Prorektori për Çështjet Studentore
I dashur student!
Të uroj mirëseardhjen në Universitetin Marin Barleti,
vendi ku ti vetë do të jesh protagonist i formimit tënd. Ti je, tanimë, pjesë e një komuniteti individësh me
role të shumëllojshme, por me përgjegjësi të barabarta. Këtu pedagogët i kushtojnë rëndësi punës së pavarur,
mënyrës së gjykimit, shkrimit akademik, prezantimit të punimeve, etj. Nëpërmjet sistemit të trajtimit të
çështjeve studentore, pedagogu do të jetë edhe një koleg e mik. Ky është në thelb, edhe parimi udhëheqës i
këtij universiteti: "Studenti në qendër".
Le të punojmë, së bashku, në këtë universitet elitar, për të krijuar një përvojë origjinale kombëtare e
jo vetëm, bazuar në modelet më të mira të botës së sotme.
|
Zyra e aktiviteteve studentore (ZAS) është celula e parë e çdo aktiviteti që organizojnë Barletasit, brenda dhe jashtë kampusit. Zyra e aktiviteteve studentore (ose ZAS) në universitet ndihmon studentët të gëzojnë më shumë arsimin e tyre të lartë jashtë klasave, nëpërmjet pjesëmarrjes në aktivitete të ndryshme që organizohen në UMB.
Unioni Studentor eshte nje perfaqesi studentore pjesemarrese ne miredrejtimin e universitetit dhe organizimin e jetes rinore. Unioni studentor eshte i perbere nga perfaqesues te zgjedhur nga studentet e secilit program studimor. Ai siguron perfaqesimin e tyre ne strukturat akademike te universitetit (Senat) dhe ne struktura te tjera; organizon veprimtari, sherbime, koordinon aktivitetet e studenteve per klubet dhe shoqatat. 
Të gjithë jemi pjesë e shoqërisë, e cila është tërësia e organizatave dhe institucioneve qytetare vullnetare që formojnë themelin e funksionimit të saj. Ashtu si dhe shoqëria klubet, në thelbin e tyre, janë organizma të pavarur, që kanë në qendër studentin. Qëllimi i çdo klubi është të inkurajojë dhe të ndihmojë në zgjerimin e njohurive të përgjithshme dhe të aftësive drejtuese të çdo studenti. 
Alumni "Barleti" nuk është vetëm një zyrë administrate, mes të tjerave, në gjirin e Universitetit Marin Barleti. është pa dyshim më shumë se kaq. Ajo është konceptuar dhe ndërtuar për tu shndërruar në një të ardhme të afërt në një pikë takimi të përhershme midis Universitetit, administratës së tij, shërbimeve që ai afron me studentët që kanë apo janë duke përfunduar studimet në auditorët e tij...