e marra gjatë trajtimit të çështjeve të veçanta në një situatë biznesi, të vërtetë apo hipotetike.

Gjatë ciklit të seminarit do të zhvillohen temat:

Motivimi dhe vendimmarrja: Nga motivimi i stafit tuaj në marrjen e vendimeve të drejta
Efektiviteti i punës në grup: Sa mire dhe sa keq punojnë ekipet
Dizenjimi organizativ, struktura dhe kultura: Përcaktuesit makro të performancës organizative
Lidershipi: Nga drejtimi i vetvetes në drejtimin e firmës suaj
Rrjetet: Si te arrihet përparësia në marrëdhënie I
Menaxhimi i dijeve: Si të arrihet përparësia në marrëdhënie II
Menaxhimi i talentit: Si të mbani njerëzit tuaj më të mirë
Menaxhimin ndërkulturor: Sfidë për të punuar me kultura të ndryshme

Kush është Prof. Fabio Fonti?
Leksionet do të zhvillohen nga Prof. Fabio Fonti i cili ka fituar një Diplome Bachelor (BA) Summa Cum Laude në Ekonomi dhe Biznes në Universitetin e Urbinos, Itali, dhe një PhD në Administrim Biznesi (me major në Sjellje Organizative) nga Universiteti i Illinois në Urbana-Champaign, SHBA. Nga 2002-2009, ai ka qenë pjesë e stafit akademik, të Departamentit "Studime të Organizatave" në Boston College.

Prej 2011, ai është kërkues shkencor dhe Profesor i Asociuar në Universitetin Marin Barleti, Tiranë. Fabio Fonti është anëtar i Akademisë së Menaxhimit, EGOT (Grupi për Studime Evropiane organizative), si dhe INFORMS.

Opinionet e pjesëmarrësve në seminar:
Erida Thama: Dëshiroj tNULLju përgëzoj për trajnimin e organizuar mbi Menaxhimin e Burimeve Njerëzore me lektor Prof. Fabio Fonti. Organizimi ishte perfekt dhe mjaft interesant për mendimin tim. Megjithëse pozicioni im aktual i punës është menaxhimi i Burimeve Njerëzore, trajnimi ishte i vlefshëm dhe solli risi në njohuritë e mia.

Erinda Kanina: Një prezantim shumë i qartë i elementëve që çdo manaxher duhet të ketë parasysh për tNULLu bere nje lider i suksesshëm afatgjatë. Zhvillimi i një këndvështrimi të ri për vlerësimin e marrëdhënieve drejtues - staf, marrëdhëniet brenda organizatës e jashtë saj. I domosdoshëm për çdo drejtues (jo vetëm manaxherët e rinj) pasi jep përgjigje për shume "Pse?" në lidhje me veprimet e punonjësve. I këndshem, aspak i lodhshëm.

Takim me diplomantët Bachelor në Kampusin 2 të Universitetit "Marin Barleti"

Në 31 Maj 2011, u organizua takimi me studentët e viteve të treta ,të degëve Shkenca Politike, Menaxhim Financiar e Financë-Kontabilitet, të cilët janë në përfundim të ciklit të parë të studimeve. Qëllimi i këtij takimi ishte prezantimi i studentëve me Godinën e re të Studimeve Master ose e quajtur ndryshe Kampusi 2 i Universitetit. Në këtë takim morrën pjesë:
EdliraBaraj,
Gjin Biba,
Arbana Kadriu,
Ornela Shqarri,
Enkelejda Hamzaj,
Migena Kapllani ,
Eurona Leka, etj.

Pas fjalimit të Zv. Prorektorit të Kërkimit Shkencor, Znj. Edlira Baraj, studentët u informuan me detaje, nga stafi akademik, për programet e Masterave Shkencor e Profesional që ofron "Marin Barleti". Ata treguan interes në profile të ndryshme ku kanë marrë formimin bazë dhe shprehën dëshira dhe ëndërra për të ardhmen e tyre profesionale.

Në fund të takimit u organizua edhe një cocktail duke u uruar studentëve tane, suksese në provimet e mëtejshme dhe dalshin faqebardhë.

Fundjavë Eco-Barletase

Këtë të shtunë, studentët e Universitetit Marin Barleti vendosën që në mënyrë vullnetare të zhvillojnë një aktivitet ndërgjegjësues për një Tiranë më të pastër. Ata u hipën biçikletave dhe dolën nëpër kryeqytet, duke synuar të promovojnë jetën ekologjike, si një praktikë qytetare dhe evropiane, që ndihmon në zhvillimin ekonomik, social dhe mjedisor të komunitetit tonë. Duke dëshmuar se Universiteti Marin Barleti jo vetëm kryen studime e ndihmon akademikisht në ruajtjen e mjedisit dhe sidomos të zhvillimit të qëndrueshëm, Barletasit u treguan kryeqytetasve se janë një rini vigjilente ndaj natyrës, si një burim jetik e gjithaq argëtues.

Konkurs për esenë më të mirë!

Departamenti i Administratës Publike të Ministrisë së Brendshme, organizon një konkurs për esenë më të mirë me temë "E ardhmja e Administratës Publike shqiptare në kontekstin e integrimit në Bashkimin Evropian"

Studentët që do të paraqesin esetë më të mira, do të vlerësohen nga një grup i posaçëm pedagogësh dhe ekspertësh të fushës së Administrimit Publik. Për fituesit e konkursit janë përcaktuar shpërblimet e mëposhtme:

Çmimi i parë: 500 Euro
Çmimi i dytë: 300 Euro
Çmimi i tretë: 200 Euro

Ndërkaq, dhjetë esetë e përzgjedhura do të botohen në një numër të veçantë të revistës së DAP. Esetë do të jenë të mirëpritura nga çdo student, pavarësisht degës në të cilën studion dhe vitit të studimit.

Kërkesat për esenë:

Të përmbajë jo më shumë se 3000 fjalë
Formati i germës duhet të jetë Times New Roman dhe madhësia 12 pt
Hapësira ndërmjet rreshtave duhet të jetë 1.5
Të mos jetë publikuar më parë

Afati i përfundimit:
Esetë duhet të dërgohen brenda datës 10 qershor 2011, me postë elektronike në adresën:
karriera@umb.edu.al ose dekst@umb.edu.al

Këshillim me prag-diplomantët Bachelor në lidhje me programet Master të Shkencave

Ditën e mërkurë, datë 18.5.2011 u mbajt një takim këshillues me studentët e viteve të treta të degëve Shkenca Politike, Financë - Kontabilitet dhe Menaxhim Biznesi, i cili kishte për qëllim jo vetëm prezantimin e studentëve me programet Master të Shkencave, që ofron Universiteti Marin Barleti, por edhe dallimin mes Masterit Shkencor dhe niveleve të tjera të ciklit Master, sipas ligjit të ri "Për arsimin e lartë".

Drejtuesit e takimit ishin Dekani i Studentëve Msc. Elona Bano, përfaqësuesja e Zyrës "Alumni dhe Karriera" Ma. Fatjona Qurku, të cilat sollën në vëmendje të studentëve risitë dhe shërbimet e funksionet e zyrës "Alumni dhe Karriera", por edhe Koordinatorja e Departamentit të Çështjeve Publike Ma. Eurona Leka e pedagogë të tjerë, që folën për specifika legjislative apo të një programi specifik Master. Kështu, nën një vështrim paralel u analizuan të gjitha mundësitë e karrierës, punësimit dhe formimit të mëtejshëm akademik të studentëve, në përputhje si me programet akademike që ofron UMB ndaj atyre që duan të vijojnë me formimin akademik apo profesional, ashtu edhe me interesat personale të çdo studenti.

"Discover the Vodafone Opportunities" në UMB

Me iniciativën e zyrës "Alumni dhe Karriera" dhe në bashkëpunim me kompaninë telefonike Vodafone, më datë 11 maj 2011, ora 13.00, Znj. Elona Kollari, përfaqësuese e kësaj kompanie ndërkombëtare, organizoi një takim me studentët tanë në lidhje me programin "Graduate Program" të ofruar nga Vodafone. Programi synon drejt studentëve më të mirë të universitetit, pavarësisht nga degët në të cilat ata studiojnë. Ai shërben edhe si urë lidhëse drejt një vendi pune afatgjatë në këtë kompani ndërkombëtare.

Ssudentët e Universitetit u njohën me kriteret që duhet të përmbushin për të qenë pjesë e programit dhe këto kritere konsistojnë në një mesatare të lartë studimi (mbi 8) dhe njohuri mjaft të mira të gjuhës angleze.

Gjithashtu, studentët u njohën me llojet e testeve, të cilat duhet tNULLi kalojnë me sukses, në mënyrë që të jenë pjesë e këtij programi. Testet janë 3 llojesh:

Intervista "online testing", të cilën disa prej studentëve e zhvilluan
Testi logjik që njihet ndryshe edhe si testi me diagrame dhe mbahet si më i rëndësishmi
Testi verbal

Pasi të kalohen me sukses këto teste studentët do tNULLi nënshtrohen stadit të dytë të intervistave, i cili cila do të organizohet në formë aktiviteti nga vetë menaxherët e Vodafone.

Nga studentët e intervistuar u përzgjodhën për të vazhduar më tej Harolda Malaj (Shkenca Politike, viti III) dhe Taulant Ruçi (Menaxhim Biznesi, viti III).

Ndërsa studentët Armela Memaj, Edvin Koxhaj (Shkenca Politike, viti III ) dhe Antonio Mara (Menaxhim Biznesi, viti II) u përzgjodhën si kandidatë potencialë, për tNULLu punësuar jashtë programit në fjalë, në sektorë të tjerë të kompanisë.

Komedianët e Apartamentit 2XL do të vizitojnë, më datë 11 maj 2011 Universitetin Marin Barleti.

Komedianët e Apartamentit 2XL do të vizitojnë më datë 11 maj 2011 Universitetin Marin Barleti. Vizita e tyre vjen në vijim të ciklit Histori Suksesi. Ermal Mamaqi, Gentian Zenelaj dhe Julian Deda, të njohur edhe si Sh.B.L.Sh-at, do të tregojnë historinë e tyre të suksesit në një bisedë joformale me studentët e Universitetit Marin Barleti. Të mërkurën, Ora11:00, Salla A24.

Barleti Volley një hap pranë finales së Kupës së Republikës

Ndeshja gjysmëfinale mes Barleti Volley dhe Studenti, e vlefshme për Kupën e Republikës u luajt në sallën kryesore të pallatit të sportit "Asllan Rusi". Vajzat e Tartarit luajtën një ndeshje të lehtë kundër ekipit të Studentit. Skuadra e Studentit u drejtua nga Geri Neli, ish-lojtare e Barleti Volley. Vajzat e kësaj skuadre luajtën një ndeshje të mirë, por të pamjaftueshme për fitoren. Ndërsa Barleti Volley mirëpriti edhe rikthimin e dy lojtareve të veta, Jeta Xhyliu dhe Rubena Sukaj. Ekipi i Tartarit luajti fort, duke mos u thyer as edhe një moment dhe e mbylli ndeshjen në tre sete.

Simpozium ndërkombëtar "Identiteti dhe shtetësia"

Të premten, datë 29.04.2010, Universiteti Marin Barleti, në bashkëpunim me Institutin e Sociologjisë, Universitetin e Lubjanës dhe Kolegjin Universitar "Victory" të Prishtinës zhvillon simpoziumin ndërkombëtar "Identiteti dhe shtetësia", bazuar në librin me të njëjtin titull të Prof. Martin Berishaj.

Ky simpozium, ku veç autorit do të referojnë shumë emra të shquar, si Prof. Myqrem Tafaj, Ministër i Arsimit dhe Shkencës; Prof. Marenglen Spiro, Rektor i Universitetit Marin Barleti; Prof. Servet Pëllumbi, Drejtor Akademik i Institutit të Sociologjisë; Afrim Krasniqi, këshilltar politik i Presidentit të Republikës së Shqipërisë; Stephanie Schwandner, Sievers, IRCSM, Bashkëautore e librit "Albanian Identities: Myth and History"; Kreshnik Spahiu, nënkryetar i Këshillit të Lartë të Drejtësisë; Lekë Sokoli, Universiteti Marin Barleti, Instituti i Sociologjisë; Isabel Stroehle, Universitaet Muenchen; Nasi Mitrojorgji, Universiteti Marin Barleti, Kolegji Universitar "Victory" Prishtinë dhe Tonin Çobani, Qendra e Studimeve Albanologjike, Instituti i Sociologjisë, do të mbahet edhe në Prishtinë e Lubjanë.

Ju ftojmë të merrni pjesë!

Universiteti Marin Barleti pjesë e rrjetit CEI

Universiteti Marin Barleti bëhet partner i një rrjeti universitetesh dhe organizatash nga shtete të "Central European Initiative", gjë që e përfshin në nismat, aplikimet dhe projektet e përbashkëta akademike, studimore e kërkimore.

Që prej datës 20 prill 2011, Universiteti Marin Barleti është inkuadruar në rrjetin e shteteve të "Central European Initiative", duke e futur në radhët e aktorëve më të mirë akademikë të rajonit.

Universiteti Marin Barleti mori pjesë në këtë takim "Task Force" të zhvilluar në Trieste, me ftesë të Sekretarit të Përgjithshëm të CEI, Ambasadorit Gerhard Pfanzelter. Takimi synonte krijimin e një marrëdhënieje të ngushtë midis universiteteve nga vendet anëtare të kësaj iniciative, për të promovuar dhe nxitur partneritete për nisma dhe aplikime të përbashkëta të projekteve akademike, studimore e kërkimore. Dr. Reis Mulita, përfaqësuesi i Universitetit Marin Barleti, u prezantua me punimin: "Strengthening CEI partnerships, towards an EU sustainable enlargement and knowledge-based society. The role of CEI - University Network and EU programmes in Western Balkans", duke e paraqitur UMB si një institucion lider jo vetëm në arsimin e lartë, por edhe në tregun akademik e shkencor në Shqipëri.

Kjo e fundit pasqyrohet dukshëm në veprimtarinë e Universitetit Marin Barleti si në programet përkatëse, edhe në ato që pritet të hapen në perspektivë, për diplomat Bachelor, Master dhe PhD. Veçanti e këtij institucioni arsimor është edhe partneritetet i tij me universitete prestigjioze perëndimore, me institute dhe qendra të kërkimit shkencor e akademik, me "Barleti Entrepreneurship Initiative", "Barleti Press", Klubet Studentore, etj. Nëpërmjet prezantimit dinjitoz të Universitetit, Dr. Mulita konsolidoi vlerësimin ndaj këtij organizmi dhe përforcoi edhe më tej mesazhin se Universiteti Marin Barleti është një institucion që gëzon të gjitha burimet e kapacitetet humane, organizative dhe të infrastrukturës fizike, për të mbështetur apo për të filluar partneritete serioze dhe të qëndrueshme, si ato që organizohen me nismën e Central European Initiative, apo të të tjerë aktorëve e hapësirave të botës akademike e shkencore, si programet Erasmus Mundus, TEMPUS, Lifelong Learning, etj.etj.

Barleti Volley fiton kupën e Universiadës Sportive 2011

Barleti Volley u përball në finalen e Universiadës Sportive me ekipin profesionist të Universitetit të Sporteve, pasi kish fituar më parë ndeshjen gjysmë finaliste me Universitetin e Tiranës, me rezultatin 2-0. Po me këtë rezultat skuadra jonë e volejbollit fitoi edhe finalen dhe vajzat tona u nderuan me medalje e kupën, që çeli rrugën e Universitetit Marin Barleti drejt Lojërave Universitare Botërore 2011, të cilat do të mirëpriten këtë gusht në qytetin e Shenzhenit, në Kinë.

Universiteti "Marin Barleti" shkon në gjysmëfinalen e Universiadës Shqiptare

Në fazën e parë të Universiadës Shqiptare, ekipi i volejbollit për femra të Universitetit Marin Barleti luajti me skuadrat e Universitetit Europian të Tiranës, Universitetit Amerikan të Tiranës dhe të Universitetit Shtetëror. UMB Volley i fitoi të gjitha ndeshjet me rezultatin 2-0. Të premten, 22 prill në orën 16.30 do të luhen gjysmëfinalet mes UMB Volley e Universitetit të Tiranës dhe Universitetit Shtetëror me Universitetin e Sporteve, pranë ambienteve të Universitetit të Sporteve të Tiranës. Nga gjysmëfinalet do të dalin edhe skuadrat finaliste, që do të përballen me njëra-tjetrën ditën e shtunë, në datë 23 prill, në orën 16.30, po në ambientet e Universitetit të Sporteve të Tiranës.

Zyra Alumni - OFERTA PUNËSIMI

A ju intereson një vend pune ku të mësoni çdo ditë e më shumë nga vetë puna që bëni? Një vend me sfidues me bashkëpunëtorë ndërkombëtarë? Atëherë po bëni zgjedhjen e duhur.

Philip Morris Albania sh.p.k., një filial i Philip Morris International, kompania lider në industrinë e duhanit, me të cilën Universisteti Marin Barleti po përfundon nënshkrimin e një kontrate bashkëpunimi.

Na dërgoni aplikimin tuaj për këto pozicione:

1. Praktikant në Departamentin e shitjeve dhe shpërndarjes
Qyteti: Tiranë
Vende vakante: 3
Part-Time për 3 muaj në Tiranë në zyrat e Philip Morris sh.p.k., duke filluar nga qershori 2011.

Ky pozicion është për të interesuarit që kërkojnë të përfitojnë dhe të zhvillojnë njohuritë në Departamentin e shitjes dhe shpërndarjes, në mes të një mjedisi pune ndërkombëtar dhe grupe të ndryshme ndër-kulturore.

Detyrat:

Praktikanti në Departamentin e shitjes dhe shpërndarjes do të mbledhë informacion dhe do të analizojë zgjidhjet.
Do të mbështesë shitjet globale të biznesit dhe aplikimin e marketingut, brenda kohës së përcaktuar.
Do të ndihmojë në territorin e shitjeve.
Do të jetë përfaqësues në punë udhëheqëse / projekte dhe do të bëjë koordinimin e brendshëm / jashtëm të burimeve që janë caktuar në këto aktivitete.
Praktikanti do të jetë i ekspozuar në një mjedis ndërkombëtar me një diversitet të lartë të kontaktesh, procesesh dhe dokumentesh.

Kualifikimet:

Të interesuarit duhet të jenë studentë të Fakultetit të Ekonomisë, Marketingut, Menaxhimit apo Administrim Biznesi
Përvoja në shitje përban avantazh, por nuk është thelbësore
Njohuri të mira të paketës MS Office
E folur e rrjedhshme e gjuhës angleze

Aplikimet do të jenë të hapura deri në datën 30 prill 2011

2. Përfaqësues i Territorit të shitjes (TSR)
Qyteti: Durrës
Vende vakante: 1
Full-Time

Ky pozicion është për të interesuarit që dëshirojnë të punojnë në një grupe dinamike ndërkombëtare, në një mjedis që ofron trajnime të mëtejshme dhe të vazhdueshme, si dhe mundësi të shkëlqyera për zhvillimin e karrierës, një paketë konkurruese kompensimi.

Detyrat:

Përfaqësuesi i Territorit të shitjeve planifikon, zhvillon dhe zbaton aktivitetet e shitjes në një territor të përcaktuar, në zonën e Durrësit
Perfaqësuesi i Territorit të shitjeve është përgjegjës për rezultatet e biznesit të këtij territori.
Ai viziton konsumatorët, duke negociuar marrëveshjet e partneritetit, ndërton marrëdhënie afatgjata me klientët, të cilët funksionojnë si një partner biznesi konsultativ
Ndërton baza datash për të gjithë pikat e shitjes dhe harton raporte të detajuara brenda afateve të dhëna.
Qëndron i informuar në zhvillimin e tregut dhe identifikimin e iniciativave të reja.

Kualifikimet:

I interesuari duhet të ketë minimumi diplomë universitetare, preferohet në ekonomi/marketing
Duhet të ketë minimumi 1 vit përvojë të suksesshme në terren si përfaqësues shitjesh
Të ketë njohuri të mira të gjuhës angleze
Të ketë aftësi të mira kompjuterike, duke përfshirë edhe paketën MS Office
Të njohë rajonin e Durrësit
Të zotërojë leje automjeti prej të paktën 2 vjetësh
Të jetë shtetas shqiptar

Aplikimet do të jenë të hapura deri në datën 27 prill 2011

Për më tepër informacion kontaktoni më Alumni dhe "Zyra e Karrierës"
Email:
alumni@umb.edu.al
karriera@umb.edu.al

Rudina Xhunga në Universitetin Marin Barleti

Gazetarja Rudina Xhunga vizitoi të mërkurën e 20 prillit Universitetin Marin Barleti, e ftuar nga Klubi i Mediave të Reja dhe Teknologjisë, në kuadër të ciklit "Histori Suksesi".

Znj. Xhunga ndau me studentët e universitetit disa nga hollësitë më interesante të karrierës së saj në gazetari. Ashtu si është bërë traditë, të ftuarit e ciklit "Histori Suksesi" ndajnë me studentët historinë e tyre në profesion.

Për Rudinën këto fillime ishin në shtypin e shkruar, si pjesë e stafit të gazetës "Koha Jonë". "Doja të komunikoja me njerëzit", - tregoi Rudina, - "doja të kisha vëmendjen e tyre, të ndaja me ta gjërat që mendoja se ishin të rëndësishme. Fillimet ishin të motivuara edhe nga dëshira ime për vëmendje, por vetëm në fillim ama. Më tutje e kuptova rëndësinë dhe përgjegjësinë e kësaj pune."

Rudina tregoi se disa nga momentet më të vështira në jetën e saj si gazetare ishin pikërisht në vitin 1997, kur si reportere terreni e gjeti veten në një situatë të rrezikshme në Cërrik, mes një grupi njerëzish të armatosur që dëshironin t’i tregonin gazetares së re videot e masakrave që kishin bërë. "As mund të flisja, as mund të veproja, e gjeta veten të detyruar të shoh filmimet, që ata vetë kishin xhiruar ndërsa vrisnin njerëz. Ishte një ekpseriencë tepër e vështirë", - përfundon Rudina këtë rrëfim të trishtë.

Por në jetën e saj profesionale Rudina ka patur edhe shumë momente të mrekullueshme. Ajo tregoi se sa mirënjohëse është për punën që kryen për emisionin "Shqip" në Top Channel dhe për të gjitha vendet e botës që ka vizituar për shkak të kësaj detyre. Saimir Pirgu është një nga personazhet që e ka bërë të ndihet më mirë në intervistat për "Shqip". "Ky tenor i ri i La Scala-s do të bëjë që të flitet mirë për Shqipërinë. Historia e tij dhe personi që ai është sot, më kanë lënë përshtypje të vyera", - thotë Znj. Xhunga.

Më tej, ajo iu përgjigj pyetjeve dhe kurioziteteve të studentëve në lidhje me letërsinë, poltikën dhe mënyrën e saj të të bërit gazetari larg Bulevardit Dëshmorët e Kombit. Rudina tregoi për kënaqësinë që i japin temat, të cilat nuk rrotullohen pa fund qark politikës së vogël të Tiranës, por që sjellin në studion e "Shqip" atë Shqipërinë atje jashtë, që debatet televizive shpesh tentojnë qëllimisht ta harrojnë.

Në fund të bisedës, Znj. Xhunga pozoi për foto dhe dha disa autografe për një grup studentësh. Edhe ky takim i ciklit "Histori Suksesi" u ndoq nga një numër i lartë studentësh dhe prej disa nga pedagogët e Universitetit Marin Barleti.

"Histori Suksesi" vijon këtë të mërkurë, 20 prill, ora 13.10 me gazetaren e mirënjohur Rudina Xhunga.

Znj. Xhunga, që mbledh çdo të hënë para ekranit shqipfolësit, për të komunikuar me ta në gjuhën amtare, vjen mes studentëve të Marin Barletit. Ajo rrëfen sekretet e një rrugëtimi të sukseshëm që zë fill në bankat e degës së italishtes në Universitetin Publik të Tiranës, vijon me gazetarinë e shkruar, me emisionin politik "Dritare" në TVSH, derisa mbërrin në debatin aktual politiko-social "Shqip", në Top Channel. Veç këtyre, Rudina Xhunga do t�u rrëfejë studentëve edhe për sukseset e saj letrare e për kuriozitetet e tjera, që ata duan të shuajnë në lidhje me këtë personazh të rëndësishëm mediatik.

20 prill 2011

Universiteti "Marin Barleti" në Universiadën Shqiptare

Universiteti i Sporteve të Tiranës, në bashkëpunim me Ministrinë e Turizmit, Kulturës, Rinisë dhe Sporteve organizon për të parën herë në Shqipëri Universiadën Sportive në datat 19 - 24 Prill 2011.

Disiplinat garuese do të jenë: Mini-futboll, Volejboll, Basketboll, Atletikë dhe Ping-Pong. Eliminatoret do të zhvillohen në disa qytete të vendit. Për volejbollin është zgjedhur Shkodra, për basketbollin Korça, Elbasani do të mirëpresë mini-futbollin, ndërsa në Tiranë do të zhvillohen atletika dhe ping-pongu. Universiteti "Marin Barleti" do të përfaqësohet me 2 ekipe: atë të volejbollit për femra dhe të mini-futbollit për meshkuj.

Ekipi i volejbollit luan në datan 19 prill në orën 12.00 dhe në datën 20 prill në orën 12.00 dhe 20.00 në Shkodër, ndërsa ekipi i mini-futbollit luan në Elbasan në datat 20-21 prill, në orën 16.00.

Gazetari i mirënjohur Arian Çani zhvilloi një takim me studentët e UMB-së në vijim të ciklit "Histori Suksesi"

Të mërkurën e datës 13 Prill, gazetari i mirënjohur Arian Çani erdhi në Universitetin Marin Barleti për të bashkëbiseduar me studentët tanë në ndjekje të ciklit "Histori Suksesi". Z. Çani nisi rrëfimin e tij nga vitet e shkollës, kur ishte apasionuar pas gjuhës frënge për të cilën kreu studimet e larta dhe pas gjithçkaje franceze gjithashtu. "E dashuroja mënyrën frënge të të komunikuarit, të të menduarit dhe pasi mbarova shkollën u nisa për në Francë me shansin e parë që mu dha." Arian Çani jetoi disa vjet në Francë ku mësoi të flasë edhe "gjuhën e rrugës", siç shprehet vetë në lidhje me zhargonin e përditshëm parizien.

"Kur u ktheva në Shqipëri mu dha rasti të punoj si përkthyes i ca gazetarëve televizivë të TF1. Aty pash sesi ata punonin me kamerën, sesi komunikonin dhe rash menjëherë në dashuri me artin e komunikimit televiziv." Gazetari Arian Çani refuzoi tNULLi përgjigjet zyrtarisht pyetjes nëse ai është drejtuesi i programit rafiofonik të dikurshëm, të quajtur "Klani i natës". "Ajo do të mbetet sekret." - tha ai me buzëqeshje.

Historia e çanit në gazetari nis në gazetën e dikurshme "Koha Jonë". Z. Çani kujdeset të bëjë dallim midis gazetës "Koha Jonë" që ishte dhe asaj që është sot.

Më tej ai punon për pesë vjet si kryeredaktor i Gazeta Shqiptare, ndërsa hapin e parë televiziv e ndërmerr tek Tele Arbëria (TVA) me formulën "Zonë e Lirë". "Pronari i atij televizioni ishte një qytetar i vërtetë dhe i jam mirënjohës për shansin që më dha dhe për besimin që tregoi." Më tej, ndërsa suksesi i tij rritej Arian Çani e transferon programin "Zonë e lirë" në TV Klan, dhe pas përplasjes me pronarin në vitin 2007 kur nuk u lejua të ftonte në studio Z. Edi Rama, Çani ndërpret marrëdhëniet me TV Klan dhe nis transmetimin e "Zonë e Lirë" në Vizion Plus, ku vijon ende sot.

Biseda me z. Çani ishte tepër e shkurtër edhe pse zgjati mbi një orë. Ai iu përgjigj pyetjeve të studentëve me shumë çiltëris dhe premtoi se do të kthehet sërish në UMB pasi u kënaq shumë nga koha e kaluar me studentët.

Të mërkurën, dt 13 Prill, ora 13:00 gazetari i mirënjohur Arian Çani vjen në Universitetin Marin Barleti në kuadër të ciklit Histori Suksesi.

Z. Çani, sjell me vete një përvojë të gjatë mediatike me programe kult në radio dhe televizion. Ai është zotëruesi i audiencave të jashtëzakonshme në programin e tij "Zonë e Lirë" dhe "Majtas JO Djathtas".

Por si e nisi Arian Çani karrierën në gazetari? Cila ishte rruga e tij profesionale? Historia e tij e suksesit? Të gjitha këto i diskutojmë të mërkurën në UMB.

Sot, në orën 17.00, në Pallatin e Sportit "Asllan Rusi", zhvillohet ndeshja kualifikuese për finalen e Kampionatit Shqiptar të Volejbollit për femra, mes skuadrave Barleti Volej dhe Tirana.

Urojmë që vajzat e Barleti Volej të na nderojnë edhe sot me fitore, siç kanë bërë deri tani.

Prezantuesja e mirënjohur e Top Channel, Arbana Osmani në Universitetin Marin Barleti

Çfarë është cikli "Histori Suksesi"
"Histori Suksesi" është cikli më i ri i takimeve të organizuara në Universitetin Marin Barleti. Cikli u ideu nga Klubi i mediave të reja dhe teknologjisë dhe ka për qëllim të sjellë në auditorët e Universitetit disa nga personazhet më të spikatur të botës së medias, artit dhe kulturës. Takimet e përjavëshme të ciklit "Histori Suksesi" u mundësojnë studentëve të Universitetit Marin Barleti të bashkëpisedojnë nga pranë dhe ngrohtësisht me këta personalitete të shumtë dhe të ndryshëm, të cilët i kanë dhënë tonin mediave shqipe këto dhjetë vitet e fundit. Në bisedat e këtij cikli personazhet mediatikë rrëfejnë për studentët rrugën e tyre të gjatë dhe të vështirë profesionale, duke dhënë shembullin e suksesit të arritur me shumë vullnet dhe punë.

Arbana Osmani në "Histori Suksesi"
Në çelje të ciklit "Histori Suksesi", studentët e Universitetetit Marin Barleti mirëpritën në auditor prezantuesen e mirënjohur të Top Channel, Arbana Osmani. Biseda u zhvillua të mëngjesin e datës 6 prill, vetëm disa ditë pas natës finale të spektaklit Big Brother të cilin Arbana prezanton me shumë sukses prej katër sezonesh. Edhe për shkak se finalizimi i Big Brother e ka përqëndruar vëmendjen e miliona teleshikuesve tek Arbana, salla A24 u mbush plot. Biseda ishte veçanërisht e ngrohtë. Arbana tregoi për fillimet e saj modeste dhe të mundimshme, si një adoleshente me dëshirën e madhe për të marrë pjesë në media., por pa mundësi dhe pa njohje.

Gjithçka për të kishte nisur në vitin 1997 kur për shkak të trazirave iu desh të kalojë shumë kohë e mbyllur në shtëpi duke lexuar shumë e duke parë shumë televizionin italian. "Librat që lexoja pa pushim më ndihmuan të njoh më mirë gjuhën shqipe, ndërsa televizioni italian më ngacmoi ambicjen për të provuar veten." - tregon Osmani. "Në fillim nisa punë tek gazeta intervista pasi Top Albania Radio nuk më pranoi fillimisht, por kur ata kërkuan folës të rinj, unë dhash më të mirën në një audicion dhe fitova të drejtën të jem pjesë e stafit të Good Morning Albania. Programi niste në orën 6:00, ndaj bashkë me vëllain e vogël, Shpatin, niseshim me biçikletë nga shtëpia që në orën 4:30."

Nga këto fillime të vështira, kur Arbanës i duhej të merrte intervista në rrugë nga kalimtarët, dalë ngadalë ajo ngjiti shkallët e karrierës radiofonike, duke afirmuar veten dhe duke përsosur aftësitë e saj mediatike. Me hapjen e televizionit kombëtar Top Channel, Arbana bëri një kalim të natyrshëm drejt televizionit, duke prezantuar fillimisht programin muzikor "Select" dhe pas tij edhe finalen e madhe të Top-Fest 1. Pika kyçe për karrierën e saj ishte shansi që Top Channel i dha kur i besuan prezantimin e programit më të rëndësishëm deri më atë herë, Big Brother. Arbana e kishte ndjekur me qejf versionin italian të njohur si Grande Fratello, ndaj dhe ngulmoi që ky format në Top Channel tNULLi besohej asaj.

"Në përgatitje për Bigun, pash me vëmendje të gjitha seritë e Big Brother-it anglez dheGrande Fratello-s , ishte shumë e rëndësishme për mua, askush nuk besonte se mund tNULLia dilja, madje dhe familja ime u treguan skeptikë." Por Arbana ia doli për çudinë e të gjithëve, dhe pas katër vjetësh suksesi të vazhdueshëm ajo është ndoshta prezantuesja numër një në Shqipëri. Pas rrëfimit modest dhe të sinqertë të Arbana Osmanit, studentët bënë shumë pyetje në lidhje me punën e saj të deri tanishme dhe planet e mëdha për të ardhmen.

Arbana Osmani në Universitetin Marin Barleti.Prezantuesja e njohur e Top Channel hap ciklin "Histori Suksesi" gjatë të cilit personazhe të artit, kulturës dhe medias tregojnë historitë e tyre për studentët.

Në ciklin e takimeve me temë "Histori Suksesi"
Universiteti Marin Barleti fton në ambjentet e tij personazhe të njohur të botës së artit, kulturës, spektaklit, etj.

Ciklin e hap prezantuesja ARBANA OSMANI, në një takim me studentët e Universitetit Marin Barleti. Takimi do të zhvillohet ditën e Mërkurë, 6 Prill, ora 10:30, Salla A24, pranë Universitetit Marin Barleti.

JENI TË MIRËPRITUR!

Leksion i hapur: Sfidat e Integrimit të Shqipërisë në Bashkimin Evropian

Në datë 28 mars 2011, u zhvillua në Universitetin "Marin Barleti" nga Znj. Carola Mueller - Holtkemper, Ambasadore e Jashtëzakonshme dhe Fuqiplotë e RFGJ në Shqipëri, një leksion i hapur me temë: "Sfidat e Integrimit të Shqipërisë në Bashkimin Evropian".

Leksioni u organizua falë një nisme të përbashkët të Departamentit të Çështjeve Publike dhe Ambasadës së Republikës Federale të Gjermanisë në Shqipëri dhe u mbajt në prani të stafit akademik dhe studentëve. Ai u hap me fjalën përshëndetëse të Shefit të Departamentit të Çështjeve Publike, Dr. Nasi Mitrojorgji, i cili i uroi mirëseardhjen Ambasadores.

Znj. Mueller - Holtkemper bëri një përshkrim të shkurtër historik mbi krijimin e Bashkimit Evropian dhe e përqendroi fjalën e saj në rrugën e gjatë dhe të vështirë të Shqipërisë në Bashkimin Evropian, sfidat me të cilat përballet BE sot si dhe perspektivën e zgjerimit të vendeve të Ballkanit Perëndimor në BE. Ajo theksoi gjithashtu se sfidat më të mëdha që has sot Bashkimi Evropian konsistojnë në arritjen e konsolidimit politik dhe adresimin e çështjeve globale.

Ambasadorja e vuri theksin tek integrimi i vendeve të Ballkanit Perendimor dhe konkretisht tek rasti i Shqipërisë. Ajo ritheksoi dhe njeherë faktin se evropa e bashkuar quhet e pakompletuar nëse nuk ka brenda vendet e Evropës Juglindore qëndrim ky i mbajtur nga liderat e BE në Deklaratën e Samitit të Selanikut në 2003.

Me interes ishte komenti i saj për qasjen entuziaste të shqiptarëve për tNULLu bërë pjesë e familjes së madhe evropiane. Shkëlqesia e saj iu referua shifrave konkrete sipas të cilave shumica e shqiptarëve ishin pro hyrjes së Shqipërisë në Bashkimin Evropian. Kështu rreth 93.4 % e shqiptarëve do të votonin pro referendumit për aderimin e Shqipërisë në BE; 72, 5 % e shqiptarëve e konsideronin shumë të rëndësishme futjen në BE; rreth 42 % e shqiptarëve ishin të mendimit se Bashkimi Evropian duhet ta pranonte Shqipërinë përpara se ajo të përmbushte standardet për të hyrë në BE dhe së fundi rreth 36% ishin të mendimit se Shqipëria ishte gati për të hyrë në Bashkimin Evropian. Shifra që sipas fjalës së Ambasadores evidentonin në të njëjtën kohë si dëshirën e madhe të shqiptarëve për tNULLu bërë pjesë e Bashkimit Evropian, por edhe mungesën e informacionit mbi faktin se anëtarësimi në BE është një proces i gjatë teknik, i cili kërkon, jo vetëm përmbushjen e Kritereve të Kopenhagenit, por edhe përafrimin dhe konsolidimin e legjislacionit vendas me atë evropian.

Në vijim Ambasadorja evidentoi arritjet e matshme të Shqipërisë drejt integrimit në BE si dhe sfidat që duhen përballuar për një aderim sa më të shpejtë në familjen e madhe evropiane, bazuar në raportin analitik dhe opinionin e Komisionit Evropian mbi gadishmërinë e antarësimit të Shqipërisë në BE.

Në përfundim Ambasadorja bëri një përshkrim të shkurtër mbi zhvillimet aktuale të Bashkimit Evropian duke iu referuar krijimit të: Fondit të Stabilitetit, Mekanizmit të Stabilitetit Evropian, Paktit të Stabiliteti Evropian si dhe Paktit "Plus Europe".

Znj. Mueller - Holtkemper ishte e hapur për pyetje që iu bënë nga auditori, të cilat u fokusuan në këto pika:

A mund të jetë Shqipëria anëtare e Bashkimit Evropian përpara realizimit të standardeve, parë në dritën e mundësisë se hyrja në BE do tNULLi incentivojë shqiptarët të arrijnë standardet?
Mos vallë BE, duket si një klub i krishterë dhe feja po përdoret si kriter integrimi, duke iu referuar në mënyrë të veçantë rastit të Serbisë dhe Turqisë?
Arritjet e deritanishme të Shqipërisë dhe realizimi i sfidave. Kur mendoni se Shqipëria do të jetë pjesë e BE?
Integrimi dhe arsimi janë dy rrugëtarë të së njëjtës arritje. Sa duhet të kontribuojë përmirësimi i arsimit në integrimin e shpejtë të Shqipërisë në BE.

Mjaft çështje të tjera u trajtuan rreth pikave të mësipërme, të cilat u komentuan me dashamirësi dhe iu dhanë përgjigje nga Ambasadorja Mueller - Holtkemper. Auditori i përbërë nga student dhe pedagogë të Universitetit "Marin Barleti", pati një kënaqësi të veçantë për prezencën e Ambasadores së RFGJ në këtë leksion të hapur .

Sfidat e Integrimit të Shqipërisë në Bashkimin Evropian

Shkëlqesia e saj Znj. Carola Muller - Holtkemper, Ambasadorja e Gjermanisë në Shqipëri, do të mbajë një leksion të hapur drejtuar studentëve të Universitetit Marin Barleti mbi Sfidat e Integrimit të Shqipërisë në Bashkimin Evropian.

Leksioni i hapur zhvillohet ditën e hënë, 28 mars 2011, në orën 11:00, Salla A24, pranë Universitetit Marin Barleti.

"Pamje nga Ura"- Dokumentar historik rreth Kosovës

Eventi i realizuar nga Klubi Bota Studentore ditën e premte datë 18.03.2011 "Pamje nga Ura (Histori nga Kosova)", solli nje film dokumentar produkt i Institutit Shqiptar të Medias, i cili për herë të parë u shfaq për studentët, stafin akademik, administrativ dhe të ftuarit e Universitetit "Marin Barleti".

Pamje nga Ura është dokumentari i parë për Kosovën e pasluftës. E coroditur nga konfliktet e mëparshme ballkanike dhe e lënë në hije nga problematikat të cilat ndodhnin në Afganistan dhe Irak, historia e Kosovës mund të mbartë mësimet më të vlefshme për rajonin. Ura e qytit të Mitrovicës është kthyer në qëndër të konfliktit të vazhdueshëm mes myslimanve, krishterëve dhe romëvë. Nëpërmjet këtij dokumentari arritëm të shohim më në brendësi plagët e popullit të pafajshëm kosovar, serbë dhe atij romë ,të cilët ishin personazhet e jetës reale në të cilën gjëndet Kosova dhe vatra e konfliktit e cila simbolizohet nga ura ndarëse e veriut dhe jugut te qytetit të Mitrovicës.

Personazhet e këtij dokumentari ishin individë të cilët kishin përjetuar tortura, të cilat ishin ushtruar nga të dyja palët. Dokumentari objektivisht tregonte rreth kerkimit të të humburve, vdekjeve tragjike të fëmijeve dhe prindërve. Dokumentari nxirrte në pah dhe problemet e bashkejetesës fetare dhe etnike sidomos djegjen e kishave dhe institucioneve të tjera fetare dhe kulturore, dëbimin nga të dyja palët të përfaqësuesve të komunitetit Rom sëbashku me problematikat dhe fatkeqësitë e këtij komuniteti.

Organizatat ndërkombëtare, Nato, UMNIKU,etj zënë një vend të rëndësishëm në të gjithë dokumentarin ,duke treguar veshtirësitë që ata kanë hasur në ruajtjen e qetesisë në një front të zjarrtë konfikti dhe në vecanti në Urën e Mitrovicës.

I gjithë dokumentari, nëpërmjet rrëfimeve në vetë të parë, shpaloste ëndrrat dhe makthet e njerëzve të thjeshtë duke lënë si mesazh faktin që askush nuk e dëshiron luftën. Si mesazh paqeje ishte sjellja përpara publikut i rastit të një familjeje mikse shqiptaro-serbe, ku përveç vuajtjeve të luftës të përjetuara tregohej një fakt i vjetër sa vetë bota dhe po aq human sipas të cilit: të gjithë njerëzit pavarësisht nga etnia apo kombësia kërkojne të jetojnë në fqinjësi të mirë si një familje e madhe. Dokumetari zgjati 1 ore e 45 minuta dhe ishte në gjuhën angleze me titra në gjuhën shqipe.

SHFAQJA E FILMIT DOKUMENTAR "Pamje nga Ura: Histori nga Kosova"

Në kuadrin e aktiviteteve që zhvillon Klubi Bota Studentore, ju njoftojmë se ditën e premte dt. 18 mars 2011 në orën 12.30, salla A23 jeni të ftuar të fillojmë fundjavën me ndjekjen e dokumentarit " Pamje nga Ura: Histori nga Kosova".

Ky dokumentar është produkt i Institutit Shqiptar të Medias dhe për herë të parë do të shfaqet për studentët, stafin akademik, administrativ dhe të ftuarit e Universitetit "Marin Barleti".

"Pamje nga ura" është dokumentari i pare për Kosovën e pasluftës. Ura e qytetit të Mitrovicës është kthyer në qendrën e konflikt it të vazhdueshëm mes myslimanëve, të krishterëve dhe romëve. Nëpërmjet rrëfimeve tërheqëse në vetë të parë, shpalosen ëndrrat dhe makthet e kosovarëve.

Ju mirëpresim të gjithëve duke ju falenderuar për mbështetjen tuaj të vyer!

Dekani i Studentëve & Klubi Bota Studentore

Pranverë në UMB - arsim, traditë, argëtim me dhe për studentët

Në kuadër të Ditës së Verës, Klubi Bota Studentore, ju fton ditën e mërkurë, dt. 16.03.2011, ora 12.20 pranë Restorant Ballkanit, për të shijuar jo vetëm ballokumet e famshme te Elbasanit por dhe për të mirëpritur në semestrin e dytë të gjithë studentët tanë të dashur.

Në këtë takim përveçse do të degustohen ëmbëlsirat tradicionale shqiptare, do të flitet për traditat shqiptare në përgjithësi si dhe do të sillen për publikun traditat e shteteve fqinjë si Maqedonia, Greqia, Italia dhe Rumania. Në formën e "një valleje ballkanike traditash" është menduar që ky takim të shërbejë dhe për të mirëpritur studentët e interesuar për të vazhduar studimet master pranë UMB-së.

E ku ka më bukur se paraqitja e ofertës akademiket e një universiteti shqiptar për auditorin e gjëre të interesuar nëpërmjet traditës, kulturës dhe dashamirësisë.

Jeni të mirëpritur të na nderoni me prezencën tuaj!

Çelet Instituti Shqiptar për Çështjet Publike

Instituti Shqiptar për Çështjet Publike (në anglisht Albanian Institute of Public Affairs - AIPA), i themeluar nga Shoqëria Marin Barleti do të shërbejë si strukturë mbështetëse e UMB për cështje që kanë të bëjnë me:

Administrimin Publik
Studimet Europiane
Media dhe Komunikim
Mirëqeverisje dhe shteti i së drejtës
Çështje sociale dhe ekonomike

Veprimtaria e AIPA do të përqëndrohet ndër të tjera në:

Nxitjen e kërkimeve në fushat e sipërpërmendura.
Ofrimin e trajnimeve për administratën publike në nivel qendror dhe lokal në fushat e sipërpërmendura.
Organizimin e aktiviteteve të ndryshme sic janë seminaret konferencat, apo leksionet e hapura.
Publikime: AIPA do të shërbejë si urë lidhëse midis mjediseve akademike të UMB dhe aktorëve të tjerë publikë dhe private me qëllim promovimin e aktiviteteve me interes të përbashkët.

Znj. Aida Gugu është Drejtore Ekzekutive e AIPA. Znj. Gugu është diplomuar në Drejtësi dhe mban titullin Master në Ligj (LL.M) në të Drejtë Evropiane dhe të Drejtë Tregtare Ndërkombëtare pranë Univesiteti i Amsterdamit.Ka një experience pune disa vjecare kryesisht në projekte të financuara nga BE dhe SHBA.

Aktivitet sportiv nga Barleti Volej

Mbi bazën e Kalendarit të Ndeshjeve të Kampionatit të Volejbollit për sezonin 2010-2011, ka përfunduar faza e parë e Top Volej Ligës dhe renditja provizore është:
1- MINATORI, 2- UMB VOLEJ, 3- TIRANA, 4- TEUTA

Pas mbarimit të Fazës së dytë të Top Volej Ligës renditja përfundimtare do të përcaktojë dy ekipet e para që janë direkt të kualifikuar për gjysmë finalet e Play-offit dhe gjashtë ekipet e tjera që do të luajnë me njëra-tjetrën në bazë të një formule të përcaktuar për të siguaruar një vend në Play-off.

Pas përfundimit të finaleve të Kampionatit Kombëtar, do të zhvillohen gjysmë finalja dhe finalja e Kupës së Shqipërisë ku Barleti Volej do të luaj me ekipin e Studentit.

Datat e ndeshjeve për Fazën e Dytë:

Java 2. Data 12.03.11; Ora 17:00, ne Pallatin e sportit A. Rusi 2, zhvillohet ndeshja Barleti Volley-Minatori

Java 3. Data 19.03.11; Ora 17:00, ne Pallatin e sportit R.Njala, zhvillohet ndeshja Barleti Volley-Teuta

Konferenca Shkencore "Qytetërimi perso-iranian në Ballkan"

Në datën 11 mars 2011, në Akademinë e Shkencave u zhvillua Konferenca Shkencore me temën:
"Qytetërimi perso-iranian në Ballkan"

Konferenca u organizua falë një nisme të përbashkët të Institutit të Studimeve Perso-iraniane "Firdeusi", Akademisë së Shkencave të Shqipërisë dhe Fondacionit Kulturor "Saadi Shirazi".

Konferenca u hap me fjalën përshëndetëse të Ambasadorit të Iranit në Shqipëri, Z. Ali Amoui, i cili theksoi se lidhjet kultorore midis Shqipërsië e Iranit janë shumë të hershme, shqiptarët janë një popull artdashës dhe arsimdashës, gjë kjo që vihet re më së miri edhe në njohjen e gjerë që kanë shqiptarët ndaj gjuhës dhe letërsisë perse. Ambasadori uroi pjesëmarrësit dhe të ftuarit në konferencë që studimet e ndërsjellta të iranologjisë dhe albanologjisë të thellohen edhe më tepër dukendikuar në forcimin e lidhjeve shkencore-kulturore midis dy popujve miq.

Në konferencë përshëndetën edhe Nënkryetari i Akademisë së Shkencave, Prof. Dr. Muzafer Korkuti, Drejtoresha e Institutit të studimeve perso-iraniane "Firdeusi", Znj. Rediana Çuraj si edhe Zv. Drejtori i Fondacionit Kulturor "Saadi Shirazi", Z. Shahrouz Falahatpisheh.

Në fjalën e saj përshëndetëse, Znj. Rediana Çuraj vuri në dukje se studimi i qyteterimit pers nuk duhet parë vetëm në këndvështrimin e ndikimeve gjuhësore, kulturore dhe letrare që ai ka pasur ne vende e rajone të ndryshme të botës, por një rëndësi e veçantë i duhet kushtuar një studimi të mirëfilltë shkencor të vlerave të këtij qytetërimi dhe kontributeve që ai ka ofruar për gjithë historinë e njerëzimit ndër shekuj. Znj. Çuraj përmendi fakte të ndryshme te arritjeve të qytetërimit persian në fusha të ndryshme dhe theksoi se Persia, me historinë e zhvillimit të saj shtatëmijë vjeçar është njëkohësisht një djep qytetërimi, një kryqëzim civilizimesh, si edhe shembulli më i qartë i gërshetimit dhe harmonisë së kulturave dhe besimeve.

Se fundmi, Drejtoresha e Institutit të studimeve perso-iraniane "Firdeusi" u uroi suksese studiuesëve në prezantimin e punimeve të tyre shkencore dhe uroi që kjo konferencë ti shërbejë, edukimit, dialogut dhe komunikimit, sensibilizimit dhe afrimitetit të popujve e kulturave si edhe të bëhet shkas për studime të reja të mëtejshme në shërbim të konsolidimit akademik të iranologjisë në Shqipëri e Ballkan.

Fjalimi përshendetës i Drejtoreshës Ekzekutive të Institutit të Studimeve Perso-Iraniane "Firdeusi" në Konferencën: "Qyteterimi perso-iranian në Ballkan", 11 Mars 2011

Konferenca Shkencore "Qytetërimi perso-iranian në Ballkan"

Në datën 11 mars 2011, në Akademinë e Shkencave do të zhvillohet Konferenca Shkencore me temën:
"Qytetërimi perso-iranian në Ballkan"

Konferenca organizohet nga Instituti i Studimeve Perso-iraniane "Firdeusi", Akademia e Shkencave dhe Fondacioni Kulturor "Saadi Shirazi". Adresa: salla "Aleks Buda", Akademia e Shkencave, Tiranë.

Data 11/03/2011 Ora 11:00

Ju ftojmë të na nderoni me pjesëmarrjen tuaj!

Prezantohet rektori i ri i Universitetit "Marin Barleti"

Në datën 4 mars, në amjentet e Universitetit "Marin Barleti", u zhvillua ceremonia e prezantimit të Rektorit të ri, Prof.Dr. Marenglen Spiro, i cili u emërua me vendim unanim, nga Bordi i Universitetit, në mbledhjen e datës 28 shkurt 2011.

Në prezantimin e Rektorit, ishte i pranishëm i gjithë personeli akademik dhe administrativ i UMB-së, si edhe Kryetari i Bordit, Prof.Dr. Rexhep Meidani dhe Prof.Dr Nikolla Dhamo, Rektor i Universitetit nga viti 2005 deri ne shkurt të 2011-ës.

Fjalën hyrëse, e mbajti Kryetari i Bordit, i cili pasi prezantoi vendimin e Bordit Drejtues të UMB-së, shprehu vlerësimet më të larta si për figurën e Rektorit deri tani në detyrë, Prof.Dr. Dhamo, ashtu edhe për Rektorin e sapoemëruar Prof.Dr. Marenglen Spiro.

Më pas, fjalën e mori Prof. N.Dhamo. Ai njohu kolegët, në mënyrë të përmbledhur, me karrierën e deritanishme të Prof. Marenglen Spiros, duke shprehur njëkohësisht edhe konsideratat më të larta për figurën e tij në fushën akademike. Më tej, Prof. N.Dhamo bëri një panoramë të përgjithshme të ecurisë së universitetit "Marin Barleti" që nga viti 2005, kur është krijuar si Universitet e deri më tani. Ai gjithashtu përmendi edhe disa nga sfidat që UMB ka përpara vetes.

Menjëherë pas prezantimit, fjalën e mori Prof. Marenglen Spiro i cili falënderoi fillimisht Presidentin e Shoqërisë "Marin Barleti" për vëmendjen dhe interesimin që i kushtoi personit të tij, më tej Bordin Drejtues për vendimin e marë për emërimin e tij si Rektor të Universitetit "Marin Barleti" si dhe drejtuesit e njësive të institucionit dhe pedagogët e tyre për pritjen dhe vlerësimin ndaj figurës së tij; ai shprehu bindjen dhe motivimin për ta çuar para mbarëvajtjen e këtij institucioni arsimor. Takimi u mbyll me shkëmbime urimesh mes kolegësh.

Kush është prof.Dr. Marenglen Spiro
Prof.Dr. Marenglen Spiro, ka lindur në Tiranë në vitin 1949. Ka marrë titullin Fizikan në Unversitetin e Tiranës në vitin 1972. Menjëherë është emëruar pedagog i Fizikës në Fakultetin e Shkencave të Natyrës. Ka mbrojtur gradën "Doktor i Shkencave" në Universitetin "Pjer dhe Mari Kyri", Paris VI, Francë, në fushën e Biofizikës. Në vitet 1987 - 1991 ka qenë këshilltar i bashkëpunimit Arsimor e Shkencor me Francën pranë Ambasadës Shqiptare Paris. Po në të njëjtën periudhë ka qenë anëtar i Komisionit të Bashkëpunimit Shqiptaro-Francez të Kulturës, Arsimit e Shkencës dhe anëtar i Komisionit Shqiptar të UNESCO-s.

Nga viti 1991 deri në ’94-ën, ishte punonjës Shkencor i Institutit "Kyri", Paris, Laboratori i Fizikës e Kimisë Biomolekulare dhe Profesor në Shkollën e Lartë e Fizikës e Matematikës Industriale të Universitetit Cergy-Pontoise, Paris, Francë. Një vit më vonë titullohet Profesor i Universitetit të Tiranës. Në vitin 1997 bëhet Rektor i Universitetit të Tiranës deri në vitin 2003; në periudhën 2007 / 2011 ka drejtuar Universitetin "Kristal" si Rektor i tij. Ndërkohë ai është edhe profesor i Ftuar i Universitetit të Limozhit, Francë (1996 - 2004).

Detyra të tij të tjera kanë qenë: Anëtar i Komisionit të Kualifikimit Shkencor pranë MASH, 1998-2003; i Ftuar i Përhershëm i Komitetit Ndër-Ministror të Integrimit Euro-Atlantik 2000-2002; Anëtar i Komitetit Ad-Hoc për reformimin e Kërkimit Shkencor pranë MASH, 2002-2003; Anetar i Bordit të Qëndrës Shqiptare për të Drejtat e Njeriut; Anëtar i Komisionit Kombëtar të Frankofonisë. Prof Dr Marenglen Spiro është mbajtës i Medaljes Franceze "Chevalier des Palmes Académiques". është autor dhe bashkautor në rreth 80 artikuj shkencorë në shtypin shkencor, të huaj e të vendit dhe komunikime në kongrese shkencore. është gjithashtu autor i rreth 30 kumtesave shkencore dhe për Arsimin e Lartë dhe autor e bashkautor në 10 tekste universitare e monografi shkencore.

Seminari "Organizatat Ndërkombëtare dhe BE-ja" në gjimnazet e Vlorës

Universiteti "Marin Barleti" në kuadrin e nismës për informimin e nxënësve të shkollave të mesme mbi politikat e integrimit të Shqipërisë në strukturat europiane, vijon veprimtaritë në të gjithë qytetet e vendit.

Më 3 dhe 4 mars 2011, pedagoget e Universitetit tonë, Xhulieta Krasta, Fatjona Qurku dhe Jonida Begaj zhvilluan në Vlorë seminarin me temë "Organizatat Ndërkombëtare dhe BE-ja" në dy shkolla të mesme të përgjithshme, "IKEA" dhe "RIVALDI".

Seminaret u ndoqën me interes nga të gjithë nxënësit. Këtë e dëshmoi edhe diskutimi aktiv i tyre mbi sfidat e Shqipërisë në rrugën drejt integrimit dhe raportet që ajo ka me këto organizata. Në javët në vazhdim UMB do të vijojë ciklin e seminareve edukuese mbi çështje të rëndësishme për shoqërinë dhe vendin

Lançohet web-faqja zyrtare e Institutit "Firdeusi"

Sot, më datë 22 shkurt 2011, u lançua web-faqja zyrtare e Institutit të Studimeve Perso-Iraniane Firdeusi.

Në faqe mund të gjeni informacione rreth Institutit, rreth fushave të tij të veprimtarisë, mund të njiheni me strategjitë kërkimore të Institutit, me objektivat dhe fushat e tij të kërkimit, me politikat e partneritetit si dhe mund të qëndroni gjithmonë në dijeni te lajmeve dhe aktiviteteve të Institutit.

Web-faqja zyrtare e Institutit Firdeusi ju ofron edhe një sërë burimesh informacioni për studime perso-iraniane, si: fjalorë online, resurse për mësimin e gjuhës perse, Enciklopedi online si dhe linke të dobishme me informacione rreth Iranit.

Në web-faqen zyrtare të Institutit do të gjeni gjithashtu E-Bibliotekën "Firdeusi", e cila ju jep mundesinë të njiheni me botimet dhe veprat shkencore rreth studimeve perso-iraniane dhe që shërben si një bibliografi e pasur e iranologjisë. Veprat në bibliotekë janë të ndara sipas kategorive të ndryshme, për të lehtësuar navigimin e vizitorëve.

Një tjetër ekskluzivitet i kësaj faqeje është edhe Kursi online i gjuhës perse, i cili përmban 64 mësime të shoqëruara nga detyra praktike për çdo mësim.

Metodika E-Learning për studimin e gjuhës perse është pregatitur nga Këshilli Iranian për zgjerimin e gjuhёs perse dhe synon tNULLu vijë në ndihmë të gjithë atyre që dëshirojnë të mësojnë gjuhën perse në mënyrë individuale.

Ju mirёpresim tё na vizitoni: Faqja Zyrtare i Institutit FIRDEUSI

Z. Paul Polotes, shef i çështjeve ekonomike dhe politike në Ambasadën e ShBA-ve, zhvillon një bisedë në Universitetin Marin Barleti

Klubi Bota Studentore, në vazhdimësi të aktiviteteve të tij, ditën e enjte, dt 17.02.2011 në oren 14.00 organizoi një orë të hapur me z. Paul Polotes, shefi sektorit për cështjet ekonomike-politike pranë ambasadës së SHBA-ve në Tiranë. Z Polotes mbajti një kumtesë me temë "Historia e Popullit afro-amerikan. Cështjet e të Drejtave të Njeriut". Kjo orë e hapur u mbajt në vazhdimësi të aktiviteteve që Ambasada e SHBA-ve në Tirane ka organizuar dhe vazhdon të organizojë me rastin e muajit të Historisë dhe Kulturës Afro-amerikane.

Z. Polotes bëri një historik të shkurtër të drejtave që kanë gëzuar afro-amerikanët dhe se si ndër vite këto të drejta kanë ardhur duke u shtuar dhe diskriminimi duke u pakësuar, deri në zhdukje. Kumtesa e z. Polotes filloi me një homazh të bërë Martin Luther King Jr. "njeriu i cili gjithë jeten e tij ja dedikoi lëvizjes paqësore për barazi raciale. Sipas shefi sektorit për cështjet politiko-ekonomike "Rrugëtimi i ideve do të mund të ndryshojë rrjedhën e ngjarjeve".

Po ashtu z. Polotes foli se historia amerikane duke përfshirë këtu patjeter kontributin e afro-amerikanëve, është një "histori e krenarisë së madhe". Sidomos sot, me presidentin e ri Barack Obama, vete Amerika flet per një erë ndryshimi. Jo rastësisht Presidenti aktual i SHBA-ve u emërua në këtë post me 20 janar, një ditë më vonë kur amerikanët nderojnë memorjen e Martin Luther King Jr me një festë kombëtare.

Meqënëse kemi të bëjmë me një festë historiko-kulturore në këte orë të hapur u sollën për auditorin dhe personalitete të shquara të kulturës amerikane, si i madhërishmi Louis Armstrong i cili arriti të ndërthurte tingujt e Jazz-it me ato popullorë dhe klasikë, duke e kthyer muzikën e tij në simbolin e shekullit të XX. Ndër të tjera u rradhitën dhe figura të tjera si Ella Fitzgerald, Count Basie, Duke Ellingtonm etj.

Z.Polotes ishte i hapur dhe për pyetje që ju bënë nga auditori në lidhje me situatën botërore dhe sidomos atë politike shqiptare. Pyetjet e bëra nga auditori fokusoheshin në këto pika:

se si trajtohen hispanikët në SHBA dhe a përbën problem procesi i tyre i adoptimit me jetën amerikane?
se cfare mund të ketë ndryshuar në politikën amerikane me zgjedhjen e Obames si president?
sa efektiv është dënimi me vdekje në Amerikë dhe a mendohet që të abrogohet ky parashikim ligjor, proces ky në perputhje me të gjitha Konventat Ndërkombëtare për Mbrojtjen e të Drejtave themeltare të Njeriut?
problematika shqiptare e cështjeve që kanë të bëjnë me të drejtën themeltare të pronës. Cështja e pronës dhe korrupsioni i administratës publike shqiptare.
shteti ligjor dhe ruajtja e ekuilibrave mes pushteteve në Shqiperi. Sa zbatohen këto parime bazë në Shqipëri.

Vlen të përmendet këtu dhe fjala e mbajtur nga Prorektori për Cështjet akademike, ped. Dritan Zela, i cili lexoi një nga shkrimet e tij të botuara në shtypin e shkruar shqiptar, shkrim ky I lexuar ne gjuhën shqipe dhe angleze me referenca mbi 10 janarin, dita ndërkombëtare për të drejtat e njeriut.

Shumë e shumë cështje të tjera u trajtuan rreth pikave të mësipërme, të cilat me shumë dashamirësi i komentoi dhe ju përgjigj z.Polotes.

Auditori i përbërë prej pedagogeve dhe studentëve të Universitetit "Marin Barleti", pati një kënaqësi të vecantë të ishte prezent në këtërore të hapur dhe e përgëzoi këtë iniciativë të Klubit Bota Stundetore të mbështetur nga Ambasada e SHBA-ve në Tiranë.

Leksioni i hapur "HISTORIA E POPULLIT AFRO-AMERIKAN. ÇËSHTJET E TË DREJTAVE TË NJERIUT "

Klubi Bota Studentore, në Universitetin "Marin Barleti" organizon ditën e enjte më datë 17 shkurt ora 14.00, në sallën e Konferencave, A 24, një Leksion të hapur ku i ftuar nderi është z. PAUL POLOTES, me detyrë Shef i Sektorit Politik - Ekonomik në Ambasadën e SHBA-së në Tiranë.

Z.Poletes do të referojë mbi temën "HISTORIA E POPULLIT AFRO-AMERIKAN. ÇËSHTJET E TË DREJTAVE TË NJERIUT ".

Z. Poletes është shprehur i gatshëm dhe i hapur për pyetje nga publiku, studentë apo pedagogë, si për realitetin botëror, ashtu dhe për atë shqiptar.

Ju ftojmë të na nderoni me pjesëmarrjen tuaj,

Klubi "bota studentore" organizoi një udhëtim në Kosovë me studentët e Marin Barletit

Projekti për udhëtimin në Republikën e Kosovës :"Kosova, Kulturë, ekonomi dhe dimension i ri shoqëror, vizitë njohëse e studentëve të UMB-së", në datat 11.02 deri 13.02.2011 u realizua me sukses. Në këtë udhetim pati një pjesmarrje prej 13 studentesh të fakultetit ekonomik, juridik, sh.politike dhe koordinatorja e klubeve studentore. së bashku në vizituan qytetin e bukur të Prizrentit ku dhe kaluam naten e pare të rrugetimit tone duke na shoqeruar bukuria e debores së ngelur në kodrat perreth qytetit. Shetitja në rruget me kalldrem në një temp -3 grad ishte një tjeter sfid që kaloi shume ngrohte në tinguj e muzikes live dhe ushqimit pikant. Me pas rrugetimi yne u zhvendos drejt kryeqytetit të Kosoves, Prishtine, duke kaluar neper fshatra shume të bukur dhe me një karakteristike të vacante në infrastrukturen e ndertimit të shtepive me cati me maje dhe me oxhake prej guri.

Ky udhetim u pa në një kendveshtim jo vetem turistik por dhe duke njohur institucionet e shtetit të ri Kosovar. Në këtë rradhë idesh në patem një takim me ambasadorin e jashtezakonshem të Shqiperise në Kosove, z. Islam Laukaj. Ishte vete ambasadori Z.Islam Laukaj I cili na priti me dashamiresi në godinen e ambasades duke e shoqeruar biseden e tij, rreth institucineve të shtetit të ri kosovar dhe marrëdhënjet politiko-ekonomike që Shqiperia ka, me kafe dhe caj të ngrohte. në këtë bisedë u njohem me gjere me institucionet e Kosoves, diskutuam gjate sa të pavarura jane ,vemendje ju kushtua dhe mbikqyrjes së ketyre insitucioneve nga nderkombetaret. U prezantuan së cilat ishin institucionet e reja, cilat prej tyre ishin hapur për here të pare dhe u fol për Eulex-in funksioni tij në Kosove. Po ashtu u njohem me funksionin e NATOS,etj. Rendesi të vacante pati marrdhenja që Shteti I Kosoves ka me Shqiperine, marreveshjet nderkombetare që kanë lidhur me njeri-tjetrin, politikat ekonomike, kulturore dhe ato turistike në vecanti (duke patur parasysh që turistet kosovar në sezonin e veres zgjedhin Shqiperine për të kaluar pushimet verore). Pyetjet nga studentet zinin një vend të rendesishem në biseden tone dy oreshe në ambjentet e ambasades, cilat në dukje kishin një ngjyrim patriotik, po që nxirrnin në pah problematika dhe politika të veshtira në ndjekje e siper të te dy shteteve me kriza politike, ekonomike, me nocione të pavarsise nga njera pale dhe të demokracise nga pala tjeter. Mbas bisedes na u dha mundesia për të bere disa fotografi kujtimi me ambasadorin shkelqesine e tij z. Islam Laukaj.

Largimi nga takimi I ambasades e zhvendosi rrugetimin tone në akomodimin në Hotel dhe njohje të qytetin në brendesi të tij . U vizituan në Prishtine dhe Muzeu Kombetar I Republikes së Kosoves, një muze I ri por shume prekes me faktet historike që ekspozonte. Po ashtu u vizitua dhe Xhamia e Mesme e cila ndodhet shume prane ketij Muzeu. E shtuna filloi me një takim akademiko-diplomatik, vazhdoi me shume kulture dhe kult e besim dhe u mbyll me një festim mes studentesh në një nga restorantet e Prishtines. Kudo të bente pershtypje kultura, respekti dhe mbi të gjitha mikpritja pasi të gjithe kosovaret të cilet I takuam ishin mese të kenaqur që kishim shkuar ti vizitonim, pasi kishin pershtypjen që vetem ata vijne dhe na vizitojne. E djela ishte dhe dita e fundit e cila u shoqerua me një udhetim të gjate drejt kufirit dhe me pas në Tirane. Rruges u be një ndalese në Prizren në një nga restorantet tradicionale (Restorant Baileys) ku pervecse u provuan suxhuket gjakovare dhe vera e kosoves "Pavaresia". Aty grupi I studenteve tane terhoqi vemendjen e kryetarit të Komunes së Prizrenit z. Ramadan Muja dhe drejtorit rajonal të Policise z. Nexhmi Krasniqi, të cilet të kenaqur për mysafiret e ardhur jo vetem I takuan por shprehen gezimin që shihnin një grup studentesh shqiptare që po I vizitonte në prag të festes së Pavaresise. Kryetari I Komunes së Prizrenit, që për hi rte vertetes duhet theksuar fakti, eshte në rang kryetari bashkie sipas strukturave shqiptare të pushtetit local, shprehu deshiren që ti mirepriste studentet tane dhe pse jot e bashkepunonte në keto shkembime kulturale dhe studentore.

Si rezultat I kesaj vizite u arrit të kuptohej që me ane të deshires së mire të organizuesve dhe aktivizimit teper aktiv të studenteve tane, UMB eshte e afte jo vetem që me shume sukses të vazhdoje iniciativen e saj "Studenti në qender" por të arrije që ketij studenti ti nderthuri të bukuren me të duhuren dhe të nevojshmen Per të gjithe pjesmarresit në këtë udhetim kenaqesia ishte pjesa mbizoteruse dhe Klubi Bota Studentore do ta vazhdoje si një tradite për njohjen e të gjithe trevave shqiptare dhe të vete Shqiperise këtë iniciative.

Anisa Brano & Elona Bano MSc, Koordinatore të Klubit Bota Studentore

Kryetari i KQZ në UMB

Në Universitetin Marin Barleti organizohet ditën e mërkurë, datë. 9 shkurt 2011, ora 13.00, salla e Konferencave, A 24 , një takim me Kryetarin e Komisionit Qëndror të Zgjedhjeve, z. Arben Ristani.

Kryetari i KQZ, z. Ristani, do të zhvillojë një takim me studentët e UMB-së për të folur mbi angazhimin e studentëve në zgjedhjet e ardhshme vendore.

Z. Ristani është shprehur i gatshëm dhe i hapur për pyetje nga auditori.

Ju ftojmë të merrni pjesë.

Kryetari i KQZ në UMB

Kryetari i Komisionit Qëndror të Zgjedhjeve, z. Arben Ristani, zhvilloi në datë 9 shkurt 2011, një takim me studentët e UMB-së për të folur mbi angazhimin e studentëve në zgjedhjet e ardhshme vendore.

Z.Ristani foli mbi ligjin dhe implementimin aktual të kodit zgjedhor në Shqipëri në përgjithësi. Qëllimi kryesor i kësaj ligjërate ishte për të ndërgjegjësuar dhe sensibilizuar auditorin kryesisht të përbëre nga studentë ku një pjesë e mirë mund edhe të mos kenë votuar asnjëherë deri më sot, për një pjesëmarrje më aktive në zgjedhjet e ardhshme

Z. Ristani ishte i gatshëm dhe i hapur për tNULLiu përgjigjur pyetjeve nga auditori.

U bëne shumë pyetje nga studentë dhe pedagogë, kryesisht në lidhje me handikapet e ligjit dhe të zbatimit të tij ku nuk mungoi shqetësimi për realitetin shqiptar.

Universiteti Marin Barleti organizon seminare me gjimnazistët vlonjatë

Universiteti "Marin Barleti" ka nisur një cikël seminaresh në shkolla të mesme të qyteteve të ndryshme të Shqipërisë.

Tema e seminareve është rreth organizatave më të mëdha ndërkombëtare si Bashkimi Europian, OKB-ja, NATO, si dhe marrëdhëniet e tyre me Shqipërinë.

Për nxënësit e shkollave të mesme kjo është një eksperiencë e veçantë sepse jep mundësi jo vetëm për qartësimin e njohurive por njëkohësisht krijon edhe një atmosferë të përshtatshme ku ata mund të diskutojnë së bashku duke shprehur opinionet e tyre për çështje aktuale që ndikojnë vendin tonë, që sfidojnë institucione të ndryshme në nivel rajonal dhe ndërkombëtare dhe që sfidojnë mbarë njerëzimin. Një avantazh më tepër është edhe ndihmesa që japin këto seminare në kristalizimin e ideve lidhur me zgjedhjet e maturantëve për studimet universitare.

Seminari i parë u zhvillua në shkollën e mesme të përgjithshme "Halim Xhelo" në Vlorë. Ishte shumë mbresëlënëse pjesëmarrja në diskutime dhe analizat e nxënësve, sidomos maturantëve, si dhe niveli i lartë i përgatitjes së tyre.

Interesi i madh që zgjoi ky seminar na nxiti të vijojmë me seminare të tjera për tNULLju përgjigjur kështu edhe kërkesave të shumta të marra nga shkolla të mesme publike dhe jopublike të vendit.

Konferenca Shkencore "Gjykata Administrative, alternativë apo domosdoshmëri?"

Ne daten 4 Shkurt, 2011, Universiteti "Marin Barleti" zhvilloi Konferencen Shkencore, me teme "Gjykata administrative, alternative apo domosdoshmëri?"

Ne kete konference moren pjese juriste, pedagoge dhe studente te ketij universiteti dhe te universiteteve te tjera, pjesetare te grupeve te interesit, avokatë, specialiste dhe studjues te te drejtes administrative, etj.

Nga referuesit u trajtuan elemente teorike dhe praktike te te drejtes administrative, perfshire edhe procesin historik nderkombetar te kesaj te drejte; lidhja midis procesit gjyqësor dhe procedimit administrativ; perspektiva e një gjykate administrative në Shqipëri; probleme të organizimit të sistemit gjyqësor për gjykimin e mosmarrëveshjeve administrative; aspekte të kuadrit ndërkombëtar të drejtësisë administrative dhe zhvillimi i jurisprudencës administrative të Gjykatës Evropiane të të Drejtave të Njeriut, ne Strasburg, sidomos lidhur me ceshtjet kunder Shqiperise, etj.

Ne konference merrte pjese si referues edhe Profesor Esat Stavileci, Anetar i Akademise së Shkencave dhe Arteve të Kosovës, i njohur per kontributin e tij prej gati gjysem shekulli ne jurisprudence, ne te drejten publike dhe veçanerisht ne te drejten administrative.

Gjate pyetjeve qe iu bene referuesve nga auditori dhe si nga diskutimet e te pranishmeve nje vend kryesor zuri problematika lidhur me çeshtjet eventuale qe rezultojne nga zbatimi ne praktike i projektligjit per gjykaten administrative qe ndodhet per miratim ne Kuvendin e Shqiperise.

Nder te tjera, konferenca konkludoi se reformimi i drejtesise administrative dhe i zgjidhjes se mosmarreveshje ne kete fushe duhet te trajtohet dhe te jete nje koncept me i gjere se gjykata administrative e cila, si e vetme, edhe pse e krijuar nepermjet nje ligji te posacem, nuk do te mjaftonte per te zgjidhur ate cNULLka publiku dhe biznesi shqiptar kerkojne, pra nje gjykim administrativ te drejte, te shpejte dhe efektiv.

Nje konkluzion, i shprehur ne formen e propozimit ishte unifikimi me urgjence i terminologjise juridike te perdorur ne Shqiperi dhe Kosove. Nje unifikim i tille duhet bere me urgjence dhe mund te filloje me ligjet qe miratohen nga secili prej Kuvendeve, te vazhdoje me aktet e tjera nenligjore (Vendimet e Keshillit te Ministrave, Udhezimet, Urdherat, etj.) dhe, me pas, me leteraturen, trajtimet teorike dhe mesimore (akademike). Nje fillese e mire ne kete drejtim mund te ishte terminologjia administrative.

Per me gjate, sugjerimet dhe verejtjet mund te gjenden ne materialet e konferences qe do te publikophen ne botimin perkates te revistes "Gjeopolitika", botim i Institutit Kerkimor Shkencor "Barleti", qe do te dale se shpejti.

Projekti "Edukimi Publik Ligjor"

Instituti Kërkimor-Shkencor "Barleti" dhe Fakulteti i Drejtësisë i Universitetit "Marin Barleti" kanë ndërmarrë një nismë të rëndësishme në fushën e Edukimit Publik Ligjor, që synon përhapjen e dijeve të domosdoshme juridike, ndër ato grupe të shoqërisë, që kanë formim të paktë në këtë drejtim. Qëllimi i këtyre seminareve është tNULLu ofrojë pjesëmarrësve, mundësinë që të njihen me aspekte të rëndësishme të funksionimit të sistemit juridik dhe gjyqësor në Shqipëri, me qëllimin për tNULLi zhdërvjelltësuar ata në zgjidhjen e problemeve, me të cilat mund të ndeshen në jetën e përditshme.

Në kuadër të këtij projekti, që po zbatohet aktualisht me mbështetjen financiare të Agjencisë për Mbështetjen e Shoqërisë Civile, Instituti Kërkimor-Shkencor "Barleti" dhe Universiteti "Marin Barleti" do të organizojnë përgjatë gjithë vitit seminare me nxënës të shkollave të mesme të përgjithshme publike dhe private në rrethet Tiranë dhe Durrës, ku studentë të Fakultetit Juridik të këtij Universiteti, të udhëhequr nga pedagogë të tij, do tNULLi përcjellin një auditori të përbërë nga nxënës të viteve të IV-ta të këtyre shkollave, disa prej koncepteve më të rëndësishme mbi mënyrën e funksionimit të sistemit të drejtësisë në Shqipëri.

Për realizimin më të mire të idesë së "Edukimit Publik Ligjor" një vëmendje e posaçme i është kushtuar asaj pjese të dijeve, e cila është e domosdoshme tNULLu transmetohet të rinjve. Faktori bazë që ka qenë përcaktues për përzgjedhjen e materialit që trajtohet gjatë këtyre seminareve është mosha e dëgjuesve. Kushdo prej këtyre të rinjve do të pajiset me informacione më të detajuara, se çfarë nënkupton për ta arritja e moshës së pjekurisë. Meqenëse konceptet juridike trajtohen shumë përciptazi në shkollë të mesme, qoftë për faktin e gjerësisë së tematikës, qoftë për faktin e mungesës së teksteve shkollore të hartuara posaçërisht për këtë fushë, projekte të kësaj natyre mund të jenë mundësia e vetme, për këta nxënës, që të përfitojnë njohuri të sakta dhe konkrete, dhe për më tepër në formë të përshtatur për ta.

Tetëmbëdhjetëvjeçari dhe të drejtat e përgjegjësitë që fiton ai/ajo me arritjen e moshës së pjekurisë.
Hyrje në të drejtat e njeriut dhe të qytetarit.
Bazat e përgjegjësisë penale
Aspektet juridike të martesës dhe të trashëgimisë

Pjesëmarrja në projektin e "Edukimit Publik Ligjor" përbën gjithashtu për studentët e Fakultetit të Drejtësisë të Universitetit "Marin Barleti" një mundësi të rrallë për të verifikuar dijet e tyre. Ata do të mund të kontrollojnë nivelin e përthithjes dhe të të kuptuarit të njohurive që kanë fituar gjatë studimeve, por edhe aftësitë në fushën e komunikimit të këtyre njohurive si dhe të veprimit nën presionin e një ambjenti të caktuar, apo të një minutazhi të caktuar.

Mbajtja e një cikli leksionesh kërkon pajisjen me një aparat sistematik dijesh nga disiplina të ndryshme të së drejtës, në veçanti të së drejtës civile, penale dhe kushtetuese. Një rëndësi të caktuar ka edhe predispozita psikologjike, sidomos zotësi të tilla si: elokuenca dhe vetëbesimi. Të rinjtë që mësojnë nëpër gjimnaze janë një audiencë e veçantë, që kërkon durim, kuptim dhe qasje të përshtatshme.

Për këtë arsye, projekti do të gërshetojë eksperiencën dhe ekspertizën e profesionistëve të dëgjuar në fushën e ligjit, me aftësitë dhe dijet e studentëve të Fakultetit të Drejtësisë, së Universitetit "Marin Barleti".

Metodat japoneze të menaxhimit të bizneseve të mesme dhe të vogla në Universitetin Marin Barleti

Shoqata JAAA (Jica Alumni Association Albania) me mbështetjen e JICA (Japan International Cooperation Agency) dhe Universitetit Marin Barleti organizoi seminarin me temë:

NJOHJA ME METODAT JAPONEZE TË MENAXHIMIT TË NDËRMARRJEVE TË VOGLA DHE TË MESME (SME)

Në këtë seminar u referua për disa nga metodat më të suksesshme të manaxhimit japonez të aplikuara nga kompanitë japoneze dhe që kane qenë faktori kryesor i lulëzimit të ekonomisë japoneze ne vite. Prezantimi njohu të pranishmit me disa aspekte të filozofisë japoneze të jetës dhe të punës.

Pjesëmarrës në këtë seminar ishin përfaqësues biznesesh, manaxherë, përfaqësues nga organizata dhe donatorë që mbështesin SME-të në Shqipëri, pedagogë të Universitetit Marin Barleti si dhe të interesuar të tjerë.

Referues në seminar ishin z. Igli Gjoni, President i JAAA dhe z. Sokol Konomi.

Disa nga temat që u trajtuan në seminar ishin Sistemi i Pesë S-ve, Sistemi i manaxhimit JIT (Just in Time) studim i rastit të ekselencës së kompanisë Toyota, Metoda KANBAN si instrumenti bazë për aplikimin e JIT, Në seminarin e zhvilluari të zbatojmë koncepte të ngjashme në realitetin shqiptar të biznesit.

Bibliotekës së UMB i shtohen tre tituj të rinj librash

Këshilli shqiptar për Marrëdhëniet me Jashtë (ACFR), i ka dhuruar bibliotekës së Universitetit "Marin Barleti", tri libra në fushën e marrëdhënieve ndërkombëtare, të përkthyer dhe botuar në gjuhën shqipe.

Librat: "Diktatorët e Ballkanit", me autor Bernd J. Fischer; "Politika e Jashtme Amerikane" (e shkuara, e sotmja, e ardhmja), me autor Glenn P. Hastedt dhe "Hyrje në Shkencat Politike" (Pushtetit dhe Zgjedhja), me autor W. Phillips Shively dhurohen në kuadër të projektit "Zgjerimi i bibliotekës së studimeve të Marrëdhënieve Ndërkombëtare dhe Shkencave Politike".

Projekti në fjalë mbështetet nga Zyra për marrëdhënie me Publikun, pranë Ambasadës Amerikane në Tiranë. Këto libra, të hartuar posaçërisht për studentë joamerikanë vijnë në ndihmë të studentëve të shkencave humane në UMB dhe janë lehtësisht të përvetësueshme, për vetë faktin se janë të shqipëruar nga përkthyes profesionistë të marrëdhënieve ndërkombëtare.

Këto tri libra të botuar dy vitet e fundit u vijnë në ndihmë, si studentëve që ndjekin studimet Bachelor, ashtu edhe atyre që kryejnë studimet Master, pranë Universitetit "Marin Barleti".

Njohja e Universitetit "Marin Barleti" me Shkollat e Mesme Private në Durrës.

Në projektin për njohje të Universitetit "Marin Barleti", në datë 26.01.2011, studentët Ada Shehu, Arber Brecani, Anisa Gogaj, Xheni Tola dhe Koordinatorët e të Drejtës Publike Elona Bano dhe Klubeve Studentore Anisa Brano, prezantuan Universitetin Marin Barleti në shkollat e mesme private "Migjeni" dhe "Rilindja" në Durrës.

Kjo nismë për këto dy shkolla të mesme vjen nga dëshira që shprehen dy studentet Ada Shehu, ish-nxënëse e shkollës "Rilindja" dhe Xheni ish-nxënëse e shkollës "Migjeni" nga ku mundësuan kontaktet dhe interesin e te dyja shkollave. Në shkollën "Rilindja" morëm një mikpritje nga vet drejtori i shkollës Z. Drini Hasani i cili na mundësoi takim me katër klasat e XII maturante duke i dhënë mundësinë nxënësve te tij që mbas mbarimit të maturës shtetërore , zgjedhja të jetë UMB-ja. Gjithashtu mikpritja nuk mungonte te shkolla "Migjeni" e cila ashtu si te Rilindja na dha mundësin të takonim katër klasa maturantësh duke u shoqëruar nga vet drejtori i shkollës Z. Ruzhdi Dollaku i cili zgjoi dhe interesin e një bashkëpunimi dhe prezence në kampusin e UMB në projekte me interes për ta.

Prezantimi është një iniciativë e vetë Klubit bota studentore dhe do të vazhdojë në qytete të tjera të Shqipëris ( si Elbasani, Fieri, Shkodra etj)duke pasur parasysh që një nga objektivat më të rëndësishme të këtij klubi është rekturtimi i studentëve të rinj. Prezantimi i Universiteteti "Marin Barleti" u bë në mënyrën më të denjë, duke filluar që nga se si e ndjenin veten në këtë universitet studentet e rinj e te viteve të para si Ada, Anisa dhe Xheni me pas informacioni u pasua nga oferta akademike që bëri më dije pedagogia Elona Bano, nga aktivitetet që organizojnë studentet nëpërmjet Klubeve Studentore që jëne mëse aktive, i prezantuar ky informacion nga Koordinatorja e Klubeve Studentore Anisa Brano dhe studenti i vitit të III, Arbër Brecani.

Nxënësve ju bë me dije dhe iniciativa më e re e Klubit "Ligji dhe Demokracia" për edukimin ligjor, duke u ftuar të marrin pjesë në leksionet e hapura që do të organizojë Universiteti ynë duke filluar që nga 30.1.2011. Ishin të gjithë të kënaqur të mesonin devizën e UMB-së: "Studenti në qëndër"dhe u arrit në marrëveshjen e një bashkëpunimi të mëtejshëm në muajt që vijojnë.

Klubi Bota Studentore, përvec promovimit me sukses të UMB-së ka ndërmarrë dhe iniciativen e vizitës në Republikën e Kosovës në 11-13 shkurt, periudhë kjo e zgjedhur qëllimisht për të shijuar nga pranë festimet e pavarësisë së këtij shteti po ku e bukura dhe argetimi do të ndërthuren me të dobishmen sic është një orë lëksioni i hapur në Universitetin e Prishtinës nga Fakulteti Ekonomik dhe takim me përfaqësuses të Ambasadës Shqiptare në Kosovë. Ju përshëndesim me moton: "Bota studentore përvecse e pafund duhet të jetë me dhe për studentët"

Koordinator i Departamentit të së Drejtës Publike
Elona Bano

Koordinator i Klubeve Studentore
Anisa Brano

Udhëtim në Sarajevë

Sektori i Çështjeve Studentore në kuadrin e javës së sporteve dimërore, ka kënaqësinë të organizojë një Udhëtim Turistik në Bosnje-Hercegovinë në datat 11, 12 dhe 13 Shkurt.

Vendqëndrimi do të jetë Sarajeva, qyteti i lojrave Olimpike Dimërore në 1984.

Guida përfshin:

Dy netë fjetje me darkë dhe mëngjes në hotelin Hollywood;
Udhëtim me autobus komod;
Organizim I vizitave në Sarajevë dhe Mostar shoqëruar me tour-operator.

Tarifa 110 Euro

Për informacione të mëtejshme kontakti: asprorektorst@umb.edu.al / 0672759997

Miratohet Statuti i ri i universitetit Marin Barleti

Në mbledhjen e tij të radhës, më datë 21 janar 2011, Bordi i universitetit "Marin Barleti", mori në shqyrtim nen për nen, Statutin e ri të UMB-së.

Në përfundim të mbledhjes, Statuti u miratua njëzëri nga të gjithë anëtarët e Bordit.

Fillon regjistrimi për kursin elementar të gjuhës perse

Instituti i Studimeve Perso-Iraniane Firdeusi, ju fton të ndiqni kursin elementar të gjuhës perse që do të zhvillohet nga Fondacioni Kulturor "Saadi Shirazi" në periudhën shkurt-maj 2011

Kursi është i hapur për të gjithë dhe Rregjistrimi është falas. Në përfundim të kursit pjesëmarrësit do të pajisen me një çertifikatë.

Për më shumë informacione, mund të kontaktoni në
info.firdeusi@umb.edu.al ose në numrin e telefonit: 069 40 49761

Blendi Fevziu në Universitetin Marin Barleti

Ne bashkebisedim me studentet e universitetit "Marin Barleti", gazetari Blendi Fevziu ka folur dje mbi idene e romanit te tij "Hiri i Vullkanit", si i treti liber qe ai boton ne zhanrin e letersise artistike.

Ne biseden me studentet e Marin Barletit, ai e ka vleresuar kete roman si nje mundesi per te vendosur nje komunikim me te afert me kete zhaner.

Blendi Fevziu pohoi se "eshte teme e kendshme, por besoj se ka brenda gjithe atmosferen e Shqiperise se viteve NULL90-NULL91-NULL92, por edhe situaten aktuale". Pra, sikunder pohoi gazetari i njohur, eshte nje lloj drame, romance e te gjithe ketij transformimi shqiptar, ku futet; emigracioni, ikja, menyra e mbijeteses, por edhe nje lloj dashurie qe vazhdon te mbetet eterne. Fevziu shprehet se ky liber u dedikohet mbi te gjitha atyre bashkemoshatareve te tij, qe paten te njejtat endrra, por fate te ndryshme.

Kurse Arlinda Dudaj, drejtuese e shtepise botuese "Dudaj", thote se vepra me e fundit e opinionistit Fevziu eshte nje gje e re, e papritur, pasi letersia ne kete rast i sherben historise. "Hiri i Vullkanit" na sjell ne kujtese kronikat televizive te nje viti me pare per ngjarjen e jashtezakonshme te pushtimit te qiejve te Europes nga hiri i vullkanit islandez.

Ky moment sherbeu si frymezim per autorin Blendi Fevziu i cili 11 faqet e para te nje tregimi, te shkruara gjate nje udhetimi nga Brukseli ne Tirane, i shnderroi ne nje liber, qe ne pak dite u rendit nder me te shiturit. Blendi Fevziu tregon: "Ka qene nje rastesi, ndersa kthehesha nga Brukseli, ne nje moment qe ishte bllokuar gjithe Europa nga hiri vullkanik i Islandes. Ishte shume interesante sepse ne momentin qe tentova te gjeja nje mundesi kthimi me avion, me tren, me autobus, te gjitha linjat ishin te bllokuara. Dhe me lindi ideja sesi dy njerez mund te gjendeshin befas, te ndare nga nje dashuri, nga dicka e papritur".

Subjekti i librit nuk eshte kryekeput nje histori dashurie qe rizgjohet pas shume vitesh, ndaj Fevziu nuk e ka shmangur dot penen gazetareske. Historia e romanit "Hiri i Vullkanit", rrefen nje histori dashurie e cila rizgjohet fare papritur pas 20 vitesh. Ne faqet e tij lexuesi gjen gjithashtu episode qe flasin per realitetin shqiptar ne vitet 1990, por edhe ne ditet e sotme.

Letersia artistike nuk eshte nje surprize nga Blendi Fevziu. Krahas disa sprovave letrare sic i quan, Fevziu pohon se ne kompjuterin e tij ndodhen te tjera botime te pritshme. "Hiri Vullkanik" eshte libri i tete i gazetarit Blendi Fevziu. Dhe sic pohon ai, kete liber ia ka dedikuar "te gjithe bashkemoshatareve qe rinine e kaluan ne borduren e parkut Rinia dhe nje ndertuan nje histori paralele me ate te komunizmit dhe qe e arriten ta realizonin me endrrat e tyre".

Blendi Fevziu në Universitetin Marin Barleti

Gazetari dhe autori i mirënjohur, Blendi Fevziu, vjen në Universitetin Marin Barleti për një bashkëbisedim mbi librin e tij të fundit, "Hiri i Vullkanit", me studentët dhe pedagogët tanë.

Takimi është i hapur për të gjithë. Pas prezantimit të librit, Z. Fevziu do të jetë i gatshëm t'u përgjigjet pyetjeve të të pranishmëve në lidhje me librin dhe më gjerë.

Takimi do të zhvillohet ditën e mërkurë, 12/01/2011, ora 12.00, salla A24, pranë Universitetit Marin Barleti.

Shqipëria dhe Ballkani Perëndimor: Përgjigja ndaj Krizës, Sfidat dhe Mundësitë

Në datën 11 Janar 2011, në Universitetin e Tiranës, Zonja Ngozi Okonjo-Iweala, Drejtore Administrimi në Grupin e Bankës Botërore mbajti një fjalim para pedagogëve dhe studentëve të Universiteteve.

Në Fjalimin e saj ajo trajtoi çështje të tilla si:

Ballkani Perëndimor: Arritje të Zhvillimit
Rritja ekonomike dhe ulja e varfërisë
Ndikimi i krizës
Reagimi ndaj Krizës: mbrojtja dhe përmirësimi i kujdesit social
Dividendi potencial demografik i Shqipërisë

Për më shumë lexoni fjalimin e plotë

Volejboll - Femra: luhet sot java e 18-të dhe e fundit e fazës së dytë të kampionatit kombëtar

Pas takimit Skënderbeu - Studenti (0-3) në volejboll për femra, luajtur ditën e shtunë në Korçë, sot zhvillohen edhe ndeshjet e tjera të javës së 18-të dhe të fundit të fazës së dytë të kampionatit kombëtar. Një javë që do të vendosë zyrtarisht skuadrat, të cilat do të luajnë në "Top Volley Liga" (katër më të mirat) dhe ato që do të luajnë në "Volley Liga" (katër ekipet e dyta) fazën e fundit të kampionatit.

Një gjë është e sigurt sërish, që edhe këtë sezon, skuadra e Korabit e mbyll para kohe kampionatin, duke qenë në dispozicion të Federatës së Volejbollit për tNULLu ri-integruar në aktivitete të ndryshme. Për sa u përket takimeve të sotme, spikat derbi kryeqytetas midis Barleti Volley dhe Tiranës (ora 17.00 në "Asllan Rusi"), një ndeshje më shumë për prestigj se sa për renditje. Tashmë Barleti Volley ka siguruar vendin e dytë dhe Tirana atë të tretë, ndaj sfida e sotme vlen më shumë për statistikë, por emocionet dhe rivaliteti në këtë duel pritet të jenë sërish të mëdha.

Një javë e lehtë për Minatorin kryesues, që do të udhëtojë drejt Lushnjës për të zhvilluar formalitetin e radhës me Krutjen, ndërsa ndeshja e fundit e kësaj jave është ajo që do të luhet në Peshkopi, midis Korabit vendës dhe Teutës.

Marrëveshja e parë e Bashkëpunimit midis Universitetit Marin Barleti dhe Universitetit të Bolonjës

Në datat 29 dhe 31 Maj 2010 në Universitetin Marin Barleti, Profesori Alain Goussot, i Universitetittë Bolonjës dha dy leksione të hapura:

Dimensioni Ndërkulturor i Proceseve Formative dhe Profesionet midis Globalizimit dhe Shkëmbimeve Kulturore: Hapja e fronteve të reja për zhvillimin njerëzor.

Profesori A. Goussot, që jep Pedagogji Speciale, i përket departamentit të Shkencave të Edukimit dhe njëkohësisht është profesor në Fakultetin e Psikologjisë, po pranë Universitetit të Bolonjës. Ai është Presidenti i Qendrës së Studimeve e të Aksionit Pedagogjik "Raffaele La Porta", anëtar i Shoqërisë Italiane të Pedagogjisë Speciale, anëtar i Komitetit Shkencor të Institutit Pierre Janet të Parisit, ortak nderi i Shoqatës Kombëtare Italiane të Pedagogjisë, autor i shumë librave studimorë, por edhe drejtues i rëndësishëm i disa projekteve të Komunitetit Evropian, që trajtojnë problematikat e fëmijëve të braktisur në Europën Lindore.

Më 21 Dhjetor 2010, si vazhdimësi e këtij aktiviteti, por edhe si fillimi i një rruge të re bashkëpunimi, Departamenti i Shkencave të Edukimit "Giovanni Maria Bertin" i Universitetit të Bolonjës, përfaqësuar nga Drejtori i tij Prof. Roberto Farne dhe Fakulteti i Shkencave Humane i Universitetit Marin Barleti, përfaqësuar nga Dekani i tij Prof. Luan Omari, kanë firmosur këto ditë një Marrëveshje Bashkëpunimi e cila synon të mbështesë e të zhvillojë reciprokisht fushën e kërkimit dhe të mësimdhënies, sikurse edhe të inkurajojë projektet edukative dhe kulturore me interes të përbashkët.

Kooperimi midis këtyre dy institucioneve do të përmbajë bashkëpunimin në projekte kërkimore në fusha të ndryshme të kërkimit shkencor, që përkojnë me edukimin dhe trajnimet e kësaj sfere; shkëmbime vizitash midis kërkuesve, që të mund të inkurajohet kualifikimi i stafit akademik i të dyja palëve; organizimin e seminareve, simpoziumeve dhe diskutimeve që mbulojnë fushën e interesit të përbashkët me specifikat përkatëse.

Pedagogët e Universitetit Marin Barleti e njëkohësisht studentët e tij, janë të ftuar të sjellin propozimet e tyre dhe të krijojnë grupet e para të punës, për një zhvillim të mëtejshëm e me standarde të ndërkombëtarizuara të mësimdhënies, çka i shërben jo vetëm Universitetit tonë, por edhe edukimit në tërësi.

Teuta rivalizon denjësisht me Barleti Volley në fushën e vet

Barleti Volley - Teuta (3 – 0)
(25-23; 25-18; 25-19)

Barleti Volley rigjen fitoren në kampionat, duke mundur 3 - 0 Teutën në Durrës, një ndeshje e bukur dhe me rivalitet, ku në setin e parë, mikeshat nga kryeqyteti fituan me vështirësi 25 - 23. Teuta rivalizoi deri në fund, por përvoja dhe shtatlartësia e lojtareve të Barleti Volley bëri diferencën në parket. Më tej, loja është më e qetë, në përgjithësi nën kontrollin e Barleti Volley, që fitoi 25 - 18 setin e dytë dhe 25 - 19 atë të tretë, duke ruajtur vendin e dytë. Gjithsesi, të dyja ekipet kanë siguruar një vend në "Top Volley Liga" në fazën e tretë, ku luajnë 4 ekipet më të mira.

Minatori mund Barleti Volley dhe udhëheq i vetëm e pa asnjë humbje deri tani

Minatori Barleti - Volley (3 – 0)
(27-29; 22-25; 21-25)

Barleti Volley udhëtoi të shtunën drejt Rrëshenit për të luajtur ndeshjen e radhës. Pallati i sportit "A. Arapi" ishte i mbushur plot me tifozë . Temperatura ishte shumë e ulët dhe kjo ndikoi në lojën e të dy ekipeve. Seti i parë nisi shumë mirë për vajzat Universitare, që udhëhoqën të sigurta deri në fund të tij, por që u treguan pak të kujdesshme në fund, duke mos e mbyllur dot setin me fitore.

Në setin e dytë loja nis nën udhëheqjen e Minatorit. Barleti Volley është e zbehtë në lojën e vet, por pas disa ndërprerjesh të vazhdueshme të lojës, si pasojë e ndërprerjes së energjisë elektrike në sallë rezultati luhatet në vazhdimësi për ekipin e Minatorit. Rivaliteti rritet në fund të setit, por përsëri Minatori është më i saktë dhe fiton setin e dytë. Në setin e tretë, vajzat e Tartarit e kanë përsëri të pamundur të reagojnë ndaj një Minatori, që dhe pse jo në ditën e tij më të mirë u tregua i kujdesshëm deri në fund të setit, duke fituar atë dhe ndeshjen me rezultatin 3 - 0.

Universiteti Marin Barleti dhe të drejtat e njeriut

10 Dhjetori është Dita Ndërkombëtare e të Drejtave të Njeriut dhe kjo ditë si për çdo njeri, edhe për mua, është sa universale aq edhe individuale. Përgëzoj Institutin Firdeus dhe të gjithë stafin në UMB që, në kuadër të kësaj dite, organizuan konferencën “Mendimet dhe argumentat ligjorë në deklaratën e të drejtave të njeriut të Kirit te Madh”. Kjo iniciativë i jep UMB-së një status akoma më të qartë në fushën e shkencave humane, duke e dalluar jo vetëm në fushën e mësimdhënies por edhe në atë të investimit në komunitet dhe të mbrojtjes së vlerave tona më të qenësishme.

Çështja e të Drejtave të Njeriut ka të bëjë me dinjitetin e individit dhe të ardhmen e demokracisë. Rrallë ndodh që një çështje të nxjerrë kaq shume në pah thelbin e një kombi siç është çështja e respektit të të drejtave bazë të njeriut. Kjo është një sfidë, jo për mirëqenien apo sigurinë tonë, por për vlerat, qëllimet dhe domethënien e një kombi, sikurse të të gjithë njerëzimit. Edhe sikur të rrisim pa masë mirëqenien, apo të arrijmë çfarëdolloj suksesi dhe sërish të mbetemi të pabarabartë në këtë çështje, atëherë ne do të kemi dështuar si njerëz, si institucion, si komb, si njerëzim. Kjo, pasi lufta për të drejtat bazë të njeriut ka të bëjë me më shumë se çdo politikë që mund të përfshijmë në ligje; ajo ka të bëjë me kapacitetin tonë për të dashur dhe për t’u angazhuar ndaj njëri-tjetrit; ka të bëjë me zgjedhjen nëse ne si shoqëri do të vlerësojmë apo jo dashurinë dhe përkushtimin; ka të bëjë me humanizmin tonë të përbashkët dhe gadishmërinë për të “ecur me këpucët e dikujt tjetër”. Fjalët e gdhendura në nenet dhe frymën e kushtetutës së Shqipërisë, të vendeve të BE-së, SHBA-së dhe të të gjitha vendeve demokratike se "të gjithë kemi lindur të barabartë" apo që “çdo qytetar ka disa të drejta të patjetërsueshme” nuk janë thjesht fjalë me peshë apo teori boshe. Në emër të tyre popujt kanë luftuar dhe dhënë jetën për shekuj me rradhë. Këto fjalë janë frymëzim dhe pishtar për të gjithë njerëzit liridashës. Me këto fjalë i është premtuar çdo qytetari se së bashku do të ndajmë dinjitetin e njeriut dhe lirinë.

Dinjiteti nuk mund të gjendet në pronësinë e njeriut, as në pushtetin apo pozitën e tij. Ai qëndron në të drejtën e tij për t’u trajtuar si njeri me mundësi të barabarta me të tjerët, në atë që atij t’i respektohen të drejtat bazë. Të aplikosh çfarëdolloj testi tjetër, t`i mohosh individit shpresën e dinjitetin për shkak të bindjeve politike, përbërjes etnike, fetare, gjinisë, statusit, etjes për pushtet, etj., jo vetëm përbën padrejtësi, por do të thotë të çnderosh kujtimin e martirëve të çdo kombi. Sonte, diku në Shqipëri, diku në botë, dikush do të përpiqet me veshtirësi të bjerë në gjumë, duke u përpjekur dhe duke vuajtur nga një diskriminim për shkak të opinionit të tij/saj apo përkatësisë etnike, fetare, gjinore, statusit apo thjesht për shkak se dikush nuk ka respektuar dinjitetin e tij/saj. Dikush, diku në botë, sonte edhe mund të humbasë jetën për shkak të kësaj. Se çfarë ndodh më pas, mund të varet nga shumë faktorë, por në një analizë të fundit, do të varet nga ne: nga lloji i së ardhmes që ne ndërtojmë; nga lloji i shoqërisë që ne sjellim, nëse do të jetë një shoqëri ku shpresa është më e fortë se frika, ku dashuria është më e fuqishme se çdo fyerje apo lëndim, të një shoqërie ku askush nuk është qytetar i dorës së dytë, në të cilën askujt nuk i mohohen të drejtat më themelore, të një shoqërie në të cilën të gjithë jemi të lirë të jetojmë siç e shohim të arsyeshme kur gjykojmë për të drejtat bazë.

Por sonte unë jam optimist, sepse besoj në mirësinë e çdo njeriu si pjesë e qenësishme e asaj çka ne thelbësisht jemi, për shkak të progresit që ne kemi bërë si shoqëri. Ndonëse do të ketë pengesa përgjatë rrugës, e vërteta është se idealet tona të përbashkëta janë një forcë shumë më e madhe se çdo ndarje që mund të mbillet, se dashuria është më e fortë se urrejtja, se shpresa më e pushtetshme se frika. Këto ideale, të shprehura nga breza qytetarësh, janë ato që kanë rrëzuar diktaturat, që u kanë dhënë të drejta popujve, që nga Aristoteli; ‘Magna Carta’; ‘12 Artikujt’ e deri tek ‘Deklarata e Pavarësisë’ dhe ‘Ligji i të Drejtave’, të Amerikës; ‘Deklarata e të Drejtave të Njeriut dhe Qytetarit’, e Francës; ‘Deklarata Universale e të Drejtave të Njeriut’, e OKB-së, etj.

Ky është premtimi për të cilin jemi thirrur për të përmbushur nga një ditë në tjetrën, duke ndryshuar nga një mendje në tjetrën, nga një ligj në tjetrin. Unë besoj, në një analizë të fundit, ashtu siç ka thënë edhe Presidenti Wilson, që “Demokracia nuk është aq shumë një formë qeverisjeje, sesa një bashkësi principesh”, ashtu siç edhe çështja e të drejtave të njeriut ka të bëjë me më shumë se sa një të drejtë ligjore, pasi t’i sigurosh këto të drejta kërkohet edhe vullnet i mirë, mirëkuptim dhe vizion. Në fund, po ju le me atë çfarë Thomas Jefferson, autori kryesor i Deklaratës së Pavarësisë dhe President i 3të i SHBA-së ka thënë: “Gjithçka është e ndryshueshme me përjashtim të të drejtave të natyrshme dhe të patjetërsueshme të njeriut. Ne i konsiderojme të vetëkuptueshme këto të vërteta, se të gjithë njerëzit janë krijuar të barabartë, se ata janë pajisur nga Krijuesi i tyre me disa të Drejta të patjetërsueshme, midis te cilave janë Jeta, Liria dhe kërkimi i Lumturisë".

(“Nothing is unchangeable but the inherent and unalienable rights of man. We hold these truths to be self-evident, that all men are created equal, that they are endowed by their Creator with certain unalienable Rights, that among these are Life, Liberty and the pursuit of Happiness”.)

Dritan Zela, Ph.D. (SHBA)
Professor of Mathematics & U.S. Fulbright Scholar (SHBA)
Pro Rektor per Ceshtjet Akademike
Tiranë, 10 Dhjetor, 2010

Instituti Firdeusi organizoi leksionin e hapur me temën: "Mendimet dhe argumentat ligjore në Deklaratën e të Drejtave të Njeriut të Kirit të Madh"

Në datën 10 Dhjetor 2010, me rastin e Ditës Ndërkombëtare të të Drejtave të Njeriut, Instituti Firdeusi organizoi Leksionin e hapur me Temën „Mendimet dhe argumentat ligjore në Deklaratën e të Drejtave të Njeriut të Kirit të Madh“. Në Leksionin, që u zhvillua në ambjentet e Universitetit Marin Barleti, morën pjesë pedagogë, studiues, si edhe rreth 100 studentë nga Universiteti Marin Barleti dhe Universiteti i Tiranës.

Leksioni u hap me fjalën përshëndetëse të Drejtoreshës Ekzekutive të Institutit Firdeusi, Znj. Rediana Çuraj, e cila foli për qëllimin e organizimit të këtij leksioni, për rëndesinë historike të Deklaratës të së Drejtave të Njeriut të Kirit të Madh për dy qytetërimet e medhaja botërore, Lindjen dhe Perëndimin, si edhe për vet rolin e Kirit të Madh, si nje personalitet që ka respektuar liritë dhe të drejtat fetare, politike e kulturore të popujve dhe subjekteve të Perandorisë Persiane. Znj. Çuraj e cilësoi këtë leksion si fillimin e një tradite eventesh shkencore, që do të organizojë Instituti Firdeusi edhe ne të ardhmen e nga të cilat mund të perfitojnë dhe te marrin pjesë të gjithë studiuesit, akademikët dhe studentët e interesuar në fushën e studimeve persiane.

Dr. Zamira Çavo, Dekane e Studimeve me Kohë të Pjesshme, në Universitetin Marin Barleti, trajtoi çështjen “Cilindri i Kirit dhe Deklarata e të Drejtave të Njeriut në epokën e globalizmit” dhe u shpreh se “Studiuesit e kanë pranuar Perandorin Kirin e Madh si bazëhedhësin e të Drejtave të Njeriut, arsye kjo që në 1971 Cilindri i Kirit të Madh u përkthye në të gjitha gjuhët kryesore të Kombeve të Bashkuara. Megjithatë ti rikthehesh Kirit sot, është një domosdoshmëri e diktuar nga periudha postmoderne dhe një nevojë për ta ristudiuar në epokën që e quajme globalizëm.”

Elona Bano, Pedagoge në Departamentin e së Drejtës Publike, në Universitetin Marin Barleti, me temën: Kontributi i Kirit të Madh në formimin e “Të drejtës së Popujve”, u shpreh se “Kiri, i cili ka menduar në lashtësi për prosperitetin e të gjithë shtetasve të tij duke ju akorduar dhe lirinë skllevërve, meriton të merret shembull dhe sot e kësaj dite, kur paçka se ndërgjegjesimi i njerëzimit, është më i madh, paradoksalisht ende shkelen të drejtat më thelbësore. Znj. Bano theksoi se Juridikisht mund të konsiderojmë se Kiri i Madh është një nga themeluesit e të drejtës së popujve për vetëvendosje.

Ndërsa Edlira Osmani, Asistent Avokate, e Diplomuar në Universitetin Marin Barleti, u shpreh se “Sot teksa lexojmë tekstin antik të kësaj deklarate na bien në sy disa parime në dukje të thjeshta por që përmbajnë në vetvete bazat e të drejtave tona edhe sot. E drejta për të jetuar në paqe, ndalimi i skllavërisë, liria e besimit fetar, janë të drejta të sanksionuara në Deklaratat dhe Konventat e mëvonshme që na bëjnë me dije se pararendëse kishin Deklaratën Antike të hartuar nga Kiri i Madh, mbret i mbretëve, mbret i botës, për të cilin Perënditë kishin siguruar një jetë të gjatë, dhe ai jetoi me veprën e tij.”

Më pas, fjalën e morën të ftuarit, të cilët dhanë mendimet e tyre rreth Deklartës së Kirit të Madh dhe në fund studentët u drejtuan lektorëve pyetje.

Fjalimi i Drejtoreshës Ekzekutive të Institutit Firdeusi

Leksioni I hapur: Mendimet dhe argumentat ligjore në Deklaratën e të drejtave të njeriut të kirit të madh

Në kuadër të "Ditës Ndërkombëtare të të Drejtave të Njeriut" Instituti i Studimeve Perso-Iraniane "Firdeusi" , pranë Universitetit Marin Barleti, ju fton të merrni pjesë në Leksionin e hapur me temën:

"Mendimet dhe argumentat ligjore në Deklaratën e të drejtave të njeriut të kirit të madh".

Leksioni i dedikohet analizës së figurës historike dhe imazhit të mbretit të madh persian të dinastisë Akamenide � Kirit të Madh (në persisht: Kurush-e-Bozorgh), i cili ka sunduar në vitet 559�530 p.e.s. dhe Deklaratës së tij të të drejtave të njeriut, të themeluar në vitin 539 p.e.s, të ashtuquajtur "Cilindri i Kirit të Madh", i shpallur nga OKB që prej vitit 1971 "Deklaratë antike e të drejtave të njeriut".

Çështjet kryesore që do të trajtohen në leksionin e hapur janë:

Cilindri i Kirit dhe Deklarata e të Drejtave të Njeriut në epokën e globalizmit;
Lektor: Zamira Çavo, Dekane e Studimeve me Kohë të Pjesshme, Universiteti Marin Barleti.
Kontributi i Kirit të madh në formimin e "Të drejtës së Popujve";
Lektor: Elona Bano, Koordinator i Departamentit të së Drejtes Publike, Universiteti Marin Barleti.
Deklerata e të drejtave të njeriut e Kirit të Madh, pararendëse e të drejtave të njeriut në kohët moderne;
Lektor: Edlira Osmani, Assistent Avokate; ish-nxënëse e Kolegjit Saadi; e diplomuar në Universitetin Marin Barleti

Tiranë, Universiteti Marin Barleti, Rr. Sami Frashëri, Nr 41, Godina A, Salla A24
10 Dhjetor 2010
Ora: 10:00 � 12:00

Zgjedhjet e Unionit Studentor të vitit 2010

Gjatë periudhës 15-30 nëntor 2010, studentët e të gjitha degëve në Universitetin Marin Barleti zgjodhën përfaqësuesit e tyre për në Këshillin e Studentëve, si dhe Presidentin e Unionit të Studentëve, në përputhje me Statutin e Unionit Studentor.

Në zgjedhjet për Këshillin e Unionit rezultuan fitues 13 studentë: Për vitin e parë zgjedhjet u zhvilluan në datë 18 nëntor 2010 dhe morën pjesë në votime 52 studentë.
Rezultatet ishin si më poshtë:

Viti i parë:

Marsida Thartori (7 vota), Eriselda Zaranjaku (5 vota) - shkenca politike
Anisa Gogaj (9 vota), Ervin Teliti (9 vota), Ada Shehu (5 vota), Nensi (3 vota) - financë-kontabilitet
Meral Todri (7 vota), Lineta Arapaj (5 vota), Armegi Vercani (2 vota) - juridik

Fitues u shpallën: Marsida Thartori, Anisa Gogaj, Ervin Fliti, Meral Todri Gjithashtu u kërkua përfaqësimi në Këshill i studentëve: Eriselda Zaranjaku, Ada Shehu, Nensi Kola, Lineta Arapaj, Armegi Vercani.

Viti i dytë:

Eduart Qatja (8 vota), Elis Shima (1 votë) - shkenca politike
Marjol Agalliu (11 vota), Borana Kalemi (2 vota) - drejtësi
Luis Mazreku (konsensus) - menaxhim
Erida Buzi (konsensus) - financë kontabilitet

Fitues u shpallën: Eduart Qatja, Marjol Agalliu, Luis Mazreku, Erida Buzi. Gjithashtu u kërkua përfaqësimi në Këshill i studentëve: Borana Kalemi, Ermelinda Kalaja, Elisabeta Gjeta.

Viti i tretë:

Eranda Muskaj (konsensus) - drejtësi
Fajton (konsensus) - menaxhim
Arbër Breçani (konsensus) - financë kontabilitet
Armela Memaj (konsensus) - shkenca politike

Fitues u shpallën: Eranda Muskaj, Fatjon, Arbër Breçani, Armela Memaj. Gjithashtu u kërkua përfaqësimi në Këshill i studentëve: Arjola Tafaj.

Viti i katërt:

Sabrina Tikno (6 vota) - drejtësi
Joana Vllahu (0 vota) - drejtësi

Fitues u shpallën: Sabrina Tikno

Në datë 23.11.2010 Këshilli Studentor zhvilloi mbledhjen e konstituimit. Morën pjesë 13 anëtarë të zgjedhur të cilët kooptuan formalisht 8 anëtarë të tjerë që konkurruan në zgjedhje, po nuk fituan, si dhe persona që kanë shprehur dëshirën e tyre për të marrë pjesë në organizimin e jetës studentore. Pas kësaj, u kalua në ndryshimet statutore të propozuara nga zyra e Prorektorit dhe Zyra Studentore në përputhje me ndryshimet e Ligjit të Arsimit të Lartë, neni 55. Ndryshimet statutore kishin të bënin me krijimin e Këshillave Rinorë të Fakulteteve: Drejtësi, Ekonomik, Humane. Gjithashtu u propozua që Presidenti i Unionit Studentor, të zgjidhet përveçse nga Asambleja, edhe nga Këshilli Studentor i Unionit, në rast se gjendet konsensus për kandidaturat. Ndryshimet pasqyrohen në Statutin e ri të Unionit.

U mandatuan tre studentë si përfaqësues të Këshillave të Fakulteteve për në Senatin e Universitetit.

Eranda Muskaj - përfaqësues në senat për Fakultetin Juridike
Ervin Teliti - përfaqësues në senat për Fakultetin Ekonomik
Armela Memaj - përfaqësues në senat për Fakultetin Shkencave Humane

Në përfundim të zgjedhjes së Senatorëve, të cilët, do të përfaqësojnë Fakultetet përkatëse, Këshilli Studentor me konsensus nxori dy kandidatura për Presidentin e Unionit, duke kërkuar që të votohej në Këshill.

Votimi u bë i fshehtë dhe transparent nga vetë anëtarët e Këshillit me nje pjesëmarrje të plotë, ku respektivisht të dy kandidatët morën:
1.Arbër Brecani - 10 vota
2.Eranda Muskaj - 8 vota

President i Unionit Studentor u zgjodh Arbër Breçani me shumicë votash. Këshilli i Unionit dha pëlqimin e tij dhe për Sekretarin e Unionit. Në mënyrë konsensuale u zgjodh një përfaqësuese e vitit të parë Anisa Gogaj. Këshilli do të mblidhet së shpejti për riorganizimin e vet. Nuk pati asnjë kontestim për të gjitha procedurat.

Të zgjedhësh profesionin tënd - leksion të hapur me Znj. Ariana Tushi

Në kuadër të leksioneve të rradhës të projektit "Të zgjedhësh profesionin tënd", të organizuara nga Zyra Alumni dhe Zyra e Karrierës, në UMB, u ftua drejtoresha e burimeve njerëzore të bankës BKT, Znj. Ariana Tushi.
Leksioni kryesisht kishte të bënte me faktin se si ndiqet një politikë rekrutimi në bankën BKT. "Një përzgjedhje e duhur e vendit të punës" - theksoi zonja Ariana - " ka të bëjë me një përzgjedhje të duhur nga secili prej jush, të punëdhënësit të ardhshëm".
Ajo u paraqiti studentëve një pasqyrë të realitetit bankar duke filluar që nga historiku i krijimit të BKT-së, misioni, performancat e bankës, cmimet e fituara, motivimi për të punuar në BKT, kapitali njerëzor i bankës etj...
Sudentët u njohën gjithashtu me politikat e burimeve njerëzore, strukturat dhe sektorët përbërës dhe ajo që ishte më në interes të tyre se si bëhet një politikë rekrutimi, fazat testuese nëpër të cilat çdo kandidat duhet të kalojë para se të punësohet.
"Gjithashtu të punosh në bankë do të thotë, të zgjedhësh vetë karrierën tënde dhe mbi të gjitha ta rritës atë" - tha në përfundim të këshillave të saj Znj Ariana .

Ligën e Kampionëve EBC*L 2010- Një konkurs i madh ndërkombëtar për Edukimin mbi Sipërmarrjen.

EBC*L International me mbështetjen dhe financimin e Komisionit Evropian, Drejtoria e Përgjithshme e Sipërmarrjes dhe Industrisë, dhe PARSH organizojnë:

Ligën e Kampionëve EBC*L 2010- Një konkurs i madh ndërkombëtar për Edukimin mbi Sipërmarrjen. Ju lutemi të shihni me interes pjesëmarrjen e institucionit tuaj, që mund të përfaqësohet me një numër të pakufizuar pjesëmarrësish në këtë veprimtari të rëndësishme lidhur me edukimin mbi sipërmarrjen. Duke qenë një aktivitet i mbështetur nga Komisioni Evropian, Ambasada Austriake dhe PARSH, pjesëmarrja në të është falas. Në vijim jepet një informacion i përgjithshëm për organizimin e këtij aktivitetit dhe për vetë sistemin EBC*L, ndërsa në materialin bashkëngjitur ju lutemi të gjeni informacionin e hollësishëm lidhur me rregullat, procedurën dhe mënyrën e organizimit të tij.

Liga e Kampionëve EBC*L 2010 do të zhvillohet në dy faza:
  • Faza e Konkursit Kombëtar do të zhvillohet më 14 Dhjetor 2010 në Tiranë.
  • Faza e Konkursit Ndërkombëtar do të jetë më 20-21 Janar 2010 në Vjenë.
Faza kombëtare në Shqipëri organizohet dhe bashkëfinancohet nga: PARSH - Përfaqësia Kombëtare për EBC*L, nën kujdesin e Ambasadës Austriake në Tiranë.

Janë të ftuar të marrin pjesë në këtë konkurs të veçantë ndërkombëtar Nxënës, Studentë dhe Individë sipërmarrës apo të punësuar nën 30 vjeç, që duan të provojnë njohuritë që kanë në fushën e sipermarrjes në tematikat specifike:
  • E Drejtë Biznesi
  • Kontabiliteti
  • Llogaritja e Kostos dhe e çmimit
  • Objektivat e Biznesit dhe Treguesit e Menaxhimit
  • Qëllimet, Metodat dhe Instrumentet për Hartimin e Planit të Biznesit

Pjesëmarrja dhe vlerësimi në Ligën e Kampionëve është më shumë se fitorja në një konkurs. Të gjithë pjesëmarrësit në vitet e mëparshme kanë vlerësuar se ky konkurs në vetvete, i organizuar në nivel kombëtar apo ndërkombëtar, është kthyer në një përvojë të jashtëzakonshme dhe të paharrueshme.
Për t'u kualifikuar për pjesëmarrje në konkursin kombëtar të interesuarit duhet të kryejnë më parë testin online dhe të arrijnë rezultate sa më të larta. Për të kryer testin mjafton të klikoni në adresën http://www.ebcl.eu/ChampionsLeague/Champions_League_al_2010/quiz.htm

Pjesëmarrja në konkursin kombëtar dhe ndërkombëtar është falas.
EBC*L - European Business Competence* Licence, është konfirmuar si një standard ndërkombëtar i edukimit mbi sipërmarrjen, e pranishme në 31 vende dhe e akredituar nga ekonomia ndërkombëtare. Ajo certifikon saktësisht njohuritë kyçe në biznes, që janë të nevojshme për menaxhimin apo pjesëmarrjen në biznes.Për pyetje dhe sqarime të mëtejshme vizitoni faqen e internetit www.ebcl.eu/ChampionsLeague ose kontaktoni me organizatorët në adresat office@parsh.org.al, info@parsh.org.al ose info@ebcl.al, ose në numrat e telefonit 04 2257477 dhe 2259494.
-----------------------------------------------------------
Sokol Avxhiu, M.A.
Head of Office
PARSH - Project: Adult Education in Albania
Rr. "Bogdani", P.7/5A
P.O.BOX 8153
Tirana, Albania
Phone: +355 4 225 74 77 - +355 4 225 94 94
Fax: +355 4 225 74 76
Email: savxhiu@parsh.org.al
Web: www.parsh.org.al

Volejboll – Femra: luhet java e 10-të e kampionatit. Minatori pushim, përfiton Barleti Volley

Partizani – Barleti Volley (0 - 3)
(25-10; 25-15; 25-13)

Barleti Volley është ngjitur në krye të renditjes në volejboll për femra, pas ndeshjeve të javës së 10-të të kampionatit kombëtar. Skuadra e trajnerit Tartari fitoi dje me lehtësi 3 -0 ndaj Partizanit në fushën e këtij të fundit dhe, duke përfituar nga fakti që Minatori dje ishte pushim, ka marrë frenat e renditjes. Barleti Volley nuk hasi shumë rezistencë në derbin me të kuqet, duke fituar me diferencë pikësh në të tri setet, një takim që zgjati vetëm 60 minuta. Partizani dje nuk ishte në një ditë të mirë, duke mos treguar vlerat e tij, ndaj një Barleti Volley shtatlartë dhe efikas në bllok.

Të zgjedhësh profesionin tënd - leksion i hapur me Z. Adrian Thano

Universiteti "Marin Barleti" për herë të parë këtë vit i ka dedikuar një zyrë të vecantë studentëve dhe ish-studentëve të tij . Një kapitull i vecantë i kësaj zyre i është kushtuar rubrikës " Të zgjedhësh profesionin tënd".
Pikërisht në kuadwr të bisedave "Cili do të jetë profesioni im?" të organizuara nga zyra Alumni dhe Zyra e Karrierës, në UMB, për herë të parë u ftua drejtori i gazetës Shekulli, Z. Adrian Thano.
Ky leksion i hapur për të gjithë, u zhvillua në formën e një bashkëbisedimi, shkëmbimi idesh, pyetje - përgjigje. Po aq interesante sa përgjigjet e një profesionisti ishin edhe pyetjet e studentëve. Ata kryesisht ishin të interesuar për informacion më të detajuar se si bëhet rekrutimi në një gazetë, cilat cilësi merren për baze, a ndikojnë notat e marra gjatë fakultetit në punësim, cilat janë kategoritë e punësimit në një gazetë etj.
Adrian Thano, një profesionist i vërtetë në fushën e tij, u paraqiti studentëve një panoramë të gjerë mbi rregullat e punësimit në gazetë, gjithashtu ai iu përgjigj pyetjeve të tipit : cilat janë strukturat e kontrollit të informacionit, nga ndryshojnë analistët gazetarë nga gazetarët e mirëfillëe, cfarë vendi zë gazeta Shekulli si gazetë kombëtare, cila është e ardhmja e gazetës.
Ai bëri gjithashtu një analizë të strukturimit standart të gazetave në Shqipëri, ku secila i kushton një hapesire të konsiderueshme aspektit politik. Te njwjtwn pwrmbajtje ka dhe gazeta Shekulli , të cilwn ai së shpejti ka në plan ta reformojë.
Reforma do të konsistojë në bazë të përgjigjeve të dy pyetjeve për informacionin ; Pse? dhe ëhat next?....
Keshtu shekulli sipas tij do te ndahet ne 3 zona te medha :
• sektori shkurt ( i cili do të zërë 10 % ) ku gjithshka do të thuhet shkurt
• sektori i thellë ( i cili do të zërë 25 % ) ku përfshin një subjekt i cili do të trajtohet gjeresisht
• sektori jetë ( i cili do të zërë 65 % ) në të cilin do të përfshihen subjekte të fushave të ndryshme të pavarura nga institucionet përkatëse.
Ai i kushtoi shumë rëndësi faktit që jo vetëm gazeta e tij, por të gjitha gazetat duhen ndryshuar, reformatuar jo vetem si pasojë e rënies së shitjeve, e mangësive të burimeve njerëzore por edhe për të pasqyruar një informacion të papolitizuar tek qytetarët

FIRDEUSI: Çelet instituti i parë kërkimor-shkencor në nivel universitar në Shqipëri

Çelet instituti i parë kërkimor-shkencor për studime perso-iraniane në nivel universitar në Shqipëri. Cermonia u zhvillua në Universitetin Marin Barleti. Instituti “FIRDEUSI”, është një nismë e përbashkët e Universtitetit “Marin Barleti” dhe Fondacionit kulturor “Saadi Shirazi”. Instituti ka marrë emrin “FIRDEUSI”, në nderim të mendimtarit, shkrimtarit dhe poetit të madh pers, Firdeusi, i cili njihet si themeluesi i studimeve perso-iraniane. Instituti do të nxisë studimet, duke pretenduar të përgatisë studiuesit e rinj për kulturën e Lindjes. Në ceremoninë e rastit përshëndetën ambasadori iranian Ali Amui, si dhe Përfaqësusesja e UNESCO-s për Shqipërinë Eni Juca.

Qëllimet e këtij institucioni të ri i prezantuan Administratorja e Universitetit “Marin Barleti”, znj. Adriana Berberi dhe drejtori i fondacionit “Saadi Shirazi” z. Shahrouz Falahatpisheh. Znj Berberi në fjalën e saj theksoi se Instituti “Firdeusi” synon njohjen e vlerave të qytetërimit perso-iranian në Shqipëri, studimin e kulturës, historisë dhe letërsisë si dhe studimin e lidhjeve midis dy kulturave; asaj persiane dhe shqiptare. Vizioni i Universitetit Marin Barleti është vizioni i një insitucioni, i cili ofron vlera të vërteta qytetarie, nënvizoi ajo. Nga ana e tij z. Falahatpisheh nënvizoi se "Shqiperia ka nje rol teper te rendesishem ne lidhjet kulturore, historike e artistike midis Lindjes dhe Perendimit. Gjithashtu Shqiperia ka nje potencial te madh per shkembimin kulturor midis qyteterimit persian dhe shqiptar, si edhe per shkembimet kulturore me popujt e tjere." Në fjalën e tij Prorektori akedemik i UMB, z. Dritan Zela theksoi se “ne duhet te demonstrojme përfitimet e diversitetit kulturor duke pranuar rëndësinë e shkëmbimeve të vazhdueshme midis kulturave dhe lidhjet midis tyre që ne agim të njerëzimit. Meqe kulturat përfshijnë jo vetëm artin dhe shkencat humane, por edhe stilin e jetes, mënyrat e ndryshme të jeteses, sistemet e vlerave, traditave dhe besimeve - mbrojtja dhe promovimi i diversitetit të tyre të pasur kerkon prej nesh qe te perballojme sfida te reja në nivele me te larta e me te kompleksuara ne nivel lokal, kombëtar dhe ndërkombëtar”.

Nga ana e saj, drejtoresha ekzekutive e Institutit FiredusI, znj Rediana Çuraj theksoi se “Në shumë vende të botës, si në Perëndim, ashtu edhe në Lindje, departamentet dhe institutet e studimeve perse dhe iraniane, zënë një rol të rëndësishem kërkimor në shumicën dërrmuese të universiteteve. Por në Shqiperi, me gjithë lidhjet e vjetra kulturore dhe gjuhësore midis dy vendeve, studimet perso-iraniane nuk kanë qënë të institucionalizuara nga ana akademike. Instituti “FIRDEUSI” ndërrmer hapin e parë në këtë drejtim, çel institutin e parë kërkimor-shkencor në nivel universitar në Shqipëri, duke synuar të nxisë studimet në sferën perso-iraniane”. Në ceremoni morën pjesë si të ftuar personalitete nga Akademia e Shkencave, universitetet e Tiranës, qendrat kërkimore e shkencore shqiptare e të huaja: akademikë, pedagogë, studiues, studentë etj. Instituti “FIRDEUSI" është një organizatë jofitmprurese, joqeveritare, joekonomike, veprimtaria kërkimore dhe shkencore e së cilës zhvillohet në mënyrë të pavarur dhe pa u ndikuar nga shteti, interesat politike e fetare.

Fjalimi i Administratores së Deleguar të Universitetit Marin Barleti në ceremoninë e hapjes së Institutit
Fjalimi i Drejtoreshës Ekzekutive të Institutit Firdeusi në ceremoninë e hapjes së Institutit
Fjalimi i Prorektorit për Çështjet Akademike të Universitetit Marin Barleti në ceremoninë e hapjes së Institutit

Eja të marrësh pjesë dhe të ballafaqohesh me Profesionistë të suksesshëm nga bota e punës dhe fusha që të tërheq.

Pyetje e madhe dhe me shumë mistere. Por mos u trondit sepse Ti nuk je i vetmi që i bën këtë pyetje vetes dhe mbi të gjitha Ti nuk je vetëm.
Eja të marrësh pjesë dhe të ballafaqohesh me Profesionistë të suksesshëm nga bota e punës dhe fusha që të tërheq.
Cikli vjetor i takimeve "çfarë Profesioni të Zgjedh?" është konceptuar pikërisht për ty: për t'u njohur me profesionet e ndryshme, me kompetencën dhe ekspertizën që kërkohet dhe me shumë çështje të tjera, njohja e të cilave do të të ndihmojë në një nga zgjedhjet më të rëndësishme të jetës tënde: Profesionin.

Jeni të Ftuar. Pjesëmarrja është e lirë ...
të hënën, 1 nëntor 2010, ora 12:00, salla A24.
Aktivitet i organizuar nga ZYRA ALUMNI & ZYRA E KARRIERES.

Ceremonia e hapjes së Institutit të studimeve perso-iraniane "Firdeusi"

Në datën 29 tetor 2010, në selinë e Universitetit Marin Barleti do të mbahet Ceremonia e hapjes së Institutit të studimeve Perso-iraniane "Firdeusi", nismë e përbashkët e Universtitetit "Marin Barleti" dhe Fondacionit Kulturor "Saadi Shirazi".

Në ceremoni do të jenë të pranishëm Shkëlqesia e tij, Ambasadori i Iranit në Shqipëri, Z. Ali Amoui, Sekretarja e pergjithshme e UNESCO-s në Shqipëri, Znj. Eni Juca, Drejtuesit e dy institucioneve që kanë themeluar Institutin "Firdeusi", si edhe shumë personalitete të ftuar nga Akademia e Shkencave, Universitetet e Tiranës, Qendrat kërkimore e shkencore shqiptare e të huaja, si dhe akademikë, pedagogë, studiues e studentë.

Ju ftojmë të na nderoni me pjesëmarrjen tuaj!
Datë: 29 Tetor 2010, ora: 11:00, Salla: A24, Universiteti Marin Barleti

Nis java e 6-të e kampionatit. Mirditoret triumfojnë në supersfidën e javës

Barleti Volley - Minatori (2-3)
(21-25; 25-19; 25-19; 21-25; 8-15)

Minatori ka fituar mbrëmë ndeshjen e hapjes së javës së 6-të të kampionatit kombëtar për femra në volejboll, duke mposhtur në "Asllan Rusi" 3-2 rivalen Barleti Volley në përballjen e dytë sezonale (e para u luajt në gjysmëfinalen e Kupës së Federatës). Dy prej skuadrave më të mira dhuruan një lojë të bukur, me rivalitet, spektakël dhe emocione, por në fund ajo që buzëqeshi ishte skuadra e trajnerit Gorenxa, e cila përveç fitores siguroi edhe vendin e parë në renditje. Gjithçka u vendos në setin final, aty ku ekipi mirditore fitoi me lehtësi 15 - 8, duke marrë 2 pikë, ndërsa Barleti Volley 1 dhe renditet e dyta. Ndeshja nisi mirë për mikeshat nga Rrësheni, që kanë epërsi në setin e parë, të cilin e fitojnë 21-25. Por Barleti Volley ndërron kurs në vijim, duke qenë më e saktë në fushë, blloku funksionon më mirë dhe arrin të fitojë 25 - 19 setin e dytë. Po me këto shifra, kryeqytetaset fitojnë edhe setin e tretë, duke përmbysur gjithçka në favorin e tyre. Por sNULLka mbaruar këtu, pasi loja bëhet edhe më interesante në setin e katërt, ku pas shumë barazimeve është Minatori që është më konkret në lojën e tij. Shkurti e Nezaj janë të sakta dhe mirditoret fitojnë sërish 21-25, duke barazuar 2-2 shifrat e seteve. Seti final është tërësisht i Minatorit, që shkëputet që në fillim, luan më mirë në mbrojtje dhe fiton 8-15 dhe krejt ndeshjen 2-3. Kjo është humbja e parë e Barleti Volley dhe fitorja e 5-të në kampionat për Minatorin, skuadra e vetme që nuk ka pësuar asnjë disfatë. Takimi mes dy ekipeve u afrua ditën e hënë me kërkesë të mirditoreve, që në mesjavë do të jenë në Budva për një turne miqësor, ndërkohë që ndeshjet e tjera të javës së 6-të të kampionatit të rrjetës për femra do të luhen sipas kalendarit, ditën e mërkurë.

Barleti Volley mposht Krutjen në transfertë.

Barleti Volley – Krutje (3 – 0)
(25-18; 25-18; 25-16)

Vajzat e Tartarit udhëtuan në Lushnjë për të luajtur ndeshjen e tyre të parë në transfertë, ndaj ekipit të Krutjes. Në setin e parë loja nisi me rivalitet midis dy ekipeve, por ky rivalitet nuk zgjati shumë, pasi vajzat e Barleti Volley u treguan më të sakta, duke sulmuar dhe duke u mbrojtur shumë mirë. Në setin e dytë Krutja kërkon të nisë ndryshe, shërben më mirë, përmirëson ndjeshëm lojën në mbrojtje, por e ka të pamundur të depërtojë në bllokun e lartë të Kelly Goc dhe Gentiana Kadriut. Seti i dytë mbyllet në shifrat e barabarta me të parin 25 - 18. Në setin e tretë, Krutja bën përpjekjen e fundit për të kthyer rezultatin në favor të vet, por nuk arrin të vazhdojë më shumë se deri në pikën e 15-të, pasi vajzat e Tartarit janë më të kujdesshme dhe më të sakta në veprimet e tyre dhe mbyllin setin e tretë 25 - 16 e komplet ndeshjen 3 - 0.

Profesori Luis Felipe Hax Niencheski viziton Universitetin Marin Barleti

Në datën 20 tetor 2010, Universitetin Marin Barleti e vizitoi Profesori Luis Felipe Hax Niencheski, i Fondacionit Universitar Federal të Rio Grandes (FURG) në Brazil. Profesor Niencheski është nga figurat e njohura botërisht për përvojën e tij shkencore në fushën e oqeanografisë, veçanërisht të oqeanografisë kimike. Ai është pjesëmarrës në një sërë forumesh dhe projektesh ndërkombëtare, si dhe ka një veprimtari mjaft të gjërë shkencore, me mbi 100 punime të publikuara në revistat më të njohura shkencore.

Në një nga auditoret e Universitetit “Marin Barleti”, në prani të studentëve dhe të pedagogëve, ai mbajti referatin me temë: “Zhvillimet dhe problematika e ekosistemeve detare dhe mundësitë e bashkëpunimit në këtë fushë midis Brazilit dhe Shqipërisë “. Nëpërmjet përvojës shkencore, por edhe asaj aplikative, sidomos në menaxhimin e aksidenteve apo problematikës mjedisore në brigjet e Lagunës Patos në Brazil, professor Niencheski tregoi domosdoshmërinë e angazhimit të universiteteve, si struktura pararendëse të zhvillimit shkencor, për përgatitjen dhe monitorimin e politikave të zhvillimit të qëndrueshëm në zonat bregdetare, por edhe më gjerë. Në takimet e zhvilluara me përfaqësuesit më të lartë të UMB u diskutua edhe për rrugët dhe mundësitë e bashkëpunimit të mëtejshëm midis dy universiteteve.

Barleti Volley kalon lehtësisht Korabin

BarletI Volley – Korabi (3 – 0)
(25-10; 25-15; 25-10)

Ekipi i Universitetit Marin Barleti u shfaq shumë i fortë në të gjitha aspektet e lojës ndaj Korabit, që për momentin renditet i fundit në Kampionatin Kombëtar të Volejbollit. Seti i parë nisi totalisht i dominuar nga vajzat e Barleti Volley. Korabi pati vështirësi në organizimin e aksioneve të sulmit, si pasojë e vështirësisë në pritjen e topit të parë. Seti i parë është edhe më i shkurtri i krejt takimit dhe fiksohet me shifrat 25-10. Në setin e dytë dhe të tretë, vajzat nga Peshkopia përpiqen të dalin deri diku në lojën e tyre, duke realizuar edhe ndonjë sulm apo mbrojtje të bukur, por gjithsesi nuk munden të përballin skuadrën e Barleti Volley. Të dy setet mbyllen në favor të Barleti Volley me rezultatet 25 - 15 dhe 25 - 10.

Luhet java e 7-të e Kampionatit Kombëtar të volejbollit. Barleti Volley bën detyrën ndaj Teutës dhe ndjek Minatorin me një pikë diferencë

Barleti Volley – Teuta (3 – 0)
(25-20; 25-21; 25-13)

Barleti Volley luajti të shtunën ndeshjen e javës së 7-të të Kampionatit Kombëtar kundër ekipit të Teutës. Seti i parë ka nisur deri diku i ekuilibruar, por vajzat e Barleti Volley bëjnë diferencën në pikët e fundit, duke kontrolluar lojën. Seti i dyte ka nisur me diktatin e vajzave Barletase, deri ne piken e 20-të dhe në këtë moment durrsaket bëjnë përpjekjet maksimale për të fituar setin, duke barazuar 21 - 21 por ndalen. Në setin e tretë vajzat e Teutës gabojnë më shumë dhe duken më pak agresive. Barleti Volley është e qartë dhe e saktë në veprimet e veta, ndaj fiton setin e tretë dhe ndeshjen me rezultatin 3-0.

Fjala hapese e dites se pare nga Prorektori i ceshtjeve akademike Prof. Dr. Dritan Zela

Të Nderuar Studentë të UMB-s:

Mirë se vini në Universitetin Marin Barleti! Unë jam shumë i gëzuar dhe i emocionuar t’ju mirëpres sot në këtë ditë të parë të universitetit për ju. Duke zgjedhur UMB-në ju keni zgjedhur një universitet që ofron një gamë të gjerë programesh studime Bachelor, të gjitha të akredituara nga Ministria e Arsimit dhe Shkencës, si edhe Master Shkencor, Profesional dhe Profesional-Ekzekutiv, resurse të ndryshme, mundësi për punë kërkimore, aktivitete sportive të niveleve të larta, si edhe një profesorat të talentuar për t’ju dhënë ju një përvojë arsimore me cilësi që është sa sfiduese aq edhe diverse dhe e dobishme. Programet tona të studimeve universitare të nivelit të parë dhe të dytë mbështeten tërësisht në kërkesat dhe rekomandimet e Kartës së Bolonjës duke synuar t’i japin studentit njohuri të mjaftueshme për t’u orientuar drejt dhe shpejt në tregun e punës, brenda dhe jashtë vendit, si edhe duke garantuar njohjen dhe transferimin e krediteve që do ti siguronte atij studimin dhe arsimimin në vazhdimësi. Dy kampuset tona, i dyti i sapo inaguruar me infrastrukturë dhe teknologji bashkëkohore, janë shtëpia e një komuniteti akademik pedagogësh dhe studentësh të cilët cojnë përpara njohuritë, kanë arritje intelektuale, bashkëpunojnë midis disiplinave, dhe adresojnë sfidat sociale përmes angazhimit me komunitetin.

Ne kemi një vizion të një lloji të ri institucioni akademik – një institucion që mund ti shërbejë kohërave dhe nevojave të vendit, që puna jonë në fushën e edukimit në biznes, ekonomi, shkencat humane, shkencat sociale dhe drejtësi të arrijë njerëzit në të gjithë vendin e më gjerë. UMB-ja ka një sfidë por po aq edhe një mundësi unike dhe një detyrim ndaj shoqërisë për të bërë një diferencë kritike duke krijuar risi, duke nxitur ekonominë dhe duke arsimuar cilësisht një plejadë njerëzish përgjatë gjithë spektrit të shoqërisë në fusha për të cilat vendi dhe tregu ka më shumë nevojë. Është besimi dhe sfida ime si i sapo ri-emigruar, si edhe e UMB-s, që ne duhet të krijojmë një armatë njerëzish me vizion, ideale, integritet dhe zotësi, që të mos lejojmë që antivlera të mundi vlerën! UMB është koshiente se edukimi është një mbrojtës më i mirë i lirisë se sa një ushtri, se edukimi është shpirti i shoqërisë që kalon nga një brez në tjetrin, është ai që synon të zëvendësojë një mendje boshe me një të hapur, të kthejë pasqyrat në dritare. Kjo është pikërisht edhe sfida jonë, të kontribuojmë që edukimi që ne japim të bëjë pikërisht këtë. Në adresimin e kësaj sfide, ne bazohemi në një vizion e angazhim ndaj ekselencës, inovacionit, integritetit, cilësisë, profesionalizmit, bashkëpunimit kombëtar e ndërkombëtar dhe shërbimit ndaj komunitetit.

Ne vazhdimisht përballemi me sfida - se si i shohim ato na përcakton ne! A zgjedhim ti shohim ato si shkallë për tu ngritur apo si pengesa? Ne në UMB zgjedhim për ti parë sfidat si shkallë në ngjitje, si oportunitete që ne kemi hasur gjatë rrugës, që janë për ne për ti përdorur, për të ecur mbi to, në mënyrë që ne të mund të arrijmë më shumë. Shkallët ngjitëse janë këtu në UMB. Rezultatet e para, reputacioni ynë e dëshmon këtë, etika e punës sonë, strukturimi unik i universitetit e konfirmon këtë, vizioni ynë e mbështet këtë.

Unë ju inkurajoj që të investigoni UMB-në në këto javë e muaj të parë. Unë jam i nderuar t’ju mirëpres në UMB dhe ju uroj gjithë të mirat për një përvojë universitare të frytshme dhe qëllim përmbushëse si edhe ju ftoj tNULLi bashkoheni angazhimit tonë për ta fituar këtë sfidë.

Prof. Dr. Dritan Zela
ProRektor për Çështjet Akademike

Tiranë, 11 tetor, 2010

Bardheblutë kampionë humbin 3-1 në fushën e tyre. Barleti Volley vetëm një pikë larg Minatorit.

Tirana – Barleti Volley (1-3)
(25-19; 18-25; 13-25; 19-25)

Barleti Volley ka fituar mbrëmë 3-1 në "Fahrie Hoti" ndaj Tiranës, në sfidën e javës së 9-të dhe të fundit të fazës së parë, duke qëndruar në vendin e dytë, një pikë pas Minatorit. Skuadra e trajnerit Tartari arrin të përmbysë avantazhin fillestar të kampioneve bardheblu, duke luajtur më mirë dhe duke merituar fitoren. Tirana tregoi një nivel të kënaqshëm në setin e parë, duke luajtur qetë dhe pa gabime. Barleti Volley luan pa forcën e duhur dhe kjo i jep mundësi ekipit bardheblu të fitojë 25-19. Por këtu duket se mbyllet takimi për Tiranën, që duket se nuk ekziston më në fushë, duke gabuar shumë. Por edhe Barleti Volley e ngre ndjeshëm lojën e saj, është më konkrete në sulm dhe mbron mirë. Seti i dytë është i ngjashëm me të parin, por në kah të kundërt. Barleti volle është superiore dhe fiton, epërsi të cilën e konfirmon edhe në setin e tretë, duke fituar me shifra edhe më të thella, 13 - 25. Tirana duket se nuk ka forcën e duhur për të reaguar, megjithë përpjekjet e trajnerit Gurabardhi për të ndryshuar lojë. Barleti Volley përfiton nga një Tiranë pa nerv, duke fituar 19 - 25 edhe setin e katërt dhe krejt ndeshjen 1 - 3, duke marrë tri pikë që e konsolidojnë në vendin e dytë. Për bardheblutë kjo është humbja e dytë në kampionat pas asaj me Minatorin, sërish në fushën e tyre, duke zbritur në vendin e tretë në renditje. Gjithsesi, skuadrat dhuruan një lojë me nivel të kënaqshëm, duke argëtuar shikuesit e shumtë të pranishëm, ndërkohë që të shtunën nis faza e dytë e kampionatit.

Studenti – Barleti Volley duel vetëm në setin e 3-të

Studenti –Barleti Volley (1-3)
(10-25; 14-25; 23-25; 10-25)

Ndeshja e radhës e ekipit Barleti ishte ndaj ekipit të Studentit. Kjo ndeshje u zhvillua në pallatin e sportit "A. Rusi". Gjatë ndeshjes, të dyja ekipet aktivizuan formacionet kryesore me disa zëvendësime nga ana e Barletit. Gjatë setit të parë dhe të dytë, Barleti Volley dikton lojën në çdo aspekt. Gjatë setit të 3-të, atëherë kur pritej mbyllja e ndeshjes, vajzat e Kreshnik Tartarit tregohen të pakujdesshme në pikët e fundit dhe Studenti përfiton duke fituar setin e 3-të. Në setin e 4-t Barleti kontrollon gjithçka dhe fiton këtë set e komplet ndeshjen me rezultatin 3 – 1.

Themelohet Instituti i Studimeve Perso-Iraniane "Firdeusi"

Ditën e mërkurë, më 6 tetor 2010, në vazhdën e zgjerimit dhe forcimit të marrëdhënieve kulturore midis dy vendeve, Shqipërisë dhe Iranit dhe në festimin e "Mijëvjeçarit të Shah-Name-së" shpallur nga UNESCO, u firmos Statuti i themelimit të Institutit të parë akademik kërkimor-shkencor i iranologjisë në Shqipëri.

Instituti i studimeve perso-iraniane "Firdeusi" është fryt i bashkëpunimit të hapur mes Universitetit "Marin Barleti" dhe Fondacionit Kulturor "Saadi Shirazi" dhe rezultat i përputhjes së vizionit të Universitetit Marin Barleti për ofrimin e një edukimi ndërdisiplinor në kuadër të bashkëpunimit ndërkombëtar si dhe të misionit të Fondacionit Saadi Shirazi për forcimin e lidhjeve kulturore midis Shqiperisë dhe Iranit.

Në ceremoninë e inagurimit të firmosjes së statutit ishin të pranishëm Administratorja e Deleguar e Universitetit "Marin Barleti", Znj. Adriana Berberi, Drejtori i Fondacionit Kulturor "Saadi Shirazi", Z. Shahrouz Falahatpisheh, si dhe shumë prej anëtarëve të Bordit Shkencor të Institutit.

Të gjithë të pranishmit shprehën kënaqësinë për hapjen e një Instituti studimor në nivel akademik dhe universitar, pasi për herë të parë në Shqipëri iranologjia do të jetë pjesë e diskutimeve në qarqet universitare.

Instituti ka si qëllim vazhdimesinë e studimeve perso-iraniane në Shqiperi, Ballkan e më gjerë, duke synuar që njohuritë tNULLu transmetohen brezave të rinj duke ju shërbyer formimit të tyre ndërkulturor, qytetar, historik dhe profesional e duke pretenduar të pregatisë gjenerata te reja të studiuesve iranologë në Shqipëri.

Barleti Volley e Tartarit kalon lehtësisht Partizanin

Barleti Volley – Partizani (3-0)
(25-20; 25-10; 25-16)

Barleti Volley-t i mjaftojnë vetëm 60 minuta lojë për të fituar ndeshjen e parë në kampionat. Skuadra e drejtuar nga Kreshnik Tartari mund lehtësisht Partizanin 3 – 0, në një sfidë që thuajse nuk pati fare rivalitet. Vetëm në setin e parë, vajzat e Partizanit përpiqen për të ndalur shkëputjen e Barletit, por nuk ia dalin dhe seti mbyllet 25 - 20. Seti i dytë flet tërësisht për vajzat e Barleti Volley. Skuadra e Barletit është agresive dhe e saktë në goditje. Seti i tretë është kopje e të dytit. Skuadra e drejtuar nga Tartari kontrollon gjithçka dhe fiton setin e tretë e komplet ndeshjen me rezultatin 3 - 0.

Bursë e plotë për Anisa Tupi dhe Gjergji Janko

Bazuar në politikat mbi tarifat dhe bursat, Komisioni i Vlerësimit të Tarifave dhe Bursave të Universitetit "Marin Barleti", me vendim Nr. 1, datë 09 08 2010 ka akorduar bursë të plotë për:

1. Anisa Tupe, e cila ka kryer shkollën e mesme të përgjithshme "Petro Nini Luarasi" Tiranë me mesataren 9.66 dhe me vlerësimin më të lartë për aktivizimin gjatë shkollës së mesme.

2. Gjergji Janko, i cili ka kryer shkollën e mesme të përgjithshme "Perla", Vlorë me mesatare 9.73 duke qenë për dy vjet edhe pjesëtar i skuadrës së basketbollit "FK Vlora".

Në Universitetin "Marin Barleti" u zhvillua Shkolla Ndërkombëtare e verës

U zhvillua me sukses midis datave 1 dhe 8 korrik 2010 Shkolla ndërkombëtare e verës. Dr. Reis Mulita, drejtues i programit te Shkolles se Veres, ne ceremonine e dorezimit te Certifikatave ne perfundim te shkolles theksoi:

“Synojme ta shndrrojme UMB ne promoter te zhvillimit te qendrueshem ne vend dhe ne rajon. Do te punojme qe Zhvillimi i Qendruehsem te jete artikulimi I cdo program politike e Qeverises ne nivel kombetar e vendor, pse jo edhe ne nivel rajonal. Shkolla e veres qe sapo perfundoi se bashku me nje cikel veprimtarsh gjate vitit akademik ne bashkepunim me aktore qeverises vendore dhe studente te programit master, jane konkretizim I ketij synimi. Ndersa hapja e nje programi te Masterit Shkencor te perbashket me Universitetin e Udines, do te konsolidoje nga ana akademike nismen e UMB per krijimin e nje “Aleance per Koalicion te Zhvillimit te Qendrueshem” ne dimensione pertej kufijve te vendit tone”.

Njezete e pese studente pjesemarres ne programin e Shkolles Nderkombetare te Veres, tashme ne pasurine e tyre intelektuale e shkencore kane 7 kredite akadmike ECCT, si edhe nje Certifikate te Perbashket te CEI dhe UMB. Cka eshte edhe me e rendesishme ata tashme kane perfituar njohuri shume te mira mbi zhvillimin e qendrueshem si edhe krijuan nje rrjet kolegesh dhe bashkepuneoresh pertej kufijve te Shqiperise, sa shkencor aq edhe vellazeror. Pothuajese te gjithe studentet pjesemarres ne program ishin shqiptare nga trojet jashte Shqiperise.
Shkolla nderkombetare e Veres ofroi nje risi ekstrakurrikulare ne veprimtarine akademike e shkencore, ne nivel kombetar. Modulet e programi te shkolles permbanin njohuri dhe eksperienca mbi Ekonomine dhe Shoqeine, Energjine dhe Mjedisin, ngrohjen globale dhe ndryshimet klimatik, si edhe legjislacioni nderkombetar dhe ai i EU per zhvillimin e qendrueshem.

Njohurite mbi keto module u percollen nga lektoret me kurrikul te pasur akademike e shkencore te ardhur nga Universitetet e Udines dhe Triestes, sikunder ishin Prof. Francesco Marangon, Ezio Benedetti dhe Stefania Troiano, eksperte eksponente te Bankes Boterore, Greta Minxhozi dhe Evis Sulku, Drejtoresha e UNDP ne Tirane Gulden Cosslett, eksperte te USAID David Smith ; si edhe akademike qeverises aktualisht anetare te kabinetit qeveritar, Dr. Taulant Bino dhe Prof. Dr. Tokli Thomai. Ishin edhe eksperte akademike te zhvillimeve rajoanle , Prof. Dr. Jonuz Abdullai Proff. Ass. Ylber Sela, etc.

Programi i shkolles se veres krijoi nje partneritet shume te natyrshem dhe te qendrueshem dhe rrjet per nisma t tjera te ardheshme bashkepunimi. Ky rrjet do te nis ne Adriatikun Verior ne Rajonin e „Friuli Venezi Giulia‘ te Italise nje model i vertete i zhvillimit te Qednrueshem duke mare udhe ne rajon. Natyrshem synojme qe Shqiperine dhe UMB ta vendosim ne qender te ketij rrjeti . Konferenca nderkombetare qe u zhvillua si pjese e programit te shkolles nen logon „ A mundet qe Shqiperia te shndrrohet ne model rajonal e zhvillimit te Qendruehsem“ i sherbeu me se miri ketij qellimi , duke edhe e lancuar nismen e Aleances per Zhvillim te Qendrueshem“
Shkolla nderkombater e Veres ishte nje hap i ndermjetem i konkretizimit te hapjes se programit master mbi zhvillimin e qendrueshem prane UMB. Ai eshte titulluar
“ Qeverisja dhe Zhvillimi i Qendrueshem”. Ajo cka eshte me e rendesishme ne kete pike konsiston ne faktin se Masteri I Shkencave ( 120 kredite), ne fjale do te jete I perbashket me Universitetin e Udines. Jo rastesisht lektoret e shkolles se vers ishin te ardhura nga dy universitete me shume emer te mire ne Itali, sikunder jane ato te Trieste dhe Udines. Eshte neneshkruar Marreveshja e Bashkepunimit midis dy Universiteteve, nderkohe qe modalitetet teknike mbeten te percaktohen ne vijim.

UMB, Konference nderkombetare: A mund te shnderrohet Shqiperia ne model rajonal te zhvillimit te qendrueshem?

Universiteti “Marin Barleti” zhvilloi ditën e martë, dt. 6 Korrik 2010 në mjediset e veta konferencën ndërkombëtare “A mund të shndërrohet Shqipëria në model rajonal të Zhvillimit të Qëndrueshëm?” Konferenca u organizua nga rrjeti i përbashkët universitar i nismës së Europës Qëndrore (C.E.I. University Network Joint Programme) dhe Universiteti "Marin Barleti", në kuadër të Shkollës së Verës.

Fjalën e hapjes në konferencë e mbajti Rektori i Universitetit “Marin Barleti”, Prof. Dr. Nikolla Dhamo.
Në sesionin e parë, nën moderimin e Dr. Reis Mulitës, në konferencë u mbajtën prezantime nga Znj. Gülden Türköz-Cosslett, Përfaqësuese Rezidente e Zyrës së UNDP-së në Tiranë, e cila foli mbi Sfidat globale për një shoqëri më të sigurt, më të shëndetshme, më të qëndrueshme. Në prezantimin e saj znj. Greta Minxhozi, drejtuese e zyrës vendore të Bankës Botërore, prezantoi Strategjinë e Bankës Botërore për zhvillimin e qëndrueshëm në Shqipëri. Ndërsa Ministri maqedonas i Ekonomisë, Dr. Fatmir Besimi prezantoi “Vendet e Evropës Juglindore përmes Zhvillimit të Qëndrueshëm, në rrugën drejt integrimit për në BE”. Në këtë sesion referoi gjithashtu edhe zv.ministri i Bujqësisë z. Tokli Thomai.

Sesioni i dytë i konferencës u moderua nga Dr. Lekë Sokoli, prorektor Universitetit “Marin Barleti”. Në këtë sesion bënë prezantimet e tyre, Prof. Francesco Marangon nga Universiteti i Udines, i cili solli përvojat europiane dhe italiane në politikat e Zhvillimit të Qëndrueshëm, Dr. Tulant Bino, zv. Ministër i Mjedisit, prezantoi politikat e Qeverisë shqiptare në këtë drejtim. David Smith nga USAID, foli mbi rëndësinë e qeverisjes vendore dhe decentralizimit në sigurimin e zhvillimit të qëndrueshëm. Një tjetër referues në këtë sesion ishte Sami BERHAMI, përfaqësues i Agjencisë Kosovare për Mbrojtjen e Mjedisit me prezantimin “Përdorimi pa kriter i burimeve natyrore – pasojat mbi popullatën. Rasti i Mitrovicës”. Gjithashtu referuan në këtë sesion Dr. Ylber SELA nga Universiteti i Tetovës, Prof. Ennio BENEDETTI i Universitetit të Triestes dhe Prof. Dr. Jonuz ABDULLAI.
Fjalën përmbyllëse në konferencë e mbajti Dr. Reis Mulita, koordinator i bashkëpunimit UMB-CEI.

Malvina Tema përfaqson Universitetin Marin Barleti në Prishtinë

Malvina Tema, pedagoge pranë Universitetit "Marin Barleti", ligjëroi në konferencën ndërkombëtare "Ballkani Perëndimor: Mundësi apo Sfidë për të ardhmen e Bashkimit Europian?". Kjo konferencë e organizuar nga dy Universitete të Kosovës si dhe nga Qendra e Kosovës për Politika Publike, u mbjat në Prishtinë në datat 26 dhe 27 Qershor 2010. Punimi i Malvina Temës ishte një nga 25 punimet e përzgjedhura në një konkurencë prej 108 punimesh të dorëzuara nga studiues të ndryshëm nga rajoni e më gjerë. Fjalën hyrëse të konferences e mbajti Ministri i Punëve të Jashtme të Kosovës, Skender Hyseni kurse ligjëruesit e tjerë të nderit ishin; Prof. James Pettifer nga Oxford University dhe UK Defence Academy (Britani), historian dhe autor i një sërë librash për Kosovën dhe Ballkanin, Dr. Finn Laursen nga Dalhousie University (Kanada), që në vitin 2009 ka fituar çmimin e studiuesit më të mirë të vitit për çështjet europiane nga Komisioni Europian, Dr. Konrad Clewing nga Sudost-Institut Regensburg (Gjermani), autor dhe ligjërues i njohur në fushën e integrimit europian dhe zhvillimeve në Ballkan, si dhe Dr. Paskal Milo, ish-Ministër i Jashtëm i Shqipërisë. Punimet shkencore pritet të publikohen ne Cambridge në një botim ndërkombëtar

20 vjet tranzicion: sa po ndihmon integrimi Europian përfundimin e kësaj faze dhe afrimin drejt demokracisë së konsoliduar?

Në datën 3 qershor 2010 në ambientet e Universitetit "Marin Barleti" u zhvillua konferenca me tematikë nga tranzicioni shqiptar, e organizuar nga Departamenti i Shkencave Politike:

20 vjet tranzicion: sa po ndihmon integrimi Europian përfundimin e kësaj faze dhe afrimin drejt demokracisë së konsoliduar?

20 years of democratic transition: is European integration helping Albania to pass this phase and approach democratic consolidation?

Konferenca u organizua nga Departamenti i Shkencave Politike te Universitetit Marin Barleti, me rastin e vizites se Prof. Bruce Haddock nga Universiteti i Kardifit per nje cikel lekionesh prane UMB-se, ne kuadrin e bashkepunimit institucional te filluar midis dy universiteteve.

Folesit ne konference perfshine:

1. Prof. Bruce Haddock (Cardiff University, UK)
2. Prof. Rexhep Meidani
3. Prof. Paskal Milo
4. Prof. Pellumb Xhufi
5. Prof. Assoc. Gjergj Sinani
6. Dr. Fatos Tarifa
7. Dr. Mirela Bogdani
8. Dr. Leke Sokoli
9. Afrim Krasniqi, MA
10. Lutfi Dervishi, MA
11. Dr. Reis Mulita
12. Gezim Tushi

Ne kete aktivitet u be prezantimi i Shkolles se Studimeve Europiane, qe ngrihet prane Universitetit Marin Barleti ne bashkepunim me Cardiff University (UK). SSE bazohet në modelet e shkollave analoge europiane, si të School of European Studies (EUROS) të Universitetit të Kardifit (UK), dhe Kolegjit të Bruge-it (Belgjike). Ajo synon të bëhet një qendër ekselence e studimeve ndërdisiplinare europiane, si në mësimdhënie ashtu dhe në kërkim shkencor, dhe pararendesja e këtij lloji në Shqipëri. Ngritja e saj reflekton nevojat që ka vendi për përgatitjen e studiuesve dhe ekspertëve të aftë në fushat e studimeve europiane si dhe në konteksin e prioritetit të Shqipërisë në proçeset integruese dhe përfshirjen në BE”

Shkolla do të përfshijë studime europiane të fokusuara në katër drejtime, të cilat do përbëjnë dhe katër departamentet kryesore të saj, si më poshtë:

1. Departamenti i Politikës dhe Marrëdhënieve Ndërkombëtare (Politics and IR).
2. Departamenti i së Drejtës Europiane dhe Ndërkombëtare (European and International Law).
3. Departamenti i Ekonomisë (Economics).
4. Departamenti i Historisë, Studimeve Kulturore dhe Gjuhëve (History, Cultural Studies & Languages).

SSE do të ofrojë fillimisht studime pasuniversitare, përkatësisht Master i Shkencave në Studime Europiane (MSc - 2 vjecar) në drejtimet e mëposhtme:

1. “Marrëdhënie Ndërkombëtare dhe Diplomaci”
2. “Politikat Europiane dhe Administrimi Publik”
3. “Studime Ekonomike Europiane”
4. “E Drejta Europiane”

Në të ardhmen e afërt SSE do të ofrojë nivele dhe forma të tjera të studimit.

Në strukturimin dhe zhvillimin e SSE do të bashkëpunohet ngushtë me Universitetin e Kardifit me të cilin Universiteti ˝Marin Barleti˝ ka vendosur një marrëdhënie institucionale bashkëpunimi duke firmosur një Memorandum Mirëkuptimi më 5 maj 2010. Do të bashkëpunohet përkatësisht me: School of European Studies (EUROS) për Departamentin e Politikës dhe Marrëdhënieve Ndërkombëtare, si dhe për Departamentin e Historisë, Studimeve Kulturore dhe Gjuhëve; me Cardiff Law School për Departamentin e së Drejtës Europiane dhe Ndërkombëtare; dhe me Business School për Departamentin e Ekonomisë.

Konferenca Ndërkombëtare: (Skënderbeu: historia dhe imazhi)

Duke marrë shkas nga debatet e shkaktuara kohët e fundit rreth figurës së Skënderbeut, nxitur nga disa teza të historianëve e studiuesve të ndryshëm, si dhe nga fakti që viti 2010 përkon me 605 vjetorin e lindjes së Heroit tonë kombëtar Gjergj Kastrioti Skëndërbeu, dy institucione të rëndësishme si Universiteti "Marin Barleti" dhe Qendra e Studimeve Albanologjike organizuan Konferencën Ndërkombëtare:"Skënderbeu: historia dhe imazhi". Kjo konferencë ndërkombëtare, erdhi në vëmendjen e publikut shqiptar ditën e premte me datë 28 Maj 2010.

Konferenca u hap me fjalën e Rektorit të Universitetit "Marin Barleti" Prof. Dr. Nikolla Dhamo dhe Drejtorit të Qendrës së Studimeve Albanologjike Prof. Dr. Ardian Marashi. Fjalën e nderit në konferencë e mbajti Presidenti i Republikës Prof.Dr. Bamir Topi.

Thirrja e kësaj konference me bazë akademike, mbi një figurë emblematike si Skenderbeu, është një shërbim i vyer për historine tonë dhe më gjerë. Duke ruajtur parametrat e hulumtimit akademik, organizatorët kishin në panelet e diskutimit albanolegët dhe studiuesit më në zë, shqiptare dhe te huaj të cilët analizuan çështje të rëndësishme që lidhen me rolin e Skënderbeut në historinë shqiptare dhe atë europiane, duke ofruar qasje dhe ndriçime të reja rreth personalitetit dhe veprës së Heroit, si dhe epokës së tij. Më tej paraqitën kumtesat: Prof. Dr. Selim Daci nga Universiteti i Prishtinës, Kosovë; Dr. Lucia Nadin, Itali; Prof. As. Dr. Muhamet Mala nga Universiteti i Prishtinës, Kosovë; Prof. Dr. Pëllumb Xhufi; Prof. Dr. Ferit Duka; Dr. Zamira çavo nga Universiteti "Marin Barleti"; Prof. Dr. Luan Malltezi, Drejtor i Muzeut Historik Kombëtar; Dr. Lekë Sokoli nga Universiteti "Marin Barleti"; Prof. Italo Fortino nga Universiteti "L’Orientale" i Napolit, Itali; Phd Reis Mulita, Universiteti "Marin Barleti"etj.

Përpjekje të tilla janë tepër të rëndësishme jo vetëm nga pikëpamja akademike por kanë një vlerë reale duke përçuar mesazhe të rëndësishme kulturore, politike e sociale.

Studentë dhe pedagogë të UMB-së dhurojnë gjak

Universiteti "Marin Barleti" hapi dyert ditën e enjte, dt. 20 maj 2010 për të organizuar së bashku me Kryqin e Kuq Shqiptar ditën e dhurimit të gjakut. Nevoja e madhe dhe mungesa kritike e gjakut në spitalet tona e bën akoma më të rtëndësishëm aktin e dhurimit të gjakut, ndaj studentë dhe pedagogë të Universitetit u treguan të gatshëm të dhurojnë. Një mini-ambulancë e posaçme u instalua në hollin qëndror të Universitetit "Marin Barleti" dhe për disa orë, 23 studentë dhe pedagogë treguan vullnetin e mirë dhe dhuruan gjak.

çfarë duhet të dini përpara dhurimit të gjakut?

* Dhurimi i gjakut nuk dëmton shëndetin
* Dhurimi i gjakut nuk krijon varësi
* Dhurimi i gjakut është një rast për të kontrolluar shëndetin
* Analizat e gjëndjes suaj shëndetësore janë konfidenciale
* Procesi i dhurimit zgjat disa minuta
* Ai kryhet në kushte sterile dhe gjilpërat janë me një përdorim

çfarë duhet të dini pas dhurimit të gjakut?

* Qëndrohet qetë për rreth 20 minuta duke marrë lëngje frutash, kafe, etj
* Nuk pihet as alkool e as duhan
* Evitohet ngarja e makinës për rreth 2-3 orë
* Evitohen sforcimet fizike për rreth 2-3 orë
* Shumë njerëz shprehen që ndihen më mirë pas dhurimit të gjakut
* Volumi i gjakut të dhuruar zëvendësohet brenda 24 orëve

Prezantimi i programit YES prane Universitetit Marin Barleti

Ambasada e Shteteve te Bashkuara te Amerikes dhe Keshillat Amerikane per Arsimin Nderkombetar ne Tirane organizojne ne Daten 19 Maj 2010, Ora 17.00, Salla A 24 ne kampusin e Universitetit Marin Barleti, nje takim prezantues me nxenesit fitues te Programit YES (Youth Exchange and Study Program) ne Shqiperi dhe prinderit e tyre. Programi YES eshte nje program inovativ shkembimi kulturor per shkollat e mesme, i sponsorizuar nga Byroja e Ceshtjeve Akademike dhe Kulturore e Departamentit te Shtetit Amerikan. Kjo inciative e natyres se diplomacise publike nderton ura nderkombetare mirekuptimi midis popullit amerikan dhe popujve te tjere. Gjate aktivitetit te lartpermendur Universiteti Marin Barleti do te beje nje prezantim te shkurter mbi perparesite qe ai ofron ne fushen akademike dhe shoqerore, ne gamen e gjere te universiteteve jopublike ne Shqiperi. Pjesemarrja juaj eshte e mirepritur!

Studentë të Universitetit Marin Barletit vizitojnë gjykatën e Strasburgut

Vizita në Strasburg e studentëve të UMB Pas suksesit të vizitës së një viti më parë, me mbështetjen e drejtuesve të UMB, një grup prej 3 studentësh të Fakultetit Juridik dhe Fakultetit të Shkencave Politike të këtij universiteti zhvilluan një vizitë studimore për tNULLu njohur nga afër me punën e Gjykatës Europiane për të Drejtat e Njeriut, në Strasburg. Të mërkurën në datën 28 prill 2010, para fillimit të seancës gjyqësore, grupit iu bë një prezantim i shkurtër nga ana e pedagogut që i shoqëronte, Z. Erjon Muharremaj, në lidhje me vepromtarinë e Këshillit të Europës, si një nga organizatat më të rëndësishme për sa i përket mbrojtjes së të drejtave të njeriut. Më pas, studentët ndoqën me shumë vëmendje çështjen gjyqësore Paksas kundër Lituanisë, të gjykuar nga Dhoma e Madhe e Gjykatës Europiane për të Drejtat e Njeriut. çështja kishte ngjallur shumë interes edhe në media, të cilat ishin të pranishme jashtë gjykatës. Ajo kishte të bënte me pretendimin e ish-presidentit lituanez Z. Paksas, se gjykatat lituaneze, duke e ndaluar të kandidonte përsëri për postin e presidentit, kishin shkelur nenin 3, të Protokollit 2 të Konventës. Pas përfundimit të seancës gjyqësore, studentët u takuan me Z. Ylli Peco referentin e gjyqtarit shqiptar në Gjykatën Europiane për të Drejtat e Njeriut, z. Ledi Bianku. Z. Peco u foli studentëve mbi mënyrën e funksionimit të Gjykatës dhe procedurat që duhen ndjekur nga shtetasit që pretendojnë se u janë shkelur të drejtat e tyre. Studentët bënë shumë pyetje në lidhje me ato që shpjegoi Z. Peco, si edhe në lidhje me problematikën e çështjeve të paraqitura kundër Shqipërisë. Pasditen e të mërkurës u organizua një vizitë nëpër qytet, ku më mbresëlënëse ishte vizita në Katedralen madhështore të Strasburgut. Eksperienca e një vizite të tillë dhe prezenca në sallën e gjyqit gjatë zhvillimit të gjykimit u vlerësua si shumë me rëndësi dhe mjaft mbresëlënëse nga studentët, të cilët ndoqën nga afër atë të cilën ata janë mësuar tNULLa dëgjojnë e lexojnë shpesh në media. Vizita në Strasburg u vlerësua shumë nga studentët, të cilët shprehën edhe mirënjohjen për mundësinë e krijuar nga drejtuesit e universitetit "Marin Barleti" Në përbërjë të grupit ishin studentët: 1. Olta Rajku 2. Diantina Zuna 3. Erjon Bastari Studentë të "Marin Barletit" vizitojnë gjykatën e Strasburgut

Vepra e Prof. Sevet Pëllumbit prezantohet në UMB

Të shtunën e 24 prillit pjesmarrës të shumtë festuan ditën botërore të librit në ambientet e Universitetit "Marin Barleti". Studjues, publicistë, gazetarë, botues dhe miq të librit u mblodhën për të shënuar këtë ditë të rëndësishme. Gjatë aktivitetit u prezantua kolana e librave të prof. Servet Pëllumbi, politikan e politolog, drejtor akademik i Institutit të Sociologjisë (10 libra të periudhës 2000-2010). Fjalori i Sociologjisë, vëpër e përpiluar nga Ali Pajaziti gjithashtu u prezantua gjatë aktivitetit të së shtunës. Ky fjalor është një vepër e re dhe e rëndësishme për studentët e shkencave politike, studjuesit dhe autorët. Gjatë këtij aktiviteti u organizua edhe një tryezë debati mbi mendimin filozofiko-sociologjik të shprehur sidomos në botimin e fundit "Filozofia e aktualitetit" të prof. Servet Pëllumbit. Prof. Prof. Pëllumbi zhvilloi një bisedë të gjatë me pjesëmarrës dhe gazetarë, ku shprehu opinionet e tij në lidhje me një sërë problemesh sociale dhe zhvillimet e fundit të politikës shqiptare Organizatoret e "Javës së Librit" në UMB kane kenaqesine tNULLju njoftojne se deri ne keto momente ne Hollin e pritjes te Universitetit tone gjenden: 350 Libra te rinj, qe pasurojne fondet e Universitetit Marin Barleti 49 Autore te ndryshem, midis te cileve, pedagoget dhe stafi aktual i UMB-se 95 Tituj qe perfshijne te gjitha fushat e studimit dhe te interesave kulturore 37 Dhurues, dashamires te librit e te Bibliotekes sone

Në Universitetin Marin Barleti nis (Java e Librit 2010)

Në ambientet e Universitetit "Marin Barleti" qëndron tashmë i hapur "Salloni i Librit" ku të gjithë autorët, botuesit dhe miqtë e librit janë të ftuar të sjellin dhe promovojnë librat e tyre, apo libra që i konsiderojnë të rëndësishëm. "Salloni i Librit" qëndron i hapur nga ora 08:30 deri në orën 16:00 çdo ditë. Biseda me studentët dhe të interesuarit e tjerë, shëmbime librash si dhe debate mbi rëndësinë e librit sot dhe të ardhmen e tij janë tema të bisedave që po organizohen në këtë sallon gjatë kësaj jave. "Java e Librit" e organizuar nga Instituti i Socilogjisë dhe Universiteti "Marin Barleti" do të mbyllet me aktivitetin e ditës së Shtunë, (dt. 24 prill 2010 ora 10:00 - 13:00) kur do të prezantohet seria e librave të prof. Servet Pëllumbi, drejtor akademik i Institutit të Sociologjisë (10 libra të periudhës 2000-2010). Gjatë këtij aktiviteti do të organizohet edhe një tryezë debati mbi mendimin filozofiko-sociologjik të shprehur në dy botimet e fundit "Globalistika - refleksione filozofike për një epokë" dhe "Filozofia e aktualitetit" të prof. Servet Pëllumbit. Tjetër ngjarje e rëndësishme e së shtunës është prezantimi i veprës "Fjalori i Sociologjisë", i dr. Ali Pajazitit, UEJL të Tetovës,e para vepër e këtij lloji dhe përmase në gjuhën shqipe. Gjatë aktivitetit do të kryehet edhe nënshkrimi i marrëveshjes institucionale midis Universitetit "Marin Barleti" dhe Institutit të Sociologjisë. Në fund të aktivitetit një koktejl do të mbahet për të gjithë të pranishmit.

Universiteti Marin Barleti dhe Capital Normal University, Pekin nënshkruajnë marrëveshjen e bashkëpunimit

Tiranë, 14 Prill 2010 - Një delegacion i lartë i Universitetit "Capital Normal University" të Pekinit (http://eng.cnu.edu.cn/) vizitoi këtë javë Universitetin "Marin Barleti" në Tiranë për të nënshkruar një marrëveshje bashkëpunimi mes dy universiteteve. Delegacioni kinez përbëhej nga Presidenti Ekzekutiv i CNU Zoti Gong Huili, Znj. Liu Xiaotian, rektore e edukimit ndërkombëtar, Z. Li Youzeng, drejtor i qendrës së trajnimit të pedagogëve në Pekin dhe Han Mei , prorektore e përgjithëshme e Capital Normal University. Marrëveshja e bashkëpunimit midis Universitetit "Marin Barleti" dhe "Capital Normal University" parashikon shkëmbimin e lektorëve, shkëmbimin e studentëve për qëndrime aftatshkurtra dhe afatgjatë, kërkime shkencore të përbashkëta dhe konferenca dypalëshe. Gjatë qëndrimit në Shqipëri përfaqësuesit e CNU u takuan me Rektorin e UMB-së, z. Nikolla Dhamo, shefat e departamenteve të Shkencave Politike dhe të Drejtësisë, Dr. Mirela Bogdani dhe Z. Ilir Panda, Shefin e departamentit të Komunikimit Prof. Gëzim Hado, admnistratoren e deleguar të UMB-së, znj. Adriana Berberi si dhe prorektorët e ç ështjeve studentore dhe akademike zotërinjtë Lekë Sokoli dhe Dritan Zela. Pas këtij takimi u firmos edhe Memorandumi i bashkëpunimit. Përfaqësuesit e Capital Normal University u takuan edhe me anëtarë të Bordit të UMB-së, znj. Ermelinda Meksi, Prof. Luan Omarin, Prof. Rexhep Meidanin dhe z. Fatos Beja.

Rektori i UMB-së ftohet në samitin e Oksfordit

Më 14 – 17 mars 2010, rektori i UMB-së u ftua të marë pjesë në Samitin e Liderve që mbahet në Oksford të Mbretërisë së Bashkuar në çdo fillim pranvere. Samiti i Oksfordit është ngjarja më e rëndësishme e vitit për Klubin e Rektorëve të Europës, në të cilin bën pjesë edhe rektori i UMB-së. Krahas zgjedhjeve të reja për Asamblenë e Përgjithshme të Klubit të Rektorëve të Europës dhe votimit për disa ndryshime në Statutin e Klubit, Samiti i rradhës iu kushtua këtyre çështjeve:

Partneriteti me Lindjen – perspektiva të reja ekonomike në marrëdhëniet midis EU dhe fqinjëve të saj lindorë - tryezë e thirrur nga Asambleja Europiane e Biznesit - EBA

Kooperimi përmes programeve të shkëmbimit dhe organizimi i integrimit në hapësirën e arsimit të lartë - tryezë e thirrur nga Klubi i Rektorëve të Europës – CRE

Arsimi i lartë në Mbretërinë e Bashkuar - sistemi britanik si një ndër më të mirët në botë dhe know-how akademik në këtë sistem arsimor - tryezë e thirrur nga Klubi i Rektorëve të Europës – CRE

Gjatë Samitit, rektori i UMB-së pati takime pune me rektorët e disa universiteteve europiane, me të cilët u ra dakord për forcimin e bashkëpunimit institucional dhe veçanërisht për shtrirjen e këtij bashkëpunimi në fushën e pjesëmarrjes dhe bashkë-organizimit të konferencave shkencore dhe në atë të botimeve të punimeve të stafeve akademike në revista shkencore dhe buletine të universiteteve me synim mbështetjen e kërkimit shkencor dhe hulumtimit.

Mbledhja e fundit e Bordit të UMB-së

Më datë 12 mars, 2010 u zhvillua mbledhja e Bordit të Universitetit “Marin Barleti”, e cila kishte në rend dite shqyrtimin dhe diskutimin e Buxhetit për vitin akademik 2009-2010.

Fillimisht Bordi u njoh me projektin e ri arkitekturor, “Rikonstruksion dhe shtesë kati në kompleksin e Shkollës së Masterit të UMB“, i cili po zbatohet në kuadër të zgjerimit të Universitetit “Marin Barleti” edhe me nivelin pasuniversitar të studimeve.

Bordi u njoh edhe me dy bashkëpunimet që UMB ka arritur së fundmi me dy universitete të huaja, një anglez dhe një amerikan, përkatësisht Universitetin e Cardiff-it dhe atë të Clemson-it.

Në vijim të prezantimit të buxhetit, u dhanë mjaft sugjerime dhe propozime, për mënyrën e shpërndarjes së fondeve në dispozicion, propozime që duhen mbajtur parasysh në hartimin e planit të ri të buxhetit për vitin akademik 2010-2011.

Një vemendje e vecantë në këtë mbledhje, iu kushtua studimeve pasuniversitare. Anëtarët e Bordit, në kuadër të këtyre studimeve, kërkuan hartimin e një plani të detajuar për zhvillimin e studimeve master, sipas parashikimeve të pritshme. U kërkua, po ashtu, që objektivi afatgjatë i tyre të jetë në përputhje me nivelin e studimëve universitare, që ofron universiteti Marin Barleti, sipas kartës së Bolonjës.

Mbledhja e Bordit u mbyll me miratimin e buxhetit për vitin 2010.

Vajzat e Universitetit Marin Barleti për herë të dytë rradhazi shpallen fituese të Kupës së Shqipërisë në volejboll për femra.

21 shkurt 2010 - Vajzat e Universitetit Marin Barleti për herë të dytë rradhazi shpallen fituese të Kupës së Shqipërisë në volejboll për femra.

Bashkia Vore dhe Universitetit "Marin Barleti" organizoje konferencen rajonale "Sfidat e Decentralizimit dhe Autonomia e Qeverrisjes Vendore ne Rrugen e Integrimit per ne BE"

13 shkurt 2010 - Bashkia Vore dhe Universitetit "Marin Barleti" organizoje konferencen rajonale "Sfidat e Decentralizimit dhe Autonomia e Qeverrisjes Vendore ne Rrugen e Integrimit per ne BE"

Sfidat e Decentralizimit dhe Autonomia e Qeverrisjes Vendore ne Rrugen e Integrimit per ne BE

Ne dt 12/02/2010 , ne sallen e Konferencave te Hotel Kontinental, ne Vore u zhvillua Konferenca “ Sfidat e Decentralizimit dhe Autonomia e Qeverisjes Vendore ne Rrugen e Integrimit per ne BE” veprimtari e perbashket e Universitetit Marin Barleti dhe Bashkise, Vore te Qarkut te Tiranes.

Veprimtaria ishte vazhdim i programit studimor-kerkimor, te programit Master ne lenden “ Qeverisja Vendore dhe Procesi i Decentralizimit” si edhe dhe Shkencave Politike, viti i Trete, ne lendet “Partite Politike dhe Sjelljet Elektorale”, i konceptuar dhe programuar si bashkepunim me administraten( faza e pare e te cilit u realizua ne muajin Dhjetor me Bashkite e Vores dhe Durresit) dhe te zgjedhurit e Komunitetit te Bashkise se Vores.

Ne Konference moren pjese perfaqesuesit me te larte te zgjedhur dhe te adminitrates se Bashkise se Vores, Kryetari i Bashkise, Kryetari i Keshillit Bashkiak, Sekretari i Keshillit Bashkiak, si edhe gjithe Kryetaret e Komuniteteve te njesive Administrative e Territoriale, te kesaj Bashkie.

Nga Universiteti “Marin Barleti” moren pjese Dr. Reis Mulita, bashkeorganizator i veprimtarise njeherazi pedagog i lendeve te programit akademik, si edhe pedagoget Gezim Tushe,Koordinatori i Uiversitetit per Marrdheniet me Komunitetin dhe Pedagogu Erion Kristo,Koordinator i Marrdhenieve me Studentet. Ishin edhe studentet e programit Master ne Administrim Publik.

Konferenca u bashkedrejtua nga Kryetari i Bashkise Zt. Fiqiri Ismaili dhe Dr.Reis Mulita, pedagog i UMB.

Ne fjalen pershendetese Zt. Fiqiri Ismaili, Kryetar i Bashkise se Vores, duke nenvizuar rendesine e Konferences iu drejtua te preanishmeve duke thene se “ Jemi shume te kenaqur qe bashkepujnojme me nje nga Universitetet me Prestigjioze ne vend, me Universitetin Marin Barleti”

Ne vijim te pershendetjes se Kryetari te Bashkise, studentja e Programit Master, Sonila Tatili, njeherazi Pedagoge ne Universitetitn “A.Xhuvani”, ne Elbasan pershendeti komunitetin dhe drtejtuesit e Bashkise se Vores .

Punimet e Konferences u perqedruan ne 4 (kater) presentime, te perfaqesuesve te Bashkise dhe Universitetit.

Ne prezantimin mbi “modelet bashkekohore te zhvillimt te qendrueshem pergjate zonave intensive urbane” Dr. Reis Mulita, pedagog prane Universitetin Marin Barleti, midis te tjerash rekomandoi nisma te mundeshme qe kontribuojne ne ruajtjen e ambjentit, energjine e paster, ritjen e sigurise se qarkullimit rrugor, sigurise publike, reduktimin e informalitetit ne pune, si edhe forma te tjera nepermjet partneritetit me aktore te ndryshem te komunitetitit dhe qeverisjes qendrore.etj.

Dr.Mulita ne prezantim nenvizoi gjithashru se: -Lidhja e veprimtarise akademike me kerkimin shkencor ne realitetin social, ekonomik, dhe ambjentin gjeografik ne zonen pergjate Tiranes dhe Durresit dhe gjithe vendit do te reflektohen ne te tjera veprimtari te programuara ne prioritetet akademike e shkencore te UMB, dhe se nepermjet formave te ttilla te punes studimore e kerkimore , do te jete nje konsulent dhe rekomadues i dijeve dhe ekperiencave me te perparuara bashkekohore prane instirucioneve dhe komunitetve te te gjithe vendit,si ne neivelqendror edhe ne nivel vendor.

Pedagoget Tushe dhe Kristo, me pershendetjete tyre ngjallen mbresa te vecanta tek te pranishmit, perfaqesues te komunitetit te Vores.

Promovimi i botimit të Prof. Rexhep Meidanit

Ditën e shtunë, dt.30 janar 2010 ora 12.00, në ambjentet e Universitetit "Marin Barleti" u promovua botimi më i fundit i Prof. Rexhep Meidanit "Mbi Qeverisjen-Pjesa I". Promovimi u be ne formen e nje leksioni të hapur me studentët e programit të studimeve master në "E Drejtë Publike". Vec studentëve dhe stafit të brendshëm akademik e anëtarët e jashtëm të këshillave akademikë, ishin të pranishëm dhe shumë figura të njohura të fushës si edhe përfaqësues të medias.

UMB organizon prezantimin e librit (Mbi qeverisjen) nga ish Presidenti Rexhep Mejdani

Të shtunën e 30 janarit në orën 12:00 ish Presidenti Rexhep Meidani prezantoi për studentë të programit Master të Universitetit Marin Barleti librin e tij të ri, "Mbi Qeverisjen". Të pranishem ne kete leksion te bazuar mbi ato qe ish kreu i republikes ka dashur te transmetojë me anë të këtij libri. Të pranishëm ishin edhe pedagogë të tjere të Universitetit, mediat dhe njerez nga shoqeria Civile.

Ky eshte vellimi i pare i librit Mbi qeversjen, pjesa e dyte do te vije me vone per lexuesit nepermjet entit Botues "Marin Barleti Press". Promovimi i këtij libri te ri mbi sistemet qeverisëse u zhvilluat në formën e një forumi gjatë të cilit Profesor Mejdani dha mendimet e tij ne lidhje me ceshtje te ndryshme te aktualitetit politik dhe qeverises ne vend.

Më poshtë një ekstrakt nga parathënia e "Mbi qeverisjen":

Në librin Mbi qeverisjen (pjesa e parë) trajtohen çështje themelore të sistemit politik, të shpërndarjes së fuqisë në kuadër të dy parimeve bazë të qeverisjes demokratike: parimit të ndarjes së pushteteve dhe atij të kontroll-balancimit, shumë shpesh edhe brenda një skeme krahasuese me rastin shqiptar. Me peshë në procesin qeverisës është dhe roli i partive politike. Një vend parësor në ushtrimin e fuqisë ka "mekanika qeverisëse", ku vetë procesi demokratik i kufizimit apo kontrollit të pushtetit ekzekutiv përbën thelbin e një qeverisjeje të mirë dhe të drejtë. Po aq e rëndësishme në kuadër të qeverisjes kombëtare dhe ndërkombëtare është dhe çështja e sigurisë, sidomos e parë ajo si një siguri njerëzore. Me të lidhen dhe aspekte konkrete ekonomike e sociale të qeverisjes. Nuk mbeten prapa administrimi ekonomik-financiar, vetëqeverisja ekonomike, me të cilët lidhen me një mënyrë apo tjetrën rritja e qëndrueshme, lufta kundër korrupsionit, fuqizimi i lirisë ekonomike etj. Po aq të lidhura me cilësinë e qeverisjes janë problemet e garantimit, respektimit dhe mbrojtjes së lirive dhe të drejtave të njeriut dhe, në këtë kuadër, materializimi konkret i barazisë gjinore në të gjitha aspektet e qeverisjes. Një rol domethënës në procesin qeverisës ka dhe ai që lidhet me veprimtarinë publike, me parimet bazë të saj, ku një zë më vete marrin dhe pjesëmarrja, toleranca e dialogu. Sidomos ky është edhe më i domosdoshëm në qeverisjen vendore. Në procesin qeverisës, nuk mund të lihet jashtë vëmendjes edhe ndërvarësia në rritje përkundrejt sovranitetit.

Studentët e UMB-së nën kujdesin e pedagogëve Salaj dhe Kristo formuan redaksinë e gazëtës studentore të UMB-së
16 dhjetor 2009 - Studentët e UMB-së nën kujdesin e pedagogëve Salaj dhe Kristo formuan redaksinë e gazëtës studentore të UMB-së

Universiteti Marin Barleti organizon një forum në 10 vjetorin e Kushtetutës
"Kushtetuta e 1998, është dhe mbetet një kushtetutë shumë e mirë, për shkak të kontributeve të shquara profesionale, procedurës së ndjekur, por problemi më i madh lidhet me zbatimin e saj. Nuk është kushtetuta që ka formësuar politikën, por politika e ka riformësuar kushtetutën nëpërmjet shmangieve dhe modifikimeve të normave të saj"- ky ishte përfundimi i shumë prej folësve të nivelit të shquar të Forumit 10 vjet kushtetutë, bilanc dhe perspektivë. Forumi u organizua nga Universiteti Marin Barleti me rastin e dhjetëvjetorit të hyrjes në fuqi të së parës kushtetutë demokratike në Shqipëri 10 vjet më parë në 28 nëntor 1998 hyri në fuqi e para kushtetutë demokratike e Shqipërisë. Ajo mbylli përpjekjet e nisura që nga fillimi i tranzicionit dhe gjithë procesin e reformimit kushtetues në Europën Lindore në kuptimin se ishte kushtetuta e fundit e miratuar sipas standarteve demokratike. Dhjetë vjet më pas kishte ardhur koha të bëhet një bilanc i saj.

Cilat kanë qenë normat që kanë treguar qëndrueshmëri; cili ka qenë kontributi i saj në formësimin institucional të Republikës, thelbi i ndryshimeve që ajo ka njohur dhe cila është perspektiva e saj- tha Mentor Nazarko, njeri nga organizatorët e forumit. Për të diskutuar rreth këtyre momenteve, Universiteti Marin Barleti ftoi në një forum të hapur ekspertët më të mirë kushtetues të vendit, si dhe politikanë apo opinionistë të përfshirë në procesin e miratimit apo në debatet publike rreth kushtetutës. "Marin Barleti ka në bordin themelues të tij disa nga personalitetet më të rëndësishme që shenjuan procesin e miratimit të kushtetutës së vendit. Sabri Godo ka qenë njëri nga dy bashkëkryetarët e Komisionit ad hoc të miratimit të kushtetutës; Rexhep Meidani ka qenë presidenti që ka hedhur firmën si kryetar shteti, e nevojshme për hyrjen në fuqi të saj, ndërsa profesor Luan Omari është eksperti kushtetues më me eksperiencë.

Njeherazi, Instituti i Studimeve Barleti që ka filluar të funksionojë pranë këtij universiteti, drejtohet nga personalitete te fushes dhe me eksperience te gjate"tha rektori i Universitetit Marin Barleti, profesor Niko Dhamo. Duke konsideruar presionin partiak për ta prekur kushtetutën në funksion të koniunkturës së procesit politik, ndryshimet e fundit që ajo ka njohur në të cilat nuk është konsideruar mendimi profesional, ky forum synonte të përçonte në debatin publik ide ekspertësh, si dhe të bënte njëlloj bilanci rreth ecurisë së kushtetutës dhe qëndrueshmërisë së saj gjatë proceseve politike të tranzicionit," tha Mentor Nazarko, drejtor i Qendrës së Studimeve rajonale, pranë Institutit Barleti. Seanca me moderimin e Profesor Luan Omarit u hap me ligjëratën e zotit Arben Imami, ish bashkëkryetar i Komisionit Kushtetues. Ai përgjithësisht evidentoi ato që ai i quajti problemet më të mëdha të kësaj kushtetute dhe ligjeve apo mënyrës së zbatimit të saj. Ai u shpreh mjaft kritik ndaj punës së Gjykatës Kushtetuese, ligjit organik të saj, si dhe u pozicionua hapur pro idesë së dy Dhomave. "10 vjet kushtetutë, pikat e forta dhe të dobta" ishte titulli i referimit të zotit Kristaq TRAJA, ish gjyqtar i Gjykatës Europiane të Strasburgut". Traja tha se "ndryshimet e fundit kushtetuese nuk ishin të diktuara nga nevoja zhvillimi" dhe se "aktiviteti institucional është i përqëndruar në një mënyrë paksa të ekzagjeruar në të ashtuquajturin "hartim ligjesh". Pandeli MAJKO, ish kryeministër i qeverisë gjatë të cilës u miratua kushtetuta mbajti referatin me titull "Roli i ekzekutivit në procesin e miratimit", ku evidentoi disa nga arsyet pse atëherë u preferua një institucion i fortë kryeministror. Skënder GJINUSHI, ish kryetar i parlamentit, trajtoi kuadrin kushtetues për zgjedhjet dhe evoluimin e tij.

Ai vlersoi sistemin aktual zgjedhor, ndërsa konsideroi si "të vdekur të virgjër" sistemin e parashikuar nga Kushtetuta në vitin 1998.. Sipas tij ai nuk pati kohë të zbatohej dhe u shmang qëllimisht prej politikës. Perikli Zaharia, anëtar i Gjykatës së Lartë, u shpreh pro idesë së reduktimit të imunitetit për deputetët dhe gjyqtarët. Andrea STEFANI , opinionist i njohur trajtoi reformen kushtetuese te 2008, si reformë që kushtëzon lirinë duke u shprehur në mënyrë kritike për to. Adri Nurellari i Institutit Liberal mbajti ligjëratën me titull "Konstitucionalizmi, despotët e ndritur dhe sundimi absolut". Në fund të fjalës së tij , nisur nga situata aktuale në Kosovë, ai vuri theksin tek preambula e Kushtetutës që i kërkon shtetit shqiptar përkujdesje për statusin e bashkëkombasve tanë jashtë vendit. Duke e mbyllur Forumin, Profesor Luan Omari, vlersoi Kushtetutën e 1998 duke evidentuar nivelin e lartë të kontribuesve, në veçanti atë të Komisionit të Venecias. Ai u shpreh kundër ekzistencës së Dy dhomave, dhe tha se "kushtetuta në përgjithësi e ka treguar veten e saj".

Studentët e UMB-së: Vizitë studimore në bashkitë e Vorës dhe Durrësit
Studentet e Programit Master ne “Administrim Publik” te Universitetit “Marin Barleti” zhvilluan nje “Vizite Studimore – Workshop” ne bashkite e Vores dhe Durresit, ne daten 4 dhjetor 2009.
Veprimtaria akademike dhe kerkimore shkencore u zhvillua ne zbatim te programit te lendes “Pushteti Lokal dhe Procesi i Decentralizimit” si edhe “Partite Politike dhe Sjella Elektorale” te programit “Bachellor” te shkencave politike, vit III.

Pedagogu i lendes Dr.Reis Mulita ne prezantimin e tij ne workshop nenvizoi se gershetimi i procesit akademik me punen e drejteperdrejte kerkimore dhe shkencore sikunder eshte veprimtaria konkrete, jane prioritet i politikave dhe strategjive prezente dhe perspektive te Universitetit “Marin Barleti”. Gjithashtu Dr.Mulita theksoi se   metodat inovative te punes akademike dhe kerkimore shkencore, jane sfide e vazhdueshme e themeluesve, drejtuesve, stafit akademik dhe studentevete te gjithe kategorive te Universitetit “Marin Barleti, i cii ne pergjigje te ritmeve te zhvillimeve Europiane dhe Globale, synon te jete protagonist i aplikimeve me bashkekohore ne nivel kombetar dhe rajonal.

Drejtuesit dhe perfaqesuses te adminisrates se Bashkise se Vores ne workshopin e organizuar ne sallen e mbledhjeve te Keshillit Bashkiak, bene prezantime konkrete mbi aplikimin e procesit te decentralizzimt ne zbatim te Kartes Europiane te Autonomise Vendore ne Bashkine e Vores.

Me konkretisht, ata prezantuan menyren si kane praktikuar te drejtat dhe detyrimet qe rrjedhin nga autonomia vendore per te ndertuar nje strategji te qeverisjes ne njesine e tyre territoriale e administrative, si e programojne dhe e zbatojne buxhetin me te ardhurat e fondeve shteterore, nga te ardhurat e veta, grantet dhe bashkepunimet me institucionet nderkombetare. Gjithashtu nepermjet prezantimit informues drejtues te administrates se bashkise njohen studentet me elementet e decentralizimit fiskal, llojet e taksave nacionale dhe vendore, detyrimet dhe perfitimet e qeverisjes vendore etj.

Nje prezantim tjeter me interes ishte dhe menyra sesi burimet dhe te ardhurat finaciare qe vijne si rrjedhim i autonomise vendore dhe decentralizimit perdoren ne iteres te komunitetit duke zhfrytezuar burimet e veta natyrore e njerezore, per te nxitur punesimin, investimet ne infrastruktre dhe sherbime per komunitetin duke rritur te ardhurat dhe reduktuar varferine per komunitetin.

Pas cdo prezantimi studentet drejtuan pyetje mbi prezantimet e bera dhe interesa te tjera rreth qeverisjes vendore.

I njejti skenar por ne kohe me te limituar u zhvillua edhe ne sallen e mbledhjeve te Keshillit Bashkiak te bashkise se qytetit te Durresit.

Gjate veprimtarise studentet bene nje prezantim teper serioz dhe me tregues shkencor, duke ofruar nje model terheqes per studimet Master ne Universitetin “Marin Barleti” , per administraten dhe komunitetin e Bashkise se Vores .

U ra dakord qe studentet te bejne punen kerkimore e shkencore per pergatitjen e temes,prane departementeve te kesaj bashkie.

Studentet e Programit Master ne "Administrim Publik" te Universitetit "Marin Barleti" zhvilluan nje "Vizite Studimore - Workshop" ne bashkite e Vores dhe Durresit
4 dhjetor 2009 - Studentet e Programit Master ne "Administrim Publik" te Universitetit "Marin Barleti" zhvilluan nje "Vizite Studimore - Workshop" ne bashkite e Vores dhe Durresit

Nis viti i ri akademik në Universitetin Marin Barleti
Të martën më 21 Tetor nisi viti i ri akademik në Universitetin “Marin Barleti”. Në praninë e stafit akademik, studentëve dhe prindërve Prorektorja Zamira Çavo mbajti fjalën përshëndetëse të mirëpritjes së studentëve të rinj. “Ne jemi të lumtur që ju keni zgjedhur Universitetin tonë për tu pregatitur për të ardhmen. Keni të gjithë përkushtimin tonë që ta kthejmë këtë eksperiencë akademike në një gur të sigurt themeli për ngritjen e karrierës suaj në të ardhmen.” – u shpreh Znj. Çavo.

Këtë vit Universiteti “Marin Barleti” çel dyert me një staf akademik të përbërë nga profesorë të spikatur, me traditë të gjatë në mësimdhënie dhe akademikë të rinj të cilët sjellin tek “Marin Barleti” eksperiencën më të mirë të universiteteve europiane dhe amerikane. Një risi e rëndësishme këtë vit është edhe startimi i programit Part-Time në të treja fakultetet.

Universiteti “Marin Barleti”, i krijuar në vitin 2005, nis kësisoj vitin e katërt akademik në fakultetet e Ekonomisë, Juridikut dhe Shkencave Politike. Në ditën e hapjes së shkollës u mbajt gjithashtu ceremonia e parë e diplomimit për studentët që i përfunduan studimet gjatë vitit të shkuar.

Rektori i Universitetit Marin Barleti ftohet në Klubin e Rektorëve të Europës
Qyteti i Oksfordit në Mbretërinë e Bashkuar nuk është i dëgjuar vetëm për Universitetin shumë të lashtë dhe një ndër dhjetë më të shquarit në të gjithë botën por edhe sepse në këtë qytet kanë selitë dhe zhvillojnë veprimtarinë e tyre tri organizma shumë të njohura për botën shkencore dhe atë të biznesit: Asambleja Europiane e Biznesit [EBA], Klubi i Rektorëve të Europës [CRE] dhe Klubi Ndërkombëtar i Lidërve [ICL], të cilët sëbashku formojnë një konsorcium, synimi i të cilit është promovimi në shkallë ndërkombëtare i bashkëpunimit dhe integrimit frytdhënës në fushën e dijes, të prodhimit dhe të drejtimit, përmes organizimit të forumeve të hapura për diskutim dhe dialog të vazhdueshëm si dhe evidentimi, inkurajimi dhe përhapja e arritjeve më të mira në këto fusha.
Nga data 8 - 11 Mars 2009, konsorciumi EBA-CRE-ICL organizoi në sallën e këshillit bashkiak të qytetit të Oksfordit Samitin e Lidërve, në të cilin morrën pjesë rreth 90 përfaqësues nga 18 vende të Europës, Azisë dhe Afrikës, mes të cilëve, për herë të parë, edhe nga Shqipëria. Shqipëria në këtë Samit u përfaqësua nga Universiteti "Marin Barleti", nga Rektori i Universitetit, Prof.Dr. Nikolla Dhamo dhe nga Administratori i Deleguar, MSc Adriana Berberi, të cilët ishin të ftuar nga Presidenti i Klubit të Rektorëve të Europës, Prof. Wil Goodheer.
Tema qëndrore e Samitit të Lidërve ishte: "Krizat dhe teknologjitë e reja të menaxhimit të tyre". Samiti u zhvillua në dy forume:
Në forumin e parë, debati u përqëndrua në krizën aktuale dhe përgjegjësinë e korporatës për të dalë nga kriza dhe për të ecur përpara në kushtet e reja ekonomike.
Në forumin e dytë, debati iu kushtua bashkëpunimit ndërkombëtar në sektorin e edukimit. Në këtë forum, Rektori i UMB-së bëri një prezantim në të cilin theksoi kontributin e "Dudaj Group: në themelimin e Universitetit dhe bordit të tij. Rektori Dhmamo u ndal në punën e UMB-së për rekrutimin e studentëve më të spikatur dhe implementimin e Deklaratës së Bolonjës. Në fokus të prezantimit të Rektoit ishte dhe përpjekja e Universitetit "Marin Barleti" për të ofruar produkte edukative gjithnjë e më cilësore si dhe angazhimi për të përshtatur edukimin e lartë me kërkesat bashkëkohore të tregut të punës. Në përfundim të debatit u zhvillua ceremonia e pranimit në Klubin e Rektorëve të Europës të 8 anëtarëve të rinj, ndër të cilët ishte edhe Rektori i UMB-së, Prof. Dr. Nikolla Dhamo.
Samiti u mbyll me ceremoninë e ndarjes së medaljeve dhe çmimeve prestigjoze ("Socrates International Award", "Best Enterprise of Europe" "United Europe Award", "Europian Quality Award", "Queen Victoria Commemorative Medal") dhe mbrëmjen gala që u dha në hollin gjigand të Bashkisë së Oksfordit.

Zhvillohet me praninë e ekspertëve të nivelit të lartë, konferenca (kriza globale, Shqipëria, Kosova, rajoni)
Ditën e enjte, Instituti kërkimor shkencor Barleti, në bashkëpunim me Universitetin Fama të Prishtinës, organizoi konferencën me titull "Kriza globale, Shqipëria, Kosova, rajoni". Konferenca e mbajtur në Sallën e madhe të Universitetit Marin Barleti, shfrytëzoi prezantimin e numrit tre të revistës Gjeopolitika, botim i Qendrës së studimeve rajonale, pjesë e këtij Instituti, për të mbledhur bashkë një panel prestigjioz ekspertësh. Pjesa më e madhe e tyre, ish guvernatori i Bankës së Shqipërisë Shkëlqim Cani, deputetja dhe ekspertja e ekonomisë Ermelinda Meksi, Rudina Seseri, eksperte ekonomie, doktor Agim Paca, i universitetit Fama, doktor Gjin Biba, ishin gjithashtu autorë analizash dhe esesh interesante, botuar në numrin tre të Gjeopolitikës. Në këtë konferencë morën pjesë gjithashtu, ekspertë të nivelit të lartë të ekonomisë dhe financave nga Shqipëria dhe Kosova, drejtues institucionesh kërkimore, të grupeve të interesit, etj. Revista Gjeopolitika drejtohet nga Mentor Nazarko, lektor i Universitetit Marin Barleti.
Punimet e konferencës u hapën nga zonja Adriana Berberi, drejtoreshë e Institutit dhe eksperte e financave publike. Ajo bëri një prezantim të numrit të ri të revistës, që ja arriti të shndërrohet kështu në një rast për debat mbi pasojat e krizës.
Profesor Shkëlqim Cani, bëri një përmbledhje të elementëve që parathonë krizën ekonomike dhe financiare të vendit që sipas tij "do të shfaqej e plotë në gjashtëmuajshin e dytë të vitit". Sipas tij, "kjo nuk ishte një krizë e shkaktuar nga faktorë të jashtëm, por nga faktorë të brendshëm", mes të cilëve ai renditi "politikat e shpenzimeve publike të qeverisë".
Zonja Rudina Seseri, bëri gjithashtu një analizë të efekteve të krizës globale në vend, duke ju referuar njërit faktor të ekonomisë së vendit, "kapitalit", i cili sipas saj ekziston apo injektohet në ekonomi kryesisht nëpërmjet bankave. Këto banka, sipas saj, janë të huaja, kështu që ato janë prekur të parat nga kriza.
Doktor Agim Paca nga Universiteti Fama i Prishtinës bëri një ekspoze të sistemit financiar kosovar të dominuar nga faktori ndërkombëtar dhe mbështeti idenë e krijimit të një banke lokale prej kompanisë së Postë Telekomit të Kosovës, bankë e cila do të ndikonte shumë tregun financiar kosovar.
Zonja Ermelinda Meksi gjithashtu ofroi vizionin e vet për atë që ajo e quajti krizë, dhe vuri theksin kryesisht në rolin e mediave në paraqitjen e saj për publikun. Në fund ajo ofroi dhe idetë për zgjidhjen e saj.
Venet Shala, lektor i financave publike në Universitetin Fama, gjithashtu trajtoi disa prej problemeve të financave publike në Kosovë përballë krizës globale.
Artan Hoxha president i Institutit të Studimeve Bashkëkohore në diskutimin e tij, synoi të relativizonte rreziqet që po kalon ekonomia shqiptare, e cila sipas tij është më e shëndetshme se çNULLduket dhe se edhe më parë, ekspertët ndërkombëtarë kishin gabuar në parashikimet e tyre për të.
Gjergj Buxhuku, drejtor i Konfindustrias, bëri një analizë të situatës që po kalojnë bizneset shqiptare.
Dr. Gjin Biba, përfaqësues i kompanisë Century 21 Albania, paraqiti rezultatet e studimit të tij mbi efektet e krizës në tregun e pasurive të paluajtshme.
Numri tre i revistës Gjeopolitika, që i kushtohet efekteve të krizës globale në rajon dhe më konkretisht në Kosovë dhe Shqipëri, përmbledh gjithashtu një grup tjetër esesh nga autorë të veçantë, siç janë Nandi Shani, Ilir Mitezi, ekspertë shqiptarë që punojnë pranë institucioneve financiare ndërkombëtare. Interesante gjithashtu është dhe një ese e një njohësi të shkëlqyer të rajonit, ish-shefit të misionit të FMN-së në Shqipëri, Jan Peter Olters. Zamira Cavo dhe Burbuqe Riba, lektore në Universitetin Marin Barleti ofrojnë gjithashtu një këndshikimi teorik për vlefshmërinë e teorive të Marksit për efektet e krizave në kapitalizëm. Në një kapitull të veçantë ofrohen gjithashtu dhe dy artikuj të ekspertëve me emër ndërkombëtar si Alan Grinspen dhe Daniel Bell.

Sondazhet politike dhe përcjellja e opinionit publik, ishte tema e takimit të zhvilluar mes studentëve të shkencave politike dhe Z.Edvin Kulluri
Përse shërbejnë sondazhet politike? Si zhvillohen ato? Cili është roli dhe rëndësia e teorisë politike?

Z.Edvin Kulluri, analist politik me eksperiencë në median e shkruar dhe vizive, aktualisht në pozicionin e këshilltarit të Kryeministrit, trajtoi problematikat e mësipërme për studentët e shkencave politike të Universitetit "Marin Barleti", si dhe një sërë çështjesh të tjera lidhur me rolin e platformave të majta dhe të djathta në skenën politike aktuale.

Duke qenë se ndër profesionet që studentët e shkencave politike përgatiten të ndërmarrin, është edhe ai i analistit politik, Z.Kulluri foli për rëndësinë e përcjelljes së të dhënave dhe të opinionit publik nëpërmjet sondazheve "pa e manipuluar atë".

Në datën 17 prill u zhvillua takimi me studentët e drejtesisë për prezantimin e profesioneve ligjore. Takimi u organizua nga Zyra e Zhvillimit të Karrierës
‘Funksionet e noterit si autoritet publik; profesioni i avokatit ne sferën publike dhe private, ndryshimet përkatëse që priten në legjislacionNULL, ishin disa nga aspektet me të cilat u njohën studentët e drejtësisë në pritje të punësimit në përfundim të studimeve.

Profesor Simoni, u ndal në çështje që prekin perspektivat e profesioneve ligjore dhe trajtoi në mënyrë specifike çështjet e legjislacioni aktual shqiptar, lidhur me profesionin e avokatit. Aktualisht ky legjislacion nuk bën dallim në profesionin e avokatit sipas shkallëve të gjykimit apo profileve civile, tregtare, penale etj. Por shumë shpejt pritet që në përputhje me standardet e vendeve të tjera evropiane, të tilla ndryshime të pasqyrohen edhe në disiplinat ligjore shqiptare.

Duke sjellë shembuj konkretë, profesor Sandër Simoni njohu studentët me një perspektivë po aq të rëndësishme, që është ndjekja e shkollës së magjistraturës për të vazhduar karrierën e prokurorit ose gjyqtarit, duke u shpjeguar studentëve kriteret e seleksionimit në konkurs, përgatitjen dhe formatimin e profesionit të ardhshëm.

DREJTËSIA SHQIPTARE DHE STRASBURGU - Impakti i Konventës Europiane të të Drejtave të Njeriut në legjislacionin shqiptar
Universiteti Marin Barleti organizoi dje tryezën e rrumbullakët me temë "Drejtësia shqiptare dhe Strasburgu". Ajo synoi të paraqesë frymën europiane të së drejtës brenda legjislacionit shqiptar, në një kohë kur të gjithë synojmë Europën dhe forcimin e shtetit ligjor (si parametër për të hyrë në të). Diskutimet u përqëndruan rreth implementimit të Konventës Europiane të të Drejtave të Njeriut në legjislacionin shqiptar, sa kuptohet ajo nga administrata shqiptare, ku ndodhet praktika jonë gjyqësore dhe çNULLvend zë procedimi i mëtejshëm në Gjykatën e Strasburgut kur vendimet e marra bien në kundërshtim me Konventën.

Interpretimi juridik i sfidës evropiane të së drejtës u paraqit në punimet vjetore të studentëve të vitit të dytë të fakultetit të drejtësisë, që ngacmuan debatin mes figurave të ftuara publike - si Çlirim Gjata (kryetar i Komisionit Qendror të Zgjedhjeve), Spartak Ngjela (deputet), Njazi Jaho (jurist i shquar kostitucionalist), Agim Tartari (avokat penalist), Kozara Kati (drejtuese e Shoqatës së të Drejtave të Njeriut), Fatmira Laskaj (kryetare e komisionit për Deklarimin e pasurive), Skënder Haluca (nënkomisioner i Avokatisë së popullit) - dhe auditorit akademik të Universitetit Marin Barleti ndër të cilët prof. dr. Luan Omari (jurist dhe anëtar bordi), prof. Arben Puto (anëtar i Këshillit Akademik), Përparim Kalo (anëtar i Këshillit Akademik), prof. as. Luan Hajdaraga (ish-ministër, pedagog), Erinda Bllaca (shefe e Drejtorisë Juridike në Ministrinë e Mbrojtjes dhe pedagoge e së Drejtës civile në UMB), Avenir Peka (këshilltar i kryeministrit për Sigurinë Kombëtare dhe pedagog i të Drejtës Publike), Erion Kristo (pedagog) etj.

Më shumë rreth trajtesave

Janë një risi e kurrikulave të UMB prezantimi i punimeve vjetore duke nisur nga viti i dytë (dhe jo në fund të karrierës akademike), një fillim ky i mbarë për brezat që do pasojnë, me larminë që jeta dhe jurisprudenca shqiptare jep herë pas here në evoluimin e demokracisë në Shqipëri.

Në prezantimin e disa prej këtyre punimeve në tryezën e sotme ia vlen të theksohet tema e trajtuar mbi "E drejta zakonore" (mbajtur nga studentja Esilia Tabaku) e cila diti të gërshetojë traditën zakonore të së drejtës shqiptare, me atë që fatkeqësisht përjetojmë si fenomen i shëmtuar dhe primitiv - gjakmarrja, fenomen i cili duhet njohur por edhe izoluar e parandaluar, për të hyrë në familjen evropiane. "Nuk është problemi se jemi njerëz të egër, hakmarrja është pjesë e natyrës njerëzore. Por nëse shihet vrasësi në rrugë, kjo nuk përballohet. Drejtësia ka sens komun, jo sens teknik. Ligji ka karakter formal. Populli nuk merr pjesë në vënien e drejtësisë. Ai që ndërmerr aktin e hakmarrjes abuzon me lirinë. Por më shumë se vlerësimi si inferior i kujt i drejtohet hakmarrjes, duhet të kuptohet se kjo ndodh kur e drejta nuk funksionon." tha avokati Ngjela.

Kjo u pasua nga kuptimi shumë i qartë, i detajuar dhe me nivel të lartë të të kuptuarit, të "Konventa Europiane e të Drejtave të Njeriut" (prezantuar nga studentja Edlira Osmani) ku spikati përzgjedhja e duhur e neneve të Konventës në të cilat Shqipëria aderon, por jurisprudenca e saj herë pas here, në vendimet që jep, harron tNULLi zbatojë. Sipas Kozara Katit është për të pyetur sa gjyqësori shqiptar është i përgatitur të zbatojë nenin 116 të Kushtetutës së Republikës së Shqipërisë referuar hierarkisë së zbatimit të Konventës Europiane dhe marrëveshjet e tjera mbi të drejtat e njeriut, të ratifikuara nga parlamenti shqiptar?

Trajtesa në vijim "E drejta e jetës" (e studentes Matilda Xhambazi) nxori në pah rëndësinë prioritare të të kuptuarit me thelb të privilegjit të të ardhurit në jetë dhe të jetuarit mirë e shëndetshëm në një shoqëri civile e qytetare.

Kumtesa e katërt (mbajtur nga studenti Jurgis Çurbja), përmblodhi një temë si "Ekstradimi", ku u përballën disa politika (si ajo e periudhës së Zogut me atë që realiteti penal sot në Shqipëri zotëron.

Ky takim u finalizua me trajtesën "Tradita autoritare e sistemeve qeverisëse në Shqipëri" (mbajtur nga studenti Denis Prifti), ku spikati fryma sa historike për të kuptuar më saktë rrugën që ka ndjekur qeverisja në Shqipëri dhe ku me të drejtë lind pyetja "si do të jetë e ardhmja e qeverisjes dhe lidershipit brenda shoqërisë shqiptare?"
Sipas prof. Luan Omarit sistemi qeverisës në fund të vitin 1990 nuk u përmbys në mënyrë të dhunshme: lëvizjet studentore dhe reagimet e qeverisë sNULLpatën karakter të tillë, dhe e njëjta vlen dhe për vitin 1997 që ishte më shumë rezultat i anarkisë sesa i përmbysjes me dhunë i klasës qeverisëse. Erion Kristo përmbylli ndërhyrjet duke kujtuar se "Nuk janë vetëm juristët që duhet tNULLi japin ritëm shoqërisë, por dhe shoqëria duhet tNULLua japë atyre. Fakti që në Shqipëri vrasësit mund të qarkullojnë të lirë është shenjë se, jo vetëm Gjykata, por sistemi nuk funksionon në Shqipëri. Vetëm duke parë çNULLnevoja kemi, do të dimë të gjejmë zgjidhjet, pa i importuar ato atëherë kur paralajmërohemi se, në të kundërt, rrezikohet aderimi i vendit tonë në marrëveshje e organizma të caktuara ndërkombëtare".

Siç u theksua në përfundim të tryezës së rrumbullakët "Drejtësia shqiptare dhe Strasburgu - Impakti i Konventës Europiane të të Drejtave të Njeriut në legjislacionin shqiptar" ideuar nga Eni Çobani (pedagoge e departamentit të Drejtësisë dhe Minorit në Marrëdhënie Ndërkombëtare në Universitetin Marin Barleti), të hysh në Europë sNULLdo të thotë vetëm të përkthesh e të përshtatësh ligje nga vende të huaja, por duhet të fillohet të merret kultura e tyre, të merret qytetaria evropiane, duke ditur të përshtatet me tradicionalizmin kombëtar. Ndaj të ftuarit vlerësuan ndërgjegjësimin që debate të tilla me specialistë të vendit mund të ngjallin në brezin e ri e më gjerë. Sfida evropiane e së drejtës është vërtet e vështirë, por jo e pamundur.

Në datën 6.04.2009 studentët e UMB-së zhvilluan një takim me përfaqësues të administratës publike, lidhur me sfidat e punësimit
"Administrata publike dhe rekrutimi i studentëve të diplomuar në Shkenca Politike", ishte tema e takimit të zhvilluar në datë 6.04 2009 në ambientet e Universitetit "Marin Barleti", me të ftuar prof. Artan Fuga dhe MA.Roland Bejko.

Z.Bejko, ish-prefekt i qarkut të Beratit dhe aktualisht drejtor drejtorie në Ministrinë e Punëve të Brendshme, u paraqiti studentëve një panoramë të gjerë mbi rregullat e punësimit në vendet e Europës perëndimore, në rrafsh krahasues si dhe për mundësitë e ecurisë në karrierë si rezultat i traditës së konsoliduar të këtyre vendeve.

Një theks i veçantë iu vu rolit të partive politike në lidhje me interesat e qytetarëve dhe reflektimi i këtij roli në trupën politike dhe atë civile të administrates publike shqiptare. Z.Bejko njohu studentët me problemet aktuale të administratës publike, lidhur me atë që Weber e quan "qeverisja e mirë".

Gjithashtu ai i njohu studentët me raste specifike të kritereve të zbatuara me kandidatët për punësim si dhe ecurinë në karrierë në administratën publike pas periudhës 3-mujore të provës e në vazhdim. Takimi u mbyll me një intervistë punësimi të improvizuar mes prof. Fugës dhe zotit Bejko.

Zyra e Zhvillimit të Karrierës organizoi në datën 2 prill, takimin mes studentëve të degës ekonomik me Dr. Gjin Bibën dhe M.B.A. Edlira Hoxhën
"Punësimi i studentëve në përfundim të studimeve universitare", ishte tema e bisedës që studentët e vitit të tretë ekonomik të Universitetit "Marin Barleti" zhvilluan në datën 2 prill me Dr. Gjin Biba dhe M.B.A. Edlira Hoxha, organizuar nga zyra e zhvillimit të karrierës.
Gjatë takimit, studentët patën mundësi të njihen me hapësirat që tregu i punës në Shqipëri ofron për diplomat në fushën e menaxhimit dhe financë-kontabilitetit.
Kurrikula e universitetit "Marin Barleti" që ka si veçori dalluese nga universitetet e tjerë, kombinimin e studimeve me minorët, bën që ky brez i ri që do të diplomohet, të jetë ndër më të favorizuarit në një treg pune ende mungojnë specialistët, sidomos në sektorët e Real Estate, e Sigurimeve, etj.
Alternativat ndaj punësimit pas diplomimit, të trajtuara nga pedagogët, përfshinë: vetëpunësimin, bashkëpunimin me investiture të huaj, sidomos në kuadrin e investimeve fillestare për tNULLu shndërruar në investime më të artikuluara në të ardhmen.
U theksua gjithashtu rëndësia e kualifikimit të mëtejshëm akademik në nivelet master, të domosdoshëm dhe shumë të kërkuar si në sektorin publik ashtu edhe në atë privat.

Europarlamentarja Elly De Groen zhvilloi një bisedë me studentë dhe pedagogë të Universitetit Marin Barleti në lidhje me çështjet e mbrojtjes së të drejtave të njeriut në vendet e Europë
Ditën e mërkurë, më datë 18 mars 2009, europarlamentarja Elly De Groen zhvilloi një bisedë me studentë dhe pedagogë të Universitetit "Marin Barleti" në lidhje me çështjet e mbrojtjes së të drejtave të njeriut në vendet e Europës Lindore të cilat janë në procesin e integrimit në Bashkimin Europian.

Eurodeputetja De Groen prezantoi për studentët dhe pedagogët e "Marin Barletit" punën dhe përpjekjet e saj për zgjidhjen e problemeve të komuniteteve më pak të përkrahura dhe të përfaqësuara.

Gjatë bisedës Znj. De Groen foli për shqetësimet e minoriteteve rome në vende të ndryshme të Bashkimit Europian dhe vuri theksin në problememet që ajo ka hasur për të arritur një qasje sa më të drejtë ndaj këtyre shtresave në Parlamentin Europian.

Me një frymë humane dhe antikonformiste, Znj. De Groen nuk ngurroi të pranonte mangësitë e punës në Bruksel që vijnë për shkak të mosnjohjes së plotë të situatave në terren në vendet e Europës Lindore.

Debati midis eurodeputetes dhe studentëve të "Marin Barletit" u zhvillua në formën e një bisede e cila përfshiu disa nga temat më të nxehta të aktualitetit shqiptar sië ;sht; ëështja e ligjit t; lustracionit dhe sistemit të vizave që aplikohet mbi qytetarët shqiptarë

Prezantimi (Për një Tiranë më të pastër)
Ditën e premte më datë 13 shkurt Profesor Mihallaq Qirjo dhe Kryetari i Bashkisë së Tiranës Z. Edi Rama zhvilluan një takim të hapur me studentë të universitetit "Marin Barleti" dhe nxënës të gjimnazit "Aristoteli" në Tiranë. Takimi kishte për temë hapat e ndërmara nga Bashkia për reduktimin e mbetjeve urbane dhe sensibilizimin e qytatarëve për reduktimin e këtyre mbetjeve.

Theksi në takim u vu mbi rolin e secilit nga individët që banojnë në Kryeqytet për të dhënë kontributin e vet në mbajtjen pastër të hapsirave qytetare dhe mbi të gjitha reduktimin e plehrave që përdor çdo person me rreth 100kg në vit.

PhD Mihallaq Qirjo bëri një prezantim tepër interesant të mënyrave sesi qytetarët mund të ndihmojnë në zvogëlimin e ndotjes së qytetit me disa hapa të thjeshtë dhe praktikë. U fol për riciklimin e letrës, plastikave dhe produkteve të tjera. Në fund të takimit Kryebashkiaku dhe Profesor Qirjo iu përgjigjën pyetjeve të të pranishmëve dhe pritën komentet dhe sugjerimet e tyre.

Edi Rama bashkëbisedim me studentët e Universitetit Marin Barleti: Europa është një realitet që duhet dhe do ta ndërtojmë në vendin tonë
Në kuadrin e programit të lektoriumeve « Shoqëria e hapur », Universiteti « Marin Barleti » ftoi zotin Edi Rama, Kryetar i Partisë Socialiste dhe Kryetar i Bashkisë së Tiranës. Takimi u organizua në formën e një bashkëbisedimi të zotit Rama me studentët e UMB-së mbi tema të ndryshme si p.sh. e ardhmja e të rinjve të sotëm, angazhimi i tyre civil dhe politik në mënyrë që politika të jetë një mjet në duart e qytetarit, politikat e zhvillimit të kryeqytetit, etj. Ky bashkëbisedim vjen si një paraprirës i Konferencës politiko-ekonomike që UMB organizon më datë 22 Maj « Politika aktive për qytetarin », duke plotësuar kolanën e aktivititeteve të UMB rreth temave kryesore në lidhje me zhvillimin e qëndrueshëm të vendit, atë ekonomi, social dhe politik.

Gjatë bashkëbisedimit me studentët e UMB-së Rama u shpreh se politika duhet të jetë një mjet në duart e qytetarëve por për të bërë të mundur këtë vetëdije të PSSH duhet që vetë qytetarët të mos jenë indiferentë. Kjo në mënyrë që ata që zgjidhen përmes votës të jenë të vetëdijshëm për mandatin e marrë. Duke bashkëbiseduar me studentët e këtij Universiteti për rëndësinë e angazhimit në politikë Rama u bëri thirrje për të mos qëndruar indiferentë apo refuzues përballë politi kës,sepse në të kundërt nuk do të kemi rezultatet e kërkuara dhe që i presim prej 17 vjetësh:
«Cfarë i shtyn ata qindra mijëra të rinj e të reja, që pa asnjë pagesë, pa patur asnjë njohje personale me Obamën apo Klinton, apo me këdo qoftë, të bëhen bashkë? Ata i shtyn nga njëra anë kjo vetëdije, që sa më shumë të jemi, aq më shumë mund të ndikojmë që të fitojë ai ose ajo që është më pranë asaj që mendojmë. Nga ana tjetër,sa më shumë të jemi, ai ose ajo që do të fitojë të na ketë parasysh, sepse jemi ne forca.»

Duke iu përgjigjur interesit të pjesëmarrësve në këtë debat, Edi Rama theksoi se Europa është një realitet që duhet dhe do ta ndërtojmë në vendin tonë:"Kjo është një tjetër çështje ku kam një përqasje ndryshe, sepse sipas meje, problemi nuk është burokratik, procedura, negociata. Problemi është jetik, d.m.th si ta ndërtojmë Europën në Shqipëri?! Kjo është Europa, si të kemi spitalet, shkollat, çerdhet, kopshtet, shërbimet, si në Europë?! Pa dyshim, duke qenë pjesë e strukturave evropiane. Nëse do të kishim patur fuqinë për të menduar dhe për të vepruar në funksion të një ekuilibri mes kërkesës së papërmbajtur individuale dhe forcës vetëpërmbajtëse të shtetit.

Kjo nuk ndodhi! Ekuilibrat u prishën dhe shumë nga gjërat që kemi patur, nuk i kemi. Çfarë do të thotë të shkosh në Europë? Do të thotë që tNULLi japësh mundësi njerëzve që jetojnë këtu, që të ndihen pjesë e Europës në të gjitha kuptimet. Do të thotë të ndërtosh Europën në shtëpinë tënde..»

Gjeopolitika i jep shkas diskutimit mbi territorin
Ditën e mërkurë, dt. 14 Janar, Universiteti Marin Barleti në bashkëpunim me Century 21, realizuan forumin e diskutimit «Territori në Fokus». Ky forum mori shkas nga publikimi i Numrit të Dytë të Revistës së Përtremuajshme shkencore «Gjeopolitika», botim i Qendërës për Studime Rajonale pranë Institutin Kërkimor Barleti, e cila kësaj rradhe ishte përqendruar tek administrimi i territorit, si edhe tek projekt-ligji për planifikimin e territorit që pritet të miratohet së shpejti në Parlamentin Shqiptar.
Specialistë të politikave territoriale të zhvillimit dhe planifikimit, si edhe përfaqesues të Qeverisë, Bashkiës së Tiranës dhe Bankës Botërore u ftuan të zhvillonin pikëpamjet e tyre në lidhje më projekt-ligjin dhe me problematikën e territorit në përgjithësi.
Sipas moderatorit të këtij forumi Zj. Donika Çapi, përgjeëse e Deptartamentit të Shkencave Politike dhe anëtarë e Redaksisë së "Gjeopolitika" në këtë botim territori këtë botim nuk është konsideruar vetëm në cilësinë e truallit të lirë ose jo lirë për ndërtim, por mbi të gjitha territory është parë si hasipërë e humanizuar, si habiatat, që i jep formë dhe formësohet prej jetës sociale. Planifikimi dhe adminsitrimi i territorit nuk është parë vetëm në fokusin e planit rregullues dhe estik por edhe në dimensionin e tij zhvillimor, funksional, human, dhe ekosistemik. Prandaj vlen të tu debatuar sot, nëse projekt-ligji që kemi në duar jep ose jo mundësi për të tejkaluar Parimin e "3 R" - Rikthim, Regjistrim, Rregullim (legalizim), i cili ka udhehequr planifikimin territorial deri më sot.
Z. Mentor Nazarko, Kryeredaktor i "Gjeopolitika" dhe njëkohësisht edhe Drejtor i Qëndreë për Studime Rajonale, dhe Prof. Dr. Artan Fuga Kryetar i Bordit të Revistës, në një trajtësë të përbashkët theksuan se teksti i projekt - ligjit për rregullimin e territorit ka ardhur vazhdimisht në përmirësim. Vëmë re me kënaqësi se disa nga shqetësimet ngritur në studimet tona të mëparëshme botuar sot pjesërisht në faqet e numurit të dytë të revistës "Gjeopolitika" që promovojmë, gjejnë përgjigje në formulimet që ky tekst projekt - ligji bën sot. Na ka interesuar ky projekt - ligj jo vetëm si qytetarë të kujdesur për të pasur një hapësirë territoriale dhe të banuar sipas kritereve moderne por edhe për katër faktorë si më poshtë:
Se pari : kombinimi i interesit kombëtar që sigurohet nga autoritetet kombëtare te planifikimit të territorit, me autonominë vendim-marrëse të pushtetit vendor. Pra kombinimi i kompetencave të autoritetit publik qendror dhe demokracisë vendore, çka eshte një problem shume i rëndësishëm dhe që ka marrë zgjidhje te ndryshme në vende të ndryshme të Balkanit dhe më gjerë, zgjidhje që shpesh rezultojnë problematike për bashkësitë lokale dhe minoritet etnike dhe kombëtare. Se dyti: ajo çka na ka interesuar po ashtu lidhet me garantimin e kompetencave të qarkut në planifikimin dhe rregullimin e territorit. Ka qenë fare evidente për ne gjatë studimit në fjalë se ka ardhur koha që të ketë një përputhje sa më të saktë midis kufijve të një zone të gjerë gjeografike dhe territorit administrativ. Së treti: projekt - ligji jep zgjidhje të vendosura për pjesëmarrjen e publikut, të qytetarëve dhe të aktorëve të interesit në konsultimin e politikave dhe vendimmarrjeve të autoriteteve përkatëse lidhur me rregullimin e territorit. Së katërti: është me shumë vlera që territori në këtë projekt - ligj nuk është parë thjesht si hapësirë dy-dimensionale, por shumë më gjerë sesa kaq, pra edhe si një hapësirë simbolike vlerash shpirtërore dhe kulturore, edhe si burim pasurish natyrore, edhe për vlerat turistike, sikurse përmbledh edhe dimensionin e tretë të hapësirës, lartësinë, që gjykoj se mbërthen në vetvete të gjitha krizat e marrëdhënieve midis hapësirës dhe shoqërisë, e bashkë me të problematikën e nivelit të pastërtisë së ajrit, të zhurmave, sikurse e trajton territorin edhe si peisazh, etj.
I ftuar në këtë forum për të diskutuar disa nga aspektet kyçe të Projekt-ligjit për Planifikimin e Territorit, Z. Sokol Olldashi, Minister i Transporteve dhe Punëve Publike theksoi se ky ligj frymezohet tërësisht nga Kushtetuta e Shqipërisë si edhe nga Agenda 21 e OKB. Përparësitë e padiskutueshme të këtij ligji theksoi ai janë decentralizimi vertikal dhe horizontal, si edhe përdorimi me efikasitet i rregjistrit të territorit, one stop shop, si edhe parimi i heshtjes si aprovim. Z. Olldashi vuri në dukje se asnjë ligj sado i përsosur nuk mund të shmang papërgjegjshmërinë njerëzore në zbatimin e ligjeve. Ai kritikoi projektin-planin rregullues paraqitur nga Bashkia e Tiranës si klientelist dhe si një plan rregullues për troje.
Zonja Majlinda Dhuka, Drejtore e Përgjithëshme për politikat e Zhvillimit dhe Planifikimit pranë bashkisë së Tiranës, duke përshndetur forumin në emër të Z. Edi Rama, në përgjigjen e saj ndaj kritikave të Zotit Olldashi u shpreh se projekt-ligji është së pari i vonuar dhe së dyti nuk merr parasysh zhvillimin e territorit por vetëm planifikimin e tij, nuk ka patur parasysh ligjin për tokën bujqësore, dhe se për zbatimin e këtij projekt-ligji mungojnë instrumentat. Duket sikur, tha jo, shteti e ka bërë ligjin për vete e jo për qytetarët.
Në këtë forum ishin të pranishëm edhe Drejtorja e Bankës Botërore, Zj. Camille Naumah si edhe ekperti i urbanistikës dhe planifikimit urban, profesor ne Universitetin e Californisë, Z. David Dawell. Zj. Nauham u shpresh povizitisht në lidhje me projekt-ligjin, i cili siç tha ajo është asistuar edhe nga Banka Botërore. Zj. Naumah u shpreh ky ligj dëshmon që tashmë në Shqipëri mund të flitet për "3 E" - Evolucion në vend të "3 R".
Zj. Naumah vuri në dukje se është tashmë e rëndësishme të vihet theksi tek dallimi mes kontrollit të territorit dhe adminstrimit të tij.
Sipas Dawell qytetet shqiptare kanë nevojë të marrim seriozisht parasysh parimin e fleksibilitetit dhe të zgjerimit territorial të tyre, një rast ky i provuar si i nevojshëm në Kinë dhe Indi.
Z. Artan Hoxha, Drejtor iISB, theksoi 4 sfidat që dalin përpara ligjit të ri : përthyerja e politikave të zhvillimit në territor, përdorimi i instrumentave të duhur dhe teknologjisë së informacionit, sfidat burimore të të ardhurave vendore, si edhe nevoja e ngutëshme për profesionistë të rinj planifikues dhe urbanistë.
Ndërsa zoti Artan Lame, theksoi se ajo që na mungon nuk janë ligjet e mirë por vullneti politik për ti zbatuar ato. Duhet vënë në lëvizje politika që të mos xhirojmë bosh, tha ai, pasi krimi në territor është më i rëndë se krimi kundra një personi të veçantë, pasiqë territori dëmtohet për qindra vjeçarë.
Përfaqësuesi i Century 21 Real Estate, vuri në dukje se aktorët privatë duhet të jënë operativë në vendimmarrje, pasi planifikimi i mirë ose jo i territorit ndikon edhe në çmimin e pasurive të paluajtëshmë kombëtare.
Z. Marin Biçoku këshilltar praën Kryeministrit, vuri në dukje se risku I vetëm prej të cilit mund të preket ky ligj I ri është moszbatimi I tij, si edhe leximi I këtij ligji në shkëputje nga ligjet e tjera mbështetëse. Z. Biçoku u shpreh se ndërkohë plani rregullues propozuar nga bashkia e Tiranës bazohet mbi logjikën e principatave e se ai akoma nuk është konsultuar me publikun pasi drafit është ende në anglisht.
Në përmbyllje të këtij aktiviteti Zj. Donika Çapi u shpreh se ky forum i inicuar nga Universiteti Marin Barleti ishte mjaft i frytshëm për tNULLju dhënë mundësi specialistëve të transhendonin prej pozicioneve të tyre qoftë edhe politike për tu fokusuar tek çështje konkrete që do tu vijnë në ndihmë qytetarve të interesuar drejtpërsëdrejti në cilësinë e jetës së tyre në hapsirat urbane.

Nisin regjistrimet për programet Master
Në jetë ka momente të veçanta kur gjithçka që kemi dëshiruar, dhe ëndërruar për veten kthjellohet. Vjen një kohë kur teoria, praktika, talenti dhe përvoja fokusohen në një pike të vetme kulmore. E kur pyetja nuk është më se çNULLmund të bëhesh, por çfarë mund të bësh.
Moment vendimtar është kur zgjedh të ndjekësh studimet Master në Universitetin Marin Barleti.
Në grupe të vogla studimi ku cilësia akademike është e garantuar, me pedagogë të përkushtuar, studime fleksibël dhe çmimet më konkurues në treg, një Master nga Universiteti Marin Barleti nuk është thjeshtë një diplomë. Bashkë me ne do të pajiseni me mjetet që ju duhen për të përballuar sifidat. Do të fitoni aftësitë profesionale për të zgjidhur probleme komplekse. Vendoseni veten në qendër, ky është momenti vendimtar...

Master në Administrim Biznesi (MBA),
MBA në kontabilitet Financë
MBA në Marketing dhe menaxhim
MBA në Shërbime bankare/Financiare
MBA në Real Estate dhe Sigurime
MBA në Lidership dhe Burime Njerëzore
Master në Administrim Publik,
Master në Lidership
Master në Politika publike & administrim
Master në Juridik,
E Drejtë Biznesi
E Drejtë Publike
Master në Komunikim,
Master në në Komunikim Publik
Master në Gazetari ekonomike

Universiteti "Marin Barleti"
Eja këtu, shko larg.

Dominique Fernandez prezanton librin (Porporino ose misteret e Napolit)
Në ambientet e Universitetit "Marin Barleti" u mbajt konferenca e autorit francez Dominique Fernandez me tematikë, "Roli i Napolit dhe i Siçilisë në Italinë e jugut". Në këtë konferencë ishin pjesmarrës miq të ftuar, studentë të universitetit, personalitete të ambasadës franceze dhe mediat.

Përveç temës së konferencës e cila fokusohej tek kultura plot ngjyra e Napolit të shkuar dhe të sotëm, konferenca shërbeu edhe për të prezantuar për të ftuarit botimin shqip të romanit ""Porporino - Misteret e Napolit" të autorit Fernandez, e sjellë për lexuesin tonë nga shtëpia botuese "Dudaj".

Anëtar i Akademisë franceze të artit, Z. Fernandez është një romancier i afirmuar i cili ka botuar për vite me rradhe libra të frymëzuuar nga personazhe dhe figura të artit nga pjesë të ndryshme të botës. Pas konferencës Z. Fernandez bëri një bisedë miqësore me të pranishmit dhe firmosi autografë.

Qendra për studime shqiptare, themeluar nga tre universitete të hapësirës kombëtare UMB, UBT dhe USHT, prezantuan numrin e parë të revistës Gjeopolitika
Ne daten 17 korrik, në mjediset e HOTEL Rogner ne Tirane, Qendra për studime shqiptare, themeluar nga tre universitete të hapësirës kombëtare, Universiteti Marin Barleti, Universiteti për biznes dhe teknologji në Prishtinë dhe Universiteti shtetëror i Tetovës, prezantuan numrin e parë të revistës Gjeopolitika.

Në një prani të gjerë parlamentarësh (zoti Fatos Beja, nënkryetar i parlamentit, zoti Prec Zogaj kryetar i komisionit të jashtëm, zotit Edmond Spaho, kryetar i komisionit të ekonomisë), akademikësh nga universitete dhe qendra të tjera kërkimi, rektorësh të tre universiteteve në fjalë, kryeredaktori Mentor Nazarko dhe drejtori i numrit Prof.Artan Fuga parashtruan disa nga të rejat e numrit të parë të të përtemuajshmes së parë në llojin e vet në të gjithë hapësirën kombëtare dhe drejtimet e punës së tyre për të ardhmen.

Numri i parë i kushtohet bashkëpunimit ekonomik Shqipëri/Kosovë dhe skenarit të krijimit të një hapësire ekonomike të përbashkët, të favorizuar nga ekzistenca e shoqërive shqiptare në rajon. Ajo përmban kontribute të profesorëve dhe kërkuesve të Universitetit Marin Barleti, të universitetit të Biznesit dhe teknologjisë së Prishtinës, dhe atij të Tetovës si dhe kërkues të tjerë të huaj.

Në prezantimin e vet kryeredaktori Nazarko e konsideroi numrin e parë, një projekt gjeopolitik që mban parasysh kohën dhe hapësirën e jashtëzakonshme ku jetojmë, rajonin e Ballkanit dhe hapësirën shqiptare. "Brenda një viti Kosova u bë e pavarur dhe morëm ftesën për në NATO. A ka hapësirë më interesante në pikëpamje gjeopolitike se sa kjo!", - pyeti Nazarko. Ai vlersoi si të rëndësishme shkrirjen e kontributeve akademike me ato politike dhe publicistike në një revistë si kjo.

Profesor Fuga, parashtroi disa nga konceptet e artikujve të vet ku analizohet influenca e faktorëve globalë në zhvillimet rajonale. Ai vlerësoi revistën në pikëpamje të qartësisë së strategjisë që premton sukses dhe në të ardhmen.

Profesor Marenglen Verli vlersoi gjithashtu numrin e parë dhe trajtoi disa nga potencialet ekonomike të Shqipërisë etnike në prag të ndarjes së trojeve shqiptarë në 1913.

Professor Hajrizi, rector i Universitetit të Biznesit dhe teknologjisë së Prishtinës, foli për aktivitetet e reja të Qendrës ku vecohet Konferenca e ardhshme për bashkëpunimin ndërshqiptar në Prishtinë në muajin tetor.

Revista, botim i shtepise botuese "Dudaj" eshte ne qarkullim ne te gjithe pikat e shitjes

Partnerë:

Universiteti Marin Barleti Tiranë; Universiteti i Biznesit dhe Teknologjisë, Prishtinë, dhe Universiteti Shtetëror i Tetovës.

Bordi i Qendrës për Studime Shqiptare

Kosovë                   Maqedoni                    Shqipëri

Edmond Hajrizi      Arbën Xhaferri                Artan Fuga
Enver Hoxhaj        Ermira Mehmeti               Mentor Nazarko
Ulpiana Lama       Sulejman Rushiti              Pëllumb Xhufi

UMB organizoi ne hotel Rogner, konferencën: (Për një drejtësi të pavarur, të përgjegjshme dhe transparente) me personalitete te njohura te kesaj fushe
Në kuadër të aktiviteteve të planifikuara dhe organizuara nga UMB dhe posaçërisht Departamenti i Drejtësisë pranë këtij Universiteti është edhe konferenca me temë "Për një drejtësi të pavarur, të përgjegjshme dhe transparente ".

Qëllimi i kësaj konference është të shërbejë si një forum debati i gjerë për të trajtuar/diskutuar në lidhje me sistemin e drejtësisë shqiptare, problematikën aktuale në sistemin gjyqësor dhe reformat e ndërmarra.
Gjithashtu, në focus të vëmendjes u vunë cështje që kanë të bëjnë me sistemin gjyqësor, gjendjen aktuale dhe nevojën për reformim, si një garanci për funksionimin dhe konsolidimin e shtetit të së drejtës; për garantimin e transparencës dhe forcimin e besueshmërisë së publikut tek drejtësia.

Pjesëmarrja/diskutimi nga ana e perfaqësuesve të organeve të ndryshme të përfshira në sistemin e drejtësisë, apo në reformimin e tij, ishin me rëndësi për këtë proces reformimi.

Në aktivitet morën pjesë përfaqësues të institucioneve të ndryshme shtetërore, pedagogë dhe studente të UMB

Drejtoresha e Burimeve Njerëzore të NATO-s posaçërisht nga Brukseli per të prezantuar programin e stazheve për studentët e Marin Barletit
Departamenti i Drejtësisë dhe ai i Ekonomisë i universitetit, në datën 29 maj 2008, zhvilluan në UMB takimin e studentëve të UMB-së me znj.Katrin Hett, Drejtoreshë e Burimeve Njerëzore në NATO (Bruksel).

Qëllimi i këtij takimi/lektoriumi të hapur ishte prezantimi nga znj.Hett, e programit të stazheve pranë selisë qendrore të NATO-s. Në këto programe tashmë mund të marrin pjesë edhe studentët shqiptarë, duke pasur parasysh se Samiti i Bukureshtit hapi dritën jeshile për Shqipërinë për tNULLu bërë pjesë e aleancës së Atlantikut të veriut, pas marrjes së ftesës për anëtarësim në këtë organizëm.

Znj.Hett bëri për studentët e UMB-së një prezantim të plotë të programit, mënyrës dhe kritereve të aplikimit, gjë që u prit me interes prej tyre. Gjithashtu, u prezantuan edhe disa nga aktivitetet kryesore të NATO-s, me synim garantimin e sigurise dhe paqes në botë, në zona të nxehta të globit ku ekzistojne konfliktet e armatosura.

Prezantimi u prit me interes nga studentët dhe u shoqerua edhe me materiale të ndryshme, si: kaseta, broshura etj., duke dhënë më shumë informacion për studentët në lidhje me shtrirjen dhe aktivitetin e NATO-s në botë, si dhe per mundësitë e aplikimit të tyre në programin e stazheve pranë këtij organizmi.

Kryetari i Komisionit Qendror të Zgjedhjeve, diskuton me studentët: (Ndryshimet kushtetuese në lidhje me sistemin zgjedhor)
Në kuadrin e aktiviteteve të planifikuara nga Departamenti i Drejtësisë, në datë 28 maj 2008, në UMB u zhvillua lektoriumi i hapur me studentët e drejtësisë dhe z. Shkëlqim Gjata, Kryetar i Komisionit Qendror të Zgjedhjeve.

Qëllimi i këtij lektoriumi të hapur ishte njohja me ndryshimet e fundit në Kushtetute në lidhje me sistemin zgjedhor.

Z. Gjata bëri një trajtim të hollësishëm dhe të gjithanshëm të sistemit tonë zgjedhor, historikut të zhvillimit të tij, ndryshimeve që ka pësuar dhe problematikës së deritanishme të hasur. Ndryshimet e bëra në Kushtetutë kërkojnë edhe ndryshimin e Kodit Zgjedhor, që pritet të ndryshojë së shpejti, duke reflektuar këto ndryshime, gjë që u trajtua në mënyrë të vecantë në kuadrin e reformes zgjedhore.

Prezantimi u prit me interes nga studentët, dhe u shoqërua edhe me pyetje të ndryshme në lidhje me problematikën zgjedhore.

Departamenti Ekonomik dhe ai i Shkencave Politike i UMB-se zhvilluan ne daten 22 maj, konferencen (Politika aktive per qytetarin).
U zhvillua ne daten 22 maj, konferenca "Politika aktive e qytetarit". Organizuar nga Universiteti Marin Barleti, Departamenti Ekonomik dhe ai i Shkencave Politike, kjo konferencë pati si qëllim zgjimin e interesit të botës akademike dhe politik-bërësve mbi legjitimitetin e politikave si praktika me efikasitet për qytetarin.
Konferenca u zhvillua në dy panele diskutimi:
Në njërin prej tyre, atë të Shkencave politike, u synua të vihej thelbi tek - qytetari si burimi dhe qëllimi final i politikës;
- formulimi i konceptit të mirëqenies sociale si alternativë për të kaluar përtej të majtës e të djathtës;
- dhe domosdoshmëria e etikës në politikë.

Gjatë panelit të dytë, atë të shkencave ekonomike, u referuan mundësitë për platforma konkrete ekonomike në shërbim të zbutjes të pabarazive dhe reduktimit të varfërisë.
Në mbyllje të punimeve u arrit në përfundimin se drejtësia sociale është një nga shtyllat për matjen e efikasitetit qeverisës. Ajo nuk është vetëm procedurale pra nuk synon vetëm të sigurojë një nisje të barabartë një herë e përgjithmonë drejt konkurrencës, por dhe të sigurojë nisje të barabartë për çdo brezni qytetarësh, për të shmangur polarizimin dhe margjinalizimin.
Referatet e përgatitura me këtë rast u mbajtën nga prof. Ermelinda Meksi (anëtare bordi dhe pedagoge pranë UMB), prof.as. Arben Malaj, prof. Bardhyl Çeku (përgjegjës i departamentit të Marketingut në UMB), prof.as Gjergj Sinani (pedagog filozofie pranë UT), Vilma Premti (Drejtoreshë e përgjithshme e Shërbimit social shtetëror, pranë Ministrisë së Punës dhe Çështjeve sociale dhe Shanseve të barabarta), Zamira Çavo (prorektore UMB), Gëzim Tushi (sociolog).

Universiteti "Marin Barleti" synon qe te gjitha konferencat e tij shkencore, tNULLi perthyeje ne nje format te thjeshtuar per studentet, me qellim qe ata te ndjehen pjese e zhvillimit te mendimit akademik. Ne mbeshtetje te kesaj iniciative konferenca akademike "Politika Aktive per Qytetarin" iu percoll studenteve te Ekonomikut dhe Shkencave Politike prej vete, atyre pra studenteve, te cilet permblodhen per shoket e tyre referatet e takimit te zhvilluar nje dite me pare.

Lektorium (Roli i shqiptarëve në integrimin e Maqedonisë në Nato) me Ministrin e Arsimit të Republikës së Maqedonisë z. Sulejman Rushiti
Universiteti “Marin Barleti” organizoi sot një takim të hapur me Ministrin e Arsimit të Republikës së Maqedonisë z. Sulejman Rushiti, me temë: “Roli i shqiptarëve në integrimin e Maqedonisë në Nato”. Ndër çështjet kryesore u trajtuan problematika e arsimit shqip dhe sfidat e integrimit euroatlantik të vendit fqinj.

Mungesa 70 vjeçare e institucioneve të arsimit shqip në Maqedoni ka qenë evidente dhe do kohë të përmirësohet. Nga viti 1994 shumë pak është bërë, ndaj arsimit shqiptar në Maqedoni aktualisht dhe me të drejtë i kushtohen 70% të investimeve në kapitale “dhe kjo ka qenë dhe në qendër të debateve mes meje dhe kryeministrit Gruevski” bën të ditur ministri.

“Rilindja e kombëtarizimit u bë me hapjen e universiteteve” tha Rushiti. “Nacionalizmi është një vlerë evropiane. Shteti-nacion nisi në Europën Perëndimore. Por ka kaluar koha që “nacionalizmi maqedonas” nëse mund ta quaj kështu, edhe ai më anti-shqiptar, të dëmtojë procesin integrues të Maqedonisë. Maqedonia shkon drejt një shteti mbinacional dhe kjo është e kuptuar nga të gjitha qarqet”.

Duke përmendur ato të Kumanovës, Gostivarit, etj, z. Rushiti kujtoi si hapja e institucioneve të arsimit në gjuhën shqipe në Maqedoni nuk është arritur në mënyrë të natyrshme, por me protesta. Duke dhënë fillimisht një pasqyrë të gjendjes së arsimit shqip në Maqedoni, ministri kujtoi kërkesat, edhe të përgjakshme, për hapjen e shkollave fillore, të mesme e të larta në gjuhën shqipe, si veçori të një situate të kaluar tashmë. Vendin e tyre e kanë zënë sfida të reja si harmonizimi i legjislativës së Republikës së Maqedonisë në kuadrin e BE, duke qenë shtet kandidat për të hyrë në të.
Krijimi i institucioneve është shumë i rëndësishëm për integrimin: Karta e Bolonjës apo programe si Leonardo Da Vinci dhe Erasmus paraqesin vështirësi në përshtatje të institucioneve ekzistuese, aq sa, më e lehtë është ngritja e atyre të reja.

Maqedonia nuk mund të ekzistojë pa shqiptarët, të cilët mund të jenë faktor stabilizimi dhe destabilizimi në vend. Nëse shqiptarët në ish-Jugosllavi njiheshin jo si komb por kombësi, sot statusi i tyre nuk përbën problem, edhe pse, sipas z. Rushiti, problemi më i madh i Maqedonisë nuk është mosgjetja e kompromisit mes saj dhe Greqisë për përdorimin ndërkombëtar të emrit, por mosfunksionimi i shtetit multietnik. "A nuk është e habitshme si, 10 ditë para Samitit të Bukureshtit, u bënë disa kërkesa 17 vjeçare mbi të drejtat kolektive të shqiptarëve në Maqedoni? Pse Marrëveshja e Ohrit (që ndaloi konfliktin në 2001) u pasua nga të tjera që e zbehën atë, duke hapur tema si ndarja territoriale dhe decentralizimi e duke lënë më pak në pah përdorimin zyrtar të shqipes, të simboleve kombëtare, etj?”

Sot Maqedonia duhet të zgjidhë problemet e jashtme me Greqinë, por dhe çështjet e brendshme. Zgjidhja e të drejtave kolektive është në rrugë e sipër. Pak paradoksale është situata me zgjedhjet e parakohshme të kërkuara nga partia opozitare shqiptare, në një kohë kur po realizohet marrëveshja mes Partisë Demokratike të Shqiptarëve në Maqedoni (PDSH) dhe Partisë së kryesuar nga Kryministri Nikola Gruevski (VMRO DPMNE): në të përmbahet formimi i grupeve të punës të të dy partive për miratimin e ligjit të gjuhës, flamurit, statusit të veteranëve të UÇK-së dhe njohjen e pavarësisë së Kosovës.

“Nganjëherë fatkeqësia mund të kthehet në fat" përfundon z. Rushiti. "Familje shqiptarësh të emigruara nga Maqedonia sot kthehen dhe kontribuojnë me kulturën dhe arsimin e marrë në perëndim. Ashtu si dikur humbja e universiteteve të Sarajevës, Zagrebit, Shkupit e Beogradit, u zëvendësua me Universitetin e Tiranës, ku u kontribua në diçka shumë të rëndësishme për shqiptarët që jetojnë në shtetin amë: shkëmbimi dhe ruajtja e trashëgimisë kulturore. Integrimi i shqiptarëve për momentin e ka pikën e përbashkët në Bruksel. Është e pamundur të mendohet integrimi evropian pa ngritur kultivimin e veçantive tona kulturore”.
Ndaj nuk ka pse të duket çudi si të huajt janë të interesuar për integrimin brenda shqiptar, si për shembull duke mbështetur propozimin në Maqedoni për reformat e kurrikulave dixhitale të arsimit shqip. Por nevoja për këtë integrim është larg ideve nacional-romantike. Ajo mbështetet në standardizimin e të dhënave në hapësirat panshqiptare.

Kuriozitet:
Takimi i ministrit të Arsimit të Maqedonisë Sulejman Rushiti me studentët u mundësua në kuadrin e Qendrës së Studimeve mbarëshqiptare, baza e së cilës qe Memorandumi i nënshkruar në mars të këtij viti mes Universitetit “Marin Barleti” (UMB), Universitetit për Teknologji e Biznes të Prishtinës (UBT) dhe Universitetit shtetëror të Tetovës. Ministri i Arsimit z. Sulejman Rushiti është gjithashtu anëtar i bordit të kësaj qendre (përkrah figurave si Enver Hoxhaj - Ministër Arsimi i Kosovës, Arbën Xhaferri - filozof maqedonas, Edmond Harizi – rektor i UBT, Labinot Greiçevci – i Departamentit të Shkencave Politike po aty, Mentor Nazarko – i departamentit të Shkencave Politike në UMB, etj).
I vëmendshëm ndaj çështjeve që paraqesin interes për studentët e tij dhe opinionin e gjerë, Universiteti “Marin Barleti” organizon takime të shumta publike me figura të shquara të vendit dhe ndërkombëtare. Takimi i sotëm me Ministrin e arsimit të Maqedonisë z. Sulejman Rushiti, pason atë të dy ditëve më parë me Ambasadorin e BE në Tiranë z. Helmut Lohan.

Më shumë rreth të ftuarit:
SULEJMAN RUSHITI është zgjedhur Ministër i Arsimit dhe Shkencës në 26 gusht 2006.
Lindur në 22 janar 1972 në Gostivar, ai u diplomua si regjisor në Akademinë e Arteve në Tiranë.
Prej 1998-2001 ka punuar si regjisor në Televizionin e Maqedonisë.
Pas kësaj, ai ka qenë menaxher i përgjithshëm i Teatrit të Kombësive në Shkup.
Ai është themelues i TEATRIT ALTERNATIV në Shkup, dhe pjesëtar i Bordit Ekzekutiv i Shoqërisë Pro Helvetia.
Njohës i 4 gjuhëve të huaja (anglisht, gjermanisht, italisht dhe serbisht), në karrierën e tij profesionale ka punuar si drejtor në Teatrin e Oldenburg-ut dhe si Menaxher drejtues në Institutin Goethe në Gjermani.
Z. Rushiti është zv.kryetar i Partisë Demokratike të Shqiptarëve në Maqedoni (PDSH).

(Procesi i integrimit të Shqipërisë në Bashkimin Europian) lektorium i hapur me z. Helmuth Lohan, Ambasadorin e BE në Tiranë
Java Europiane (në fillim të muajit maj) u parapri në Universitetin "Marin Barleti" me takimin që kreu i delegacionit të Komisionit Europian, z. Helmuth Lohan, zhvilloi para studentëve mëngjesin e sotëm. I pritur nga rektori Nikolla Dhamo dhe anëtarja e Bordit drejtues të UMB Ermelinda Meksi, z. Lohan mbajti një lektorium të hapur me temë "Procesi i integrimit të Shqipërisë në Bashkimin Europian". Takimi ngjalli interesin e gjerë jo vetëm të studentëve e pedagogëve por edhe përfaqësuesve të mediave, që kishin mbushur sallën e konferencave të UMB-së. Kjo për tNULLu njohur më nga afër me këtë proces integrimi, por edhe për të mësuar në mënyrë ekskluzive qëndrimin e parë të ndërkombëtarëve pas ndryshimeve kushtetuese.

Më tepër rreth lektoriumit
Fillimisht ambasadori i BE në Tiranë paraqiti një përmbledhje të marrëveshjeve të lidhura me procesin e integrimit europian të Shqipërisë si ajo e Lehtësimit të vizave apo Stabilizim-Asociimi (firmosur në 2006 e ratifikuar nga 14 shtete deri më sot). Duke cituar artikullin 1 të nenit 2 të kësaj marrëveshjeje (sipas të cilit baza për politikën e brendshme dhe të jashtme duhet të jetë respektimi i parimit të të drejtave të njeriut, demokracisë, shtetit ligjor dhe ekonomisë së tregut), z. Lohan vuri re si BE nuk është një bashkim fjalësh të zbrazëta por bashkim vlerash. "Kjo është e rëndësishme, edhe pse ndonjëherë harrohet" tha ai. "Nuk di sa ndiqet debati brenda BE-së, por shtetet anëtare i kushtojnë shumë vëmendje shteteve të reja kandidate (apo potenciale kandidate) dhe aplikimit të trasparencës së shtetit ligjor në to".
I pyetur se kur mund ta bëjë Shqipëria kërkesën për statusin e vendit kandidat në Bashkimin Europian, z. Lohan u shpreh se hapi i parë pas nënshkrimit të Marrëveshjes së Stabilizim-Asociimit (MSA) është zbatimi i saj. "Pasi bëhet kërkesa për vend kandidat në BE, përgjigje e keqe mund të jetë JO por ka dhe një përgjigje po aq shumë të keqe: MOSREAGIMI. Ndaj duhet menduar mirë momenti kur të bëhet kjo kërkesë".

Pas kuadrit dhe vlerave të BE, një tjetër çështje e trajtuar para studentëve ishte dhe hapja e kufijve BE-Shqipëri.
Nga ana ekonomike kjo hapje do të sillte mundësi eksportesh e importesh vendase, por jo garanci, paralajmëroi Lohan. "Ndaj i takon komunitetit të biznesit, bujqve shqiptarë, të përcaktojnë mundësitë dhe shfrytëzimin e tyre. Në periudhën afatgjatë do ketë shumë konkurrencë, por Shqipëria e ka kohën në dispozicion për tNULLu përgatitur".
Nuk duhet ngatërruar arsyeja me efektin, nënvizoi Lohan. Fakti që regjimi i vizave Shengen në Ballkanin Perëndimor dhe Shqipëri paraqet vështirësi, kjo nuk është dëshirë e BE-së. I pyetur mbi përkatësinë fetare ajo nuk është problem për hyrjen në Europë në një kohë kur "bashkëjetesa paqësore dhe toleranca fetare sNULLështë çështje as për ju as për ne, por virtut i popullit tuaj" tha Lohan. Qarkullimi i lirë në Europë do standarte europiane, mosrespektimi i tyre sNULLështë faj i Shqipërisë dhe qëllimi i BE është të ndihmojë në arritjen e tye, ekonomikisht por edhe me presion pozitiv ndaj politikëbërjes, përmes shërbimeve të konsulencës e udhëzuesve të ndryshëm. "Ju mendoni se kështjella europiane i ka dyert e mbyllura, por ato po hapen për shqiptarët. ÇNULLndodh kur perceptimi i njerëzve është larg nga realiteti? Mendoni se janë të përmbushme këto standarte? Ju takon ju pra të respektoni standartet e të ndryshoni atë perceptim - si të vendeve të BE ndaj jush ashtu dhe të shqiptarëve ndaj BE-së".

Më tepër mbi ndryshimet në kushtetutë dhe qëndrimin e BE
"Konsensual dhe i gjerë". Kështu e cilësoi ambasadori i BE në Tiranë, gjatë takimit të sotëm pranë Universitetit "Marin Barleti", miratimin e paketës së ndryshimeve të thella në Kushtetutë. Z. Helmut Lohan vlerësoi konsensusin e arritur në Parlament, duke theksuar se "brenda BE ka një shumëllojshmëri të gjerë sistemesh zgjedhore njëlloj demokratike ndërmjet tyre, por i takon ligjvënësve shqiptarë të vendosin cili është më i përshtatshëm për Shqipërinë. Ajo që ne do bëjmë do jetë një analizë e kujdesshme e këtyre shtesave të futura në Kushtetutë, të cilat u propozuan 10 ditë më parë".
Pasditen e djeshme, kuvendi miratoi me 115 vota pro dhe 17 kundër disa ndryshime që prekin sistemin proporcional-rajonal me lista të mbyllura, dhe mocionin e besimit ndaj kryeministrit dhe presidentit, që për herë të parë pas 4 vitesh do zgjidhet në kuvend me 70+1 të votave, në dy raundet e fundit të votimeve.

Në Ditën e Hapur, UMB organizon Forumin (Sfidat dhe mundësitë e punësimit të të diplomuarve)
Në një kohë kur vëmendja mediatike mbi universitetet është përqëndruar më së shumti tek procesi i të drejtës së studimit në to, çNULLndodh rreth perspektivave që shfaqen pas përfundimit të arsimit të lartë në Shqipëri? Për këtë u mundua të japë një përgjigje Forumi mbi sfidat dhe mundësitë e punësimit të të diplomuarve, që universiteti jopublik "Marin Barleti" organizoi sot në kuadrin e Ditës së Hapur të tij.

Mes të ftuarve të tjerë, Blerta Selenica, Drejtoreshë pranë Departamentit të Administratës Publike, foli më gjerësisht mbi "Mundësitë dhe kërkesat e sektorit publik për të diplomuarit e sotëm". Partner i institucionalizuar i UMB-së prej nëntorit të kaluar, Departamenti i Administratës Publike (DAP) rekruton çdo verë 250 punonjës, 50 prej të cilëve nuk u kërkohet eksperiencë pune. "Për të diplomuarit e nivelit I (trevjeçar apo bachelor) kualifikimi është specialist i thjeshtë, dhe të interesuarit kanë të drejtë aplikimi për vend pune në administratë" sqaroi ajo.

"Sektori privat dhe punësimi i të rinjve" ishte tema e trajtuar nga Luli Makashi, drejtoreshë ekzekutive pranë Agjencisë private të punësimit Ande-Lm. Operativ prej 5 vitesh dhe prej këtij viti filial i ri për Shqipërinë i rrjetit më të madh global për ofertën e internship-eve (me qendër në Hollandë), Ande-Lm është i hapur për çdo student, kompani dhe universitet të interesuar për praktikë pune.

Po cilat janë prioritetet që Universiteti "Marin Barleti" ofron në integrimin në tregun e punës?

Një prezantim i UMB-së u paraqit fillimisht nga përgjegjësja e Zyrës së Këshillimit e Karrierës Ermira Danaj: degët e ofruara vitin e ardhshëm akademik (Juridik, Ekonomik, Shkenca Politike); vështirësitë në zhvillimin e karrierës vetëm me formimin bazë trevjeçar (bachelor); veçoria në kombinimin me minorët (formime dytësore të përfshira në bachelor); dhe këshillimin e Masterave të nivelit I e II që do të hapen së shpejti.
Mësimdhënia e orientuar drejt praktikës, pasqyruar në Javën e Trajnimit të Karrierës dhe sidomos Memorandumet e bashkëpunimit të Universitetit "Marin Barleti, u dhanë si shembuj që mundësojnë internship-et dhe stazhin në universitete e institucione të tjera, gjatë periudhës së studimeve.

Forumi u mbyll nga menaxherja dhe përfaqësuesja e Grupit Dudaj, e cila paraqiti lehtësimin që bizneset e këtij grupi ofrojnë me mundësitë e punësimit part-time e full-time, pasi "prioritet do i jepet studentëve të UMB" theksoi ajo, "këtij brezi në përgatitjen e të cilit ne investuam që të jetë i aftë më vonë të shërbejë profesionalisht edhe në bizneset tona".

Ky forum, mundësuar nga Universiteti "Marin Barleti" me rastin e Ditës së Hapur Prill 2008 dhe organizuar nga Zyra e Këshillimit e të Karrierës në bashkëpunim me disa partnerëve të institucionalizuar të UMB, u zhvillua në Sallën e Konferencave në prezencën e përfaqësuesve të biznesit privat, shoqërisë civile, Bordit e stafit drejtues dhe akademik të UMB, studentëve, prindërve, maturantëve të shkollave të mesme etj, dhe u pasua nga një coctail.

Për më tepër informacion:

Mbi UMB - http://www.umb.edu.al//
Mbi memorandumet e bashkëpunimit të UMB - http://www.umb.edu.al/te_reja_akademike/readmore.asp?id=10
Mbi partnerët e UMB: bizneset e Grupit Dudaj - http://www.umb.edu.al/mbi_umb/partneret.asp
Mbi bashkëpunëtorët e UMB: Administrata Publike - http://www.pad.gov.al/
mbi Agjencinë private të punësimit Ande-Lm - http://www.ande-lm.com/

Lektorium (Skenarët e rritjes ekonomike të Kosovës) nga Prof. Dr. Muhamet Mustafa
Universiteti “Marin Barleti” mirëpriti sot, në kuadrin e lektoriumeve të hapura, Prof. Dr. Muhamet Mustafën, i cili mbajti një referat mbi skenarët e rritjes ekonomike të Kosovës, nën këndvështrimin e konferencës së sapozhvilluar “Bashkëpunimi ekonomik Shqipëri-Kosovë”.

Pasi paraqiti fillimisht profilin socialo-ekonomik të asaj që tashmë njihet si Republika e Kosovës, z.Mustafa u ndal në rritjen ekonomike - kusht që një shoqëri të quhet e vetëmjaftueshme - dhe faktorët që e përcaktojnë atë. Si pozitiv u përmend fakti që Kosova ka një popullatë të re (përqindja e vogël e asaj mbi 60 vjeç përkon me nevojën për pak fonde pensionale, gjë që mund të krijojë kushtet për arsim e investim në burimet njerëzore). Por në të njëjtën kohë, rritja e popullatës do të kërkojë investime në infrastrukturë e vende pune.
“Rritja ekonomike duhet të jetë afatgjate, dhe gjeneratori i saj nuk është pasuria natyrore. Është aftësia e produktivitetit faktori i saj përcaktues” tha z. Mustafa, duke sjellë shembullin e dy vendeve si Brazili e Japonia që e vërtetojnë më së miri këtë. Është pikërisht produktiviteti çelësi i rritjes ekonomike. Jo aq e rëndësishme sa investohet, po sa efikas është investimi. Ndaj është e nevojshme që investimet të shkojnë dhe në njerëz, jo vetë kapital.
Në këtë mënyrë lidhet menaxhimi i resurseve me rritjen ekonomike.

Duke referuar një studim të Bankës Botërore kryer mbi 80 shtete, Z.Mustafa solli përfundimin se edukimi (që krijon know how); intensiteti financiar (përqindja e kredive private në GDP); hapja ndaj tregut botëror (që sjell vëllimin e tregtisë dhe krijimin e konkurrencës, por edhe nevojën për të mbrojtur produktin vendas); kostoja e qeverisë; shërbimet publike e infrastruktura, si dhe qeverisja, mund të jenë disa nga mësimet e marra.

Me eksperiencë të gjatë në mësimdhënie, z.Mustafa nuk e ka për herë të parë daljen para studentëve. Por as para reflektorëve të botës politike: Në mes të viteve ’80 ai ka qenë Ministër i Zhvillimit për Kosovën dhe në ish Federatën Jugosllave. Nën presionin e Milloshevicit, në periudhën e grevave të minatorëve të Trepçës, dha dorëheqjen nga qeveria.
“Trepça merret si shembull i burimeve tokësore të Kosovës edhe pse, që pas grevave të urisë apo marshimeve deri në Prishtinë të minatorëve të saj, roli që mbart është më shumë emotiv. Gjatë viteve ’90 prodhueshmëria e saj është reduktuar, infrastruktura është vjetëruar. Vetëm me miniera nuk bëhesh i pasur, duhen investime në kapital dhe njerëz” theksoi z. Mustafa, duke iu përgjigjur studentëve.
I pyetur nëse prishja ekonomike me Serbinë do të ndikojë në skenarët e mundshëm të zhvillimit të Kosovës, ai u përgjigj se “Çka prodhon Serbia që s’e prodhon Turqia, Bullgaria, Greqia? Ky ishte vetëm një presion ndaj shpalljes së pavarësisë dhe vendeve që do e njihnin atë”.

Takimi i zhvilluar në UMB vijon konferencën e mbajtur para pak ditësh në Durrës “Bashkëpunimi ekonomik Shqipëri-Kosovë”, realizuar nga Universiteti “Marin Barleti” me pjesëmarrjen e figurave të spikatura akademike, politike dhe ekspertë të ekonomisë, ku nuk mund të mungonte dhe prof. dr. Muhamet Mustafa.

Më tepër rreth të ftuarit
Në mes të viteve ’80 z. Muhamet Mustafa ka mbuluar rolin e Ministrit për Zhvillim, përgjegjës për forcimin e ekonomisë kombëtare në ish Federatën Jugosllave përmes investimeve të huaja direkte dhe ndërmarrjeve aksionare. Nën presionin e Milloshevicit, z.Mustafa dha dorëheqjen nga qeveria.
Profesor në Fakultetin Ekonomik të Universitetit të Prishtinës që nga viti 1987, ka mbuluar lëndë që lidhen me menaxhimin e zhvillimit.
Ka publikuar 7 monografi dhe tekste universitare, si dhe shumë artikuj në revista vendase dhe të huaja.
Ai është themelues i Institutit RIINVEST, një think tank privat, i njohur në Kosovë dhe rajon. Që nga viti akademik 2007-2008 ka lançuar edhe Universitetin Riinvest.
Prof. Dr. Muhamet Mustafa është nga ekspertët më të mirë ekonomikë të Kosovës.

Kërkohet krijimi i një hapësire të përbashkët ekonomike, gjatë Forumit organizuar nga UMB (Bashkëpunimi ekonomik Shqipëri-Kosovë).
U zhvillua në datën 8 mars në Durrës forumi me temë "Bashkëpunimi ekonomik Shqipëri-Kosovë".
Ideuar nga dy universitete elitare private si universiteti jopublik "Marin Barleti" (UMB) i Tiranës me parneritetin e Universitetit për Biznes e Teknologji (UBT) të Prishtinës, forumi mblodhi figura të botës akademike e politike që diskutuan rreth skenarëve të mundshëm ekonomikë menjëherë pas shpalljes së pavarësisë së Kosovës dhe paralelisht me njohjen ndërkombëtare të saj. Ai u konceptua dhe ideua nga drejtues të Universitetit dhe Departamenteve të veçanta të Universitetit Marin Barleti si dr. Zamira Cavo dhe M.A. Mentor Nazarko, dhe partnerët e tyre në Universitetin e Biznesit dhe Teknologjise si M.A Ulpiana Lama, Labinot Greicevci, etj.

Përfaqësuesit më të rëndësishëm nga vendimmarrja, ekspertët më të mirë të ekonomisë në të dy vendet, dhe përfaqësues të Asociacioneve të biznesit në të dy vendet, apo biznesmenë të dy vendeve që kanë investuar në dy shtetet respektive si:

- nga Shqipëria anëtarja e bordit UMB dhe deputetja znj. Ermelinda Meksi; anëtari i bordit të UMB dhe Kryetar i Komisionit Parlamentar të Ekonomisë z. Edmond Spaho; Prof. Arben Malaj, prof. as. Petraq Milo, Zv.Kryeministri z.Gazmend Oketa, Ministri i Ekonomisë Tregtisë dhe Energjetikës z.Genc Ruli; Ministri i Transporteve Punëve Publike dhe Telekomunikacioneve z.Sokol Olldashi; Ministri i Arsimit dhe Shkencës z.Genc Pollo, Zv.Ministri i Financave Florian Mima etj); presidenti i Sigalit Avni Ponari, përfaqësues nga Konfindustria, etj
- nga Kosova Zv/Kryeministri Ramë Manaj, Zv/Ministri i Financave Bedri Hamza, rektori i UBT në Prishtinë z. Edmond Hajrizi; drejtues të Aleancës Kosovare të Biznesit që grupon 6000 biznese të Kosovës etj
- dhe nga Maqedonia intelektuali i shquar Z. Arben Xhaferri, zv. kryeministri i Maqedonise Imer Aliu, përfaqësues nga Universiteti Shtetëror i Tetovës, sekretari i përgjithshëm Ali Salihi, profesor Qufli Osmani, etj;

paraqitën si idenë kryesore institucionalizimin e bashkëpunimit politiko-ekonomik nëpërmjet një forumi te përvitshëm ekonomik, një samiti kryetarësh shtetesh dhe qeverish, krijimin e një komiteti te përbashkët ekonomik, me nënkomitete sipas sektorëve me synim: krijimin e një hapësire ekonomike të përbashkët, sipas modeleve europiane, atë që Arbër Xhaferri e quajti Komunuelth ekonomik shqiptar, ndërsa zëvendësdrejtori i UNMIK-ut për politika ekonomike Elinor Bajraktari e quajti "një sistem në dy shtete".

Forumi u parapri një ditë më parë nga shpallja e Qendrës së Studimeve Shqiptare (që do të ketë botimin e vet të përtremuajshëm gjeopolitik) dhe nënshkrimi i memorandumit të marrëveshjes mes Universitetit "Marin Barleti" në Tiranë, Universitetit për Biznes e Teknologji të Prishtinës dhe Universitetit Shtetëror të Tetovës.

Për programin e detajuar të konferencës klikoni këtu

Universiteti "Marin Barleti"

UMB organizon konferencën e parë mbi bashkëpunimin ekonomik ndërshqiptar, fokusuar tek ai mes Shqipërisë e Kosovës
Universiteti “Marin Barleti”, mbështetur nga Universiteti për Biznes dhe Teknologji (UBT) në Prishtinë, organizon sot në ambientet e Hotel «Adriatik» në Durrës, konferencën “Bashkëpunimi ekonomik Shqipëri-Kosovë. Skenarë ekonomikë”.

PSE "MARIN BARLETI" dhe UBT
*Universiteti "Marin Barleti" (UMB) përfaqëson një qendër të rëndësishme universitare, në nivel kombëtar për sa i takon kapaciteteve akademike. Figura me peshë të jetës institucionale shqiptare janë në stafin pedagogjik dhe bordin e tij. Një ish president, një ish prokuror i përgjithshem, nënkryetari i parlamentit të vendit, kryetari i Komisionit të Ekonomisë, anëtare të Gjykatave më të larta të vendit, politologë që japin leksion dhe në universitetin e Sorbonës, Paris, etj janë vetëm disa prej anëtarëve të stafit të tij akademik. Është pikërisht bagazhi i tyre profesional, i njohjeve njerëzore, institucionale, në eksperiencat e mëparshme, vizioni i tyre i përbashkët që solli si produkt organizimin e një konference me subjektin që ky universitet propozon.
* Universiteti për Biznes dhe Teknologji (UBT) ofron studime ndërkombëtare dhe interdisiplinare, që përgatisin studentët me kërkesat dhe nevojat e tregut të punës dhe trendeve bashkëkohore. Në UBT japin mësim mbi 100 profesorë nga Amerika, Evropa dhe Koreja Jugore. Bashkëpunimi me ekspertë nga ekonomia (të cilët si ligjërues u përcjellin studentëve në mënyrë praktike njohuritë e tyre profesionale), kompetenca interdisciplinare, përvoja ndërkombëtare dhe mobiliteti garantojnë cilësi dhe sukses në shkollim.

PSE KY PROPOZIM
Përligjja e idesë për një aktivitet me këto tema. Përcaktimi dhe njohja e statusit politik të Kosovës mbart shumë pikëpyetje mbi ecurinë e saj si entitet ekonomik të pavarur. Këto pikëpyetje ndërkaq u hapin rrugën shumë skenarëve të të ardhmes së saj si realitet i vetëmjaftueshëm ekonomikisht Pikëpyetjet më të mëdha vijnë për shkak të varësisë ekonomike të sistemit kosovar prej Serbisë që kërcënon me sanksione ekonomike, ndërprerje të furnizimit me energji, bllokim të eksporteve të saj drejt Kosovës, etj. Edhe reduktimi i interesit ndërkombëtar për Kosovën mund të sjellë implikime negative në pikëpamje të mbështetjes për ekonominë e saj. Por jo vetëm. Fuqizimi dhe hapja e ekonomisë së Shqipërisë drejt Kosovës, ndërtimi i një rrjeti infrastrukturor që lidh dy anët e kufirit ku banojnë shqiptarë, duket sikur e lehtësojnë barrën e mbijetesës së një zone që nuk ka dalje në det, që nuk ka eksperiencë zhvillimi të pavarur, që ka një papunësi mbi 50% në një popullsi nga më të rejat në botë, mes të tjerave.

Zhvillimi i idesë. Një grup ekspertësh, vendimmarrësish, njerëzish të biznesit, etj, diskutojnë mbi skenarët e mundshëm në një konferencë që do të zhvillohet pikërisht pak kohë pas shpalljes së pavarësisë së Kosovës, dhe paralelisht me njohjen graduale ndërkombëtare të statusit të saj.

Dimensionet e aktivitetit. Në këtë propozim ka disa elemente thelbësore:
• dimensioni i fortë akademik me studime për skenarët ekonomikë që hapen me pavarësinë e Kosovës;
• dimension politik ku krijohen mundësi kontakti midis politikës, biznesit dhe mjediseve akademike;
• dimension të fortë mediatik në bazë të kohës së zgjedhur, temave, pranisë së figurave që e garantojnë këtë; por edhe
• dimension ndërkombëtar. Zhvillimet që do të pasojnë pavarësinë e Kosovës, kanë një rëndësi ndërkombëtare të jashtëzakonshme. Pavarësimi i Kosovës përfaqëson një ndër katër ngjarjet më të rëndësishme të globit. Skenarët ekonomikë që do ta pasojne atë janë thelbi i kësaj pavarësie. Në këtë perspektivë, askush më mirë se universitetet, të paqortueshëm për prapavija politike, nacionaliste, etj, nuk mund të realizojne një tubim të tillë, me vizion strategjik. Botimi i eseve që do të mbahen siguron ndërkohe që gjithçka diskutohet në aktivitet të shërbejë si një lloj almanaku udhërrëfyes për veprimtarinë e institucioneve të Kosovës dhe të Shqipërisë.

PJESEMARRJA
Në konferencë do të marrin pjesë
- përfaqësues nga Shqipëria si deputetja dhe anëtarja e bordit UMB znj. Ermelinda Meksi; anëtari i bordit të UMB dhe Kryetar i Komisionit Parlamentar të Ekonomisë z. Edmond Spaho; Zv. Kryeministri z.Gazmend Oketa; Ministri i Ekonomisë Tregtisë dhe Energjetikës z.Genc Ruli; Ministri i Transporteve Punëve Publike dhe Telekomunikacioneve z.Sokol Olldashi; Ministri i Jashtëm z.Lulëzim Basha; Ministri i Drejtësisë z.Enkeled Alibeaj; Ministri i Arsimit dhe Shkencës z.Genc Pollo etj.;
- përfaqësues nga Kosova si rektori i UBT në Prishtinë z. Edmond Hajrizi; Rektori i Universitetit të Prishtinës z.Enver Hasani; Zv.Kryeministri i Kosovës Ramë Manaj, Ministri i Arsimit të Republikës së Kosovës z. Enver Hoxhaj; Ministri i Ekonomisë z. Ahmet Shala; Ministrja e Energjetikës znj. Justina Pula etj.
- përfaqësues nga Maqedonia si rektori i universitetit të Tetovës z.Sadi Bexheti; z. Arbën Xhaferri etj.

Për programin e detajuar të konferencës klikoni këtu

Sponsor: Banka Ekonomike - Prishtinë, Eurokoha, Kosova Airlines, BKT
Sponsor gjeneral: SIGAL

UMB, UBT i Prishtinës dhe Universiteti shtetëror i Tetovës nënshkruajnë Memorandum bashkëpunimi dhe shpallin hapjen e Qendrës së Studimeve Shqiptare
Sot në mjediset e Hotel Adriatik në Durrës, tre universitete të hapësirës kombëtare :
Universiteti "Marin Barleti" (UMB), Tiranë
Universiteti për Biznes dhe Teknologji (UBT), Prishtinë
Universiteti Shtetëror i Tetovës
shpallin krijimin e Qendrës së Studimeve Shqiptare.

Qëllimi kryesor i kësaj qendre është:
- frymëzimi dhe organizimi i studimeve ekonomike, politike, sociologjike, me kontekst panshqiptar që favorizojnë integrimin euroatlantik të shqiptarëve;
- ofrimi i asistencës për institucionet e specializuara të këtyre vendeve, me prognoza, studime afatgjata për çështje apo prioritete strategjike të hapësirës së tyre në përgjithësi;
- komisionimi pranë Universiteteve të tjera joshqiptare i studimeve me këtë natyrë;
- ofrimi i bursave, në secilin prej universiteteve, ndaj kërkuesve të huaj, kryesisht perëndimorë, që kanë në qendër të studimeve të tyre faktorin shqiptar në përgjithësi;
- roli, me studimet e tyre, i një pike referimi në një kontekst akademik ndërkombëtar.

Qendra do të ketë revistën e saj gjeopolitike, një botim periodik shkencor që do të përmbledhë ese politologjike, ekonomike, nga fusha e sigurisë, etj, të stafeve përkatëse akademike apo të ftuar të tjerë, sipas një boshti editorial të përcaktuar.

Tre universitetet firmosin sot, në ditën e arsimit kombëtar, një memorandum ku palët bien dakord për bashkëpunim në fushën akademike (shkëmbim kurrikulash, lektorësh dhe ekspertësh në fusha të ndryshme, grupesh studentore; organizim konferencash, seminaresh, workshop, me tematika me interes të përbashkët, etj.); fushën e projekteve (lokale, rajonale dhe më gjerë) dhe krijimin e Qendrës së Studimeve Shqiptare.

Për jehonën mediatike shih dhe:
"Universiteti nga Tirana "Marin Barleti", nga Prishtina Universiteti për Biznes dhe Teknologji, dhe nga Tetova Universiteti shtetëror kanë ndërmarrë nismën për ngritjen e një qendre të studimeve shqiptare" (Intervistë me Mentor Nazarkon) - nga Aleksandër Furxhi.
BBC 16 prill 2008
http://www.bbc.co.uk/albanian/regionalnews/2008/04/080416_sandri_16.shtml

"Lanciatio il centro studi albanese della regione balcanica"
Rinascita Balcanica 17.04.2008
http://rinascitabalcanica.com/?read=8184

UMB vendos partneritet me American University Vienna
Universiteti "Marin Barleti ka vendosur partneritet në nivel akademik me AMERICAN UNIVERSITY VIENNA (WEBSTER), me synim shkëmbimin të stafit akademik dhe modulin "study abroad" për studentët tanë.
Per info të mëtejshme www.webster.ac.at

Tryezë e rrumbullakët: (Elitat politike në këndvështrimin e studentëve)
Ç’do të ndodhte sikur politikanët të qëndronin ulur në një sallë komforte lektoriumi, ndërsa studentët ngjiten në podium e paraqesin kumtesa mbi elitën politike? Ajo që ndodhi mëngjesin e sotëm në Universitetin “Marin Barleti” dhe tryezën e rrumbullakët me temë: “Elitat politike në këndvështrimin e studentëve”.

Përfaqësues të politikës shqiptare si Ermelinda Meksi, Luan Hajdaraga, Pëllumb Xhufi, Lajla Përnaska, Sabit Brokaj, Gaqo Apostoli, etj, asistuan në një minikonferencë me kumtesat e 5 studentëve të vitit të dytë në fakultetin e Shkencave Politike pranë këtij universiteti, duke marrë pjesë në komentet në përfundim të çdo prezantimi. Pikërisht nga këto diskutime rezultoi ideja e nevojës që elitat politike të mos vetëquhen të tilla, e një mekanizmi që t’i përzgjedhë si dhe e një politike që të mund t’i bashkojë ato.

Të ftuarit dhe pedagogët e UMB-së vlerësuan punën e studenteve Blerta Spiraj, Iva Mera, Alsida Gjeçi, Rezarta Stefalla, Isida Begalla, që ndezën debat dhe mblodhën politikanë të sferës së majtë e të djathtë, pedagogë, studentë, gjimnazistë, prindër e përfaqësues të medias, në një eveniment - i pari në llojin e vet në nivelin universitar.

Takimi i organizuar nga pedagogët Zamira Çavo dhe Ermira Danaj të Sociologjisë Politike, drejtuar nga studentët Roland Çelmeta dhe Eda Karaiskaj, u zhvillua në prezencë të mediave dhe u pasua nga një coctail në kafeterinë e universitetit.

Mbi kumtesat e studentëve

Studentet e vitit të dytë të Shkencave Politike në UMB nxorën në pah përqasjet teorike dhe ato aplikative me realitetin konkret shqiptar. Kjo duke u fokusuar fillimisht në konceptin sasior të elitave ku numri i personave të sferës politike të konsideruar elitarë, edhe pse i vogël, nuk përjashton ekzistencën e tyre, siç tha në kumtesën “Elita dhe matësi i saj” Blerta Spiraj.
Shndërrimi i hapësirës publike në hapësirë publicitare nga ana e elitës politike shqiptare (ku ajo reklamon veten dhe programin e partisë përfaqësuese); shndërrimi i debatit politik (përmes universit terminologjik që përmban në vetvete) në debat konflitual; si dhe roli i medias dhe gazetarëve në shpalosjen e aftësive të politikanëve, ishin pikat kryesore të trajtuara nga Iva Mera në “Elitat në debatin politik”.
Po në rast se elita politike në Shqipëri quhet e tillë por nuk është e mirëfilltë? Atëherë ajo nuk i hap rrugë zëvendësimit, hapësirës për të rinjtë jo vetëm në kuptimin e moshës por dhe të mendimit, tha Rezarta Stefalla në “Zëvendësimi i elitave në Shqipëri: zhvillim dhe progres”.
Pas kumtesës “Roli i institucioneve” nga Isida Begalla, kjo tryezë u mbyll me studenten Alsida Gjeçi e cila në “Realiteti shqiptar dhe elitat” u përqëndrua në fushatën zgjedhore dhe ndikimin e procesit zgjedhor në administratë. Ideja përfundimtare e saj ishte nevoja e ndërgjegjësimit të popullit dhe roli i rinisë e i kontributit të saj me një frymë moderuese e largpamëse në komunikimin politik.

Aktiv prej tre vitesh, “Marin Barleti” njihet si një nga universitetet private me stafin më cilësor akademik në vend, dhe përfshirjen në strukturën e tij drejtuese të emrave më në zë të shkencës, ekonomisë, drejtësisë, informacionit, që kanë dhënë e japin kontribut në realitetin shqiptar si akademikë, juristë, analistë politikë, gazetarë etj.

(Tranzicioni dhe liria ekonomike në Shqipëri), lektorium i hapur me Prof. Dr. Anastas Angjelin
Universiteti “Marin Barleti” zhvilloi mëngjesin e ditës së martë lektoriumin e hapur me temë: “Tranzicioni dhe liria ekonomike në Shqipëri” me prof. dr. Anastas Angjelin, ku dhe u promovua libri i tij me të njëjtin titull.

“Përpara 17 vitesh askush s’e dinte çfarë ishte globalizimi. Dhe aq më pak dinin se ç’vend do të zinte Shqipëria në këtë proces. Kur një student më pyeti një herë se ç’ishte globalizmi, mua më erdhi ndërmend princesha e Wales: Diana, angleze nga lindja, që humbi jetën në Francë, shoqëruar me një arab, veshur me një kostum nga Java e Modës në Milano, mbi një makinë Mercedes prodhuar në Gjermani, ndjekur nga paparazzi mbi motorra italianë e me aparate fotografikë prodhuar në Japoni...dhe mendova - Ja, ky është globalizëm!”.

Kështu e nisi bisedën prof. dr. Anastas Angjeli përpara auditorit të mbushur në Universitetin “Marin Barleti”, i ftuar për të mbajtur një lektorium të hapur mbi temën “Tranzicioni dhe liria ekonomike në Shqipëri”, si dhe për të promovuar librin e tij me të njëjtin titull. Shkak për këtë të fundit u bë një eksperiencë e gjatë shqiptare në fazën e tranzicionit, pasqyrimi i së cilës do të shërbente jo vetëm për të analizuar me frymë kritike realitetin ekonomik, por do të perceptohej dhe si një detyrim ndaj atyre figurave politike dhe ekonomike të shtetit që dhanë kontributin e tyre. Me pak fjalë: të dihet historia e ekonomisë, të analizohet përvoja dhe të mësohet prej saj.

“Tranzicioni nga komunizmi në ekonominë e tregut përfaqëson një nga eksperimentet më të rëndësishme të të gjitha kohërave” shkruante Joseph Eugene Stiglitz. Z.Angjeli e shqyrton këtë proces transformimesh politiko-institucionale, duke analizuar reformat e ekonomisë së tregut, si dhe nënshkrimin e Marrëveshjes së stabilizim-asociimit me Bashkimin Europian – si një obligim të madh ndaj këtyre reformave. Për të kryer këtë, është analizuar transformimi nga një ekonomi e centralizuar dhe totalisht e komanduar në një sistem tipik komunist unipartiak (e organizuar në ferma e kooperativa bujqësore, pa ekzistencën e aktiviteteve private apo investime të huaja dhe pa lëvizje të lirë të njerëzve e mallrave - duke çuar në izolim) tek një ekonomi tregu në një sistem pluralist.

Periudha e 17 viteve më parë ishte për Shqipërinë një kolaps i plotë, ku faktori ekonomik u bë dhe faktor social. Z. Angjeli nuk harron të përmendë hapat që u bënë për liberalizimin ekonomik dhe hapjen e moderuar ndaj investimeve të huaja dhe më përpara, në mesin e viteve ’80, nga vetë kreu i shtetit Ramiz Alia. Ndryshimet e mëdha të viteve ’90 - ’91 sollën dhe nevojën e instalimit të ekonomisë së tregut për të përshtatur një proces të ri ekonomik. Dhe është në këtë pikë që shfaqet tranzicioni si kalim nga ndihma asistenciale në reforma të mirëfillta ekonomike. Në veçanti vitet 1997-1998 qenë periudhë stabilizimi e situatës së krijuar në 1996, bazë e përshtatshme për reforma në ekonomi dhe sistemin financiar e bankar (realizuar me efikasitet dhe teknologji moderne, në një kohë që deri në ’97-ën Shqipëria s’kishte banka por firma piramidale). Me gjithë përshkrimin e shkurtër të kësaj periudhe transformimi dhe elementeve më të rëndësishëm të tij (si liberalizimi i tregtisë dhe i sistemit të këmbimit, privatizimi i pronës dhe aktiviteteve, zhvillimi institucional, pasojat, kolapsi i firmave piramidale), z. Angjeli qartëson se "do të duheshin 17 vjet për të përshkruar 17 vjet". Pas kësaj ai ndalet në lirinë ekonomike.

Për matjen e lirisë ekonomike përdoren disa faktorë (si politikat tregtare; barra fiskale e qeverisë; ndërhyrja e qeverisë në ekonomi; politikat monetare; rrjedhja e kapitalit dhe investimet e huaja; bankat dhe financat; pagat dhe çmimet; të drejtat pronësore; kuadri rregullator, tregu informal) të gjithë këto në kuadrin e transformimit. Kjo matje është metodë për shprehjen sintetike të politikave të klimës ekonomike të një vendi.

Aty ku qeveritë kufizojnë popujt, sjellja e tyre ndryshon shpesh (dhe jo për mirë). Historia, në shumë vende të zhvilluara dhe jo vetëm (shih dhe rastin e Shqipërisë në vitin 1997) ka vërtetuar se kur liritë kufizohen dhe orientohen vetëm në një drejtim, populli reagon. Sot liritë në Shqipëri janë të konsiderueshme. Por duhet punë për t’i ruajtur dhe çuar më tej. Në këtë aspekt, qeveritë e dobëta ndikojnë negativisht në mjedisin e biznesit dhe investimet e huaja S’u lanë pa përmendur shqetësimet dhe rreziqet e mundshme, si deficiti buxhetor, ai tregtar, inflacioni i fshehur, papunësia, politikat jo efikase në investimet në ekonomi. Në konkluzionet e arrira, Z. Angjeli u ndal në ato historike, në funksion të lirive ekonomike në vendin tonë për periudhën 1991-2007. Ai tha se tre pikat ku mund të përqendrohemi do të ishin: zgjidhja përfundimtare e çështjes së pronave; puna më e madhe e institucioneve shtetërore me imazhin e Shqipërisë dhe stabilizimi i vendit në rajon e më gjerë.“Të gjithë pyesin kur do të përfundojë tranzicioni, se jeta shkoi në tranzicion etj. Unë them se, në raport me ekonominë e centralizuar, sot Shqipëria e ka kaluar tranzicionin. Privatizimi është kryer totalisht dhe janë instaluar institucionet e ekonomisë së tregut. Po nëse më pyesin në i ka përmbushur Shqipëria standardet që kërkojnë ekonomitë e integruara të rajonit e ato globale, përgjigjja ime është jo. Nuk ka pasur kapërcim total të tranzicionit. Kjo do të kryhet vetëm me hyrjen në BE nëpërmjet marrëveshjes së stabilizim-asociimit”.

Në përfundim, Z. Angjeli iu përgjigj pyetjeve të shumta (mbi sistemin bankar, amnistinë fiskale, trashëgiminë e problemeve ekonomike, kapitalin shqiptar të bankave në Shqipëri, kredidhënien, etj.) të drejtuara nga studentët që kishin mbushur Sallën e konferencave në Universitetin “Marin Barleti”.

Memorandumet e bashkëpunimit: ja partneritetet e institucionalizuara të UMB-së
Pranimi i Universitetit “Marin Barleti”, si i pari universitet shqiptar, në Konsorciumit Europian të Studimeve Politike (ECPR) shënon dhe memorandumin më të fundit të nënshkruar, por jo të parin.
Mes partnerëve të institucionalizuar të UMB, gjatë aktivitetit të tij, përmenden:

- Instituti i Studimeve Publike dhe Ligjore
Memorandimi i bashkëpunimit u nënshkrua nga rektori i Universitetit “Marin Barleti” Prof. Dr. Nikolla Dhamo, dhe drejtori i Institutit të Studimeve Publike dhe Ligjore Gent Ibrahimi.

- Universiteti AAB me seli në Prishtinë (Kosovë)
Memorandimi i bashkëpunimit u nënshkrua nga rektori i Universitetit “Marin Barleti” Prof. Dr. Nikolla Dhamo dhe përfaqësuesi i Universitetit AAB me seli në Prishtinë, Prof. Dr. Ismail Hasani (Prorektor për Marrëdhëniet me Jashtë dhe Zhvillimin), më dt. 5 mars 2007.

- Zyra e Avokatisë HAKANI & ASSOCIATES (Tiranë)
Memorandumi i bashkëpunimit u nënshkrua nga përfaqësuesi i UMB, Prof. Dr. Nikolla Dhamo (Rektor) dhe përfaqësuesi i Hakani&Associates Av. Arben Hakani (titullar), më dt. 16 mars 2007.

- Zyra e Avokatisë KALO & ASSOCIATES
Memorandumi u nënshkrua nga përfaqësuesi i Universitetit “Marin Barleti” Prof. Dr. Nikolla Dhamo (Rektor) dhe partneri drejtues i Kalo&Associates av. Përparim Kalo, më dt. 20 mars 2007.

- Departamenti i Administratës Publike (DAP)
Memorandumi për Partneritet Institucion i Arsimit të Lartë – Institucion Qeveritar u nënshkrua nga dr. Zamira Çavo (Prorektor pranë UMB-së) dhe znj. Blerta Selenica (Drejtore pranë DAP) më dt. 11 dhjetor 2007.

- Shërbimi Kombëtar të Punësimit
Z. Andrea Miço (Drejtor i përgjithshëm) dhe dr. Zamira Çavo (Prorektor), përfaqësues përkatësisht të Shërbimit Kombëtar të Punësimit dhe Universitetit “Marin Barleti”, ishin palët nënshkruese të këtij Memorandumi për Partneritet Institucion i Arsimit të Lartë – Institucion Qeveritar, më dt. 11 dhjetor 2007.

- Partia “Lëvizja Socialiste për Integrim” (LSI)
Z. Ilir Meta (Kryetar) dhe znj. Zamira Çavo (Prorektor) ishin palët nënshkruese të këtij memorandumi, duke përfaqësuar përkatësisht LSI-në dhe Universitetin “Marin Barleti”. Memorandumi për Partneritet Institucion i Arsimit të Lartë – Parti politike daton 6 janar 2008.

Në marrëveshjet e arritura deri tashmë, palët janë pajtuar për bashkëpunim në drejtimet e mëposhtme:
- për zhvillimin e praktikave dhe specializimin e studentëve;
- për promovim të karrierës së studentëve;
- për shkëmbime përvoje në drejtim të përmbajtjes së kurrikulave;
- për promovim të arritjeve dhe shërbimeve të ndërsjellta;
- për bashkëpunime me përfitime të ndërsjellta.
UMB ka ofruar në kuadër të këtij bashkëpunimi vënien në dispozicion të infrastrukturës e kampusit universitar, si dhe organizimin e panaireve të punës për promovimin e karrierës së studentëve.

Universiteti Marin Barleti, universiteti i parë shqiptar që pranohet në Konsorciumin Europian të Studimeve Politike - EPCR (European Consortium for Political Research)
Viti 2008 duket se është hapur më së miri në universitetin “Marin Barleti”.
Nisja e leksioneve pas pushimeve të fundvitit ka përkuar me nënshkrimin e marrëveshjes së rëndësishme të bashkëpunimit mes UMB-së (në veçanti departamentit të Shkencave Politike) dhe Konsorciumit Europian për Kërkimet Politike, i njohur si ECPR (European Consortium for Political Research).

ECPR është një shoqatë e pavarur punimesh kërkimore, e themeluar në vitin 1970 dhe e regjistruar në Mbretërinë e Bashkuar. Ajo mbështet dhe inkurajon trajnimin, studimin dhe bashkëpunimin ndërkombëtar të kërkuesve politikë në Europë e më gjerë. Aktualisht në ECPR marrin pjesë rreth 325 institute evropiane dhe pjesëtarë të asociuar nga më se 40 vende të botës, deri në Zelandën e Re dhe Japoni. Këta pjesëtarë formojnë së bashku një rrjet prej mijëra individësh: shkencëtarë politikë e të marrëdhënieve ndërkombëtare dhe specialistë të studimeve evropiane.
Consorcium for Political Research e ka vendosur tashmë UMB në listën e partnerëve zyrtare, e cila mund të konsultohet në:
http://www.essex.ac.uk/ecpr/membership/currentmembers.aspx
Universiteti “Marin Barleti” arrin të bëhet kështu pjesëtari i parë nga Shqipëria në Konsorciumin Europian të Studimeve Politike, ku impenjohet të jetë një pjesëtar aktiv e të kontribuojë më së miri në fushën e kërkimeve në fjalë.

Lektorium (Shqipëria dhe shqiptarët) me dr. Gilles de Rapper (Instituti i Etnologjisë Mesdhetare të Krahasuar dhe Universiteti i Marsejës, Francë)
Universiteti “Marin Barleti” mirëpriti të hënën, datë 5 nëntor 2007, etnologun francez, specialist të Shqipërisë, dr. Gilles de Rapper. Në kuadrin e lektoriumeve për shoqërinë e hapur u mundësua trajtesa e dr. de Rapper mbi rezultatet e studimeve kërkimore të tij me temë “Shqipëria dhe shqiptarët”. Në përfundim, dr. de Rapper iu përgjigj pyetjeve të studentëve dhe përfaqësuesve të medias në një diskutim të hapur.

Dr. Gilles de Rapper ka studiuar marrëdhënie ndërkombëtare në Universitetin Marne-la-Vallée. Më parë ai ka marrë titullin Ph.d për antropologji sociale në Universitetin Paris X – Nanterre ; doktoratura e mbrojtur në 1998 kishte pikërisht si temë «Kufiri shqiptar. Familja, shoqëria dhe identiteti kolektiv në Shqipërinë e Jugut» (La frontière albanaise. Famille, société et identité collective en Albanie du Sud).

Kërkues në CNRS, Institutin e Etnologjisë Mesdhetare dhe Krahasuese (IDEMEC) në Aix-en-Provence, de Rapper bashkëpunon me Shoqatën franceze të studimeve ballkanike. Punimet e tij trajtojnë çështjet e kufijve dhe lëvizjeve të popullsisë në Evropën Juglindore. Në veçanti studimet kërkimore të tij kanë prekur tema si:
1. Sistemi familjar dhe organizimi shoqëror mes shqiptarëve,
2. Emigrimi dhe mobiliteti: emigrimi i hershëm dhe ai aktual i shqiptarëve drejt Greqisë e Turqisë,
3. Antropologji e kufijve të përbashkët: organizimi hapësinor i vendbanimeve kufitare, roli i shtetit, konceptimi i shtetit dhe kombit në situata ndërkufitare.

Si etnolog specialist për Shqipërinë dhe francez nga kombësia, nuk mund të mungonte një kontakt me Ismail Kadarenë. Autorësi të dyfishtë, në fakt, mbante libri i publikuar në 2004 nga shtëpia botuese Actes Sud «Shqipëria mes legjendës dhe historisë» (LNULLAlbanie entre la légende et lNULLhistoire), një bashkëbisedim dhe analizë mbi veprën e shkrimtarit shqiptar më të përkthyer e vlerësuar në Francë.

Më tepër rreth lektoriumit

Por si lindi e u zhvillua ky interes për vendin tonë?

“Në fund të viteve ’80 rastësisht profesori përmendi një roman të Kadaresë, Prilli i thyer, duke dashur ta sillte si shembull të sistemeve farefisnore në Evropë, - tregon de Rapper. - U frymëzova dhe kërkova të thelloj më tej kërkimet, dhe pse në atë kohë për Shqipërinë nuk kishte shumë material në këtë aspekt. Pushimet në Greqi dhe vizita në Shqipërinë e Jugut qenë një rast për të vështruar për herë të parë nga afër këtë vend, që e pëlqeva shumë. Dhe që u bë frymëzim për doktoraturën (nisur ne 1995) mbi shoqërinë shqiptare, duke analizuar ne veçanti zonën e Devollit.”
Më pas, në 2002 Gilles de Rapper u kthye në Shqipëri për të nisur një kërkim në terren mbi ndikimin e emigracionit, duke marrë si objekt studimi zonën e Lunxhërisë (Gjirokastër). “Si etnolog, jo folklorist, - saktëson de Rapper - i interesuar jo aq për veshjet tradicionale dhe kulturën, sesa për marrëdhëniet sociale brenda kësaj krahine.”
Një vit më vonë, së bashku me një koleg gjeograf francez u kthye në juglindje të Shqipërisë ku realizoi një dokumentar mbi festat fetare e panairet në Voskopojë, Vithkuq, Hoçisht (Devoll). Karakteristike ishte zhvillimi në vende kulti të krishtera të këtyre evenimenteve dhe pjesëmarrja në to edhe e myslimanëve të zonës.
Në 2005 Gilles de Rapper kreu një studim në terren mbi ndarjet e pronave në Gjirokastër, me qëllim krahasimin e fshatrave brenda kësaj zone, tipareve të tyre të ndryshme ekonomike (lidhur me dukuritë e emigracionit, lëvizjet e popullsisë) dhe përkatësisë fetare.

Po studimi kërkimor në zonën e Devollit, cilën hipotezë shtroi dhe në ç’rezultate arriti?

Devolli, zonë në kufi me Greqinë e vizituar nga de Rapper pak pas hapjes së kufirit shqiptar, u mendua si një objekt i mirë kërkimi për të analizuar ndikimin e fuqishëm që ky fenomen (hapja e kufirit, pra) ushtron mbi shoqërinë lokale. Në këtë mënyrë kërkimi kthehej në vëzhgim të shoqërisë shqiptare. Kjo koinçidoi me kohën kur ishte “në modë” fusha e kërkimit mbi antropologjinë e kufijve, zhvilluar deri në atë moment nga dy profesorë në Belfast (Irlandë).

“Ideja fillestare ishte studimi në dy anët e kufirit. Por megjithëse ia dola mbanë të kaloja përmes doganës greke a jashtë saj, në mënyrë legale a ilegale, megjithëse intervistat i zhvillova në të dy anët e kufirit, u përqendrova më shumë në anën shqiptare. Dhe kështu nisa studimin e lëvizjes së popullsisë, kalimet në kufi dhe organizimin farefisnor në këto zona lidhur me fenomenin e emigracionit.
...Kur diçka e papritur ndodhi.
Një faktor i paparashikuar doli gjatë kërkimit ne terren: Feja. Para se të vija këtu besoja në mënyrë të pavetëdijshme, nisur dhe nga ç’kisha lexuar nga antropologjia shqiptare, se në Shqipëri feja nuk luan asnjë rol në jetën shoqërore. Ndërsa në Devoll vija re se njerëzit flisnin gjatë gjithë kohës për Zotin, për fenë. Dhe përkatësitë fetare kishin ndikim të fortë në marrëdhëniet sociale. Për shembull, të krishterët dhe myslimanët në Devoll nuk jetonin në të njëjtin fshat dhe, nëse jetonin në të njëjtin fshat, banonin në lagje të ndryshme. S’kishte pothuaj fare martesa ndërfetare mes myslimanëve dhe të krishterëve. Stereotipet ishin reciproke (“të krishterët-të pabesë”, “myslimanët-të dhunshëm, të prapambetur” etj.). Por ajo që kishte rëndësi ishte fakti që stereotipet ndikonin jetën shoqërore. Dhe kjo është e kundërta e asaj që gjendet në ligjërimet që jemi mësuar të dëgjojmë, dhe jo vetëm në shkrime akademike. Po të pyesje në Devoll se ç’rol luante feja, banorët përgjigjeshin “s’ka rëndësi”, “ne jetojmë bashkë, “jemi vëllezër” etj.”

Ky është interesi i metodologjisë etnografike të quajtur participant observation ose përfshirja afatgjatë në shoqërinë lokale. Kjo metodë fillimisht u zhvillua në fushën kërkimore të antropologjisë sociale, sidomos të Bronisław Malinowski dhe studentëve të tij në Britani, studentëve të Franz Boas në SHBA, dhe kërkimeve urbane të Chicago School of sociology. Participant observation është prirja e disa strategjive kërkimore që synojnë të arrijnë një familjaritet të ngushtë e familjar me një grup të caktuar individësh dhe sjelljet e tyre (si grupe fetare, pune, të një subkulture apo komuniteti të veçantë), përmes një përfshirjeje intensive me njerëzit në ambientin e tyre natyror, shpesh të realizuara në periudha të gjata kohore. Siç thotë dhe de Rapper “Shpenzova 11 muaj në Devoll, duke lëvizur nga fshatrat myslimanë në ata të krishterë, duke u përpjekur të tregoj kujdes ndaj çështjeve fetare, diskutimeve të njerëzve, duke asistuar në ceremoni fetare. Por s’kisha ndërmend të kryeja një kërkim mbi fenë, as nuk kam përdorur pyetësor mbi të.”

Dr. Gilles de Rapper nuk harron të nënvizojë që në zonat ku ka përqendruar studimet e tij kërkimore përkatësia fetare nuk është rreptësisht e aplikuar (“myslimanët pinë alkol, hanë mish derri”). Gjithashtu pranon që situata në zonat rurale (si Devolli), për nga popullsia dhe pozita gjeografike nuk është e njëjtë me organizimin e jetës në metropolet e mëdha (si Tirana, ku banon pothuaj 1/3 e popullsisë kombëtare). Identiteti krahinor është i lidhur me atë urban, por janë dy gjëra të ndryshme.

Pyetjeve të shumta të auditorit që kishte mbushur sallën e konferencave në Universitetin “Marin Barleti”, dr. Gilles de Rapper iu përgjigj duke sjellë si shembull të fundit një studim si “Modernizimi i shoqërisë franceze”, për të cilin dy studiuesit në fjalë zgjodhën një fshat të vogël të Francës.

Sipas ligjit të ologramatikës, çdo pjesë e sistemit mbart informacionin e plotë mbi sistemin. Kështu, në çdo segment të shoqërisë mund të gjendet tërësia e një shoqërie. Dhe ky mund të jetë, sipas dr. Gilles de Rapper, rasti i Devollit.

Më tepër mbi metodologjinë Partecipant observation

Metoda dhe praktika: Kjo metodologji zakonisht përfshin një varg metodash: intervista joformale, vëzhgime të drejtpërdrejta, pjesëmarrje në jetën në grup, diskutime kolektive, analiza të të dhënave personale të prodhuara në grup, vetë-vëzhgim, histori jete. Pra, edhe pse metoda përcaktohet përgjithësisht si kërkim kualitativ, mundet (dhe shpesh kështu ndodh) të ketë përmasa kuantitative. Partecipant observation zakonisht ndërmerret në planin afatgjatë, që shtrihet nga disa muaj në disa vite. Kjo bëhet në mënyrë që studiuesi të jetë në gjendje të mbledhë informacion më të detajuar dhe të saktë mbi njerëzit që po studion. Detaje të dukshme (si përcaktimi i kohës ditore) dhe të tjerë më të fshehur (si sjelljet taboo) janë më të lehta për t’u vëzhguar e kuptuar në periudha të gjata kohore. Duke forcuar vëzhgimin dhe bashkëveprimin për një kohë të gjatë, studiuesi mund të nxjerrë në pah mospërputhjet mes asaj që pjesëmarrësit thonë – dhe shpesh besojnë – se duhet të ndodhë (sistemi formal) dhe asaj që realisht ndodh; ose mospërputhjet mes aspekteve të ndryshme të sistemit formal. Nga ana tjetër, anketimi në një kohë të vetme i përgjigjeve të njerëzve ndaj një seri pyetjesh fikse mund të jetë i pajtueshëm, në përputhje, por ka më pak gjasa të tregojë konfliktet mes aspekteve të ndryshme të sistemit social ose mes perceptimit të vetëdijshëm dhe sjelljes praktike.

Historia dhe zhvillimi: Partecipant observation i ka rrënjët në antropologji dhe si metodologji u themelua nga Frank Hamilton Cushing në studimet e tij kërkimore mbi indianët Zuni në gjysmën e dytë të shekullit XIX, ndjekur nga studimet mbi shoqëritë jo-perëndimore të studiuesve si Bronislaw Malinowski, Edward Evans-Pritchard, Margaret Mead në fillimet e shekullit XX. Metodologjia u shfaq si një qasje ndaj studimeve etnografike të antropologëve dhe u mbështet në kultivimin e marrëdhënieve personale me informues lokalë si një mënyrë për të mësuar rreth një kulture, duke përfshirë vëzhgimin e një grupi si dhe pjesëmarrjen në jetën sociale të tij. Duke jetuar me kulturat të cilat i studionin, këta kërkues ishin në gjendje të formulonin përshtypjet e para dhe të mblidhnin të dhëna të reja falë depërtimit thellë në to. E njëjta metodë studimi është aplikuar gjithashtu mbi grupet në shoqërinë perëndimore, dhe ka rezultuar veçanërisht e suksesshme në studimin e sub-kulturave ose grupeve ku ndahet një ndjenjë e fortë identiteti, ku vetëm duke marrë pjesë vëzhguesi mund të hyjë vërtet brenda jetëve të atyre që po studion.

Që në vitet ’80 disa antropologë dhe shkencëtarë të tjerë socialë kanë vënë në dyshim aftësinë e partecipant observation për të depërtuar realisht brenda mendjeve të njerëzve. Në të njëjtën kohë, një program kërkimor kualitativ më zyrtar, i njohur si grounded theory, ndërmarrë nga Glaser dhe Strauss, nisi të fitonte pikë brenda sociologjisë amerikane dhe fushave të ndërlidhura si shëndeti publik. Të nxitur nga kjo, disa etnografë i kanë përpunuar metodat e tyre, duke u bërë më të vëmendshëm ndaj testimit të hipotezave të përcaktuara, ose duke i strukturuar interpretimet e tyre brenda një epistemologjie të marrë më seriozisht në konsideratë.

Pjesëmarrja “vëzhguese” është përdorur gjithashtu për të përshkruar fushën e studimeve mbi sub-kulturat e minoriteteve seksuale nga antropologë dhe sociologë që kanë qenë vetë trans-bi-homoseksualë. Të folurit ndryshe ka si qëllim të hedhë dritë mbi mënyrën si pjesëmarrja e pjesshme apo e plotë e studiuesve në komunitetin/subkulturën që po studiojnë mundëson:
• një mënyrë depërtimi ndryshe brenda komunitetit dhe
• një formulim të perceptimit të tyre në mënyrë të ndryshme nga ajo e një vëzhguesi krejtësisht të jashtëm.
Kjo është për shembull konsiderata e antropologëve bi-kulturorë mbi një kulturë të cilës pjesërisht i përkasin.

Mirëqeverisja në universitetet jopublike - kusht për sigurimin e cilësisë
Në datë 27 qershor 2006, universiteti "Marin Barleti" organizoi në ambientet e tij një takim në të cilin morrën pjesë pedagogë e bashkëpunëtorë të universitetit, politikbërës e sipërmarrës, prindër dhe studentë që sapo kanë mbaruar vitin e parë.

Me filozofinë e krijimit dhe konsolidimit të universiteteve që projektojnë cilësi dhe jetëgjatësi, qëllimi i këtij takimi ishte prezantimi i bordit të universitetit "Marin Barleti". I përbërë nga njerëz me kontribute të spikatura në fushën akademike, dhe ekspertë në fushën e drejtësisë, ekonomisë, sociologjisë e politologjisë, ky bord do të orientojë politikat e përgjithshme të organizimit, administrimit dhe zhvillimit të universitetit.

Gjatë këtij takimi rektori i universitetit "Marin Barleti", z. Nikolla Dhamo bëri një prezantim të shkurtër të universitetit, mundësitë që ai ofron për studentët tanë, dhe nevojën e drejtimit të këtyre institucioneve nga borde profesionale. Më pas, z. Rexhep Mejdani, në emër të bordit të universitetit "Marin Barleti" foli për ndryshimet që po pëson arsimi i lartë ne Shqipëri, duke u ndalur tek roli dhe funksionet e organeve të tyre qeverisëse.